Book List

<h2 style="text-align: center;">Chapter 9</h2> <h2 style="text-align: center;">ဒီနေ့ကစပြီး ငါဟာ မဟာမိုးကောင်းကင်ဂိုဏ်းရဲ့ တပည့်တစ်ယောက်ပဲ</h2> <h2 style="text-align: center;">*</h2> <p> </p> <p> </p> <p>ဟေးယွဲ့ကလန်ရဲ့ ကိုယ့်ကိုယ်ကိုယ် ဖောက်ခွဲမှုကနေ ငွေအမြုတေ သတ္တုရိုင်းတွေ ထွက်လာခဲ့ပေမဲ့ ချူရှင်းဟီအတွက်ကတော့ ဒီဖောက်ခွဲမှုဟာ ဂိုဏ်းရဲ့ သယံဇာတတွေကို ဖြုန်းတီးပစ်ဖို့ လမ်းကြောင်းသစ်တစ်ခု ပွင့်သွားတာပါပဲ။</p> <p>ဒါပေမဲ့ ဟေးယွဲ့ကလန်ရဲ့ ဒီတစ်ခါ ပေါက်ကွဲမှုကြီးကတော့ မဟာနေမင်း ကုန်းမြေတိုက်ကြီး တစ်ခုလုံးကို တုန်လှုပ်သွားစေခဲ့ပါတယ်။ ဒီသတင်းကို ကြားရတဲ့အခါ အဖွဲ့အစည်းပေါင်းစုံရဲ့ ပထမဆုံး တုံ့ပြန်မှုကတော့ ဒီလိုပါ။</p> <p> "လာနောက်နေတာလား"</p> <p>“ငွေကြယ်စင်တောင်တန်းတစ်ခုလုံး ပျောက်ကွယ်သွားတယ် ဟုတ်လား။”</p> <p>ဟေးယွဲ့ကလန်ရဲ့ မဟာသူတော်စင်ကြီးဟာ တစ်လောကလုံး အောင်ပွဲခံခြင်း ဖောက်ခွဲမှုကို ဘယ်လောက် ဝါသနာပါသလဲဆိုတာ လျှို့ဝှက်ချက် မဟုတ်တော့ပါဘူး။ ဖန်းဖေးရဲ့ မင်္ဂလာဆောင်တုန်းကတောင် မဟာသူတော်စင်ကြီးဟာ အဲဒီနေရာမှာတင် ဖောက်ခွဲပြဖို့ အားခဲခဲ့သေးတာလေ။ အဲဒီတုန်းကတော့ သူ့ကို အားလုံးက ဝိုင်းသမလိုက်ကြလို့သာပေါ့။ ဘယ်သူမှလည်း ဒါကို အတည်မမှတ်ခဲ့ကြပါဘူး။ ဒါပေမဲ့ ဒီနေ့မှာတော့ ငွေကြယ်စင်တောင်တန်းကြီး တစ်ခုလုံး ပျောက်သွားပြီဆိုတဲ့ သတင်းကို ကြားလိုက်ရတဲ့အခါ အင်အားကြီးအဖွဲ့အစည်းတွေအားလုံး ထိတ်လန့်သွားကြပါတယ်။ တကယ်လို့ အဲဒီတုန်းကသာ သူတို့ရဲ့ တုံ့ပြန်မှုက နည်းနည်းလေး နောက်ကျသွားပြီး မဟာသူတော်စင်ကြီးကို ဖောက်ခွဲခွင့် ပေးလိုက်မိရင် အကျိုးဆက်ကတော့။</p> <p>ငွေကြယ်စင်တောင်တန်းမှာ ဖြစ်ပျက်ခဲ့တဲ့ ကိစ္စနဲ့ ပတ်သက်ပြီး လွန်ခဲ့တဲ့ ရက်ပိုင်းကတည်းက လူတွေအားလုံး ကြောင်ပျောက်နေခဲ့ကြတာပါ။ ဘာလို့လဲဆိုတော့ မဟာမိုးကောင်းကင်ဂိုဏ်းက ဘာသတိပေးချက်မှ ကြိုမပေးဘဲ ငွေကြယ်စင်တောင်တန်းကို ရှင်းလင်းရေး လုပ်တော့မယ်၊ အန္တရာယ်ကင်းအောင် ဘယ်သူမှ မဝင်ကြပါနဲ့ဆိုပြီး ရုတ်တရက် ကြေညာချက် ထုတ်ပြန်ခဲ့လို့ပါပဲ။ တကယ်တော့ အဲဒီအချိန်တုန်းက လူတိုင်းက ဒီကြေညာချက်ကို နားမလည်နိုင် ဖြစ်ခဲ့ကြပါတယ်။ ဘယ်အရူးကများ အကြောင်းရင်း မရှိဘဲ အဲဒီလို ဝေးလံခေါင်သီတဲ့ ငွေကြယ်စင်တောင်တန်းထဲ သွားမှာလဲလို့ တွေးခဲ့ကြတာပါ။</p> <p>ဒါပေမဲ့ သတင်းဦး သတင်းထူး ရတတ်တဲ့ ဂိုဏ်းအနည်းငယ်ကတော့ ငွေကြယ်စင်တောင်တန်းမှာ ဘာတွေ ဖြစ်ခဲ့သလဲဆိုတာ အနည်းအကျဉ်း သိထားကြပါတယ်။ လူတိုင်းက အတာ မဟုတ်ပါဘူး။ ဒီကိစ္စရဲ့ နောက်ကွယ်မှာ ယွင်ရှောင်ဂိုဏ်းရဲ့ ကောက်ကျစ်တဲ့ အကြံအစည်တွေ ရှိနေတာကို မမြင်ဘဲ နေပါ့မလား။</p> <p>မဟာမိုးကောင်းကင်ဂိုဏ်း အနေနဲ့ အရင်က အရေးမယူခဲ့တာ ပထမအချက်အနေနဲ့ တခြားကိစ္စတွေ များနေလို့ လက်မအားသေးတာကြောင့်ဖြစ်ပြီး ဒုတိယအချက်ကတော့ ငွေကြယ်စင်သတ္တုတွင်းက မဟာမိုးကောင်းကင်ဂိုဏ်းအတွက်တော့ အဖိုးတန်တဲ့အရာ မဟုတ်လို့ပါပဲ။ တချို့ကတော့ မဟာမိုးကောင်းကင်ဂိုဏ်း လက်အားသွားတဲ့အခါ ယွင်ရှောင်ဂိုဏ်းကို အကြီးအကျယ် ပညာပေးလိမ့်မယ်လို့ ခန့်မှန်းခဲ့ကြပါတယ်။ ဒါပေမဲ့ ချူရှင်းဟီ တစ်ယောက် ရေခဲမြို့တော်ကို ရောက်သွားလိမ့်မယ်လို့ ဘယ်သူမှ မထင်ထားခဲ့သလို၊ သူကလည်း ထုံးစံအတိုင်း "မလုပ်ရင် မလုပ်ဘူး၊ လုပ်ပြီဆိုရင်တော့ ကမ္ဘာပျက်စေရမယ်" ဆိုတဲ့ အကွက်ရွှေ့မှုကို သုံးသွားခဲ့တာပါပဲ။</p> <p>ဒီတစ်ခါမှာတော့ ငွေကြယ်စင်တောင်တန်းဟာ တစ်ညတည်းနဲ့ မြေလှန်ခံလိုက်ရပြီး ယွင်ရှောင်ဂိုဏ်းသား ဘယ်နှယောက် သေသွားသလဲဆိုတာ အတိအကျတောင် မသိရတော့ပါဘူး။ ဒါပေမဲ့ သာမန်တပည့်တွေအပြင် မိုးကောင်းကင်တာအို အဆင့်သတ်မှတ်ချက်ထဲက ထိပ်တန်း အယောက် ၁၀၀ စာရင်းဝင် အကြီးအကဲ ရှဲ့စုန်းလင်အပါအဝင် အကြီးအကဲ နှစ်ယောက် နေရာတင် သေဆုံးသွားတာကတော့ မဟာနေမင်း ကုန်းမြေတိုက်ကြီး တစ်ခုလုံးကို တုန်လှုပ်သွားစေပါတယ်။ ဒါတွေက ဘိုးဘေးအင်မော်တယ်အဆင့် တန်ခိုးရှင်ကြီး နှစ်ယောက်လေ။ ဘိုးဘေးအင်မော်တယ် နှစ်ယောက်စလုံး တစ်ပြိုင်တည်း အဖောက်ခွဲခံရပြီး သေသွားရတာ။ အဲဒါတောင်မှ အတော်လေးကို အရှက်ရစရာကောင်းတဲ့ ပုံစံနဲ့ သေသွားရတာဆိုတော့ ခွေးတောင် ခေါင်းခါရမယ့် အဖြစ်မျိုးပါပဲ။</p> <p>တကယ်လို့ ဒါက သာမန်အချိန်မျိုးဆိုရင် ယွင်ရှောင်ဂိုဏ်းဟာ အင်အားချင်း မယှဉ်နိုင်ရင်တောင် အရူးအမူး ပြန်တိုက်ခိုက်မှာ သေချာပါတယ်။ ဒါပေမဲ့ ဒီတစ်ခါမှာတော့ ယွင်ရှောင်ဂိုဏ်းမှာ ဘာစောဒကမှ တက်ခွင့် မရှိတော့ပါဘူး။ ဘယ်လိုလုပ်ပြီး စောဒက တက်နိုင်မှာလဲ။ မဟာမိုးကောင်းကင်ဂိုဏ်းက အဲဒီနေ့မှာတင် မှတ်ဉာဏ်ပုံဆောင်ခဲကို ထုတ်ပြလိုက်တာလေ။ ရှဲ့စုန်းလင်က မာလင်းကို "ငါတို့ ယွင်ရှောင်ဂိုဏ်းက ငွေကြယ်စင်တောင်တန်းကို မလိုချင်တော့ဘူး" လို့ ကိုယ်တိုင် ပြောနေတဲ့ ဗီဒီယိုဖိုင်ကို မဟာမိုးကောင်းကင် ကြေးမုံပေါ်မှာ ထပ်ခါတလဲလဲ ထုတ်လွှင့်ပြသနေတာပါ။</p> <p>မဟာမိုးကောင်းကင်ဂိုဏ်းက တစ်ကမ္ဘာလုံးကို သိစေချင်တာက ဒီလိုပါ။</p> <p>ငါတို့က ဗိုလ်ကျတတ်တဲ့လူတွေ မဟုတ်ဘူး။ ငါတို့က ယွင်ရှောင်ဂိုဏ်းရဲ့ ငွေကြယ်စင်တောင်တန်းကို ဖောက်ခွဲတာ မဟုတ်ဘူး။ ငါတို့ပိုင်တဲ့ ငွေကြယ်စင်တောင်တန်းကို ငါတို့ဘာသာ ဖောက်ခွဲတာပါ။</p> <p>တခြားဂိုဏ်းတွေတောင် ယွင်ရှောင်ဂိုဏ်းသားတွေ ဘယ်လောက် ရင်နာနေမလဲဆိုတာ မှန်းဆလို့ ရပါတယ်။ ဘိုးဘေးအင်မော်တယ် နှစ်ယောက် ဆုံးရှုံးလိုက်ရတာတောင် ဘယ်သူ့ကိုမှ အပြစ်တင်လို့ မရတဲ့ အဖြစ်က ဘယ်လောက် နာကျင်စရာကောင်းလိုက်မလဲ။ လူတွေအားလုံးကလည်း သက်ပြင်းချနေကြပါပြီ။</p> <p>(မင်းတို့ ယွင်ရှောင်ဂိုဏ်းကလည်း တကယ်ပါပဲ... ချူရှင်းဟီရဲ့ အကွက်ရွှေ့မှုကို မသိတာလည်း မဟုတ်ဘဲနဲ့။ မင်းတို့ကမှ ချူရှင်းဟီကို ထိပ်တိုက်သွားရင်ဆိုင်ချင်တာကိုး။ အခုတော့ ချူရှင်းဟီ ဘယ်လောက် ကြောက်ဖို့ကောင်းသလဲဆိုတာ သိပြီ မဟုတ်လား။)</p> <p>ယွင်ရှောင်ဂိုဏ်းဆီ ပြန်ရောက်တာနဲ့ ဂိုဏ်းချုပ် ရှင်းယွီရှန်းဟာ ချက်ချင်းပဲ တံခါးပိတ် တရားကျင့် ဂူအောင်းသွားပါတော့တယ်။ သူက မိုးကောင်းကင်ကို တိုင်တည်ပြီး ကမ္ဘာ့နတ်ဘုရားအဆင့်ကို မရောက်မချင်း အပြင်ပြန်မထွက်ဘူးလို့ ကျိန်ဆိုလိုက်ပါပြီ။</p> <p>ယွင်ရှောင်ဂိုဏ်း ဒီနေ့ ဆုံးရှုံးလိုက်ရသမျှကို သူကိုယ်တိုင် ပြန်တောင်းယူမယ်ပေါ့။ အဲဒါကို အကြီးအကဲတွေက ဝိုင်းပြီး ဖျောင်းဖျကြပါတယ်။</p> <p>(ဂိုဏ်းချုပ်ကြီး... ဒီလောက်အထိ မလုပ်ပါနဲ့။ ဒါက ကျင့်ကြံတာ မဟုတ်တော့ဘူး၊ ကိုယ့်ကိုယ်ကိုယ် အရှင်လတ်လတ် မြေမြှုပ်ပစ်ဖို့ လုပ်နေတာလား။)</p> <p>(ကမ္ဘာ့နတ်ဘုရား ဖြစ်မှ ထွက်လာမယ်တဲ့လား။ ဂိုဏ်းချုပ်ကြီးရယ်၊ "တစ်သက်လုံး ပြန်မထွက်တော့ဘူး" လို့ ပြောလိုက်တာကမှ ပိုပြီး အဓိပ္ပာယ်ရှိဦးမယ်။</p> <p>ကမ္ဘာ့နတ်ဘုရား အဆင့်ဆိုတာ ဖြစ်ချင်တိုင်း ဖြစ်လို့ရတဲ့ အရာမှ မဟုတ်တာ။ ဂူမင်ချောင် (Gu Mingchao) ကလွဲရင် လက်ရှိ မဟာနေမင်း ကုန်းမြေတိုက်ကြီးမှာ တခြား ကမ္ဘာ့နတ်ဘုရား မရှိပါသေးဘူး။ ကမ္ဘာ့နတ်ဘုရား အဆင့်နဲ့ အနီးစပ်ဆုံးလို့ လူသိများတဲ့ ချန်ရှောင်ထျန်းတောင်မှ အခုထိ ကမ္ဘာ့နတ်ဘုရား အဆင့်ကို ခြေတစ်ဝက်ပဲ လှမ်းနိုင်သေးတယ် မဟုတ်ပါလား။</p> <p> </p> <p> </p> <p>“ဂိုဏ်းချုပ်ကြီးနဲ့ ချန်ရှောင်ထျန်းကြားမှာတောင် ကွာခြားချက် ရှိပါသေးတယ်။ အခုလို မပြောမဆိုနဲ့ ကမ္ဘာ့နတ်ဘုရားအဆင့်ကို တက်လှမ်းမယ်လို့ ရုတ်တရက်ကြီး ပြောလိုက်တော့ ကျွန်တော်တို့ ယွင်ရှောင်ဂိုဏ်းအနေနဲ့ ဂိုဏ်းချုပ်အသစ် တစ်ယောက်ကိုပဲ ရွေးချယ်လိုက်ပါတော့မယ်။”</p> <p>ရှင်းယွီရှန်းတစ်ယောက် ဂိုဏ်းက အကြီးအကဲတွေရဲ့ ဖြောင်းဖျမှု တွေကြောင့် တကယ်ကို သွေးပွက်ပွက်အန်သွားခဲ့ရပါပြီ။</p> <p>(ငါက နားထောင်ကောင်းအောင် စကားနာထိုး ခြိမ်းခြောက်တာပါဆို။ မဟာမိုးကောင်းကင်ဂိုဏ်းကိုလည်း စကားနာ သွားမထိုးရဲဘူး။ အခု ကိုယ့်အိမ်ကိုယ့်ဂိုဏ်း ပြန်ရောက်တာတောင် စကားနာ ထိုးခွင့်မရှိတော့ဘူးလားဟင်။)</p> <p>နောက်ဆုံးမှာတော့ ရှင်းယွီရှန်းဟာ တံခါးပိတ် တရားကျင့် ဂူအောင်းသွားပြီး ဂိုဏ်းရဲ့ ကိစ္စအရပ်ရပ်ကိုတော့ ဆရာဘိုးဘိုး လင်းစုဆီကို ခေတ္တ လွှဲပြောင်းပေးခဲ့ပါတယ်။</p> <p>ဆရာဘိုးဘိုး လင်းစုဟာ သက်ပြင်းချရင်း မဟာမိုးကောင်းကင်ဂိုဏ်းနဲ့ ပတ်သက်တဲ့ မကြာသေးခင်က ကိစ္စရပ်တွေကို ပြန်လည် စဉ်းစားနေပါပြီ။</p> <p>(ချူရှင်းဟီက တောင်ပိုင်းကို စစ်ဆေးရေး ခရီးထွက်သွားတာ မဟုတ်ဘူးလား။ ဘာလို့ ရုတ်တရက်ကြီး မြောက်ဘက်ကို တက်လာခဲ့တာလဲ။)</p> <p>(ဘယ်ဂိုဏ်းရဲ့ စစ်ဆေးရေးခရီးကများ ဒီလောက်အထိ နေရာတွေ လျှောက်ပြောင်းနေလို့လဲ။)</p> <p>လင်းစု တစ်ယောက် သေချာစဉ်းစားရင်းနဲ့ လူတစ်ယောက်ကို ရုတ်တရက် သတိရသွားပါတယ်။</p> <p>“ဝေရှင်း”</p> <p>ဝေရှင်းဟာ တောင်ပိုင်းမှာတုန်းက ချူရှင်းဟီရဲ့ မျက်စိကျခြင်းကို ခံခဲ့ရပြီး မဟာမိုးကောင်းကင်ဂိုဏ်းရဲ့ အတွင်းစည်းက ဟေးယွဲ့နန်းတော်ဆီကို ပို့ဆောင်ခြင်း ခံခဲ့ရပါတယ်။ အဲဒီတုန်းကတော့ လင်းစု တစ်ယောက် ဒီကိစ္စအတွက် အတိုင်းမသိ ဝမ်းသာခဲ့တာပါ။</p> <p>ဒါဟာ မဟာမိုးကောင်းကင်ဂိုဏ်းထဲကို တကယ့် သူလျှိုတစ်ယောက် ထိုးဖောက်ဝင်ရောက်နိုင်ခဲ့တာပဲ မဟုတ်လား။</p> <p>ဝေရှင်းကလည်း သူ့ကို အားမကိုးရအောင် မလုပ်ခဲ့ပါဘူး။ အသွင်မဲ့ နှလုံးသားကျမ်းကို ယွင်ရှောင်ဂိုဏ်းဆီ ချက်ချင်း ပေးပို့ခဲ့ပါတယ်။ ဒါပေမဲ့ ရလဒ်ကတော့ အဲဒီသုတ်တော်ဟာ ယွင်ရှောင်ဂိုဏ်းကို အကျိုးမပြုခဲ့ရုံတင်မကဘဲ ပြဿနာတွေတောင် တက်လုနီးပါး ဖြစ်စေခဲ့တာပါ။</p> <p>အဲဒီအချိန်တုန်းက လင်းစုရဲ့ အတွေးကတော့ ဝေရှင်း တစ်ယောက် လူမိသွားပြီ ဆိုတာပါပဲ။</p> <p>(အဲဒါ ချူရှင်းဟီလေ။ ချူရှင်းဟီရဲ့ နတ်ဆိုးတစ်မျှ ထက်မြက်တဲ့ ဉာဏ်ပညာဆိုတာ အပိုပြောနေကြတာမှ မဟုတ်တာ။)</p> <p>(ချူရှင်းဟီက ဝေရှင်းရဲ့ ပြဿနာကို ကြိုတင်တွေ့ရှိသွားပြီး အကွက်ပြန်ရွှေ့လိုက်တာ ဖြစ်ရမယ်။ ဝေရှင်းကို မဟာမိုးကောင်းကင်ဂိုဏ်းထဲ ခေါ်သွင်းပြီး ယွင်ရှောင်ဂိုဏ်းဆီ သတင်းအမှားတွေ ပေးခိုင်းတာပေါ့။ အဲဒီ အသွင်မဲ့ နှလုံးသားကျမ်းဆိုတာကလည်း ယွင်ရှောင်ဂိုဏ်းကို လှည့်စားဖို့ မဟာမိုးကောင်းကင်ဂိုဏ်းက တမင် လုပ်ထားတာပဲ ဖြစ်ရမယ်။)</p> <p>ဒါကြောင့် လင်းစုဟာ ဝေရှင်းနဲ့ ဆက်သွယ်သမျှ လမ်းကြောင်းအားလုံးကို ချက်ချင်း ဖြတ်တောက်ပစ်ခဲ့ပါတယ်။ မဟာမိုးကောင်းကင်ဂိုဏ်းက ဝေရှင်းကို သုံးပြီး ယွင်ရှောင်ဂိုဏ်းကို ထပ်ပြီး တိုက်ခိုက်မှာ စိုးလို့ပါ။</p> <p>ဒါပေမဲ့ အခု ချူရှင်းဟီက ဘာလို့ တောင်ပိုင်းကနေ မြောက်ဘက်ကို ရုတ်တရက်ကြီး ပြောင်းလာရသလဲဆိုတာကို ပြန်စဉ်းစားကြည့်တဲ့အခါ ဝေရှင်း လူမိသွားတာက ထင်သလောက် မရိုးရှင်းဘူးဆိုတာ လင်းစု သဘောပေါက်သွားပါပြီ။</p> <p>(ဝေရှင်းက ငါတို့ကို သစ္စာဖောက်လိုက်တာပဲ ဖြစ်ရမယ်။ သူ မဟာမိုးကောင်းကင်ဂိုဏ်းဘက်ကို ကူးသွားပြီ။ ငွေကြယ်စင်တောင်တန်းအကြောင်းကို ဝေရှင်းက ချူရှင်းဟီကို ပြောပြလိုက်လို့ပဲ ချူရှင်းဟီက တောင်ပိုင်းကနေ မြောက်ဘက်ကို အပြေးအလွှား ရောက်လာတာ ဖြစ်ရမယ်။)</p> <p>(ဝေရှင်း... မင်း။ မင်းလို ကောင်ကများ။)</p> <p>(ယွင်ရှောင်ဂိုဏ်းက မင်းကို ၁၅ နှစ်တောင် ထောက်ပံ့ မွေးမြူခဲ့တာလေ။မင်းက ငါတို့ကို ဒီလို သစ္စာဖောက်ရက်တယ်ပေါ့။)</p> <p>(ဘာ။ ယွင်ရှောင်ဂိုဏ်းက ဝေရှင်းကို ၁၅ နှစ်လုံး ဘာတွေ ထောက်ပံ့ မွေးမြူပေးခဲ့တာလဲလို့ မေးချင်တာလား။)</p> <p>(သူလျှိုတစ်ယောက် ဖြစ်အောင် လေ့ကျင့်ပေးတာဟာ မွေးမြူတာ မဟုတ်ဘူးလား။ အဲဒါကို မွေးမြူတယ်လို့ ခေါ်မခေါ်ပဲ ပြောလေ။)</p> <p>လင်းစု တစ်ယောက် ဝေရှင်းကို တောက်တောက်စင်းပစ်ချင်စိတ် ပေါက်နေပါပြီ။ ဝေရှင်းဟာ သူလျှိုတစ်ယောက် ဖြစ်ကြောင်း တစ်ကမ္ဘာလုံးကို ကြေညာလိုက်ရင် ကောင်းမလားလို့တောင် သူ စဉ်းစားနေမိပါတယ်။</p> <p>ဒါပေမဲ့ ပြန်စဉ်းစားကြည့်တော့လည်း ဒါက အလကားပါပဲ။ ဝေရှင်းက သစ္စာဖောက်သွားပြီလေ။ တကယ်လို့သာ လူသိရှင်ကြား ကြေညာလိုက်ရင် မဟာမိုးကောင်းကင်ဂိုဏ်းက ဒီကိစ္စကို သုံးပြီး ယွင်ရှောင်ဂိုဏ်းကို ထပ်ပြီး ပြဿနာရှာဦးမှာဆိုတော့ အရှုံးက ပိုများသွားပါလိမ့်မယ်။</p> <p>ဒါကြောင့် လင်းစုဟာ ဝေရှင်းနဲ့ ယွင်ရှောင်ဂိုဏ်းကြားက ဆက်နွှယ်မှု အထောက်အထား မှန်သမျှကို ချက်ချင်း ဖျောက်ပစ်ဖို့ အမိန့်ပေးလိုက်ပါတယ်။ တစ်ချိန်တည်းမှာပဲ ဝေရှင်း သိထားတဲ့ ယွင်ရှောင်ဂိုဏ်းရဲ့ သတင်းအချက်အလက်တွေ အကုန်လုံးကို အရေးပေါ် ပြောင်းလဲပစ်လိုက်သလို၊ မဟာမိုးကောင်းကင်ဂိုဏ်းရဲ့ လုပ်ငန်းခွင်တွေထဲမှာ ခိုအောင်းနေတဲ့ သူလျှိုတွေအားလုံးကိုလည်း ပြန်ခေါ်လိုက်ပါတော့တယ်။ ဝေရှင်းက သူ့ဂိုဏ်းဟောင်းကို ထပ်ပြီး သစ္စာမဖောက်နိုင်အောင်လို့ပေါ့။</p> <p>(မဟာမိုးကောင်းကင်ဂိုဏ်းကို ငါတို့ ယွင်ရှောင်ဂိုဏ်းအပေါ် ဘာအချက်အလက်မှ အသာစီး မရစေရဘူး။)</p> <p>ဒါတွေအားလုံးကို လုပ်ပြီးသွားတဲ့အခါမှပဲ လင်းစု တစ်ယောက် သက်ပြင်းချနိုင်ပါတော့တယ်။ တစ်ချိန်တည်းမှာပဲ သူက တွေးမိပါသေးတယ်။</p> <p>“ချူရှင်းဟီကတော့ တကယ်ကို ကြောက်စရာကောင်းလိုက်တာ၊ ငါလို မြေခွေးအိုကြီးတောင် သူ့ရဲ့ တစ်ကွက်ချင်းစီ အကွက်ရွှေ့မှုအောက်မှာ ဒီလောက်အထိ အထိနာသွားရတယ်”</p> <p> </p> <p>…</p> <p> </p> <p>မဟာမိုးကောင်းကင်ဂိုဏ်းရဲ့ ဟေးယွဲ့နန်းတော်ထဲမှာတော့...</p> <p>ဝေရှင်း တစ်ယောက် မျှော်လင့်ချက် ကင်းမဲ့နေတဲ့ မျက်နှာထားနဲ့ မျက်နှာကြက်ကို ငေးကြည့်နေပါတယ်။ ဟေးယွဲ့နန်းတော်ကို ရောက်လာကတည်းက ဝေရှင်းရဲ့ နေ့စဉ်ဘဝဟာ ဒုက္ခရောက်နေရုံတင် မကတော့ပါဘူး။</p> <p>ဝေရှင်းဟာ နေ့တိုင်း "သေဆုံးခြင်း" ထဲမှာ နေထိုင်နေရတာပါ။</p> <p>ဟေးယွဲ့ကလန်ရဲ့ ထူးဆန်းပြီး ရွံစရာကောင်းတဲ့ သေနည်းမျိုးစုံကို ကြည့်ရင်း ဝေရှင်းဟာ "ငါ တကယ်ပဲ သေသွားပြီလား" လို့တောင် ကိုယ့်ကိုယ်ကိုယ် ပြန်မေးနေမိပါတယ်။</p> <p>ပြီးတော့ လွန်ခဲ့တဲ့ ရက်ပိုင်းက ဟေးယွဲ့ကလန်သားတွေ အကုန်လုံး ပြိုင်တူ ပျောက်ကွယ်သွားတာက ဝေရှင်းကို ပိုပြီး ထိတ်လန့်သွားစေပါတယ်။ ဟေးယွဲ့ကလန်သားတွေက တမင်တကာ ပုန်းနေပြီး သူ အမှတ်မထင် ဖြစ်နေတဲ့အချိန်မှာမှ ဝုန်းကနဲ ထွက်လာပြီး သေလုမတတ် အံ့ဩမှုတွေ ပေးဦးမလားလို့ သံသယဝင်နေမိပါပြီ။</p> <p>ဒါပေမဲ့ ဟေးယွဲ့ကလန်သားတွေထက် ပိုပြီး ဝေရှင်းကို ထိတ်လန့်စေတာကတော့ အသွင်မဲ့ နှလုံးသားကျမ်းကို ယွင်ရှောင်ဂိုဏ်းဆီ ပေးပို့ပြီးကတည်းက ယွင်ရှောင်ဂိုဏ်းဘက်က ဘာတုံ့ပြန်မှုမှ မရှိတာပါပဲ။ ဒီအတောအတွင်း ဝေရှင်းဟာ ယွင်ရှောင်ဂိုဏ်းကို ဆက်သွယ်ဖို့ ကြိုးစားခဲ့ပေမဲ့ ဆက်သွယ်ရေး လမ်းကြောင်းအားလုံး လုံး၀ ပိတ်ဆို့ခံထားရတာကို တွေ့လိုက်ရပါတယ်။</p> <p>ဒါကို အတည်ပြုပြီးတဲ့နောက်မှာတော့ ဝေရှင်းရဲ့ နှလုံးသားဟာ လုံး၀ကို စိတ်ပျက်အားငယ်သွားပါတော့တယ်။</p> <p> </p> <p> </p> <p>သူ ယွင်ရှောင်ဂိုဏ်းရဲ့ အစွန့်ပစ်ခံလိုက်ရပြီလား။</p> <p>သူလျှိုတစ်ယောက်အနေနဲ့ ဝေရှင်းဟာ ဒီအချိန်မှာ လုံး၀ကို စိတ်ပျက်အားငယ်သွားပါတယ်။ ဒါပေမဲ့ စက္ကန့်ပိုင်းလောက် စိတ်ပျက်သွားပြီးတဲ့နောက်မှာတော့ ဝေရှင်းဟာ ရုတ်တရက် ထူးထူးဆန်းဆန်းကြီး ခံစားလိုက်ရပါပြီ။ အဲဒါကတော့ ဒီလို စိတ်ပျက်စရာ အခြေအနေကြီးထဲမှာ သူ ဘာလို့ စိတ်ပေါ့ပါးသွားရတာလဲ ဆိုတာပါပဲ။</p> <p>ဟေးယွဲ့နန်းတော်ကို ရောက်လာကတည်းက သူဟာ ဒုက္ခတွင်းထဲ ကျနေသလို ခံစားခဲ့ရပေမဲ့ တစ်ဖက်မှာလည်း သူ တစ်ခါမှ မခံစားဖူးတဲ့ ပျော်ရွှင်မှုတွေကို ခံစားခဲ့ရပါတယ်။</p> <p>အဲဒီပျော်ရွှင်မှုကို ရိုးသားပွင့်လင်းမှု လို့ ခေါ်ပါတယ်။</p> <p>ဟေးယွဲ့နန်းတော်က ဂိုဏ်းတူအစ်ကိုကြီးတွေ၊ အစ်မကြီးတွေဟာ သေနည်းမျိုးစုံနဲ့ သူ့ကို ခြောက်လှန့်နေတတ်ကြပေမဲ့ သူတို့က ဝေရှင်းအပေါ်မှာတော့ အရမ်းကို ရိုးသားကြပါတယ်။ မဟာသူတော်စင်ကြီးဆိုရင်လည်း သူ့ကတိအတိုင်း အလွန်တည်ကြည်သူပါ။</p> <p>မကြာသေးခင်ကတင် မဟာသူတော်စင်ကြီးဟာ ဝေရှင်းအတွက် ကျင့်စဉ်တချို့ကို ကိုယ်တိုင် ရွေးချယ်ပေးခဲ့ရုံတင်မကဘဲ ဝေရှင်းရဲ့ ပါရမီက သိပ်မကောင်းတာတောင် အဲဒီကျင့်စဉ်တွေကို ဝေရှင်းနဲ့ ကိုက်ညီအောင် ပြုပြင်မွမ်းမံပေးခဲ့ပါသေးတယ်။</p> <p>မဟာသူတော်စင်ကြီး ကိုယ်တိုင် ပြုပြင်ပေးထားတဲ့ ကျင့်စဉ်တွေနဲ့ ကျင့်ကြံလိုက်တဲ့အခါမှာတော့ ဝေရှင်းရဲ့ တန်ခိုးကျင့်စဉ် အဆင့်ဟာလည်း အရှိန်အဟုန်နဲ့ တိုးတက်လာခဲ့ပါတယ်။</p> <p>သူလျှိုတစ်ယောက်အနေနဲ့ ဝေရှင်းဟာ ယွင်ရှောင်ဂိုဏ်းမှာတုန်းက ဒီလိုမျိုး ဆက်ဆံမှုကို တစ်ခါမှ မရခဲ့ဖူးပါဘူး။ ဝေရှင်းဟာ သူ့ဘဝမှာ ပထမဆုံးအကြိမ်အဖြစ် လူတစ်ယောက်လို ဆက်ဆံခံရတာဖြစ်ပြီး ပထမဆုံးအကြိမ်အဖြစ် တကယ့် တပည့် တစ်ယောက်လို ဂရုစိုက်ခံရတာပါ။</p> <p>ဝေရှင်းဟာ မျက်နှာကြက်ကို ကြည့်ရင်းနဲ့ ချက်ချင်းပဲ ဆုံးဖြတ်ချက်တစ်ခု ချလိုက်ပါတော့တယ်။</p> <p>(ယွင်ရှောင်ဂိုဏ်းက ငါ့ကို စွန့်ပစ်လိုက်ပြီပေါ့လေ။ ဟုတ်ပြီ။)</p> <p>(ယွင်ရှောင်ဂိုဏ်း။ မင်းတို့ဘက်က မေတ္တာမရှိမှတော့ ငါ ဝေရှင်းဘက်ကလည်း သစ္စာရှိစရာ မလိုတော့ဘူး။)</p> <p>(မင်းတို့က ငါ့ကို စွန့်ပစ်တယ်ဆိုရင်တော့ ငါ ဝေရှင်းဟာ ဒီနေ့ကစပြီး မဟာမိုးကောင်းကင်ဂိုဏ်းမှာပဲ အမြဲနေတော့မယ်။ မင်းတို့ ယွင်ရှောင်ဂိုဏ်းနဲ့ ငါနဲ့ ဘာပတ်သက်မှုမှ မရှိတော့ဘူး။)</p> <p>(ဒီနေ့ကစပြီး ငါဟာ မဟာမိုးကောင်းကင်ဂိုဏ်းရဲ့ တပည့်တစ်ယောက်ပဲ။)</p> <p>(ငါ မဟာမိုးကောင်းကင်ဂိုဏ်း တိုးတက်ဖို့အတွက် အသေအလဲ ကြိုးစားတော့မယ်။)</p> <p>(ဂိုဏ်းတူအစ်ကိုကြီး ချူရှင်းဟီ က ငါ့ကို လူသစ်တစ်ယောက်အဖြစ် နေထိုင်ဖို့ အခွင့်အရေး ပေးခဲ့တာ။ ငါ ဝေရှင်းဟာ အသစ်တစ်ဖန် ပြန်ရှင်သန်ချင်တယ်။ ကိုယ့်အတွက်ကိုယ် ရှင်သန်ချင်တယ်။)</p> <p>(ငါ့ဘဝကို ငါကိုယ်တိုင် ပိုင်စိုးချင်တယ်။ ငါ ဂိုဏ်းတူအစ်ကိုကြီး ချူရှင်းဟီကို စိတ်မပျက်စေရဘူး။)</p> <p>ဒါတွေကို နားလည်သွားပြီးတဲ့နောက်မှာတော့ ဝေရှင်းဟာ အခန်းထဲကနေ ထွက်လာခဲ့ပါတယ်။ ဘာကြောင့်လဲတော့ မသိပါဘူး။ ဒီအချိန်မှာတော့ ဟေးယွဲ့နန်းတော်က ဝေဝါးမှောင်မိုက်နေတဲ့ ကောင်းကင်ကြီးဟာ ဝေရှင်းအတွက်တော့ အရင်လို သုန်မှုန်မနေတော့ပါဘူး။</p> <p>ဝေရှင်းဟာ အရင်တုန်းက မဟာမိုးကောင်းကင်ဂိုဏ်းအပေါ် မကောင်းတာတွေ လုပ်ခဲ့မိမှန်း သိပါတယ်။ ဒါပေမဲ့ သူ့အဆင့်အတန်းက နိမ့်ကျလွန်းတာကြောင့် ဂိုဏ်းအတွက်တော့ ကြီးကြီးမားမား ထိခိုက်မှု မရှိခဲ့ပါဘူး။ ဝေရှင်းဟာ ဒီအချိန်ကစပြီး မဟာမိုးကောင်းကင်ဂိုဏ်းအတွက် သူလုပ်ခဲ့သမျှ အမှားတွေကို အရူးအမူး ပြန်ပေးဆပ်တော့မယ်လို့ မိုးကောင်းကင်ကို တိုင်တည်ပြီး ကျိန်ဆိုလိုက်ပါတယ်။</p> <p>(ဒီနေ့ကစပြီး စိတ်ထားဖြူစင်တဲ့သူတစ်ယောက် ဖြစ်ပါစေ။ ဂိုဏ်းတူအစ်ကိုကြီး ချူရှင်းဟီကို ကူညီပြီး ဂိုဏ်းကြီး တိုးတက်အောင် ကြိုးစားပမ်းစား လုပ်ဆောင်တဲ့သူ ဖြစ်ပါစေ။)</p> <p>ဝေရှင်းဟာ ကောင်းကင်ကို လက်ညှိုးထိုးပြီး အားရပါးရ ကြွေးကြော်လိုက်ပါတော့တယ်။</p> <p>“မဟာမိုးကောင်းကင်ဂိုဏ်းကို မိုးနတ်မင်း စောင်မ စောင့်ရှောက်ပေးတော်မူပါ။”</p> <p> </p> <p> </p> <p> </p> <p style="text-align: center;">***</p>


Save