Book List

<h2 style="text-align: center;">‎အခန်း ( ၄၃၇ )</h2> <h2 style="text-align: center;">နောက်ဆက်တွဲကိစ္စများကို ဖြေရှင်းခြင်း၊ ဘီလူးကြီးများပင် ရောက်လာကြပြီ၊ ငါမသိဘူး</h2> <h2 style="text-align: center;">‎*</h2> <p> </p> <p>‎</p> <p>‎</p> <p>‎" ဘုန်း! "</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင် သေဆုံးသွားသည်နှင့် ကောင်းကင်နှင့်မြေကြီးကို လွှမ်းခြုံထားသော ကောင်းကင်ဖုံးလွှမ်းနယ်ပယ်သည်လည်း ချက်ချင်း ပြိုကွဲပျောက်ကွယ်သွား၏။ အင်မော်တယ်ဘုရင် ဘီလူးကြီးများ၏ ကျန်ရစ်သော စွမ်းအားအငွေ့အသက် အနည်းငယ်သာ အရပ်လေးမျက်နှာသို့ ပြန့်နှံ့သွားတော့သည်။</p> <p>‎</p> <p>‎</p> <p>‎" ကောင်းကင်ဖုံးလွှမ်း အင်မော်တယ်ဘုရင်... တကယ်ပဲ ကျဆုံးသွားတာလား "</p> <p>‎</p> <p>‎</p> <p>‎ပြိုကွဲသွားသော ကောင်းကင်ဖုံးလွှမ်းနယ်ပယ်ကို ကြည့်လျက် ယွဲ့လင်အင်မော်တယ်ဘုရင်၏ လှပသော မျက်လုံးများမှာ မှင်သက်နေကာ အိပ်မက်မက်နေသကဲ့သို့ ခံစားနေရလေသည်။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်သည် စိတ်ကူး၍ပင်မရနိုင်သော နည်းလမ်းများကို အသုံးပြုခဲ့သဖြင့် ကုချန်အတွက် ခက်ခဲသော တိုက်ပွဲတစ်ခု ဖြစ်လာမည်ဟု သူ ယခုလေးတင် စိုးရိမ်နေခဲ့မိသည်။</p> <p>‎</p> <p>‎</p> <p>‎သို့သော် ရလဒ်မှာ သူ မျှော်လင့်ထားသည်ထက် များစွာ ကျော်လွန်သွားခဲ့၏။</p> <p>‎</p> <p>‎</p> <p>‎မည်သည့် ခက်ခဲသော တိုက်ပွဲမျှ မရှိခဲ့ချေ။ မျက်စိတစ်မှိတ်အတွင်းမှာပင် ကုချန်သည် တန်ပြန်သတ်ဖြတ်မှုကို ပြီးမြောက်ခဲ့ကာ ကောင်းကင်ဖုံးလွှမ်း အင်မော်တယ်ဘုရင်ကို အလွယ်တကူ ချေမှုန်းပစ်လိုက်‌လေသည်။ ဤသည်မှာ ချန်းရှီအင်မော်တယ်ဘုရင်ကို သတ်ဖြတ်ခဲ့စဉ်ကထက် များစွာ ပိုမခက်ခဲခဲ့ပေ။</p> <p>‎</p> <p>‎</p> <p>‎ဒါက.....</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်၏ ကြီးမားသော ယဇ်ပူဇော်ခြင်း နည်းလမ်းကို အလုံးစုံ ဖိနှိပ်နိုင်စွမ်းရှိသည့် ကုချန် ကျွမ်းကျင်ထားသော အချိန်နှင့်လေဟာနယ် ပျက်သုဉ်းခြင်း ကျင့်စဉ်အကြောင်းကို ယွဲ့လင်အင်မော်တယ်ဘုရင် မသိခဲ့ချေ။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်သာ ဤကြီးမားသော ယဇ်ပူဇော်ခြင်း နည်းလမ်းကို အသုံးမပြုခဲ့ပါက အချိန်အနည်းငယ် ပို၍ တောင့်ခံထားနိုင်မည်ဟုသာ ဆိုရပေမည်။</p> <p>‎</p> <p>‎</p> <p>‎သို့သော် ရန်သူကို တစ်ထောင်သတ်ရန် မိမိကိုယ်ကို ရှစ်ရာ ထိခိုက်စေမည့် ဤကြီးမားသော ယဇ်ပူဇော်ခြင်း နည်းလမ်းကို သူ အသုံးပြုရန် ပြင်ဆင်လိုက်ချိန်မှာပင် ကုချန်၏ ပြီးပြည့်စုံသော တန်ပြန်ချေမှုန်းမှုကို ခံလိုက်ရ၍ အသက်ရှူကျပ်ဖွယ်ကောင်းအောင် သေဆုံးသွားခဲ့ရလေသည်။</p> <p>‎</p> <p>‎</p> <p>‎" ကျန်တာ မင်းတာဝန်ပဲ "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင် မှင်သက်နေစဉ်မှာပင် ကုချန်၏အသံသည် သူ၏နားထဲသို့ ရုတ်တရက် ဝင်ရောက်လာ၏။</p> <p>‎</p> <p>‎</p> <p>‎ကျန်တာ? ဘာကျန်တာလဲ။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်မှာ ဇဝေဇဝါဖြစ်သွားကာ ကုချန်ကို မေးမြန်းရန် ပြင်လိုက်၏။</p> <p>‎</p> <p>‎</p> <p>‎သူ ဤနေရာသို့ လာရောက်ရခြင်း၏ ရည်ရွယ်ချက်ကို မမေ့သေးပေ။ ချီလျိုနှင့် ဆက်သွယ်၍ ချီလျန်မျိုးနွယ်၏ လက်ရှိအခြေအနေကို သူ သိချင်သေးသည်လေ။</p> <p>‎</p> <p>‎</p> <p>‎သို့သော် သူ မမေးမြန်းရသေးမီမှာပင် ကုချန်၏ ပုံရိပ်သည် မူလနေရာမှ ပျောက်ကွယ်သွားကာ သူ၏နားထဲတွင် ပဲ့တင်ထပ်နေသော အသံတစ်သံသာ ကျန်ရစ်ခဲ့လေသည်။</p> <p>‎</p> <p>‎</p> <p>‎" ဒီကိစ္စရဲ့ နောက်ဆက်တွဲ ဂယက်တွေ ပြီးသွားရင် ငါကိုယ်တော် မင်းဆီကို ကျိန်းသေ လာရှာပါ့မယ် "</p> <p>‎</p> <p>‎</p> <p>‎ကုချန် ဤမျှ အလျင်စလို ထွက်သွားရခြင်းမှာ ဤတိုက်ပွဲမှ ရရှိခဲ့သော အကျိုးအမြတ်များကို အနှစ်ချုပ် ချေဖျက်ရန် တံခါးပိတ်ကျင့်ကြံမည့်နေရာကို အမြန်ရှာဖွေလိုသောကြောင့် ဖြစ်လေသည်။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်နှင့် တိုက်ပွဲတွင် ကုချန်၏ နားလည်သဘောပေါက်မှုနှင့် တာအိုကျင့်ကြံမှုမှာ များစွာ တိုးတက်လာခဲ့ရာ ၎င်းတို့ကို ချေဖျက်ရန် တံခါးပိတ်ကျင့်ကြံရမည့်နေရာကို သဘာဝကျကျပင် အမြန်ရှာရမည် ဖြစ်သည်။</p> <p>‎</p> <p>‎</p> <p>‎ထို့အပြင် နောက်ထပ် အကြောင်းအရင်း ရှိသေး၏။</p> <p>‎</p> <p>‎</p> <p>‎၎င်းမှာ ကောင်းကင်ဖုံးလွှမ်း အင်မော်တယ်ဘုရင် သေဆုံးသွားသည့် လှိုင်းဂယက်များ ပြန့်နှံ့သွားပြီ ဖြစ်သောကြောင့်ပင်။</p> <p>‎</p> <p>‎</p> <p>‎မကြာမီ အခြား အင်မော်တယ်ဘုရင်များ ထပ်မံရောက်ရှိလာပေတော့မည်။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်နှင့် တိုက်ပွဲရလဒ်အရ သူ၏ လက်ရှိ တိုက်ခိုက်ရေးစွမ်းအားသည် အင်မော်တယ်ဘုရင်အဆင့်တွင် ပြိုင်ဘက်ကင်း၍ အင်မော်တယ်ဘုရင် ဘီလူးကြီးများကိုပင် အနိုင်ယူနိုင်စွမ်းရှိသော်လည်း အပြတ်အသတ် ချေမှုန်းနိုင်သည့် အခြေအနေမျိုး မဟုတ်သေးကြောင်း ကုချန် သဘောပေါက်သွားခဲ့သည်။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်ကဲ့သို့ ပြိုင်ဘက်မျိုးအတွက် သူ၏ နောက်ဆုံးဖဲချပ်ကိုသာ ကုချန်မှ လုံးဝ မချေဖျက်နိုင်ခဲ့ပါက သူ့ကို ဖိနှိပ်သတ်ဖြတ်ရန် များစွာ ပို၍ အားစိုက်ထုတ်ရမည် ဖြစ်သည်။</p> <p>‎</p> <p>‎</p> <p>‎ကုချန်၏ခန့်မှန်းချက်အရ ကောင်းကင်ဖုံးလွှမ်း အင်မော်တယ်ဘုရင်ကို အပြတ်အသတ် ချေမှုန်းလိုပါက ' ချီတစ်ခုမှ သန့်စင်သူသုံးပါး ခွဲထွက်ခြင်း ' ပညာရပ်ကို အသုံးပြု၍ ခန္ဓာကိုယ်သုံးခုလုံးကို တစ်ခုတည်းအဖြစ် ပေါင်းစည်းပစ်ရပေလိမ့်မည်။</p> <p>‎</p> <p>‎</p> <p>‎တစ်နည်းအားဖြင့် သူသည် အင်မော်တယ်နယ်မြေတွင် လွှမ်းမိုးသောင်းကျန်းနိုင်သည့် စွမ်းအား အပြည့်အဝ မရှိသေးချေ။</p> <p>‎</p> <p>‎</p> <p>‎မည်သို့ပင်ဆိုစေ ဤအင်မော်တယ်ဘုရင် ဘီလူးကြီးများ၏ အထက်တွင် ကောင်းကင်ဘုံအားလုံးကို အပေါ်စီးမှ ကြည့်နေသော အင်မော်တယ်ဧကရာဇ်များ ရှိနေသေးသည် မဟုတ်လော။</p> <p>‎</p> <p>‎</p> <p>‎ထို့ကြောင့် ကုချန်သည် ရှေ့တန်းသို့ ဤမျှစောစော ထွက်လာရန် ရည်ရွယ်ချက် မရှိသေးပေ။</p> <p>‎</p> <p>‎</p> <p>‎ယင်းအစား သူသည် ယွဲ့လင်အင်မော်တယ်ဘုရင်ကို အကာအကွယ်အဖြစ် အသုံးပြုမည်ဖြစ်ပြီး သူ အပြည့်အဝ အတောင်ပံစုံကာ လောကတွင် ပြိုင်ဘက်ကင်းဖြစ်လာချိန်မှ ကိုယ်ထင်ပြလျှင် နောက်ကျမည် မဟုတ်ချေ။</p> <p>‎</p> <p>‎</p> <p>‎" နောက်ဆက်တွဲ ဂယက်တွေ..... "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည် တစ်ကိုယ်တည်း တီးတိုးရေရွတ်လိုက်၏။ ကုချန်၏ ဆိုလိုရင်းကို သူ အပြည့်အဝ နားမလည်သေးမီမှာပင် စွမ်းအားကြီးမားသော နတ်ဝိညာဉ်အာရုံများသည် ကောင်းကင်နှင့်မြေကြီးပေါ်သို့ တစ်ခုပြီးတစ်ခု ကျဆင်းလာလေသည်။</p> <p>‎</p> <p>‎</p> <p>‎" အရှင်ရှီ... ကူအင်မော်တယ်ဘုရင်... ယွီအင်မော်တယ်ဘုရင်..... "</p> <p>‎</p> <p>‎</p> <p>‎ထိုစွမ်းအားကြီးမားသော အရှိန်အဝါများကို ခံစားလိုက်ရချိန်တွင် ယွဲ့လင်အင်မော်တယ်ဘုရင်မှာ လန့်ဖျပ်သွားရလေသည်။</p> <p>‎</p> <p>‎</p> <p>‎ဤကောင်းကင်နှင့်မြေကြီးပေါ်သို့ ဆင်းသက်လာသော နတ်ဝိညာဉ်အာရုံများ အားလုံးသည် ရှေးဟောင်း အင်မော်တယ်ဘုရင်အဆင့် တည်ရှိမှုများ ဖြစ်ကြသည်။ သူတို့ထဲမှ အားအနည်းဆုံးသူပင်လျှင် ချန်းရှီကဲ့သို့ ဝါရင့် အင်မော်တယ်ဘုရင်များ ဖြစ်ကြကာ အများစုမှာ ကောင်းကင်ဖုံးလွှမ်းအရှင်ကဲ့သို့ အင်မော်တယ်ဘုရင် ဘီလူးကြီးများ ဖြစ်ကြသည်။</p> <p>‎</p> <p>‎</p> <p>‎ဒီလောက်များတဲ့ အင်မော်တယ်ဘုရင် ဘီလူးကြီးတွေတောင် တုန်လှုပ်ပြီး ဒီကို ဆင်းသက်လာကြတာလား။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်မှာ အံ့အားသင့်သွားရကာ တစ်ချိန်တည်းမှာပင် ကုချန် ခုလေးတင် ပြောသွားသော စကား၏ဆိုလိုရင်းကို နားလည်သွားရလေသည်။</p> <p>‎</p> <p>‎</p> <p>‎" ချန်းရှီ သေသွားပြီ... နောက်ထပ် ဘယ်သူလဲ "</p> <p>‎</p> <p>‎</p> <p>‎စွမ်းအားကြီးမားသော နတ်ဝိညာဉ်အာရုံများထဲမှ ရှေးကျသည့်အသံတစ်ခု ပဲ့တင်ထပ်လာ၏။</p> <p>‎</p> <p>‎</p> <p>‎ဤရှေးဟောင်း အင်မော်တယ်ဘုရင်အဆင့် တည်ရှိမှုများသည် ဤနေရာသို့ မဆင်းသက်မီကတည်းက လဝိညာဉ် ကောင်းကင်ဘုံနှင့် ကပ်လျက်ရှိသော ချန်းရှီ ကောင်းကင်ဘုံရှိ အပြောင်းအလဲများကို သတိထားမိခဲ့ကြပြီး ဖြစ်သည်။</p> <p>‎</p> <p>‎</p> <p>‎ချန်းရှီ ကောင်းကင်ဘုံရှိ တာအိုပြည်နယ်များ အားလုံး၌ သွေးမိုးများ ရွာသွန်းနေ၍ ကောင်းကင်နှင့်မြေကြီးကို ဖုံးလွှမ်းနေလေရာ ဤကောင်းကင်ဘုံ၏ အရှင်သခင် ကျဆုံးသွားကြောင်း ထင်ရှားစွာ ပြသနေလေသည်။</p> <p>‎</p> <p>‎</p> <p>‎သို့သော် ဤရှေးဟောင်း အင်မော်တယ်ဘုရင် ဘီလူးကြီးများကို အမှန်တကယ် ဆွဲဆောင်နိုင်ခဲ့သည်မှာ ချန်းရှီ သေဆုံးသွားခြင်း မဟုတ်ဘဲ ချန်းရှီထက် များစွာ ပိုမို ရှေးကျသော နောက်ထပ် အရှိန်အဝါတစ်ခုကြောင့် ဖြစ်သည်။</p> <p>‎</p> <p>‎</p> <p>‎ထိုအရာမှာ အင်မော်တယ်ဘုရင် ဘီလူးကြီးများသာ ပိုင်ဆိုင်နိုင်သော အရှိန်အဝါပင် ဖြစ်လေသည်။</p> <p>‎</p> <p>‎</p> <p>‎တစ်နည်းအားဖြင့်ဆိုသော် ချန်းရှီအပြင် ဤနေရာ၌ နောက်ထပ် အင်မော်တယ်ဘုရင် ဘီလူးကြီးတစ်ပါးပါ ယခုလေးတင် ကျဆုံးသွားခဲ့ခြင်း ဖြစ်သည်။</p> <p>‎</p> <p>‎</p> <p>‎" ကောင်းကင်ဖုံးလွှမ်း နယ်ပယ်ရဲ့ အရှိန်အဝါ အနည်းငယ်ကို ငါ ခံစားမိလိုက်တယ်... ခုလေးတင် ဒီမှာ ကျဆုံးသွားခဲ့တဲ့သူက တာအိုရောင်းရင်း ကောင်းကင်ဖုံးလွှမ်းအရှင် ဖြစ်ပုံရတယ် "</p> <p>‎</p> <p>‎</p> <p>‎ရှေးဟောင်း အင်မော်တယ်ဘုရင်တစ်ပါးမှ ပြောဆိုလိုက်၏။ သူ၏အမြင်မှာ စူးရှလှရာ အမှန်တရားကို ချက်ချင်း သိမြင်သွားလေသည်။</p> <p>‎</p> <p>‎</p> <p>‎ခုလေးတင် ဒီမှာ သေသွားတာက ကောင်းကင်ဖုံးလွှမ်းအရှင်လား။</p> <p>‎</p> <p>‎</p> <p>‎ထိုအင်မော်တယ်ဘုရင် ဘီလူးကြီးတို့၏ မျက်လုံးများထဲတွင် အံ့သြမှု အရိပ်အယောင်များ ပေါ်ပေါက်လာ၏။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်၏ စွမ်းအားသည် အင်မော်တယ်ဘုရင် ဘီလူးကြီးများထဲတွင် အသန်မာဆုံး မဟုတ်နိုင်သော်လည်း လျှို့ဝှက်ဆန်းကြယ်မှုနှင့် အသက်ရှင်သန်နိုင်စွမ်းတွင်မူ သေချာပေါက် အကောင်းဆုံးများထဲမှ တစ်ပါး ဖြစ်သည်။</p> <p>‎</p> <p>‎</p> <p>‎ဒီလို ပြဿနာများတဲ့ တည်ရှိမှုမျိုးက ဘယ်လိုလုပ် အကြောင်းပြချက်မရှိ အသတ်ခံလိုက်ရတာလဲ။</p> <p>‎</p> <p>‎</p> <p>‎ထို့အပြင် ကောင်းကင်ဖုံးလွှမ်း အင်မော်တယ်ဘုရင် ကျဆုံးသွားပြီးနောက် ပြန့်ကျဲနေသော ချီအငွေ့အသက် အနည်းငယ်ကိုသာ သူတို့ ခံစားမိခဲ့ကြသည်။</p> <p>‎</p> <p>‎</p> <p>‎အစောပိုင်း၌ ဖြစ်ပျက်ခဲ့ကြသည်များကိုတော့ ဤရှေးဟောင်း အင်မော်တယ်ဘုရင်အဆင့် တည်ရှိမှုများ လုံးဝ ဘာကိုမျှမသိခဲ့ကြဟု ဆိုနိုင်ပေသည်။</p> <p>‎</p> <p>‎</p> <p>‎အင်မော်တယ်ဧကရာဇ်အဆင့် တည်ရှိမှုတစ်ခုခုကများ ဝင်ပါပြီး ကောင်းကင်ဖုံးလွှမ်းအရှင်ကို သတ်ပစ်လိုက်တာလား။</p> <p>‎</p> <p>‎</p> <p>‎အင်မော်တယ်ဘုရင် ဘီလူးကြီးများ၏ မျက်နှာပေါ်တွင် မသေချာမရေရာသည့် အမူအရာများ ဖြတ်ပြေးသွား၏။</p> <p>‎</p> <p>‎</p> <p>‎ချက်ချင်းပင် ထိုရှေးဟောင်း အကြည့်များအားလုံး ယွဲ့လင်အင်မော်တယ်ဘုရင်အပေါ် ကျရောက်သွားတော့သည်။</p> <p>‎</p> <p>‎</p> <p>‎" တာအိုရောင်းရင်း ယွဲ့လင်... စောနက ဒီမှာ ဘာတွေ ဖြစ်သွားခဲ့သလဲဆိုတာ ကျေးဇူးပြုပြီး ငါတို့ကို တိတိကျကျ ပြောပြနိုင်မလား "</p> <p>‎</p> <p>‎</p> <p>‎အင်မော်တယ်ဘုရင် ဘီလူးကြီးတစ်ပါးမှ သူ၏ လေသံကို ပျော့ပျောင်းနွေးထွေးစွာ ထား၍ ပြောဆိုလိုက်သည်။</p> <p>‎</p> <p>‎</p> <p>‎ပုံမှန်အားဖြင့် ဤအင်မော်တယ်ဘုရင် ဘီလူးကြီးများသည် ယွဲ့လင်အင်မော်တယ်ဘုရင်ကဲ့သို့ မကြာသေးမီကမှ အဆင့်တက်လာသော အင်မော်တယ်ဘုရင်များကို အဖက်လုပ်၍ပင် ကြည့်မည် မဟုတ်ချေ။</p> <p>‎</p> <p>‎</p> <p>‎နှစ်ဦးစလုံးမှာ အင်မော်တယ်ဘုရင်အဆင့် ဖြစ်သော်လည်း တစ်ဦးမှာ အင်မော်တယ်ဘုရင် ဘီလူးကြီးဖြစ်၍ နောက်တစ်ဦးမှာ သာမန် အင်မော်တယ်ဘုရင်သာ ဖြစ်သည်။ ၎င်းတို့နှစ်ဦးကြားရှိ ကြီးမားလှသော ကွာဟချက်မှာ အင်မော်တယ်အရှင်မှ အင်မော်တယ်ဘုရင်သို့ တက်လှမ်းရခြင်းထက် မငယ်လှပေ။</p> <p>‎</p> <p>‎</p> <p>‎သို့သော် ယခုအခါ ယွဲ့လင်ကို ရင်ဆိုင်ရချိန်တွင် ဤရှေးဟောင်း အင်မော်တယ်ဘုရင် ဘီလူးကြီးများပင် နွေးထွေးပျူငှာနေကြ၍ ယဉ်ကျေးစွာ ဆက်ဆံကာ ' တာအိုရောင်းရင်း ' ဟုပင် ခေါ်ဆိုနေကြလေသည်။</p> <p>‎</p> <p>‎</p> <p>‎ဤအပြောင်းအလဲများအားလုံး ဘာကြောင့်ဖြစ်နေသည်ကို ယွဲ့လင်ကိုယ်တိုင် ကောင်းစွာ သိထားလေသည်။</p> <p>‎</p> <p>‎</p> <p>‎ရိုးရိုးရှင်းရှင်း ပြောရလျှင် ဤအင်မော်တယ်ဘုရင် ဘီလူးကြီးများသည် ယခုလေးတင် ဖြစ်ပျက်သွားခဲ့သည့်အရာများကို မခန့်မှန်းနိုင်သလို သူနှင့် ပတ်သက်နေသလားဆိုသည်ကိုလည်း မသိသောကြောင့် ဤမျှ ယဉ်ကျေးစွာ ပြုမူနေကြခြင်း ဖြစ်သည်။</p> <p>‎</p> <p>‎</p> <p>‎ဤအချက်ကို တွေးမိသောအခါ ' နောက်ဆက်တွဲ ဖြေရှင်းရန် ' သူ့ကို ချန်ထားခဲ့သော ကုချန်၏ရည်ရွယ်ချက် အစစ်အမှန်ကို ယွဲ့လင်အင်မော်တယ်ဘုရင် နောက်ဆုံးတွင် လုံးဝ နားလည်သွားတော့၏။</p> <p>‎</p> <p>‎</p> <p>‎ထို့ကြောင့် ဤရှေးဟောင်း အင်မော်တယ်ဘုရင် ဘီလူးကြီး၏ မေးခွန်းကို ရင်ဆိုင်ရချိန်တွင် ယွဲ့လင်အင်မော်တယ်ဘုရင်မှာ မောက်မာခြင်းမရှိ၊ နှိမ့်ချခြင်းမရှိဘဲ ရိုးရှင်းစွာပင် ပြန်ဖြေလိုက်လေသည်။</p> <p>‎</p> <p>‎</p> <p>‎" စောနတုန်းက ဘာဖြစ်သွားတာလဲဆိုတာ ကျွန်မလည်း မသိပါဘူး "</p> <p>‎***</p> <p> </p>


Save