Book List

<h2 style="text-align: center;">Chapter 10</h2> <h2 style="text-align: center;">မိစ္ဆာသားရဲသားစားပြီး အဆင့်တက်ခြင်း</h2> <h2 style="text-align: center;">*</h2> <p> </p> <p> </p> <p>မဟာမိုးကောင်းကင်ဂိုဏ်းရဲ့ နယ်မြေအတွင်းမှာ တည်နေရာ ရွှေ့ပြောင်းပို့ဆောင်ခြင်းဝင်္ကပါရဲ့ အဖြူရောင်အလင်းတန်းကြီးတွေ ကျဆင်းလာပါတယ်။</p> <p>ဂိုဏ်းချုပ်ကြီး ဂူမင်ချောင်ဟာ ဂိုဏ်းရဲ့ တန်ခိုးရှင်တွေနဲ့အတူ ဂိုဏ်းကို ပြန်လည်ရောက်ရှိလာပြီး မရေမတွက်နိုင်တဲ့ တပည့်တွေက သူတို့ရဲ့ အောင်ပွဲရပြန်လာမှုကို လာရောက်ကြိုဆိုကြပါတယ်။</p> <p>ဒီတစ်ခါ ငွေကြယ်စင်တောင်တန်းမှာ တကယ့် တိုက်ပွဲကြီးကြီးမားမား မဖြစ်ခဲ့ပေမဲ့ ဂိုဏ်းချုပ်ကြီ ဂူ တစ်ဦးတည်းနဲ့ ယွင်ရှောင်ဂိုဏ်းတစ်ခုလုံးကို ဖိနှိပ်ခဲ့တဲ့ သတင်းကတော့ တောမီးပမာ ပြန့်နှံ့သွားခဲ့ပါပြီ။</p> <p>ဒါပေမဲ့ ဂိုဏ်းချုပ်ကြီးရဲ့ လွှမ်းမိုးမှုထက် ပိုပြီးတော့ ဂိုဏ်းသားတွေ ကျေနပ်နေကြတာကတော့ ဂိုဏ်းတူအစ်ကိုကြီး ချူရှင်းဟီက တစ်လောကလုံး အောင်ပွဲခံခြင်း မဟာဖောက်ခွဲမှုကြီးကို သုံးပြီး ငွေကြယ်စင်တောင်တန်း တစ်ခုလုံးနဲ့ ယွင်ရှောင်ဂိုဏ်း အကြီးအကဲ နှစ်ယောက်ကို ပြာဖြစ်အောင် လုပ်လိုက်တာပါပဲ။</p> <p>ဒါပေမဲ့ အပျော်ဆုံးလူကတော့ အိုးရန်မင် (Ouyang Ming) ပါပဲ။</p> <p>“ဂိုဏ်းတူအစ်ကိုကြီး ချူရှင်းဟီကို ကျေးဇူးအများကြီးတင်ပါတယ်။ ကျွန်တော့်ရဲ့ အိုးရန်မိသားစုအတွက် ငွေအမြုတေ သတ္တုရိုင်းတွေ ဒီလောက်အများကြီး ရအောင် လုပ်ပေးလို့ပါ။ ဒီသတ္တုရိုင်းတွေရှိရင် ကျွန်တော်တို့ သွန်းလုပ်မယ့် ဝိညာဉ်လက်နက်တွေက ပိုမြင့်မားတဲ့ အဆင့်သစ်တစ်ခုကို သေချာပေါက် ရောက်သွားမှာပါ”</p> <p>အိုးရန်မင်ဟာ မျက်ရည်အဝိုင်းသားနဲ့ ချူရှင်းဟီကို ကျေးဇူးတင်နေရှာပါတယ်။ သူဟာ ချူရှင်းဟီရဲ့ နည်းလမ်းတွေကို အလွန် လေးစားသွားခဲ့ပါပြီ။</p> <p>ငွေကြယ်စင်သတ္တုတွင်းကို ရဖို့က လွယ်ပေမဲ့ ‘ငွေအမြုတေ သတ္တုရိုင်း’ ရဖို့က တကယ်ကို ခက်တာလေ။</p> <p>(ဂိုဏ်းတူအစ်ကိုကြီးရဲ့ ဦးနှောက်က ဘယ်လိုများ အလုပ်လုပ်တာလဲ။ သာမန်သတ္တုတွင်းတွေကို ငွေအမြုတေ သတ္တုရိုင်း ဖြစ်သွားအောင် ဒီလိုနည်းလမ်းမျိုးနဲ့ လုပ်ဖို့ သူ ဘယ်လိုများ တွေးမိသွားတာလဲ။)</p> <p>ဒါတင်မကသေးပါဘူး၊ ချူရှင်းဟီရဲ့ ဒီတစ်ခါ လှုပ်ရှားမှုက သတ္တုရိုင်းတွေ ရလာရုံတင်မကဘဲ သတ္တုရိုင်းတွေကို အဆင့်မြှင့်ဖို့ လမ်းသစ်တစ်ခုကို လမ်းဖွင့်ပေးလိုက်သလို ဖြစ်သွားပါတယ်။</p> <p>"တစ်လောကလုံး အောင်ပွဲခံခြင်း" ဖောက်ခွဲမှုသာ ရှိရင် သတ္တုတွင်းတွေကို အဆင့်မြှင့်လို့ ရတာပဲ မဟုတ်လား။</p> <p>အခုဆိုရင် ငါတို့ မဟာမိုးကောင်းကင်ဂိုဏ်းက လိုချင်တဲ့အချိန်တိုင်း ငွေအမြုတေ သတ္တုရိုင်းတွေ ရတော့မှာပေါ့။</p> <p>အိုးရန်မင်က စကားပြောတိုင်း ငွေအမြုတေ သတ္တုရိုင်းအကြောင်းပဲ ပါနေတာကိုတော့ ချူရှင်းဟီ တစ်ယောက် သိပ်မကြိုက်လှပါဘူး။ ဒါကြောင့် ဘာမှပြန်မပြောဘဲ တိတ်တိတ်လေးနေလိုက်ပါတယ်။</p> <p> </p> <p>ချူရှင်းဟီက တည်ကြည်လေးနက်နေပေမယ့် မာလင်းကတော့ မတည်ငြိမ်နိုင်ပါဘူး။ ဂိုဏ်းကို ပြန်ရောက်တာနဲ့ မာလင်းဟာ ဂိုဏ်းတူအစ်ကိုကြီးရဲ့ စစ်ဆေးရေးခရီးစဉ်က အဖြစ်အပျက်တွေကို တခြားအစ်ကိုကြီးတွေကို ပုံပြောသလိုနဲ့ အဖန်တလဲလဲ ပြန်ပြောပြနေပါတော့တယ်။</p> <p>တခြားအစ်ကိုကြီးတွေအားလုံးကလည်း မာလင်းပြောသမျှကို နားထောင်ရင်း ပါးစပ်အဟောင်းသားနဲ့ အံ့ဩနေကြပါပြီ။ ဥက္ကာခဲသံသတ္တုတွင်းက အဂတိလိုက်စားမှုကို ချူရှင်းဟီ ပြုပြင်ခဲ့ပုံတွေ၊ နောက်ပြီး ခြောက်မှတ်ပေး စစ်ဆေးရေးစနစ် အကြောင်းတွေကို ကြားရတဲ့အခါ ချူရှင်းဟီရဲ့ ထူးခြားတဲ့ လုပ်ဆောင်ချက်တွေကို အားလုံးက ချီးကျူးမဆုံး ဖြစ်သွားကြပါတယ်။</p> <p> </p> <p>ငွေကြယ်စင်တောင်တန်းက တိုက်ပွဲအကြောင်း ကြားရတဲ့အခါမှာတော့ အားလုံးရဲ့ သွေးတွေ ဆူပွက်လာကြပါပြီ။ ယွင်ရှောင်ဂိုဏ်းဟာ မာလင်းနဲ့ ပြဿနာဖြစ်ပြီးကတည်းက အပြင်မှာ မဟာမိုးကောင်းကင်ဂိုဏ်းရဲ့ ဂုဏ်သတင်းကို အမျိုးမျိုး ပုတ်ခတ်ပြောဆိုခဲ့တာလေ။ မာလင်းက အပြစ်မဲ့သူတွေကို သတ်ဖြတ်တယ်တို့၊ မဟာမိုးကောင်းကင်ဂိုဏ်းက တပည့်တွေကို ထိန်းချုပ်မှု ညံ့ဖျင်းတယ်တို့။ အဲဒီလိုမျိုးတွေပေါ့။</p> <p>ဂိုဏ်းသားတွေကလည်း ဒီကိစ္စအတွက် မကျေမနပ် ဖြစ်နေကြပေမဲ့ ခိုင်လုံတဲ့ အထောက်အထား မရှိဘဲနဲ့ ယွင်ရှောင်ဂိုဏ်းကို သွားတိုက်ခိုက်လို့လည်း မရဘူးလေ။ အခု ချူရှင်းဟီရဲ့ ဒီတစ်ချက်ထဲနဲ့တင် ယွင်ရှောင်ဂိုဏ်းဟာ ဘာမှပြန်မပြောနိုင်ဘဲ အကြီးအကျယ် အထိနာသွားတာပါ။ ယွင်ရှောင်ဂိုဏ်း စတင်တည်ထောင်ကတည်းက ဒီလောက်အထိ အရှုံးကြီး ရှုံးဖူးတာမျိုး မရှိခဲ့ပါဘူး။</p> <p>ချူရှင်းဟီကတော့ မာလင်း တစ်ယောက် သူ့အကြောင်းကို ဘယ်လောက် ပိုပိုကဲကဲ ပြောနေသလဲဆိုတာ စိတ်မဝင်စားပါဘူး။ ဂိုဏ်းကို ပြန်ရောက်တာနဲ့ ချူရှင်းဟီဟာ ဟေးယွဲ့နန်းတော်ဆီကို အပြေးအလွှား သွားပြီး ဟေးယွဲ့ကလန်သားတွေအတွက် အရင်းအမြစ် သယံဇာတ အမြောက်အမြားကို ကိုယ်တိုင် သွားပို့ပေးလိုက်ပါတယ်။</p> <p>မဟာသူတော်စင်ကြီးနဲ့ ဟေးယွဲ့ကလန်သားတွေက သူ့ကို အလွန် ကျေးဇူးတင်ကြပြီးတော့ အရင်က ဖောက်ခွဲမှုကြောင့် ကုန်ဆုံးသွားတဲ့ စွမ်းအင်တွေကို ပြန်ဖြည့်ဖို့ သယံဇာတတွေကို အငန်းမရ စတင်စုပ်ယူလိုက်ကြပါတော့တယ်။</p> <p> </p> <p>သယံဇာတတွေကို ဟေးယွဲ့ကလန်သားတွေက တဂျွတ်ဂျွတ် နဲ့ အသံထွက်အောင် ဝါးမျိုစုပ်ယူနေတာကို ကြည့်ပြီး ချူရှင်းဟီ တစ်ယောက် "ငွေအမြုတေ သတ္တုရိုင်း" ကိစ္စကိုတောင် မေ့သွားပါပြီ။</p> <p>(မိုးနတ်မင်းကြီးရေ... မဟာသူတော်စင်ကြီးက တစ်ခါတည်းနဲ့ ဝိညာဉ်ကျောက်တုံးဘယ်လောက်တောင် စားပစ်လိုက်သလဲ သိရဲ့လား။)</p> <p>ကုန်သွားတဲ့ ပမာဏကို ကြည့်ပြီး ချူရှင်းဟီ မျက်ရည်တောင် ဝိုင်းတက်လာပါတယ်။</p> <p>(မိုးကောင်းကင်ကြီးက ငါ့ကို နောက်ဆုံးတော့ ကောင်းချီးပေးပြီထင်ပါရဲ့။)</p> <p>တွေးရင်းနဲ့ ချူရှင်းဟီဟာ လူရိုင်းမျိုးနွယ်စုဆီကိုပါ သွားကြည့်ခဲ့ပါသေးတယ်။</p> <p> </p> <p>လူရိုင်းမျိုးနွယ်စုရဲ့ စွမ်းဆောင်ရည်ကတော့ တော်တော်လေးကို တည်ငြိမ်ပါတယ်။ မဟာမိုးကောင်းကင်ဂိုဏ်းရဲ့ အကန့်အသတ်မရှိ သယံဇာတ ထောက်ပံ့မှုအောက်မှာ သူတို့ရဲ့ မိစ္ဆာသားရဲတွေကို ကျင့်ကြံမွေးမြူတဲ့နှုန်းက အံ့ဩစရာပါပဲ။ ဒါပေမဲ့ အဲဒီသားရဲတွေကို ထိန်းချုပ်ဖို့ကျတော့၊ လုံး၀ကို ထိန်းချုပ်လို့ မရပါဘူး။</p> <p>နည်းနည်းလေး ရန်စလိုက်တာနဲ့ ထိန်းမနိုင်သိမ်းမရ ဖြစ်ကုန်တဲ့ မိစ္ဆာသားရဲတွေကို ကြည့်ပြီး ချူရှင်းဟီ မျက်ရည်ဝိုင်းလာပြန်ပါတယ်။ ဟေးယွဲ့ကလန်ရဲ့ အသုံးစရိတ်ရယ်၊ လူရိုင်းမျိုးနွယ်စုရဲ့ အသုံးစရိတ်ရယ်၊ ဒါတွေကို ပေါင်းကြည့်ပြီးနောက်မှာ ချူရှင်းဟီဟာ သူ့ရဲ့ ကံကြမ္မာဖန် သံလိုက်အိမ်မြောင် လည်ပတ်နေတာကို ကြည့်ပြီး စိတ်သက်သာရာ ရသွားပါပြီ။</p> <p>အိုးရန်မိသားစုတုန်းကဆိုရင် မှော်ပန်းပဲဖိုတွေ ခဏခဏ ပေါက်ကွဲလို့ အိုးရန်မင်ဟာ လက်လျှော့ချင်စိတ်တွေ တော်တော်မျ ဖြစ်ခဲ့တာပါ။ ချူရှင်းဟီရဲ့ အားပေးမှုကြောင့်သာ သူ ဆက်လုပ်နိုင်ခဲ့တာလေ။ ဒါပေမဲ့ ဒီလူရိုင်းမျိုးနွယ်စုကတော့ ဂိုဏ်းရဲ့ သယံဇာတတွေကို ဒီလောက် ဖြုန်းတီးနေတာတောင် နည်းနည်းလေးမှ အားနာစိတ် မရှိကြပါဘူး။ ပိုပြီး ဖြုန်းတီးလို့ရမယ့် နည်းလမ်းတွေကိုတောင် သူတို့က ထပ်ပြီး စဉ်းစားနေကြသေးတာပါ။</p> <p>ဘီနီတင်ပြတဲ့ သယံဇာတတွေ အများကြီး ကုန်မယ့် အစီအစဉ်တွေကို ကြည့်ပြီး ချူရှင်းဟီကတော့ အားရပါးရ ခေါင်းညိတ်နေပါတယ်။</p> <p>ဘီနီ ပြောတာကတော့ ဒီလိုပါ။</p> <p> (သားရဲတွေကို ထိန်းချုပ်လို့ မရတာက သူတို့က ထိန်းချုပ်မရလို့ မဟုတ်ဘူး၊ နည်းလမ်းမှန်ကို မတွေ့သေးလို့ပါ။ နည်းလမ်းမှန်ကို တွေ့ဖို့ဆိုရင် ပိုပြီးတော့ များများ မွေးမြူရမယ်။ အကောင်ရေ များလာရင်တော့ ထူးခြားတဲ့ ပြောင်းလဲမှုတစ်ခုခုကို တွေ့လာရမှာပဲ။)</p> <p>ချူရှင်းဟီက ဘီနီရဲ့ စကားကို လက်ခုပ်တီးပြီး ထောက်ခံလိုက်ပါတယ်။</p> <p>“မှန်တာပေါ့။ အောင်မြင်မှုဆိုတာ ကြက်ကန်း ဆန်အိုးတိုး သလိုမျိုး ရတတ်တာပဲ။ ငါတို့သာ ဇွဲမလျှော့ဘဲ မွေးမြူနေရင် တစ်နေ့တော့ အောင်မြင်မှာပဲ။”</p> <p>သူဟာ ဘီနီကို အရှုံးတွေ အကြိမ်ကြိမ် ကြုံနေရတာကြောင့် ကိုယ့်ကိုယ်ကိုယ် အထင်မသေးဖို့၊ မင်းတို့ လူရိုင်းမျိုးနွယ်စုက သားရဲလေ့ကျင့်သူ တန်ခိုးရှင်တွေ ဖြစ်တာကြောင့် တစ်နေ့မှာ ထိပ်ဆုံးကို ပြန်ရောက်မှာပါလို့ အားပေးစကားတွေ ပြောခဲ့ပါတယ်။</p> <p>ဘီနီကို အားပေးပြီးနောက် ချူရှင်းဟီဟာ နေ့ကောင်းရက်မြတ်လေး သီချင်းကို တိုးတိုးလေး ညည်းဆိုရင်း ဟေးယွဲ့နန်းတော်ကနေ ထွက်ခွာမယ်အလုပ်မှာ အိုးရန်မိသားစုဝင် တစ်စုက အကင်ဖိုကြီးတွေ၊ ဟင်းခတ်အမွှေးအကြိုင်တွေနဲ့ ဟေးယွဲ့နန်းတော်ထဲကို ပြေးဝင်လာတာ တွေ့လိုက်ရပါတယ်။</p> <p>မေးနေစရာတောင် မလိုပါဘူး။ သူတို့ ဘာလုပ်ဖို့ လာသလဲဆိုတာ သိသာနေတာပဲ။ ချူရှင်းဟီ ထင်တဲ့အတိုင်းပါပဲ၊ လူရိုင်းမျိုးနွယ်စုက မွေးထားတဲ့ မိစ္ဆာသားရဲတစ်ကောင်က ဟေးယွဲ့နန်းတော်မှာ သောင်းကျန်းပြီး ထိန်းမရ ဖြစ်နေတာပါ။</p> <p>ဟေးယွဲ့နန်းတော်မှာ သောင်းကျန်းတဲ့ သားရဲတွေရဲ့ အဆုံးသတ်ကတော့ အရသာရှိတဲ့ အစားအစာ ဖြစ်သွားဖို့ပါပဲ။ အစားအစာအကြောင်း ပြောပြီဆိုရင်တော့ အိုးရန်မိသားစုက ပါလာစမြဲပါ။</p> <p>အိုးရန်လင်းက ချူရှင်းဟီကို တွေ့တော့ ဝမ်းသာအားရနဲ့ အကင်စားပွဲကို ဖိတ်ခေါ်လိုက်ပါတယ်။ ချူရှင်းဟီကတော့ စကားမပြောနိုင်လောက်အောင် ပါးစပ်အဟောင်းသား ဖြစ်သွားပေမယ့်လည်း အိုးရန်လင်း ပြောပြတဲ့ မိစ္ဆာသားရဲအသားရဲ့ အရသာကိုတော့ နည်းနည်း စိတ်ဝင်စားသွားပါတယ်။</p> <p>စမ်းစားကြည့်မယ်ဆိုတဲ့ စိတ်နဲ့ ချူရှင်းဟီလည်း သူတို့နောက်ကို လိုက်သွားပါတယ်။</p> <p>(တကယ်ပဲ အိုးရန်မိသားစုနဲ့ ပတ်သက်မိတဲ့လူတိုင်းက ပုံမှန် မဟုတ်ကြတော့ဘူးပဲ။)</p> <p>အရင်တုန်းကဆိုရင် လူရိုင်းမျိုးနွယ်စုကလူတွေဟာ သူတို့မွေးထားတဲ့ သားရဲတွေ ထိန်းမရ ဖြစ်ရင် ဝမ်းနည်းနေတတ်ကြတာလေ။ အခုတော့ ဝမ်းလည်းမနည်းတော့ဘဲ စားရတော့မယ်ဆိုပြီး ရင်ခုန်နေကြပါသေးတယ်။</p> <p>အိုးရန်မင် ကိုယ်တိုင်က မြင့်မြတ်သော မှော်ရတနာတစ်ခုနဲ့ သားရဲကို ခွဲစိတ်လိုက်ပါတယ်။ ‘သားရဲသတ်ဓား’ လို့ အမည်ပေးထားတဲ့ အဲဒီလက်နက်ကို အိုးရန်မင်က သားရဲတွေကို ခွဲစိတ်ဖို့အတွက် သီးသန့် သွန်းလုပ်ထားတာပါတဲ့။ ဒီဓားက အရိုးထုတ်ရတာ အရမ်းလွယ်သလို အသားရဲ့ အရသာကိုလည်း မထိခိုက်စေဘူးလို့ ဆိုပါတယ်။</p> <p>ချူရှင်းဟီဟာ အိုးရန်မင်ရဲ့ မိတ်ဆက်စကားကို ကြားပြီး မျက်ရည်ဝိုင်းတက်လာပြန်ပါပြီ။</p> <p>(ဒါက ဘာတွေတုန်း။)</p> <p>(အဲဒီတော့ ရှင်းဟီ အလင်းရောင် နတ်ဓားက က သစ်သီးလှီးဖို့၊ ‘သားရဲသတ်ဓား’ က အသားလှီးဖို့ပေါ့ ဟုတ်လား။)</p> <p>(မင်းတို့ အိုးရန်မိသားစုက အစိမ်းနဲ့ အကျက်တောင် ခွဲခြားတတ်နေပြီလား။ ပစ္စည်းတစ်ခုချင်းစီအတွက် ကိရိယာတွေ သီးသန့် သုံးနေတာလား။)</p> <p>သားရဲတစ်ကောင် လှီးဖို့အတွက် မြင့်မြတ်သော မှော်ရတနာကို သီးသန့် သွန်းလုပ်တယ်ဆိုတာ တကယ်ကို လွန်လွန်းပါတယ်။</p> <p>မြင့်မြတ်သော မှော်ရတနာဆိုတဲ့အတိုင်း သားရဲကို ခုတ်ထစ်ရတာက အရမ်းကို ချောမွေ့နေပါပြီ။။ ခဏအကြာမှာတော့ သားရဲက အတုံးလေးတွေ ဖြစ်သွားပြီး အိုးရန်မိသားစုဝင်တွေကလည်း သားရဲသားကို နည်းမျိုးစုံနဲ့ စတင်ချက်ပြုတ်ကြပါတော့တယ်။ ကြော်တာ၊ လှော်တာ၊ ပြုတ်တာ၊ ပေါင်းတာ၊ နှပ်တာ... အိုးရန်မိသားစုက သားရဲတစ်ကောင်တည်းကို အရသာ အမျိုးပေါင်း တစ်ရာကျော် ထွက်အောင် လုပ်နိုင်ကြပါတယ်။</p> <p>(စားပိုးနင့်အောင် စားနိုင်တဲ့သူတွေရဲ့ စွမ်းရည်ကတော့ အကန့်အသတ် မရှိဘူးပဲ။)</p> <p>ချူရှင်းဟီ တစ်ယောက် သူတို့ရဲ့ ချက်ပြုတ်ပုံကို ငေးကြည့်နေတုန်းမှာ ဟေးယွဲ့နန်းတော်ရဲ့ တပည့်ဝတ်စုံကို ဝတ်ထားတဲ့ လူတစ်ယောက် သူ့ဆီ လျှောက်လှမ်းလာတာ တွေ့လိုက်ရပါပြီ။</p> <p>“ဝေရှင်းက ဂိုဏ်းတူအစ်ကိုကြီး ချူရှင်းဟီကို ဂါရဝပြုပါတယ်။”</p> <p>ဝေရှင်းကို မြင်တော့ ချူရှင်းဟီ ခဏ ကြောင်သွားပေမဲ့ မကြာခင်မှာပဲ သူကိုယ်တိုင် ဥက္ကာခဲသံသတ္တုတွင်းကနေ ခေါ်လာခဲ့တဲ့ ဝေရှင်းမှန်း သတိရသွားပါတယ်။ ဒါပေမဲ့ ဟေးယွဲ့နန်းတော်ရဲ့ တပည့်ဝတ်စုံကို ဝတ်ထားတဲ့ ဝေရှင်းကို ကြည့်ပြီး သူ တကယ်ကို အံ့ဩသွားရပါပြီ။</p> <p>(ဟာ... ဒီကောင်ကလည်း သာမန်လူ မဟုတ်ဘူးပဲ။ သူ့ကို ဟေးယွဲ့နန်းတော်မှာ ငါ ထည့်ထားခဲ့တာလေ။ တကယ်တော့ အဲဒါက နည်းနည်း ရက်စက်ရာကျတယ်လို့ ငါ ကိုယ့်ကိုယ်ကိုယ် ထင်နေခဲ့တာ။)</p> <p>(ဟေးယွဲ့နန်းတော်ဆိုတာ ပုံမှန်လူတွေ နေနိုင်တဲ့နေရာမှ မဟုတ်တာ။)</p> <p>ချူရှင်းဟီ ထင်ထားတာကတော့ ဝေရှင်းဟာ ဟေးယွဲ့နန်းတော်မှာ မနေနိုင်လို့ ဂိုဏ်းကို နန်းတော်ပြောင်းပေးဖို့ တောင်းဆိုလိမ့်မယ်လို့ပါ။ ဒါပေမဲ့ ဝေရှင်းက အခုထိ ဒီမှာ ရှိနေတုန်းပဲဆိုတော့။ ဒီကောင်က တကယ်ကို သတ္တိခဲပါပဲ။</p> <p>(ဂိုဏ်းတူညီလေး ဝေရှင်းရယ်။ မင်းကို ငါ တကယ် လေးစားသွားပြီ။ ငါတောင် ဒီနန်းတော်ထဲ ရောက်ရင် စိတ်ထဲ တစ်မျိုးကြီး ဖြစ်နေတာ၊ မင်းက ဘယ်လိုလုပ်ပြီး ဒီမှာ နေနိုင်ရတာလဲ။)</p> <p>အားနာစိတ် ဖြစ်သွားတဲ့ ချူရှင်းဟီဟာ ဝေရှင်းကို ဒီအသားကင်ပွဲ ပြီးရင် တခြားနန်းတော်တစ်ခုကို ပြောင်းပေးဖို့ ဆုံးဖြတ်လိုက်ပါတယ်။ ဟေးယွဲ့နန်းတော်က တကယ်ကို လွန်လွန်းလို့ပါ။ ဒါကြောင့် ချူရှင်းဟီဟာ အားနာနာနဲ့ပဲ ဝေရှင်းကို သားရဲသား အတူတူစားဖို့ ဖိတ်ခေါ်လိုက်ပါပြီ။</p> <p>ဝေရှင်းကလည်း ဂိုဏ်းတူအစ်ကိုကြီးရဲ့ ဖိတ်ခေါ်မှုကြောင့် အရမ်းကို ဝမ်းသာသွားပါတယ်။ သူ ဒီကို ရောက်ကတည်းက သားရဲသားကို တစ်ခါမှ မစားဖူးသေးဘူးလေ။</p> <p>ချက်ပြုတ်ထားတဲ့ သားရဲသား ဟင်းလျာတွေ ရောက်လာတော့ ချူရှင်းဟီလည်း မြည်းကြည့်လိုက်ပါတယ်။ သူလည်း အံ့ဩသွားရပါပြီ။ ဘာလို့လဲဆိုတော့ ဒီမိစ္ဆာသားရဲက ရုပ်ဆိုးပေမဲ့ အရသာကတော့ တကယ်ကို ကောင်းမွန်လွန်းလို့ပါ။ အထူးသဖြင့် ဝက်စတူးပေါင်းထက်တောင် အရသာပိုရှိနေပါသေးတယ်။</p> <p>အိုးရန်မိသားစုက မှော်ရတနာသွန်းလောင်းတာထက် ဟင်းချက်တာက ပိုတော်နေတာပဲလို့ ချူရှင်းဟီ တွေးနေတုန်းမှာပဲ ဘေးနားကနေ အလန့်တကြား အော်လိုက်တဲ့ အာမေဍိတ်သံတစ်ခု ထွက်လာပါပြီ။</p> <p>ချူရှင်းဟီ လှည့်ကြည့်လိုက်တော့ ဝေရှင်းဟာ အသားကို ဝါးရင်းနဲ့ မယုံနိုင်စရာ မျက်နှာပေးနဲ့ ဖြစ်နေတာကို တွေ့လိုက်ရပါတယ်။ သူက အသားကို စားနေတာလား၊ အသားက သူ့ကို ပြန်စားနေတာလားတောင် မသဲကွဲတော့ပါဘူး။</p> <p>ချူရှင်းဟီကတော့ ဝေရှင်းရဲ့ အမူအရာကို ကြည့်ပြီး စိတ်ထဲကနေ အထင်သေးလိုက်မိပါတယ်။</p> <p> “မင်းကလည်း။ သာမန် မိစ္ဆာသားရဲသား စားနေတာကို ဘာတွေ ဒီလောက် အကဲပိုနေတာလဲ”</p> <p>ဒါပေမဲ့ အဲဒီလို တွေးလိုက်ရုံ ရှိသေးတယ်... ဝေရှင်းရဲ့ ခန္ဓာကိုယ်ထဲကနေ ဝိညာဉ်စွမ်းအင်တွေ ရုတ်တရက် ပေါက်ကွဲ ဖြာထွက်လာပါပြီ။ နောက်တစ်စက္ကန့်မှာတော့ ဝေရှင်းဟာ ကြာပန်းသဏ္ဍာန် ဒူးတုတ်ထိုင်လိုက်ပါတော့တယ်။</p> <p>ချူရှင်းဟီ ဘာဖြစ်တာလဲလို့ စဉ်းစားလို့တောင် မပြီးသေးခင်မှာပဲ ဝေရှင်းရဲ့ ခန္ဓာကိုယ်ဆီကနေ ဝိညာဉ်အလင်းတန်းတွေ ဝုန်းကနဲ ပွင့်ထွက်လာပါပြီ။ အလင်းတန်းတွေ တဖျတ်ဖျတ် လင်းလက်သွားပြီး ဝေရှင်းဟာ အားလုံးရဲ့ ရှေ့မှာတင် တန်ခိုးကျင့်စဉ် အဆင့် တစ်ဆင့် တိုးတက်သွား ပါတော့တယ်။</p> <p>အခြေအနေကတော့ တကယ်ကို ထိန်းမရ သိမ်းမရ ဖြစ်သွားပါပြီ...။</p> <p>ဘာတွေလဲဟ။ သားရဲသား စားရုံနဲ့တင် ကျင့်ကြံခြင်းအဆင့် တက်သွားတယ် ဟုတ်လား။</p> <p> </p> <p style="text-align: center;">***</p>


Save