Book List

<p>"အစ်ကို့ကြည့်ရတာ ဒီနေ့တစ်မျိုးကြီးပဲ။ ဘာတွေဖြစ်နေလို့လဲဟင်။"</p> <p> </p> <p>"ဟို ဘာ ဘာမှမဖြစ်ပါဘူးညီမရဲ့။ ညီမကို အစ်ကိုဒါလေးပေးချင်တယ်။လက်ခံပေးပါနော်။"</p> <p> </p> <p>မင်းသိုက်က ဦးမြိုင်ဟိန်းပေးလိုက်တဲ့ နှင်းဆီပန်းတစ်ပွင့်ကို 'မြပုလဲသိုက်'က မိန်းကလေးရဲ့ခေါင်းမှာပန်ပေးလိုက်တယ်။</p> <p> </p> <p>"ဒီပန်းလေးကို ဘာဖြစ်လို့ပေးတာလဲဟင်။"</p> <p> </p> <p>"အစ်ကိုက ညီမကိုပန်စေချင်လို့ပေးတာပေါ့။ ဒီအတိုင်းဆိုပိုတောင်လှသွားသလိုပဲ။"</p> <p> </p> <p>အဖြူရောင်ဆံနွယ်ထက်မှာ အနီရောင်နှင်းဆီတစ်ပွင့်က ခမ်းနားထယ်ဝါစွာရှိလို့နေတယ်။ စကားတွေပြောနေကြရင်း သိုက်စောင့်မိန်းကလေးရဲ့အမူအရာတွေ မမှန်တော့တာကို မင်းသိုက်သတိထားမိလာခဲ့တယ်။</p> <p> </p> <p>"ဘယ်လိုဖြစ်တယ်မသိဘူးအစ်ကိုရယ်။ ညီမလေ အရမ်းအိပ်ချင်လာတာပဲ။ဝါးးးးး။"</p> <p> </p> <p>သိုက်စောင့်မိန်းကလေးက တစ်ချက်သန်းလိုက်ပြီး မင်းသိုက်ရဲ့ပခုံးထက်မှာ အရုပ်လေးပမာ ငြိမ်သက်ကာ အိပ်မောကျသွားတော့တယ်။</p> <p> </p> <p>"ဟားးးဟားးးးဟားးးးမင်းသိပ်တော်တယ်ကွာ။ မင်းဘေးက ကောင်မလေးကို ငါတို့နဲ့အတူခေါ်ခဲ့ကွာ။ဟုတ်ပြီလား။"</p> <p> </p> <p>"ဟုတ် ဟုတ်ကဲ့အဘ။"</p> <p> </p> <p>ဦးမြိုင်ဟိန်းရဲ့စကားကိုမလွန်ဆန်နိုင်တဲ့ မင်းသိုက်က ပြောသမျှစကားတိုင်းကိုနာခံရုံကလွဲလို့အခြားမရှိ။ အိပ်ပျော်နေတဲ့ မိန်းကလေးကို အသာအယာပွေ့ချီကာ သူတို့နေထိုင်ရာကိုခေါ်ဆောင်လာခဲ့တယ်။ တကယ်တော့ မင်းသိုက်ပန်ဆင်ပေးလိုက်တဲ့ နှင်းဆီပန်းဟာ သာမန်ပန်းမဟုတ်ပဲ ဦးမြိုင်ဟိန်းကိုယ်တိုင်စီရင်ပြုလုပ်ထားတဲ့ ပန်းတစ်ပွင့်ပေါ့လေ။ဦးမြိုင်ဟိန်းက သိုက်စောင့်မိန်းကလေးကို ထွက်မပြေးနိုင်အောင် ကြိုးနဲ့အထပ်ထပ်တုပ်ကာ စည်းတားထားလိုက်တယ်။ မင်းသိုက်ကတော့ ဦးမြိုင်ဟိန်းရဲ့အကြံအစည်အတိုင်း ကြိုးဆွဲရာ ကရတော့တာပေါ့။</p> <p> </p> <p>"အင်း။ ဟင် ငါ ငါဘယ်ရောက်နေတာလဲ။"</p> <p> </p> <p>"သတိရလာပြီလားညီမ။ ရေလေးသောက်လိုက်ပါအုံး။"</p> <p> </p> <p>မေ့မျောနေရာက သတိပြန်ရလာတဲ့ သိုက်စောင့်မိန်းကလေးကို မင်းသိုက်က သောက်ရေတစ်ခွက်လှမ်းပေးလိုက်တယ်။</p> <p> </p> <p>"ဟင် အစ်ကို။ အစ်ကိုကဘယ်လိုဖြစ်ပြီးညီမကိုဖမ်းထားရတာလဲ။ညီမကို လွှတ်ပေးပါ။ လွှတ်ပေးပါနော်။"</p> <p> </p> <p>သူမကိုလွှတ်ပေးဖို့ တဆာဆာအော်ဟစ်နေတဲ့ သိုက်စောင့်မိန်းကလေးကို ဒီအတိုင်းရပ်ကြည့်နေရုံကလွဲလို့ မင်းသိုက်ဘာမှမတတ်နိုင်ခဲ့ဘူး။</p> <p> </p> <p>"ဟိုကောင်မ အသံပြဲကြီးနဲ့လျောက်အော်မနေနဲ့။ တိတ်စမ်း။"</p> <p> </p> <p>အဲ့အချိန်ဦးမြိုင်ဟိန်းက အခန်းအတွင်းဝင်ရောက်လာပြီး ငိုယိုနေတဲ့မိန်းကလေးကို အသံတိတ်သွားအောင် အော်ဟစ်လိုက်တယ်။</p> <p> </p> <p>"ဟိုကောင် ဘေးကိုကပ်စမ်း။"</p> <p> </p> <p>မိန်းကလေးအနားက မင်းသိုက်ကို ဟောက်လိုက်ပြီး မိန်းကလေးအနီးကိုတိုးကပ်လာတဲ့ ဦးမြိုင်ဟိန်းရဲ့မျက်ဝန်းထဲမှာ ရမ္မက်မီးလျှံတွေကအပြည့်။</p> <p> </p> <p>"ကဲ မိန်းကလေး။ နင်တို့သိုက်နန်းရှိရာကို ငါတို့ကိုခေါ်သွားမလား။ ဒီမှာတင်ပဲ နင်ပိုင်ဆိုင်တဲ့ရတနာတွေကိုထုတ်ပေးမလား။ အဲ့နှစ်ခုထဲက တစ်ခုကိုရွေး။"</p> <p> </p> <p>"နင့်လိုအယုတ်တမာကောင်ကို သိုက်နန်းဆီလည်းခေါ်မသွားဘူး။ ငါ့ရဲ့ကိုယ်ပိုင်ရတနာပစ္စည်းတွေလည်းရမယ်မထင်နဲ့။"</p> <p> </p> <p>ပြတ်ပြတ်သားသားငြင်းဆိုလိုက်တဲ့ မိန်းကလေးကိုကြည့်ပြီး ဒေါသတွေထွက်လာတဲ့ ဦးမြိုင်ဟိန်းက မင်းသိုက်ရှေ့မှာတင်ပဲ သိုက်စောင့်မိန်းကလေးကို မတော်မတရားကျင့်ဖို့ ကြံတော့တယ်။</p> <p> </p> <p>"အောက်တန်းစားကောင် ငါ့ကိုမထိနဲ့လွှတ်စမ်း။ ငါ့ကိုလွှတ်စမ်း။ အီးးးးဟီးးးးး။ "</p> <p> </p> <p>ဘယ်လိုမှရုန်းကန်မရတဲ့အဆုံး သိုက်စောင့်မိန်းကလေးက ငိုချင်းချတော့တယ်။</p> <p> </p> <p>"ဒေါက် ။ ဒေါက် ။ ဒေါက် ။"</p> <p> </p> <p>သိုက်စောင့်မိန်းကလေးစတင်ငိုကြွေးတာနဲ့ သူမရဲ့မျက်ဝန်းအိမ်က ရွှေရောင်အဖြစ်ပြောင်းသွားပြီး ကျဆင်းလာတဲ့ မျက်ရည်တွေက အရောက်တောက်ပတဲ့ ပုလဲလုံးတွေအဖြစ်ပြောင်းလဲသွားတယ်။ အဲ့ဒီပုလဲလုံးတွေကိုလောဘတကြီးကောက်ယူနေတဲ့ ဦးမြိုင်ဟိန်းရဲ့နောက်မှာ မင်းသိုက်ဟာဒေါသတကြီးရပ်ကြည့်နေတယ်။ မင်းသိုက်ရဲ့ခန္ဓာကိုယ်အနှံ့မှာ ပြင်းထန်တဲ့အရှိန်အဝါတွေဖုံးအုပ်သွားတယ်။ လောဘဇောနဲ့ပုလဲလုံးတွေကိုကောက်ယူနေတဲ့ ဦးမြိုင်ဟိန်းကတော့ ဒါကိုသတိမထားမိခဲ့ဘူး။</p> <p> </p> <p>" ငိုစမ်း။ကောင်မ။ နင်အားရပါးရငိုစမ်း။ဟားးဟားးဟားးးး။"</p> <p> </p> <p>သိုက်စောင့်မိန်းကလေးအနားကိုကပ်သွားပြီး အတင်းအကြပ်ဖက်ဖို့ကြိုးစားနေတဲ့ ဦးမြိုင်ဟိန်းတစ်ယောက် မျက်လုံးကြီးပြူးကာ ခဏတာရပ်တန့်သွားတယ်။</p> <p> </p> <p>"အဟွတ်။ အော့။ ဝေါ့။"</p> <p> </p> <p>ဦူမြိုင်ဟိန်းရဲ့ပါးစပ်အတွင်းက မြင်မကောင်းလောက်အောင်သွေးတွေအန်ရင်း မျက်ဖြူဆိုက်ပြီးသိုက်စောင့်မိန်းကလေးရဲ့ရှေ့မှာလဲကျသေဆုံးသွားခဲ့တယ်။</p> <p> </p> <p>"အစ်ကိုတောင်းပန်ပါတယ်။ အစ်ကိုတောင်းပန်ပါတယ်ညီမရယ်။မငိုပါနဲ့တော့နော်။"</p> <p> </p> <p>သိုက်စောင့်မိန်းကလေးကို ပွေ့ဖက်ရင်း မင်းသိုက်က နှစ်သိမ့်ပေးနေရှာတယ်။ တကယ်တော့ မင်းသိုက်ရဲ့ရင်ထဲမှာ အနှစ်နှစ်အလလက စုစည်းထားခဲ့တဲ့နာကျင်မှုတွေ ၊ ကိုယ့်မျက်စိရှေ့မှာတင် အားနွဲ့တဲ့မိန်းမသားတစ်ယောက်ကို နှိပ်စက်အနိုင်ကျင့်မှုတွေက မင်းသိုက်ရဲ့ဝမ်းတွင်းမှာပါလာခဲ့တဲ့ ပညာဗူးကိုအလိုလိုပွင့်သွားစေခဲ့ပြီး အကြည့်တစ်ချက်တည်းနဲ့တင် လူယုတ်မာဦးမြိုင်ဟိန်းကို ဇီဝိန်ကြွေစေခဲ့တယ်။</p> <p> </p> <p> </p> <p style="text-align: center;">***</p>


Save