Book List

<h2 style="text-align: center;">အခန်း (၄၇၉)</h2> <h2 style="text-align: center;">ဝှက်ဖဲဖြစ်သော နတ်ဘုရားလက်နက် ၊ ခြောက်ဝိညာဉ်အလံ ၊ စူးတု ၊ လူသားအရေခွံဝေါယာဉ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>​စောစောက ကျိချင်းကိုယ်တော်တွင် သတိရှိနေသေးသော်လည်း သူ၏အသိစိတ်မှာ အေးစက်လှသော အငွေ့အသက်တစ်ခု၏ ထိန်းချုပ်မှုကို ခံလိုက်ရခြင်းဖြစ်သည်။</p> <p> မိမိကိုယ်ကို မပိုင်စိုးတော့ဘဲ ဝိညာဉ်ပုံစံဖြင့် ထိုဝေါယာဉ်ရှိရာသို့ တိုက်ရိုက် လွင့်မျောသွားခဲ့ရခြင်းပင်။</p> <p> </p> <p>​သူသည် စိတ်ဝိညာဉ်အခြေအနေဖြင့် ထိုဝေါယာဉ်မှာ လတ်လတ်ဆတ်ဆတ် သွေးများယိုစီးနေသည့် လူသားအရေခွံများဖြင့် ချုပ်လုပ်ထားခြင်းဖြစ်ကြောင်း အထင်အရှား မြင်တွေ့ခဲ့ရသည်။</p> <p>၎င်းမှာ မြင်ရသူအဖို့ ရင်ထိတ်တုန်လှုပ်ဖွယ်ရာပင်။</p> <p> </p> <p>​ထို့ပြင် ညဥ့်ငှက် သို့မဟုတ် ဇီးကွက်ကြီး၏ မျက်လုံးများတွင်လည်း ရက်စက်ကြမ်းကြုတ်မှုနှင့် လောဘဇောများ ပြည့်နှက်နေသည်။</p> <p> </p> <p> အကယ်၍သာ သူသည် ဝေါယာဉ်ထံသို့ ဆွဲယူခံလိုက်ရပါက ထိုဇီးကွက်ကြီး၏ ဝါးမြိုခြင်းကို တစ်ခဏချင်း ခံလိုက်ရပေလိမ့်မည်။</p> <p> </p> <p>​ကံကောင်းထောက်မစွာဖြင့် လီယန်ချူက သူ့ကို ကယ်တင်ပေးခဲ့ခြင်းဖြစ်သည်။</p> <p> </p> <p>​လီယန်ချူ၏ လှုပ်ရှားမှုက ထိုဝေါယာဉ်အတွင်းရှိ အမျိုးသမီးကို တိုက်ရိုက် လှုံ့ဆော်လိုက်သကဲ့သို့ ဖြစ်သွားသည်။</p> <p>လှပသော သတို့သမီးသည် လီယန်ချူကို အေးစက်စွာ တစ်ချက် စိုက်ကြည့်လိုက်သည်။</p> <p>လီယန်ချူအဖို့ သူမမှာ တစ်နေရာရာတွင် မြင်ဖူးသလိုလို ရှိနေသည်။</p> <p> </p> <p> နတ်ဘုရားနယ်မြေ ထဲတွင် တွေ့ခဲ့ဖူးခြင်း ဖြစ်နိုင်ပေသည်။</p> <p> </p> <p>​သို့သော် သူကတော့ ထိုအချက်ကို အလေးမထားခဲ့ပေ။</p> <p>ထိုစဉ်က သူသည် အရှိန်အဝါ အထွတ်အထိပ်သို့ ရောက်နေပြီး ကျင့်စဉ်စွမ်းအားမှာလည်း အမြင့်ဆုံးတွင် ရှိနေခဲ့သည်။</p> <p> လမ်းမှာတွေ့သမျှ လူလာရင်လူသတ်၊ သရဲလာရင်သရဲသတ် အခြေအနေမျိုးမို့ သူမကို အမှတ်အသား အကြီးအကျယ် မရှိခဲ့ခြင်းပင်။</p> <p> </p> <p>​ယခုမူ ထိုသတို့သမီးက သူ့ကို ကြည့်လိုက်သည့် အကြည့်ထဲတွင် သတ်ဖြတ်လိုသော အငွေ့အသက်များ ဝေစီနေသည်။</p> <p>တစ်ပြိုင်နက်တည်းမှာပင် ဆန်းကြယ်လှသော စိတ်ဝိညာဉ်တိုက်ခိုက်မှုတစ်ခုကို တိုက်ရိုက် ပစ်လွှတ်လိုက်တော့သည်။</p> <p> </p> <p>​လီယန်ချူ၏ ဦးခေါင်းထက်တွင် အမည်းနှင့် အဖြူရောင် ထိုက်ကျိပုံရိပ် တစ်ခု ထွက်ပေါ်လာသည်။</p> <p>တစ်ခဏအတွင်းမှာပင် သူရှိနေသော ပတ်ဝန်းကျင်တစ်ခုလုံးမှာ ရေဆေးရောင်ကမ္ဘာအဖြစ် ပြောင်းလဲသွားပြီး နောက်ကွယ်က လူအားလုံးကို အကာအကွယ်ပေးထားရုံမက၊ ရေဆေးရောင် စွမ်းအားစုတစ်ခုကိုလည်း တိုက်ရိုက် ပြန်လည်ပစ်ခတ်လိုက်သည်။</p> <p> </p> <p>​လှပသော သတို့သမီး၏ စိတ်ဝိညာဉ်တိုက်ခိုက်မှုမှာ ထိုရေဆေးရောင် စွမ်းအားစု၏ ဖျက်ဆီးခြင်းကို ခံလိုက်ရပြီး၊ သတို့သမီးမှာ မိုးကြိုးပစ်ခံရသလို တုန်လှုပ်သွားတော့သည်။</p> <p>သူမ၏ သပ်ရပ်လှပလှသော မိတ်ကပ်များပေါ်တွင် သွေးများ စိမ့်ထွက်လာသည်။</p> <p>ဤသည်မှာ စိတ်ဝိညာဉ် ကို တိုက်ရိုက် ထိခိုက်သွားခြင်းပင်။</p> <p> </p> <p>​သူမသည် ချိကဲဘက်ဂိုဏ်း ၏ ကောင်းကင်ဘုရင်လေးပါးအနက်မှ တစ်ပါးဖြစ်သော စူးတုကောင်းကင်ဘုရင် ပင် ဖြစ်သည်။</p> <p> </p> <p> ဒီတစ်ကြိမ်တွင် သူမသည် လျူမိသားစုဘိုးဘွားခန်းမသို့ လာရောက်ရခြင်းမှာ အစွမ်းထက်လှသော နတ်ဘုရားလက်နက်တစ်ခုကို ရှာဖွေရန်ဖြစ်သည်။</p> <p> </p> <p>​၎င်းမှာ လျူမိသားစုဘိုးဘွားခန်းမတစ်ခုလုံး လည်ပတ်နေစေရန် ထိန်းချုပ်ထားသည့် ဗဟိုချက်... ခြောက်ဝိညာဉ်အလံ ပင် ဖြစ်သည်။</p> <p> </p> <p>သူမသည် ထိုသတင်းအချက်အလက်ကို မတော်တဆ ရရှိခဲ့ခြင်းဖြစ်ပြီး ထူးခြားသော အရာတစ်ခုကို အသုံးပြုကာ ဘိုးဘွားခန်းမအတွင်းသို့ ဝင်ရောက်လာခဲ့ခြင်းဖြစ်သည်။</p> <p> </p> <p>​ထိုနီရဲသော ဝေါယာဉ်အတွင်း၌ မူလက လက်မထပ်ရသေးဘဲ ရက်ရက်စက်စက် သေဆုံးခဲ့ရသည့် လှပသော အမျိုးသမီးငယ်တစ်ဦး ရှိခဲ့သည်။</p> <p>သူမတွင် နာကြည်းချက် အလွန်ကြီးမားလှသဖြင့် ဤထူးဆန်းသော မြို့ကလေးတွင် အလွန်ပင် ကြောက်မက်ဖွယ်ကောင်းသော သရဲအမျိုးအစားတွင် ပါဝင်သည်။</p> <p> </p> <p>​ထိုမျှမက သူမတွင် ကိုယ်ပိုင် အဖွဲ့အစည်းတစ်ခု ရှိနေသေးသည်။</p> <p>ဝေါယာဉ်ထမ်းသရဲများမှာ တစ်ကောင်ချင်းစီတိုင်းမှာ သရဲစိမ်းများဖြစ်ကြပြီး၊ မောင်းသံ စည်သံတီးခတ်နေသော တူရိယာများမှာလည်း လူ၏ဝိညာဉ်ကို ထိခိုက်စေနိုင်သည့် ထူးခြားသော နာရေးသုံးပစ္စည်းများ ဖြစ်ကြသည်။</p> <p> </p> <p>​ထိုမင်္ဂလာဆောင်အဖွဲ့၏ စုစုပေါင်းတိုက်ခိုက်ရေးစွမ်းရည်မှာ ဤမြို့ကလေးတွင် ထိပ်တန်းစာရင်းဝင်လှသည်။</p> <p> </p> <p>စူးတုသည် ဘိုးဘွားခန်းမထဲသို့ ဝင်ရောက်ပြီးနောက် အခွင့်ကောင်းယူကာ ဗဟိုချက်ကို လုယူရန်နှင့် ထိုအစွမ်းထက်လှသော ခြောက်ဝိညာဉ်အလံ ကို ထိန်းချုပ်ရန် ကြံစည်ခဲ့သည်။</p> <p> သို့သော် ကိစ္စရပ်များမှာ သူမထင်သလို မလွယ်ကူကြောင်း သိလိုက်ရသည်။</p> <p> </p> <p>​ခြောက်ဝိညာဉ်အလံသည် အလွန်အစွမ်းထက်သော နတ်ဘုရားလက်နက်ဖြစ်ပြီး ဘိုးဘွားခန်းမ ဖြစ်ပေါ်လာခြင်းအပေါ် သက်ရောက်မှုရှိခဲ့သည်မှာ အမှန်ပင်။</p> <p>သို့သော် ယခုအခါ ဘိုးဘွားခန်းမနှင့် ထိုမြို့ကလေးတစ်ခုလုံးသည် ထူးခြားသော တည်ရှိမှုတစ်ခု ဖြစ်လာခဲ့ပြီဖြစ်ရာ ခြောက်ဝိညာဉ်အလံ မရှိလျှင်ပင် ဆက်လက်တည်ရှိနေနိုင်ချေ ရှိသည်။</p> <p> </p> <p>​ထို့ပြင် ဘိုးဘွားခန်းမအတွင်း၌ အစွမ်းထက်လှသော သရဲရိပ် တစ်ခု ရှိနေသည်။</p> <p>သူမသည် ထိုသရဲရိပ်နှင့် ခေတ္တမျှ ရင်ဆိုင်ခဲ့ဖူးရာ ထိုအရာ၏ စွမ်းရည်မှာ အလွန်ပင် ဆန်းကြယ်ပြီး လုံးဝသတ်၍မရနိုင်ကြောင်း တွေ့ရှိခဲ့ရသည်။</p> <p> </p> <p>​ထို့ကြောင့် စူးတုသည် လျင်မြန်စွာ ဆုတ်ခွာခဲ့ရသည်။</p> <p>သူမသည် မြို့ထဲမှ အခြားသော အစွမ်းထက်သည့် သရဲတစ်ကောင်ကို ရှာတွေ့ခဲ့ပြီး ထူးခြားသော အရာတစ်ခုကို အသုံးပြုကာ ထိုသရဲ၏ ကိုယ်ထဲသို့ ဝင်ရောက်ပြီး ဝိညာဉ်ကို သိမ်းပိုက်လိုက်ခြင်း ပင် ဖြစ်သည်။</p> <p> </p> <p>​သာမန်လူများတွင် သရဲပူးခြင်း  ကို ကြုံရတတ်သလို၊ ကျင့်ကြံသူများသည်လည်း တစ်ခါတစ်ရံတွင် မိစ္ဆာပူးကပ်ခြင်းကို ခံရကာ လူသား၏ ရုပ်ကလာပ်ကို သရဲက ယူဆောင်၍ လူပြန်ဖြစ်ရန် ကြိုးစားတတ်ကြသည်။</p> <p> </p> <p>သို့သော် အရှင်လတ်လတ် လူသားတစ်ဦးက သရဲ၏ ခန္ဓာကိုယ်ကို ပြန်လည်သိမ်းပိုက်ကာ အလင်းမှ အမှောင်သို့ ပြောင်းလဲသွားခြင်းမှာမူ တစ်ခါမျှ မကြားဖူးသော ကိစ္စပင်။</p> <p> </p> <p>​ယခုမူ စူးတုက ထိုကိစ္စကို လုပ်ဆောင်နိုင်ခဲ့ပြီ</p> <p>​သို့သော် သူမသည် ထိုသရဲခန္ဓာကိုယ်ကို သိမ်းပိုက်ပြီးစသာ ရှိသေးသဖြင့် ထူးခြားသော တည်ရှိမှုတစ်ခုအဖြစ် ပြောင်းလဲသွားကာ ဤစွမ်းအားကို အပြည့်အဝ မထိန်းချုပ်နိုင်သေးပေ။</p> <p> </p> <p> သူမသည် ထိုအခြေအနေကို အသုံးချပြီး ဘိုးဘွားခန်းမအတွင်းရှိ ထိုသရဲရိပ် ပိုင်ဆိုင်ထားသောအရာကို လုယူရန် ကြိုးစားနေခြင်းဖြစ်သည်။</p> <p>ထိုသို့သာ သရဲခန္ဓာကိုယ်နှင့် အပြည့်အဝ ပေါင်းစည်းနိုင်ပါက သူမသည် တတိယအဆင့် ကျင့်စဉ် သို့ တစ်ရှိန်ထိုး တက်လှမ်းနိုင်မည်ဟု မျှော်လင့်ထားသည်။</p> <p> </p> <p>​အကယ်၍ ထိုအဆင့်သို့ ရောက်သွားပါက သူမ စူးတု၏ အခွင့်အရေးများကို မည်သူမျှ လွယ်လွယ်နှင့် လုယူနိုင်တော့မည် မဟုတ်ပေ။</p> <p> </p> <p> သူမသည် ပို၍ အစွမ်းထက်သော စွမ်းအားများကို ပိုင်ဆိုင်ကာ မိမိလုပ်ချင်သောအရာကို လုပ်နိုင်ပေလိမ့်မည်။</p> <p> </p> <p>​ဝုန်းးး</p> <p> </p> <p>​လီယန်ချူ၏ စိတ်ဝိညာဉ်စွမ်းအားက နောက်ထပ် ရေဆေးရောင် စွမ်းအားစုတစ်ခုကို ပစ်လွှတ်လိုက်ရာ ထိုလူသားအရေခွံဝေါယာဉ်ကို အပေါက်ကြီးတစ်ခု ဖြစ်သွားစေသည်။</p> <p> </p> <p>​စူးတု၏ မျက်လုံးများတွင် ဒေါသရိပ်များ ယှက်သန်းလာသည်။</p> <p> </p> <p>"နောက်တစ်ခါ မင်းပဲလား"</p> <p> </p> <p>​တစ်ဖက်တွင်လည်း သူမ စိတ်ထဲ၌ အံ့အားသင့်နေမိသည်။</p> <p>ထိုလူငယ်တာအိုဆရာသည် မြို့ကလေးအတွင်းသို့ ရောက်လာပြီးသည့်တိုင်အောင် ဤမျှ ပြင်းထန်သော စွမ်းအားများကို ပိုင်ဆိုင်နေဆဲဖြစ်ရာ တကယ့်ကို မိစ္ဆာတစ်ကောင်ကဲ့သို့ပင်။</p> <p> </p> <p>​သူမ စီးနင်းလာသော ဤဝေါယာဉ်မှာ သရဲများကို ဖိနှိပ်နိုင်သည့် အစွမ်းထက်သော နာရေးသုံးပစ္စည်းတစ်ခု ဖြစ်သော်လည်း၊ ထိုလူငယ်တာအိုဆရာ၏ တစ်ချက်တည်းသော တိုက်ခိုက်မှုဖြင့် ပေါက်ပြဲသွားခဲ့ရသည်။</p> <p> </p> <p>​"ဒီစိတ်ဝိညာဉ်စွမ်းအားက ဘာလို့ မြင်ဖူးသလိုလို ဖြစ်နေရတာလဲ "</p> <p> </p> <p>​စူးတု၏ အတွေးများမှာ အလွန်မြန်ဆန်လှသည်။</p> <p> </p> <p> ရုတ်တရက် တစ်စုံတစ်ခုကို သူမ သတိရသွား၏။</p> <p> </p> <p>"ဒါ... လုံဟူရှန်းတောင်ရဲ့ ထိုက်ကျိယင်ယန် လျှို့ဝှက်ကျင့်စဉ် "</p> <p> </p> <p>​စူးတုက အလန့်တကြား အော်ဟစ်လိုက်သည်။</p> <p> </p> <p>ဤသူငယ်ကို မဖြစ်မနေ သတ်ပစ်ရမည်။</p> <p>မဟုတ်ပါက နောင်တွင် အကြီးအကျယ် ဘေးဒုက္ခပေးမည့်သူ ဖြစ်လာပေလိမ့်မည်။</p> <p> </p> <p>​သူမ၏ မျက်လုံးအစုံတွင် ဆန်းကြယ်သော အငွေ့အသက်များ ယိုစိမ့်လာသည်။</p> <p>လီယန်ချူတွင် စောစောကကဲ့သို့ ပြင်းထန်လှသော သွေးချီစွမ်းအား များ မရှိတော့သလို၊ မည်သည့် အစွမ်းထက်သော မှော်လက်နက်များကိုမျှလည်း ထုတ်မသုံးနိုင်သေးသည်ကို သူမ ရိပ်မိလိုက်သည်။</p> <p> </p> <p>ဒါဟာ အကောင်းဆုံး အခွင့်အရေးပဲ</p> <p>​အကယ်၍ ထိုနေရာတွင် ထိုလူငယ်တာအိုဆရာကို သူမ မသတ်နိုင်ပါက၊ မြို့ကလေးအပြင်ဘက်သို့ ရောက်သွားသည်နှင့်...</p> <p> </p> <p>စူးတုသည် အမှောင်စိတ်ဝိညာဉ် ကို မစုစည်းနိုင်ဘဲ အလင်းဝိညာဉ် အဖြစ် မပြောင်းလဲနိုင်သေးသရွေ့ ဒုတိယအဆင့် ကျင့်စဉ်၏ တံခါးဝတွင်သာ ဆက်လက် ပိတ်မိနေပေလိမ့်မည်။</p> <p> </p> <p>​သို့ဆိုလျှင် ထိုလူငယ်တာအိုဆရာ၏ ပြိုင်ဘက် ဖြစ်နိုင်တော့မည် မဟုတ်ပေ။</p> <p> </p> <p>စောစောက နတ်ဘုရားနယ်မြေအတွင်း၌ ထိုလူငယ်တာအိုဆရာသည် အရပ်မျက်နှာအနှံ့ကို အပြတ်ရှင်းခဲ့သည် မဟုတ်ပါလား။</p> <p> </p> <p>​တန်ခိုးကြီးလှသော ရဟန္တာပုံရိပ် များနှင့် ထောင်ယဲ့စိတ်ဝိညာဉ်အရိပ်များကိုပင် သူက အလွယ်တကူ နှိမ်နင်းခဲ့ခြင်းဖြစ်သည်။</p> <p> </p> <p>​ဝေါယာဉ်ထမ်းသရဲများသည် ပို၍မြူးကြွစွာဖြင့် မောင်းထု စည်တီးနေကြသည်။</p> <p> </p> <p>သို့သော် သူတို့၏ မျက်လုံးများမှာမူ နာကြည်းချက်များဖြင့် ပြည့်နှက်နေကာ ကြည့်ရသည်မှာ အလွန်ပင် ကျောချမ်းစရာ ကောင်းလှသည်။</p> <p> </p> <p>​ဟင်းလင်းပြင်တစ်ခုလုံးတွင် နားကွဲလုမတတ် ဆူညံလှသော မိစ္ဆာဂီတသံ များ ဖုံးလွှမ်းသွားပြီး ပတ်ဝန်းကျင်ရှိ အိမ်ခြေများမှာလည်း လေတိုက်ခံရသလို တဂျိဂျိနှင့် မြည်ဟည်းနေတော့သည်။</p> <p> </p> <p>အေးစက်သော လေကြမ်းများ တိုက်ခတ်လာပြီး မရေမတွက်နိုင်သော သရဲရိပ်များမှာ လွတ်မြောက်ရန် ရုန်းကန်နေကြသကဲ့သို့ ရှိနေသည်။</p> <p> </p> <p>​ပတ်ဝန်းကျင်တစ်ခုလုံးမှာ အလွန်ပင် ကြောက်မက်ဖွယ်ကောင်းပြီး ဖိအားများဖြင့် ပြည့်နှက်နေသည်။</p> <p> </p> <p>ကံကောင်းစွာဖြင့် ယခုအချိန်တွင် ကျန်းဝေတို့အဖွဲ့မှာ လီယန်ချူ၏ စိတ်ဝိညာဉ်စွမ်းအား၏ အကာအကွယ်အောက်တွင် ရှိနေခြင်းဖြစ်သည်။</p> <p>သူ၏ ထိုက်ကျိယင်ယန် ကျင့်စဉ် မှာ အလွန်ပင် ထူးခြားလှသည်။</p> <p> မဟုတ်ပါက သူတို့အားလုံးသည် ထိုထူးဆန်းလှသော မောင်းသံစည်သံများအောက်တွင် သူတို့၏ စိတ်ဝိညာဉ်များ တစ်ခဏချင်း ပေါက်ကွဲပျက်စီးသွားပေလိမ့်မည်။</p> <p> </p> <p>​လီယန်ချူမှာမူ ထိုဝေါယာဉ်အတွင်းရှိ လူသေပုံစံနှင့် သတို့သမီးသည် သူ့အပေါ် အဘယ်ကြောင့် ဤမျှ သတ်ဖြတ်လိုစိတ် ပြင်းပြနေရသည်ကို နားမလည်ပေ။</p> <p> သို့သော် သရဲမိစ္ဆာများ လှည့်လည်နေသော ဤဆန်းကြယ်သည့် မြို့ကလေးတွင် သင့်ကိုသတ်ချင်သည့် သရဲတစ်ကောင်နှင့် တိုးခြင်းမှာ ထူးဆန်းသော ကိစ္စတော့ မဟုတ်ပေ။</p> <p> </p> <p>​သူသည် ဦးခေါင်းထက်မှ ထိုက်ကျိပုံရိပ်ကို ထိန်းချုပ်ကာ ရေဆေးရောင် စွမ်းအားစုတစ်ခုကို ပစ်လွှတ်လိုက်ပြန်သည်။</p> <p> </p> <p>ဗုန်း ဗုန်း ဗုန်း</p> <p> </p> <p>​ဝေါယာဉ်ထမ်းသရဲ သုံးကောင်မှာ ရေဆေးရောင် စွမ်းအားစု၏ ရိုက်ခတ်မှုကြောင့် တစ်ခဏချင်းပင် လွင့်စင်ပျောက်ကွယ်သွားရသည်။</p> <p> </p> <p>ထိုစိတ်ဝိညာဉ်စွမ်းအား၏ စွမ်းပကားမှာ အလွန်ပင် ကြီးမားလှပြီး ရန်သူကို ဖိနှိပ်နိုင်စွမ်းရှိလှသည်။</p> <p> </p> <p>​အတိတ်ကာလက နတ်ဆရာကြီး  သည် တစ်လောကလုံးတွင် ပြိုင်ဘက်ကင်းခဲ့ပြီး စောစီးစွာပင် ယန်ဝိညာဉ်  အဆင့်သို့ ရောက်ရှိခဲ့ခြင်းမှာလည်း ထိုအစွမ်းထက်လှသော စိတ်ဝိညာဉ်ကျင့်စဉ်နှင့် မကင်းပေ။</p> <p> </p> <p>​ထူးဆန်းလှသော နှဲသံများနှင့် မောင်းသံစည်သံများမှာ ခေတ္တမျှ ပြတ်တောက်သွားသော်လည်း၊ ကျန်ရှိနေသော ဝေါယာဉ်ထမ်းသရဲများမှာ လီယန်ချူကို ဆက်လက်တိုက်ခိုက်နေကြဆဲဖြစ်သည်။</p> <p> အသံများမှာ ပို၍ စူးရှလာပြီး လီယန်ချူ၏ ဦးနှောက်အတွင်းသို့ သံအပ်များဖြင့် ထိုးစိုက်နေသကဲ့သို့ ခံစားရစေသည်။</p> <p> </p> <p>​ဘေးလွှဲအတတ်</p> <p>​လီယန်ချူသည် ဟွမ်ထင်တာအိုကျမ်း ထဲတွင် မှတ်တမ်းတင်ထားသော ထိုဆန်းကြယ်သည့် အတတ်ကို အသုံးပြုကာ မိမိခံရမည့် ဒဏ်ရာများကို အခြားသို့ လွှဲပြောင်းလိုက်သည်။</p> <p> </p> <p>​ထို့နောက် ရေဆေးရောင် စွမ်းအားစုတစ်ခုကို ထပ်မံပစ်လွှတ်လိုက်ပြန်ရာ...</p> <p> </p> <p>ဝုန်းးးးး ဝုန်းးးးး</p> <p> </p> <p>​သူသည် ထိုဆန်းကြယ်သော သတို့သမီးနှင့် အကြိတ်အနယ် တိုက်ခိုက်နေတော့သည်။</p> <p> </p> <p>မျက်နှာသေနှင့် ဖြူဖျော့နေသော ဝေါယာဉ်ထမ်းသရဲများမှာ တစ်ကောင်ပြီးတစ်ကောင် သူ၏သတ်ဖြတ်ခြင်းကို ခံရကာ ဝိညာဉ်များ ပျောက်ကွယ်ကုန်သည်။</p> <p>လူသားအရေခွံဝေါယာဉ်ကြီးမှာလည်း သူ၏တိုက်ခိုက်မှုကြောင့် အပိုင်းပိုင်းအပြတ်ပြတ် ပျက်စီးနေချေပြီ။</p> <p> </p> <p>​ယခုအချိန်တွင် လျူမိသားစုဘိုးဘွားခန်းမ၏ အတွင်းရော အပြင်မှာပါ ကောင်းကင်တုန်ဟီးလောက်သော ပေါက်ကွဲသံများနှင့် သတ်ဖြတ်သံများ ထွက်ပေါ်နေတော့သည်။</p> <p> </p> <p>​ရှစ်ထောင့်မျှော်စင်အတွင်းရှိ ထိုအနက်ရောင်အရိပ်မှာ သူ၏ရှေ့မှ အလင်းမျက်နှာပြင်ကို ကြည့်ရင်း၊ ဘိုးဘွားခန်းမအပြင်ဘက်မှ မြင်ကွင်းကြောင့် မနေနိုင်ဘဲ အသက်ရှူပင် မှားသွားတော့သည်။</p> <p>***</p> <p> </p>


Save