Book List

<h2 style="text-align: center;">Chapter 95</h2> <h2 style="text-align: center;">အခြေစိုက်စခန်းအား ညဘက် ဝင်ရောက်စီးနင်းခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ဤလူများက အလောင်းကောင်ဂိုဏ်း၏ အဖွဲ့ဝင်များ ဖြစ်ကြသည်။ ယခုကာလအတွင်း အလောင်းကောင်ဂိုဏ်း၏ လက်ကျန်များသည် သက်ရှိများ၏ သွေးအမြောက်အမြား လိုအပ်သည့် အရေးကြီးသော တာဝန်တစ်ခုကို လုပ်ဆောင်ရန် ပြင်ဆင်နေကြခြင်းပင်။ ကျင့်ကြံသူ ပိုမို သန်မာလေလေ၊ ပိုကောင်းလေလေ ဖြစ်သည်။ သို့သော်လည်း အစွမ်းထက်သော ကျင့်ကြံသူများကို ကိုင်တွယ်ရန်မှာ မလွယ်ကူလှပေ။</p> <p> </p> <p>ထို့ကြောင့် သူတို့က သာမန်ရွာသားများကို ပစ်မှတ်ထားခဲ့ကြသည်။ ရွာသားများသည် အားနည်းကြပြီး အစွမ်းထက် ကျင့်ကြံသူများကို ပြန်လည် တိုက်ခိုက်နိုင်စွမ်း မရှိသလောက်ဖြစ်ရာ အသတ်ခံရန်သာ ရှိတော့သည်။ လူများကို သတ်ပြီးနောက် သူတို့က ရွာသားများ၏ သွေးများကို စုဆောင်းကာ ပြန်လည် ယူဆောင်သွားသည့် အလွန် ရက်စက်လှသော နည်းလမ်းများကို အသုံးပြုခဲ့ကြသည်။</p> <p> </p> <p>သို့သော်လည်း သူတို့၏ လုပ်ရပ်များက အခြားသော ကျင့်ကြံသူများ၏ အာရုံစိုက်မှုကို လွယ်ကူစွာ ရရှိခဲ့ပြီး သတင်းမှာ ယွင်လော့မြို့စားမင်း စံအိမ်သို့ လျင်မြန်စွာ ရောက်ရှိသွားခဲ့သည်။ ယွင်လော့မြို့အတွင်း မိစ္ဆာကျင့်ကြံသူများက လူအမြောက်အမြားကို အစုလိုက်အပြုံလိုက် သတ်ဖြတ်နေသည့် ကြီးမားသည့် ဖြစ်ရပ်မျိုး ဖြစ်ပွားနေသည်ကို မြို့စားမင်း စံအိမ်အနေဖြင့် ဒီအတိုင်း ကြည့်မနေနိုင်ဘဲ စုံစမ်းစစ်ဆေးရန်နှင့် ရွာသားအချို့ကို ကာကွယ်ရန် လူလွှတ်ခဲ့ခြင်းပင်။</p> <p> </p> <p>ယွင်လော့မြို့စားမင်းက ရွာသားများကို ကာကွယ်ရန် လူလွှတ်ခဲ့သဖြင့် စိတ်နှလုံး ကောင်းမွန်သူဟု ယူဆနိုင်သည်။ အခြားသူများဆိုလျှင် ရွာသားများကို ထိုမျှအထိ တန်ဖိုးထားကြမည် မဟုတ်ပေ။ သေချာသည်မှာ မိစ္ဆာကျင့်ကြံသူများ၏ လူသတ်ပွဲနှင့် သွေးစုဆောင်းမှုနောက်ကွယ်တွင် ပူးပေါင်းကြံစည်မှုတစ်ခု ရှိနေရပေမည်။ ရွာသားများကို ကာကွယ်ပြီး မိစ္ဆာကျင့်ကြံသူများ အောင်မြင်ခွင့်မပေးခြင်းသည်လည်း မြို့စားမင်း၏ အစီအစဉ်တစ်ခုပင် ဖြစ်သည်။</p> <p> </p> <p>မြို့စားမင်း စံအိမ်မှာလည်း သတင်းများ ရရှိထားပြီးဖြစ်ကာ ၎င်းမှာ အလောင်းကောင်ဂိုဏ်း၏ လက်ကျန်များ လက်ချက်ဟု သံသယဖြစ်နေသည်။ ယခုအခါ မြို့စားမင်း စံအိမ်သည် ဤကိစ္စကို အလေးအနက်ထားသည့် မြို့တော်သို့ သတင်းပို့ရန် လူလွှတ်ထားခဲ့ပြီ ဖြစ်သည်။ သူတို့က အလောင်းကောင်ဂိုဏ်း၏ လက်ကျန်များကို အမြစ်ပြတ် သုတ်သင်ရန် အခြားဂိုဏ်းများနှင့် ပူးပေါင်းထားပြီး အစွမ်းထက် ပုဂ္ဂိုလ်ကြီးများမှာလည်း လမ်းခုလတ်သို့ ရောက်ရှိနေကြပြီ ဖြစ်သည်။</p> <p> </p> <p>မြို့စားမင်း၏ အမိန့်မှာ အခြားအစွမ်းထက် ပုဂ္ဂိုလ်ကြီးများ ရောက်မလာမီအထိ ဖုန်းချန်းနှင့် အခြားသူများအနေဖြင့် ရွာသားများကို ကာကွယ်ထားရန် ဖြစ်သည်။ အဘယ်ကြောင့်ဆိုသော် မြို့စားမင်း၏ တပ်ဖွဲ့လေးနှင့် အလောင်းကောင်ဂိုဏ်း၏ အခြေစိုက်စခန်းကို ထိုးဖောက်ရန်မှာ မဖြစ်နိုင်သောကြောင့်ပင်။</p> <p> </p> <p>အခြေစိုက်စခန်း၏ အပြင်ဘက်ရှိ ကင်းလှည့်တပ်စုများမှာ တစ်ခုပြီးတစ်ခု အသတ်ခံလိုက်ရပြီးနောက် အလောင်းကောင်ဂိုဏ်းမှ ကျွမ်းကျင်သူ အမြောက်အပြားသည် အခြေစိုက်စခန်းကို ဝိုင်းရံလိုက်ကြတော့သည်။ တပ်စွဲထားသော တပ်ဖွဲ့က တစ်စုံတစ်ယောက် သူတို့ထံ ချဉ်းကပ်လာသည်ကို သတိပြုမိလိုက်သဖြင့် တစ်ခုခု မှားယွင်းနေကြောင်း လျင်မြန်စွာ သိရှိသွားခဲ့သည်။</p> <p> </p> <p>"ဘယ်သူလဲ" စစ်သည်တစ်ဦးက အဝေးမှ ပုံရိပ်များကို ကြည့်ကာ အော်ဟစ်လိုက်သည်။</p> <p> </p> <p>'ရှူး...' ထက်မြက်သော မြှားတစ်စင်း ထွက်ပေါ်လာပြီး စစ်သည်၏ ရင်ဘတ်ကို တစ်ခဏအတွင်းမှာပင် ဖောက်ထွက်သွားခဲ့သည်။ စစ်သည်က မြေပြင်ပေါ်သို့ ချက်ချင်း လဲကျသွားခဲ့သဖြင့် အနီးနားရှိ အခြားစစ်သည်များမှာ အံ့ဩသွားကြရသည်။</p> <p> </p> <p>"ရန်သူ….တိုက်ခိုက်တယ်...ရန်သူ…တိုက်ခိုက်တယ်..."စစ်သည်များက အော်ဟစ်လိုက်ကြသည်။</p> <p> </p> <p>ရလဒ်အနေဖြင့် မြှားအမြောက်အမြား ကျရောက်လာပြီး စစ်သည်များမှာ ရက်ရက်စက်စက် သေဆုံးသွားခဲ့ကြသည်။ ဆူညံသံသည် အခြားသူများ၏ အာရုံကို ချက်ချင်း ဖမ်းစားခဲ့ပြီး စစ်သည် ဒါဇင်ပေါင်းများစွာ ကူညီရန် ပြေးလာကြသည်။ သို့သော်လည်း အပြင်ဘက်ရှိ အမှောင်ထဲမှ ပုံရိပ်အမြောက်အပြားကလည်း အရှိန်အဟုန်ဖြင့် ပြေးထွက်လာကြသည်။</p> <p> </p> <p>စစ်သည်များက အမှောင်ထဲမှ ပုံရိပ်များကို မြင်သောအခါ မြှားများဖြင့် ပစ်ခတ်ခဲ့ကြသော်လည်း ထိုပုံရိပ်များသည် အထိအခိုက်မရှိဘဲ ဆက်လက် ချဉ်းကပ်လာခဲ့သည်။ သူတို့ အနားရောက်လာချိန်ကျမှသာ ပုံရိပ်များသည် အမှန်တကယ်တော့ အလောင်းကောင် ရုပ်သေးများ ဖြစ်ကြောင်း စစ်သည်များ သိရှိလိုက်ရသည်။</p> <p> </p> <p>အလောင်းကောင် ရုပ်သေးများက နာကျင်မှုကို မသိကြသလို အဓိက အစိတ်အပိုင်းအချို့ မပျက်စီးသရွေ့ သူတို့က ဆက်လက် လှုပ်ရှားနိုင်ကြသည်။ အလောင်းကောင် ပြုပြင်ခြင်းသည်လည်း ရုပ်သေးအမျိုးအစား တစ်မျိုးပင် ဖြစ်သည်။ များသောအားဖြင့် အလောင်းကောင် ရုပ်သေးတစ်ရုပ်ကို ၎င်း၏ တိုက်ခိုက်ရေးစွမ်းအား လုံးဝ ပျောက်ကွယ်သွားစေရန်အတွက် အပိုင်းပိုင်း ခုတ်ထစ်ပစ်ရန် လိုအပ်ပေသည်။ ရန်သူများအတွက်မူ အလောင်းကောင် ရုပ်သေးများက အလွန် ဒုက္ခပေးသော ပြိုင်ဘက်များ ဖြစ်ကြသည်။</p> <p> </p> <p>အလောင်းကောင် ရုပ်သေးများက စစ်သည်များအနားသို့ ချဉ်းကပ်လာပြီး သူ၏ ဓားကို မြှောက်ကာ တစ်ခဏအတွင်းမှာပင် စစ်သည် ဒါဇင်ပေါင်းများစွာကို သတ်ဖြတ်လိုက်တော့သည်။ ထို့ပြင် အလောင်းကောင်ဂိုဏ်းက စစ်သည်များထံသို့ မြှားများဖြင့်လည်း တရစပ် ပစ်ခတ်နေခဲ့သဖြင့် စစ်သည်များမှာ ထွက်ပြေးရန် အခွင့်အရေး မရခဲ့ကြပေ။ ထိုနည်းဖြင့် အခြေစိုက်စခန်း၏ အဝင်ဝမှာ တစ်ခဏအတွင်း ကျိုးပေါက်သွားခဲ့ပြီး အခြားသူများ ကူညီရန် ရောက်မလာမီမှာပင် အလောင်းကောင်ဂိုဏ်းဝင်များက အခြေစိုက်စခန်းအတွင်းသို့ အတင်းအဓမ္မ ဝင်ရောက်လာခဲ့ကြသည်။ အခြားသော လမ်းကြောင်းများတွင်လည်း ထိုနည်းတူပင်ဖြစ်ကာ အလောင်းကောင်ဂိုဏ်းက အဖွဲ့သုံးဖွဲ့ခွဲ၍ မတူညီသော လမ်းကြောင်းများမှ တိုက်ခိုက်ခဲ့ခြင်းပင်။</p> <p> </p> <p>သို့သော်လည်း ထိုအချိန်တွင် အခြေစိုက်စခန်းအတွင်းရှိ မြို့စားမင်း စံအိမ်၏ စစ်သည်များကလည်း ရန်သူ့တိုက်ခိုက်မှုကို သိရှိသွားခဲ့ကြပြီ ဖြစ်သည်။</p> <p> </p> <p>"ရန်သူ တိုက်ခိုက်တယ်... ရန်သူ တိုက်ခိုက်တယ်..." အားလုံးက အော်ဟစ်နေကြသည်။ ထိုအချိန်တွင် စစ်သည်များစွာ လှုပ်ရှားလာကြသဖြင့် ရွာသားအချို့မှာ ထိတ်လန့်တုန်လှုပ်သွားကြပြီး ဘာလုပ်ရမှန်း မသိ ဖြစ်နေကြတော့သည်။ အလောင်းကောင်ဂိုဏ်းမှ ကျွမ်းကျင်သူများက မြင်မြင်သမျှလူကို သတ်ဖြတ်နေကြသည်ဖြစ်ရာ စစ်သည်ဖြစ်စေ၊ ရွာသားဖြစ်စေ သူတို့၏ ရည်မှန်းချက်မှာ ရန်သူအားလုံးကို သတ်ရန်ပင် ဖြစ်သည်။</p> <p> </p> <p>ကျန်းချန်းနှင့် နန်ဖုန်းတို့ စကားပြောနေစဉ်မှာပင် ရန်သူတိုက်ခိုက်သည့် အချက်ပြသံကို ကြားလိုက်ရသဖြင့် ချက်ချင်း ပြေးထွက်လာခဲ့ကြသည်။ သူတို့နှစ်ဦးက ကူညီရန်အတွက် စစ်တလင်းဆီသို့ သွားခဲ့ကြသည်။ သေချာသည်မှာ ခဏအကြာတွင် အနက်ရောင်ဝတ်စုံဝတ်ထားသူများက ရွာသားများကို လိုက်လံ သတ်ဖြတ်နေသည်ကို သူတို့နှစ်ဦး မြင်လိုက်ရသည်။ မြေပြင်ပေါ်တွင် စစ်သည်များ၏ အလောင်းများစွာ လဲကျနေသည်မှာ စစ်သည်များက ရန်သူ့ကို မယှဉ်နိုင်ဘဲ ဆိုးဝါးသော ဆုံးရှုံးမှုများနှင့် ရင်ဆိုင်နေရကြောင်း ထင်ရှားလှပေသည်။</p> <p> </p> <p>၎င်းကို မြင်လိုက်ရချိန်တွင် ကျန်းချန်းက သူ၏ ငွေရောင်ဓားကို ဆွဲထုတ်ကာ ရှေ့သို့ ချက်ချင်း ပြေးဝင်သွားခဲ့သည်။ ဤအလောင်းကောင်ဂိုဏ်းမှလူများသည် တကယ်ကို ရဲတင်းလှပေသည်၊ သူတို့က အခြေစိုက်စခန်းကို အမှန်တကယ် တိုက်ခိုက်ရဲသည်လား။ ထိုနေရာကို ဝူကျုံးနယ်ပယ် အဆင့်ခြောက်ရှိသော ဖုန်းချန်း အပါအဝင် ဝူကျုံးနယ်ပယ် ကျွမ်းကျင်သူ ရှစ်ဦးက စောင့်ကြပ်နေသည်ကို သူတို့ သတိထားသင့်ပေသည်။</p> <p> </p> <p>ထိုလူများကို မြင်လိုက်ရချိန်တွင် ကျန်းချန်းက သူတို့က အလောင်းကောင်ဂိုဏ်းဝင်များဖြစ်ကြောင်း အတည်ပြုလိုက်သည်။ အကယ်၍ အလောင်းကောင်ဂိုဏ်းဝင်များက သူတို့၏ အရှိန်အဝါကို မဖုံးကွယ်ထားပါက သူတို့ထံမှ ယုတ်မာသော အရှိန်အဝါများ ထွက်ပေါ်နေတတ်သည်။ ကျန်းချန်းက အလောင်းကောင်ဂိုဏ်းဝင်များနှင့် ပထမဆုံးအကြိမ် တွေ့စဉ်ကတည်းက ၎င်းကို သတိပြုမိခဲ့ခြင်းပင်။ ကျန်းချန်း၏ ကောင်းကင်နတ်ဆိုးနဂါးပညာက အလွန် ထူးခြားလှပေသည်။ ၎င်းက မတူညီသော အရှိန်အဝါများကို လွယ်ကူစွာ ခွဲခြားနိုင်သလို မှတ်လည်း မှတ်မိနေနိုင်သည်။ ၎င်းမှာ ကျန်းချန်း၏ အားသာချက်များထဲမှ တစ်ခုပင် ဖြစ်သည်။</p> <p> </p> <p>ကျန်းချန်းက ငွေရောင်ဓားကို လျင်မြန်စွာ ဝေ့ယမ်းလိုက်ပြီး သူ၏ရှေ့မှ အလောင်းကောင်ဂိုဏ်းမှ ကျွမ်းကျင်သူ အမြောက်အပြားကို တစ်ခဏအတွင်း သတ်ဖြတ်လိုက်သည်။ တစ်ဖက်လူမှာ ပြန်လည် တိုက်ခိုက်ရန် အခွင့်အရေး မရှိခဲ့ပေ။ တစ်ဖက်လူက သိုင်းစစ်သည်နယ်ပယ်ဖြစ်စေ၊ သိုင်းဆရာသခင်နယ်ပယ်ဖြစ်စေ ကျန်းချန်း၏ ရှေ့တွင်တော့ အသတ်ခံရရန်သာ ရှိတော့သည်။</p> <p> </p> <p>မကြာမီမှာပင် သူတို့ရှေ့မှ အလောင်းကောင်ဂိုဏ်း ကျွမ်းကျင်သူ ၂၀ ကျော်မှာ အားလုံး အသတ်ခံလိုက်ရသည်။ နန်ဖုန်းကလည်း လူနှစ်ယောက်ကို သတ်ခဲ့သော်လည်း သူ လှည့်ကြည့်လိုက်ချိန်တွင် ကျန်ရှိနေသူအားလုံးမှာ ကျန်းချန်း၏ လက်ချက်ဖြင့် သေဆုံးသွားခဲ့ပြီဖြစ်ကြောင်း တွေ့ရှိလိုက်ရသည်။</p> <p> </p> <p>"တာအိုရောင်းရင်း ကျန်း... ခင်ဗျားရဲ့ ခွန်အားက တကယ်ပဲ ကြီးမားလွန်းတယ်" နန်ဖုန်းက တံတွေးကို ခက်ခဲစွာ မျိုချရင်း ပြောလိုက်သည်။ သာမန် သိုင်းဆရာသခင်နယ်ပယ် အဆင့်တစ်ဆယ်တစ်ဦးအနေဖြင့် ကျန်းချန်းကဲ့သို့ အချိန်တိုအတွင်း လူ ၂၀ ကျော်ကို မသတ်နိုင်သလို ထိုထဲတွင် ထက်ဝက်ခန့်မှာ သိုင်းဆရာသခင်နယ်ပယ် ကျွမ်းကျင်သူများ ဖြစ်နေကြခြင်းပင်။</p> <p> </p> <p>"အခုက စကားပြောနေရမယ့် အချိန်မဟုတ်ဘူး၊ အခု ကျုပ်တို့ လုပ်ရမှာက ရန်သူကို မောင်းထုတ်ဖို့ပဲ" ကျန်းချန်းက ပြောလိုက်သည်။</p> <p> </p> <p>အခြေစိုက်စခန်းတစ်ခုလုံး ရုန်းရင်းဆန်ခတ် ဖြစ်နေခဲ့ပြီး ကျန်းချန်းက အလောင်းကောင်ဂိုဏ်းဝင်များနှင့် ထပ်မံ တွေ့ဆုံခဲ့ပြန်သည်။ အလောင်းကောင် ကျွမ်းကျင်သူများသည် လူများကို နေရာအနှံ့ လိုက်လံ သတ်ဖြတ်ရန် သူတို့၏ အလောင်းကောင် ပြုပြင်ခြင်း နည်းစနစ်များကို အသုံးပြုနေကြသည်။ ကျန်းချန်းက ချက်ချင်း လှုပ်ရှားလိုက်ပြီး သူ၏ ဓားအလင်းတန်းနှင့်အတူ ရှေ့ရှိ အလောင်းကောင် ရုပ်သေးသုံးရုပ်မှာ နှစ်ပိုင်း ပြတ်သွားခဲ့ရကာ အသုံးမဝင်တော့ပေ။</p> <p> </p> <p>"ဘယ်သူလဲ"</p> <p> </p> <p>ရုတ်တရက် အလောင်းကောင်ဂိုဏ်းဝင်များက ပြင်းထန်သော တိုက်ပွဲ ဖြစ်ပွားနေစဉ်မှာပင် တစ်စုံတစ်ယောက် ပြေးထွက်လာပြီး သူတို့၏ အလောင်းကောင် ရုပ်သေးသုံးရုပ်ကို သတ်ပစ်လိုက်သဖြင့် အံ့ဩသွားကြရသည်။ အလောင်းကောင် ရုပ်သေး၏ ခုခံနိုင်စွမ်းမှာ အတော်လေး သန်မာလှပေသည်၊ သိုင်းဆရာသခင်တစ်ဦးပင်လျှင် အချိန်တိုအတွင်း ၎င်းကို နှစ်ပိုင်းပြတ်အောင် မခုတ်နိုင်ပေ။ သို့သော်လည်း ရောက်ရှိလာသူက အမှန်တကယ်ပင် အလောင်းကောင် ရုပ်သေးကို ဓားတစ်ချက်တည်းနှင့် နှစ်ပိုင်းပြတ်အောင် ခုတ်နိုင်ခဲ့ခြင်းမှာ အံ့ဩဖွယ်ကောင်းသော ခွန်အားကို ပြသနေခြင်းဖြစ်ပြီး သူက ရက်စက်သော ပုဂ္ဂိုလ်တစ်ဦးဖြစ်ကြောင်း သက်သေပြနေခြင်းပင်။</p> <p> </p> <p>နန်ဖုန်းက ကျန်းချန်း၏နောက်မှ လိုက်လာခဲ့ပြီး ကျန်းချန်း၏ ပြတ်သားလှသော လှုပ်ရှားမှုများကို မြင်ရသောအခါ အံ့ဩသွားခဲ့ရသည်။ ကျန်းချန်းက နှစ်လကျော်အတွင်းမှာပင် ဤမျှအထိ သန်မာလာခဲ့သည်လား။ သူ၏ ပါရမီက တကယ်ကို ကြောက်စရာကောင်းလှပေသည်။</p> <p> </p> <p>"ငါက မင်းတို့ကို သတ်မယ့်လူပဲ၊ ဒါပေမဲ့ ဒီမှာ အလောင်းကောင်ဂိုဏ်းနဲ့ တွေ့ရလိမ့်မယ်လို့ ငါ မထင်ထားခဲ့ဘူး" ကျန်းချန်းက လှောင်ပြောင်လိုက်သည်။</p> <p> </p> <p>"မင်းက ငါတို့ရဲ့ နောက်ခံကို သိနေတာလား" ကျန်းချန်းက သူတို့၏ မည်သူမည်ဝါဖြစ်ကြောင်းကို လျင်မြန်စွာ ဖော်ထုတ်လိုက်သဖြင့် တစ်စုံတစ်ယောက်က အံ့ဩတကြီး အော်ဟစ်လိုက်သည်။</p> <p> </p> <p>"ပါးစပ်ပိတ်စမ်း"</p> <p> </p> <p>ဝူကျုံးနယ်ပယ် အဆင့်နှစ်ရှိသော သိုင်းကျွမ်းကျင်သူတစ်ဦးက အော်ဟစ်လိုက်သည်။ အလောင်းကောင်ဂိုဏ်းက သူတို့၏ မည်သူမည်ဝါဖြစ်ကြောင်း မပေါ်လွင်စေရန် တိတ်တဆိတ် လုပ်ဆောင်နေခဲ့ခြင်းပင်။ သူတို့ အလောင်းကောင် ရုပ်သေးများကို အသုံးပြုလျှင်ပင် အလောင်းကောင်ဂိုဏ်းက ဖြစ်ကြောင်း သက်သေမရှိသရွေ့ အာရုံစိုက်မှု အများကြီး မရနိုင်သလို သူတို့ကလည်း အသက်ရှင်ကျန်ရစ်သူ ထားခဲ့ရန် အစီအစဉ် မရှိကြပေ။ သို့သော်လည်း အလောင်းကောင်ဂိုဏ်း၏ အမည်မှာ အာရုံစိုက်မှုကို အလွယ်တကူ ရရှိစေနိုင်သည်။</p> <p> </p> <p>"ဟန်ဆောင်မနေပါနဲ့တော့၊ ငါ အားလုံး ကြားပြီးသား။ မင်းတို့က တကယ်ပဲ အလောင်းကောင်ဂိုဏ်းကလူတွေပဲ" ကျန်းချန်းက နှာခေါင်းရှုံ့လိုက်သည်။ ကျန်းချန်းက တစ်ဖက်လူ၏ နောက်ခံကို ထပ်မံ အတည်ပြုနိုင်ရန်အတွက် ဤသို့ ပြောလိုက်ခြင်းပင်။ သူ ထင်ထားသည့်အတိုင်းပင်၊ လူသတ်မှု၏ နောက်ကွယ်မှ ကြိုးကိုင်သူမှာ အမှန်တကယ်ပင် အလောင်းကောင်ဂိုဏ်းဝင်တစ်ဦး ဖြစ်နေခြင်းပင်။</p> <p> </p> <p> </p> <p> </p> <p>***</p> <p> </p>


Save