Book List

<h2 style="text-align: center;">အခန်း (၁၉)</h2> <h2 style="text-align: center;">ပထမဆုံးအကြိမ် လူကြားထဲထွက်ခြင်း</h2> <h2 style="text-align: center;">*</h2> <p> </p> <p> </p> <p>"ဗိုက်ဆာမှာစိုးလို့ စားစရာလေး နည်းနည်းပါးပါး ယူလာတာပါ" ဟု ဝေရော့က ပြန်ဖြေသည်။</p> <p>ထိုစကားကိုကြားလိုက်ရသောကြောင့် ယွမ်ရှီးလည်း အနည်းငယ်မျက်မှောင်ကြုတ်ကာဖြင့် ပြောလိုက်သည်။</p> <p>“ရော့အာ... ဒီနေ့ ဟွာဖဘုရားကျောင်းမှာ ဆုတောင်းပြီးရင် ကျောင်းတိုက်က ကျွေးတဲ့ သက်သတ်လွတ်ကို စားကြမှာဆိုတော့ ဗိုက်ဆာမှာ မဟုတ်ပါဘူး"</p> <p>"ဒါက သရေစာသဘောမျိုးပါ အဓိက ထမင်းနပ်ကို မထိခိုက်ပါဘူး တခြားအိမ်က သခင်မလေးတွေ ဗိုက်ဆာနေရင်လည်း ဝေမျှပေးလို့ ရတာပေါ့"</p> <p>ဝေရော့၏ ရှင်းပြမှုနှင့် သူမ ပြင်ဆင်လာသော စားသောက်ကုန်သေတ္တာမှာ အလွန်လှပသေသပ်နေသည်ကို မြင်ရသဖြင့် ယွမ်ရှီးအနေဖြင့်လည်း ဆက်တားနိုင်ခြင်း မရှိတော့ပေ။</p> <p>တောင်ပေါ်တက်သည့်အခါတွင်တော့ ထိုသေတ္တာကို အစေခံမလေး ချွေဖိန် လက်ထဲသို့ အပ်ထားရန်သာ မှာကြားလိုက်သည်။</p> <p>ထိုခရီးစဉ်တွင် လူဦးရေလျှော့ချရန်အတွက် ရထားလုံးမောင်းသူနှင့် အစောင့်များအပြင် ယွမ်ရှီးသည် ချွေဖိန်တစ်ယောက်တည်းကိုသာ ခေါ်လာခဲ့ပြီး ဝေရော့နှင့် ဝေချင်းဝမ်တို့မှာ အစေခံမပါဘဲ လိုက်ပါလာကြခြင်း ဖြစ်သည်။</p> <p>ဝေချင်းဝမ်သည်လည်း အိမ်ရှေ့သို့ ရောက်လာပြီး သေချာစွာ ဝတ်စားဆင်ယင်ထားသည့် ဝေရော့ကို မြင်လိုက်ရသဖြင့် အံ့ဩသွားကာ ချက်ချင်းပင် မျက်နှာလွှဲလိုက်သည်။</p> <p>ဝေရော့မှာတော့ သူမကို ဂရုစိုက်နိုင်ခြင်းမရှိပေ။</p> <p>သူမ၏ စိတ်ထဲတွင် အသီးအနှံစိုက်ပျိုးရန်နှင့် ငွေရှာရန်သာ အာရုံရှိနေသောကြောင့် ငေးငိုင်၍သာ လိုက်ပါလာလေသည်။</p> <p>ယွမ်ရှီးသည် ဝေချင်းဝမ်ကို လှည့်ကြည့်ကာ "ဝမ်ဝမ်... ဒီနေ့ ဟွာဖဘုရားကျောင်းကို ခြေကျင်တက်ပြီး ဆုတောင်းရမှာဆိုတော့ သမီးရဲ့ ကျန်းမာရေးက ခံနိုင်ပါ့မလားလို့ အမေ စိုးရိမ်မိတယ်" ဟု ဆိုသည်။</p> <p>"အမေ စိတ်မပူပါနဲ့..ကျွန်မ အဆုံးထိ လျှောက်နိုင်သည်ဖြစ်စေ၊ မလျှောက်နိုင်သည်ဖြစ်စေ အတတ်နိုင်ဆုံး ကြိုးစားပါ့မယ် ဖေဖေနဲ့ စစ်သည်တော်တွေ ဂျပန်ဓားပြတွေကို အောင်အောင်မြင်မြင် နှိမ်နင်းနိုင်ဖို့နဲ့ ဘေးကင်းဖို့အတွက် ကျွန်မ ခြေလှမ်းတိုင်းမှာ ဆုတောင်းပေးချင်လို့ပါ"</p> <p>ဝေချင်းဝမ်၏ လိမ္မာပါးနပ်သော စကားကြောင့် ယွမ်ရှီးမှာ ကျေနပ်စွာဖြင့် ပြုံးလိုက်မိသည်။</p> <p>သူမ၏သမီးမှာ ပညာတတ်ရုံသာမက မိဘပေါ်တွင်လည်း အလွန်သိတတ်သောကြောင့် အပြစ်ပြောစရာပင် မရှိချေ။</p> <p>ကတော်များကြားတွင်လည်း ဝမ်ဝမ်သည် အမြဲတမ်း ချီးကျူးခံရဆုံးသူ ဖြစ်ခဲ့သည်။</p> <p>သို့ပေမဲ့လည်း ယနေ့တွင်တော့ အခြေအနေသည် အနည်းငယ်မျှ ထူးခြားသွားနိုင်သည်။</p> <p>ယွမ်ရှီးသည် ပြတင်းပေါက်မှာ ငေးငိုင်ကြည့်နေသော ဝေရော့ကို စိုးရိမ်စွာဖြင့် ကြည့်လိုက်သည်။</p> <p>ဝေရော့ကို ဝမ်ဝမ်ကဲ့သို့ ချီးကျူးခြင်းမခံရလျှင်တောင်မှ အကဲ့ရဲ့တော့ မခံရစေချင်ခြင်းမှာ အမှန်ပင်ဖြစ်သည်။</p> <p>မြို့မြောက်ဘက်ရှိ ရှန်းမူတောင် ခြေရင်းသို့ ရောက်သောအခါ ခရိုင်ဝန်ကတော်၊ လက်ထောက်ခရိုင်ဝန်ကတော်နှင့် အခြားမိသားစုဝင်များ အားလုံး ရောက်ရှိနေကြပြီဖြစ်သည်။</p> <p>ဝေအိမ်တော်မှ မိသားစုဝင်များ ရောက်လာသည်ကို လူအားလုံး၏ အကြည့်များ စုပြုံရောက်လာလေသည်။</p> <p>ဝေအိမ်တော်တွင် သမီးတစ်ဦး အသစ်ရောက်လာသည်ဟူသော သတင်းမှာ ပြန့်နှံ့နေသဖြင့် ဝေရော့ကို စပ်စုချင်နေကြခြင်း ဖြစ်သည်။</p> <p>ဝေရော့သည် ထိုအကြည့်များကို ရှောင်ရှားလိုက်ခြင်းမရှိပဲ အေးဆေးစွာပင် ရင်ဆိုင်လိုက်သည်။</p> <p>ဝေရော့ကို ကြည့်နေသော ကတော်များနှင့် သခင်မလေးများမှာ အံ့သြသွားကြသည်။</p> <p>အကြောင်းမှာ ဝေရော့၏ သွယ်လျသော ကိုယ်လုံးကိုယ်ပေါက်နှင့် နူးညံ့ချောမွေ့သော အသားအရေမှာ အဆောင်ထဲတွင်သာ နေထိုင်ကြီးပြင်းလာသည့် သခင်မလေးများနှင့်မခြား လှပနေခြင်းကြောင့် ဖြစ်သည်။</p> <p>ဝေအိမ်တော်မှ ဝေရော့ကို တောထဲတွင် ကြီးပျင်းလာသည်ဟု မပြောလျှင် မည်သူမှ သိမည်မဟုတ်ပေ။</p> <p>ခရိုင်ဝန်ကတော် ချန် သည် သူမ၏သမီး ချန်ချိုက်ဆန် နှင့်အတူ ယွမ်ရှီးကို လာရောက်နှုတ်ဆက်သည်။</p> <p>"ကတော်ဝေ... ရှင့်မှာ ဒီလောက်လှတဲ့ သမီးနှစ်ယောက်ရှိတာ တကယ်ကို အားကျစရာပဲ တခြားသူတွေအတွက် နေရာတောင် ကျန်ပါဦးမလား"</p> <p>ယွမ်ရှီးသည် ရယ်မောရင်းဖြင့်ပင် ပြန်လည်ကာ နှုတ်ဆက်လိုက်ပြီး သမီးချင်း ချီးမွမ်းခန်း ဖွင့်ကြလေသည်။</p> <p>ထိုစဉ် မြို့မြောက်ဘက်မှ နာမည်ကြီး ပညာတတ်မိသားစုဖြစ်သော ရှဲ့ မိသားစု ရောက်ရှိလာသည်။</p> <p>ရှဲ့မိသားစုသည် လွန်ခဲ့သော နှစ် ၂၀ အတွင်း အမြင့်ဆုံးစာမေးပွဲအောင်မြင်သူ 'ကျင်းရှီ' ထွက်ပေါ်ခဲ့သည့် ဂုဏ်သရေရှိသော မိသားစုဖြစ်သည်။</p> <p>ရှဲ့ကတော်နှင့် သူမ၏သမီး ရှဲ့ရင်း တို့သည် ရထားလုံးပေါ်မှ ဆင်းလာကြသည်။</p> <p>အခြားသခင်မလေးများနှင့် မတူဘဲ ရှဲ့ရင်းသည် ရထားလုံးပေါ်မှ ခုန်းဆင်းလိုက်ခြင်းသမှာ ရဲရင့်ပြတ်သားမှုကို ပြသခြင်းဖြစ်သဖြင့် ထူးခြားနေခြင်းဖြစ်သည်။</p> <p>ရှဲ့ကတော်သည် ယွမ်ရှီးနှင့် ခရိုင်ဝန်ကတော်ကို နှုတ်ဆက်နေရင်းဖြင့်ပင် ဝေရော့ကို သတိပြုမိသွားသည်။</p> <p>"ဝေမိသားစုရဲ့ သခင်မလေးက တကယ့်ကို နူးညံ့သိမ်မွေ့ပြီး ချစ်စရာကောင်းတာပဲ..ကတော်ဝေနဲ့ တူလိုက်တာ" ဟု ချီးကျူးလိုက်သည်။</p> <p> </p> <p> </p> <p> </p> <p style="text-align: center;">***</p>


Save