Book List

<h2 style="text-align: center;">အခန်း ၃၈၀</h2> <h2 style="text-align: center;">*</h2> <p> </p> <p> </p> <p>ရှန်းယွီ၏ ထိုးထွင်းသိမြင်မှုအဆင့်မှာ အစောပိုင်းကတည်းက များစွာ ကြိုတင်ရောက်ရှိနေခဲ့သော်လည်း ယခုအခါ သူ၏ ဝိညာဉ်အမြစ်မှာ ထိုအဆင့်သို့ အမီလိုက်နိုင်ခဲ့ပြီ ဖြစ်သည်။</p> <p>၎င်းတို့ နှစ်ခုစလုံးမှာ မသေမျိုးအဆင့်သို့ ရောက်ရှိရန် လေးရက်သာ လိုတော့သဖြင့် ထိုမှရရှိလာမည့် အကျိုးကျေးဇူးများကို ရှန်းယွီ မစောင့်နိုင်အောင် ဖြစ်နေမိသည်။ မသေမျိုးအဆင့် ထိုးထွင်းသိမြင်မှု၊ အခြားသော ထိုးထွင်းသိမြင်မှုဆိုင်ရာ အထောက်အကူပြုချက်များနှင့် ကောင်းကင်ဘုံအဆင့် သုတေသီအတတ်ပညာတို့ ပေါင်းစပ်လိုက်လျှင် ကြီးမားသော အောင်မြင်မှုတစ်ခုကို ဖန်တီးနိုင်မည်ဟု သူ အခိုင်အမာ ယုံကြည်ထားသည်။</p> <p>အကယ်၍ အဆင့်မြှင့်တင်နေစဉ်အတွင်း ထိုးထွင်းသိမြင်မှု အထွတ်အထိပ်အခြေအနေသို့ ရောက်ရှိသွားမည်ဆိုပါက ပို၍ပင် ကောင်းမွန်ပေလိမ့်မည်။</p> <p>ယခုလေးတင် အဆင့်တက်ထားသော သူ၏ ဝိညာဉ်မီးလျှံကို ကြည့်ရင်း ရှန်းယွီ သက်ပြင်းချလိုက်မိသည်။</p> <p>သူသည် စိတ်ပျက်နေခြင်းမျိုးတော့ မဟုတ်ပေ။ ယခင်ကနှင့်မတူဘဲ ယခုအခါ ထိုမီးလျှံကို အသုံးပြုနိုင်သည့် နည်းလမ်းများစွာ ရှိနေပြီဖြစ်သည်။ အမှန်စစ်စစ်တွင် သူ၏ အတတ်ပညာရပ် အများစုမှာ ထိုမီးလျှံအပေါ်တွင် တစ်နည်းမဟုတ်တစ်နည်း မှီခိုနေရခြင်းပင်။</p> <p>သို့သော် သူသည် ထိုမီးလျှံကို တိုက်ခိုက်ရေးတွင် ပိုမိုအသုံးပြုလိုသည်။ သူ့တွင် ဟင်းလင်းပြင်လက်ဝါးရှိသော်လည်း ၎င်းထက် ပိုမိုကောင်းမွန်အောင် လုပ်ဆောင်နိုင်သည်ဟု သူ ခံစားရသည်။</p> <p>ထိုမီးလျှံကို ကြည့်ရင်း အကျိုးကျေးဇူးများ ပိုမိုရရှိရန်အတွက် အဆင့်ကို ပိုမိုမြှင့်တင်ရန် လိုအပ်သည်ဟု သူ တွေးမိသည်။ ၎င်းသည် အသုံးအဝင်ဆုံးသော အချက်အလက်များထဲတွင် ပါဝင်သော်လည်း တိုးတက်မှုအနှေးကွေးဆုံး ဖြစ်နေသည်။ ထို့ကြောင့် ဟင်းလင်းပြင်မီးလျှံကို ယခုထက် ပိုမိုမြန်ဆန်စွာ တိုးတက်စေမည့် နည်းလမ်းတစ်ခုကို ရှာဖွေရန် သူ ဆုံးဖြတ်လိုက်သည်။</p> <p>သူ၏ ရည်မှန်းချက်များနှင့် နတ်ဘုရားစွမ်းရည်များမှာလည်း ကောင်းမွန်စွာ တိုးတက်နေသည်။ သူ၏ ကုသခြင်းစွမ်းရည်မှာ အဆင့် ၂ သို့ ရောက်ရှိသွားခဲ့ပြီး စွမ်းဆောင်ရည်နှင့် အသုံးချနိုင်စွမ်းတို့ မြင့်တက်လာခဲ့သည်။ ထိုစွမ်းရည်၏ လုပ်ဆောင်ပုံ ယန္တရားအပေါ်တွင်လည်း ရှန်းယွီအနေဖြင့် အသိအမြင်အချို့ ရရှိခဲ့ပြီး ယခုထက် ပိုမိုကောင်းမွန်အောင် ပြုပြင်နိုင်မည်ဟု သူ ခံစားမိသည်။</p> <p>သူ၏ အတတ်ပညာရပ်များထဲတွင် စားဖိုမှူးအတတ်မှာလည်း သင့်တင့်သော အတွေ့အကြုံအမှတ်များကို ပြန်လည်ရရှိနေပြီဖြစ်သည်။</p> <p>သူသည် မသေမျိုးအဆင့် အစားအစာများကို နောက်ဆုံးတွင် ချက်ပြုတ်နိုင်ပြီ ဖြစ်သည်။ ကောင်းကင်ဘုံအဆင့်နှင့် နှိုင်းယှဉ်လျှင် ကိုင်တွယ်ရသည်မှာ များစွာ ခက်ခဲသော်လည်း ဝိညာဉ်ကြောခန္ဓာကိုယ်၏ အကူအညီဖြင့် သူသည် အဆက်မပြတ် ဖန်တီးနိုင်ခဲ့သည်။</p> <p>သို့သော် ထိုအစားအစာများကို စမ်းသပ်ကြည့်ခြင်း မရှိသေးပေ။ အဘယ်ကြောင့်ဆိုသော် သူ ဖန်တီးပြီးချိန်တွင် လီယောင်းမှာ စွမ်းအင်များကို အလွန်အမင်း ထိန်းချုပ်ထားရသဖြင့် ထပ်မံ၍ စုပ်ယူနိုင်စွမ်း မရှိတော့သောကြောင့်ပင်။ ထို့ကြောင့် ၎င်းတို့ကို နောက်မှသာ အသုံးပြုရန် ဆုံးဖြတ်ခဲ့ကြသည်။</p> <p>ရှန်းယွီသည် ပြုံးလိုက်မိသည်။ ဧကရီပြောသကဲ့သို့ လီယောင်းသာ ဝိညာဉ်နှင့်ခန္ဓာပေါင်းစပခြင်းနယ်ပယ်သို့ တစ်ဟုန်ထိုး တက်လှမ်းနိုင်ခဲ့လျှင် ထိုအချိန်၌ သူသည် မသေမျိုးအဆင့် ဟင်းလျာပေါင်း ထောင်နှင့်ချီ၍ ချက်ပြုတ်စုဆောင်းထားပြီး ဖြစ်ပေလိမ့်မည်။ သူမ ပြန်လာသောအခါ ထိုဟင်းလျာများအားလုံးကို ကျွေးမွေးပြီး သူမကို မသေမျိုးအဖြစ် တိုက်ရိုက်အဆင့်တက်လှမ်းစေကာ သူကိုယ်တိုင်မှာမူ ဇနီးသည်၏ အရိပ်ကိုခိုလှုံရင်း ဘဝကို အေးအေးလူလူ ဖြတ်သန်းတော့မည်ဟု တွေးတောနေမိသည်။</p> <p>သို့သော် ထိုသို့တွေးနေရင်းမှ သူ ရုတ်တရက် တုံ့ခနဲဖြစ်သွားကာ ကိုယ်လေးပင် အနည်းငယ် တုန်ရင်သွားခဲ့သည်။</p> <p>မဟုတ်သေးဘူး။  ဒါက ပိုပြီးတော့တောင် ဆိုးရွားသွားနိုင်တယ်။</p> <p>လီယောင်းက သူ့ထက် သိသိသာသာ ပိုပြီးသန်မာနေတာမျိုးက တော်တော်လေး အန္တရာယ်များလှသည်။ အထူးသဖြင့် သူမ၏ အနက်ရှိုင်းဆုံး လျှို့ဝှက်ချက်ကို သူ့အား ပြောပြပြီးနောက်ပိုင်းတွင် ပို၍ပင် သတိထားရပေမည်။ ထို့ကြောင့် သူကိုယ်တိုင်လည်း အဆင့်ကို မြန်မြန်မြှင့်တင်ရန် လိုအပ်သည်။ သူမ ပြန်လာချိန်တွင် သူကိုယ်တိုင်လည်း မသေမျိုးအဆင့် ဝိညာဉ်အမြစ်နှင့် ထိုးထွင်းသိမြင်မှုကို ပိုင်ဆိုင်ထားပြီး သူတို့ဇနီးမောင်နှံ နှစ်ဦးစလုံး အတူတကွ အဆင့်တက်လှမ်းနိုင်ရန် သူ မျှော်လင့်နေမိသည်။</p> <p>သူ၏ တန်ဖိုးဖြတ်အတတ်ကို ကြည့်ရင်း လောလောဆယ်တွင် အသုံးမဝင်သလို ထင်ရသော်လည်း ၎င်းကို အမှန်တကယ် အသုံးတည့်မည့် အရာတစ်ခုအဖြစ် ပြောင်းလဲနိုင်လိမ့်မည်ဟု ရှန်းယွီ တွေးတောလိုက်သည်။</p> <p>သူသည် မျက်လုံးကျင့်စဉ်တစ်ခုကို ဖန်တီးရန် စီစဉ်နေခြင်းပင်။</p> <p>အသေးစိတ် အချက်အလက်များကိုမူ သူ အတိအကျ မသိရှိသေးသော်လည်း ဧကရီနှင့် အချို့သော အချက်အလက်များကို တိုင်ပင်ပြီးနောက်တွင်မူ သူ လုပ်ဆောင်နိုင်မည်ဟု ခံစားလိုက်ရသည်။ သူသည် ဤအတွေးကိုလည်း သူ၏ အလင်းကိုယ်ပွားထံသို့ လွှဲပြောင်းပေးလိုက်ပြီး ကျန်ရှိနေသော အချက်အလက်များကို ဆက်လက် ကြည့်ရှုလိုက်သည်။</p> <p>“ဟီးဟီး... နောက်ဆုံးတော့ ရောက်လာပြီပဲ”</p> <p>သူက ပြောကာ နှုတ်ခမ်းကို လျှာဖြင့် သပ်လိုက်သည်။</p> <p>သူသည် နောက်ဆုံးတွင် မသေမျိုးအဆင့် အဆောင်အတတ်နှင့် မှော်အစီအရင်အတတ်တို့ကို ပိုင်ဆိုင်သွားခဲ့ပြီ ဖြစ်သည်။ သူ့တွင် မသေမျိုးအဆင့် ဆေးဖော်စပ်ခြင်းနှင့် လက်နက်ပန်းပဲအတတ်တို့ ရှိနေသော်လည်း ကုန်ကြမ်းပစ္စည်းများ မရှိသေးသဖြင့် ၎င်းတို့ကို သိပ်ပြီး ဂရုမစိုက်လှပေ။ သို့သော် အဆောင်နှင့် အစီအရင်အတတ်ကို ရရှိသွားခြင်းမှာမူ ဤနေရာသို့ မသေမျိုးတစ်ဦး ရောက်ရှိလာလျှင်ပင် သူ ဘေးကင်းနိုင်ပြီဟု ဆိုလိုခြင်းပင်။</p> <p>လူသားလောက၏ အထက်တွင်မူ အတတ်ပညာရပ်များမှာ ထပ်မံ၍ အဆင့်ခွဲခြားထားခြင်း မရှိတော့သဖြင့် ပိုမို ရှုပ်ထွေးလှသည်။</p> <p>အကယ်၍ သူသည် မသေမျိုးအဆင့် မှော်အစီအရင်အတတ်ကို ကျွမ်းကျင်သွားပါက နတ်</p> <p>ဘုရားအဆင့်သို့ တိုက်ရိုက် ရောက်ရှိသွားမည်ဖြစ်သည်။ ဆိုလိုသည်မှာ အဆင့်တစ်ခုချင်းစီသည် ကဏ္ဍတစ်ခုလုံးအပေါ် လွှမ်းမိုးထားခြင်းပင်။</p> <p>မသေမျိုးအဆင့် မှော်အစီအရင်တစ်ခုသည် မြေကမ္ဘာမသေမျိုး၊ ကောင်းကင်ဘုံမသေမျိုး၊ စစ်မှန်သောမသေမျိုး၊ ရွှေရောင်မသေမျိုးနှင့် နောက်ဆုံးတွင် မသေမျိုးဧကရာဇ်အထိ မသေမျိုးအဆင့်အားလုံးကို တားဆီးနိုင်စွမ်း ရှိသည်။ ကန့်သတ်ချက်မှာ ထိုအစီအရင် လည်ပတ်</p> <p>ရန်အတွက် မသေမျိုးချီလိုအပ်ခြင်းဖြစ်ပြီး ထည့်သွင်းပေးလိုက်သော မသေမျိုးချီ ပမာဏအပေါ် မူတည်၍ မည်သည့်အဆင့်ရှိ မသေမျိုးကိုမဆို တားဆီးနိုင်မည်ဖြစ်သည်။</p> <p>ရှန်းယွီအနေဖြင့် ဤအချက်ကို စိုးရိမ်စရာမလိုဘူးဟု ယူဆသည်။ အဘယ်ကြောင့်ဆိုသော် မသေမျိုးအဆင့် ဝိညာဉ်ကြောမှတစ်ဆင့် သူ လိုအပ်သမျှ မသေမျိုးချီများကို ရရှိနိုင်</p> <p>သောကြောင့်ပင်။</p> <p>ရှန်းယွီသည် သူ၏ နေ့စဉ်တိုးတက်မှုများအပေါ် အတော်ပင် ကျေနပ်အားရနေပြီး စနစ်မျက်နှာပြင်ကို ပိတ်တော့မည့်အချိန်မှာပင် သူ လုံးဝသတိမထားမိဘဲ လွတ်သွားလုနီးပါးဖြစ်နေသော အရာတစ်ခုကို သတိပြုမိလိုက်ရာ</p> <p>[ဗိသုကာပညာရှင်:  အဆင့် ၉ (၅၀/၁၀၀) → အဆင့် ၈ (၀/၂၀၀)]</p> <p>"အတတ်ပညာအသစ်တစ်ခုလား"</p> <p>သူ တစ်ကိုယ်တည်း ရေရွတ်လိုက်မိသည်။</p> <p>ထိုအတတ်ပညာအသစ်၏ သဘောသဘာဝနှင့် လုပ်ဆောင်ပုံကို သူ ဗီဇစိတ်အရ ချက်ချင်း နားလည်သွားခဲ့သည်။ ၎င်းသည် အဆောက်အအုံများ တည်ဆောက်ခြင်းအပေါ် အဓိကအခြေခံသော အတတ်ပညာတစ်ခု ဖြစ်သည်။ သူ ဖန်တီးခဲ့သော အဆောက်အအုံများကြောင့် ဤအတတ်ပညာကို ရရှိလာခြင်း ဖြစ်ပေလိမ့်မည်။</p> <p>ရှန်းယွီက ထိုအချက်အလက်ကို ကြည့်ရင်း လောလောဆယ်တွင် အသုံးဝင်ပုံမပေါ်သေးဟု တွေးမိသော်လည်း ယခင် ဆရာအတတ်ပညာကဲ့သို့ပင် ဆက်လက်လေ့ကျင့်ရန် ဆုံးဖြတ်</p> <p>လိုက်သည်။</p> <p>ထိုသို့ဖြင့် သူသည် စနစ်မျက်နှာပြင်ကို နောက်ဆုံးတွင် ပိတ်လိုက်တော့သည်။</p> <p>အခြားအရာများ မလုပ်ဆောင်မီ သူ၏ လက်ရှိအစွမ်းသတ္တိကို စမ်းသပ်ရန် စမ်းသပ်ချက်အချို့ကို အရင်လုပ်ဆောင်ရန် ဆုံးဖြတ်လိုက်သည်။</p> <p>ယခုတစ်ကြိမ်တွင်လည်း သူသည် ထျန်းဝူကျိကိုပင် ရွေးချယ်ကာ စမ်းသပ်မှုကို စတင်ခဲ့သည်။ ယခင်က သူ အနိုင်ရရှိခဲ့ဖူးသော ဘေးဒုက္ခနယ်ပယ် အလယ်အလတ်အဆင့်ရှိ ထျန်းဝူကျိနှင့် ယှဉ်ပြိုင်ရန် ရွေးချယ်လိုက်သော်လည်း ယခုတစ်ခေါက်တွင်မူ စစ်မှန်သော ကာယခွန်အား သက်သက်ဖြင့်သာ တိုက်ခိုက်ရန် ဆုံးဖြတ်ခဲ့သည်။</p> <p>ယခင်က သူ၏ ကာယခွန်အား သက်သက်မှာ အစောပိုင်းအဆင့်၏ အထွတ်အထိပ်၌သာ ရှိနေပြီး အလယ်အလတ်အဆင့်သို့ ရောက်ရန် ခြေလှမ်းတစ်လှမ်းသာ လိုတော့ခြင်းပင်။</p> <p>တိုက်ပွဲတစ်လျှောက်တွင် ရှန်းယွီမှာ အံ့အားသင့်နေမိသည်။ သူ၏ စစ်နတ်ဘုရားခန္ဓာ နှစ်ဆင့်တက်လှမ်းမှုနှင့် ခန္ဓာကိုယ်သန့်စင်ခြင်း အလွှာ ၃၅ သို့ ရောက်ရှိသွားမှုတို့ကြောင့် သူ၏ ကာယခွန်အားမှာ သိသိသာသာ မြင့်တက်လာခဲ့သည်။</p> <p>ယခုအခါ သူသည် ထျန်းဝူကျိကို သာမန်ကာယခွန်အား သက်သက်ဖြင့်ပင် အလွယ်တကူ ဖိနှိပ်ထားနိုင်ပြီ ဖြစ်သည်။</p> <p>စမ်းသပ်မှုအပြီးတွင် သူ၏ ကာယခွန်အားမှာ ဘေးဒုက္ခနယ်ပယ် နောက်ဆုံးအဆင့်၏ အစောပိုင်းပိုင်းသို့ ရောက်ရှိနေပြီဟု သူ ခန့်မှန်းလိုက်သည်။ ထို့ကြောင့် အစစ်အမှန် တိုက်ပွဲအတွက် ထျန်းဝူကျိ၏ နောက်ဆုံးအဆင့်ပုံစံကို သူ ရွေးချယ်လိုက်တော့သည်။</p> <p>တိုက်ပွဲအတွင်း သူသည် သူ၏ စစ်နတ်ဘုရားအသွင်ကို အသက်သွင်းကာ သူ၏ နယ်ပယ်</p> <p>အားလုံးကို အသုံးပြုခဲ့သည်။ သို့သော် ထျန်းဝူကျိ၏ အကြွင်းမဲ့နယ်ပယ်ရှေ့တွင် သူ၏ နယ်ပယ်အများစုမှာ သိပ်ပြီး ထူးခြားမှု မရှိလှပေ။ ထို့ကြောင့် သူသည် ကမ္ဘာအဆင့်နယ်ပယ်၊ ဆွဲငင်အားနယ်ပယ်တို့နှင့်အတူ ထျန်းဝူကျိ၏ တိုက်ခိုက်ရေးဗီဇကို ရှုပ်ထွေးသွားစေရန် ဗရမ်းဗတာစွမ်းအင်အချို့ကိုသာ ရံဖန်ရံခါ အသုံးပြုခဲ့သည်။</p> <p>နှစ်နာရီနီးပါးကြာအောင် ပြင်းပြင်းထန်ထန် တိုက်ခိုက်ပြီးနောက်တွင်မူ သူသည် နောက်ဆုံးတွင် ကပ်သီးကပ်သတ်ဖြင့် အနိုင်ရရှိသွားခဲ့သည်။</p> <p>အစစ်အမှန်ကမ္ဘာသို့ ပြန်ရောက်လာချိန်တွင် သူသည် အသက်ကို မှန်မှန်ပြန်ရှူလိုက်ရသည်။ နယ်ပယ်များမှာ သူ၏ ကန့်သတ်ချက် ဖြစ်နေဆဲပင်ဟု သူ တွေးမိသည်။ ဤတိုက်ပွဲတွင်ပင် သူသည် သူ၏ နယ်ပယ်အပေါ် မှီခိုခြင်းထက် များစွာသာလွန်သော ကာယခွန်အားအပေါ် မှီခိုခြင်းဖြင့်သာ ခက်ခဲစွာ အနိုင်ရရှိခဲ့ခြင်းပင်။</p> <p>မည်သို့ပင်ဖြစ်စေ ယခုအခါ သူသည် မည်သည့်အဆင့်တွင် ရှိနေသည်ကို အနည်းဆုံးတော့ သိရှိသွားခဲ့ပြီ ဖြစ်သည်။ သူသည် သူ၏ ပုံစံကို ပိုမိုပြည့်စုံလာစေရန်နှင့် အခြားသော နည်းဗျူဟာအသစ်များကို စမ်းသပ်ရန်အတွက် စမ်းသပ်ချက်အချို့ကို ထပ်မံလုပ်ဆောင်ရန် ပြင်ဆင်လိုက်တော့သည်။</p> <p> </p> <p> </p> <p style="text-align: center;">***</p>


Save