Book List

<h2 style="text-align: center;">Chapter 8</h2> <h2 style="text-align: center;">အနာဂတ်ကို ဖောက်ခွဲပစ်မယ်ကွ</h2> <h2 style="text-align: center;">*</h2> <p> </p> <h3> </h3> <p>ငွေကြယ်စင်သတ္တုက အလွန်အမင်း ရှားပါးတဲ့ သတ္တုရိုင်းမျိုး မဟုတ်ပေမဲ့ ဝယ်လိုအား အရမ်းများတာကြောင့် ဈေးကောင်းရတဲ့ သတ္ထုမျိုးပါ။ ယွင်ရှောင်ဂိုဏ်းဟာ ဒါကို နှစ်ပေါင်းများစွာ တိတ်တဆိတ် တူးဖော်ပြီး အမြတ်အစွန်းတွေ အများကြီး ရခဲ့ပါတယ်။ ဖြစ်ပါတယ်။</p> <p>ဒါပေမဲ့ သူတို့ ဘယ်လောက်ပဲ အမြတ်ရခဲ့ရခဲ့ အခု ကြုံတွေ့လိုက်ရတဲ့ ဆုံးရှုံးမှုနဲ့ ယှဉ်ရင်တော့ ဘာမှမဟုတ်တော့ပါဘူး။ သေဆုံးသွားတဲ့ အကြီးအကဲ နှစ်ယောက်ထဲမှာ စည်းကမ်းထိန်းသိမ်းရေး အကြီးအကဲ ရှဲ့စုန်းလင် ဆိုရင် မိုးကောင်းကင်တာအို အဆင့်သတ်မှတ်ချက်မှာ အဆင့် ၁၀၀ အတွင်း ဝင်တဲ့သူလေ။ အခုတော့ မျက်တောင်တစ်ခတ်အတွင်းမှာတင် အစအန ရှာမတွေ့အောင် ဖောက်ခွဲခံလိုက်ရပါပြီ။</p> <p>အစတုန်းကတော့ ဆရာဘိုးဘိုးဟာ ငွေကြယ်စင်တောင်တန်းထဲမှာ ရှိတဲ့ သတ္တုတွင်းတွေပါ ပေါက်ကွဲမှုကြောင့် ပျက်စီးသွားပြီလို့ ထင်ခဲ့တာပါ။ ဒါပေမဲ့ အံ့ဩစရာကောင်းတာက အဲဒီပြင်းထန်လှတဲ့ ပေါက်ကွဲမှုဟာ သတ္တုတွင်းတွေကို မဖျက်ဆီးနိုင်ခဲ့ရုံတင်မကဘဲ အပူရှိန်နဲ့ ဖိအားကြောင့် သတ္တုရိုင်းတွေကိုပါ အဆင့်မြင့် သန့်စင်ပေးလိုက်သလို ဖြစ်သွားတာပါပဲ။</p> <p>သန့်စင်ပြီးသွားတဲ့အခါမှာတော့ သာမန် ငွေကြယ်စင်သတ္တုတွေဟာ အလွန်ရှားပါးတဲ့ ငွေအမြုတေ သတ္တုရိုင်းတွေအဖြစ် အဆင့်မြင့်သွားပါတော့တယ်။</p> <p>ဘုရားရေ။ ငွေကြယ်စင်သတ္တုနဲ့ ငွေအမြုတေသတ္တုရိုင်းဆိုတာ ကောင်းကင်နဲ့ မြေကြီးလို ကွာခြားတာလေ။ ပုံမှန်ဆိုရင် ငွေကြယ်စင်သတ္တုကို သန့်စင်ဖို့ ကြိုးစားရင်တောင် အောင်မြင်မှုနှုန်းက အရမ်းနည်းလွန်းပါတယ်။</p> <p>ဒါပေမဲ့ ချူရှင်းဟီ စီစဉ်လိုက်တဲ့ ပေါက်ကွဲမှုကြီးကတော့ စွမ်းအင်တွေ အလွန်အမင်း များပြားနေတာကြောင့် ငွေကြယ်စင်သတ္တုတွေကို တစ်ခါတည်း ငွေအမြုတေသတ္တုရိုင်းတွေအဖြစ် ပြောင်းလဲပစ်လိုက်တာပါပဲ။</p> <p>အခုဆိုရင် ကျင်းကြီးထဲမှာ ကြယ်တာရာတွေ လင်းလက်နေသလိုမျိုး ငွေအမြုတေသတ္တုရိုင်းတွေနဲ့ ပြည့်နေတာကို တွေ့နေရပါပြီ။ ဆရာဘိုးဘိုးနဲ့ အကြီးအကဲတွေရဲ့ မျက်လုံးတွေဆိုရင် အရောင်တွေတောင် တဖိတ်ဖိတ် တောက်ပနေလို့ပါ။</p> <p>“ဒါတွေက ငွေအမြုတေသတ္တုရိုင်းတွေလား။ ပမာဏ ဘယ်လောက်တောင် များလိုက်သလဲ။”</p> <p>“ချူရှင်းဟီဟာ ဒီလိုအခြေအနေမျိုးမှာတောင် ဂိုဏ်းအတွက် အမြတ်အစွန်း အကြီးအကျယ် ရအောင် လုပ်ပေးနိုင်ခဲ့တာပါလား။ တကယ်ကို မိုးနတ်မင်းက မဟာမိုးကောင်းကင်ဂိုဏ်းကို စောင်မ ကြည့်ရှုပေးလိုက်တာပဲ။"</p> <p>အပြင်မှာတော့ ချူရှင်းဟီဟာ အကြီးအကဲတွေရဲ့ ဝိုင်းဝန်း စစ်ဆေးမှုကို ခံနေရပါတယ်။</p> <p>(ဘုရားရေ။ ဆံပင်တစ်မွှေးတောင် မကျန်အောင် အသေအချာ စစ်ဆေးနေကြတာပါလား။)</p> <p> ဒါပေမဲ့ ချူရှင်းဟီကတော့ သူ့ခန္ဓာကိုယ်ကို စိတ်မဝင်စားပါဘူး။ သူ တကယ် စိတ်ပူနေတာက "ကံကြမ္မာဖန် သံလိုက်အိမ်မြောင်" က ဘာလို့ ဘာတုံ့ပြန်မှုမှ မရှိတာလဲ ဆိုတာပါပဲ။</p> <p>(ငါ့ရဲ့ ငွေကြယ်စင်တောင်တန်းကို ငါကိုယ်တိုင် ဖောက်ခွဲပစ်လိုက်တာလေ။ ဇာတ်ညွှန်းအတိုင်းဆိုရင် သံလိုက်အိမ်မြောင်က အခုအချိန်မှာ အရူးအမူး လည်နေရမှာ မဟုတ်ဘူးလား။ ဒါက ဂိုဏ်းအတွက် ဆုံးရှုံးမှုလို့ မသတ်မှတ်ဘူးလား။ သတ္တုတွင်းကြီး တစ်ခုလုံး ပျက်စီးသွားတာလေ... ဒီလောက်ကြီးမားတဲ့ ဆုံးရှုံးမှုက မလုံလောက်သေးဘူးလား။ ယွင်ရှောင်ဂိုဏ်း ဘယ်လောက်ပဲ နစ်နာနစ်နာ ငါ့ရဲ့ မဟာမိုးကောင်းကင်ဂိုဏ်း ဘယ်လောက် ဆုံးရှုံးသွားသလဲပဲ ကြည့်လေ။)</p> <p>ဒါပေမဲ့ စောင့်ရင်းစောင့်ရင်းနဲ့ ချူရှင်းဟီ မျှော်လင့်ထားတဲ့ သံလိုက်အိမ်မြောင် လည်ပတ်သံ ထွက်မလာဘဲ ဆရာဘိုးဘိုးပဲ ရောက်လာပါတယ်။ ဆရာဘိုးဘိုးဟာ လက်ထဲမှာ ငွေအမြုတေသတ္တုရိုင်းတွေကို ကိုင်ပြီး ရင်ခုန်စိတ်လှုပ်ရှားနေတဲ့ မျက်နှာထားနဲ့ ပေါ်လာတဲ့အခါ ချူရှင်းဟီ ပါးစပ်အဟောင်းသား ဖြစ်သွားရပါတော့တယ်။</p> <p>မကြာခင်မှာပဲ ဆရာဘိုးဘိုးက ပေါက်ကွဲမှုရဲ့ ရလဒ်အကြောင်း လူတိုင်းကို အသိပေးလိုက်ပါတယ်။ ချူရှင်းဟီ စီစဉ်လိုက်တဲ့ ပေါက်ကွဲမှုကြောင့် ငွေကြယ်စင်တောင်တန်းနဲ့ သတ္တုတွင်းတွေ ပျက်စီးသွားတာ မှန်ပေမဲ့ အဲဒီသတ္တုရိုင်းတွေအားလုံးက ပေါက်ကွဲမှုအတွင်းမှာပဲ ငွေအမြုတေသတ္တုရိုင်းတွေအဖြစ် သန့်စင်သွားခဲ့တာပါ။ အခုဆိုရင် တောင်တန်းဟောင်းနေရာက ကျင်းကြီးထဲမှာ အရည်အသွေးမြင့် ငွေအမြုတေသတ္တုရိုင်းတွေနဲ့ ပြည့်နေပြီး ဂိုဏ်းအတွက်တော့ ဒီတစ်ခါ အကြီးအကျယ် ကံထူးသွားတာပါပဲ။</p> <p>ဂူမင်ချောင်ကိုယ်တိုင်လည်း ဆရာဘိုးဘိုးပြတဲ့ သတ္တုရိုင်းတွေကို ကြည့်ပြီး မှင်သက်သွားရပါတယ်။ ကမ္ဘာ့နတ်ဘုရား ဖြစ်နေပေမယ့်လည်း ဂိုဏ်းချုပ်ကြီး ဂူမင်ချောင် ရေရွတ်လိုက်မိပါတယ်။</p> <p>“မဟာမိုးကောင်းကင်ဂိုဏ်းကို မိုးနတ်မင်း စောင်မ စောင့်ရှောက်ပေးတော်မူပါ။”</p> <p>ဘေးနားကနေ ကြည့်နေတဲ့ မာလင်းရဲ့ မျက်လုံးတွေကလည်း အရောင်တောက်ပလို့နေပါပြီ။ အစောပိုင်းက ဂိုဏ်းတူအစ်ကိုကြီး ချူရှင်းဟီ ငွေကြယ်စင်တောင်တန်းကို ဖျက်ဆီးလိုက်တော့ မာလင်း နည်းနည်းစိတ်ပူမိပါသေးတယ်။</p> <p>(ယွင်ရှောင်ဂိုဏ်း အထိနာမှာ မှန်ပေမဲ့ ငါတို့ဂိုဏ်းလည်း နစ်နာသွားတာပဲလေ။ ငါတို့ဂိုဏ်းက ဒီလောက် နစ်နာမှုကို ဂရုမစိုက်ဘူး ဆိုပေမဲ့လည်း။)</p> <p>ဒါပေမဲ့ အခုမှ မာလင်း သဘောပေါက်သွားပါပြီ။ ဂိုဏ်းတူအစ်ကိုကြီး ချူရှင်းဟီက အရာရာကို အစအဆုံး ကြိုတင်တွက်ချက်ထားတာပဲ။ ဂိုဏ်းတူအစ်ကိုကြီးက ဘာလို့ ဟေးယွဲ့ကလန်ကို သတ္တုတွင်းရဲ့ အလယ်ဗဟိုမှာတင် ဖောက်ခွဲခိုင်းရသလဲဆိုတဲ့ အဖြေက အခုမှ ထွက်လာတာပါ။</p> <p>(ဂိုဏ်းတူအစ်ကိုကြီးက ငွေကြယ်စင်သတ္တုတွေဟာ ငွေအမြုတေသတ္တုရိုင်းတွေအဖြစ် ပြောင်းလဲသွားနိုင်ခြေရှိတာကို ကြိုသိနေတာပဲ။ တကယ့်ကို အပြစ်ပြောစရာမရှိအောင် စေ့စပ်သေချာတဲ့ အစီအစဉ်ပဲ။)</p> <p>ချူရှင်းဟီကတော့ စေ့စပ်သေချာတဲ့ အစီအစဉ်အကြောင်း ဘာမှမသိပါဘူး။ အခုမှပဲ သံလိုက်အိမ်မြောင်က ဘာလို့ ဘာတုံ့ပြန်မှုမှ မရှိတာလဲဆိုတာ သူ နားလည်သွားပါတော့တယ်။ ဒီလောက်ကြီးမားတဲ့ အမြတ်အစွန်းကြီး ရသွားမှတော့ သံလိုက်အိမ်မြောင်က ဘယ်လိုလုပ်ပြီး ပြောင်းပြန်လည်နိုင်တော့မှာလဲ။</p> <p>(ငွေကြယ်စင်သတ္တုတွင်းကြီးက ဘာလို့ တစ်ခွန်းမှ မပြောပဲ ငွေအမြုတေသတ္တုရိုင်းတွေ ဖြစ်သွားရတာလဲ။ ဟေးယွဲ့ကလန်ရဲ့ မဟာသူတော်စင်ကြီးရေ။ ဘာဖြစ်လို့ ကျွန်တော့်အပေါ် ဒီလို လုပ်ရက်တာလဲ။ ဟေးယွဲ့ကလန်က တစ်လောကလုံး အောင်ပွဲခံခြင်း လုပ်မယ်ဆိုလို့ ငါ့မှာ အားကိုးတကြီးနဲ့ အခွင့်အရေးပေးခဲ့တာလေ။ အခုတော့ မင်းတို့က ငါ့သတ္တုတွင်းကို အဆင့်မြင့်သွားအောင် လုပ်ပစ်လိုက်တယ်ပေါ့။ မင်းတို့မှာ အသိတရားရော ရှိကြသေးရဲ့လား။)</p> <p>ကျင်းကြီးထဲမှာ ပုံနေတဲ့ ငွေအမြုတေသတ္တုရိုင်းတွေ အကြောင်းကို တွေးမိရင်း ချူရှင်းဟီ မျက်ရည်တွေ ကျလာပါတော့တယ်။ ဒါက တကယ့်ကို ထောင်ချောက်ကြီးပါပဲ။</p> <p>(ငါ ချူရှင်းဟီကတော့ ကိုယ့်သေတွင်း ကိုယ်တူးပြီး ကိုယ်တိုင်ကျင်းထဲ ပြန်ကျသွားတာလားဟင်။)</p> <p> </p> <p> </p> <p>အစတုန်းကတော့ ဒီတစ်ခါ ပေါက်ကွဲမှုက အရမ်းအောင်မြင်သွားတာကြောင့် နောက်အခွင့်အရေးရရင် မဟာသူတော်စင်ကြီးနဲ့ တခြားလူတွေကိုပါ ထပ်ပြီး ဖောက်ခွဲခိုင်းဖို့ ချူရှင်းဟီ စဉ်းစားနေတာပါ။ ဂိုဏ်းရဲ့ တခြားသတ္တုတွင်းတွေကိုပါ ထပ်ပြီး ဖြိုပစ်ဖို့ပေါ့။</p> <p>ဒါပေမဲ့ အခုတော့ ဘာတွေဖြစ်ကုန်တာလဲ။</p> <p>(ဘာတွေ ကျန်သေးလို့ ထပ်ဖြိုရမှာလဲ။ ဖြိုလိုက်လေလေ အရည်အသွေးတွေ မြင့်တက်လာလေလေ ဆိုတော့... ချူရှင်းဟီ ရေ... မင်းကို မိုးကောင်းကင်က သေစေချင်နေတာလားပဲ။)</p> <p>ရှင်းယွီရှန်းက သူ့ကို ဒဏ်ရာမရအောင် မလုပ်နိုင်ခဲ့ပေမဲ့ မဟာသူတော်စင်ကြီးကတော့ သူ့ကို သေလုမျောပါး ဖြစ်အောင် လုပ်လိုက်ပါပြီ။</p> <p>ဆရာဘိုးဘိုးရဲ့ ဦးဆောင်မှုနဲ့ လူတိုင်းဟာ ဧရာမ ကျင်းကြီးဆီကို အပြေးအလွှား ရောက်လာကြပါတယ်။ ပြန့်ကျဲနေတဲ့ ငွေအမြုတေ သတ္တုရိုင်းတွေကို မြင်လိုက်ရတဲ့အခါ ဂူမင်ချောင်တောင် တည်တည်ငြိမ်ငြိမ် မနေနိုင်တော့ပါဘူး။</p> <p>ချူရှင်းဟီ တစ်ယောက်တည်းသာ တည်ငြိမ်တဲ့ မျက်နှာထားရှိနေတာပါ။ ဒါပေမဲ့ အဲဒီ တည်ငြိမ်မှုအောက်မှာတော့ လုံး၀ကို စိတ်ပျက်အားငယ်နေတဲ့ ခံစားချက်တွေ ပြည့်နှက်နေတာကိုတော့ ဘယ်သူမှ မသိကြပါဘူး။</p> <p>တိုလီမုတ်စ ဗဟုသုတ ပညာရပ်တွေမှာ ပြိုင်ဘက်ကင်းတဲ့ အကြီးအကဲဟီဟာ နာမည်နဲ့လိုက်အောင် တွက်ချက်မှုတွေက တကယ့်ကို အံ့မခန်းပါပဲ။ သူက ငွေအမြုတေ သတ္တုရိုင်းတွေရဲ့ ခန့်မှန်းတန်ဖိုးကို ချက်ချင်း တွက်ချက်လိုက်ပါတယ်။</p> <p>အကြီးအကဲဟီရဲ့ တွက်ချက်မှုအရ ဒီငွေအမြုတေ သတ္တုရိုင်းတွေရဲ့ တန်ဖိုးဟာ အရင်ကရှိခဲ့တဲ့ ငွေကြယ်စင် သတ္တုတွင်းကြီး ငါးခုကနေ ဆယ်ခုစာလောက်နဲ့ ညီမျှသွားပါပြီ။</p> <p>အရေးကြီးဆုံး အချက်ကတော့ အရင်တုန်းကဆိုရင် ဒီသတ္တုတွင်းကို နှစ်ပေါင်းရာနဲ့ချီ အချိန်ပေးပြီး လူအင်အားနဲ့ တူးဖော်ရမှာပါ။ ဒါပေမဲ့ အခုတော့ အဲဒီလို ပင်ပန်းခံစရာ မလိုတော့ဘဲ လူလွှတ်ပြီး သယ်ယူရုံပါပဲ။</p> <p>ချူရှင်းဟီရဲ့ သတ္တုတွင်းကို ဖောက်ခွဲလိုက်တဲ့ အကွက်က တကယ်ကို အမြော်အမြင် ကြီးလွန်းလှပါတယ်။</p> <p>ဒါတင်မကသေးပါဘူး။ အရေးအကြီးဆုံးက ချူရှင်းဟီဟာ ယွင်ရှောင်ဂိုဏ်းဆီကနေ ငွေကြယ်စင်တောင်တန်းကို အရင်ဆုံး အပိုင်သိမ်းခိုင်းလိုက်တာကြောင့် အခုရတဲ့ အမြတ်အစွန်းတွေကို ယွင်ရှောင်ဂိုဏ်းကို တစ်ပြားတစ်ချပ်မှ ခွဲပေးစရာ မလိုတော့တာပါပဲ။</p> <p>ချူရှင်းဟီရဲ့ တည်ကြည်လေးနက်နေတဲ့ ပုံစံကို ကြည့်ပါဦး။ သူက ဒါတွေအားလုံးကို အကွက်မရွှေ့ခင်ကတည်းက ကြိုတင်တွက်ချက်ထားတဲ့ ပုံစံမျိုးပါ။ အကြီးအကဲဟီရဲ့ တွက်ချက်မှုတွေက ဆရာကျလှတယ် ဆိုတဲ့ အကြီးအကဲဟီ ကိုယ်တိုင် ချီးကျူးလိုက်ပါပြီ။</p> <p>“ရှင်းဟီကမှ တကယ့် ပြိုင်စံရှားတဲ့ မဟာဗျူဟာရှင်ကြီးပါလေ။”</p> <p>မဟာမိုးကောင်းကင်ဂိုဏ်းက ထိပ်တန်းတန်ခိုးရှင်ကြီးတွေဟာ ငွေအမြုတေ သတ္တုရိုင်းတွေကို ပွေ့ဖက်ပြီး ရယ်မောနေကြပါတော့တယ်။</p> <p>ဂိုဏ်းချုပ်ကြီးကတောင် အဲဒီနေရာမှာ ပြောလိုက်ပါသေးတယ်။</p> <p>“ငါ့အနေနဲ့ ဂိုဏ်းရဲ့ လုပ်ငန်းတွေကို လိုက်စစ်တဲ့အခါ နှစ်စဉ်ဝင်ငွေ အခြေအနေကိုပဲ ကြည့်နိုင်တာပါ။ ဒါပေမဲ့ ရှင်းဟီက ဂိုဏ်းရဲ့ လုပ်ငန်းတွေကို လိုက်စစ်တဲ့အခါမှာတော့ ရောက်လေရာနေရာတိုင်းမှာ ကြီးမားတဲ့ ရတနာသိုက်ကြီးတွေ ပေါ်ထွက်လာတာပါပဲလေ။”</p> <p>ဒီအချိန်မှာပဲ တာဝန်ခံရန်လည်း ရောက်ရှိလာပါတယ်။ ငွေအမြုတေ သတ္တုရိုင်းတွေကို ကြည့်ရင်း တာဝန်ခံရန်တစ်ယောက် မျက်ရည်တွေ ၀ိုင်းလာပါတော့တယ်။</p> <p>ရေခဲမြို့တော်ဟာ မြောက်ဘက် အစွန်းမှာ ရှိတာကြောင့် အလွန်အမင်း အေးစက်တဲ့နေရာပါ။ အရင်တုန်းကတော့ ငွေကြယ်စင် သတ္တုတွင်းကြောင့် အဆင်ပြေခဲ့ပေမဲ့ သတ္တုတွင်း မရှိတော့ရင် ဒီမြို့က ပိုပြီး ဆင်းရဲသွားတော့မှာပါ။</p> <p>ချူရှင်းဟီ ရောက်လေရာမှာ ရတနာသိုက်တွေ ပေါ်လာတတ်တယ်ဆိုတဲ့ ကောလဟလကို သူကြားဖူးပေမဲ့ ဒီကံကောင်းမှုကြီးက ရေခဲမြို့တော်ဆီ ရောက်လာလိမ့်မယ်လို့ တာဝန်ခံရန် အိပ်မက်တောင် မမက်ဖူးပါဘူး။ ဒီငွေအမြုတေ သတ္တုရိုင်းတွေသာ ရှိရင်တော့ ရေခဲမြို့တော်ဟာ ဆင်းရဲတဲ့နေရာ မဟုတ်တော့ဘဲ ချမ်းသာတဲ့ မြို့ကြီးတစ်မြို့အဖြစ် ချက်ချင်း ပြောင်းလဲသွားတော့မှာပါ။</p> <p>ချူရှင်းဟီကတော့ လုံး၀ကို တုန်လှုပ်နေပါပြီ။ သူဘာမှ မလှုပ်ရှားနိုင်တော့ပါဘူး။</p> <p>ဒါပေမဲ့ ချူရှင်းဟီက မဟာသူတော်စင်ကြီးကို သူနဲ့အတူ တစ်ခါတည်း ဖောက်ခွဲပစ်ခိုင်းလိုက်ရင် ကောင်းမလားလို့ တွေးနေတုန်းမှာပဲ၊ ‘မဟာသူတော်စင်ကြီး’ နဲ့ ဟေးယွဲ့ကလန်သားတွေ အကုန်လုံး အားအင်ကုန်ခမ်းပြီး မောပန်းနွမ်းနယ်နေတာကို သတိထားမိလိုက်ပါတယ်။</p> <p>“နေပါဦး။ ဟေးယွဲ့ကလန်သားတွေက ပြန်လည်ရှင်သန်လာပြီးရင် အမြဲတမ်း တက်ကြွနေတတ်တာ မဟုတ်ဘူးလား။ နောက်တစ်ခါတောင် ထပ်လုပ်ချင်သေးတယ် ဆိုတဲ့လူတွေက အခုကျမှ ဘာလို့ ဒီလောက် နွမ်းနယ်နေရတာလဲ။”</p> <p>“ဘာ။ မသေနိုင်တဲ့ ခန္ဓာကိုယ် ကျိန်စာတွေ ပျောက်ဆုံးသွားတာလား။”</p> <p>ဒါကတော့ တကယ့် သတင်းကောင်းပါပဲ။ ဒါပေမဲ့ ချူရှင်းဟီက စိတ်လှုပ်ရှားစွာနဲ့ မေးမြန်းလိုက်တဲ့အခါ မဟာသူတော်စင်ကြီးက ပြန်ဖြေလိုက်ပါပြီ။</p> <p>“ငါတို့ကို စိတ်ပူပေးတဲ့အတွက် ကျေးဇူးတင်ပါတယ် သူရဲကောင်းလေး။‘မသေနိုင်တဲ့ ခန္ဓာကိုယ် ကျိန်စာကတော့ ပျောက်မသွားပါဘူး။ ဒါပေမဲ့ ဒီလို ကိုယ့်ကိုယ်ကိုယ် ဖောက်ခွဲတာက စွမ်းအင်အားလုံးကို အကုန်အစင် သုံးလိုက်ရတာပါ။ အဲဒီအားအင်တွေ ပြန်ရဖို့အတွက်ဆိုရင် ဂိုဏ်းရဲ့ ဝိညာဉ်ကျောက်တုံးတွေကို အများကြီး အသုံးပြုရပါလိမ့်မယ်။”</p> <p>မဟာသူတော်စင်ကြီးက ဆရာဘိုးဘိုးနဲ့ ဂိုဏ်းချုပ်ကြီးကို အားနာတဲ့ မျက်နှာထားနဲ့ ကြည့်လိုက်ပါတယ်။ သူတို့ ဟေးယွဲ့ကလန်က လူအများကြီးဆိုတော့ တစ်ခါ ပေါက်ကွဲဖို့အတွက် သုံးစွဲလိုက်ရတဲ့ စွမ်းအင်က နည်းနည်းနောနော မဟုတ်ဘူးလေ။</p> <p>‘မဟာသူတော်စင်ကြီး’ ရဲ့ စကားကို ကြားလိုက်ရတဲ့အခါ ငွေကြယ်စင် သတ္တုတွင်း ကိစ္စကြောင့် စိတ်ဓာတ်ကျနေတဲ့ ချူရှင်းဟီဟာ ချက်ချင်းပဲ အသက်ပြန်ဝင်လာပါတော့တယ်။</p> <p>ဘာ။</p> <p>ဟေးယွဲ့ကလန်က လူတွေက ကိုယ့်ကိုယ်ကိုယ် ဖောက်ခွဲပြီးရင် အားပြန်ဖြည့်ဖို့အတွက် သယံဇာတတွေ သုံးရတယ် ဟုတ်လား။</p> <p>ဒီလောက် ကောင်းတဲ့ အချက်ရှိတာကို။</p> <p>ချူရှင်းဟီဟာ အရင်တုန်းက ဟေးယွဲ့ကလန်ကို ဂရုစိုက်တာ နည်းသွားမှန်း သိလိုက်ရပါပြီ။ သူက ဟေးယွဲ့ကလန်ရဲ့ မသေနိုင်တဲ့ ခန္ဓာကိုယ်အကြောင်းပဲ သိထားပြီး သူတို့ ဖောက်ခွဲတာကို ကိုယ်တိုင်မှ မမြင်ဖူးခဲ့တာကိုး။ ဟေးယွဲ့ကလန်က လူတွေဟာ ပုံမှန်အတိုင်း သေသွားရင်တော့ စွမ်းအင် မကုန်ပါဘူး။ ပြန်ရှင်လာရင်လည်း အရင်အတိုင်းပါပဲ။</p> <p>ဒါပေမဲ့ ကိုယ့်ကိုယ်ကိုယ် ဖောက်ခွဲတာကတော့ မတူပါဘူး။ အဲဒီလိုလုပ်ဖို့ဆိုရင် စွမ်းအင်အားလုံးကို တစ်ခဏချင်းမှာ အကုန်ထုတ်သုံးပစ်ရတာပါ။ ဒါဟာ စွမ်းအင်တွေကို လုံး၀ ခမ်းခြောက်သွားအောင် လုပ်လိုက်တာနဲ့ အတူတူပါပဲ။</p> <p>ဟေးယွဲ့ကလန်ရဲ့ ကျိန်စာကြောင့် သူတို့ရဲ့ စွမ်းအင် စုပ်ယူမှုနှုန်းက အလွန်အမင်း နှေးကွေးပါတယ်။‘မဟာသူတော်စင်ကြီးရဲ့ တွက်ချက်မှုအရ တစ်ခါ ဖောက်ခွဲပြီးရင် အားပြန်ပြည့်ဖို့ သုံးနှစ်ကနေ ငါးနှစ်အထိ ကြာမြင့်မှာပါ။ ဒါကြောင့် အချိန်တိုအတွင်းမှာ အားပြန်ပြည့်ချင်ရင်တော့ သယံဇာတတွေကို အများကြီး သုံးစွဲရမှာပါပဲ။</p> <p> </p> <p> </p> <p>ဒီတစ်ကြိမ်မှာတော့ မိုးကောင်းကင်က မဟာမိုးကောင်းကင်ဂိုဏ်းကိုတင်မကဘဲ သူ့ကိုပါ နောက်ဆုံးမှာ ကောင်းချီးပေးလိုက်ပြီလို့ ချူရှင်းဟီ ခံစားလိုက်ရပါတယ်။</p> <p>သူက ဟေးယွဲ့ကလန်ရဲ့ ကိုယ့်ကိုယ်ကိုယ် ဖောက်ခွဲမှုဟာ ကြောက်စရာကောင်းမှန်းပဲ သိထားတာပါ။ အခုလို ဖောက်ခွဲပြီးသွားတဲ့အခါမှာ ဟေးယွဲ့ကလန်က လူတွေက ဒီလောက်အထိ ချစ်ဖို့ကောင်းနေလိမ့်မယ်လို့ သူ လုံး၀ မထင်ထားခဲ့ပါဘူး။</p> <p>(ကိုယ့်ကိုယ်ကိုယ် ဖောက်ခွဲဖို့အတွက် သယံဇာတတွေ အများကြီး သုံးရတယ် ဟုတ်လား။)</p> <p>(မဟာသူတော်စင်ကြီးကလည်း ဖောက်ခွဲရတာ ဝါသနာပါတယ် မဟုတ်လား။)</p> <p>(စိတ်ချပါ မဟာသူတော်စင်ကြီးရေ။ ကျွန်တော့်အနေနဲ့ ဆရာကြီးတို့ရဲ့ ဆန္ဒတွေကို ဖြည့်ဆည်းပေးရမှာပေါ့။)</p> <p>(ဒီနေ့ကစပြီး ငါ ချူရှင်းဟီက မဟာသူတော်စင်ကြီးတို့ အားရပါးရ ဖောက်ခွဲနိုင်အောင် ကြိုးစားအားထုတ် စီစဉ်ပေးပါတော့မယ်။)</p> <p>(မဟာသူတော်စင်ကြီးတို့ဘက်က ဖောက်ခွဲဖို့ပဲ တာဝန်ယူပါ၊ သယံဇာတ ကိစ္စအတွက်တော့ လုံး၀ စိတ်မပူပါနဲ့။ ငါတို့ မဟာမိုးကောင်းကင်ဂိုဏ်းက ဆင်းရဲလွန်းလို့ အခုဆို ပိုနေတာ သယံဇာတတွေပဲ ရှိတော့တယ်လေ။)</p> <p>(မင်းတို့က ဖြုန်းတီးဖို့ပဲ တာဝန်ယူပါ၊ ငါ ချူရှင်းဟီက မင်းတို့ကို အပြည့်အဝ ထောက်ပံ့ပေးဖို့ တာဝန်ယူတယ်။)</p> <p>ငွေကြယ်စင်သတ္တုတွင်းတို့၊ ငွေအမြုတေသတ္တုရိုင်းတို့ဆိုတာ ဟေးယွဲ့ကလန်ရဲ့ ဖြုန်းတီးမှုနဲ့ ယှဉ်လိုက်ရင် ဘာမှမဟုတ်တော့ဘူးလေ။</p> <p>ဟေးယွဲ့ကလန်ဆိုတာ စဉ်ဆက်မပြတ် ဖောက်ခွဲနိုင်သလို ဂိုဏ်းရဲ့ သယံဇာတတွေကိုလည်း အကြီးအကျယ် ဖြုန်းတီးနိုင်တဲ့ စကြ၀ဠာ ကျင်းနက်ကြီးပါပဲ။</p> <p>ချူရှင်းဟီတစ်ယောက် စိတ်လှုပ်ရှားလွန်းလို့ နောက်တစ်ခါ ဟေးယွဲ့ကလန်ကို ဘယ်နေရာမှာ ထပ်ပြီး ဖောက်ခွဲခိုင်းရမလဲဆိုတာကိုတောင် စတင်စဉ်းစားနေပါပြီ။</p> <p>မိစ္ဆာအရိပ်ဂိုဏ်းဆို ကောင်းမလား။</p> <p>ချူရှင်းဟီအနေနဲ့ ဟေးယွဲ့ကလန်ကို မိစ္ဆာဂိုဏ်းဆီ လွှတ်ပြီး ဖောက်ခွဲခိုင်းဖို့က မခက်ပါဘူး။ ဒါပေမဲ့ ပြဿနာက မိစ္ဆာအရိပ်ဂိုဏ်းက သူတို့ရဲ့ မြို့တော်ကြီးကို သူတို့ဘာသာ ဖောက်ခွဲပြီးကတည်းက အခုဆိုရင် ကမ္ဘာအနှံ့ကို ပြန့်ကျဲသွားကြပြီး အတည်တကျ စုဝေးနေတဲ့နေရာ မရှိတော့တာပါပဲ။</p> <p>တကယ်လို့ မိစ္ဆာအရိပ်ဂိုဏ်းကို တစ်ချက်တည်းနဲ့ အပြတ်ရှင်းချင်တယ်ဆိုရင် သူတို့ကို တစ်နေရာတည်းမှာ စုမိအောင် အရင်လုပ်ရဦးမှာပါ။</p> <p>ဘယ်လိုစုရမလဲ။</p> <p>နှစ်တစ်ထောင် မဟာအခမ်းအနား ပွဲတော်ကြီးလိုမျိုး အခွင့်အရေးမျိုး ရှိမှသာ တစ်ကမ္ဘာလုံးက မိစ္ဆာဂိုဏ်းသားတွေ စုမိနိုင်ပါလိမ့်မယ်။</p> <p>ဒါပေမဲ့ အဲဒီလိုနေရာမျိုးမှာ သွားဖောက်ခွဲတာက မိစ္ဆာအရိပ်ဂိုဏ်းကို ဖျက်ဆီးတာထက် အားလုံး အတူတူ သေကုန်ကြမှာ မဟုတ်လား။</p> <p>ပြီးတော့ ဟေးယွဲ့ကလန်ကိုလည်း တွေ့ရာနေရာမှာ လျှောက်ပြီး ဖောက်ခွဲခိုင်းလို့ မဖြစ်ပါဘူး။ သူတို့ရဲ့ အစွမ်းနဲ့ဆိုရင် မိစ္ဆာအရိပ်ဂိုဏ်း ပျက်စီးသွားနိုင်ပေမဲ့ အပြစ်မဲ့တဲ့ လူတွေလည်း အများကြီး ထိခိုက်ကုန်မှာပါ။ အဲဒီအခါကျရင် မိစ္ဆာဂိုဏ်းက အကုန်မပျက်စီးဘဲ ငါတို့ မဟာမိုးကောင်းကင်ဂိုဏ်းကပဲ "မိစ္ဆာဂိုဏ်းအသစ်" ဖြစ်သွားလိမ့်မယ်။</p> <p>ဒါကြောင့် ချူရှင်းဟီက သေချာ ဂရုတစိုက် စီစဉ်ရမယ်လို့ ဆုံးဖြတ်လိုက်ပါတယ်။</p> <p>“ဟေးယွဲ့ကလန်ကို အားရပါးရ ဖောက်ခွဲခွင့်ပေးပြီး ဂိုဏ်းရဲ့ သယံဇာတတွေကို အပီအပြင် ဖြုန်းတီးပစ်ရမယ်။”</p> <p>(ဟေးယွဲ့မြို့တော်ကနေ ငါ ခေါ်လာခဲ့တဲ့ ဟေးယွဲ့ကလန်သားတွေကတော့ တကယ့်ကို ငါ့အတွက် ကံကောင်းစေတဲ့သူတွေပဲဟေ့။)</p> <p>ဒီ ငွေကြယ်စင်တောင်တန်း တိုက်ပွဲမှာ ဂိုဏ်းက အမြတ်တွေ အများကြီး ရသွားတယ်ဆိုပေမဲ့ သူ့လက်ထဲမှာ ဟေးယွဲ့ကလန် ရှိနေပါသေးတယ်။</p> <p>ဒီတစ်ခါတော့ ငါ့လို လည်လွန်းလှတဲ့ လူလည်ကြီးက ဘယ်လိုလုပ်ပြီး ရှုံးတော့မှာလဲ။</p> <p>(မဟာသူတော်စင်ကြီးရဲ့ ဖောက်ခွဲမှု နာမည်ကို တစ်လောကလုံး အောင်ပွဲခံခြင်းလို့ ပေးထားတာ တကယ်ကို မမှားပါဘူး။ တကယ့်ကို ဂုဏ်ပြုထိုက်တဲ့ အကွက်ပါပဲ။)</p> <p>ချူရှင်းဟီတစ်ယောက် အရမ်းပျော်သွားပြီး အဲဒီနေရာမှာတင် နေ့ကောင်းရက်မြတ်လေး သီချင်းကို တိုးတိုးလေး ဆိုလိုက်ပါတော့တယ်။</p> <p>(ဒီတစ်ခါတော့ ငါ ချူရှင်းဟီ အနာဂတ်ကို ဖောက်ခွဲပစ်မယ်ကွ။)</p> <p> </p> <p> </p> <p style="text-align: center;">***</p>


Save