Book List

<h2 style="text-align: center;">အခန်း  ၃၈၇</h2> <h2 style="text-align: center;">*</h2> <p> </p> <p> </p> <p>ရှန့်ယုသည် သူ၏ ခန္ဓာကိုယ်မှာ နောက်တစ်ကြိမ် အသွင်ပြောင်းလဲသွားသည်ကို ခံစားလိုက်ရသည်။</p> <p>မနေ့က စစ်နတ်ဘုရားခန္ဓာ ဆင့်ကဲပြောင်းလဲမှုကြောင့် ခန္ဓာကိုယ်သန့်စင်ခြင်းလုပ်ငန်းစဉ်မှာ အရှိန်အဟုန်ဖြင့် တိုးတက်ခဲ့ပြီး လိုအပ်သော အတွေ့အကြုံမှတ် ထက်ဝက်ကျော်ကို ရရှိခဲ့ပြီးဖြစ်သည်။</p> <p>ထို့ကြောင့် ယခု ပြန်လည်စတင်ခြင်း အပြီးတွင် သူသည် နောက်ထပ် အဆင့်တစ်ခုသို့ ထပ်မံကျော်ဖြတ်နိုင်ခဲ့ခြင်းပင် ဖြစ်သည်။</p> <p>သူသည် လက်ဖဝါးများကို ဆုပ်ဖွင့်လုပ်ကြည့်ရင်း ပြောင်းလဲလာသော ခွန်အားကို ခံစားနေမိသည်။ သူ၏ ကာယဗလမှာ တဖြည်းဖြည်းနှင့် ပိုမိုသန်မာလာနေပြီဖြစ်ရာ လက်ရှိ သူ၏ တိုက်ခိုက်ရေးစွမ်းရည်မှာ မည်မျှအထိ မြင့်မားနေမည်နည်းဟု သူ သိချင်နေမိသည်။</p> <p>ဆက်လက်၍ သူ၏ အသက်ရှူအသွေးအသား ကျင့်ကြံခြင်းကို စစ်ဆေးကြည့်ရာ ရွှေရောင်အမြုတေနယ်ပယ် ဒုတိယအဆင့်သို့ ရောက်ရှိသွားပြီး နောက်ထပ် နယ်ပယ်သစ်အတွက်လည်း အတွေ့အကြုံမှတ်များစွာ ရရှိထားသည်ကို တွေ့ရသည်။</p> <p>သို့သော် ရှန့်ယုမှာ အနည်းငယ် အားမလိုအားမရ ဖြစ်နေမိသည်။ သူနှင့် သူ၏ဇနီးကဲ့သို့ နယ်ပယ်ကျော်၍ တိုက်ခိုက်နိုင်သူများအဖို့ ဤကဲ့သို့ အဆင့်ငယ်လေးများကို တစ်ဆင့်ချင်း တက်လှမ်းနေရခြင်းမှာ အချိန်ဖြုန်းနေသကဲ့သို့ ခံစားရသောကြောင့်ပင်။</p> <p>သူ၏ ဝိညာဉ်မှာ နားဆင့်ဆိုးလ် အဆင့်သို့ ရောက်ရှိသွားပါက ဤရွှေရောင်အမြုတေ အဆင့်များကို ကျော်ဖြတ်၍ တိုက်ရိုက် အဆင့်တက်နိုင်ရန် သူ မျှော်လင့်နေမိသည်။</p> <p>ဝိညာဉ်စွမ်းအားနှင့် ပတ်သက်၍မူ ယနေ့တွင် အမှတ်ငါးသောင်း ရရှိခဲ့သဖြင့် စုစုပေါင်း သုံးသိန်းအထိ ရှိလာပြီဖြစ်သည်။</p> <p> နောက်ထပ် နှစ်ရက်ခန့် ပြန်လည်စတင်ပြီးလျှင် အဆင့်တက်တော့မည် ဖြစ်သည်။ သူသည် ဝိညာဉ်ကို အစဉ်တစိုက် နှိုးဆော်ခြင်းဖြင့် ဤအမှတ်များကို ရရှိခဲ့ခြင်းဖြစ်ရာ တစ်နေ့ပတ်လုံး အားစိုက်လုပ်ဆောင်ပါက တစ်နေ့လျှင် တစ်သိန်းခွဲခန့်အထိ ရရှိနိုင်ပြီး အဆင့်တက်ရန် အချိန်ကို ပိုမိုမြန်ဆန်အောင် လုပ်ဆောင်နိုင်မည်ဟု သူ တွက်ချက်လိုက်သည်။</p> <p>သူ၏ ဟင်းလင်းပြင်နယ်ပယ်နှင့် ဆွဲငင်အားနယ်ပယ်တို့မှာလည်း အမှတ် ၅၀၀ စီ တိုးတက်လာခဲ့သည်။ ဟင်းလင်းပြင်နယ်ပယ်မှာ ဝိညာဉ်ပင်လယ်အတွင်း၌ ဟင်းလင်းပြင်ကို တည်ဆောက်ခြင်းမှ ရရှိပြီး ဆွဲငင်အားနယ်ပယ်မှာမူ ကြယ်တာရာခန္ဓာက ကြယ်စင်များကို စဉ်ဆက်မပြတ် ဖန်တီးပုံကို လေ့လာခြင်းမှ ရရှိခြင်းပင်။</p> <p>ရှန့်ယုသည် ဆွဲငင်အားနယ်ပယ်မှာ ကြယ်တာရာခန္ဓာ၏ ဘေးထွက်ဆိုးကျိုးတစ်ခုမျှသာ ဖြစ်ပြီး အဓိကအချက် မဟုတ်သည်ကို သတိပြုမိသွားသည်။</p> <p>ကြယ်တာရာခန္ဓာဆိုတာ ကောင်းကင်က ကြယ်တွေကို လှမ်းကြည့်နေတာ မဟုတ်ဘူး။ အပြင်လောကမှာ ရှိတဲ့ ကြယ်တာရာ နိယာမတွေကို ကိုယ့်ရဲ့ စိတ်အာရုံထဲမှာ ပြန်ပြီး မျိုးစေ့ချတာပဲ။</p> <p>သူသည် သူ၏ အဓိကနိယာမကို ဖန်တီးရန် စီစဉ်ထားပြီးဖြစ်ရာ ဤအချက်မှာ သိပ်ပြီး အရေးမကြီးလှဟု သူ ယူဆလိုက်သည်။</p> <p>ဟင်းလင်းပြင်၊ အချိန်နှင့် ဗရမ်းဗတာစွမ်းအင်တို့မှာလည်း အမှတ် ၁၀၀၀ စီ တိုးတက်လာခဲ့ပြီး နောက်ထပ် နှစ်ကြိမ်ခန့် ပြန်လည်စတင်ပြီးပါက ကမ္ဘာအဆင့်သို့ ရောက်ရှိတော့မည် ဖြစ်သည်။ ရှန့်ယုသည် ဟင်းလင်းပြင်ပေါ်တွင် အချိန်နယ်ပယ်ကို ထပ်ဆင့်တည်ဆောက်ခြင်းဖြင့် ဗရမ်းဗတာစွမ်းအင် အတွေ့အကြုံကိုပါ ဆက်စပ်ရရှိခဲ့သည်။ ဗရမ်းဗတာစွမ်းအင်နှင့် ဆန့်ကျင်ဘက်ဖြစ်သော စနစ်ကျခြင်းကိုပါ တစ်ပြိုင်တည်း လေ့လာရန် သူ စဉ်းစားနေမိသည်။</p> <p>သူ၏ ဝိညာဉ်မီးလျှံမှာလည်း အမှတ် တစ်သောင်း တိုးတက်လာခဲ့သဖြင့် သူ အတော်ပင် ကျေနပ်နေမိသည်။ သူ အသုံးပြုနေသော လေ့ကျင့်ခန်းမှာ မှန်ကန်နေပြီဖြစ်ရာ မကြာမီ မသေမျိုးအဆင့်သို့ ရောက်ရှိလာတော့မည် ဖြစ်သည်။ ဟင်းလင်းပြင်နှင့် အာကာသအပေါ် သူ၏ နားလည်မှုများ ပိုမိုနက်ရှိုင်းလာသည်နှင့်အမျှ ထိုမီးလျှံကိုလည်း ပိုမိုမြန်ဆန်စွာ လေ့ကျင့်နိုင်မည်ဟု သူ ယူဆသည်။</p> <p>လက်ဝါးရည်မှန်းချက်သည်လည်း အဆင့် ၃ သို့ ရောက်ရန် နီးကပ်နေပြီဖြစ်သည်။ သူ၏ လက်နက်စုံသုံး တိုက်ခိုက်ရေးစတိုင်တွင် ဤရည်မှန်းချက်စွမ်းအား ရှိနေခြင်းက သူ၏ တိုက်စစ်ကို ပိုမိုပြင်းထန်စေသည်။ ယင်ယန်သဟဇာတဖြစ်ခြင်းနှင့် ဒြပ်စင်ကိုယ်ပွား စွမ်းရည်နှစ်ခုစလုံးမှာလည်း နောက်တစ်ကြိမ် ပြန်လည်စတင်ချိန်တွင် အဆင့် ၃ သို့ ရောက်ရှိတော့မည် ဖြစ်သည်။</p> <p> </p> <p> </p> <p style="text-align: center;">***</p>


Save