Book List

<p>"ဦးကြီးရဲ့အဖြစ်ကတော့ အဲ့ဒါပါပဲငါ့တူတို့ရယ်။"</p> <p> </p> <p>ဦးကြီးရန်နောင်က သူကြုံတွေ့ခဲ့ရတာတွေကို ပြန်ပြောပြပြီးတာနဲ့ ရေ‌နွေးကြမ်းတစ်ခွက်ကို တစ်ကျိုက်တည်းမော့သောက်ချလိုက်တယ်။</p> <p> </p> <p>" ဒါနဲ့ဦးကြီးသတိပြန်ဝင်လာတုန်းမှာ ဘယ်လိုခံစားရလဲ။"</p> <p> </p> <p>"အေးကွ။ အဲ့ဒါကိုပြောဖို့မေ့ကျန်ခဲ့တယ်။"</p> <p> </p> <p>ဦးကြီးရန်နောင်က သောက်လက်စရေ‌နွေးကြမ်းခွက်ကို ချလိုက်ပြီး ဆက်ပြောပြပါသေးတယ်။</p> <p> </p> <p>" ဒီလိုကွ။ အဲ့လိုမျိုးအရူးကြီးတစ်ယောက်လို လျောက်သွားနေတဲ့ ငါ့ကိုယ်ငါပြန်မြင်နေရတယ်ဟေ့။ လွယ်လွယ်ပြောရရင်တော့ ငါ့ခန္ဓာကိုယ်ထဲမှာ ရှိနေတဲ့သူက တကယ့်အစစ်အမှန်ငါမဟုတ်တော့ဘူးပေါ့။ ငါ့ခန္ဓာကိုယ်ထဲကို ပြန်ဝင်နိုင်ဖို့ အကြိမ်ကြိမ်ကြိုးစားကြည့်ပေမဲ့ ငါပြန်ဝင်လိုက်တိုင်းရင်ဘတ်နေရာက စူးကနဲအောင့်အောင့်လာတယ်။ နောက်ပြီး ငါ့ကိုအဝေးတစ်နေရာတွန်းပို့လိုက်သလိုခံစားရတယ်။ ငါ့တူပေးတဲ့ မုန့်တွေစားပြီးတဲ့နောက် ငါ့ရဲ့နာမ်ခန္ဓာက အရင်လိုမဟုတ်တော့ပဲ ထူးခြားလာတာကိုသတိထားမိပြီး ငါ့ရဲ့မူလခန္ဓာကိုယ်ထဲကို ပြန်ဝင်ဖို့ကြိုးစားကြည့်လိုက်တာ အောင်မြင်သွားတယ်ဆိုပါတော့။"</p> <p> </p> <p>"အင်းဗျာ။ ဒီအကြောင်းတွေကြားရတော့လည်း ထူးတော့ထူးဆန်းသားဗျ။ "</p> <p> </p> <p>ဘေးကနားထောင်နေတဲ့ကိုဖိုးတေက စကားဝိုင်းထဲကိုဝင်ရောက်မှတ်ချက်ပြုပြီး ကိုမိုးကြိုးကတော့ ခေါင်းကိုသာ တဆတ်ဆတ်ငြိမ့်ရင်း တစ်ခုခုကိုစဉ်းစားနေတယ်။</p> <p> </p> <p>"အဘတို့ကစကားကောင်းနေကြတာကိုး။ သမီးပြန်လာတာကိုတောင် သတိမထားမိကြဘူး။"</p> <p> </p> <p>အသံမပေးဘာမပေးနဲ့ လဲ့ကြည်ပြာပြန်ရောက်လာတော့ ထိတ်ထိတ်ပြာပြာဖြစ်သွားတဲ့ ဦးကြီးရန်နောင်ကိုသတိထားလိုက်မိတယ်။ အဓိကကတော့ သူဟာ သိုက်တွေကိုလိုက်လံတူးဖော်နေတဲ့ သိုက်ဆရာတစ်ယောက်ဆိုတာ သမီးဖြစ်သူသိစေချင်ပုံမပေါ်ဘူး။</p> <p> </p> <p>"ဟုတ်ပါ့ငါ့ညီမရာ။ ဦးကြီးက အစ်ကိုတို့ကို ကျေးဇူးတင်စကားတွေပြောနေတာလေ။"</p> <p> </p> <p>"ဟုတ် ဟုတ်တာပေါ့သမီးရယ်။ အဘကို ကယ်တင်ပေးခဲ့တဲ့ ဒီကတူတော်မောင်တွေကိုကျေးဇူးတင်လို့မဆုံးတဲ့အကြောင်းပြောပြနေတာကွဲ့။"</p> <p> </p> <p>ဒီလိုအခြေအနေမျိုးဆိုရင် အားကိုးရတဲ့ ကိုဖိုးတေရဲ့ စကားလမ်းကြောင်းလွှဲမှုကြောင့် ဦးကြီးရန်နောင် အသက်ရှူချောင်သွားခဲ့တယ်။</p> <p> </p> <p>" ဟုတ်ကဲ့ပါအဘရယ်။ အဘကိုလေ ဒီလိုကျန်းကျန်းမာမာနဲ့ ပြန်တွေ့ရတာ သမီးဖြင့်သိပ်ဝမ်းသာတာပဲသိလား။"</p> <p> </p> <p>"အင်းပါသမီးရယ်။ အဘလေ သမီးစိတ်ပူရမဲ့အလုပ်တွေမလုပ်တော့ဘူးနော်။"</p> <p> </p> <p>"ဟုတ်ကဲ့အဘ။ ဒါနဲ့လေ ရွာထဲက ကိုမိုးကြီးတို့က ဟင်းစားပေးတာနဲ့ တစ်တွဲယူလာခဲ့လိုက်တယ်။ အဲ့ဒါအဘတို့အတွက် ဒီညတော့ ဟင်းကောင်းပြီ။"</p> <p> </p> <p>"သမီးကြိုက်သလိုသာစီစဉ်ပါကွယ်။ အဘကတော့ သမီးလက်ရာဆို ဘာနေနေအကုန်ကြိုက်ပြီးသားပဲ။"</p> <p> </p> <p>"ဟုတ်ဟုတ်အဘ။ဒါဆိုသမီးဟင်းချက်ဖို့ ပြင်ဆင်လိုက်အုံးမယ်နော်။"</p> <p> </p> <p>" အေးအေးသမီး။ သမီးလက်ရာကိုစားရဖို့ စောင့်နေမယ်နော်။"</p> <p> </p> <p>ဦးကြီးရန်နောင်ရဲ့သမီးက ကျုပ်တို့အတွက်ချက်ပြုတ်ပြင်ဆင်ပေးပြီးတာနဲ့ ဆရာတပည့်သုံးယောက်သား လက်ရည်တစ်ပြင်တည်း စားသောက်လိုက်ကြတယ်။ နောက်တော့ စောစောအနားယူခဲ့လိုက်ကြတာပေါ့။နောက်တစ်နေ့မနက်မှာတော့ မနက်စာစားပြီး အိမ်ရှေ့ကွပ်ပျစ်လေးမှာ ထိုင်ရင်း အရိုးခေါင်းနန်းတော်မှာရှိတဲ့ မပုပ်သိုးတဲ့အလောင်းအကြောင်းကို စဉ်းစားမိနေတုန်း အိမ်ထဲကို သပ်သပ်ရပ်ရပ်ဝတ်စားထားတဲ့ လူတစ်ယောက်ဝင်လာတယ်။</p> <p> </p> <p>" ဒီကငါ့တူက ဘယ်သူလဲမသိဘူး။ ဆရာရန်နောင်ရောရှိလား။"</p> <p> </p> <p>တည်ကြည်လေးနက်တဲ့အသံပိုင်ရှင်ကိုကြည့်လိုက်တော့ ဦးကြီးရန်နောင်ပြောပြဖူးတဲ့ ပုံပန်းသဏ္ဍာန်ကိုပြေးမြင်မိတယ်။ ဒီလူဟာ ဦးကြီးရန်နောင်ကို အရိုးခေါင်းနန်းတော်ရှိရာစေလွှတ်ခဲ့တဲ့ 'ဒေါက်တာဘခက်'ဆိုတာ ကျုပ်တန်းသိနေခဲ့တာပေါ့။</p> <p> </p> <p>"ဟုတ်ကဲ့။ဦးကြီးက အထဲမှာရှိပါတယ်ဗျ။ ခဏထိုင်ပါအုံးနော်။"</p> <p> </p> <p>'ဒေါက်တာဘခက်'အတွက်နေရာပြင်ပေးပြီး ဦးကြီးရန်နောင်ကို အသိပေးလိုက်တယ်။ မနက်စောစောအချိန်မို့ လဲ့ကြည်ပြာတစ်ယောက် ဆွမ်းချိုင်းသွားပို့နေတဲ့အချိန်နဲ့ ကွက်တိရောက်လာပေလို့ပေါ့။ မဟုတ်ရင် ဦးကြီးရန်နောင်လုပ်ထားခဲ့တဲ့ကိစ္စတွေက ဘူးပေါ်သလိုပေါ်သွားနိုင်တယ်။ ကျုပ်နဲ့အတူ ဦးကြီးရန်နောင်၊ ကိုဖိုးတေနဲ့ ကိုမိုးကြိုးတို့ တစ်ပါတည်းလိုက်ပါလာကြတယ်။</p> <p> </p> <p>"ဟာ ဒေါက်တာဘခက်။ ဘယ်ကဘယ်လို။"</p> <p> </p> <p>"ကျုပ် ဆရာရန်နောင်ရဲ့သတင်းကိုလိုက်ပြီးစုံစမ်းနေခဲ့တာအတော်ကြာပြီဗျ။ ကျုပ်ပိုက်ဆံတွေယူပြီး ကျုက်ကိုမလိမ့်တပတ်လုပ်သွားပြီလားလို့ စိတ်ပူနေမိတာတော့အမှန်ပဲ။ လုပ်ပါအုံး။ ဘယ်ကဘယ်လိုဖြစ်သွားတယ်ဆိုတာ ကျုပ်သိအောင်ပြောပြကြပါအုံး။"</p> <p> </p> <p>"အင်း။ ရှင်းရှင်းပြောရရင်တော့ ကျုပ်ဒီအလုပ်ကိုလက်မခံချင်တော့ဘူး ဒေါက်တာဘခက်ရာ။ ကျုပ်မှာ သမီးလေးရှိသေးတယ်လေ။"</p> <p> </p> <p>"ဟ အဲ့လိုတော့မဖြစ်ဘူးလေဗျာ။ ကျုပ်က ခင်ဗျားကိုယုံကြည်အားကိုးလို့ ဒီအလုပ်ကိုအပ်ခဲ့တာဗျ။"</p> <p> </p> <p>"ကျုပ် ကျုပ်သိပါတယ်။ ဒါပေမဲ့...။"</p> <p> </p> <p>"အဲ့ဒီအလုပ်ကိုဦးကြီးရန်နောင်အစား ကျုပ်လုပ်ပေးပါရစေ။"</p> <p> </p> <p>ကျုပ်ပါးစပ်ကထွက်လာတဲ့ စကားကြောင့် တိတ်ဆိတ်နေကြတဲ့လူတွေအကုန် ကျုပ်ရှိရာမျက်နှာမူလာကြတယ်။</p> <p> </p> <p style="text-align: center;">***</p> <p>ကျုပ်'စိုင်းမောက်' တစ်ယောက် အရိုးခေါင်းနန်းတော်ထဲကို ဝင်သွားနိုင်ပါ့မလားဆိုတာကို နောက်တစ်ပိုင်းမှာ ဆက်လက်စောင့်မျှော်ကြပါအုံးနော်။</p> <p> </p> <p style="text-align: center;">***</p> <p style="text-align: center;">ပြီး။</p> <p style="text-align: center;">***</p> <p> </p> <p>မှတ်ချက်။ ။စိတ်ကူးယဉ်ရေးသားထားသောဇာတ်လမ်းဖြစ်ပါသဖြင့် အမှားများပါခဲ့သည်ရှိသော် နားလည်ခွင့်လွှတ်ပေးကြဖို့ မေတ္တာရပ်ခံတောင်းပန်အပ်ပါသည်။</p> <p> </p> <p style="text-align: right;">သင်ဆရာ မြင်ဆရာ ကြားဆရာအပေါင်းအား</p> <p style="text-align: right;">ဦးထိပ်ထားလျက်</p> <p style="text-align: right;">လေးစားစွာဖြင့်</p> <p style="text-align: right;">မောင်ပိုင်(ပုလဲ)</p> <p style="text-align: center;">***</p>


Save