Book List

<h2 style="text-align: center;">‎အခန်း ( ၄၄၇ )</h2> <h2 style="text-align: center;">စီစဉ်ဖို့ မင်းကိုပဲ လွှဲထားလိုက်မယ်၊ မင်းက ငါ့အသက်ကို ကယ်ခဲ့တာဆိုတော့ ကျေးဇူးဆပ်မလို့လား</h2> <h2 style="text-align: center;">‎*</h2> <p> </p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်မှ ကုချန်ကို အရိုအသေပေးလိုက်သည့် မြင်ကွင်းမှာ ကောင်းကင်နတ်သမီး ရှောင်းယွဲ့နှင့် ကုချင်းရွဲ့တို့၏အမြင်တွင် လုံးဝ ယုတ္တိမရှိသကဲ့သို့ ဖြစ်နေလေသည်။</p> <p>‎</p> <p>‎</p> <p>‎အထူးသဖြင့် ကောင်းကင်နတ်သမီး ရှောင်းယွဲ့အတွက် ဖြစ်၏။</p> <p>‎</p> <p>‎</p> <p>‎သူ၏စိတ်ကူးထဲတွင် ဤလျှို့ဝှက်ဆန်းကြယ်သော အမျိုးသမီး အင်မော်တယ်ဘုရင်သည် ကုချန်၏ နောက်ကွယ်မှ ကျောထောက်နောက်ခံ တစ်ဦးဖြစ်မည်ဟု မှတ်ယူထားခဲ့ပြီး ဖြစ်သည်။</p> <p>‎</p> <p>‎</p> <p>‎မည်သို့ပင်ဆိုစေ ဤသူသည် အင်မော်တယ်ဘုရင် တစ်ပါးပင်။</p> <p>‎</p> <p>‎</p> <p>‎ဒါပေမဲ့ အခု အခြေအနေက ဘယ်လိုဖြစ်နေတာလဲ။</p> <p>‎</p> <p>‎</p> <p>‎ဒီအမျိုးသမီး အင်မော်တယ်ဘုရင်က ကုချင်းရွဲ့ရဲ့ ဘိုးဘေးကို အရိုအသေပေးနေတာလား?!</p> <p>‎</p> <p>‎</p> <p>‎ထို့အပြင် သူ၏အမူအရာမှာ အလွန် ရိုသေလေးစားဟန်ရှိပြီး ' သခင် ' ဟု တိုက်ရိုက် မခေါ်ဆိုသော်ငြား သူ၏သဘောထားမှာ ဖီးနစ်ဧကရာဇ်နှင့် ရှေးဟောင်းဧကရာဇ် ကျန်းထျန်းတို့ ကုချန်ကို ရင်ဆိုင်ရချိန်က အမူအရာနှင့် လုံးဝ မကွာခြားချေ။</p> <p>‎</p> <p>‎</p> <p>‎ကုချင်းရွဲ့ရဲ့ ဘိုးဘေးက ဒါကို ဘယ်လို... ဘယ်လိုများ လုပ်နိုင်ခဲ့တာလဲ။</p> <p>‎</p> <p>‎</p> <p>‎ကောင်းကင်နတ်သမီး ရှောင်းယွဲ့မှာ လုံးဝ ဇဝေဇဝါ ဖြစ်သွားတော့၏။</p> <p>‎</p> <p>‎</p> <p>‎ကုချန် မည်သို့ လုပ်ဆောင်ခဲ့သည်ကို သူ လုံးဝ မသိခဲ့ချေ။</p> <p>‎</p> <p>‎</p> <p>‎အင်မော်တယ်နယ်မြေတွင် ဧကရာဇ်အဆင့် တည်ရှိမှုတစ်ခုသည် နှစ်သန်းပေါင်းများစွာကြာမှ တစ်ပါးသာ ပေါ်ထွက်လာတတ်သည်အထိ အလွန် ရှားပါးလှသော်လည်း အင်မော်တယ်ဘုရင် မဖြစ်လာသေးသရွေ့ ပုရွက်ဆိတ်တစ်ကောင်မျှသာ ဖြစ်နေဆဲပင်။</p> <p>‎</p> <p>‎</p> <p>‎ဧကရာဇ်အဆင့် တည်ရှိမှုတစ်ခုသည် အင်မော်တယ်ဘုရင်တစ်ပါး၏ အာရုံစိုက်မှုကို ရရှိနိုင်၍ ပိုမို အထင်ကြီးလေးစားမှုကို ရရှိနိုင်သော်လည်း ထိုမျှသာပင်။</p> <p>‎</p> <p>‎</p> <p>‎အင်မော်တယ်ဘုရင်အဆင့်သို့ ရောက်ရှိမှသာ အခြား အင်မော်တယ်ဘုရင်များ၏ အမြင်တွင် တန်းတူရည်တူဟု သတ်မှတ်ခံရမည် ဖြစ်သည်။</p> <p>‎</p> <p>‎</p> <p>‎ယခုအခါ ကုချင်းရွဲ့၏ဘိုးဘေးသည် အင်မော်တယ်ဘုရင်အဆင့်သို့ပင် မရောက်သေးချေ။ အကယ်၍ သူ အမှန်တကယ် အင်မော်တယ်ဘုရင် ဖြစ်လာလျှင်တောင် အများဆုံးအနေဖြင့် အခြား အင်မော်တယ်ဘုရင်များမှ သူ့ကို တာအိုရောင်းရင်းဟု ခေါ်ဆိုကာ ယဉ်ကျေးစွာ ဆက်ဆံကြမည်သာ ဖြစ်သည်။</p> <p>‎</p> <p>‎</p> <p>‎ယခုကဲ့သို့ ' အရှင်သခင် ' ဟု ခေါ်ဆိုသည့် အခြေအနေမျိုး မည်သို့ ဖြစ်နိုင်မည်နည်း။</p> <p>‎</p> <p>‎</p> <p>‎ဤသည်မှာ လက်အောက်ငယ်သားမှ အထက်လူကြီးကို ရင်ဆိုင်ရချိန်တွင်သာ အသုံးပြုသော ခေါ်ဝေါ်မှုတစ်ခု ဖြစ်လေသည်။</p> <p>‎</p> <p>‎</p> <p>‎ကောင်းကင်နတ်သမီး ရှောင်းယွဲ့ မသိသည်မှာ သဘာဝပင်။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်မှ ကုချန်အပေါ် ဤမျှ ရိုသေလေးစားရခြင်းမှာ ကုချန်သည် သူ့အား အကျပ်အတည်းမှ လွတ်မြောက်အောင် ကူညီပေးခဲ့၍ အင်မော်တယ်ဘုရင် နှစ်ပါးကို သတ်ဖြတ်ခဲ့ရာ ၎င်းတို့ထဲမှ တစ်ပါးမှာ အင်မော်တယ်ဘုရင် ဘီလူးကြီး တစ်ပါးဖြစ်နေသောကြောင့်ပင်။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်မှ ကုချန်အား ရိုသေလေးစားရခြင်းမှာ သူတို့ရရှိထားသော သဘောတူညီချက်ကြောင့်ဟုဆိုလျှင် တစ်စိတ်တစ်ပိုင်းသာ မှန်သည်ဟု ဆိုနိုင်ပေသည်။</p> <p>‎</p> <p>‎</p> <p>‎စစ်မှန်သော အကြောင်းရင်းမှာ အရာအားလုံးကို ဖိနှိပ်နိုင်စွမ်းရှိသည့် ကုချန်၏ ပြိုင်ဘက်ကင်း တိုက်ခိုက်ရေးစွမ်းအားကြောင့်သာ ဖြစ်၏။</p> <p>‎</p> <p>‎</p> <p>‎ထိုသူသည် အင်မော်တယ်ဘုရင် ဘီလူးကြီးတစ်ပါး ဖြစ်သော ကောင်းကင်ဖုံးလွှမ်း အင်မော်တယ်ဘုရင်ကိုပင် ပြတ်ပြတ်သားသား ဖိနှိပ်သတ်ဖြတ်နိုင်ခဲ့၏။ ဤကဲ့သို့သော တည်ရှိမှုကို ' အရှင်သခင် ' ဟု ခေါ်ဆိုရခြင်းအပေါ် ယွဲ့လင်အင်မော်တယ်ဘုရင်၏ ရင်ထဲတွင် အနည်းငယ်မျှပင် မလိုလားသည့်စိတ် မရှိခဲ့ချေ။</p> <p>‎</p> <p>‎</p> <p>‎အကယ်၍ ကုချန်သာ ဤမျှ ကြောက်မက်ဖွယ်ကောင်းသော တိုက်ခိုက်ရေးစွမ်းအားကို မပိုင်ဆိုင်ထားပါက ယွဲ့လင်အင်မော်တယ်ဘုရင်သည် ကုချန်ကို ရင်ဆိုင်ရချိန်တွင် ဤမျှ ရိုသေလေးစားမည် မဟုတ်ဘဲ သူ၏ ညွှန်ကြားချက်များကိုပင် လျစ်လျူရှုကောင်း ရှုနိုင်ပေသည်။</p> <p>‎</p> <p>‎</p> <p>‎ဘယ်လိုပဲဖြစ်ပါစေ မင်းရဲ့ စွမ်းအားက ငါ့လောက်မှ မကောင်းတာ... ငါ့ကို အမြဲတမ်း အမိန့်ပေးနိုင်မယ်လို့ ဘယ်လိုလုပ် ပြောနိုင်မှာလဲ။</p> <p>‎</p> <p>‎</p> <p>‎အဆုံးစွန်ပြောရလျှင် စွမ်းအားသည်သာ အရာအားလုံး၏ အခြေခံအုတ်မြစ် ဖြစ်လေသည်။</p> <p>‎</p> <p>‎</p> <p>‎" အရှင်သခင်... သင့်တော်တဲ့ ကောင်းချီးမင်္ဂလာ နယ်မြေတစ်ခုကို ကျွန်မ ပြင်ဆင်စီစဉ်ထားပြီးပါပြီ... အထက်ကောင်းကင်တားမြစ်နယ်မြေကို အဲဒီကို ပြောင်းရွှေ့ဖို့ပဲ လိုပါတော့တယ် "</p> <p>‎</p> <p>‎</p> <p>‎ပတ်ဝန်းကျင်မှ အံ့အားသင့်ကာ ထိတ်လန့်နေသော အကြည့်များကို လျစ်လျူရှုလျက် ယွဲ့လင်အင်မော်တယ်ဘုရင်၏ အကြည့်သည် ကုချန်အပေါ်၌သာ စူးစိုက်နေ၍ သူ၏အသံမှာလည်း ရှင်းလင်းကာ အေးစက်နေ၏။</p> <p>‎</p> <p>‎</p> <p>‎" အင်း "</p> <p>‎</p> <p>‎</p> <p>‎ကုချန်မှ ခေါင်းညိတ်လိုက်ပြီးနောက် ညွှန်ကြားလိုက်၏။</p> <p>‎</p> <p>‎</p> <p>‎" အရာအားလုံးကို စီစဉ်ဖို့ မင်းကိုပဲ လွှဲထားလိုက်မယ် "</p> <p>‎</p> <p>‎</p> <p>‎ထိုသို့ပြောပြီးနောက် ကုချန်သည် အထက်ကောင်းကင်တားမြစ်နယ်မြေအပေါ် ထိန်းချုပ်ထားမှုကို လွှတ်ပေးလိုက်ကာ ယွဲ့လင်အင်မော်တယ်ဘုရင်ထံ လွှဲပြောင်းပေးလိုက်ပြီး သူကိုယ်တိုင်မှာမူ အထက်ကောင်းကင်ပင်မခန်းမဆောင်သို့ ပြန်သွားကာ သူ၏ နားလည်သဘောပေါက်မှုနှင့် ကျင့်ကြံခြင်းကို ဆက်လက်လုပ်ဆောင်လေသည်။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည် အထက်ကောင်းကင်တားမြစ်နယ်မြေကို သူ ပြင်ဆင်ထားပြီးသော နေရာဆီသို့ ရွှေ့ပြောင်းနေစဉ် အထက်ကောင်းကင်တားမြစ်နယ်မြေ အတွင်းရှိ လူတိုင်းမှ သူ့ကို အံ့အားသင့်မှုနှင့် ကြောက်ရွံ့မှုတို့ဖြင့် ကြည့်နေကြသည်ကို မြင်လိုက်ရ၏။</p> <p>‎</p> <p>‎</p> <p>‎မည်သို့ပင်ဆိုစေ ဤသူများသည် အရှင်သခင်၏ မျိုးနွယ်စုဝင်များ ဖြစ်သည်ကို တွေးမိသောအခါ ယွဲ့လင်အင်မော်တယ်ဘုရင်၏ မျက်နှာထားမှာ အနည်းငယ် ပျော့ပျောင်းသွား၍ ညင်သာစွာ ပြောဆိုလိုက်၏။</p> <p>‎</p> <p>‎</p> <p>‎" ကျွန်မကို ယွဲ့လင်အင်မော်တယ်ဘုရင်လို့ ခေါ်နိုင်ပါတယ် "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်?</p> <p>‎</p> <p>‎</p> <p>‎ဤအချိန်ရောက်မှသာ ကုချင်းရွဲ့နှင့် အခြားသူများသည် ယွဲ့လင်အင်မော်တယ်ဘုရင်၏ အစစ်အမှန် နာမည်ကို သိရှိသွားကြတော့သည်။</p> <p>‎</p> <p>‎</p> <p>‎" ရှင်နဲ့ ဘိုးဘေးက..... "</p> <p>‎</p> <p>‎</p> <p>‎ကုချင်းရွဲ့သည် လူ့ပြည်သို့ ဆင်းသက်လာသော နတ်သမီးတစ်ပါးကဲ့သို့ ရှင်းလင်းအေးစက်နေသော ယွဲ့လင်အင်မော်တယ်ဘုရင်ကို ကြည့်လျက် မနေနိုင်စွာ မေးမြန်းချင်သွားသော်ငြား ဤသည်မှာ ယွဲ့လင်အင်မော်တယ်ဘုရင်နှင့် ဘိုးဘေးတို့ကြားရှိ လျှို့ဝှက်ချက်တစ်ခု ဖြစ်ပုံရရာ သူ မဆင်မခြင် မေးမြန်းရန် မသင့်တော်ဟု ခံစားလိုက်ရသဖြင့် သူ၏စကားကို အမြန် ရပ်တန့်လိုက်လေသည်။</p> <p>‎</p> <p>‎</p> <p>‎သို့သော် ယွဲ့လင်အင်မော်တယ်ဘုရင်သည် ကုချင်းရွဲ့၏ စကားများထဲမှ မပြောဘဲ ချန်ထားခဲ့သော အဓိပ္ပာယ်ကို သိလိုက်၏။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည်လည်း ကုချန်နှင့် သူ၏ ဆက်ဆံရေးအကြောင်း ဖုံးကွယ်ထားစရာ ဘာမှမရှိဟု ခံစားရသည်။</p> <p>‎</p> <p>‎</p> <p>‎ထို့ကြောင့် ကုချင်းရွဲ့၊ ယဲ့ယင်းယင်းနှင့် အခြားသူများ၏ တုံ့ဆိုင်းကာ မေးခွန်းထုတ်နေသော အကြည့်များကို ရင်ဆိုင်လျက် ယွဲ့လင်အင်မော်တယ်ဘုရင်သည် တည်ငြိမ်စွာ ပြောဆိုလိုက်လေ၏။</p> <p>‎</p> <p>‎</p> <p>‎" အရှင်သခင်က ကျွန်မရဲ့ အသက်ကို တစ်ခါ ကယ်တင်ခဲ့ဖူးတယ်... အခု အရှင်သခင်က ရှင်တို့ကို အင်မော်တယ်နယ်မြေမှာ သေချာ နေရာချထားပေးဖို့ ညွှန်ကြားထားတော့ ကျွန်မက ကျိန်းသေ နာခံရမှာပေါ့ "</p> <p>‎</p> <p>‎</p> <p>‎ဘိုးဘေးက ဒီအမျိုးသမီး အင်မော်တယ်ဘုရင်ရဲ့ အသက်ကို တစ်ခါ ကယ်တင်ခဲ့ဖူးတယ်?!</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်၏ စကားများသည် ငြိမ်သက်နေသော ရေကန်ထဲသို့ ကျောက်တုံးကြီးတစ်ခု ကျသွားသကဲ့သို့ အထက်ကောင်းကင်တားမြစ်နယ်မြေ အတွင်းရှိ လူတိုင်း၏ ရင်ထဲတွင် ကြီးမားသော လှုပ်ခတ်မှုကြီးတစ်ခုကို ချက်ချင်း ဖြစ်ပေါ်စေခဲ့သည်။</p> <p>‎</p> <p>‎</p> <p>‎ဒါပေမယ့် မဟုတ်သေးပါဘူး... ဘိုးဘေးက အောက်ကမ္ဘာမှာ အမြဲတမ်း နေခဲ့တာ ရှင်းနေတာပဲ။ ဘယ်တုန်းက အင်မော်တယ်နယ်မြေက အင်မော်တယ်ဘုရင် တစ်ပါးရဲ့ အသက်ကို ကယ်ခဲ့တာလဲ။</p> <p>‎</p> <p>‎</p> <p>‎ထို့အပြင် အမျိုးသမီး အင်မော်တယ်ဘုရင်မှာ အင်မော်တယ်ဘုရင် တစ်ပါးပင် ဖြစ်နေပြီဖြစ်ရာ ဘိုးဘေးမှ သူ့ကို မည်သို့ ကယ်တင်ခဲ့သနည်း။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်၏ စကားများသည် ကုချင်းရွဲ့နှင့် အခြားသူများ၏ ရင်ထဲရှိ သံသယများကို ရှင်းလင်းမပေးနိုင်ခဲ့သည့်အပြင် ပို၍ပင် ဇဝေဇဝါ ဖြစ်သွားစေခဲ့သည်။</p> <p>‎</p> <p>‎</p> <p>‎သို့သော် ယွဲ့လင်အင်မော်တယ်ဘုရင်အား တစ်ကြိမ် မေးမြန်းပြီးပြီဖြစ်ရာ လူတိုင်းသည် ဆက်လက်၍ အတင်းအကျပ် မမေးမြန်းရဲတော့ဘဲ သူတို့၏ရင်ထဲတွင်သာ တိတ်တဆိတ် စိတ်ကူးယဉ်ကာ ခန့်မှန်းနေကြရတော့သည်။</p> <p>‎</p> <p>‎</p> <p>‎ကုချင်းရွဲ့နှင့် အခြားသူများ၏ အမြင်တွင် ဤအမျိုးသမီး အင်မော်တယ်ဘုရင်သည် အတိတ်က အားနည်းနေချိန်တွင် အခက်အခဲ တစ်ခုခုနှင့် ကြုံတွေ့ခဲ့ရ၍ ဘိုးဘေးမှ သူ့ကို ကယ်တင်ခဲ့သဖြင့် ဘိုးဘေးအပေါ် ကျေးဇူးတင်ရှိနေခြင်း ဖြစ်ရမည်။</p> <p>‎</p> <p>‎</p> <p>‎ယခု ဘိုးဘေးမှ အထက်ကောင်းကင်တားမြစ်နယ်မြေကို ဦးဆောင်၍ အင်မော်တယ်နယ်မြေသို့ တက်လှမ်းလာသောအခါ ထိုကျေးဇူးကို အသုံးပြု၍ ဤအမျိုးသမီး အင်မော်တယ်ဘုရင်ကို ကူညီပေးရန် ဖိတ်ခေါ်ခဲ့ခြင်း ဖြစ်ပေမည်။</p> <p>‎</p> <p>‎</p> <p>‎ထိုသို့ဆိုလျှင် အရာအားလုံးမှာ ယုတ္တိရှိသွားလေသည်။</p> <p>‎</p> <p>‎</p> <p>‎လူတိုင်း တိတ်ဆိတ်နေသည်ကို မြင်သောအခါ ယွဲ့လင်အင်မော်တယ်ဘုရင်မှာလည်း အနည်းငယ် ပျင်းရိသွားသဖြင့် ကောင်းကင်သို့ ပျံတက်ကာ ကောင်းကင်ယံထဲတွင် ပျောက်ကွယ်သွားလျက် အထက်ကောင်းကင်တားမြစ်နယ်မြေ၏ ခရီးစဉ်ကို ဆက်လက် ထိန်းချုပ်နေလိုက်၏။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင် ထွက်သွားသည်ကို မြင်သောအခါ ကုချင်းရွဲ့နှင့် အခြားသူများသည် လေးလံသော ဝန်ထုပ်ဝန်ပိုးကြီးတစ်ခု ဖယ်ရှားခံလိုက်ရသကဲ့သို့ နောက်ဆုံးတွင် သက်ပြင်းချနိုင်သွားကြတော့သည်။</p> <p>‎</p> <p>‎</p> <p>‎" ဒီအမျိုးသမီး အင်မော်တယ်ဘုရင်က တကယ်ကို သစ္စာရှိတာပဲ... အတိတ်တုန်းက ဘိုးဘေးက သူ့ကို ကူညီခဲ့ဖူးတော့ အခု သူ အင်မော်တယ်ဘုရင် နေရာကို ရောက်နေပြီဆိုပေမယ့် ဘိုးဘေးရဲ့ အတိတ်က အကူအညီကို မမေ့ဘဲ ကျေးဇူးလာဆပ်တာကိုး "</p> <p>‎</p> <p>‎</p> <p>‎ကုချင်းရွဲ့မှ ခံစားချက်အပြည့်ဖြင့် ပြောဆိုလိုက်၏။</p> <p>‎</p> <p>‎</p> <p>‎" ဟုတ်တယ်... ခုလေးတင် ကျွန်မ တော်တော်လေး လန့်သွားတာ... ဒီအမျိုးသမီး အင်မော်တယ်ဘုရင်က ဆရာ့ရဲ့ လက်အောက်ငယ်သားလို့တောင် ထင်လိုက်မိသေးတယ် "</p> <p>‎</p> <p>‎</p> <p>‎ဖူဝမ်မှ သူ၏လျှာလေးထုတ်ကာ ပြောဆိုလိုက်သည်။</p> <p>‎</p> <p>‎</p> <p>‎" အဲဒါကတော့ အရမ်း စိတ်ကူးယဉ်ဆန်လွန်းသွားပါပြီ... ဆရာ... ဘိုးဘေးကြီးမှာ အင်မော်တယ်ဘုရင်အဆင့် လက်အောက်ငယ်သား ရှိတယ်တဲ့လား... အဲဒီလိုမျိုး အိပ်မက်တောင် မမက်ရဲပါဘူး "</p> <p>‎</p> <p>‎</p> <p>‎ယဲ့ယင်းယင်းသည် သူ၏ရင်ထဲရှိ တုန်လှုပ်မှုကို ငြိမ်သက်စေလျက် ပြုံးကာ ပြောဆိုလိုက်၏။</p> <p>‎</p> <p>‎</p> <p>‎ဤယွဲ့လင်အင်မော်တယ်ဘုရင် မရောက်လာမီလေးတွင် လူတိုင်းသည် ရင်ထဲ၌ ဖိနှိပ်ခံရသလို ခံစားခဲ့ကြရသော်လည်း မျက်စိတစ်မှိတ်အတွင်းမှာပင် ထိုသူသည် ဘိုးဘေး၏ လက်အောက်ငယ်သား ဖြစ်သွားသည်တဲ့လော။</p> <p>‎</p> <p>‎</p> <p>‎လောကကြီးမှာ ဒီလို စိတ်ကူးယဉ်ဆန်တဲ့ ကိစ္စမျိုး ဘယ်လိုလုပ် ရှိနိုင်မှာလဲ!</p> <p>‎</p> <p>‎</p> <p>‎ဒီရှင်းပြချက်က ပိုပြီး ယုံကြည်ရပါတယ်။ ဘိုးဘေးက ယွဲ့လင်အင်မော်တယ်ဘုရင်ကို တစ်ခါ ကယ်တင်ခဲ့ဖူးပြီး သူက ကျေးဇူးဆပ်တဲ့အနေနဲ့ လာကူညီတာ ဖြစ်ရမယ်။</p> <p>‎</p> <p>‎</p> <p>‎ထိုစဉ်က ယွဲ့လင်အင်မော်တယ်ဘုရင်ကို ဘိုးဘေး မည်သို့ ကယ်တင်ခဲ့သည်ကို မည်သူမျှ မသိကြသော်လည်း ယွဲ့လင်အင်မော်တယ်ဘုရင်မှာ ကျေးဇူးသိတတ်၍ ကျေးဇူးကန်းမည့်သူ မဟုတ်သည်က ကောင်းလေသည်။</p> <p>‎</p> <p>‎</p> <p>‎လူတိုင်း၏ တုံ့ပြန်မှုများကို ကြည့်ကာ ကောင်းကင်နတ်သမီး ရှောင်းယွဲ့မှာ တိတ်ဆိတ်နေ၏။</p> <p>‎</p> <p>‎</p> <p>‎ကိစ္စတွေက တကယ်ပဲ လူတိုင်း စိတ်ကူးယဉ်ထားသလို ရိုးရှင်းပါ့မလား။</p> <p>‎</p> <p>‎</p> <p>‎သူကတော့ အဲဒီလို မထင်ဘူး။</p> <p>‎</p> <p>‎</p> <p>‎အဘယ်ကြောင့်ဆိုသော် ယွဲ့လင်အင်မော်တယ်ဘုရင်သည် အစမှအဆုံးတိုင် ကုချန်ကို ရင်ဆိုင်ရချိန်တွင် ရိုသေလေးစား၍ နာခံသည့် သဘောထားကိုပင် အမှတ်မထင် ပြသခဲ့သည်ကို သူ သတိထားမိသောကြောင့်ပင်။</p> <p>‎</p> <p>‎</p> <p>‎ထိုအရာသည် အထက်လူကြီး သို့မဟုတ် မိမိ၏ သေရေးရှင်ရေးကို ထိန်းချုပ်နိုင်သော စွမ်းအားကြီးသူ တစ်ဦးကို ရင်ဆိုင်ရချိန်တွင် ပြသရမည့် သဘောထားမျိုးသာ ဖြစ်နိုင်လေသည်။</p> <p>‎</p> <p>‎</p> <p>‎အသက်ကယ်ကျေးဇူးကြောင့် ရှိလာရမည့် သဘောထားမျိုးတော့ လုံးဝ မဟုတ်နိုင်ချေ။</p> <p>***</p> <p> </p>


Save