Book List

<h2 style="text-align: center;">အခန်း (၂၁၀)</h2> <h2 style="text-align: center;">အဖွဲ့ခေါင်းဆောင် နေရာအတွက် တိုက်ပွဲ</h2> <h2 style="text-align: center;">*</h2> <p> </p> <p> </p> <p>စင်မြင့်ပေါ်တွင်…</p> <p>"လာ... မင်းတို့ရဲ့ အဖွဲ့ဝင် အမှတ်အသားပြားတွေကို လာယူကြ..."</p> <p>စစ်ဆေးရေး တာဝန်ခံ ပြောလိုက်သော စကားကို ထပ်မံကြားလိုက်ရချိန်တွင် လွီရန်ယောင် တစ်ယောက် သူ ထင်ယောင်ထင်မှား ဖြစ်နေခြင်း မဟုတ်မှန်း သဘောပေါက်သွားတော့သည်။</p> <p>သူ အမှန်တကယ်ပင် စစ်ဆေးမှုကို အောင်မြင်သွားခဲ့ပြီ ဖြစ်၏။</p> <p>"ဒါ... ဒါဘယ်လိုလုပ် ဖြစ်နိုင်မှာလဲ... ကျွန်တော်တို့ တိုက်တောင် မတိုက်ရသေးဘူးလေ... ဘာလို့ စစ်ဆေးမှုက ပြီးသွားပြီး အကုန်လုံး အောင်မြင်သွားရတာလဲ..." လွီရန်ယောင်က သူ့သံသယကို ချက်ချင်း ထုတ်ဖော် မေးမြန်းလိုက်၏။</p> <p>"စစ်ဆေးမှု အောင်မြင်ဖို့ တိုက်ခိုက်ရမယ်လို့ မင်းကို ဘယ်သူပြောလဲ... တကယ်လို့ စင်မြင့်တစ်ခုက သတ်မှတ်ထားတဲ့ အချိန်အတွင်းမှာ တိုက်ပွဲစဖို့ လူဆယ်ယောက် မပြည့်ဘူးဆိုရင် စင်မြင့်ပေါ်မှာ ရှိနေတဲ့ လူတွေ အလိုအလျောက် အောင်မြင်တယ်လေ..."</p> <p>တာဝန်ခံက သူ့အား တစ်ချက် လှမ်းကြည့်ကာ…</p> <p>"အဲဒါက စည်းမျဉ်းပဲ... နားလည်လား..."</p> <p>တာဝန်ခံ၏ အကြည့်ကို ခံစားလိုက်ရသည်နှင့် လွီရန်ယောင်၏ ရင်ထဲ ထိတ်ခနဲ ဖြစ်သွားရ၏။</p> <p>သူက ရိုသေစွာ ဦးညွှတ်၍...</p> <p>"နားလည်ပါပြီ..."</p> <p>"လိမ္မာတယ်..." တာဝန်ခံက ခေါင်းအနည်းငယ်ညိတ်ရင်း သူ့မျက်နှာပေါ်တွင် အပြုံးတစ်ခု ထွက်ပေါ်လာခဲ့သည်။</p> <p>ထို့နောက် သူ၏အကင်းပါးမှုကို ကိုယ်တိုင် မနေနိုင်ဘဲ စိတ်ထဲမှနေ၍ ချီးကျူးနေမိတော့သည်။</p> <p>ဘာစည်းမျဉ်းတွေလဲ။</p> <p>ငါပြောတာက စည်းမျဉ်းပဲ မဟုတ်ဘူးလား။</p> <p>သိုင်းပညာ အဆင့်ရှစ်ကို ရောက်နေတဲ့ အကောင်းဆုံး လက်ထောက် နှစ်ယောက်ကို ဒီကောင်လေး လာဖျက်ဆီးမှာကို ငါက ဘယ်လိုလုပ် ခွင့်ပြုနိုင်မှာလဲ။</p> <p>တကယ်လို့ သူကသာ ဒီနှစ်ယောက်ကို စင်မြင့်ပေါ်ကနေ ကန်ချပစ်လိုက်ရင် စည်းမျဉ်းတွေအရ စစ်ဆေးရေး ဌာနထဲ ပြန်သွင်းပေးဖို့ ဆိုတာ တော်တော်လေး ခက်ခဲတဲ့ကိစ္စ ဖြစ်သွားလိမ့်မယ်။</p> <p>စစ်ဆေးရေး တာဝန်ခံမှာ စိတ်ထဲမှနေ၍ တိတ်တဆိတ် ညည်းတွားနေမိ၏။</p> <p>အခြားတစ်နေရာတွင်…</p> <p>"တကယ်ကြီး ဒီလိုလုပ်လို့ ရတာလား..."</p> <p>ထိုစကားကို ကြားလိုက်ရချိန်တွင် ကျိုးရှင်းတစ်ယောက် သူ့ကိုယ်သူ တိုးတိုးလေး ရေရွတ်လိုက်မိပြီး သူ့မျက်နှာထက်တွင် အလွန်အမင်း ဝမ်းသာပျော်ရွှင်သည့် အရိပ်အယောင်များ ထွက်ပေါ်လာခဲ့သည်။</p> <p>သူ့ရင်ထဲရှိ စိုးရိမ်ပူပန်မှု အနည်းငယ်မှာလည်း ထိုအခိုက်အတန့်တွင် လုံးဝ လွင့်စင် ပျောက်ကွယ်သွားခဲ့လေသည်။</p> <p>တာဝန်ခံ ကိုယ်တိုင် နှုတ်မှ ထုတ်ပြောလိုက်ပြီဖြစ်ရာ ဤစစ်ဆေးမှုမှာ အတည်ဖြစ်သွားပြီး မည်သည့် အပြောင်းအလဲမှ ထပ်မံ ဖြစ်ပေါ်လာနိုင်တော့မည် မဟုတ်ပေ။</p> <p>"ညီလေး ကျန်းနင်... ကြည့်ရတာ ငါတို့ ကံကောင်းသွားပြီ ထင်တယ်..."</p> <p>ကျိုးရှင်းက သတိပြန်ဝင်လာပြီးနောက် အရင်နေ့များကဲ့သို့ တည်ငြိမ်မှု မရှိတော့ဘဲ စိတ်လှုပ်ရှားမှုများဖြင့် ပြည့်နှက်နေသော မျက်နှာထားဖြင့် ပြောလိုက်၏။</p> <p>လပေါင်းများစွာ ပြင်ဆင်ခဲ့သမျှက ယခုအခိုက်အတန့်တွင် အရာထင်သွားခဲ့ပြီ ဖြစ်သည်။ နဂါးတံခါးကို ခုန်ပျံ ကျော်လွှားသွားသော ငါးတစ်ကောင်အလားပင်။</p> <p>သာမန် အရပ်သားများနှင့် အရာရှိများ ဆိုသည်မှာ လုံးဝ ကွဲပြားခြားနားသော လူတန်းစား နှစ်ရပ် ဖြစ်ပေသည်။</p> <p>စစ်ဆေးရေး ဌာနရှိ အသာမန်ဆုံး ကင်းလှည့် အစောင့်တစ်ယောက် ဖြစ်လာခြင်းကပင် အဆင့်ကိုး အောက်တန်း အရာရှိ ရာထူး တစ်ခုကို ရရှိသွားခြင်း ဖြစ်သည်။</p> <p>အရာရှိဆိုသည်မှာ အရာရှိပင် ဖြစ်၏။ အဆင့်ကိုး အောက်တန်း ဖြစ်နေလျှင်တောင် အရာရှိ အဆင့်အတန်းတစ်ခု ဖြစ်နေဆဲပင်။</p> <p>အသက်သေဆုံးခြင်းနှင့် ရှင်သန်ခြင်းအပေါ် ကြီးမားသော အခွင့်အာဏာရှိသည့် စစ်ဆေးရေးဌာန အကြောင်းတော့ ပြောနေစရာပင် မလိုတော့ချေ။ သဘာဝကျစွာပင် အခြားသူများထက် အဆင့်အတန်း ပိုမို မြင့်မားနေမည်သာ။</p> <p>ဖမ်းဆီးရေး အရာရှိတစ်ယောက်နှင့် အဆင့်ကိုး အောက်တန်းချင်း တူညီနေလျှင်ပင် လုပ်ပိုင်ခွင့် ပိုမို ကြီးမားသော ကင်းလှည့်အစောင့် တစ်ယောက်နှင့် ရင်ဆိုင်ရချိန်တွင် မွေးရာပါ အဆင့်အတန်း နိမ့်ကျသွားရမည် ဖြစ်သည်။</p> <p>ထို့အပြင် ဤအဆင့်ကို ကျော်ဖြတ်ပြီးပါက အဖွဲ့ခေါင်းဆောင် နေရာအတွက် ယှဉ်ပြိုင်ခွင့် ရရှိတော့မည် ဖြစ်သည်။</p> <p>အကယ်၍ ခေါင်းဆောင် နေရာကိုသာ ရရှိသွားပါက အဆင့်ကိုး အထက်တန်းသို့ ရာထူး တိုးမြှင့်ခံရမည် ဖြစ်ရုံသာမက သိုင်းပညာ အဆင့်ကိုးရှိသော လက်အောက်ခံ အဖွဲ့တစ်ဖွဲ့ကိုပါ ကွပ်ကဲခွင့် ရရှိလာမည် မဟုတ်ပါလား။</p> <p>ထိုကဲ့သို့သော ရာထူးနေရာမျိုးက တကယ့်ကို အရေးပါ အရာရောက်သော ပုဂ္ဂိုလ်တစ်ယောက်၏ နေရာဖြစ်ပြီး ကျိုးမိသားစုကို အမြင့်ဆုံး အဆင့်သစ် တစ်ခုသို့ ဆွဲတင်ပေးနိုင်စွမ်း ရှိပေသည်။</p> <p>ထိုအကြောင်းအရာ အားလုံးကို တွေးတောမိချိန်တွင် ကျိုးရှင်း အနေဖြင့် မည်သို့ စိတ်မလှုပ်ရှားဘဲ နေနိုင်မည်နည်း။ ရင်တွင်း၌ လှိုင်းတံပိုးများ ထန်နေသကဲ့သို့ ပြင်းထန်သော ခံစားချက်များကို သူ မည်သို့ ဖိနှိပ်ထားနိုင်မည်နည်း။</p> <p>တစ်ချိန်တည်းမှာပင်…</p> <p>ကျန်းနင်က သူတို့ ကံကောင်းကြောင်း ပြောနေသော ကျိုးရှင်း၏ စကားကို ကြားသော်လည်း တိကျသော အဖြေမပေးဘဲ ပြုံးရုံသာ ပြုံးလိုက်၏။</p> <p>"အစ်ကိုကျိုး ပြောတာ အဓိပ္ပာယ်ရှိတာပါပဲ..."</p> <p>"မင်းတို့ နှစ်ယောက်က တကယ်ကို ကံကောင်းတာပဲ..." လွီရန်ယောင်က အနည်းငယ် လှောင်ပြောင်သည့် လေသံဖြင့် ဝင်ပြောလာသည်။</p> <p>ထို့နောက် လွီရန်ယောင်က…</p> <p>"ငါ့အဖွဲ့ထဲ ဝင်တာက တကယ့်ကို ပညာရှိတဲ့ ရွေးချယ်မှု ဆိုတာကို မကြာခင် မင်းတို့ နားလည်လာလိမ့်မယ်... တကယ်လို့ မင်းတို့နှစ်ယောက် စိတ်ဝင်စားတယ်ဆိုရင် မင်းတို့အတွက် ငါ့တံခါးက အမြဲတမ်း ဖွင့်ထားဆဲပါ..."</p> <p>"အထူးသဖြင့် မင်းပဲ..."</p> <p>လွီရန်ယောင်၏ အကြည့်တို့က ကျန်းနင်အပေါ်သို့ စူးစိုက် ကျရောက်သွားပြီးနောက်…</p> <p>"ကျန်းနင်... ငါမင်းကို တကယ် အထင်ကြီးတယ်... လော့ရွှေခရိုင်လို နေရာမျိုးမှာ ဒီအသက်အရွယ်နဲ့ သိုင်းပညာ အဆင့်ရှစ်ကို ရောက်လာတာ လွယ်တဲ့ကိစ္စ မဟုတ်ဘူး... ငါနဲ့ ပူးပေါင်းမယ် ဆိုရင် ငါတို့ သူငယ်ချင်းတွေ ဖြစ်လာနိုင်တယ်... ရဲဘော်ရဲဘက်တွေ၊ ညီအစ်ကိုတွေတောင် ဖြစ်လာနိုင်သေးတယ်..."</p> <p>ထိုသို့ ပြောပြီးသည်နှင့် သူက ကျန်းနင်၏ တုံ့ပြန်မှုကိုပင် မစောင့်တော့ဘဲ စစ်ဆေးရေး တာဝန်ခံရှိရာသို့ ခေါင်းလှည့်သွားတော့သည်။</p> <p>"အကြီးအကဲ... ကျွန်တော့်ရဲ့ အဖွဲ့ဝင် အမှတ်အသားပြားကို လာယူတာပါ..."</p> <p>"ရော့... ယူသွားလိုက်..."</p> <p> တာဝန်ခံက သူ ကြိုတင် ပြင်ဆင်ထားသော အနက်ရောင် သစ်သားပြားကို လွီရန်ယောင်၏ လက်ထဲသို့ လှမ်းပစ်ပေးလိုက်သည်။</p> <p>ထို့နောက် သူက ဆက်၍…</p> <p>"မနက်ဖြန် မနက်ကျရင် စစ်ဆေးရေးဌာနကို ကိုယ်တိုင် လာသတင်းပို့ပြီး ဒီယာယီ အမှတ်အသားပြားကို တရားဝင် အမှတ်အသားပြားနဲ့ လဲလှယ်လိုက်..."</p> <p>"နားလည်ပါပြီ အကြီးအကဲ..." လွီရန်ယောင်က ရိုသေစွာ ဦးညွှတ်လိုက်၏။</p> <p>ဤစစ်ဆေးရေး တာဝန်ခံ အပေါ်တွင်တော့ သူ မည်သို့မျှ ရိုင်းစိုင်းစွာ မပြုမူရဲပေ။</p> <p>ဟယ်ကျင်းယွင်ကဲ့သို့ ပေါ့ပေါ့ဆဆ နိုင်လွန်းသော အပြုအမူမျိုး လုပ်ရန်လည်း သူ မဝံ့ရဲချေ။</p> <p>အဘယ်ကြောင့်ဆိုသော် သူ နားလည်ထားသလောက် ဤလူမှာ စစ်ဆေးရေးဌာန၏ ကြီးမြတ်သော တပ်မှူးကြီး လေးယောက်ထဲမှ တစ်ယောက် ဖြစ်နေသောကြောင့်ပင်။</p> <p>အဆင့်ရှစ် အထက်တန်း ရာထူးနှင့် အဆင့်ခုနစ် အထွတ်အထိပ် ခွန်အားကို ပိုင်ဆိုင်ထားပြီး အဆင့်ခြောက်သို့ပင် ခြေလှမ်း ဝင်ရောက်နေလောက်ပြီ ဖြစ်သည်။</p> <p>ရာထူး အဆင့်အတန်းအရဖြစ်စေ၊ အာဏာအရဖြစ်စေ ထိုလူ့အပေါ် မည်သည့် မလေးစားမှုမျိုးမျှ သူ မပြုလုပ်ဝံ့ပေ။</p> <p>ထို့နောက် ကျန်းနင်၊ ကျိုးရှင်းနှင့် ကျန်းထျဲရှန်းတို့လည်း ရှေ့သို့ ထွက်လာပြီး သူတို့၏ ယာယီ အဖွဲ့ဝင် အမှတ်အသားပြားများကို အသီးသီး လက်ခံ ရယူလိုက်ကြသည်။</p> <p>…</p> <p>အခြားတစ်နေရာ…</p> <p>စင်မြင့်အောက်၌…</p> <p>အထက်တွင် ဖြစ်ပျက်နေသော မြင်ကွင်းကို ကြည့်ရင်း ကျောက်ဟူမှာ ရုတ်တရက် အလွန်အမင်း နောင်တရသွားမိ၏။</p> <p>"သေစမ်း..."</p> <p>"ဒီလို ကစားလို့ ရသေးတာလား..."</p> <p>"အစောကတည်းကသာ သိခဲ့ရင် ငါလည်း သူတို့နဲ့အတူ စင်မြင့်ပေါ် တက်သွားခဲ့မှာပေါ့... တိုက်ခိုက်စရာတောင် မလိုဘဲ စစ်ဆေးရေးဌာနထဲ ဝင်ခွင့်ကို တိုက်ရိုက်ရသွားတာပဲ..."</p> <p>"အခုလေးတင် ဖြစ်သွားတဲ့ ဇာတ်ကွက်အတိုင်းသာဆိုရင် ကျန်းနင်က တိတ်တဆိတ် တိုက်ခိုက်ဖို့ ကြံစည်ရင်တောင် အခွင့်အရေး ရခဲ့မှာ မဟုတ်ဘူး..."</p> <p>စစ်ဆေးရေး ဌာနသို့ ဝင်ရောက်နိုင်မည့် သေချာပေါက် အခွင့်အရေးကြီးက သူ့မျက်စိရှေ့တွင်ပင် လွတ်ထွက်သွားခဲ့ပြီဖြစ်ရာ ကျောက်ဟူ တွေးမိလေလေ နောင်တရလေလေ ဖြစ်နေတော့သည်။</p> <p>…</p> <p>သစ်သားတဲလေးအတွင်း…</p> <p>သိုင်းသင်တန်းကျောင်းမှ တပည့်များမှာ စင်မြင့်ပေါ်ရှိ မြင်ကွင်းကို တွေ့မြင်လိုက်ရချိန်တွင် အလွန်အမင်း စိတ်လှုပ်ရှားစွာ ဆွေးနွေး ပြောဆိုလာကြတော့သည်။</p> <p>"အစ်ကိုကြီး ကျန်းနင်၊ အစ်ကိုကြီး ကျိုးရှင်းနဲ့ အစ်ကိုကြီး ကျန်းထျဲရှန်းတို့က တကယ်ကို ကံကောင်းတာပဲ..."</p> <p>"အမှန်ပဲ... သူတို့ကံက တကယ်ကို ကောင်းလွန်းတယ်... မတိုက်ခိုက်ရဘဲ စစ်ဆေးမှုကို အလိုအလျောက် အောင်မြင်သွားပြီး ကင်းလှည့်အစောင့်တွေ ဖြစ်သွားကြပြီ... ငါတို့နဲ့တော့ အတန်းအစားချင်း လုံးဝ မတူတော့ဘူး..." အချို့သော တပည့်များက အလွန်အမင်း မနာလို အားကျသည့် မျက်နှာထားများဖြင့် ဝင်ပြောကြသည်။</p> <p>"ဟုတ်တယ်... နောက်ကျရင် အစ်ကိုကြီး သုံးယောက်ကို တွေ့တဲ့အခါ သခင်ကြီးတွေလို့ ရိုရိုသေသေ ခေါ်ရတော့မှာ..." တစ်ယောက်က မှတ်ချက်ချလိုက်ပြီးနောက် အခြားသူများကလည်း စိတ်လှုပ်ရှားမှု အပြည့်ဖြင့် ထောက်ခံလာကြသည်။</p> <p>"ဒါပေမဲ့ ပြောရမယ် ဆိုရင်တော့ အစ်ကိုကြီး သုံးယောက်က သီသီလေး လွတ်သွားတာနော်... ဟိုသိုင်းပညာ ဥယျာဉ်က ကျောင်းသားက တကယ်ကို ကြောက်စရာ ကောင်းတဲ့ပုံပဲ... တကယ်လို့ သူသာ ဝင်စွက်ဖက်ခဲ့ရင် ငါတို့ အစ်ကိုကြီး သုံးယောက်က အန္တရာယ် ရှိသွားနိုင်တယ်..."</p> <p>"အဲဒါတော့ သေချာတယ်... တုန်းလင်မြို့ကလာတဲ့ သိုင်းပညာဥယျာဉ်က ကျောင်းသားတွေက သူလည်း အဆင့်ရှစ်ပဲ ဆိုပေမဲ့ တကယ်လို့သာ တိုက်ခိုက်ခဲ့ရင် အစ်ကိုကြီး ကျန်းနင်နဲ့ အစ်ကိုကြီး ကျိုးရှင်းတို့ သူ့ကို သေချာပေါက် ယှဉ်နိုင်မှာ မဟုတ်ဘူး..."</p> <p>End</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save