Book List

<h2 style="text-align: center;">အခန်း (၁၇၀)</h2> <h2 style="text-align: center;">မျိုးရိုးဗီဇပေါင်းစပ်ကိရိယာ၏ အပြောင်းအလဲများ</h2> <h2 style="text-align: center;">*</h2> <p> </p> <p> </p> <p>မိုလေ့နှင့် အခြားသုံးဦးက အစုလိုက်အပြုံလိုက် သတ်ဖြတ်နေစဉ် လင်းဖုန်းကလည်း နောက်ကျမကျန်ခဲ့ပေ။ သူသည် မြေပုရွက်ဆိတ်နတ်ဆိုးများဆီသို့ တဟုန်ထိုး ပြေးဝင်သွားသည်။ သူ၏ ခန္ဓာကိုယ်ထဲတွင် ကြယ်တာရာစွမ်းအား မရှိတော့သော်လည်း ဤနတ်ဆိုးများကို ကိုင်တွယ်ရန် ကြယ်တာရာစွမ်းအား လုံးဝမလိုပေ။ သူသည် ဒဏ်ရာရမည်ကို စိုးရိမ်စရာမလိုဘဲ တစ်ကောင်လျှင် လက်သီးတစ်ချက်နှုန်းဖြင့် သတ်ဖြတ်နိုင်သည်။</p> <p>မျက်စိတစ်မှိတ်အတွင်းမှာပင် မြေပုရွက်ဆိတ်နတ်ဆိုးအုပ်ကြီးမှာ အကွဲကွဲအပြားပြားဖြင့် ဖရိုဖရဲ ဆုတ်ခွာထွက်ပြေးသွားကြသည်။ သူတို့သည် နေရာအနှံ့သို့ ထွက်ပြေးသွားကြသဖြင့် စစ်မြေပြင်မှာ ရုတ်ချည်း ပရမ်းပတာဖြစ်သွားသည်။ လင်းဖုန်းတစ်ဦးတည်းတင် မြေပုရွက်ဆိတ်နတ်ဆိုး ၂၁ ကောင်ကို သတ်ဖြတ်နိုင်ခဲ့သည်။</p> <p>ဤတိုက်ပွဲမှတ်တမ်းမှာ အလွန်ပင် အထင်ကြီးစရာ ကောင်းလှသည်။ နတ်ဆိုး ၂၁ ကောင်ဆိုသည်မှာ မိုလေ့နှင့် အခြားသုံးဦး ပေါင်းသတ်သည်ထက်ပင် လင်းဖုန်းတစ်ဦးတည်းက ပို၍ များနေခြင်း ဖြစ်သည်။</p> <p>မြေပုရွက်ဆိတ်နတ်ဆိုး ၂၁ ကောင်မှ ရရှိနိုင်သော အကျိုးပြုတန်ဖိုးမှာ ၁၀၅ မှတ် ဖြစ်သည်။ စစ်သေနာပတိချုပ်တစ်ဦးပင်လျှင် အခြေစိုက်စခန်းတစ်ခုကို ၁၀ နှစ်ကြာ စောင့်ကြပ်မှသာ အကျိုးပြုတန်ဖိုး ၁၀၀ ရရှိနိုင်ခြင်း ဖြစ်သည်။</p> <p>ဤခရီးစဉ်မှာ တကယ့်ကို ကံကောင်းမှုကြီးပင်။ လင်းဖုန်းဖြစ်စေ မိုလေ့နှင့် အခြားသူများဖြစ်စေ အားလုံးမှာ အကျိုးအမြတ် အမြောက်အများ ရရှိခဲ့ကြသည်။</p> <p>လင်းဖုန်း၊ မိုလေ့နှင့် အခြားသိုင်းသမားသုံးယောက် ပူးပေါင်း၍ နတ်ဆိုး ၃၀ ကျော်ကို သတ်ဖြတ်လိုက်သောအခါ စစ်မြေပြင်ရှိ မြေပုရွက်ဆိတ်များမှာလည်း စတင်၍ အလဲလဲအကွဲကွဲ ထွက်ပြေးကြတော့သည်။ သူတို့သည် အလုအယက် ဆုတ်ခွာထွက်ပြေးသွားကြပြီး မြေအောက်သို့ လိုဏ်ခေါင်းများ အမြန်တူး၍ တိုးဝင်ပျောက်ကွယ်သွားကြသည်။ မျက်စိတစ်မှိတ်အတွင်း မြောက်ပိုင်းတောင်တန်းအခြေစိုက်စခန်း အပြင်ဘက် မြေပြင်ပေါ်တွင် လိုဏ်ခေါင်းများစွာ ပေါ်ပေါက်လာသည်။ ၎င်းမှာ အလွန်ပင် များပြားကျယ်ပြန့်လှသော မြင်ကွင်းပင်ဖြစ်သည်။</p> <p>"တကယ်ပဲ မြေပုရွက်ဆိတ်ဘုရင်မ မရှိဘူးပဲ။ ဒီမြေပုရွက်ဆိတ်တွေ ဘာဖြစ်နေကြတာလဲ"</p> <p>လင်းဖုန်း ပတ်ဝန်းကျင်ကို စူးစမ်းကြည့်လိုက်သည်။ ထွက်ပြေးနေသော မြေပုရွက်ဆိတ်များ နေရာအနှံ့ ရှိနေသော်လည်း သူ လိုက်လံသတ်ဖြတ်ရန် စိတ်မဝင်စားပေ။ မြေပုရွက်ဆိတ်များကို ဤမျှ ဖရိုဖရဲ ထွက်ပြေးအောင် လုပ်ရန်မှာ မလွယ်ကူပေ။ ယခင် မြေပုရွက်ဆိတ်ဘုရင်မ ရှိစဉ်က သူတို့ ဆုတ်ခွာလျှင်ပင် စနစ်တကျ ဆုတ်ခွာလေ့ ရှိသည်။</p> <p>"ဟိုလိုဏ်ခေါင်းက တော်တော်ကြီးတာပဲ။ အဲဒါက မြေပုရွက်ဆိတ်တောင်ပို့ဆီကို ဦးတည်နေတာလား"</p> <p>လင်းဖုန်း ကြီးမားသော လိုဏ်ခေါင်းကြီးတစ်ခုကို မြင်လိုက်ရသည်။ စောစောက မြေပုရွက်ဆိတ်နတ်ဆိုး အများအပြားမှာ ထိုလိုဏ်ခေါင်းမှတစ်ဆင့် ထွက်ပြေးသွားကြခြင်း ဖြစ်သည်။ လင်းဖုန်းသည် ၎င်းမှာ မြေအောက်ရှိ မြေပုရွက်ဆိတ်တောင်ပို့နှင့် ဆက်သွယ်ထားကြောင်း သဘာဝကျကျ ဆက်စပ်တွေးတောမိလိုက်သည်။</p> <p>ဤသည်မှာ တစ်သက်တွင် တစ်ခါသာ ရနိုင်သော အခွင့်အရေးပင်။ အကယ်၍ သူတို့သာ မြေပုရွက်ဆိတ်များ အရေးနိမ့်နေခိုက်ကို အခွင့်ကောင်းယူ၍ ပုရွက်ဆိတ်တောင်ပို့အထိ လိုက်လံတိုက်ခိုက်မည်ဆိုပါက မြေပုရွက်ဆိတ် ပြဿနာကို အမြစ်ပြတ် ဖြေရှင်းနိုင်ပေလိမ့်မည်။</p> <p>"ကျွန်တော်တို့ သူတို့နောက်ကို မြေပုရွက်ဆိတ်တောင်ပို့အထိ လိုက်သွားပြီး မြေပုရွက်ဆိတ် ပြဿနာကို အပြီးတိုင် ဖြေရှင်းပစ်ရင်ရော ဘယ်လိုလဲ"</p> <p>လင်းဖုန်း၏ အကြံပြုချက်ကို ကြားလျှင်ပင် မိုလေ့က ခေါင်းခါကာ ပြောလိုက်သည်။</p> <p>"မဖြစ်ဘူး... အဲဒါက အရမ်း အန္တရာယ်များတယ်။ မြေအောက်မှာ ပုရွက်ဆိတ်ဘုရင်မ ရှိနေသေးလားဆိုတာ ဘယ်သူမှ မသိဘူး။ တကယ်လို့ ဘုရင်မနဲ့သာ တိုးရင်တော့ ငါတို့မလွယ်ဘူး။ အရင် တောင်ပိုင်းတောင်တန်းအခြေစိုက်စခန်း စစ်သေနာပတိချုပ် ကျိုးယွင်တုန်းကလည်း အလောတကြီး ရှေ့တိုးခဲ့လို့ တောင်ပိုင်းအခြေစိုက်စခန်းမှာ အကြီးအကျယ် ထိခိုက်ဆုံးရှုံးခဲ့ရတာ မဟုတ်လား"</p> <p>အမှန်စင်စစ် လင်းဖုန်းသည် ထိုမြေပုရွက်ဆိတ်များနောက်သို့ ဆက်လိုက်ရန် အလွန်အမင်း ဆန္ဒရှိနေခြင်း မဟုတ်ဘဲ အကြံပြုရုံသာ ဖြစ်သည်။ မည်သို့ပင်ဆိုစေ မြေပုရွက်ဆိတ် ပြဿနာမှာ မြောက်ပိုင်းအခြေစိုက်စခန်း၏ ကိစ္စသာ ဖြစ်သည်။ သူက ဝင်ရောက်စွက်ဖက်ပြီး အမြစ်ပြတ် ရှင်းထုတ်ရန် ဇွတ်ပြောနေစရာ မလိုပေ။</p> <p>ထို့ပြင် ပုရွက်ဆိတ်ဘုရင်မမှာ တကယ်ပင် ကိုင်တွယ်ရခက်သော ပြဿနာ ဖြစ်သည်။ လက်ရှိ ရှိနေသူ မည်သူမျှ ပုရွက်ဆိတ်ဘုရင်မကို ယှဉ်နိုင်မည်ဟု ယုံကြည်ချက် မရှိကြချေ။</p> <p>"နှမြောစရာပဲ"</p> <p>လင်းဖုန်း နှမြောသလို ခံစားလိုက်ရဆဲပင်။ မြေပုရွက်ဆိတ်များစွာမှာ မြေအောက်ရှိ သူတို့၏ အသိုက်ဆီသို့ ထွက်ပြေးသွားကြပြီ ဖြစ်သည်။ လင်းဖုန်း ထွက်ခွာရန် ပြင်လိုက်စဉ်မှာပင် သူ၏ လက်ပေါ်ရှိ မျိုးရိုးဗီဇပေါင်းစပ်ကိရိယာမှာ ပထမဆုံးအကြိမ်အဖြစ် သိသိသာသာ ပြောင်းလဲလာသည်။</p> <p>"ပင်မစနစ်ကို ရှာဖွေတွေ့ရှိပါသည်"</p> <p>"ပင်မစနစ် ဟုတ်လား... မျိုးဗီဇပေါင်းစပ်ကိရိယာမှာ ပင်မစနစ် ရှိတာလား"</p> <p>လင်းဖုန်း အံ့အားသင့်သွားသည်။ သူသည် အချိန်အတော်ကြာအောင် မျိုးရိုးဗီဇပေါင်းစပ်ကိရိယာနှင့် ပတ်သက်သည့် သတင်းအချက်အလက် သို့မဟုတ် သဲလွန်စအချို့ကို ရှာဖွေရန် ကြိုးစားခဲ့ဖူးသည်။</p> <p>သို့သော် ဘာမှ ရှာမတွေ့ခဲ့ပေ။</p> <p>ထို့ပြင် လက်ရှိ လူသားလူ့အဖွဲ့အစည်းအနေဖြင့် ဤကဲ့သို့ မျိုးရိုးဗီဇပေါင်းစပ်နိုင်သော ကိရိယာမျိုးကို ထုတ်လုပ်နိုင်ရန်မှာ လုံးဝ မဖြစ်နိုင်ကြောင်း သူ ပို၍ သေချာလာသည်။ အနည်းဆုံးတော့ ယခုလက်ရှိ အချိန်ကာလတွင် မဖြစ်နိုင်ပေ။</p> <p>ဤမျိုးရိုးဗီဇပေါင်းစပ်ကိရိယာမှာ အလွန်လျှို့ဝှက်ဆန်းပြားလှသည်။ ဤပစ္စည်းမပါဘဲ လင်းဖုန်းသည် မျိုးရိုးဗီဇကန့်သတ်ချက်ကို ချိုးဖြတ်နိုင်လိမ့်မည် မဟုတ်သလို သူ၏ ထူးဆန်းသော ရောဂါကိုလည်း ကုသနိုင်မည် မဟုတ်ပေ။</p> <p>လင်းဖုန်းသည် မျိုးရိုးဗီဇပေါင်းစပ်ကိရိယာမှာ ပြည့်စုံပြီးသားဟု အမြဲထင်ခဲ့သော်လည်း ယခုတော့ ဤကိရိယာတွင် ရုတ်တရက် အပြောင်းအလဲ ဖြစ်ပေါ်လာခဲ့လေပြီ။ ထို့ပြင် ပင်မစနစ်ကို ရှာဖွေတွေ့ရှိကြောင်း အကြောင်းကြားချက်မှာ အမည်ကို ကြည့်ရုံနှင့်ပင် ဤမျိုးရိုးဗီဇပေါင်းစပ်ကိရိယာမှာ ၎င်း၏ အစိတ်အပိုင်းတစ်ခုသာ ဖြစ်ကြောင်း သိနိုင်သည်။</p> <p>မပြည့်စုံသော မျိုးရိုးဗီဇပေါင်းစပ်ကိရိယာပင် ဤမျှ စွမ်းအားကြီးနေပါက ပြည့်စုံသော ပင်မစနစ်ကြီးဆိုလျှင် မည်မျှ အံ့ဩစရာ ကောင်းလိုက်မည်နည်း။ မျိုးရိုးဗီဇပေါင်းစပ်ကိရိယာ၏ အကြောင်းကြားချက်ကို လင်းဖုန်း တစ်ဦးတည်းသာ သိခြင်း ဖြစ်သည်။ သူ၏ ခန္ဓာကိုယ်ထဲရှိ မျိုးရိုးဗီဇပေါင်းစပ်ကိရိယာ ပူနွေးလာသည်ကိုပင် သူ ခံစားမိသည်။ ထိုကိရိယာ၏ အပြောင်းအလဲမှာ လင်းဖုန်း ကြီးမားသော မြေအောက်လိုဏ်ခေါင်းအနီးသို့ ချဉ်းကပ်ချိန်တွင် ဖြစ်ပေါ်လာခဲ့ခြင်း ဖြစ်သည်။</p> <p>လင်းဖုန်း ထပ်မံစမ်းသပ်လိုသဖြင့် ထိုမြေအောက်လိုဏ်ခေါင်းနားသို့ တမင်တကာ တိုးကပ်သွားလိုက်သည်။ မျှော်လင့်ထားသည့်အတိုင်းပင် မျိုးရိုးဗီဇပေါင်းစပ်ကိရိယာမှာ ပို၍ပင် ပူလာတော့သည်။ နောက်ဆုံးတွင် လင်းဖုန်း၏ အရေပြားပေါ်၌ လမ်းညွှန်ပြသသည့် သင်္ကေတတစ်ခုကဲ့သို့ မြှားတစ်စင်း ပေါ်လာသည်။</p> <p>"ဒါက ငါ့ကို မျိုးရိုးဗီဇပေါင်းစပ်ကိရိယာရဲ့ ပင်မစနစ်ကို ရှာဖို့ လမ်းညွှန်နေတာပဲ။ အဲဒီ ပင်မစနစ်က မြေအောက်လိုဏ်ခေါင်းထဲမှာ ရှိနေတာလား"</p> <p>လင်းဖုန်း အနည်းငယ် ဝေခွဲမရ ဖြစ်သွားသည်။ မျိုးရိုးဗီဇပေါင်းစပ်ကိရိယာမှာ အလွန် အံ့ဩစရာ ကောင်းလှသည်။ ထိုကိရိယာမပါဘဲ ယခုလက်ရှိ လင်းဖုန်းဟူ၍ ဖြစ်လာမည် မဟုတ်ပေ။ ထို့ကြောင့် သူသည် မျိုးရိုးဗီဇပေါင်းစပ်ခြင်း၏ အရင်းအမြစ်နှင့် အသုံးဝင်ပုံများကို အလွန်တရာ သိလိုစိတ်ပြင်းပြနေသည်။</p> <p>ယခုအခါ မျိုးရိုးဗီဇပေါင်းစပ်ကိရိယာ၏ ပင်မစနစ်ကို ရှာဖွေတွေ့ရှိပုံရသဖြင့် လင်းဖုန်းမှာ ပို၍ပင် စိတ်လှုပ်ရှားလာသည်။ သို့သော် မြေအောက်လိုဏ်ခေါင်းထဲတွင် မြေပုရွက်ဆိတ် အမြောက်အမြား ရှိနေသလို ဗိုလ်ချုပ်အဆင့် နတ်ဆိုးဖြစ်သော ပုရွက်ဆိတ်ဘုရင်မလည်း ရှိနေနိုင်သဖြင့် အတိုင်းအတာတစ်ခုအထိ အန္တရာယ် ရှိနေဆဲပင်။</p> <p>"ငါ့ရဲ့ ချပ်ဝတ်က မြေပုရွက်ဆိတ်တွေရဲ့ အက်ဆစ်ကို ခုခံနိုင်တယ်။ ဗိုလ်ချုပ်အဆင့် နတ်ဆိုးကိုတောင် ခုခံနိုင်စွမ်း ရှိနိုင်မယ် ထင်တယ်။ ပြီးတော့ ငါ ပုရွက်ဆိတ်ဘုရင်မနဲ့ မတွေ့တာလည်း ဖြစ်နိုင်တာပဲ။ ငါ မျိုးရိုးဗီဇပေါင်းစပ်ကိရိယာရဲ့ လမ်းညွှန်ချက်နောက်ကို လိုက်သွားပြီးတော့ ပင်မစနစ်ကို ရတာနဲ့ ချက်ချင်း ပြန်ထွက်လာခဲ့လိုက်မယ်"</p> <p>လင်းဖုန်း ဤအခွင့်အရေးကို တကယ်ပင် လက်လွတ်မခံလိုပေ။ မျိုးရိုးဗီဇပေါင်းစပ်ကိရိယာ၏ လျှို့ဝှက်ချက်တစ်ရပ်ကို သူ ဖော်ထုတ်နိုင်တော့မည့် အခြေအနေ ဖြစ်သည်။ ဤအခွင့်အရေးကို သူ မည်သို့ လက်လွတ်ခံနိုင်ပါမည်နည်း။</p> <p>ထို့ကြောင့် လင်းဖုန်းက မိုလေ့အား ပြောလိုက်သည်။</p> <p>"မြေပုရွက်ဆိတ်တွေကတော့ နေရာအနှံ့ပြန့်ကျဲသွားကြပြီ။ မြောက်ပိုင်းတောင်တန်းအခြေစိုက်စခန်းရဲ့ အကျပ်အတည်းလည်း ပြေလည်သွားပါပြီ။ ကျွန်တော် မြေအောက်ကို ဆင်းပြီးတော့ မြေပုရွက်ဆိတ်တွေ ဘာဖြစ်နေလဲဆိုတာ သွားကြည့်ချင်တယ်"</p> <p>မိုလေ့ လန့်သွားသည်။ ထို့နောက် သူက အမြန်တားလိုက်သည်။</p> <p>"မဖြစ်ဘူး... ညီအစ်ကို လင်းဖုန်း... အဲဒါက အရမ်း အန္တရာယ်များတယ်။ မြေအောက်မှာက ဒီလို စွန့်စားဖို့အတွက် တကယ့်ကို အန္တရာယ်ကြီးလွန်းတယ်။ မင်းက ငါတို့ မြောက်ပိုင်းကို ကူညီဖို့ အဝေးကနေ လာပေးတာ။ မင်း တစ်ခုခု ဖြစ်သွားရင် ဘယ်လိုလုပ်မလဲ"</p> <p>"စိတ်မပူပါနဲ့... ကျွန်တော်က မြေပုရွက်ဆိတ်တွေရဲ့ အက်ဆစ်ကို ခုခံနိုင်ပါတယ်။ မြေပုရွက်ဆိတ်တွေ ဘယ်လောက်ပဲ များများ ကျွန်တော့်အတွက် ခြိမ်းခြောက်မှု မဖြစ်နိုင်ပါဘူး။ ပြီးတော့ ကျွန်တော် ကိုယ့်အသက်ကို ပေါ့ပေါ့တန်တန် သဘောမထားပါဘူး။ အမြန်ဆုံး ပြန်လာခဲ့ပါ့မယ်"</p> <p>လင်းဖုန်း မြေအောက်ဆင်းရန် စိတ်ပိုင်းဖြတ်ထားသည်ကို မြင်သောအခါ မိုလေ့က အံကြိတ်ကာ ပြောလိုက်သည်။</p> <p>"မင်း သွားမယ်ဆိုရင်တော့ ငါ မင်းနဲ့အတူ လိုက်ခဲ့မယ်။ ငါတို့ တစ်ယောက်ကိုတစ်ယောက် စောင့်ရှောက်လို့ ရတာပေါ့"</p> <p>လင်းဖုန်း အနည်းငယ် အံ့အားသင့်သွားသည်။ ဤမိုလေ့မှာ အစပိုင်းက လင်းဖုန်း အပါအဝင် တောင်ပိုင်းတောင်တန်းအခြေစိုက်စခန်းမှ သိုင်းသမားများကို အထင်သေးခဲ့သူ ဖြစ်သည်။ လင်းဖုန်းက သူ၏ စွမ်းအားကို ထုတ်မပြခဲ့လျှင် မိုလေ့၏ သဘောထား ပြောင်းလဲလာမည် မဟုတ်ပေ။</p> <p>သို့သော် ယခုတော့ မိုလေ့သည် အလွန်ပင် ဝန်လေးနေသော်လည်း လင်းဖုန်းနှင့်အတူ အန္တရာယ်ရှိသော မြေအောက်ခရီးကို လိုက်ပါရန် ဆန္ဒရှိနေသည်။ အနည်းဆုံးတော့ ဤမိုလေ့တွင် တာဝန်သိစိတ် ပြင်းထန်ပေသည်။</p> <p>အကယ်၍ သူသာ မြေပုရွက်ဆိတ်များ၏ အပြောင်းအလဲကို စုံစမ်းရန် မြေအောက်သို့ တကယ်ဆင်းလိုခြင်း ဖြစ်ပါက လင်းဖုန်းအနေဖြင့် မိုလေ့ကို ငြင်းပယ်စရာ မရှိပေ။ မည်သို့ပင်ဖြစ်စေ မိုလေ့မှာ တတိယအဆင့် သိုင်းသမားတစ်ဦးဖြစ်ပြီး အလွန် အစွမ်းထက်သူ ဖြစ်သည်။ မိုလေ့ ပါဝင်ခြင်းက ပို၍ပင် ဘေးကင်းစေလိမ့်မည်။</p> <p>သို့သော် ယခုတစ်ကြိမ် လင်းဖုန်း မြေအောက်ဆင်းရခြင်းမှာ မျိုးရိုးဗီဇပေါင်းစပ်ကိရိယာ၏ ပင်မစနစ်ကို ရှာဖွေရန် ဖြစ်သည်။ ထိုပင်မစနစ်မှာ မျိုးရိုးဗီဇပေါင်းစပ်ကိရိယာ၏ လျှို့ဝှက်ချက်နှင့် ပတ်သက်နေသည်။ ဤသည်မှာ လင်းဖုန်း၏ အကြီးမားဆုံး လျှို့ဝှက်ချက် ဖြစ်သည်။ ယခုအချိန်အထိ သူ ဤအကြောင်းကို မည်သူ့ကိုမျှ မပြောပြခဲ့ဖူးပေ။ ထို့ကြောင့် သူ မိုလေ့ကို လုံးဝလိုက်ပါခွင့် ပေးလိမ့်မည် မဟုတ်ပေ။</p> <p>"ညီအစ်ကိုမိုလေ့... ခင်ဗျားရဲ့ ကြယ်တာရာစွမ်းအားတွေ အများကြီး ကုန်ဆုံးသွားပြီ မဟုတ်လား။ ကြယ်တာရာစွမ်းအား ပြန်ဖြည့်ဖို့လည်း အချိန်ယူရဦးမယ်။ ခင်ဗျားက မြေပုရွက်ဆိတ်တွေကိုလည်း အပြည့်အဝဆန့်ကျင်နိုင်စွမ်းမရှိဘူးလေ။ ကျွန်တော့်နောက်ကို လိုက်လာရင်လည်း ဘာမှ ထူးမှာ မဟုတ်ပါဘူး။ စိတ်မပူပါနဲ့... ကျွန်တော် အမြန်ဆုံး ပြန်လာခဲ့ပါ့မယ်"</p> <p>မိုလေ့ အနည်းငယ် အနေရခက်သွားသည်။ မှန်ပေသည်။ သူ၏ ကြယ်တာရာစွမ်းအားများမှာ ကုန်ခါနီး ဖြစ်နေသလို မြေပုရွက်ဆိတ်များကို ရင်ဆိုင်ရာတွင်လည်း များစွာ အသုံးမဝင်လှပေ။ သူသည် ခါးသီးစွာ ပြုံးလိုက်မိသည်။ သူကဲ့သို့ တတိယအဆင့် သိုင်းသမားတစ်ဦးမှာ ဝန်ထုပ်ဝန်ပိုး ဖြစ်သွားလိမ့်မည်ဟု သူ မမျှော်လင့်ထားခဲ့ပေ။</p> <p>"ညီအစ်ကိုလင်းဖုန်းက ဒီလောက်အထိ ဇွတ်ဖြစ်နေမှတော့ ငါလည်း မတားတော့ပါဘူး။ ဒါပေမဲ့ မင်းမှာ အချိန် ၃ ရက်ပဲ ရှိမယ်။ အကယ်၍ ၃ ရက်အတွင်း ညီအစ်ကို လင်းဖုန်း ပြန်ထွက်မလာဘူးဆိုရင် ငါကိုယ်တိုင် လူတွေကို ဦးဆောင်ပြီး မြေအောက်ကို လိုက်လာခဲ့မယ်။ ညီအစ်ကို လင်းဖုန်းကို အန္တရာယ်ထဲမှာ ပစ်မထားနိုင်ဘူး"</p> <p>လင်းဖုန်း ခေတ္တမျှ စဉ်းစားလိုက်သည်။ ၃ ရက်ဆိုလျှင် မျိုးရိုးဗီဇပေါင်းစပ်ကိရိယာ၏ ပင်မစနစ်ကို ရှာဖွေရန် လုံလောက်သင့်သည်။ ထို့ကြောင့် သူက ခေါင်းညိတ်ပြပြီး ပြောလိုက်သည်။</p> <p>"ကောင်းပါပြီ... ၃ ရက်အတွင်း ပြန်လာနိုင်အောင် ကျွန်တော် အတတ်နိုင်ဆုံး ကြိုးစားပါ့မယ်"</p> <p>ထိုသို့ပြောပြီးနောက် သူသည် မြေအောက်လိုဏ်ခေါင်းထဲသို့ ခုန်ဆင်းသွားတော့သည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save