Book List

<h2 style="text-align: center;">‎အခန်း ( ၄၄၈ )</h2> <h2 style="text-align: center;">အမြင့်မြတ်ဆုံး တည်ရှိမှု၏ ဝင်စားခြင်း၊ ခိုင်မာစွာ ခြေကုပ်ယူခြင်းနှင့် နတ်ဆိုးဧကရာဇ်ကြီး၏ ဖိတ်ခေါ်ချက်</h2> <h2 style="text-align: center;">‎*</h2> <h2 style="text-align: center;"> </h2> <p> </p> <p>‎</p> <p>‎</p> <p>‎အသက်ကယ်ကျေးဇူးကြောင့်ဆိုလျှင် ထိုအမျိုးသမီး အင်မော်တယ်ဘုရင်သည် ကျေးဇူးဆပ်ကောင်း ဆပ်နိုင်သော်လည်း ဤသို့ ကျိုးနွံနာခံသည့် သဘောထားမျိုးကိုမူ မည်သည့်အခါမျှ ပြသမည် မဟုတ်ချေ။</p> <p>‎</p> <p>‎</p> <p>‎ကုချင်းရွဲ့၏ ဘိုးဘေးကို ရင်ဆိုင်ရချိန်တွင် ဤအမျိုးသမီး အင်မော်တယ်ဘုရင်က ဤကဲ့သို့သော သဘောထားမျိုးကို ပြသရခြင်း၏ တစ်ခုတည်းသော ဖြစ်နိုင်ခြေမှာ ကုချင်းရွဲ့၏ ဘိုးဘေးသည် ဤအမျိုးသမီး အင်မော်တယ်ဘုရင်ထက်ပင် ပို၍ စွမ်းအားကြီးမားနေသောကြောင့်သာ ဖြစ်ရမည်။</p> <p>‎</p> <p>‎</p> <p>‎ထို့အပြင် အများကြီး... အများကြီးကို ပို၍ စွမ်းအားကြီးမားနေခြင်း ဖြစ်သည်။</p> <p>‎</p> <p>‎</p> <p>‎ထိုသို့သော ဖြစ်နိုင်ခြေရှိမှသာ အင်မော်တယ်ဘုရင်တစ်ပါးမှ ရင်ထဲမှလှိုက်လှဲစွာ အထင်ကြီးလေးစား၍ ကျိုးနွံနာခံမှုကို အမှန်တကယ် ပြသနိုင်မည် ဖြစ်သည်။</p> <p>‎</p> <p>‎</p> <p>‎ထိုသို့မဟုတ်ဘဲ ကျေးဇူးဆပ်ရန်သက်သက်သာဆိုပါက ထိုအမျိုးသမီး အင်မော်တယ်ဘုရင်သည် ဤကဲ့သို့သော သဘောထားမျိုးကို မည်သည့်အခါမျှ ပြသမည် မဟုတ်ပေ။</p> <p>‎</p> <p>‎</p> <p>‎အင်မော်တယ်နယ်မြေ၏ ယခင် ရှေးဟောင်း စစ်မှန်သော အင်မော်တယ်တစ်ပါး အနေဖြင့် ဤအချက်ကို ကောင်းကင်နတ်သမီး ရှောင်းယွဲ့မှ ကောင်းစွာ နားလည်ထားလေသည်။</p> <p>‎</p> <p>‎</p> <p>‎အားကြီးသူသည် အားကြီးသူကိုသာ လေးစား၏။</p> <p>‎</p> <p>‎</p> <p>‎အားကြီးသူသည် ပို၍ အားကြီးသူကိုသာ ကျိုးနွံနာခံလေသည်။</p> <p>‎</p> <p>‎</p> <p>‎အသက်ကယ်ကျေးဇူး? ကျေးဇူးဆပ်လိုက်လျှင် လုံလောက်လေပြီ။ အဘယ်ကြောင့် ဤမျှ ကျိုးနွံနာခံနေရမည်နည်း။</p> <p>‎</p> <p>‎</p> <p>‎ကုချင်းရွဲ့ရဲ့ ဘိုးဘေးက အင်မော်တယ်ဘုရင် တစ်ပါးထက်တောင် ပိုစွမ်းအားကြီးတယ်?</p> <p>‎</p> <p>‎</p> <p>‎ဤအချက်က ကောင်းကင်နတ်သမီး ရှောင်းယွဲ့အတွက် မယုံနိုင်ဆုံးနှင့် လက်ခံနိုင်စရာ အခက်ဆုံးပင် ဖြစ်နေတော့သည်။</p> <p>‎</p> <p>‎</p> <p>‎ဒီကောင်မလေး ကုချင်းရွဲ့ရဲ့ ဘိုးဘေးက အသက်ဘယ်နှသောင်း ရှိပြီလဲ။</p> <p>‎</p> <p>‎</p> <p>‎အများဆုံးမှ နှစ်တစ်သိန်းလောက်ပဲ ရှိဦးမှာ။</p> <p>‎</p> <p>‎</p> <p>‎ဒီအမျိုးသမီး အင်မော်တယ်ဘုရင်က ကုချင်းရွဲ့ရဲ့ ဘိုးဘေးထက် အများကြီး... အများကြီး ပိုအသက်ကြီးတာ သေချာတယ်။</p> <p>‎</p> <p>‎</p> <p>‎နှစ်တစ်သိန်းတည်းနဲ့ အင်မော်တယ်ဘုရင် တစ်ပါးကိုတောင် အရှုံးပေးလာစေနိုင်တဲ့ အင်မော်တယ်ဘုရင်အဆင့်ထက် သာလွန်တဲ့အထိ ကျင့်ကြံနိုင်တာ ဒါ ဘယ်လိုလုပ် ဖြစ်နိုင်မှာလဲ။</p> <p>‎</p> <p>‎</p> <p>‎ဒီကိစ္စကို ပါရမီရှင်ဆိုတဲ့ စကားလုံးသက်သက်နဲ့ ရှင်းပြလို့ မရတော့ဘူး။</p> <p>‎</p> <p>‎</p> <p>‎ပါရမီရှင်တွေထဲက ပါရမီရှင်၊ ထူးချွန်သူတွေထဲက ထူးချွန်သူတွေတောင် ဒါကို လုံးဝ မစွမ်းဆောင်နိုင်ဘူးလေ!</p> <p>‎</p> <p>‎</p> <p>‎အထူးသဖြင့် ကုချင်းရွဲ့ရဲ့ ဘိုးဘေးက အောက်ကမ္ဘာမှာပဲ အမြဲနေခဲ့တာဆိုတော့ ပိုဆိုးတာပေါ့!</p> <p>‎</p> <p>‎</p> <p>‎သူ နားမလည်နိုင်ဘူး... လုံးဝ နားမလည်နိုင်ဘူး!</p> <p>‎</p> <p>‎</p> <p>‎ဖြစ်နိုင်တာက.....</p> <p>‎</p> <p>‎</p> <p>‎ကောင်းကင်နတ်သမီး ရှောင်းယွဲ့၏ အကြည့်သည် ထောင့်တစ်နေရာတွင် ရပ်နေသော ဟွမ်ကျိုအာအပေါ်သို့ ရောက်ရှိသွားကာ ဖြစ်နိုင်ခြေတစ်ခုကို တွေးမိသွားသကဲ့သို့ သူ၏ရင်ထဲတွင် ဒိန်းခနဲ ဖြစ်သွားလေသည်။</p> <p>‎</p> <p>‎</p> <p>‎ဟွမ်ကျိုအာ အထက်ကောင်းကင်တားမြစ်နယ်မြေသို့ မည်သို့ရောက်လာခဲ့သည်ကိုလည်း သူ သိထား၏။</p> <p>‎</p> <p>‎</p> <p>‎ထို့အပြင် ဟွမ်ကျိုအာသည် ကုချန်ကြောင့် အထက်ကောင်းကင်တားမြစ်နယ်မြေမှာ ဆက်နေရန် ရွေးချယ်ခဲ့သည်ကိုလည်း သူ သိထား၏။</p> <p>‎</p> <p>‎</p> <p>‎ဤနှစ်တွေအတွင်း ဟွမ်ကျိုးအာ၏ တိုးတက်မှုများကိုလည်း ကောင်းကင်နတ်သမီး ရှောင်းယွဲ့ ကိုယ်တိုင် မျက်မြင်ကိုယ်တွေ့ ကြုံခဲ့ရသည်။</p> <p>‎</p> <p>‎</p> <p>‎ဟွမ်ကျိုးအာသည် အောက်ကမ္ဘာတွင် မွေးဖွားလာသော သက်ရှိတစ်ဦး လုံးဝ မဖြစ်နိုင်ကြောင်း သူ ကောင်းစွာ သိ၏။ ထိုသူသည်လည်း သူ့ကဲ့သို့ပင် အင်မော်တယ်နယ်မြေမှ အောက်ကမ္ဘာသို့ ကျဆင်းလာသူ တစ်ဦး ဖြစ်နိုင်ခြေ အများဆုံးပင်။</p> <p>‎</p> <p>‎</p> <p>‎ထို့အပြင် အင်မော်တယ်နယ်မြေရှိ ဟွမ်ကျိုအာ၏ နောက်ခံသည် သူ့ထက်ပင် ပို၍ လျှို့ဝှက်ဆန်းကြယ်၍ စွမ်းအားကြီးမားနိုင်ပေသည်။</p> <p>‎</p> <p>‎</p> <p>‎သူ၏အသက် အစစ်အမှန်သည်လည်း အပြင်ပန်းတွင် မြင်ရသည်ထက် များစွာ ပိုကြီးပေလိမ့်မည်။</p> <p>‎</p> <p>‎</p> <p>‎အင်မော်တယ်နယ်မြေမှ အောက်ကမ္ဘာသို့ ကျဆင်းလာသော ဤမျှ ရှေးကျသည့် တည်ရှိမှုတစ်ခုမှာ ကုချန်ကြောင့် အထက်ကောင်းကင်တားမြစ်နယ်မြေတွင် ဆက်လက်နေထိုင်နေ၏။</p> <p>‎</p> <p>‎</p> <p>‎ဤသည်မှာ အစကတည်းက ယုတ္တိမရှိချေ။</p> <p>‎</p> <p>‎</p> <p>‎တစ်နည်းပဲ ရှိတယ်။</p> <p>‎</p> <p>‎</p> <p>‎ကုချင်းရွဲ့ရဲ့ ဘိုးဘေးကလည်း အင်မော်တယ်နယ်မြေက အမြင့်မြတ်ဆုံး တည်ရှိမှုတစ်ပါး ဝင်စားတာပဲ ဖြစ်ရမယ်!</p> <p>‎</p> <p>‎</p> <p>‎ဤအတွေး သူ၏စိတ်ထဲတွင် ပေါ်လာသောအခါ ကောင်းကင်နတ်သမီး ရှောင်းယွဲ့သည် သူ၏စိတ်ကို ဒုက္ခပေးနေသော သံသယများအားလုံး ချက်ချင်း ပြေလည်သွားသကဲ့သို့ ခံစားလိုက်ရတော့သည်။</p> <p>‎</p> <p>‎</p> <p>‎" ဒါကြောင့်ကိုး..... "</p> <p>‎</p> <p>‎</p> <p>‎ကောင်းကင်နတ်သမီး ရှောင်းယွဲ့၏ လှပသော မျက်လုံးများထဲတွင် အံ့သြမှု အရိပ်အယောင်တစ်ခု ပေါ်လာ၏။</p> <p>‎</p> <p>‎</p> <p>‎ကုချင်းရွဲ့ရဲ့ ဘိုးဘေးက နှစ်ကိုးသောင်းတည်းနဲ့ ဒဏ္ဍာရီလာ ဧကရာဇ်အဆင့်ကို ရောက်ရှိခဲ့ပြီး အင်မော်တယ်အရှင် တစ်ပါးကိုတောင် သတ်ဖြတ်နိုင်ခဲ့တာ မဆန်းတော့ပါဘူး။</p> <p>‎</p> <p>‎</p> <p>‎အင်မော်တယ်နယ်မြေကနေ အောက်ကမ္ဘာကို ကျဆင်းလာတဲ့ ဟွမ်ကျိုအာတောင် ကုချန်ဘေးမှာ ဆက်နေချင်နေတာ မဆန်းတော့ဘူး။</p> <p>‎</p> <p>‎</p> <p>‎ဒီအမျိုးသမီး အင်မော်တယ်ဘုရင်က ကုချန်ကို ရင်ဆိုင်ရချိန်မှာ ဒီလောက်တောင် ကျိုးနွံနာခံနေတာ မဆန်းတော့ပါဘူး။</p> <p>‎</p> <p>‎</p> <p>‎တကယ်တော့ ကုချင်းရွဲ့ရဲ့ ဘိုးဘေးက အင်မော်တယ်နယ်မြေက အမြင့်မြတ်ဆုံး တည်ရှိမှု တစ်ပါး ဝင်စားတာ ဖြစ်နေတာကိုး!</p> <p>‎</p> <p>‎</p> <p>‎ဒါဆိုရင်တော့ ယုတ္တိရှိသွားပြီ!</p> <p>‎</p> <p>‎</p> <p>‎စစ်မှန်သော အင်မော်တယ်အဆင့် တည်ရှိမှုများသည် ကောင်းကင်နှင့်အမျှ သက်တမ်းရှည်ကြကာ အင်မော်တယ်ဘုရင်များနှင့် အင်မော်တယ်ဘုရင်များထက် ပို၍ စွမ်းအားကြီးမားသော တည်ရှိမှုများဆိုလျှင် ပြောစရာပင် မလိုတော့ချေ။</p> <p>‎</p> <p>‎</p> <p>‎ယုတ္တိရှိရှိဆိုရလျှင် ထိုသို့သော တည်ရှိမှုများသည် မသေဆုံးသင့်ဘဲ ဝင်စားခြင်း ဆိုသည်မှာလည်း ကျိန်းသေ ရှိမည်မဟုတ်ပေ။</p> <p>‎</p> <p>‎</p> <p>‎သို့သော် ရှေးဟောင်းခေတ်ကာလက အင်မော်တယ်နှင့် နတ်ဆိုး နယ်မြေများကြားတွင် လွန်စွာ ရက်စက်ကြမ်းကြုတ်သော စစ်ပွဲကြီးတစ်ခု ဖြစ်ပွားခဲ့၍ အဆုံးမဲ့ တာအိုများအားလုံးကို ထိခိုက်စေခဲ့ကာ အင်မော်တယ်ဘုရင်များပင် အဆက်မပြတ် ကျဆုံးခဲ့ကြရကြောင်း ကောင်းကင်နတ်သမီး ရှောင်းယွဲ့ သိထားလေသည်။</p> <p>‎</p> <p>‎</p> <p>‎အင်မော်တယ်ဘုရင်အဆင့်ထက် သာလွန်သော ကြီးမြတ်သည့် တည်ရှိမှုများပင်လျှင် ထိုစစ်ပွဲကြောင့် ကျဆုံးသွားခဲ့ရသည်ဟု ဆိုကြသည်။</p> <p>‎</p> <p>‎</p> <p>‎ကောင်းကင်နတ်သမီး ရှောင်းယွဲ့သည် သူ၏ အတိတ်မှတ်ဉာဏ်များကို အပြည့်အဝ ပြန်လည်မရရှိသေးသော်လည်း ထိုရှေးဟောင်း အင်မော်တယ်နှင့် နတ်ဆိုး စစ်ပွဲအတွင်း သူလည်း ဤပြင်းထန်သော ဒဏ်ရာကို ရရှိကာ အောက်ကမ္ဘာသို့ ကျဆင်းလာခဲ့ခြင်း ဖြစ်နိုင်ကြောင်း ခပ်ရေးရေး ခံစားမိလေသည်။</p> <p>‎</p> <p>‎</p> <p>‎ကုချင်းရွဲ့ရဲ့ ဘိုးဘေးကလည်း ဒီလိုပဲ ဖြစ်ရမယ်။</p> <p>‎</p> <p>‎</p> <p>‎အင်မော်တယ်ဘုရင်အဆင့်ထက် သာလွန်တဲ့ တည်ရှိမှုတစ်ခုမို့လို့ အဲဒီ အမျိုးသမီး အင်မော်တယ်ဘုရင်က သူ့ကို ဒီလောက်တောင် ကျိုးနွံနာခံနေတာ မဆန်းတော့ပါဘူး။ သူက ကုချင်းရွဲ့ ဘိုးဘေးရဲ့ အထောက်အထား အစစ်အမှန် ကို ကြိုသိနေလို့ ဖြစ်မယ်!</p> <p>‎</p> <p>‎</p> <p>‎ဤအရာအားလုံးကို နားလည်သွားသောအခါ ကောင်းကင်နတ်သမီး ရှောင်းယွဲ့တွင် နောက်ဆုံး၌ မည်သည့် သံသယမျှ မရှိတော့ချေ။</p> <p>‎</p> <p>‎</p> <p>‎သို့သော် ဤအရာများကို ကုချင်းရွဲ့နှင့် အခြားသူများအား ရှင်းပြရန် သူ ရည်ရွယ်ချက် မရှိပေ။</p> <p>‎</p> <p>‎</p> <p>‎ကုချန်ကိုယ်တိုင်ပင်လျှင် ဤကိစ္စကို မထုတ်ဖော်သေးမှတော့ ကောင်းကင်နတ်သမီး ရှောင်းယွဲ့သည်လည်း ဘာမှပိုပြောမည် မဟုတ်ချေ။</p> <p>‎</p> <p>‎</p> <p>‎သို့သော် ကုချန်ဆိုသည့် ' ကျောထောက်နောက်ခံကြီး ' ကို သေချာပေါက် ဆုပ်ကိုင်ထားရမည်ဟု သူ၏ရင်ထဲတွင် တိတ်တဆိတ် ဆုံးဖြတ်လိုက်လေသည်။</p> <p>‎</p> <p>‎</p> <p>‎အင်မော်တယ်ဘုရင်အဆင့်ထက် သာလွန်တဲ့ ကြီးမြတ်တဲ့ တည်ရှိမှု တစ်ပါး?!</p> <p>‎</p> <p>‎</p> <p>‎ပုံမှန်အားဖြင့် အင်မော်တယ်ဘုရင်အဆင့် တည်ရှိမှုများပင်လျှင် ထိုကဲ့သို့သော တည်ရှိမှုမျိုးနှင့် တွေ့ဆုံရန် ခက်ခဲလှသည်။</p> <p>‎</p> <p>‎</p> <p>‎ယခု သူ့တွင် ဤအခွင့်အရေး ရရှိနေပြီဖြစ်ရာ ကောင်းကင်နတ်သမီး ရှောင်းယွဲ့သည် သေချာပေါက် အလွယ်တကူ လက်လွှတ်မည် မဟုတ်ချေ။</p> <p>‎</p> <p>‎</p> <p>‎အထက်ကောင်းကင်တားမြစ်နယ်မြေ အတွင်းရှိ လူတိုင်း... ကိုယ့်အတွေးနှင့်ကိုယ် ရှိနေကြစဉ်မှာပင်.....</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည် အထက်ကောင်းကင်တားမြစ်နယ်မြေကို မောင်းနှင်ကာ လဝိညာဉ် ကောင်းကင်ဘုံကို ဖြတ်ကျော်၍ အထက်ကောင်းကင်တားမြစ်နယ်မြေအတွက် သူ ပြင်ဆင်ထားသော ကောင်းချီးမင်္ဂလာ နယ်မြေသို့ ရောက်ရှိလာခဲ့လေပြီ။</p> <p>‎</p> <p>‎</p> <p>‎ဤနေရာသည် လဝိညာဉ် ကောင်းကင်ဘုံ၏ အဓိက အချက်အချာနေရာဖြစ်ပြီး ယွဲ့လင်အင်မော်တယ်ဘုရင်၏ လနန်းတော် တည်ရှိခဲ့ဖူးသော နေရာလည်း ဖြစ်သည်။ သို့သော် အထက်ကောင်းကင်တားမြစ်နယ်မြေ ရောက်ရှိလာမှုကို ကြိုဆိုရန်အတွက် သူသည် လနန်းတော်ကိုပင် ဘေးသို့ ရွှေ့လိုက်ကာ အကောင်းဆုံး နေရာကို အထက်ကောင်းကင်တားမြစ်နယ်မြေအား ပေးအပ်ခဲ့၏။ ဤသည်က ကုချန်၏ ညွှန်ကြားချက်များအပေါ် သူ မည်မျှ အလေးထားကြောင်း ပြသနေလေသည်။</p> <p>‎</p> <p>‎</p> <p>‎အထက်ကောင်းကင်တားမြစ်နယ်မြေကို ဤနေရာသို့ ပြောင်းရွှေ့လာသောအခါ ကောင်းကင်နှင့်မြေကြီးကြားရှိ အင်မော်တယ် ဝိညာဉ်ချီများမှာ အဆင့်ပေါင်းများစွာ ပိုမို ထူထပ်လာကြောင်း အထက်ကောင်းကင်တားမြစ်နယ်မြေ အတွင်းရှိ လူတိုင်း ရှင်းလင်းစွာ ခံစားလိုက်ရ၏။</p> <p>‎</p> <p>‎</p> <p>‎ထိုမျှမက ကောင်းကင်နှင့်မြေကြီးရှိ အဆုံးမဲ့ တာအိုများသည် သေချာ နားလည်သဘောပေါက်ရန်ပင် မလိုဘဲ အလွယ်တကူ ရရှိနိုင်သကဲ့သို့ မယုံနိုင်လောက်အောင် ရှင်းလင်းလာခဲ့သည်။</p> <p>‎</p> <p>‎</p> <p>‎" တကယ့်ကို အမြင့်မြတ်ဆုံး ကောင်းချီးမင်္ဂလာ နယ်မြေပဲ! "</p> <p>‎</p> <p>‎</p> <p>‎ကုတောက်လင်းသည် အသက်ပြင်းပြင်း တစ်ချက် ရှူသွင်းလိုက်၏။ သူတော်စင်အဆင့်၌သာ ရှိသေးသော်လည်း ခဏတာမျှ အင်မော်တယ်အဖြစ် တက်လှမ်းသွားသကဲ့သို့ ထင်ယောင်ထင်မှား ဖြစ်သွားလေသည်။</p> <p>‎</p> <p>‎</p> <p>‎ဤနေရာရှိ ဝိညာဉ်ချီများမှာ အလွန်အမင်း ထူထပ်လွန်းလှ၏။ အင်မော်တယ် ဝိညာဉ်ချီများသည် ထူထပ်သိပ်သည်းနေ၍ နို့နှစ်ရောင် အလင်းမိုးစက်များအဖြစ် ပြောင်းလဲလျက် အထက်ကောင်းကင်တားမြစ်နယ်မြေ၏ နေရာအနှံ့သို့ မိုးရွာချသကဲ့သို့ ကျဆင်းလာကာ အထက်ကောင်းကင်တားမြစ်နယ်မြေ အတွင်းရှိ အပင်များအားလုံးကို အာဟာရ ဖြည့်တင်းပေးနေလေသည်။</p> <p>‎</p> <p>‎</p> <p>‎အင်မော်တယ် နတ်ဆေးပင်များပင်လျှင် ခမ်းခြောက်နေသော မြေပြင်မှ မိုးရေကို ရရှိသွားသကဲ့သို့ ဤကောင်းကင်ဘုံ၏ ဆုလာဘ်ကို ကြိုဆိုရန် သူတို့၏အကိုင်းအခက်များကို စိတ်လှုပ်ရှားစွာ ဆန့်ထုတ်နေကြ၏။</p> <p>‎</p> <p>‎</p> <p>‎မူလက အဆုံးမဲ့ကမ္ဘာတွင် ရှိခဲ့စဉ်ကထက် ဤကောင်းချီးမင်္ဂလာ နယ်မြေ၏ အရည်အသွေးသည် အဆပေါင်း ဒါဇင်ချီ၊ ရာချီ၍ ပိုမို မြင့်မားကြောင်း ထင်ရှားလှလေသည်။</p> <p>‎</p> <p>‎</p> <p>‎" ဘုန်း...! "</p> <p>‎</p> <p>‎</p> <p>‎တိုတောင်းသော ဟိန်းဟောက်သံတစ်ခုနှင့်အတူ အထက်ကောင်းကင်တားမြစ်နယ်မြေသည် နောက်ဆုံး၌ လဝိညာဉ်ကောင်းကင်ဘုံ၏ အဓိက အချက်အချာနေရာတွင် လုံးဝ ရပ်တန့်သွားတော့၏။</p> <p>‎</p> <p>‎</p> <p>‎၎င်း၏ဘေးတွင် ယွဲ့လင်အင်မော်တယ်ဘုရင်၏ လနန်းတော်သည် ပူပြင်းသော နေမင်းကြီးကို အဖော်ပြုပေးနေသည့် တောက်ပသော လမင်းကြီးကဲ့သို့ တိတ်ဆိတ်ငြိမ်သက်စွာ မျောလွင့်နေလေသည်။</p> <p>‎</p> <p>‎</p> <p>‎ကုချန်သည် ဤအရာအားလုံးကို ကျေနပ်စွာ ကြည့်လိုက်၏။ ယခုမှစ၍ အထက်ကောင်းကင်တားမြစ်နယ်မြေသည် အင်မော်တယ်နယ်မြေတွင် အမှန်တကယ် အခြေချနိုင်ပြီဟု ဆိုနိုင်ပေသည်။</p> <p>‎</p> <p>‎</p> <p>‎ထို့နောက် ကုချန်သည် မူလက အထက်ကောင်းကင်တားမြစ်နယ်မြေ အတွင်းရှိ လူအားလုံးကို ခေါ်ယူကာ အားပေးစကား အနည်းငယ် ပြောရန် ရည်ရွယ်ထားခဲ့၏။</p> <p>‎</p> <p>‎</p> <p>‎သို့သော် ရုတ်တရက် သူ၏မျက်ခုံးများ အနည်းငယ် တွန့်ကွေ့သွားလေသည်။</p> <p>‎</p> <p>‎</p> <p>‎အဘယ်ကြောင့်ဆိုသော် ဝေးကွာလှသော နတ်ဆိုးနယ်မြေရှိ သူ၏ဒုတိယကိုယ်ပွားသည် သတင်းတစ်ခုကို ရုတ်တရက် ပေးပို့လာကာ ထိုသတင်းမှာ သူ့အား မယုံနိုင်လောက်အောင် ခံစားရစေသောကြောင့်ပင်!</p> <p>‎</p> <p>‎</p> <p>‎တစ်ချိန်က သူ့ကို အဆုံးမဲ့ ကောင်းကင်အရှင်သခင် ဆိုသည့် ဘွဲ့ကို ချီးမြှင့်ခဲ့သော နတ်ဆိုးဧကရာဇ်ကြီးသည် ကုချန်အား အသိပေးရန် အရေးကြီးသော ကိစ္စများရှိသဖြင့် ထုံထျန်း နတ်ဆိုးတောင်သို့ လာရောက်ရန် ထိုလိပ်အိုကြီးကို စေလွှတ်ကာ ရုတ်တရက် သတင်းစကား ပါးလိုက်သောကြောင့် ဖြစ်သည်။</p> <p>‎</p> <p>‎</p> <p>‎နတ်ဆိုးဧကရာဇ်ကြီးက သူ့ကို ရုတ်တရက် ဆင့်ခေါ်ပြီး အသိပေးစရာ အရေးကြီးတဲ့ ကိစ္စတွေ ရှိတယ်လို့ ပြောတယ်?</p> <p>‎</p> <p>‎</p> <p>‎သူပြောတဲ့ ဒီအရေးကြီးတဲ့ ကိစ္စတွေဆိုတာ ဘာတွေများလဲ။</p> <p>‎</p> <p>‎</p>


Save