Book List

<h2 style="text-align: center;">‎အခန်း ( ၄၃၆ )</h2> <h2 style="text-align: center;">ကြီးမားသော ယဇ်‌ကောင်၊ အတိုင်းအတာတစ်ခုအထိ ဖိနှိပ်ခံရခြင်း၊ သေသည်အထိ ထိုးကြိတ်ခြင်း</h2> <h2 style="text-align: center;">‎*</h2> <p> </p> <p>‎</p> <p>‎</p> <p>‎" ဘုန်း! "</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်၏ အသံ ဆုံးသွားသည်နှင့်တစ်ပြိုင်နက် သူ၏ခန္ဓာကိုယ်မှ အဆုံးမဲ့ အနက်ရောင် အလင်းတန်းများ ရုတ်တရက် ပေါက်ကွဲထွက်လာကာ လေဟာနယ်ကို ပေါက်ကွဲစေ၍ ဟွမ်သွမ့်ချီများကို ပြိုကျသွားစေ၏။</p> <p>‎</p> <p>‎</p> <p>‎အဆုံးမဲ့ ညဥ့်ယံ မူလစွမ်းအားများသည် ကောင်းကင်ဖုံးလွှမ်း အင်မော်တယ်ဘုရင်ကို ဝန်းရံသွားကာ သူ့ကို မြှောက်တင်ထားသည့် ရှေးဟောင်း ယဇ်ပလ္လင်တစ်ခုအဖြစ် မသိမသာ ပြောင်းလဲသွား၏။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်သည် ယဇ်ပလ္လင်ပေါ်တွင် တင်ပျဉ်ခွေထိုင်ကာ စစ်မှန်သော မန္တန်များကို ရွတ်ဆိုနေ၍ မှုန်ဝါးဝါး ဓမ္မရုပ်သွင်တစ်ခုကလည်း သူ၏နောက်ကျောတွင် ထွက်ပေါ်လာလေသည်။</p> <p>‎</p> <p>‎</p> <p>‎" ကောင်းကင်ကို ပူဇော်တယ်... မြေကြီးကို ပူဇော်တယ်... သက်ရှိအားလုံးကို ပူဇော်တယ် "</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်မှ ကျယ်လောင်စွာ ဟိန်းဟောက်လိုက်ရာ အနက်ရောင် အလင်းတန်းများသည် သူ၏ခန္ဓာကိုယ်မှ မီးခိုးငွေ့များကဲ့သို့ ကောင်းကင်ဘုံ ကိုးလွှာဆီသို့ တိုက်ရိုက် ထိုးတက်သွား၍ အမည်မသိ လေဟာနယ် တစ်နေရာတွင် ပျောက်ကွယ်သွားတော့သည်။</p> <p>‎</p> <p>‎</p> <p>‎မျက်စိတစ်မှိတ်အတွင်းမှာပင် ကောင်းကင်ဖုံးလွှမ်း အင်မော်တယ်ဘုရင်သည် အမည်မသိ အမြင့်မြတ်ဆုံး တည်ရှိမှုတစ်ခုနှင့် အဆက်အသွယ် ရသွားပုံရကာ ထိုသူ ဤနေရာသို့ ကြည့်လာစေရန် ဆွဲဆောင်နိုင်ခဲ့၏။</p> <p>‎</p> <p>‎</p> <p>‎ကောင်းကင်ယံအထက်တွင် အခြေအနေများ ပြောင်းလဲသွား၍ အဆုံးမဲ့ ညဥ့်ယံ တိမ်တိုက်များ လိမ့်တက်လာကာ ကောင်းကင်ဘုံ တာအိုကဲ့သို့ ခံစားချက်ကင်းမဲ့နေသော အဖြူရောင် မျက်လုံးတစ်လုံး ကောင်းကင်ထွတ်ခေါင်မှ ဖြည်းညင်းစွာ ထွက်ပေါ်လာ၏။</p> <p>‎</p> <p>‎</p> <p>‎၎င်း၏အကြည့်မှာ အောက်ဘက်သို့ ရောက်ရှိလာကာ မည်သည့် ခံစားချက်မျှ မပါဝင်ဘဲ သက်ရှိအားလုံးကို အပေါ်စီးမှ ကြည့်နေသော အမြင့်မြတ်ဆုံး တာအိုကဲ့သို့ ဖြစ်နေလေသည်။</p> <p>‎</p> <p>‎</p> <p>‎ထိုအကြည့် ရောက်ရှိလာချိန်တွင် ယွဲ့လင်အင်မော်တယ်ဘုရင်၏ ရင်ထဲတွင် တင်းကျပ်သွားကာ ဖော်ပြ၍မရနိုင်သော တည်ရှိမှုတစ်ခု၏ ပစ်မှတ်ထားခြင်းကို ခံလိုက်ရသကဲ့သို့ ခံစားလိုက်ရသည်။ အင်မော်တယ်ဘုရင်တစ်ပါး ဖြစ်သော်လည်း သူသည် ဖော်ပြ၍မရနိုင်သော စိုးရိမ်ပူပန်မှုကို မခံစားရဘဲ မနေနိုင်တော့ချေ။</p> <p>‎</p> <p>‎</p> <p>‎" ငါ့ကိုယ်ငါ ယဇ်ကောင်အဖြစ် ပူဇော်ပြီး ရန်သူကို သတ်ဖြတ်မယ် "</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်၏ အသံမှာ ကျောချမ်းစရာ ကောင်းလှ၏။</p> <p>‎</p> <p>‎</p> <p>‎မျက်စိတစ်မှိတ်အတွင်းမှာပင် ကောင်းကင်ဖုံးလွှမ်း အင်မော်တယ်ဘုရင်၏ ခန္ဓာကိုယ်သည် မီးလောင်ကျွမ်းသွားသကဲ့သို့ ဖြစ်သွားလေရာ သူ၏အနှစ်သာရ သွေးများနှင့် နတ်ဝိညာဉ်တို့ အားလုံး လောင်ကျွမ်းတောက်ပလာ၍ သူ၏ အနက်ရောင် ဆံပင်များသည်လည်း မျက်စိရှေ့မှာပင် လျင်မြန်စွာ မီးခိုးရောင်နှင့် အဖြူရောင်များအဖြစ်သို့ ပြောင်းလဲသွားကာ မရေမတွက်နိုင်သော အရေတွန့်များ သူ၏မျက်နှာပေါ်တွင် ချက်ချင်း ထွက်ပေါ်လာလေသည်။</p> <p>‎</p> <p>‎</p> <p>‎သူ့ တစ်ကိုယ်လုံးသည် မျက်တောင်တစ်ခတ်စာအတွင်း နှစ်သန်းပေါင်းများစွာ အိုမင်းသွားသကဲ့သို့ ဖြစ်သွားလေသည်။</p> <p>‎</p> <p>‎</p> <p>‎ဤသည်မှာ ရန်သူကို တစ်ထောင် သတ်ရန် မိမိကိုယ်ကို ရှစ်ရာလောက် ထိခိုက်စေသည့် စိတ်ကူး၍ပင် မရနိုင်လောက်အောင် ကြောက်မက်ဖွယ်ကောင်းသော နည်းလမ်းတစ်ခု ဖြစ်သည်။</p> <p>‎</p> <p>‎</p> <p>‎စွမ်းအားကြီးမားသည့် အင်မော်တယ်ဘုရင် ဘီလူးကြီးတစ်ပါး ဖြစ်သော ကောင်းကင်ဖုံးလွှမ်း အင်မော်တယ်ဘုရင်သည် ရန်သူကိုသတ်ဖြတ်နိုင်ရန် သူ့ကိုယ်သူ ယဇ်ကောင်အဖြစ် တစ်ကြိမ် ပြုလုပ်ရုံဖြင့် ဤမျှ ကြီးမားသော ထိခိုက်မှုကို ခံစားလိုက်ရ၏။ သူ၏အရှိန်အဝါနှင့် အသွင်အပြင်ကို ကြည့်ရုံဖြင့် သူ မည်မျှ ကြီးမားသော တန်ရာတန်ကြေးကို ပေးဆပ်ခဲ့ရသည်ကို သိသာထင်ရှားလှပေသည်။</p> <p>‎</p> <p>‎</p> <p>‎ဤသည်မှာ ကောင်းကင်ဖုံးလွှမ်း အင်မော်တယ်ဘုရင် ကိုယ်တိုင်အပေါ် အလွန် ဆိုးရွားလွန်းစွာ သက်ရောက်သည်ဖြစ်ရာ လုံးဝ ရွေးချယ်စရာမရှိတော့သော မတတ်သာတော့သည့် အခြေအနေမှသာ ထုတ်သုံးသည့် နောက်ဆုံးဖဲချပ်ဖြစ်မည်မှာ ယုံမှားသံသယဖြစ်ဖွယ် မရှိပေ။</p> <p>‎</p> <p>‎</p> <p>‎အနည်းငယ် မှားယွင်းသွားပါက တန်ပြန်သက်ရောက်မှု ဖြစ်ပေါ်လာကာ ကိုယ့်ကိုယ်ကိုယ် ပြန်လည်သတ်ဖြတ်မိသွားနိုင်၏။</p> <p>‎</p> <p>‎</p> <p>‎သို့သော် ကောင်းကင်ဖုံးလွှမ်း အင်မော်တယ်ဘုရင်၏ အမြင်တွင် ဤနည်းလမ်းကို အသုံးပြု၍ ကုချန်အား သတ်ဖြတ်နိုင်မည်ဆိုလျှင် ဆုံးရှုံးမှု အားလုံးမှာ ထိုက်တန်ပေလိမ့်မည်။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်၏ အနှစ်သာရ သွေးများနှင့် နတ်ချီစွမ်းအင်များမှာ မီးခိုးငွေ့များအဖြစ် ပြောင်းလဲ၍ ကောင်းကင်သို့ တက်သွားသောအခါ ကောင်းကင်ဘုံ တာအိုကဲ့သို့ ခံစားချက်ကင်းမဲ့နေသော ထိုအဖြူရောင် မျက်လုံးထဲတွင် ကျေနပ်သည့် အရိပ်အယောင်တစ်ခု ပေါ်လာ၏။</p> <p>‎</p> <p>‎</p> <p>‎ထို့နောက် ချက်ချင်းပင် ထိုအဖြူရောင် မျက်လုံးသည် ကုချန်ထံသို့ ဖြည်းညင်းစွာ လှည့်လာလေသည်။</p> <p>‎</p> <p>‎</p> <p>‎ထိုအဖြူရောင် မျက်လုံးဆီမှ မျက်စိဖြင့်မမြင်နိုင်သော တာအိုအမှတ်အသားများ ဆင်းသက်လာကာ ကောင်းကင်ဖုံးလွှမ်း အင်မော်တယ်ဘုရင်၏ ခေါ်ယူမှုကို တုံ့ပြန်၍ ကုချန်အား ယဇ်ပူဇော်တော့မည့်အလား ပြေးဝင်ချိတ်ဆက်သွားတော့သည်။</p> <p>‎</p> <p>‎</p> <p>‎" ဝှစ်! "</p> <p>‎</p> <p>‎</p> <p>‎မျက်စိဖြင့်မမြင်နိုင်သော ရိုက်ခတ်မှုလှိုင်းများသည် ထိုတာအိုအမှတ်အသားများတစ်လျှောက် ဆင်းသက်လာခဲ့၏။</p> <p>‎</p> <p>‎</p> <p>‎လျှို့ဝှက်ဆန်းကြယ်သော လက်တစ်ဖက်သည် ကုချန်၏ဦးခေါင်းထက်သို့ မမြင်နိုင်သောနေရာမှ ရုတ်တရက် ကျရောက်လာသကဲ့သို့ သူ၏နတ်ဝိညာဉ်နှင့် ချီအနှစ်သာရတို့အား ဆွဲဆုတ်ကာ သူ့ကို အရှင်လတ်လတ် ယဇ်ပူဇော်ရန် ရည်ရွယ်နေဟန်ရှိလေသည်။</p> <p>‎</p> <p>‎</p> <p>‎သူ၏ နတ်ဝိညာဉ်နှင့် သွေးအနှစ်သာရတို့ ခန္ဓာကိုယ်အတွင်းမှ လွတ်ထွက်သွားတော့မည့်အလား ခံစားလိုက်ရသောအခါ ကုချန်သည် မျက်ခုံးတစ်ချက် ပင့်လိုက်၏။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်၏ နည်းလမ်းသည် သူ၏ အချိန်နှင့်လေဟာနယ် ပျက်သုဉ်းခြင်း ကျင့်စဉ်နှင့် အနည်းငယ် ဆင်တူနေ၏။ နှစ်ခုစလုံးမှာ ရန်သူ၏ အနှစ်သာရ သွေးများ၊ နတ်ချီစွမ်းအင်၊ ရုပ်ခန္ဓာနှင့် တာအိုကျင့်ကြံမှုများကို ဖြတ်တောက်ရန် ရည်ရွယ်ထားခြင်း ဖြစ်လေသည်။</p> <p>‎</p> <p>‎</p> <p>‎သို့သော် ကောင်းကင်ဖုံးလွှမ်း အင်မော်တယ်ဘုရင်၏ နည်းလမ်းအတွက် လိုအပ်သော တန်ရာတန်ကြေးမှာ ကုချန်၏ အချိန်နှင့်လေဟာနယ် ပျက်သုဉ်းခြင်း ကျင့်စဉ်ထက် သိသိသာသာ ပိုမို ဆိုးရွားကြောင်း ထင်ရှားလှသည်။</p> <p>‎</p> <p>‎</p> <p>‎အချိန်ကောင်းကင်တိုင်မှ ရရှိခဲ့သော ကုချန်၏ 'အချိန်နှင့်လေဟာနယ် ပျက်သုဉ်းခြင်း ကျင့်စဉ်' သည် ရန်သူ၏ သက်တမ်းကို ဖြတ်တောက်ရန်အတွက် မည်သည့်ပေးဆပ်မှုမျှ ပြုလုပ်ရန် မလိုအပ်ချေ။</p> <p>‎</p> <p>‎</p> <p>‎သို့ရာတွင် ကောင်းကင်ဖုံးလွှမ်း အင်မော်တယ်ဘုရင်မှာမူ ကိုယ့်ကိုယ်ကို ယဇ်ပူဇော်ရန် လိုအပ်နေကာ ရန်သူအား တစ်ထောင်မျှ ထိခိုက်စေရန်အတွက် မိမိကိုယ်တိုင် ရှစ်ရာမျှ ပြန်လည်နစ်နာစေမည့် အခြေအနေမျိုးပင် ဖြစ်သည်။</p> <p>‎</p> <p>‎</p> <p>‎၎င်းတို့နှစ်ခုကြားရှိ ကွာခြားချက်မှာ တစ်ချက်ကြည့်ရုံဖြင့် သိသာထင်ရှားလှသည်။</p> <p>‎</p> <p>‎</p> <p>‎ယဇ်ပလ္လင်ပေါ်တွင် အစီအရင်များ ပြုလုပ်နေသော ကောင်းကင်ဖုံးလွှမ်း အင်မော်တယ်ဘုရင်၏ ဆံပင်များ ဖြူရော်ကာ ခန္ဓာကိုယ် ခြောက်သွေ့သွားသည် ကြည့်လျက် ကုချန်၏ရင်ထဲတွင် အနည်းငယ် လှုပ်ရှားသွား၏။</p> <p>‎</p> <p>‎</p> <p>‎သူ့ကို သတ်ဖြတ်ရန် ကောင်းကင်ဖုံးလွှမ်း အင်မော်တယ်ဘုရင်မှာ ဤမျှ ကြီးမားသော တန်ရာတန်ကြေးကို ပေးဆပ်ခဲ့ရသည်။</p> <p>‎</p> <p>‎</p> <p>‎အကယ်၍ သူသာ အချိန်နှင့်လေဟာနယ် ပျက်သုဉ်းခြင်း ကျင့်စဉ်ကို ထပ်မံအသုံးပြုလိုက်ပါက ကောင်းကင်ဖုံးလွှမ်း အင်မော်တယ်ဘုရင် ခံနိုင်ရည် ရှိပါဦးမည်လော။</p> <p>‎</p> <p>‎</p> <p>‎အတွေးနှင့်အတူ ကုချန်သည် သူ၏ လက်ဖဝါးကို ချက်ချင်း ဆန့်တန်းလိုက်ရာ ကြည်လင်သော အလင်းတန်းတစ်ခု ဖြာထွက်လာ၍ 'အချိန်နှင့်‌ လေဟာနယ် ပျက်သုဉ်းခြင်း ကျင့်စဉ်' အား ထုတ်လွှတ်လိုက်လေတော့သည်။</p> <p>‎</p> <p>‎</p> <p>‎အံ့ဖွယ် မြင်ကွင်းတစ်ခု ထွက်ပေါ်လာ၏။ ကောင်းကင်ဖုံးလွှမ်း အင်မော်တယ်ဘုရင် အပူတပြင်း အသက်သွင်းခဲ့သော ယဇ်ပူဇော် သတ်ဖြတ်ခြင်း စွမ်းအားသည် အချိန်နှင့်လေဟာနယ် ပျက်သုဉ်းခြင်း စွမ်းအားရှေ့တွင် သဘာဝ ရန်သူနှင့် တွေ့လိုက်ရသကဲ့သို့ တစ်ခဏအတွင်းမှာပင် အလုံးစုံ ပျက်ပြယ်ပျောက်ကွယ်သွားခဲ့၏။</p> <p>‎</p> <p>‎</p> <p>‎ထို့အပြင် 'အချိန်နှင့်လေဟာနယ် ပျက်သုဉ်းခြင်း ကျင့်စဉ်' ၏ စွမ်းအားသည် မျက်စိဖြင့်မမြင်နိုင်သော ထိုတာအိုအမှတ်အသားများတစ်လျှောက် စီးဆင်းသွားကာ ထိုအဖြူရောင် မျက်လုံးထဲသို့ ဝင်ရောက်သွားလေသည်။</p> <p>‎</p> <p>‎</p> <p>‎" ဝှစ်...! "</p> <p>‎</p> <p>‎</p> <p>‎အချိန်နှင့်လေဟာနယ် ပျက်သုဉ်းခြင်း ကျင့်စဉ်၏ စွမ်းအားများ ထိုအဖြူရောင် မျက်လုံးထဲသို့ ဝင်ရောက်သွားသောအခါ.....</p> <p>‎</p> <p>‎</p> <p>‎မျက်စိတစ်မှိတ်အတွင်းမှာပင် ထိုအဖြူရောင် မျက်လုံးမှာ မှေးမှိန်သွား၍ အစက သန့်စင်သော အဖြူရောင် အလင်းတန်းမှာ လွန်စွာ နောက်ကျိသွားကာ ခဏချင်းအတွင်း နှစ်သန်းပေါင်းများစွာ အိုမင်းသွားသကဲ့သို့ ဖြစ်သွားလေသည်။</p> <p>‎</p> <p>‎</p> <p>‎ကုချန်သည် သူ မှင်သက်နေစဉ်အတွင်း လေဟာနယ်ထဲမှ ဟိန်းဟောက်သံများကို ကြားလိုက်ရသကဲ့သို့ ခံစားလိုက်ရ၏။</p> <p>‎</p> <p>‎</p> <p>‎ထိုအဖြူရောင် မျက်လုံးသည် တစ်ယောက်တည်း ဒုက္ခခံရန် ဆန္ဒရှိပုံမရပေ။</p> <p>‎</p> <p>‎</p> <p>‎ထို့ကြောင့် နောက်တစ်ခဏတွင် အချိန်နှင့်လေဟာနယ် ပျက်သုဉ်းခြင်း စွမ်းအား အများစုသည် လျှို့ဝှက်ဆန်းကြယ်သော တာအိုအမှတ်အသားများအတိုင်း ကောင်းကင်ဖုံးလွှမ်း အင်မော်တယ်ဘုရင်၏ ခေါင်းပေါ်သို့ ဆင်းသက်သွားတော့လေ၏။</p> <p>‎</p> <p>‎</p> <p>‎" အား!! "</p> <p>‎</p> <p>‎</p> <p>‎အချိန်နှင့်လေဟာနယ် ပျက်သုဉ်းခြင်း ကျင့်စဉ်၏ ရိုက်ခတ်မှုကို ခံလိုက်ရသဖြင့် ကောင်းကင်ဖုံးလွှမ်း အင်မော်တယ်ဘုရင်သည် ချက်ချင်း သနားစရာကောင်းလောက်အောင်ပင် ကျယ်လောင်စွာ အော်ဟစ်လျက် ယိမ်းယိုင်သွားကာ ယဇ်ပလ္လင်ပေါ်မှ ပြုတ်ကျလုနီးပါး ဖြစ်သွားတော့သည်။</p> <p>‎</p> <p>‎</p> <p>‎သူ၏ဆံပင်များမှာ ချက်ချင်း အဖြူရောင် ပြောင်းသွား၍ အရေတွန့်များမှာလည်း သူ၏မျက်နှာပေါ်တွင် အထပ်ထပ် ဖြစ်လာကာ အနံ့ဆိုးထွက်နေသည့် ယိုယွင်းနေသော အရာဝတ္ထုများ သူ၏ခန္ဓာကိုယ်ပေါ်တွင် ဆက်တိုက် ထွက်ပေါ်လာ၏။ သူ့တစ်ကိုယ်လုံး၌ မည်သည့် သက်စောင့်စွမ်းအင်မျှ မရှိတော့ဘဲ ပြင်းထန်သော သေမင်း၏ အငွေ့အသက်များ ပြည့်နှက်နေသည့် နေဝင်ချိန် နှစ်များဆီသို့ ဝင်ရောက်သွားသကဲ့သို့ ဖြစ်နေလေသည်။</p> <p>‎</p> <p>‎</p> <p>‎သူ၏အနှစ်သာရ သွေးများမှာ ခန်းခြောက်သွားကာ သက်တမ်းများ ကုန်ဆုံးသွား၍ သူ၏ နတ်ဝိညာဉ်ပင်လျှင် အလွန်အမင်း ကျဆင်းသွားရာ နောက်တစ်စက္ကန့်တွင်ပင် ပြိုကျတော့မည့်အလား ဖြစ်နေလေသည်။</p> <p>‎</p> <p>‎</p> <p>‎ဤအဆင့်ဆင့် အားနည်းသွားမှုအောက်တွင် ကောင်းကင်ဖုံးလွှမ်း အင်မော်တယ်ဘုရင်၏ အဆင့်သည် အင်မော်တယ်ဘုရင် ဘီလူးကြီး အဆင့်မှပင် ကျဆင်းသွား၍ အင်မော်တယ်ဘုရင် အဆင့်မှ ထွက်သွားတော့မည့်အလား ဖြစ်သွားတော့သည်။</p> <p>‎</p> <p>‎</p> <p>‎" မဖြစ်နိုင်ဘူး... ဒါ လုံးဝ မဖြစ်နိုင်ဘူး... "</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်မှ အက်ရှအိုမင်းနေသော အသံဖြင့် ဟိန်းဟောက်လိုက်၏။</p> <p>‎</p> <p>‎</p> <p>‎ဤအရာအားလုံးကို သူ မယုံကြည်နိုင်ချေ။</p> <p>‎</p> <p>‎</p> <p>‎သူ အပူတပြင်း ယဇ်ပူဇော်၍ ထုတ်လွှတ်ခဲ့သော နည်းလမ်းကို ဤသူမှ ဤမျှ လွယ်လွယ်ကူကူ ချေဖျက်နိုင်ခဲ့သည်လော။</p> <p>‎</p> <p>‎</p> <p>‎ထိုမျှမက ပြိုင်ဘက်သည် ကြီးမားသော ယဇ်ပူဇော်ခြင်း၏ စွမ်းအားအားလုံးကို တားဆီးရန်နှင့် သူ့အပေါ်သို့ တန်ပြန်သက်ရောက်စေရန် အမည်မသိ မိစ္ဆာပညာရပ်အချို့ကိုပင် အသုံးပြုခဲ့သေးသည်။</p> <p>‎</p> <p>‎</p> <p>‎" ဘုန်း! "</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်၏ အရှိန်အဝါ အလွန်အမင်း ကျဆင်းသွားသည်နှင့်အမျှ ထိန်းသိမ်းထားခဲ့သော ကောင်းကင်ဖုံးလွှမ်း နယ်ပယ်သည်လည်း မျက်စိတစ်မှိတ်အတွင်း ပြိုကွဲပျက်စီးသွားကာ ဆက်လက်မရပ်တည်နိုင်တော့ချေ။</p> <p>‎</p> <p>‎</p> <p>‎ဤသည်ကို မြင်သောအခါ ကုချန်သည် တုံ့ဆိုင်းမနေတော့ပေ။ လက်သီးတစ်ချက် လွှဲယမ်းကာ လုံးဝ ခုခံနိုင်စွမ်း မရှိတော့သော ကောင်းကင်ဖုံးလွှမ်း အင်မော်တယ်ဘုရင်ကို ရိုက်ချိုးပစ်လိုက်ကာ သူ့အား ယဇ်ပလ္လင်ပေါ်မှ လိမ့်ကျသွားစေခဲ့သည်။</p> <p>‎</p> <p>‎</p> <p>‎အကယ်၍ ယနေ့ ဤအခြေအနေတွင် အခြားတစ်ယောက်သာဆိုပါက ကောင်းကင်ဖုံးလွှမ်း အင်မော်တယ်ဘုရင်၏ ထောင်ချောက်ထဲသို့ အမှန်တကယ် ကျရောက်သွားနိုင်၍ သူ၏ ကြီးမားသော ယဇ်ပူဇော်ခြင်း နည်းလမ်းဖြင့် ဤလောကတွင် အသတ်ခံလိုက်ရနိုင်ပေသည်။</p> <p>‎</p> <p>‎</p> <p>‎သို့သော် ကံမကောင်းစွာဖြင့် သူသည် ကုချန်နှင့် ဆုံတွေ့ခဲ့သည်။</p> <p>‎</p> <p>‎</p> <p>‎ကုချန်၏ အချိန်နှင့်လေဟာနယ် ပျက်သုဉ်းခြင်း ကျင့်စဉ်သည် ကောင်းကင်ဖုံးလွှမ်း အင်မော်တယ်ဘုရင်၏ ကြီးမားသော ယဇ်ပူဇော်ခြင်း နည်းလမ်းထက် အဆင့်များစွာ မြင့်မားကြောင်း ထင်ရှားလှရာ ၎င်းကို လုံးဝ ဖိနှိပ်နိုင်ပေသည်။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်သည် ကိုယ့်ကိုယ်ကိုယ် အရင် ယဇ်ကောင်အဖြစ် ပူဇော်ခြင်းဖြင့် သိသိသာသာ ဆုံးရှုံးမှု ခံစားခဲ့ရပြီး ဖြစ်သည်။</p> <p>‎</p> <p>‎</p> <p>‎ထို့နောက် ကုချန်၏ အချိန်နှင့်လေဟာနယ် ပျက်သုဉ်းခြင်း ကျင့်စဉ်ဖြင့် ရိုက်ခတ်ခံလိုက်ရခြင်းမှာ ဒဏ်ရာပေါ် ဓားရှသကဲ့သို့ ဖြစ်သွားလေသည်။ သူ ထိုနေရာ၌ပင် ချက်ချင်း မသေဆုံးသွားခြင်းမှာ သူ၏ နက်နဲလှသော တာအိုကျင့်ကြံမှုကြောင့်ပင် ဖြစ်သည်။</p> <p>‎</p> <p>‎</p> <p>‎သို့သော် သူ ချက်ချင်း မသေဆုံးသွားသော်လည်း ကုချန်သည် သူ့ကို ပြန်လည်သက်သာခွင့်ပေးရန် ရည်ရွယ်ချက် လုံးဝ မရှိကြောင်း ထင်ရှားလှ၏။ သူသည် အညှာအတာမဲ့စွာ ရှေ့သို့တိုးကာ သူ၏စွမ်းအားများကို အပြည့်အဝ ထုတ်လွှတ်လိုက်၍ မျက်စိတစ်မှိတ်အတွင်း လက်သီးပေါင်း သောင်းချီ ထိုးချလိုက်လေသည်။</p> <p>‎</p> <p>‎</p> <p>‎မျက်တောင်တစ်ခတ်စာ အချိန်မတိုင်မီမှာပင် သူသည် ကောင်းကင်ဖုံးလွှမ်း အင်မော်တယ်ဘုရင်ကို လုံးဝ သတ်ဖြတ်ပစ်လိုက်တော့သည်။</p> <p>‎‎***</p> <p> </p>


Save