Book List

<h2 style="text-align:center">အခန်း ၂၀၄</h2> <h2 style="text-align:center"> ဝမ်ရှင်းယွဲ့က လှည့်စားဖို့ အရမ်းလွယ်တာပဲ</h2> <h2 style="text-align:center">*</h2> <p> </p> <p> </p> <p>ယာဉ်မောင်းမှာ နေရာမှာတင် အေးခဲသွားလေသည်။</p> <p>လီယီတောင်းမှာမူ ပို၍ ပြင်းထန်သော နာကျင်မှုကို ခံစားလိုက်ရ၏။</p> <p>" လခွီး... ဒီလိုဖြစ်မယ်မှန်း သိရင် ငါ့ကိုယ်ငါ ထိုးလိုက်မှာ မဟုတ်ဘူး... "</p> <p>သူ တိုးတိုးလေး ကျိန်ဆဲလိုက်သည်။</p> <p>တစ်ဖက်လူက ဒီလို အခြေအနေမျိုးမှန်း သူ ကြိုသိခဲ့မယ် ဆိုရင်...</p> <p>တစ်ဖက်လူရဲ့ ပုံရိပ်ကို အေးခဲသွားအောင် လုပ်ပြီး သူ့အသိစိတ်ကို တိုက်စားမခံရအောင် တားဆီးနိုင်မယ်မှန်း သူ သိခဲ့မယ် ဆိုရင်...</p> <p>ဘာလို့ သူ ဒီလို လုပ်ခဲ့ရမှာလဲ...။</p> <p>သူ့ကိုယ်သူ ဓားနဲ့ ထိုးရုံတင် မကဘူး လှည့်တောင် လှည့်လိုက်သေးတယ်...။</p> <p>ပေါင်ကို ဓားမြှောင်နဲ့ အထိုးခံရတာ ဘယ်လောက် နာမလဲ ဆိုတာ စဉ်းစားသာ ကြည့်ပါတော့...။</p> <p>ပြီးတော့ အဲဒီ ဓားမြှောင်ကို ထပ်လှည့်လိုက်တာ... ဘယ်လောက်တောင် နာကျင်လိုက်မလဲ...။</p> <p>သေစမ်း...။</p> <p>ဒါပေမဲ့ အရာအားလုံးက အဆင်ပြေသွားပါပြီ...။</p> <p>အနည်းဆုံးတော့ လီယီတောင်းက ပြိုင်ဘက်ကို ထိန်းချုပ်နိုင်ခဲ့ပြီး သူ့ကိုယ်သူ သေဘေး အန္တရာယ်ကနေ ကာကွယ်နိုင်ခဲ့တယ်လေ...။</p> <p>သို့သော် အကျပ်အတည်းက ယာယီ ပြီးဆုံးသွားပြီဟုသာ ဆိုနိုင်ပေသည်။</p> <p>ဒါပေမဲ့ တကယ့် အန္တရာယ်က ရှိနေတုန်းပဲ...။</p> <p>တခြား ဘာမှ မပြောနဲ့ဦး...။</p> <p>ပတ်ဝန်းကျင်မှာ ရှိနေဆဲ ဖြစ်တဲ့ အတားအဆီးက အကြီးမားဆုံး ခြိမ်းခြောက်မှုပဲ...။</p> <p>အိမ်ထဲမှာ တခြား ဘယ်လို အန္တရာယ်တွေ ပုန်းအောင်းနေသေးလဲ ဆိုတာ ဘယ်သူ သိနိုင်မှာလဲ...။</p> <p>တစ်ဖက်လူက ဒီတစ်ခုတည်း ပြင်ဆင်ထားတာ မဟုတ်ဘူး ဆိုတာကို ရှင်းရှင်းလင်းလင်း ပြောထားပြီးသားလေ...။</p> <p>နောက်ထပ် အချက်တစ်ခုကတော့...</p> <p>လီယီတောင်း သတိထားမိလိုက်တယ်...။</p> <p>ဒီအချိန်မှာ ယာဉ်မောင်းရဲ့ နောက်ကွယ်က ဝမ်ရှင်းယွဲ့ ရဲ့ ဝိညာဉ်က ကွဲပြားနေတယ်...။</p> <p>အရင်ကလို ထုံထိုင်းနေတဲ့ အခြေအနေမျိုး မဟုတ်တော့ဘူး...။</p> <p>သူမရဲ့ မျက်လုံးတွေက ဒေါသတွေ၊ ရူးသွပ်မှုတွေနဲ့ ပြည့်နှက်နေတယ်...။</p> <p>သူမက ယာဉ်မောင်း ရှိတဲ့ နေရာကို စိုက်ကြည့်နေတယ်... အဲဒါတင် မကသေးဘူး... လီယီတောင်းကိုလည်း ဒေါသတကြီး ကြည့်နေတယ်...။</p> <p>သူ တကယ်ကို သံသယ ဝင်မိတယ်...။</p> <p>တကယ်လို့ သူမသာ အခု ရူးသွပ်သွားမယ် ဆိုရင်... သူ့ကိုပါ သေချာပေါက် အတူတူ ခေါ်သွားလိမ့်မယ်...။</p> <p>သေချာတာပေါ့... ဒါက တင်စားပြောတာပါ...။</p> <p>လီယီတောင်း အတွက်ကတော့ သေမင်းဓားသွား စွမ်းရည်နဲ့ ဝိညာဉ် ဖမ်းယူခြင်း စွမ်းရည်တွေ ရှိနေသေးတယ်လေ...။</p> <p>တစ်ဖက်လူက သူ့ကို အန္တရာယ် ပေးချင်ရင်တောင် မဖြစ်နိုင်သေးပါဘူး...။</p> <p>သူ အသက်ပြင်းပြင်း တစ်ချက် ရှူသွင်းလိုက်သည်။</p> <p>သူ့ကိုယ်သူ တည်ငြိမ်အောင် ထိန်းလိုက်၏။</p> <p>" မင်း နာကြည်းနေတယ် ဆိုတာ ငါ သိပါတယ်... "</p> <p>" ဒါပေမဲ့ မင်း နားလည်သင့်တယ်... ဒီယာဉ်မောင်းက သေသင့်တယ် ဆိုရင်တောင် သူ့နောက်ကွယ်က ကြိုးကိုင်ရှင်က ပိုပြီးတော့တောင် သေသင့်သေးတယ်... "</p> <p>" တကယ်လို့ မင်း သူ့ကို အခု သတ်လိုက်ရင်... နောက်ကျရင် တကယ့် လူသတ်သမား အစစ်ကို ရှာပြီး လက်စားချေဖို့ အခွင့်အရေး ရချင်မှ ရတော့မှာ... "</p> <p>လီယီတောင်း၏ တည်ငြိမ်သော စကားများကြောင့် ဝမ်ရှင်းယွဲ့ မှင်သက်သွားလေသည်။</p> <p>ထို့နောက် သူမ၏ မျက်နှာထားက တဖြည်းဖြည်း တည်ငြိမ်လာ၏။</p> <p>တစ်ဖက်လူ၏ မျက်နှာ အမူအရာကို မြင်သောအခါ လီယီတောင်း စိတ်ထဲမှ တိတ်တဆိတ် သက်ပြင်းချလိုက်မိသည်။</p> <p>သူ့စကားတွေ အလုပ်ဖြစ်သွားပြီ ဆိုတာကို သူ သိလိုက်တယ်လေ...။</p> <p>" သတ်... ချန်... "</p> <p>အက်ကွဲပြီး အနည်းငယ် အေးစက်နေသော စကားလုံးများက ဝမ်ရှင်းယွဲ့၏ အသံမှ ထွက်ပေါ်လာလေသည်။</p> <p>သူမ ဘယ်လို စွမ်းရည်မျိုး သုံးနေလဲ ဆိုတာကို လီယီတောင်း စဉ်းစားလို့ မရဘူး...။</p> <p>ဒါပေမဲ့ သူမ စကားတွေရဲ့ နောက်ကွယ်က အဓိပ္ပာယ်ကိုတော့ သူ တကယ် နားလည်ပါတယ်...။</p> <p>ချန်...။</p> <p>သတ်...။</p> <p>အဲဒါ ဘာကို ကိုယ်စားပြုတာလဲ...။</p> <p>အဲဒါ ဝမ်ချန် ပဲ...။</p> <p>စကားများတဲ့ မင်းသားလေးကို ဝမ်ချန် လို့ ခေါ်တာလေ...။</p> <p>သူမ သိတယ်...။</p> <p>သူမ အကုန်လုံးကို သိတယ်...။</p> <p>သူမ သေရတာ ဝမ်ချန် ကြောင့် ဆိုတာကိုလေ...။</p> <p>သူမ ဘာပြောနေလဲ ဆိုတာကို လီယီတောင်း သိပါသည်။</p> <p>သူ့ရဲ့ ယာယီ မစ်ရှင် တစ်ဝက်တောင် ပြီးသွားပြီလေ...။</p> <p>ကျန်တာကတော့ ဝမ်ရှင်းယွဲ့ကို စကားများတဲ့ မင်းသားလေး နဲ့ ဘယ်လို ရင်ဆိုင်ရမလဲ ဆိုတာကို သူ ဘယ်လို ဖျောင်းဖျမလဲ ဆိုတာ အပေါ်မှာပဲ မူတည်တော့တယ်...။</p> <p>အစကတော့ လီယီတောင်း အကျပ်ရိုက်နေခဲ့တာ...။ ဝိညာဉ် တစ်ခုကို သက်ရှိ လူတစ်ယောက်နဲ့ ဘယ်လို ထိပ်တိုက် ရင်ဆိုင်ခိုင်းရမလဲ ဆိုတာကို သူ မသိခဲ့ဘူးလေ...။</p> <p>ဒါပေမဲ့ အခုတော့ သူ နည်းလမ်း တစ်ခု စဉ်းစားမိသွားပြီ...။</p> <p>ငြိမ်ကျနေတဲ့ ယာဉ်မောင်းကို သူ ကြည့်လိုက်တယ်...။</p> <p>သူ့အကြံက ဝမ်ရှင်းယွဲ့ကို ယာဉ်မောင်းရဲ့ ခန္ဓာကိုယ်ထဲ ဝင်ခိုင်းဖို့ပဲ...။</p> <p>ယာဉ်မောင်းကို ထိန်းချုပ်ပြီး သူ့ကို ရင်ဆိုင်ခိုင်းဖို့ပေါ့...။</p> <p>အဲဒီလို ဆိုရင် အရာအားလုံးက ရိုးရှင်းသွားပြီလေ...။</p> <p>ဒါက ယာဉ်မောင်းကို လက်ရှိ ဝိညာဉ်က ထိန်းချုပ်ထားတယ် ဆိုတာ သတိထားမိချိန်မှာ သူ စဉ်းစားမိခဲ့တဲ့ နည်းလမ်း တစ်ခုလည်း ဖြစ်တယ်...။</p> <p>ယာဉ်မောင်းရဲ့ ခန္ဓာကိုယ်ကို တခြားသူတွေ ထိန်းချုပ်နိုင်မှတော့... ဝမ်ရှင်းယွဲ့ လည်းထိန်းချုပ်နိုင်မှာပေါ့...။</p> <p>ဝမ်ရှင်းယွဲ့ ရဲ့ ဝိညာဉ်က သူ့ရဲ့ ဝိညာဉ် စုစည်းခြင်း အောက်မှာ အပြည့်စုံဆုံးနဲ့ အသိဉာဏ် အရှိဆုံး ဝိညာဉ်ပဲလေ...။</p> <p>သေလုဆဲဆဲ လူတစ်ယောက်ရဲ့ ခန္ဓာကိုယ်ကို ထိန်းချုပ်ဖို့ ဆိုတာ တော်တော်လေး လွယ်ကူမှာပါ...။</p> <p>ယာဉ်မောင်းကို သေလုဆဲဆဲ လူတစ်ယောက်လို့ လီယီတောင်း ပြောရတဲ့ အကြောင်းရင်းကတော့ သူ့ကို မြင်မြင်ချင်းမှာတင် စနစ်ရဲ့ အသိပေးချက်ကို ရရှိခဲ့လို့ပဲ...။</p> <p>[ ကတောင်... အရည်အသွေးမြင့် ဖောက်သည်ကို ရှာဖွေတွေ့ရှိပါသည်၊ ID : လီကော့ရှန်း ]</p> <p>[ သေဆုံးမှု အခြေအနေ စစ်ဆေးခြင်း - ယင်စွမ်းအင်၏ ကာလရှည် တိုက်စားမှုကြောင့် ဝိညာဉ် ပြင်းထန်စွာ ထိခိုက်ဒဏ်ရာ ရရှိထားပြီး မကြာမီ သေဆုံးနိုင်ခြေ ၉၉% ]</p> <p>[ လက်ခံသူ အနေဖြင့် ဤအရည်အသွေးမြင့် ဖောက်သည်အား ချက်ချင်း Follow လုပ်ရန် အကြံပြုအပ်ပါသည်။ ]</p> <p>သေဆုံးနိုင်ခြေ ၉၉ ရာခိုင်နှုန်း ဆိုတာ အသက်ရှင်ဖို့ အခွင့်အရေး လုံးဝ နီးပါး မရှိတော့ဘူး ဆိုတဲ့ သဘောပဲ...။</p> <p>အထူး စွမ်းရည် ရှိတဲ့ တစ်ယောက်ယောက်က ဝင်မပါဘူး ဆိုရင်ပေါ့... အဲဒီလိုမှသာ သေဘေး အန္တရာယ်ကနေ လွတ်မြောက်အောင် ကူညီပေးနိုင်မှာ...။</p> <p>ဒါပေမဲ့... တစ်ဖက်လူက သူ့ကို အသုံးချချင်ရုံ သက်သက်လေ... ဒါဆို ဘာလို့ သူ့ကို ကယ်ဖို့ ကြိုးစားနေမှာလဲ...။</p> <p>တကယ်လို့ သူ့ကို ကယ်ချင်တယ် ဆိုရင် သူ့ခန္ဓာကိုယ်ကို ဒီလို ရမ်းကားစွာ ဝင်ရောက် စီးမိုးမှာ မဟုတ်ဘူးလေ...။ ဒါကြောင့် သေလုဆဲဆဲ လူတစ်ယောက် အတွက်တော့ တခြား ဝိညာဉ် တစ်ခု ဝင်ရောက်ဖို့ ဆိုတာ အရမ်း လွယ်ကူမှာပါ...။</p> <p>သူ အရာအားလုံးကို စဉ်းစားတွက်ချက် ပြီးသွားပြီ...။</p> <p>လီယီတောင်း ခဏမျှ စဉ်းစားလိုက်ပြီးနောက် ဝမ်ရှင်းယွဲ့၏ ဝိညာဉ်ကို ထပ်မံ ကြည့်လိုက်လေသည်။</p> <p>၎င်းက သူမ ယာဉ်မောင်းကို အဆုံးသတ်ပစ်မည့် အန္တရာယ်ကို ယာယီ တားဆီးပေးလိုက်၏။</p> <p>" မင်းကို သတ်ဖို့ မင်းယောကျ်ားက သူ့ကို ငှားခဲ့တာ ဆိုတာ မင်း သိတယ် ဆိုကတည်းက မင်းက သိပ်မမိုက်မဲဘူး ဆိုတာကို သက်သေပြနေတာပဲ... "</p> <p>" ဒါပေမဲ့ မင်း မသိတာက မင်းယောကျ်ားက နယ်ရုပ်လေး တစ်ရုပ် သက်သက်ပဲ... "</p> <p>" တကယ်တော့ ဒီအရာ အားလုံးရဲ့ ကြိုးကိုင်ရှင်က မင်းရှေ့မှာတင် ရှိနေတာ... "</p> <p>" ပိုတိတိကျကျ ပြောရရင်... လီကော့ရှန်းရဲ့ ခန္ဓာကိုယ်ထဲမှာ ရှိနေတာ... "</p> <p>" သူတို့က မင်းကို မတော်တဆ သေဆုံးသွားအောင် လုပ်ခဲ့ပြီး... ငါ့ကို ဒီလာအောင် လှည့်စားဖို့ ဒီအရာ အားလုံးကို ဖန်တီးခဲ့ကြတာ... "</p> <p>" ဒါကြောင့်... မင်း လက်စားချေချင်တယ် ဆိုရင် ပထမဆုံး လုပ်ရမှာက သူတို့ကို အရင် ရှင်းပစ်ဖို့ပဲ... "</p> <p>" အဲဒီ နောက်မှ... မင်းရဲ့ အဲဒီ အမှိုက် ယောကျ်ားကို မင်း ရှင်းလို့ ရပြီ... "</p> <p>" နောက်ဆုံးတော့... မင်းကို သေစေခဲ့တဲ့ ဒီရန်သူကို တိုက်ရိုက် ရှင်းပစ်လိုက်... "</p> <p>လီယီတောင်းက စကားလုံး တစ်လုံးချင်းစီကို တည်ငြိမ် အေးဆေးစွာ ပြောလိုက်ခြင်း ဖြစ်၏။</p> <p>သူ့စကားများ၏ ပြတ်သားမှုက ဝမ်ရှင်းယွဲ့ကို မှင်သက်သွားစေလေသည်။</p> <p>အခြေအနေတွေက ဒီလောက်အထိ ရှုပ်ထွေးနေမယ်လို့ သူမ မမျှော်လင့်ထားခဲ့တဲ့ အတိုင်းပဲ...။</p> <p>ထို့နောက်... ဖြစ်နိုင်သည်မှာ လီယီတောင်းက သူမ၏ ဝိညာဉ်ကို စုစည်းပေးခဲ့သောကြောင့် ဖြစ်ပေမည်။</p> <p>ဒါမှမဟုတ် သူမ ကိုယ်တိုင်ကလည်း ဒီအရာ အားလုံး ဖြစ်နိုင်တယ် ဆိုတာကို သဘောပေါက်သွားလို့များလား...။</p> <p>ဒါမှမဟုတ်... သူမက လက်စားချေချင်ရုံ သက်သက်များလား...။</p> <p>ထို့ကြောင့် ဤအခြေအနေများ အောက်တွင် သူမက လီယီတောင်း အခုလေးတင် ပြောခဲ့သည့် စကားများကို ယုံကြည်သွားပုံ ရလေသည်။</p> <p>" လက်... စား... ချေ... မယ်... အကုန်... အကုန်လုံး... သေရမယ်... "</p> <p>ထို့နောက် လီယီတောင်းကို အံ့အားသင့်သွားစေသည့် အရာတစ်ခု ပေါ်လာလေသည်။</p> <p>ဝမ်ရှင်းယွဲ့ ပတ်လည်ရှိ ယင်စွမ်းအင်များက နောက်တစ်ကြိမ် ပိုမို သိပ်သည်းလာပြန်၏။</p> <p>မဟုတ်ဘူး...။</p> <p>လီယီတောင်း ပင်လျှင် စိုးရိမ်ထိတ်လန့်လာလေသည်။</p> <p>ယင်စွမ်းအင် ပမာဏက အရင်ကထက် အဆပေါင်းများစွာ၊ ဒါမှမဟုတ် ဆယ်ဆမက ပိုများနေတယ်...။</p> <p>ဒါက...</p> <p>လီယီတောင်း ဝမ်ရှင်းယွဲ့ကို အဓိပ္ပာယ်ပါပါ တစ်ချက် ကြည့်လိုက်၏။</p> <p>ဒီအမျိုးသမီး...</p> <p>သူမ အသက်ရှင်စဉ် တုန်းက သေချာပေါက် သာမန် မဟုတ်ခဲ့ဘူး...။</p> <p>မဟုတ်ရင် သေပြီးတဲ့ နောက်မှာ ဒီလို ခွန်အားမျိုး ပိုင်ဆိုင်နိုင်မှာ မဟုတ်ဘူး...။</p> <p>အရာအားလုံးမှာ အကြောင်းနဲ့ အကျိုး ဆိုတာ ရှိတယ်လေ...။</p> <p>ယင်စွမ်းအင်များ ပေါက်ကွဲထွက်လာမှုနှင့်အတူ...</p> <p>အစက ယာဉ်မောင်း၏ ခန္ဓာကိုယ်ပေါ်တွင် ရှိနေသော ဝမ်ရှင်းယွဲ့၏ ဆံပင်မည်းများ...</p> <p>ဤအချိန်တွင် တစ်ခုခုက ဆွဲငင်လိုက်သကဲ့သို့ ဖြစ်သွား၏။</p> <p>အဲဒီအစား... ယာဉ်မောင်းရဲ့ ခန္ဓာကိုယ်ထဲကို တိုက်ရိုက် ထိုးဖောက် ဝင်ရောက်သွားတာ...။</p> <p>ဆံပင်မည်းတွေ ထိုးဖောက် ဝင်ရောက်သွားတာနဲ့ အမျှ...</p> <p>ယာဉ်မောင်း၊ ဒါမှမဟုတ် ယာဉ်မောင်းကို ထိန်းချုပ်နေတဲ့ အထူး ဝိညာဉ်ရဲ့...</p> <p>မျက်လုံးတွေထဲမှာ အကြောက်တရားတွေ ပြည့်နှက်သွားတော့တယ်...။</p> <p>ဒီတစ်ခါတော့ သူမရဲ့ အကြောက်တရားက အစစ်အမှန်ပဲ...။</p> <p>ဒါပေမဲ့ ဘယ်လို အခြေအနေပဲ ဖြစ်ဖြစ်...</p> <p>ဒီအရာ အားလုံးရဲ့ နောက်ကွယ်က ကြိုးကိုင်ရှင် အတွက်ကတော့...</p> <p>ဒါက သေချာပေါက် အသေအလဲ ထိုးနှက်ချက် တစ်ခုပဲ...။</p> <p>ဒီလို အခြေအနေမျိုး အောက်မှာ...</p> <p>သူမ ဘယ်လိုလုပ် မကြောက်ဘဲ နေနိုင်မှာလဲ...။</p> <p> </p> <p> </p> <p> </p> <p style="text-align:center">***</p>


Save