Book List

<h2 style="text-align: center;">Chapter 99</h2> <h2 style="text-align: center;">နင်ယွမ်ရွှေ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>ကျန်းချန်း၏ ဓားစွမ်းအင်က ကျင့်ဖုန်း၏ နဂါးသတ်လှံကို တိုက်ရိုက်ပင် အပိုင်းပိုင်း ဖျက်ဆီးပစ်လိုက်သည်။</p> <p> </p> <p>၎င်း၏ စွမ်းအားက အံ့ဩဖွယ် ကောင်းလှပြီး ကျင့်ဖုန်း၏ မယုံကြည်နိုင်သော မျက်လုံးများရှေ့မှာတင် ဓားအလင်းတန်းက ကျင့်ဖုန်း၏ ခန္ဓာကိုယ်သို့ တိုက်ရိုက် ကျရောက်သွားခဲ့သည်။</p> <p> </p> <p>ကျင့်ဖုန်းက သူ အလွန်ဂုဏ်ယူရသည့် နဂါးသတ်လှံ သိုင်းပညာရပ်က ကျန်းချန်း၏ လက်ထဲတွင် အလွယ်တကူ ပျက်စီးသွားလိမ့်မည်ဟု မထင်ထားခဲ့သလို ဓားစွမ်းအင်က သူ့ထံသို့ တိုက်ရိုက် ရောက်ရှိလာလိမ့်မည်ဟုလည်း မျှော်လင့်မထားခဲ့ပေ။</p> <p> </p> <p>ကျင့်ဖုန်း ဆွံ့အသွားခဲ့ရသည်၊ သူ၏ မျက်လုံးများ ပြူးကျယ်သွားခဲ့ပြီးနောက် သူ၏ ခန္ဓာကိုယ်မှာ နှစ်ပိုင်း ပြတ်သွားခဲ့ကာ သွေးချင်းချင်းနီသော အလောင်းမှာ မြေပြင်ပေါ်သို့ လဲကျသွားခဲ့တော့သည်။</p> <p> </p> <p>လူတိုင်းက ထိုမြင်ကွင်းကို မယုံကြည်နိုင်ဟန်ဖြင့် အံ့ဩမှင်သက်စွာ စိုက်ကြည့်နေကြသည်။ ဝူကျုံးနယ်ပယ် အဆင့်ခုနစ်ရှိသော ကျင့်ဖုန်းကို ကျန်းချန်းက အမှန်တကယ်ပင် တစ်ကွက်တည်းနှင့် သတ်ဖြတ်လိုက်ခြင်းပင်။</p> <p> </p> <p>သူတို့မျက်စိရှေ့မှ ပုံပျက်ပန်းပျက် ဖြစ်နေသော ကျင့်ဖုန်း၏ ရုပ်အလောင်းမှာ ကျင့်ဖုန်း အမှန်တကယ် သေဆုံးသွားပြီဖြစ်ကြောင်း အကောင်းဆုံး သက်သေပင် ဖြစ်သည်။</p> <p> </p> <p>ကျင့်ဖုန်းကို သတ်ပြီးနောက် ကျန်းချန်းက အလောင်းကောင်ဂိုဏ်းမှ အခြား ကျွမ်းကျင်သူများထံသို့ အကြည့်ကို လွှဲလိုက်သည်။ လျင်မြန်လှသော လှုပ်ရှားမှုများနှင့်အတူ ကျန်းချန်းက ရန်သူများကြားသို့ လျင်မြန်စွာ တိုးဝင်လိုက်ပြီး သူဖြတ်သန်းသွားသည့် နေရာတိုင်းတွင် အလောင်းများကိုသာ ချန်ထားရစ်ခဲ့တော့သည်။</p> <p> </p> <p>ဖုန်းချန်းနှင့် တိုက်ခိုက်နေသော ဝူကျုံးနယ်ပယ် အဆင့်ခြောက် ကျွမ်းကျင်သူကလည်း ကျန်းချန်းကို တိုက်ခိုက်ရန် သူ၏ အလောင်းကောင် ပြုပြင်ခြင်း နည်းစနစ်ကို အသုံးပြုခဲ့သည်။ သို့သော်လည်း ကျန်းချန်းက အလောင်းကောင် ရုပ်သေးကို ဂရုမစိုက်ဘဲ ထိုလူ့ထံသို့ တိုက်ရိုက် ပြေးဝင်ကာ သတ်ဖြတ်လိုက်သည်။</p> <p> </p> <p>ယခုအခါ ကျန်းချန်းမှာ မိစ္ဆာတစ်ကောင်ကဲ့သို့ ဖြစ်နေခဲ့ပြီး သူ၏ တိုက်ခိုက်ရေးစွမ်းရည်မှာလည်း အဆမတန် မြင့်တက်လာခဲ့သည်။</p> <p> </p> <p>ကျင့်ဖုန်းအတွက်မူ သူ၏ အလောင်းကောင် ရုပ်သေးကိုပင် မထုတ်နိုင်သေးမီ ကျန်းချန်း၏ လက်ချက်ဖြင့် ရက်ရက်စက်စက် သေဆုံးသွားခဲ့ရခြင်းပင်။ သူ၏ ခွန်အားနှင့်ဆိုလျှင် ကျန်းချန်းကို သတ်ရန် လွယ်ကူလိမ့်မည်ဟု သူ ထင်ထားခဲ့သော်လည်း ကျန်းချန်းတွင် သိုင်းပညာရပ်များ၏ စွမ်းအားကို ဆယ်ဆမျှ မြှင့်တင်ပေးနိုင်သည့် လျှို့ဝှက်နည်းစနစ် ရှိနေသည်ကို သူ မသိရှိခဲ့ပေ။</p> <p> </p> <p>အလောင်းကောင်ဂိုဏ်းမှ အခြား ကျွမ်းကျင်သူများကလည်း လွတ်အောင် မပြေးနိုင်ကြပေ၊ သူတို့က ကျန်းချန်း၏ ပြိုင်ဘက် မဟုတ်ကြပေ။</p> <p> </p> <p>မကြာမီမှာပင် အလောင်းကောင်ဂိုဏ်းမှ ကျွမ်းကျင်သူ ရာပေါင်းများစွာမှာ အသတ်ခံလိုက်ရသည်။</p> <p> </p> <p>သေချာသည်မှာ အခြေစိုက်စခန်း၏ အခြားနေရာများတွင် အလောင်းကောင်ဂိုဏ်းဝင် အချို့ ရှိနေဦးမည်ဖြစ်သော်လည်း သူတို့၏ အရေအတွက်မှာ များပြားမည်မဟုတ်ပေ။ အဓိက ကျွမ်းကျင်သူများအားလုံးမှာ အသတ်ခံလိုက်ရပြီဖြစ်သဖြင့် အခြား အလောင်းကောင်ဂိုဏ်းဝင်များကို စိုးရိမ်နေရန် မလိုအပ်တော့ပေ။</p> <p> </p> <p>"တာအိုရောင်းရင်း ကျန်း... ဒီတစ်ခါ ခင်ဗျားရဲ့ ကူညီမှုအတွက် တကယ်ပဲ ကျေးဇူးတင်ပါတယ်။ ခင်ဗျားသာ မရှိရင် ကျုပ်တို့ အခြေအနေက တကယ့်ကို အန္တရာယ်ကြီးမှာ"  ဖုန်းချန်းက ကျန်းချန်းအား ဂါရဝပြုရင်း ပြောလိုက်သည်။</p> <p> </p> <p>ကျန်းချန်း၏ ခွန်အားက ကြီးမားလွန်းလှပေသည်။ သူက ဝူကျုံးနယ်ပယ် အဆင့်တစ်မှာသာ ရှိသေးသော်လည်း ဝူကျုံးနယ်ပယ် အဆင့်ခုနစ်ရှိသော ကျင့်ဖုန်းကို သတ်နိုင်ခဲ့ခြင်းပင်။ သူ၏ ပါရမီက တကယ်ကို မိစ္ဆာဆန်လွန်းလှသည်။</p> <p> </p> <p>ယခင်က နန်ဖုန်း ပြောခဲ့သည်မှာ လိမ်ညာနေခြင်း မဟုတ်ကြောင်း ထင်ရှားလှပေသည်၊ ကျန်းချန်းမှာ အမှန်တကယ်ပင် ထူးခြားလှသော ပါရမီရှင်တစ်ဦး ဖြစ်သည်။</p> <p> </p> <p>ဖုန်းချန်း ယခင်က ကျန်းချန်း၏ ခွန်အားအပေါ် အနည်းငယ် သံသယရှိခဲ့သော်လည်း ခုနက တိုက်ပွဲအပြီးတွင်တော့ ကျန်းချန်း၏ အရည်အချင်းအပေါ် လုံးဝ ယုံကြည်သွားခဲ့ပြီ ဖြစ်သည်။</p> <p> </p> <p>ကျန်းချန်းက ကျင့်ဖုန်းကို သတ်နိုင်ခဲ့သည်ဖြစ်ရာ သူက ဖုန်းချန်းထက် ပို၍ သန်မာသည်ဟု ဆိုလိုခြင်းပင်။ သို့ဖြစ်ရာ သူက ကျန်းချန်းအပေါ် ဘာကြောင့် မယဉ်မကျေး ဆက်ဆံရပါမည်နည်း။</p> <p> </p> <p>"အလောင်းကောင်ဂိုဏ်းက ဆိုးဝါးလှတဲ့ ရာဇဝတ်မှုတွေကို ကျူးလွန်ခဲ့တာပါ။ ကျုပ် လုပ်တာက လူသားတွေအတွက် ဘေးဒုက္ခတစ်ခုကို ဖယ်ရှားပေးလိုက်ရုံပါပဲ။ တပ်မှူးဖုန်း... ဒီလို လုပ်နေဖို့ မလိုပါဘူး" ကျန်းချန်းက ပြုံး၍ ပြောလိုက်သည်။</p> <p> </p> <p>ကျန်းချန်း၏ စကားများက လူတိုင်း၏ နှစ်သက်မှုကို ရရှိခဲ့သည်။ သူက သူတို့ကို ကယ်တင်ခဲ့သော်လည်း သူ၏ သဘောထားမှာ အလွန်ပင် နှိမ့်ချပြီး ယဉ်ကျေးလှသဖြင့် အားလုံး၏ လေးစားမှုကို ရရှိခဲ့ခြင်းပင်။</p> <p> </p> <p>"ကောင်းပြီလေ အားလုံးပဲ... အချိန်ဆွဲမနေကြပါနဲ့ဦး။ အခြေစိုက်စခန်းထဲမှာ အလောင်းကောင်ဂိုဏ်းဝင်တွေ ကျန်နေသေးမှာပါ။ သူတို့ရဲ့ အဓိက ကျွမ်းကျင်သူ အများစုကို ကျုပ်တို့ သတ်ခဲ့ပြီးပြီဆိုတော့ ကျန်တဲ့သူတွေက သိပ်ပြီး မသန်မာကြတော့ပါဘူး။ သူတို့ကို ကျုပ်တို့ အမြစ်ပြတ် သုတ်သင်နိုင်ပါတယ်" ဟု ကျန်းချန်းက ပြောလိုက်သည်။</p> <p> </p> <p>"တာအိုရောင်းရင်း ကျန်း ပြောတာ မှန်ပါတယ်။ အားလုံးပဲ ရန်သူ့သဲလွန်စတွေကို လိုက်လံ ရှာဖွေပြီး သူတို့ကို တိုက်ရိုက် သတ်ဖြတ်ကြစမ်း" ဖုန်းချန်းက ချက်ချင်း အမိန့်ပေးလိုက်သည်။</p> <p> </p> <p>"ဟုတ်ကဲ့ပါ တပ်မှူး" လူများမှာ ချက်ချင်း လှုပ်ရှားလာကြသည်။</p> <p> </p> <p>ကျင့်ဖုန်းကဲ့သို့သော ဝူကျုံးနယ်ပယ် ကျွမ်းကျင်သူများ မရှိတော့သဖြင့် အခြားသော အလောင်းကောင်ဂိုဏ်းဝင်များက ပြန်လည် တိုက်ခိုက်ရန် အင်အား လုံးဝ မရှိတော့ဘဲ တစ်ဦးပြီးတစ်ဦး အသတ်ခံကြရသည်။ အချို့မှာမူ အလွန်အမင်း ထိတ်လန့်သွားကြပြီး ထွက်ပြေးသွားကြတော့သည်။</p> <p> </p> <p>အလောင်းကောင်ဂိုဏ်း၏ အခြေစိုက်စခန်းကို အစုလိုက်အပြုံလိုက် သတ်ဖြတ်မည့် အစီအစဉ်မှာ ဤတစ်ကြိမ်တွင် ပျက်ပြားသွားခဲ့ပြီ ဖြစ်သည်။</p> <p> </p> <p>မြို့စောင့်တပ်ဖွဲ့ဘက်မှမူ လူပေါင်း ၆၀၀ ကျော် ဆုံးရှုံးခဲ့ရသဖြင့် ဆိုးဝါးသော ဆုံးရှုံးမှုကြီးတစ်ခုဟု ဆိုနိုင်သည်။</p> <p> </p> <p>သူတို့ နောက်ဆုံးတွင် ပြန်လည် စုစည်းလိုက်ချိန်တွင် စစ်သည် ၂၀၀ ကျော်သာ ကျန်ရှိတော့သည်ကို တွေ့ရှိလိုက်ရသည်။</p> <p> </p> <p>စစ်သည် အမြောက်အပြား ဆုံးရှုံးခဲ့ရသော်လည်း သူတို့က တိုက်ပွဲကို အောင်မြင်ခဲ့ကြပြီး ရန်သူ့ဘက်မှ ဝူကျုံးနယ်ပယ်နှင့် သိုင်းဆရာသခင်နယ်ပယ် ကျွမ်းကျင်သူ အများအပြားကို သတ်ဖြတ်နိုင်ခဲ့ကာ အခြေစိုက်စခန်းကိုလည်း ကာကွယ်နိုင်ခဲ့ကြသည်။</p> <p> </p> <p>သူတို့က တစ်ဖက်လူ၏ မည်သူမည်ဝါဖြစ်ကြောင်းကိုလည်း သိရှိလိုက်ရသည်။</p> <p> </p> <p>သေချာသည်မှာ အဓိက ဂုဏ်ပြုမှုကိုမူ ကျန်းချန်းအား ပေးခဲ့ကြသည်။ အလောင်းကောင်ဂိုဏ်းဝင် ၁၀၀ ကျော်မှာ ကျန်းချန်း၏ လက်ချက်ဖြင့် သေဆုံးခဲ့ရပြီး ၎င်းမှာ စုစုပေါင်း၏ သုံးပုံတစ်ပုံခန့် ရှိခြင်းပင်။</p> <p> </p> <p>ဖုန်းချန်းက ကျန်းချန်းအတွက် ဆုလာဘ်များ တောင်းခံရန် မြို့စားမင်း စံအိမ်သို့ လူလွှတ်လိုက်သည်။</p> <p> </p> <p>"တာအိုရောင်းရင်း ကျန်း... ဒီတစ်ခါ ကျုပ်တို့ ခင်ဗျားအပေါ် အများကြီး ကျေးဇူးတင်ပါတယ်။ ခင်ဗျားသာ မရှိရင် ကျုပ်တို့ထဲက ဘယ်သူမှ အသက်ရှင်ဖို့ မလွယ်ပါဘူး" ဖုန်းချန်းက ကျန်းချန်းအား ထပ်မံ ပြောကြားလိုက်သည်။</p> <p> </p> <p>"တပ်မှူးဖုန်း... ဒီလောက်အထိ ယဉ်ကျေးနေစရာ မလိုပါဘူး။ ကျုပ်က တာဝန်ကို လက်ခံလာတာဖြစ်လို့ နောက်ကွယ်က ကြိုးကိုင်သူကို စုံစမ်းပြီး သတ်ဖြတ်ဖို့က ကျုပ်ရဲ့ အလုပ်ပါပဲ။ ကျုပ်တို့ ပူးပေါင်းဆောင်ရွက်ပြီး တစ်ဦးကိုတစ်ဦး ကူညီတာက သဘာဝကျပါတယ်"ကျန်းချန်းက ဆိုသည်။</p> <p> </p> <p>အမှန်စင်စစ် မြို့စောင့်တပ်ဖွဲ့သည်လည်း ကျန်းချန်းအတွက် ဖိအားများစွာကို လျှော့ချပေးခဲ့ခြင်းပင်။</p> <p> </p> <p>အကယ်၍ ကျန်းချန်းတစ်ဦးတည်းသာ အလောင်းကောင်ဂိုဏ်းမှ ကျွမ်းကျင်သူ ၅၀၀ ကို ရင်ဆိုင်ရမည်ဆိုပါက သူက ဆိုးဝါးသော အခြေအနေနှင့် ရင်ဆိုင်ရပေလိမ့်မည်။</p> <p> </p> <p>"ဘာပဲဖြစ်ဖြစ် ကျုပ် ဖုန်းချန်းကတော့ ဒီကျေးဇူးကို မှတ်ထားမှာပါ။ နောင်တစ်ချိန်မှာ ခင်ဗျား တစ်ခုခု လိုအပ်လာရင် ကျုပ်ရဲ့ မူဝါဒတွေကို မဆန့်ကျင်သရွေ့ ကျုပ်ကို အကူအညီ တောင်းနိုင်ပါတယ်။ ကျုပ် ကူညီနိုင်တာဆိုရင်တော့ အတတ်နိုင်ဆုံး ကြိုးစားပေးပါ့မယ်" ဖုန်းချန်းက ကတိပေးလိုက်သည်။</p> <p> </p> <p>"ဒါဆိုရင်တော့ ကျေးဇူးအများကြီး တင်ပါတယ် တာအိုရောင်းရင်း ဖုန်း"ကျန်းချန်းက ပြုံး၍ ပြောလိုက်သည်။</p> <p> </p> <p>ယခုအခါ ကျန်းချန်းကလည်း ဝူကျုံးနယ်ပယ်သို့ ရောက်ရှိနေပြီဖြစ်ရာ ဖုန်းချန်းအား တာအိုရောင်းရင်းဟု ခေါ်ဆိုခြင်းမှာ သဘာဝကျလှပေသည်။ ကျန်းချန်းက ငယ်ရွယ်သော်လည်း သူ၏ ခွန်အားမှာ တိုးတက်လာခဲ့ပြီဖြစ်ရာ သူတို့က အဆင့်တူ ကျင့်ကြံသူများ ဖြစ်လာကြသဖြင့် မျိုးဆက်တူဟု သတ်မှတ်နိုင်ခြင်းပင်။</p> <p> </p> <p>ကျင့်ကြံခြင်းလောက၏ သဘောတရားမှာ ထိုသို့ပင်ဖြစ်သည်၊ အဆင့်အတန်းကို ခွန်အားအပေါ်မှာသာ မူတည်၍ ဆုံးဖြတ်ကြခြင်းပင်။</p> <p> </p> <p>မင်း ဘယ်လောက်ပဲ ငယ်နေပါစေ၊ မင်း သန်မာနေသရွေ့ မင်းလောက် မသန်မာတဲ့ အသက်ကြီးသူတွေက မင်းကို စီနီယာအဖြစ် ရိုသေစွာ ခေါ်ဆိုကြရမည်သာ။</p> <p> </p> <p>ယခုအခါ နန်ဖုန်းက ကျန်းချန်းအား "စီနီယာကျန်း" ဟု ခေါ်ဆိုနေရပြီဖြစ်ကာ "ညီလေးကျန်း" ဟု မခေါ်ရဲတော့ပေ။</p> <p> </p> <p>ဘာမှမတတ်နိုင်ပေ၊ ကျန်းချန်းက အလွန်အမင်း သန်မာလွန်းနေသောကြောင့်ပင်။</p> <p> </p> <p>မကြာမီမှာပင် မြို့တော်အစိုးရမှလူများ ရောက်ရှိလာကြသည်။</p> <p> </p> <p>ထို့ပြင် ထိုလူများ၏ စုဖွဲ့မှုကို မြင်လိုက်ရချိန်တွင် ကျန်းချန်း အတော်လေး အံ့ဩသွားခဲ့ရသည်။ အဘယ်ကြောင့်ဆိုသော် အဖွဲ့အတွင်း၌ အစွမ်းထက် ပုဂ္ဂိုလ်များစွာ ပါဝင်နေသောကြောင့်ပင်။</p> <p> </p> <p>ဝူကျုံးနယ်ပယ် ကျွမ်းကျင်သူ အများအပြား ပါဝင်နေသလို ခေါင်းဆောင်များက အထူးသဖြင့် ပိုမို သန်မာလှသည်။ ထိုလူများသည် အမှန်တကယ်ပင် သိုင်းဘုရင်နယ်ပယ် ကျွမ်းကျင်သူများဖြစ်ကြောင်း ကျန်းချန်း သိရှိလိုက်ရသည်။</p> <p> </p> <p>'သိုင်းဘုရင်နယ်ပယ် ကျွမ်းကျင်သူတစ်ယောက်ပဲ။ ချင်းယွီမြို့မှာတုန်းကတော့ ဒီလို အစွမ်းထက်တဲ့ ပုဂ္ဂိုလ်မျိုးက ကျန်းမိသားစုအတွက် ဒဏ္ဍာရီပဲ။ ကျုပ် ဒီလို အစွမ်းထက်တဲ့ ကျွမ်းကျင်သူကို ကိုယ်တိုင် မြင်တွေ့ရလိမ့်မယ်လို့ မထင်ထားခဲ့ဘူး။'</p> <p> </p> <p>သို့သော်လည်း ကျန်းချန်းက ဝူကျုံးနယ်ပယ်သို့ ရောက်ရှိနေပြီဖြစ်ရာ သူကလည်း မကြာမီမှာပင် သိုင်းဘုရင်နယ်ပယ် ကျွမ်းကျင်သူတစ်ဦး ဖြစ်လာလိမ့်မည်ဟု ယုံကြည်နေမိသည်။</p> <p> </p> <p>"ကျုပ်က မြို့စောင့်တပ်ဖွဲ့ရဲ့ တပ်မှူး ဖုန်းချန်းပါ။ မြင့်မြတ်လှတဲ့ ပုဂ္ဂိုလ်ကြီးများကို ဂါရဝပြုပါတယ်" ဖုန်းချန်းက များပြားလှသော အစွမ်းထက် ပုဂ္ဂိုလ်ကြီးများကို မြင်လိုက်ရချိန်တွင် အံ့ဩသွားရသည်။ ထို့ပြင် သူက ဤလူများမှာ အစွမ်းထက်လှသော အဖွဲ့အစည်းများမှ ဖြစ်ကြပြီး အလောင်းကောင်ဂိုဏ်း၏ လက်ကျန်များကို တိုက်ခိုက်ရန် ရောက်လာကြသည့် အစွမ်းထက် ပုဂ္ဂိုလ်ကြီးများဖြစ်ကြောင်း သတင်း ရရှိထားပြီးဖြစ်သည်။</p> <p> </p> <p>"အင်း... လွန်ခဲ့တဲ့ ရက်အနည်းငယ်က ခင်ဗျားတို့ အလောင်းကောင်ဂိုဏ်းကို အနိုင်ယူခဲ့တယ်လို့ ငါကြားတယ်။ ဒါက တကယ်ကို ကောင်းမွန်တဲ့ အလုပ်တစ်ခုပဲ။ ငါက ဒီနားက ဖြတ်လာရင်းနဲ့ အခြေအနေတွေကို မေးမြန်းဖို့ ရောက်လာတာပါ" သိုင်းဘုရင်နယ်ပယ် ကျွမ်းကျင်သူတစ်ဦးက တည်ငြိမ်စွာ ပြောလိုက်သည်။</p> <p> </p> <p>"ကျုပ်တို့ ဒီကိစ္စမှာ ကံကောင်းသွားတာပါ" ဖုန်းချန်းက ဆိုသည်။</p> <p> </p> <p>"ကံကောင်းတာကလည်း ခွန်အားတစ်မျိုးပါပဲ။ လွန်ခဲ့တဲ့ ရက်အနည်းငယ်က ခင်ဗျားတို့နေရာတင်မကဘဲ အခြား မြို့နယ်သုံးခုလည်း တိုက်ခိုက်ခံခဲ့ရတယ်။ ဒါပေမဲ့ အဲဒီမြို့နယ်သုံးခုက ခင်ဗျားတို့လောက် ကံမကောင်းခဲ့ကြဘူး။ သူတို့က အလောင်းကောင်ဂိုဏ်းဝင်တွေကို မတွန်းလှန်နိုင်ခဲ့ကြဘူး။ လူအမြောက်အပြား အစုလိုက်အပြုံလိုက် သတ်ဖြတ်ခံခဲ့ရပြီး အနည်းငယ်လောက်ပဲ ကံကောင်းထောက်မစွာနဲ့ လွတ်မြောက်ခဲ့ကြတယ်" သိုင်းဘုရင်နယ်ပယ် ကျွမ်းကျင်သူ နင်ယွမ်ရွှေ က ပြောလိုက်သည်။</p> <p> </p> <p>နင်ယွမ်ရွှေက ထျန်းကျန့်ဂိုဏ်း၏ အပြင်စည်း အကြီးအကဲတစ်ဦး ဖြစ်သည်။</p> <p> </p> <p>ထျန်းကျန့်ဂိုဏ်းသည် မဟာကျိုးမင်းဆက်၏ ထိပ်တန်း အင်အားကြီးအဖွဲ့အစည်းများထဲမှ တစ်ခုပင် ဖြစ်သည်။ အပြင်စည်း အကြီးအကဲ တစ်ဦးဆိုလျှင်ပင် ယွင်လော့မြို့စားမင်းကိုယ်တိုင်က သူ့အပေါ် အလွန် ယဉ်ကျေးစွာ ဆက်ဆံရပေမည်။</p> <p> </p> <p>ဘာပဲဖြစ်ဖြစ် တစ်ဖက်လူက ထျန်းကျန့်ဂိုဏ်းမှ ဖြစ်ပြီး အစွမ်းထက်သော နောက်ခံ ရှိနေသောကြောင့်ပင်။</p> <p> </p> <p> </p> <p> </p> <p>***</p> <p> </p> <p> </p>


Save