Book List

<h2 style="text-align: center;">အခန်း ၆၉၉</h2> <h2 style="text-align: center;">ကောင်းကင်ဧကရာဇ် နေရာအတွက် အားပြိုင်မှု</h2> <h2 style="text-align: center;">*</h2> <p> </p> <p> </p> <p>နတ်ဘုရား နန်းတော် အိမ်ရှေ့စံ မင်းသား ၏ စကားများ ဆုံးသွားသည်နှင့် တစ်ပြိုင်နက် တိမ်တိုက်များပေါ်ရှိ ခရမ်းရောင် ချပ်ဝတ်တန်ဆာများ ဝတ်ဆင်ထားသော ဧရာမ စစ်တပ်ကြီး၏ အထက်တွင် ခမ်းနားထည်ဝါသော လူရိပ်တစ်ခု ထွက်ပေါ်လာ၏။ ယင်းက နေရောင်ခြည်အောက်တွင် တံလျှပ်တစ်ခုကဲ့သို့ လောကီနှင့် ကင်းကွာနေပုံရ၏။</p> <p>ဤသည်က စစ်သူကြီး ကျူး ပင် ဖြစ်သည်။</p> <p>သူက ကမ္ဘာလောကကို ငုံ့ကြည့်လျက် အထက်တွင် မြင့်မားစွာ ရပ်နေပြီး လေးလံ၍ ခမ်းနားသော အနီရောင် ချပ်ဝတ်တန်ဆာကို ဝတ်ဆင်ထားသည်။ သူ၏ မျက်နှာက တည်ကြည်လေးနက်နေပြီး သူ၏ မျက်ခုံးများက မီးတောက် နှစ်ခုနှင့် တူ၏။</p> <p>သူ၏ ဆံပင်ရှည်များက နတ်ဘုရား သရဖူ အောက်တွင် ရစ်ခွေနေပြီး ကွဲပြားသော နတ်ဘုရား အလင်းတန်းများ ဖြာထွက်နေသည့် ဧရာမ ဓားခုနစ်လက်က သူ၏ နောက်ကျောတွင် ယပ်တောင်ပုံသဏ္ဌာန် လွင့်မျောနေကာ နတ်ဘုရား စွမ်းအား ခုနစ်ခုက သူ၏ အနောက်တွင် ရပ်တည်နေသည့်အလား ရှိနေသည်။</p> <p>စစ်သူကြီး ကျူး ၏ ရှေ့တွင် ကျူရှီး နှင့် ထွက်ပြေးလာသူများက နက်ရှိုင်းသော ကြောက်ရွံ့ရိုသေမှုကို ခံစားလိုက်ကြရ၏။ အချို့က ထိုဖိအားကို မခံနိုင်ဘဲ တိုက်ရိုက်ပင် ဒူးထောက်ကျသွားကြသည်။</p> <p>စစ်သူကြီး ကျူး ၏ ညာလက်က တစ်ဝက်ခန့် မြှောက်ထားပြီး သူ၏ လက်ဖဝါးထဲတွင် ပုလဲ နှစ်လုံးကို ဆော့ကစားနေကာ ကြယ်နှစ်ပွင့် ပွတ်တိုက်နေသည့်အလား ဝိညာဉ်ကို တုန်လှုပ်သွားစေ၏။</p> <p>"အရှင်မင်းသား... သင်က အမတနတ်ဘုရားတွေကို စော်ကားပြီး နတ်ဘုရား နန်းတော် ကို မေးခွန်းထုတ်ရဲတယ်ပေါ့... အကယ်လို အရှင်မင်းမြတ်သာ ဒီကိစ္စကို သိသွားရင် ဘယ်လောက်တောင် စိတ်ဒါသထွက်မလဲ ဆိုတာ စဉ်းစားကြည့်ပါဦး..."</p> <p>စစ်သူကြီး ကျူး ၏ အသံက ပဲ့တင်ထပ်သွားပြီး သူ၏ စကားဆုံးသည်နှင့် တစ်ပြိုင်နက် သူ၏ နဖူးပေါ်တွင် ဒေါင်လိုက် မျက်လုံးတစ်လုံး ရုတ်တရက် ပွင့်လာကာ ကောင်းကင်ယံမှနေ၍ ယုံကြည်နိုင်စရာ မရှိလောက်အောင် မြန်ဆန်သော အရှိန်နှုန်းဖြင့် ထိတ်လန့်ဖွယ်ကောင်းသော အနီရောင် အလင်းတန်းတစ်ခုကို ပစ်လွှတ်လိုက်၏။</p> <p>အရာအားလုံးက အလွန် မြန်ဆန်လွန်းလှပြီး နတ်ဘုရား နန်းတော် အိမ်ရှေ့စံ မင်းသား မှာ တုံ့ပြန်ရန် အချိန်ပင် မရလိုက်ချေ။</p> <p>ဘုန်း....</p> <p>အနီရောင် အလင်းတန်းက နတ်ဘုရား နန်းတော် အိမ်ရှေ့စံ မင်းသား ကို ထိမှန်သွားပြီး ကြောက်မက်ဖွယ်ကောင်းသော ရိုက်ခတ်မှုကြောင့် ထွက်ပြေးလာသူများ အားလုံး လွင့်စင်သွားကြသည်။</p> <p>အချို့က ထွက်ပြေးရန် ကြိုးစားကြသော်လည်း နတ်ဘုရား နန်းတော် အိမ်ရှေ့စံ မင်းသား ဖန်တီးထားသော ဥမင်လှိုဏ်ခေါင်းမှာ ပျောက်ကွယ်သွားခဲ့ပြီ ဖြစ်၏။ ထွက်ပြေးလာသူများက အပေါ်သို့ ခုန်တက်ရန် ကြိုးစားလိုက်သည်နှင့် တစ်ပြိုင်နက် စိတ်ကူး၍ မရနိုင်လောက်သော ဖိအားတစ်ခုက သူတို့ကို ဖိနှိပ်လိုက်ပြီး ဒူးထောက်သွားစေသည်။</p> <p>လေပြင်းများ တိုက်ခတ်လာပြီး အပျက်အစီးများ ပြန့်ကျဲကာ သစ်တောများ လွင့်စင်သွားရာ ကမ္ဘာပျက်မည့် အချိန် ရောက်ရှိလာသည့်အလား ရှိနေ၏။</p> <p>ကျူရှီး မှာ ဒူးထောက်သွားအောင် ဖိနှိပ်ခံလိုက်ရပြီး ခေါင်းမော့ရန် အပြင်းအထန် ရုန်းကန်နေရကာ ကြောက်ရွံ့မှုကြောင့် သူမ၏ သူငယ်အိမ်များ တုန်ယင်နေသည်။</p> <p>ဤမျှ ထိတ်လန့်ဖွယ်ကောင်းသော ဖိနှိပ်မှု....</p> <p>အကယ်၍ ပြိုင်ဘက်ကသာ အစွမ်းကုန် ထုတ်သုံးလိုက်ပါက မည်မျှ ကြောက်မက်ဖွယ် ကောင်းလိမ့်မည်ကို သူမ စိတ်ကူး၍ပင် မရနိုင်ချေ။</p> <p>အရှေ့ဘက်တွင် အနီရောင် အလင်းတန်း လွင့်စင်သွားပြီး နတ်ဘုရား နန်းတော် အိမ်ရှေ့စံ မင်းသား ၏ အဖြူရောင် အရိုးစုသာ ကျန်ရစ်ကာ ယိမ်းယိုင် တုန်ယင်နေပြီး နောက်ဆုံးတွင် မြေပြင်ပေါ်သို့ ပြိုကျသွားလေသည်။</p> <p>ဤအဖြစ်အပျက်က အခြား ထွက်ပြေးလာသူ ထောင်ပေါင်းများစွာကို စိတ်ပျက်အားငယ်မှုများဖြင့် ပြည့်နှက်သွားစေ၏။</p> <p>အကယ်၍ နတ်ဘုရား နန်းတော် အိမ်ရှေ့စံ မင်းသား ပင်လျှင် သေဆုံးရမည် ဆိုပါက သူတို့ မည်သို့ အသက်ရှင်နိုင်မည်နည်း။</p> <p>အထက် ကောင်းကင်ယံတွင် စစ်သူကြီး ကျူး ၏ မျက်နှာအမူအရာက နတ်ဘုရား နန်းတော် အိမ်ရှေ့စံ မင်းသား ကို သူ သတ်ဖြတ်လိုက်သည် မဟုတ်ဘဲ ပိုးကောင် တစ်ကောင်ကို သတ်လိုက်သည့်အလား ခံစားချက် ကင်းမဲ့နေသည်။</p> <p> </p> <p>ခရမ်းရောင် ချပ်ဝတ်တန်ဆာများကို ဝတ်ဆင်ထားသော မရေမတွက်နိုင်သည့် နတ်ဘုရား စစ်သည်များကလည်း ခံစားချက် ကင်းမဲ့နေကြရာ ဤနယ်မြေရှိ စိတ်ပျက်အားငယ်ဖွယ် လေထုကို ပိုမို မြင့်တက်လာစေ၏။</p> <p>စစ်သူကြီး ကျူး က သူ၏ ညာလက်ကို ဖွင့်၍ ပုလဲ နှစ်လုံးကို အောက်သို့ လွတ်ချလိုက်၏။ ၎င်းတို့ ဆင်းသက်လာသည်နှင့်အမျှ မျက်စိကျိန်းမတတ် အလင်းရောင်များ ထုတ်လွှတ်လာပြီး ကမ္ဘာကြီးကို မှေးမှိန်သွားစေသည်။</p> <p>ပြင်းထန်သော အလင်းရောင်များ ကျဆင်းလာရာ ကျူရှီး က မနေနိုင်ဘဲ သူမဘေးရှိ ကုအန် ကို လှည့်ကြည့်ကာ သွားများကို ကြိတ်လျက် မေးလိုက်၏။ "မင်းမှာ နည်းလမ်း ရှိတယ်လို့ ပြောခဲ့တယ် မဟုတ်ဘူးလား..."</p> <p>ကုအန်က သူမကို တစ်ချက် ကြည့်လိုက်ပြီး နှုတ်ခမ်းထောင့် တစ်ဘက်က ကွေးတက်သွားသည်။ သူ၏ အပြုံးက ကျူရှီး ၏ မျက်လုံးထဲတွင် အလွန်မောက်မာနေပုံရပြီး ဤအခိုက်အတန့်နှင့် လုံးဝ ရူးသွပ်နေသည့်အလား ရှိနေ၏။</p> <p>ကောင်းကင်ယံမှ လောင်ကျွမ်းနေသော လေပူလှိုင်းများ ကျဆင်းလာပြီး သူမ၏ စိတ်ကို တစ်ခဏမျှ ဗလာကျင်းသွားစေသော်လည်း ဤလူက ဘာကြောင့် ပြုံးနိုင်သေးသနည်း ဆိုသည်ကို ကျူရှီး နားမလည်နိုင်ချေ။</p> <p>ဘုန်း...</p> <p>ကမ္ဘာမြေကို တုန်လှုပ်သွားစေသော ပေါက်ကွဲမှုကြီး တစ်ခုနှင့်အတူ မြေပြင် က ပေါက်ကွဲထွက်သွားပြီး မရေမတွက်နိုင်သော သစ်ပင်များက စက္ကူစလေးများသဖွယ် လွင့်စင်သွားကြကာ နန်းတော်မှ နတ်ဘုရား စစ်သည်များက အရာအားလုံးကို အေးစက်စွာ အပေါ်မှ စောင့်ကြည့်နေကြ၏။</p> <p>ရုတ်တရက် စစ်သူကြီး ကျူး ၏ မျက်နှာအမူအရာ ပြောင်းလဲသွားပြီး သူ၏ မျက်လုံးများထဲတွင် လောဘ အရိပ်အယောင်များ ဖြတ်သန်းသွားသည်။</p> <p>.</p> <p>ဆည်းဆာအချိန် အောက်တွင်။</p> <p>မြေပြင်ပေါ်တွင် လှဲလျောင်းနေသော ကျူရှီး က မျက်လုံးများကို ရုတ်တရက် ဖွင့်လိုက်၏။ အိပ်မက်ဆိုး တစ်ခုမှ နိုးထလာသည့်အလား ပြင်းပြင်းထန်ထန် သက်ပြင်းရှူလိုက်၏။</p> <p>သူမ ချက်ချင်း ထိုင်လိုက်ရာ သူမဘေးရှိ ကုအန် တွေ့လိုက်ရ၏။</p> <p>ကုအန်က အနီးနားရှိ မြေလွတ်တစ်ခုတွင် ထိုင်နေပြီး သူ၏ ရှေ့တွင် မီးပုံတစ်ခု လောင်ကျွမ်းနေကာ လက်ထဲတွင် မှန်တစ်ချပ်ကို ကိုင်ထားလျက် သူ၏ ပုံရိပ်ကို သူ ပြန်လည် အားကျနေသည့်အလား ရှိနေသည်။</p> <p>ကျူရှီး က သူမ၏ အတွေးများကို စုစည်းလိုက်ပြီး ပတ်ဝန်းကျင်ကို အလိုအလျောက် ကြည့်လိုက်ရာ သူမက ချောက်ကမ်းပါး တစ်ခုပေါ်တွင် ရောက်နေကြောင်း တွေ့လိုက်ရ၏။ အဝေးရှိ တောင်တန်းများက အဆုံးအစမရှိ သွယ်တန်းနေပြီး တောင်ကြောများပေါ်တွင် နေဝင်ဆည်းဆာ အလင်းရောင်များ ဖြာကျနေကာ လှပနေခဲ့သည်။</p> <p>"ငါတို့ လွတ်လာပြီလား..."</p> <p>ကျူရှီး က ကုအန်ကို ကြည့်၍ စိုးရိမ်တကြီး မေးလိုက်၏။</p> <p>ကုအန်က သူ၏ လက်ထဲရှိ ကြယ်ခုနစ်ပွင့် ကြေးမုံ ကို စိုက်ကြည့်ရင်း ပြောလိုက်သည်။ "အင်း... ငါတို့ လွတ်လာပြီ... ဒါပေမဲ့ ထိုက်ဝေ့ မဟာကမ္ဘာ ထဲမှာတော့ ရှိနေတုန်းပဲ..."</p> <p>ကြယ်ခုနစ်ပွင့် ကြေးမုံ မှာ သူ ပြုပြင်မွမ်းမံပြီးနောက် ယခုအခါ တာအိုရတနာ တစ်ခု ဖြစ်လာခဲ့ပြီဖြစ်ပြီး ၎င်း၏ မျက်နှာပြင်ပေါ်တွင် ထိုက်ဝေ့ မဟာကမ္ဘာ ရှိ လူသားကမ္ဘာ၏ အဖြစ်အပျက်များကို ထင်ဟပ်ပြသနေကာ သူက ၎င်းမှတစ်ဆင့် ချောင်းမြောင်း ကြည့်ရှုနေခြင်း ဖြစ်သည်။</p> <p>သူ၏ စကားများကို ကြားသောအခါ ကျူရှီး က စိတ်သက်သာရာရစွာ သက်ပြင်းချလိုက်ပြီး မတ်တတ်ရပ်ကာ သူမ၏ အသက်ကို ကယ်တင်ပေးခဲ့သည့် ကုအန် ကို ကျေးဇူးတင်သည့်အနေဖြင့် ဦးညွှတ် အရိုအသေ ပေးလိုက်သည်။</p> <p>"စီနီယာ... ကျွန်မ လုပ်စရာ ကိစ္စတွေ ရှိသေးလို့ ခွင့်ပြုပါဦး..."</p> <p>ကျူရှီး က ထိုသို့ ပြောပြီးနောက် လှည့်ထွက်သွားလေ၏။</p> <p>"မင်း ပိုပြီး အစွမ်းထက်ချင်တယ် မဟုတ်ဘူးလား..."</p> <p>ကုအန်၏ အသံ ထွက်ပေါ်လာပြီး ကျူရှီး ၏ ခြေလှမ်းများကို ရပ်တန့်သွားစေသည်။</p> <p>သူမက ကုအန်ကို လှည့်ကြည့်လိုက်ရာ သူမ၏ မျက်လုံးများက ရှုပ်ထွေးနေ၏။</p> <p>ကုအန်က သူမကို ကြည့်မနေဘဲ ကြယ်ခုနစ်ပွင့် ကြေးမုံ ထံတွင်သာ သူ၏ အကြည့်များ စူးစိုက်နေဆဲပင်။</p> <p>...</p> <p>ကောင်းကင်ဝိညာဉ် မဟာကမ္ဘာ၊ ချမ့်ခွန်းဂိုဏ်း။</p> <p>နံနက်ခင်း အစောပိုင်း အချိန်တွင်။</p> <p>ကုအန်နှင့် ကောင်းကင်စိတ်ဝိညာဉ် နတ်ဘုရား တို့က လမ်းမပေါ်တွင် လျှောက်သွားနေကြပြီး လမ်းလျှောက် အပန်းဖြေနေပုံ ရသော်လည်း မဟာကမ္ဘာ၏ ကြီးမားသော ကိစ္စရပ်များ အကြောင်းကို ဆွေးနွေးနေကြ၏။</p> <p>"ငါ့ရဲ့ မိတ်ဆွေရင်းတွေဆီကနေ ကောင်းကင်နန်းတော် ရဲ့ လေထုက ထူးဆန်းနေတယ် ဆိုတာကို ငါ သိခဲ့ရတယ်... ကောင်းကင်ဧကရာဇ် နေရာအတွက် အားပြိုင်မှုတွေ ပါဝင်နေတယ်တဲ့...ပြီးတော့ စိတ်ကူးလို့ မရနိုင်တဲ့ အင်အားစုတွေက လျှို့ဝှက် ကြံစည်နေတာတွေက ကောင်းကင်နတ်ဘုရား အဆင့်အထိတောင် ရောက်နေကြတယ်တဲ့..."</p> <p>ကောင်းကင်စိတ်ဝိညာဉ် နတ်ဘုရား က တည်ကြည်လေးနက်စွာ ပြောလိုက်သည်။ ကုအန်၏ အကြံပြုချက်အရ သူက အခြား ကောင်းကင်နတ်ဘုရားများနှင့် ဆက်ဆံရေးကို စတင် နက်ရှိုင်းအောင် လုပ်ဆောင်ခဲ့ပြီး သူ ပြောခဲ့သော မိတ်ဆွေရင်း ဆိုသူမှာ မြူခိုး အမတနန်းတော် မှ လာခြင်း ဖြစ်၏။</p> <p>လမ်းဘေး ဈေးဆိုင်များကို ကြည့်ရှုနေသော ကုအန်က မေးလိုက်သည်။ "အဲဒီအထဲမှာ ထျန်ဟောင် ရော ပါနေလား... အရင်က ထိုက်ရီ အမတအရှင် နဲ့ ဆန်းကြယ်ကြယ်တာရာ အမတအရှင် တို့က သူ့ကို ပစ်မှတ်ထားနေပုံ ရတယ်လေ..."</p> <p>ကောင်းကင်စိတ်ဝိညာဉ် နတ်ဘုရား က ခေါင်းခါလျက် ပြောလိုက်၏။</p> <p> "သူ့ရဲ့ အတိတ်ဘဝမှာတောင် ထျန်ဟောင် က ကောင်းကင်ဧကရာဇ် နေရာကို ယှဉ်ပြိုင်ဖို့ လုံးဝ မစွမ်းဆောင်နိုင်ခဲ့ဘူး... သူ့ကို ထားလိုက်ပါဦး... အမတအရှင် တွေတောင်မှ ကောင်းကင်ဧကရာဇ် နဲ့ အဆင့်အတန်း အရ အဆုံးမရှိ ကွာဝေးသေးတယ်လေ... ပြီးတော့ ဒီအားပြိုင်မှုက ချက်ချင်း ပေါက်ကွဲထွက်လာမှာ မဟုတ်ဘူး... အချိန်အတော်ကြာ တအုံနွေးနွေး ဖြစ်နေပြီး နောက်ဆုံးကျမှ မဟာကမ္ဘာသုံးထောင်လုံးကို သက်ရောက်မှု ရှိလာနိုင်တယ်..."</p> <p>ကောင်းကင်နန်းတော် အကြောင်းကို သိပ်မသိသော်လည်း ကောင်းကင်ဧကရာဇ် က မည်သည့်အရာကို ကိုယ်စားပြုကြောင်း သူ သိထားသည်။</p> <p>၎င်းက အမြင့်မားဆုံး အဆင့်အတန်းနှင့် စွမ်းအား ဖြစ်ပြီး ကောင်းကင်တာအို ၏ အစွမ်းအထက်ဆုံးကို ကိုယ်စားပြု၏။</p> <p>"ဒါနဲ့ စကားမစပ်... ထိုက်ဝေ့ မဟာကမ္ဘာ ထဲက နတ်ဘုရား နန်းတော် မှာ အမတနတ်ဘုရား တစ်ပါးကို ငါ တွေ့ခဲ့တယ်..."</p> <p>ကုအန်က ထိုက်ဝေ့ မဟာကမ္ဘာ တွင် သူ ကြုံတွေ့ခဲ့ရသည်များကို ပြန်လည် ပြောပြလေသည်။ ကျူရှီး ကို ကယ်တင်ခဲ့ပြီးနောက် နှစ်တစ်ရာ ကြာမြင့်ခဲ့ပြီဖြစ်ပြီး ယခုအခါ သူမက သူ၏ ကိုယ်ပွားနှင့်အတူ ရှိနေ၏။</p> <p>ကြယ်ခုနစ်ပွင့် ကြေးမုံ မှတစ်ဆင့် လူသားကမ္ဘာကို ချောင်းမြောင်း ကြည့်ရှုခြင်း အပြင် သူက တစ်ခါတစ်ရံ ထိုက်ဝေ့ မဟာကမ္ဘာ ရှိ လူသားကမ္ဘာတွင်လည်း လှည့်လည်သွားလာလေ့ ရှိသည်။</p> <p>နတ်ဘုရား နန်းတော် က နတ်ဘုရား တပည့်များ ကို နေရာအနှံ့တွင် ဆက်တိုက် စုဆောင်းနေပြီး စုဆောင်းခံရသော သေမျိုးများမှာ မိသားစု အဆက်အသွယ်များနှင့် ထာဝရ ပြတ်တောက်သွားကြ၏။ အချို့သော မိသားစုများက လျော်ကြေးများ ရရှိကြသော်လည်း အချို့မှာ အတင်းအကျပ် စုဆောင်းခံကြရသည်။</p> <p>ဤ နတ်ဘုရား တပည့်များ က မည်သည့် ဆေး တစ်မျိုးကို ဖော်စပ်နေမှန်း မသိရသော ဧရာမ ဆေးမီးဖို ကြီး တစ်ခုထဲသို့ အပို့ခံရသည်ကို ကုအန် မြင်တွေ့ခဲ့ရပြီး ယနေ့တိုင် ပြီးစီးခြင်း မရှိသေးချေ။</p> <p>နတ်ဘုရား နန်းတော် က နှစ်တစ်သန်းတိုင်တိုင် ပူဇော်သက္ကာယများ ပြုလုပ်နေခဲ့ခြင်းက ထိုအမတနတ်ဘုရား လိုချင်သည့် အရာပင် ဖြစ်ပုံရ၏။</p> <p>ထိုနှစ်တစ်သန်း အတွင်း၌ မရေမတွက်နိုင်သော သေမျိုး ဝိညာဉ်များစွာ ဆေးမီးဖို သို့ ယဇ်ပူဇော်ခံခဲ့ရသော်လည်း မည်သည့် ဆေး မှ ထွက်ပေါ်လာခြင်း မရှိသေးသဖြင့် ထို ဆေး ၏ ဇာစ်မြစ်နှင့် ပတ်သက်၍ သူ၏ စပ်စုချင်စိတ်ကို နိုးကြွလာစေခဲ့သည်။</p> <p>သူက ဤအကြောင်းကို ကောင်းကင်စိတ်ဝိညာဉ် နတ်ဘုရား အား ရှင်းပြပေးရန် မျှော်လင့်ချက်ဖြင့် ပြောပြခဲ့၏။</p> <p>ကောင်းကင်စိတ်ဝိညာဉ် နတ်ဘုရား မျက်မှောင်ကြုတ်သွားပြီး ပြောလိုက်သည်။ "သက်ရှိတွေကို ဆေးဖော်စပ်တဲ့ နေရာမှာ အသုံးပြုတာက မကြားဖူးတဲ့ ကိစ္စတော့ မဟုတ်ဘူး... ဒါပေမဲ့ အဲဒီ အမတနတ်ဘုရားက ဘယ်လို ဆေး ကို တိတိကျကျ ဖော်စပ်နေတာလဲ ဆိုတာတော့ ငါ မသိဘူး... ဒါပေမဲ့ ဒီလောက် အချိန်ကြာတဲ့အထိ မပြီးသေးဘူး ဆိုရင်တော့ ကောင်းကင်ဧကရာဇ် နေရာအတွက် အားပြိုင်မှုနဲ့ ပတ်သက်နေလောက်တယ်... ပြီးတော့ ထိုက်ဝေ့ မဟာကမ္ဘာ က မဟာကမ္ဘာသုံးထောင် ထဲမှာ ထိပ်တန်းစာရင်းဝင်ပဲ... တခြား မဟာကမ္ဘာ တွေလည်း ဒီအတိုင်း လုပ်နေကြမယ်လို့ ငါ သံသယရှိတယ်..."</p> <p>သူက အမတနတ်ဘုရား၏ လုပ်ရပ်များကို ပြစ်တင် ရှုတ်ချခြင်း မပြုဘဲ ပို၍ စိုးရိမ်ပူပန်လာသည်ကို ခံစားရ၏။</p> <p>အမတနတ်ဘုရားများ၏ လုပ်ဟန်ကို သူ နားလည်သည်။</p> <p>အမတနတ်ဘုရားများက အဆိုးအယုတ်များကို ကျူးလွန်ကြသော်လည်း အစအန ချန်ထားလေ့ မရှိချေ။ ဆိုလိုသည်မှာ ထိုက်ဝေ့ မဟာကမ္ဘာ သည် ပျက်သုဉ်းရန် ကံကြမ္မာ ပါလာခြင်းပင် ဖြစ်၏။</p> <p>"အကယ်လို ဒီလို အခြေအနေမျိုးတွေက မဟာကမ္ဘာအများကြီးမှာဖြစ်ပေါ်နေတယ် ဆိုရင်... နောက်ဆုံးကျရင် မဟာကမ္ဘာသုံးထောင်လုံး ဖျက်ဆီးခံရနိုင်ပြီး ကောင်းကင်နန်းတော် က မဟာကမ္ဘာသုံးထောင် ကို အသစ် ပြန်လည် ဖန်တီးလိမ့်မယ်..."</p> <p>ကောင်းကင်စိတ်ဝိညာဉ် နတ်ဘုရား ၏ မျက်နှာက ထူးထူးခြားခြား တည်ကြည်လေးနက်နေပြီး သူ၏ စကားများက ကုအန်၏ မျက်လုံးထဲရှိ အကြည့်များကို ပြောင်းလဲသွားစေခဲ့သည်။</p> <p> </p> <p> </p> <p style="text-align: center;">***</p>


Save