Book List

<h2 style="text-align:center">မြင်းထိန်းသမားလေးရဲ့နတ်ဘုရားမှတ်တမ်း</h2> <h2 style="text-align:center">(စာစဉ်-၅၈)</h2> <h2 style="text-align:center"> </h2> <p> </p> <h2 style="text-align:center">အခန်း ၆၉၃ </h2> <h2 style="text-align:center">လမ်းသစ်ဖောက်ခြင်း</h2> <h2 style="text-align:center">*</h2> <p> </p> <p> </p> <p>အချိန်အတော်ကြာ ခွဲခွာခဲ့ရပြီးနောက် သူတို့၏ ပြန်လည် တွေ့ဆုံလိုသော ဆန္ဒများ ပြင်းထန်နေခဲ့၏။ ကုအန်နှင့် ရှောင်လန်တို့က လဝက်ခန့် အတူတကွ နေထိုင်ခဲ့ကြပြီးမှ နောက်ဆုံးတွင် ခွဲခွာခဲ့ကြသည်။</p> <p>ရှောင်လန်က သူမ၏ ကျင့်ကြံခြင်းကို ဆက်လက် လုပ်ဆောင်နေပြီး ကုအန်ကမူ ကိုယ်ပွားတစ်ခုနှင့် လဲလှယ်လိုက်၏။ သူ၏ အစစ်အမှန် ခန္ဓာကိုယ်က ရင့်မှည့်နေသော ဆေးဘက်ဝင် အပင်များကို ရိတ်သိမ်းရန် နေရာအနှံ့သို့ သွားရောက်ခဲ့သည်။</p> <p>ပြီးစီးသွားသောအခါ သက်တမ်းတာအိုနယ်မြေသို့ သူ ပြန်လာခဲ့၏။</p> <p>တောင်ပေါ်လမ်း တစ်လျှောက် လမ်းလျှောက်လာရင်း ကုအန်က လမ်းကြောင်းတစ်ခု ဖန်တီးမည့် ကိစ္စနှင့် ပတ်သက်၍ စတင် တွေးတော ဆင်ခြင်နေသည်။</p> <p>တာအိုဧကရာဇ် တစ်ပါးရဲ့ လမ်းကြောင်းနဲ့ ဆင်တူတဲ့ လမ်းကြောင်းတစ်ခုကို ဖန်တီးဖို့ပင်...</p> <p>တာအိုဧကရာဇ် တစ်ပါး ဆိုသည်မှာ မဟာတာအို ကံကြမ္မာ၏ အကူအညီကို ရရှိထားသော တည်ရှိမှု တစ်ခု ဖြစ်သည်။ အဆင့်တူ ကျင့်ကြံသူများကြားတွင် တာအိုဧကရာဇ် တစ်ပါး၏ မဟာတာအို စွမ်းအားက ပိုမို အားကောင်းပြီး လက်ရှိ ပတ်ဝန်းကျင်ရှိ မဟာတာအိုကိုလည်း သူတို့ကိုယ်စား တိုက်ခိုက်ပေးရန် အမိန့်ပေးနိုင်စွမ်း ရှိသည်။</p> <p>ဤအချက်က တာအိုဧကရာဇ်များကို သူတို့၏ အဆင့်ထက် ကျော်လွန်၍ တိုက်ခိုက်နိုင်စွမ်း ရှိစေပြီး အဆင့်တူ ပြိုင်ဘက်များကြားတွင် ယှဉ်ပြိုင်ဘက်ကင်း ဖြစ်စေ၏။</p> <p>မဟာတာအို သုံးထောင် ရှိသည်။ ကွဲပြားသော တာအိုများက ကွဲပြားသော တာအိုဧကရာဇ်များကို ပြုစုပျိုးထောင်ပေးနိုင်၏။ မဟာတာအို၏ လမ်းစဉ်ပေါ်တွင် တာအိုဧကရာဇ် ကံကြမ္မာအတွက် ယှဉ်ပြိုင်နေကြသော ကျင့်ကြံသူများသည် သူတို့၏ ပြိုင်ဘက်များထံမှ မဟာတာအို ကံကြမ္မာများကို ဝါးမျိုနိုင်ပြီး ၎င်းက သူတို့၏ ကိုယ်ပိုင် ကံကြမ္မာကို မြှင့်တင်ပေးကာ မိမိ၏ ကိုယ်ပိုင် တာအို အနှစ်သာရကို မပြောင်းလဲစေဘဲ ကွဲပြားသော တာအိုများ၏ ကံကြမ္မာကို မိမိ၏ ကိုယ်ပိုင်အဖြစ်သို့ ပြောင်းလဲနိုင်စွမ်း ရှိသည်။</p> <p>ဤအချက်က တာအိုဧကရာဇ်များကို အကဲဖြတ်သည့် စည်းမျဉ်းအချို့ ရှိနေနိုင်ကြောင်းကို ညွှန်ပြနေသည်။</p> <p>အကယ်၍ တာအိုဧကရာဇ် တစ်ပါးက တာအို၏ စွမ်းအားအပေါ် အားကိုးနေရသည် ဆိုလျှင် အခြားသူများကို သူတို့၏ ကိုယ်ပိုင် စွမ်းအားအပေါ် အားကိုးခွင့် ပြုခြင်းက ထွက်ပေါက်တစ်ခုဟု မယူဆနိုင်မဟုတ်ပါလား။</p> <p>ဤအတွေး ပေါ်လာသည်နှင့် တစ်ပြိုင်နက် ကုအန်၏ စိတ်ထဲတွင် မရေမတွက်နိုင်သော အကြံဉာဏ်များ ပေါက်ကွဲ ထွက်ပေါ်လာတော့သည်။</p> <p>ကောင်းကင်နန်းတော်သည်လည်း ဤကဲ့သို့သော တည်ရှိမှုမျိုး ဖြစ်နိုင်ကြောင်း သူ ရုတ်တရက် တွေးမိလိုက်၏။</p> <p>ကောင်းကင်နန်းတော်မှ အမတများသည် ကောင်းကင်တာအို ကံကြမ္မာကို အသုံးချကြပြီး အခြေခံအားဖြင့် တာအိုဧကရာဇ်များနှင့် ဆင်တူသော်လည်း အမတနတ်ဘုရားများက ပို၍ အစွမ်းထက်ကြသည်။</p> <p>ကောင်းကင်တာအို လို့ ခေါ်တဲ့ အရာကလည်း အရမ်းအစွမ်းထက်တဲ့ တည်ရှိမှု တစ်ခုက ဖန်တီးထားတာများလား...</p> <p>ကုအန်၏ စိတ်ကူးများက တောင်စဉ်ရေမရ ဖြစ်နေပြီး ထိုသို့သော ချဉ်းကပ်မှုကို စမ်းသပ်ကြည့်ရန် သူ ဆုံးဖြတ်လိုက်၏။</p> <p>သူ၏ ကိုယ်ပိုင် စွမ်းအားများကို ကျိရှောင်ယု အသုံးပြုနိုင်ရန် ကျင့်ကြံခြင်း စနစ်တစ်ခု အဖြစ် ပြောင်းလဲပေးဖို့ပင်..</p> <p>ထိုသို့သော နည်းလမ်းကို ထောက်ပံ့ပေးရန်မှာ မခက်ခဲလှဘဲ အကြောင်းအကျိုး လမ်းစဉ်မှတစ်ဆင့် ပေးပို့နိုင်ပေသည်။</p> <p>သို့သော်လည်း သက်သက် ငှားရမ်း အသုံးပြုခြင်းက တာအိုဧကရာဇ်များနှင့် ကောင်းကင်နန်းတော်မှ အမတများနှင့် ယှဉ်လျှင် အရောင်အဆင်း မှေးမှိန်နေသေး၏။</p> <p>မဟာတာအို ကံကြမ္မာကို ရရှိပြီးနောက် တာအိုဧကရာဇ် တစ်ပါး၏ ကျင့်ကြံခြင်း အရှိန်အဟုန်က တိုးတက်လာပြီး ကောင်းကင်နန်းတော်မှ အမတများကလည်း အမတဖြစ်လာရန် ကောင်းကင်တာအို ကံကြမ္မာအပေါ် အားကိုးနိုင်ကြသည်။</p> <p>၎င်းကို အောင်မြင်စွာ ဖန်တီးနိုင်ရန်အတွက် အလွန် ကြာရှည်သော အချိန်တစ်ခု လိုအပ်လိမ့်မည်ဟု ကုအန် ခံစားလိုက်ရ၏။</p> <p>ဤအတွက် သူ စိတ်ပျက်အားငယ်သွားခြင်း မရှိဘဲ ဆန့်ကျင်ဘက်အနေဖြင့် သူ၏ ရင်ထဲတွင် မျှော်လင့်ချက်များဖြင့် ပြည့်နှက်နေခဲ့သည်။</p> <p>အလွယ်တကူ ရနိုင်တဲ့ အရာတွေက မျှော်လင့်ဖို့ မတန်ပါဘူး...</p> <p>အချိန်အတော်ကြာ ကုန်လွန်သွား၏။</p> <p>ကုအန်က သူ၏ ခြံဝင်းအတွင်းသို့ ပြန်ရောက်လာပြီး ရှန်းကျန် အပြင် အန်ရှင်းနှင့် ထျန်းဟုန် ဧကရာဇ်တို့လည်း ထိုနေရာတွင် ရှိနေကြသည်။ သူတို့ နှစ်ယောက်က တစ်ခုခုကို ဆွေးနွေးနေကြပြီး ကုအန်ကို မြင်သောအခါ ချက်ချင်းပင် အရိုအသေ ပေးလိုက်ကြ၏။</p> <p>“ဆရာ... ယွမ်လော့က တာအိုခုံရုံးရဲ့ ပါရမီရှင် ညီလာခံမှာ ကျောက်ရူရှန်ကို စော်ကားမိသွားတယ်... ရီချင်းရှန်က သူ စောစော သေသွားမှာကို စိုးရိမ်လို့ ဝူရှီကို ပို့ပြီး လေ့ကျင့်ပေးချင်နေတယ်... ဆရာ ဘယ်လို ထင်လဲ...” အန်ရှင်းက ပထမဆုံး စတင် ပြောလိုက်သည်။</p> <p>ကုအန်က ခေါင်းခါလျက် ပြောလိုက်၏။ “ဝူရှီက အလကားနေတဲ့ သူတွေကို ပြုစုပျိုးထောင်ပေးဖို့ နေရာ မဟုတ်ဘူး... ပြီးတော့ အဲဒီ ယွမ်လော့ဆိုတဲ့ တပည့်ကလည်း ဒီမှာ လာမလေ့ကျင့်ချင်ပါဘူး...”</p> <p>ရီချင်းရှန်က သူ့ကို ဝူရှီသို့ ပို့ချင်နေကြောင်း ကြားသောအခါ ယွမ်လော့က ငြင်းဆန်ရုံသာမက ဒေါသတကြီးပင် ဖြစ်သွားခဲ့၏။ သူ၏ အမြင်တွင် ဂိုဏ်းက သူသည် ကျောက်ရူရှန်၏ သတ်ဖြတ်ခြင်းကို ခံရမည်ဟု ထင်နေသဖြင့် သူ့ကို အရှက်ခွဲလိုက်ခြင်း ဖြစ်သည်ဟု ယူဆကာ ကျောက်ရူရှန်ကို အမြစ်ပြတ် ချေမှုန်းပစ်မည်ဟု ကျိန်ဆိုခဲ့သည်။</p> <p>ယွမ်လော့နှင့် ကျောက်ရူရှန်တို့ကြားရှိ ရန်ငြိုးမှာ ရှုပ်ထွေးလှသည်တော့ မဟုတ်ပေ။ ပါရမီရှင် ညီလာခံတွင် ယွမ်လော့က ထူးချွန်ပြောင်မြောက်စွာ စွမ်းဆောင်နိုင်ခဲ့သဖြင့် ကျောက်ရူရှန်က သူ့ကို စည်းရုံးရန် ကြိုးစားခဲ့သော်လည်း သူ၏ စကားများတွင် ခြိမ်းခြောက်မှုများ ပါဝင်နေသဖြင့် ယွမ်လော့က မနှစ်မြို့ ဖြစ်သွားခဲ့သည်။ သူတို့ နှစ်ယောက် ထိပ်တိုက် တွေ့ကြရာ ဒေါသကြီးသော ယွမ်လော့က ကျောက်ရူရှန်းကိုပင် စတင် တိုက်ခိုက်ခဲ့သည်။</p> <p>ကျောက်ရူရှန်မှာ ယခုအခါ တာအိုခုံရုံး၏ အကြီးအကဲ တပည့်တစ်ဦး ဖြစ်ပြီး မမျှော်လင့်ထားသည့် အဖြစ်အပျက်များ မရှိပါက သူသည် တာအိုခုံရုံး၏ နောက်ခံဆက်ခံမည့် အရှင်သခင် ဖြစ်လာမည်ကို သိထားရမည် ဖြစ်သည်။</p> <p>တာအိုခုံရုံးက ဘာမှမပြောသော်လည်း တာအိုခုံရုံး၏ အကြီးအကဲ တပည့်ကို စော်ကားမိခြင်းက ချမ့်ခွန်းဂိုဏ်းအပေါ် ကြီးမားသော ဖိအားများကို ကျရောက်သွားစေခဲ့သည်။</p> <p>ကုအန်၏ စကားကို ကြားပြီးနောက် အန်ရှင်းက အများကြီး ဆက်မပြောတော့ချေ။ ချမ့်ခွန်းဂိုဏ်းနှင့် ဆွေးနွေး ညှိနှိုင်းရန် သူမက ချက်ချင်းပင် ပျောက်ကွယ်သွားလေသည်။</p> <p>“ဆရာ... မနေ့က ကျွန်တော် စီနီယာအစ်မနဲ့အတူ ချမ့်ခွန်းဂိုဏ်းကို လိုက်သွားပြီး ယွမ်လော့ဆိုတဲ့ ပါရမီရှင်နဲ့ တွေ့ခဲ့တယ်... ကျွန်တော့် အထင်တော့ သူက...” ထျန်းဟုန် ဧကရာဇ်က ဆက်ပြောရန် တုံ့ဆိုင်းနေ၏။</p> <p>ကုအန်က လက်နက် ဖန်တီးသည့် မီးဖိုဆီသို့ လျှောက်သွားပြီး အတွင်းရှိ တာအိုရတနာကို ကြည့်ကာ ပေါ့ပေါ့ပါးပါးပင် မေးလိုက်သည်။ “သူက ဖရိုဖရဲ မိစ္ဆာဆိုး ဝင်စားတာ မဟုတ်လား...”</p> <p>ထျန်းဟုန် ဧကရာဇ်၏ မျက်လုံးများ ပြူးကျယ်သွား၏။ “ဆရာ သိတယ်လား...”</p> <p>ရှန်းကျန်နှင့် အန်ရှင်းတို့ကို ကုအန် ပြောပြခဲ့သော အကြောင်းအရာများက အခြား တပည့်များထံသို့ ပျံ့နှံ့သွားခြင်း မရှိသဖြင့် ယွမ်လော့၏ အစစ်အမှန် သရုပ်မှန်ကို မည်သူမျှ မသိကြသေးချေ။ သက်တမ်းတာအိုနယ်မြေသို့ ဝင်ရောက်လာခဲ့သည်မှာ နှစ်ပေါင်း ထောင်ချီ ကြာမြင့်ခဲ့ပြီ ဖြစ်သော်လည်း ကုအန်က ဤကိစ္စကို သိထားကြောင်းကို ထျန်းဟုန် ဧကရာဇ် မသိသေးပေ။</p> <p>“ဘယ်လိုပဲဖြစ်ဖြစ် ကောင်းကင်နန်းတော်က အမတ တစ်ပါးဖြစ်တဲ့ မင်းတောင် ဝင်စားသေးတာပဲလေ... နောက်ထပ် ဖရိုဖရဲ မိစ္ဆာဆိုး တစ်ကောင်လောက် ထပ်တိုးလာတာလည်း အံ့သြစရာမှ မဟုတ်တာ...” ကုအန်က ညင်သာစွာ ရယ်မောလျက် ပြောလိုက်၏။</p> <p>ထျန်းဟုန် ဧကရာဇ် တိတ်ဆိတ်သွားသည်။</p> <p>သူ၏ အတိတ်ဘဝ မှတ်ဉာဏ် အချို့ကို သူ တဖြည်းဖြည်း နိုးထလာခဲ့ပြီး သူ၏ ယခင်ဘဝက ထင်ရှား ကျော်ကြားသော နောက်ခံ တစ်ခု ရှိခဲ့ကြောင်းကို သူ သိထား၏။ ဤအကြောင်းကို ကုအန်အား သူ ဝန်ခံခဲ့ပြီး ကုအန်က စိတ်မရှိသဖြင့်သာ တော်သေးသည်။</p> <p>ထျန်းဟုန် ဧကရာဇ်သည် ကောင်းကင်နန်းတော်မှ ကြယ်တာရာအရှင် တစ်ပါး ဝင်စားခြင်း ဖြစ်ပြီး သူ၏ ယခင်ဘဝ ကျင့်ကြံခြင်းအဆင့်မှာ ထိုက်ချင်း ရွှေအမတအဆင့် တွင် ရှိခဲ့ပေသည်။</p> <p>“ဒီကမ္ဘာက ဘာလို့ ပြင်ပကောင်းကင်က တည်ရှိမှုတွေကို ဒီလောက် အမြဲတမ်း ဆွဲဆောင်နေတာလဲ ဆိုတာ ငါ နားမလည်ပေမဲ့ မင်းရဲ့ ဆရာ တစ်ယောက်အနေနဲ့ ငါက အကြောင်းအကျိုးတွေထဲ ဝင်မပါချင်ဘူး... အကယ်လို တစ်နေ့ကျရင် မင်း ပြန်သွားချင်တယ် ဆိုရင်လည်း ဆရာက မင်းကို တားမှာ မဟုတ်ဘူး...”</p> <p>ကုအန်၏ စကားများက ထျန်းဟုန် ဧကရာဇ်ကို များစွာ ထိမိသွားစေပြီး သူက ကမန်းကတန်း ပြောလိုက်၏။ “ကျွန်တော် ပြန်မသွားပါဘူး...”</p> <p>“လူမိုက်လေး... မင်းရဲ့ အတိတ်ဘဝ မှတ်ဉာဏ်တွေ အပြည့်အဝ နိုးထလာတဲ့အခါ မင်း သေချာပေါက် ပြန်သွားလိမ့်မယ် ဆိုတာ မင်း သိလာမှာပါ...”</p> <p>ကုအန်က ရယ်မောလိုက်၏။ ထျန်းဟုန် ဧကရာဇ်က သူ၏ အချက်အလက်များကို ကောင်းကင်နန်းတော်ထံသို့ သစ္စာဖောက်မည် မဟုတ်ကြောင်း သူ ကောင်းစွာ သိထားသည်။ ဝူရှီ တပည့်များ ကြားတွင် အန်ရှင်းပင်လျှင် သူ မည်မျှ အစွမ်းထက်ကြောင်း၊ မည်သည့် နတ်ဘုရား ကျင့်စဉ်များကို တတ်မြောက်ထားကြောင်း သို့မဟုတ် မည်သည့် မဟာတာအိုများကို ကျင့်ကြံထားကြောင်း အတိအကျ မသိကြချေ။</p> <p>အကယ်၍ ထျန်းဟုန် ဧကရာဇ်သာ ကောင်းကင်နန်းတော်အပေါ် သူ၏ စေတနာကို ဖော်ပြပေးနိုင်မည့် ကြားခံနယ် တစ်ခု ဖြစ်လာမည် ဆိုလျှင် ၎င်းက ကြိုဆိုရမည့် ရလဒ်တစ်ခုပင် ဖြစ်သည်။</p> <p>သူက ကောင်းကင်နန်းတော်အပေါ် ရန်ငြိုး မရှိသလို ရန်ငြိုး ဖန်တီးလိုစိတ်လည်း မရှိချေ။ အမတနတ်ဘုရားများနှင့် ပဋိပက္ခ ဖြစ်ခဲ့ရခြင်းမှာ မလွှဲမရှောင်သာ၍သာ ဖြစ်၏။</p> <p>ထျန်းဟုန် ဧကရာဇ် တိတ်ဆိတ်နေဆဲပင်။ ဆရာဖြစ်သူ၏ စကားများကို နားထောင်ရင်း သူက ကတိများကို မဆင်မခြင် မပေးသင့်ကြောင်း နားလည်သွားခဲ့သည်။</p> <p>“ဒါနဲ့ ထျန်းဟုန်... မင်း တာအိုဧကရာဇ် တစ်ပါး ဖြစ်ချင်လား...” ကုအန်က ရုတ်တရက် မေးလိုက်၏။</p> <p>ထိုစကားကို ကြားသောအခါ ထျန်းဟုန် ဧကရာဇ်က ကမန်းကတန်း ပြန်ဖြေလိုက်သည်။ “ကျွန်တော် မဖြစ်ချင်ပါဘူး... ဆရာနဲ့အတူတူပဲ ကျင့်ကြံချင်တာပါ...”</p> <p>သူက တာအိုခုံရုံးမှ လာခြင်း ဖြစ်သဖြင့် တာအိုဧကရာဇ်များ အကြောင်းကို သဘာဝကျကျပင် သိထား၏။ ယခင်မှတ်ဉာဏ် အပိုင်းအစ အချို့နှင့် ပေါင်းစပ်လိုက်သောအခါ တာအိုဧကရာဇ်များမှာ အလွန် အစွမ်းထက်ကြောင်း သူ သိထားသော်လည်း ကုအန်၏ ဘေးတွင် ကျင့်ကြံရသည်ကို သူ ပို၍ နှစ်သက်သည်။</p> <p>ကုအန်က သူ၏ အကြီးမားဆုံးသော အခွင့်အရေး ဖြစ်ကြောင်း သူ၏ အလိုအလျောက် သိစိတ်က ပြောပြနေ၏။</p> <p>ကုအန်က သူ့ဘက်သို့ လှည့်ကြည့်ကာ ပြုံးလျက် မေးလိုက်သည်။ “အကယ်လို ဆရာက တာအိုဧကရာဇ် တစ်ပါးနဲ့ ဆင်တူတဲ့ လမ်းကြောင်းတစ်ခုကို ဖောက်ပေးမယ် ဆိုရင်ရော... မင်း အဲဒီ လမ်းကြောင်းပေါ် လျှောက်လှမ်းဖို့ ဆန္ဒရှိလား...”</p> <p>ထျန်းဟုန် ဧကရာဇ်၏ မျက်လုံးများက စိတ်လှုပ်ရှားမှုများဖြင့် ပြူးကျယ်သွား၏။ “ဒါပေါ့ ဆန္ဒရှိတာပေါ့... အကယ်လို ဆရာက အဲဒီလို လမ်းကြောင်းမျိုးကို ဖောက်ပေးမယ်ဆိုရင် ကျွန်တော်က လမ်းပြရှေ့ဆောင် လုပ်ဖို့ ဆန္ဒရှိပါတယ်...”</p> <p>ဘေးတွင် ရပ်နေသော ရှန်ကျန်းကလည်း ဝင်ပြောလိုက်သည်။  ”ဆရာ ကျင့်ကြံခြင်း လမ်းကြောင်းသစ် တစ်ခုကို တကယ်ပဲ ဖောက်တော့မယ် ဆိုရင် ကျွန်မလည်း ပါဝင်ချင်တယ်...”</p> <p>သူမသည် အမတနတ်ဘုရားများကိုဖြစ်စေ၊ မဟာတာအိုကိုဖြစ်စေ ယုံကြည်ခြင်း မရှိဘဲ ကုအန်ကိုသာ ယုံကြည်၏။</p> <p>ကုအန်က ခေါင်းအနည်းငယ် ခါလျက် ပြောလိုက်သည်။ “ဒါက စိတ်ကူး တစ်ခု သက်သက်ပါပဲ... အောင်မြင်မလား ဆိုတာ မသေချာသေးဘူး...”</p> <p>သူ ထိုသို့ ပြောလိုက်သော်လည်း ထျန်းဟုန် ဧကရာဇ်နှင့် ရှန်ကျန်းတို့ နှစ်ယောက်စလုံးမှာ အိပ်မက် စမက်နေကြပြီ ဖြစ်၏။</p> <p>တိတ်ဆိတ်သော နန်းတော်တစ်ခု အတွင်း၌ ကျိရှောင်ယုက ဖျာချပ်တစ်ခုပေါ်တွင် တင်ပျဉ်ခွေ ထိုင်လျက် ကျင့်ကြံနေသည်။ သို့သော်လည်း သူမ၏ မျက်ခုံးများက နာကျင်မှုကို ခံစားနေရသည့်အလား အပြင်းအထန် တွန့်ချိုးနေ၏။</p> <p>ရုတ်တရက်</p> <p>သူမ မျက်လုံးများ ပြူးကျယ်သွားပြီး သွေးတစ်ပွက် အန်ထုတ်လိုက်သည်။ သူမ၏ မျက်နှာက ဖြူရော်သွားပြီး သူမ၏ အရှိန်အဝါ တစ်ခုလုံးဖရိုဖရဲဖြစ်သွား၏။</p> <p>သူမ၏ မျက်လုံးများထဲတွင် စိတ်ပျက်အားငယ်မှုများ ပြည့်နှက်သွားခဲ့သည်။ သူမရဲ့ ကျင့်ကြံခြင်းအဆင့်က ထပ်ကျသွားပြန်ပြီလား။</p> <p>ဤအတိုင်းသာ ဆက်သွားနေမည် ဆိုလျှင် သူမက လွတ်ငြိမ်းရာအမတအဆင့် သို့ ပြန်ကျသွားနိုင်ပြီး သေမျိုးအဆင့်သို့ပင် ကျဆင့်သွားနိုင်လေသည်။</p> <p>၎င်းက ဧကရာဇ် လမ်းစဉ်မှ တန်ပြန် သက်ရောက်မှုလား ဒါမှမဟုတ် ရှုံးနိမ့်ခြင်းကင်းမဲ့သော ဧကရာဇ်၏ နတ်ဘုရား ကျင့်စဉ်များက သူမကို နှိပ်စက်နေတုန်းပဲလား ဆိုသည်ကို သူမ မခွဲခြားတတ်တော့ချေ။</p> <p>“ဘယ်လို နတ်ဘုရား ကျင့်စဉ်မျိုးမို့လို့ အရှိန်အဝါ နည်းနည်းလေးကတောင် ငါ့ကို ရှုံးနိမ့်သွားစေနိုင်ရတာလဲ... အရာအားလုံးကို အမြစ်ပြတ် ချေမှုန်းပြီးတော့ ဒီနတ်ဘုရား ကျင့်စဉ်ကို သူက ဖုံးကွယ်ထားချင်လို့ များလား...”</p> <p>ကျိရှောင်ယုမှာ ရှုံးနိမ့်ခြင်းကင်းမဲ့သော ဧကရာဇ် အသုံးပြုခဲ့သည့် နတ်ဘုရား ကျင့်စဉ်များကို ပြန်လည် တွေးတောမိသောအခါ သူမ၏ ကျောရိုး တစ်လျှောက် စိမ့်တက်သွား၏။ ၎င်းက အလွန်အမင်း ဆိုးယုတ်လှသော အရှိန်အဝါ တစ်ခု ဖြစ်သည်။</p> <p>ဤအချိန်တွင် ထိတ်လန့်ဖွယ်ကောင်းသော ဖိအားတစ်ခုက နန်းတော် တစ်ခုလုံးကို လွှမ်းခြုံသွားပြီး သူမ၏ မျက်နှာအမူအရာကို ကြီးစွာ ပြောင်းလဲသွားစေ၏။</p> <p>သူမက မော့ကြည့်လိုက်ရာ မှိုင်းညို့နေသော မျက်နှာကြက်ပေါ်တွင် ကြောက်မက်ဖွယ်ကောင်းသော အမည်းရောင် ငွေ့သက်တိမ်တိုက် တစ်ခု ပေါ်လာပြီး ၎င်း၏ အတွင်း၌ ထိတ်လန့်ဖွယ် မျက်လုံးတစ်စုံ ပွင့်လာသည်ကို တွေ့လိုက်ရသည်။</p> <p>မျက်လုံးများက ခရမ်းရောင် ဖြစ်ပြီး မြွေမျက်လုံး တစ်စုံနှင့် တူကာ သူမကို ငုံ့ကြည့်နေ၏။</p> <p> </p> <p> </p> <p> </p> <p style="text-align:center">***</p>


Save