Book List

<h2 style="text-align: center;">အခန်း ၂၀၈</h2> <h2 style="text-align: center;">လူတစ်ယောက်ကို အပြင်ပန်းကြည့်ပြီး အကဲဖြတ်လို့ မရဘူးတဲ့လား...</h2> <h2 style="text-align: center;">*</h2> <h2 style="text-align: center;"> </h2> <p> </p> <p>လီယီတောင်းက Live Stream တစ်ခုထဲသို့ ဝင်ရောက်သွားလိုက်သည်။ သူ့ရှေ့ရှိ လူငယ်အမျိုးသမီးကို မြင်လိုက်ရသောအခါ လီယီတောင်း စိတ်မသက်မသာ ဖြစ်သွားရ၏။</p> <p>ဤအမျိုးသမီးမှာ မိခင်တစ်ယောက် ဖြစ်ရန် အလွန် ငယ်ရွယ်လွန်းနေပုံရသည်။</p> <p>သို့သော် သူမက အဖြူထည်လေး တစ်ယောက်တော့ သေချာပေါက် မဟုတ်ပေ။</p> <p>သူမကိုယ်ပိုင် လောကအမြင်၊ ခံယူချက်တွေ ရှိနေမှာတော့ သေချာသည်။</p> <p>လီယီတောင်း ဝင်ရောက်သွားချိန်တွင် ပရိသတ်အချို့က Notification ကို မြင်တွေ့သွားကြလေပြီ။</p> <p>"အစ်ကိုယီတောင်း ရောက်လာပြီဟေ့..."</p> <p>"အစ်ကိုယီတောင်း... အစ်ကိုယီတောင်း... အစ်ကိုယီတောင်း ရောက်လာပြီ..."</p> <p>"အစ်ကိုယီတောင်း... လာပြီး ဒီမိစ္ဆာမကို ခေါ်သွားပေးပါဦး..."</p> <p>"နောက်ဆုံးတော့ တစ်ယောက်ယောက် ထွက်လာပြီပဲ... ငါ ပလက်ဖောင်း အက်ဒမင်ကို တစ်ညလုံး မန်းရှင်း ခေါ်နေတာ၊ သူက လှည့်တောင် မကြည့်ဘူး... ဒါကတော့ လွန်လွန်းတယ်..."</p> <p>"ဘာမှ ထပ်မပြောကြနဲ့တော့... အစ်ကိုယီတောင်း လှုပ်ရှားမယ့် အချိန်ကိုသာ စောင့်နေကြ..."</p> <p>"ဒါနဲ့ အစ်ကိုယီတောင်းရေ... @ယီတောင်းနာရေးဝန်ဆောင်မှု... ခင်ဗျား ဟိုကောင်နဲ့ မျက်နှာချင်းဆိုင် တွေ့မယ်လို့ ပြောထားတယ် မဟုတ်လား... အဲဒီကောင် နေ့လယ်က ခင်ဗျားကို လှောင်နေသေးတယ်... မစ္စဝမ်ကို ဘယ်တော့ သွားရှာပြီး သူ့ကို မျက်နှာချင်းဆိုင် တွေ့ပေးမှာလဲ..."</p> <p>"ဘာတွေ လာပြောနေတာလဲ... ဟိုကောင်က ဘယ်သူလဲ..."</p> <p>"မဟုတ်ဘူးလေ... တကယ်ပြောတာ သူငယ်ချင်း၊ မင်းကတော့ လွန်သွားပြီ... မစ္စဝမ်ကို ပြန်ခေါ်လာပေးရအောင် အစ်ကိုယီတောင်းက နတ်ဘုရား မှတ်နေလို့လား... အစ်ကိုယီတောင်းက သေမင်းတမန်ကွ နားလည်လား... သေမင်းတမန်..."</p> <p>"ဟဲဟဲ... သေမင်းတမန်က အသက်ရှင်နေတဲ့ သူတွေကို မထိန်းချုပ်နိုင်ဘူးလား..."</p> <p>"ကောင်းပြီလေ... မင်းတို့ကောင်တွေက တော်တော် စွမ်းတာပဲ..."</p> <p>"စကားလမ်းကြောင်း မလွှဲကြနဲ့... အစ်ကိုယီတောင်း... မြန်မြန်လေး ဒီအမှိုက်မကို ရှင်းပေးပါဦး... ကျွန်တော်တို့ ဆက်ပြီး သည်းမခံနိုင်တော့ဘူး... ကလေးရဲ့ အမေကလည်း ဆုံးသွားပြီ... အဖေဖြစ်သူကလည်း အရမ်း နာကျင်ခံစားနေရတာ... သူ့ကို အွန်လိုင်းကနေ ထပ်ပြီး အနိုင်ကျင့်တာမျိုး အဖြစ်မခံနိုင်တော့ဘူး..."</p> <p>"ဟုတ်တယ်... ဟုတ်တယ်... အစ်ကိုယီတောင်း... အစ်ကိုယီတောင်း... ဒီအမှိုက် Streamer ကို ပါးစပ်ပိတ်သွားအောင် လုပ်ပေးပါ..."</p> <p>"ဟုတ်တယ်... သူ့ကို ပါးစပ်ပိတ်သွားအောင် လုပ်ပေး..."</p> <p>"ပါးစပ်ပိတ်ထား..."</p> <p>Live ထဲရှိ လူတိုင်းက ဝိုင်းဝန်း ပြောဆိုနေကြသည်။</p> <p>သို့သော်...</p> <p>ထိုအချိန်တွင် 'အရာအားလုံးက အပေါ်ယံတွေပါ' ဆိုသည့် အမျိုးသမီးကတော့ သူမ၏ နက်ရှိုင်းလှသော ထိုးထွင်းသိမြင်မှုများဖြင့် လူတိုင်းကို မမောမပန်းနိုင် ပညာပေးနေဆဲပင်။</p> <p>သူမက ကြီးမားလှသော မတရားမှုများကို ခံစားနေရသည့် ပုံစံမျိုးပင် ဖမ်းထားသေး၏။</p> <p>"ငါနဲ့ ငြင်းနေကြတဲ့ လူတွေ... ငါပြောတာ တစ်ခုခု မှားနေလို့လား..."</p> <p>"ကလေးရဲ့ မိဘတွေက လျော်ကြေးငွေအတွက် ပြဿနာရှာနေတာ မဟုတ်ဘူးဆိုရင်... ဘာလို့ လျော်ကြေးငွေ ပမာဏက သောင်းဂဏန်းကနေ သန်းဂဏန်းအထိ တက်သွားရတာလဲ... ဒါက သာမန်မျက်စိနဲ့ ကြည့်ရင်တောင် သိသာနေတာ မဟုတ်ဘူးလား..."</p> <p>"ပြီးတော့ တိုက်မိတဲ့ ယာဉ်မောင်းမှာလည်း မိသားစု ရှိတယ်လေ... ဒါက မတော်တဆမှု သက်သက်ပါ၊ ဘယ်သူမှ မဖြစ်ချင်တဲ့ မတော်တဆမှုလေ... သေသွားတဲ့သူကလည်း သေသွားပြီပဲ... ဘာလို့ သူများ အနာပေါ် ဆားလာပက်နေကြတာလဲ..."</p> <p>"ငါတို့က သူများ မိသားစုကိုပါ ဖျက်ဆီးပစ်ရမှာလား..."</p> <p>"အမေဖြစ်သူ တိုက်ပေါ်က ခုန်ချသွားတဲ့ ကိစ္စနဲ့ ပတ်သက်ပြီးတော့... ဟဲဟဲ... နည်းနည်းလောက် အစွန်းရောက်ပြီး တွေးကြည့်မယ်ဆိုရင်၊ အဖေဖြစ်သူက သူမကို တွန်းချလိုက်တာ ဖြစ်နိုင်ခြေ သိပ်များတယ်လို့ ငါ ပြောရဲတယ်..."</p> <p>"ဒီအခွင့်အရေးကို အသုံးချပြီး သူက မိန်းမအသစ် တစ်ယောက် ရနိုင်ရုံတင် မကဘူး... ဘယ်သူမှ မသင်္ကာစရာ မလိုဘဲ အများပြည်သူရဲ့ ထင်မြင်ယူဆချက်တွေကိုလည်း သူ လိုသလို ခြယ်လှယ်နိုင်သေးတယ်လေ... တစ်ချိန်တည်းမှာပဲ ကလေးနဲ့ မိန်းမအတွက် လျော်ကြေးငွေ အများကြီး ရနိုင်သလို၊ ပိုငယ်တဲ့ မိန်းမ တစ်ယောက်ကိုလည်း ရှာလို့ရသွားတာပေါ့..."</p> <p>"ငါ ပြောမယ်... အခု အဲဒီ အဖေဖြစ်သူကို သေသေချာချာ စုံစမ်းစစ်ဆေးကြည့်မယ် ဆိုရင်၊ သူ့ဆီမှာ အကြံအစည် တစ်ခုခု သေချာပေါက် ရှိနေမယ်လို့ ငါ ရဲရဲကြီး ပြောရဲတယ်... တချို့ဆို ပစ်မှတ်တောင် ထားပြီးလောက်ပြီ..."</p> <p>"အခုခေတ်မှာ ဒေတာခွဲခြမ်းစိတ်ဖြာမှုတွေက အရမ်း တိုးတက်နေပြီလေ... သူ့ရဲ့ စကားပြောမှတ်တမ်းတွေ အားလုံးကို ဆွဲထုတ်ပြီး စစ်ဆေးကြည့်လိုက်ရင်... သေချာပေါက် ရှင်းရှင်းလင်းလင်း မရှိဘူး ဆိုတာ ငါ အာမခံတယ်..."</p> <p>"အရေးအကြီးဆုံး အချက်က... ဒီလင်မယားက သူတို့ ကလေးအတွက် တရားမျှတမှုကို တကယ် လိုချင်တယ် ဆိုရင်... ဘာလို့ အွန်လိုင်းကနေ လူထုအမြင်ကို အသုံးချနေရတာလဲ... သူတို့ဘာသာ ဓားနဲ့ သွားသတ်လိုက်လို့ ရတာပဲလေ... ပွင့်ပွင့်လင်းလင်း ပြောရရင် သူတို့က ကိစ္စကို ပိုကြီးအောင်လုပ်ပြီး တရားမဝင်တဲ့ အကျိုးအမြတ်တွေကို ရချင်နေကြတာ..."</p> <p>"မင်းတို့ မုန်းတဲ့သူတွေ ငြင်းနေစရာ မလိုဘူး... စောင့်သာ ကြည့်နေကြ... နောက်ဆုံး စုံစမ်းစစ်ဆေးမှု ရလဒ်က ငါတွေးထားတာနဲ့ သေချာပေါက် ထပ်တူကျလာလိမ့်မယ်..."</p> <p>Live ထဲတွင် စကားပြောသံများဖြင့် ပြည့်နှက်နေဆဲပင်။</p> <p>ဒါက လီယီတောင်း ဝင်ရောက်လာပြီးနောက် 'အရာအားလုံးက အပေါ်ယံတွေပါ' ဟု အမည်ရသော အမျိုးသမီး၏ Live ထဲမှ အော်ဟစ်ပေါက်ကွဲမှုများပင် ဖြစ်သည်။</p> <p>တစ်ဖက်လူ၏ စကားများကို ကြားလိုက်ရသောအခါ လီယီတောင်း မသိစိတ်က မျက်မှောင်ကြုတ်သွားမိသည်။</p> <p>' ဒါက နောက်နေတာလား... ' ဟု သူ တွေးလိုက်မိ၏။</p> <p>သူ၏ မျက်နှာအမူအရာက တဖြည်းဖြည်း တည်ငြိမ် လေးနက်လာသည်။</p> <p>' ဒီလို အတွေးအခေါ်မျိုးက ဘယ်လိုလုပ် ဖြစ်လာရတာလဲ... ဒီအမျိုးသမီးရဲ့ တွေးခေါ်ပုံက ဘာလို့ သာမန်လူ တစ်ယောက်နဲ့ ဒီလောက်တောင် ကွာခြားနေရတာလဲ... ဒါက သာမန်လူ တစ်ယောက်မှာ ရှိသင့်တဲ့ စိတ်ဓာတ်မျိုးလား... '</p> <p>လီယီတောင်း အတွေးနက်နေစဉ်မှာပင်...</p> <p>ရုတ်တရက်၊ စနစ်၏ သတိပေးချက်က သူ၏ ခေါင်းထဲသို့ ဝင်ရောက်လာ၏။</p> <p>လီယီတောင်း ကြောင်အသွားသည်။</p> <p>သူ စဝင်လာတုန်းက သေဆုံးမည့် သတိပေးချက် မရှိခဲ့ပေ။</p> <p>အခုတော့...</p> <p>သေဆုံးနိုင်ခြေ ၁၀၀% တဲ့လား...</p> <p>မတော်တဆ ကားတိုက်မှု...</p> <p>မသိတဲ့လူတွေကတော့ သူကပဲ ဒီအမျိုးသမီးကို တကယ် လိုက်သတ်တော့မယ်လို့ ထင်သွားကြလိမ့်မည်။</p> <p>"ဟူး... ဒီ Follow လုပ်ရတာက သိပ်တော့ မလွယ်လှဘူးပဲ..." လီယီတောင်းက တီးတိုး ရေရွတ်လိုက်သည်။</p> <p>သို့သော် သူ၏ လက်ချောင်းလေးများက Follow ခလုတ်ကို နှိပ်ရန် တွန့်ဆုတ်မနေခဲ့ပေ။</p> <p>ထို့နောက် ကွန်မန့်ဘောက်စ်ကို ဖွင့်ကာ စာကြောင်းအချို့ကို ရိုက်ထည့်လိုက်သည်။</p> <p>"လူတစ်ယောက်ကို အပြင်ပန်းကြည့်ပြီး အကဲဖြတ်လို့ မရဘူး..."</p> <p>သူက မက်ဆေ့ချ် တစ်ခုကိုလည်း ထုံးစံအတိုင်း ချန်ထားခဲ့သေး၏။</p> <p><strong>“ သေဆုံးသွားမှာကို မပူပါနဲ့၊ လီယီတောင်းက သင့်ကို လိုက်ပို့ပေးပါမယ်။ ဝန်ဆောင်မှု အပြည့်အစုံနဲ့မို့ သင့် မိသားစုဝင်တွေ စိတ်အေးချမ်းစေဖို့ အာမခံပါတယ်။ ကြိုတင် ဘိုကင် လုပ်မယ်ဆိုရင် ၅၀% လျှော့ဈေး ရမယ်နော်... “</strong></p> <p>ထို့နောက် လီယီတောင်းက Live မှ ထွက်ပြီး အနည်းငယ် အိပ်ချင်လာသဖြင့် ခဏလောက် အိပ်ရန် စီစဉ်လိုက်၏။</p> <p>နောက်တစ်နေ့တွင် သူ့အတွက် ကိစ္စဘယ်နှစ်ခု စောင့်ကြိုနေမည်မှန်း သူ မသိပေ။</p> <p>'အရာအားလုံးက အပေါ်ယံတွေပါ' ဆိုသည့် အမျိုးသမီးနှင့် ပတ်သက်ပြီးတော့...</p> <p>' တောင်းပန်ပါတယ်၊ ငါ မင်းကို မသိဘူး... မင်းကို Follow လုပ်တာက ငါနဲ့ ဘာမှ မဆိုင်ဘူး... ဒါက စနစ်ရဲ့ ပြဿနာပဲ... မင်း သတ္တိရှိရင် စနစ်ကို သွားပြောချေ... ' ဟု သူ တွေးလိုက်သည်။</p> <p>သို့သော်...</p> <p>လီယီတောင်း Follow လုပ်ပြီး Live မှ ထွက်သွားသည်နှင့် တပြိုင်နက်...</p> <p>Live တစ်ခုလုံး ရုတ်ရုတ်သဲသဲ ဖြစ်သွားလေတော့သည်။</p> <p>"လခွမ်း... အစ်ကိုယီတောင်း တကယ် လာပြီး Follow သွားတာလား..."</p> <p>"လခွမ်း... ငါ တကယ် ရူးတော့မယ်... ဒါက ဘယ်လို နတ်ဘုရားမျိုးလဲဟ..."</p> <p>"ဟားဟား... လူတစ်ယောက်ကို အပြင်ပန်းကြည့်ပြီး အကဲဖြတ်လို့ မရဘူးတဲ့... ကောင်းတယ်... ပြောတာ အရမ်း ကောင်းတယ်... တကယ် ကောင်းတယ်..."</p> <p>"တချို့လူတွေရဲ့ နှလုံးသားက လုံးဝကို ညစ်နွမ်းနေကြတာပဲ..."</p> <p>"တကယ်ကို အောက်တန်းကျလွန်းတယ်... သူတို့ကို ရှင်းပစ်လိုက်..."</p> <p>"ဒါနဲ့... ဒီအမှိုက်မက အခုထိ ဒီမှာ အီးပေါက်နေတုန်းပဲ... သူက အစ်ကိုယီတောင်းရဲ့ comment ကို မမြင်ဘူးလား..."</p> <p>"မဖြစ်နိုင်တာ... သူ မမြင်ဘူးလား... တကယ်ကြီးလား... ငါတို့ ပို့နေတဲ့ comment တွေကို သူ မမြင်ရဘူးလား..."</p> <p>"ဒါနဲ့ စကားမစပ်... သူမက ပြောဖို့ပဲ အာရုံစိုက်နေပြီး Live က comment တွေကို ဂရုမစိုက်တာများလား..."</p> <p>"ဟင်... သူမက အဲဒီလောက်တောင် မာနကြီးတာလား... မဖြစ်နိုင်ပါဘူးနော်..."</p> <p>"တောက်... သူမကို တိုက်ရိုက်စာပို့ပြီး ဘယ်လိုဖြစ်သွားမလဲ ဆိုတာ ကြည့်ရအောင်..."</p> <p>"အာ... ဒါ အကြံကောင်းပဲ... သူမဆီ တိုက်ရိုက်စာပို့ကြမယ်..."</p> <p>"ဟုတ်တယ်... ဟုတ်တယ်... သူမ ဘယ်လို မျက်နှာအမူအရာမျိုး ဖြစ်သွားမလဲ ဆိုတာ ကြည့်ကြရအောင်..."</p> <p>Live ထဲတွင် ဆူညံပွက်လောရိုက်သွားလေသည်။</p> <p>လူတိုင်းက သူမထံသို့ တိုက်ရိုက်စာများ အဆက်မပြတ် ပို့ကြသောအခါ...</p> <p>ရုတ်တရက်...</p> <p>Live ထဲရှိ 'အရာအားလုံးက အပေါ်ယံတွေပါ' ဆိုသည့် အမျိုးသမီးက ခေတ္တမျှ ကြောင်အသွားသည်။ ထို့နောက် သူမက လက်လှမ်းကာ ဖန်သားပြင်ကို နှစ်ချက် ပုတ်လိုက်၏။ သူမ မက်ဆေ့ချ်များကို ဖတ်နေသည်မှာ သိသာလှသည်။</p> <p>ငါးစက္ကန့်ခန့် ကြာပြီးနောက်...</p> <p>သူမ၏ မျက်နှာတွင် အထိတ်တလန့် ဖြစ်နေသည့် လက္ခဏာများကို ရှင်းလင်းစွာ မြင်တွေ့လာရသည်။</p> <p>သူမက ဖုန်းကို အသည်းအသန် နှိပ်ကာ ဖန်သားပြင်ပေါ်တွင် အထက်အောက် ပွတ်ဆွဲနေ၏။</p> <p>အင်တာနက် အသုံးပြုသူ အများစု၏ ခန့်မှန်းချက်က မှန်ကန်နေလေပြီ။</p> <p>ဤအမှိုက်မက ဝင်လာသည့် comment များကို ပိတ်ထားပြီး ပြောချင်ရာပြော ပေါက်ကွဲနေခဲ့ခြင်းပင်။</p> <p>ဒါက ဘာသဘောလဲ။</p> <p>' မင်းတို့ ငါ့ကို ဆဲချင်ဆဲ... ငါကတော့ မမြင်ရဘူး... ငါ့ဘာသာငါ ဆက်ပြီး ပြောနေမှာပဲ... ' ဆိုသည့် သဘောမျိုးလား။</p> <p>လခွမ်း...</p> <p>ဒီလိုလူမျိုးက ဘယ်လိုလုပ် ဒီလောက်တောင် မျက်နှာပြောင်တိုက်နိုင်ရတာလဲ။</p> <p>မဟုတ်သေးဘူး...</p> <p>သူမက မျက်နှာပြောင်တိုက်တယ်လို့ ပြောလို့ မရဘူး...။</p> <p>သူမက တကယ့်ကို အမှိုက်မလို့ ပြောရမည်။</p> <p>လခွမ်းတဲ့မှပဲ...</p> <p>အကယ်၍ လီယီတောင်းသာ ယခုအချိန်ထိ ရှိနေသေးလျှင် သေမင်းတမန်၏ ဓားကို ပစ်လွှတ်လိုက်လောက်ပြီ မဟုတ်ပါလား။</p> <p>သူမ၏ မျက်လုံးများထဲရှိ ထိတ်လန့်နေမှုများကို မြင်လိုက်ရသောအခါ...</p> <p>Live ထဲရှိ ပရိသတ်များက စိတ်လှုပ်ရှားလာကြသည်။</p> <p>"သူမ လန့်သွားပြီ... သူမ လန့်သွားပြီ..."</p> <p>"လခွမ်း... သူမက တကယ် မျက်နှာပြောင်တိုက်တာပဲ... သူမရဲ့ အပြုအမူကို ကြည့်ပါဦး... ခုနက အချိန်ကိုက် comment တွေကို တကယ် မဖွင့်ထားဘူးလား..."</p> <p>"ဟဲဟဲ... ဒါက တကယ်ကို ရယ်စရာကောင်းလွန်းတယ်... ဒီလို အမှိုက်မျိုး... ငါ တကယ် အံ့သြသွားပြီ..."</p> <p>"မြန်မြန် သေလိုက်တော့... အစ်ကိုယီတောင်း... ခင်ဗျားဆီမှာ အမြန်ချောပို့ ရှိလား... သူမကို ချက်ချင်း သေမင်းဆီ ပို့ပစ်လိုက်နိုင်တဲ့ ဟာမျိုးလေ..."</p> <p>"ဟုတ်တယ်... အရေးပေါ် အမြန်ချောပို့ အတွက် ပိုက်ဆံ စုကြစို့... သူမက Live ရဲ့ အချိန်ကိုက် comment တွေကို တကယ် ပိတ်ထားတာပဲ... ဒါဆို ခုနက ဘာလို့ အပြန်အလှန် စကားပြောနေသလို ဟန်ဆောင်နေရတာလဲ... တောက်..."</p> <p>"ငါကတော့ ဒီမှာ အရူးလို သူမနဲ့ အပြန်အလှန် စကားပြောနေတာ... လခွမ်း... ငါ့ကို ဒေါသထွက်အောင် လုပ်နေတာပဲ..."</p> <p>"သေလိုက်ပါတော့... လခွမ်း..."</p> <p>Live ထဲရှိ လူတိုင်းက သူမကို ဝိုင်းဆဲနေကြသည်။</p> <p>Live ထဲရှိ လူများက ရူးသွပ်မတတ် ဝေဖန်ရှုတ်ချနေကြသဖြင့် 'အရာအားလုံးက အပေါ်ယံတွေပါ' လည်း ကြောင်အမ်းအမ်း ဖြစ်နေ၏။</p> <p>သူမက စကား နည်းနည်းလောက် ပြောရုံလေးပါ... ဘယ်လိုလုပ်ပြီး သေမင်းတမန် အစ်ကိုယီတောင်းကို ဆွဲဆောင်မိသွားရတာလဲ။</p> <p>ယခုအခါ သူမ၏ ရင်ထဲတွင် ကြောက်ရွံ့မှုများဖြင့် ပြည့်နှက်နေလေပြီ။</p> <p>သူမ ပိုတွေးမိလေ၊ ပို၍ ထိတ်လန့်လာလေပင်။</p> <p>နောက်ဆုံးတွင် သူမ ဆုံးဖြတ်ချက် တစ်ခု ချလိုက်သည်။</p> <p>ဆေးရုံသွားမယ်...</p> <p>ဆေးရုံကသာ မျှော်လင့်ချက် ရောင်ခြည်လေးတစ်ခု ပေးစွမ်းနိုင်သည် မဟုတ်ပါလား။</p> <p>ဒါက အင်တာနက်ပေါ်ရှိ သေမင်းတမန်၏ ရောက်ရှိလာမှုကို ရင်ဆိုင်ရန် အများဆုံး အသုံးပြုကြပြီး၊ အောင်မြင်နိုင်ခြေ အများဆုံး နည်းလမ်းပင် ဖြစ်သည်။</p> <p>အင်တာနက်ပေါ်တွင် အစ်ကိုယီတောင်းကို ရည်ရွယ်သည့် မီးမ် (Memes) များ တစ်ခုနှစ်ခုမက ရှိနေပြီ မဟုတ်ပါလား။</p> <p>ဥပမာအားဖြင့် သေမင်းတမန်ထံမှ လွတ်မြောက်ရန် နည်းလမ်း ၂၄ သွယ်၊ ကံကြမ္မာကို ပိတ်ဆို့ထားသည့် ကြီးမားသော အတားအဆီး ၈ ခု၊ အစ်ကိုယီတောင်း၏ သေခြင်းတရား သတိပေးချက်မှ ရှောင်ရှားနည်း လက်စွဲစာအုပ် စသည်ဖြင့်...။</p> <p>ဒီလို ဆန်းသစ်တဲ့ အကြံဉာဏ်တွေ ရှိတဲ့ လူတွေက ဘယ်သူတွေလဲ ဆိုတာ ဘယ်သူသိမှာလဲ။</p> <p>ဘာပဲဖြစ်ဖြစ်...</p> <p>ယခုအချိန်တွင် အစ်ကိုယီတောင်းနှင့် ပတ်သက်သမျှ အရာအားလုံးက တကယ်ကို ရေပန်းစားနေလေသည်။</p> <p>အစ်ကိုယီတောင်းက ယခုအခါ အကျော်ကြားဆုံး ပုဂ္ဂိုလ်တစ်ဦး ဖြစ်လာလုနီးပါး ဖြစ်နေပြီဟု ဆိုရပေမည်။</p> <p>ဒါက အွန်လိုင်းဆယ်လီ လို့ ခေါ်တာပဲ...။</p> <p>သေချာတာပေါ့... သူလို အွန်လိုင်းဆယ်လီက သာမန် နာမည်ကြီးမျိုး မဟုတ်ဘူးလေ...။</p> <p>သူက လူတစ်ယောက်ရဲ့ အသက်ရှင်ခြင်း၊ သေဆုံးခြင်းကို ဆုံးဖြတ်ပေးနိုင်တဲ့ အွန်လိုင်းဆယ်လီ တစ်ယောက်ပဲ...။</p> <p>နံနက်ခင်း နေရောင်ခြည်က နာရေးဝန်ဆောင်မှုဆိုင်လေး၏ အခန်းထဲသို့ ထိုးဖောက် ဝင်ရောက်လာသည်။</p> <p>လီယီတောင်း နိုးလာချိန်တွင် မနက် ရှစ်နာရီ ကျော်နေလေပြီ။</p> <p>တကယ်တော့ သူက အပြင်ဘက်မှ ဆူညံသံအချို့ကို ကြားလိုက်ရသဖြင့်သာ ထလာခဲ့ခြင်း ဖြစ်သည်။</p> <p>သူ အခန်းထဲမှ ထွက်လာခဲ့၏။</p> <p>အံ့သြစရာကောင်းလောက်အောင် သဟဇာတဖြစ်နေသော မြင်ကွင်းတစ်ခုကို သူ မြင်တွေ့လိုက်ရသည်။</p> <p>အင်း... သဟဇာတဖြစ်တယ် ဆိုတာက...</p> <p>ကျိုးရှုရီ၊ လီရှင်းထင်နဲ့ လီကော့ရှန်း...</p> <p>သူတို့သုံးယောက်က ထမင်းစားခန်းထဲမှာ အတူတူ ထိုင်ပြီး မနက်စာ စားနေကြတာလေ။</p> <p>မနက်စာက ရိုးရှင်းပါသည်။ ဆန်ပြုတ်၊ အီကြာကွေးနဲ့ အရံဟင်း နည်းနည်း ပါသည်။</p> <p>ပုံမှန် မနက်စာ တစ်ခုသာ ဖြစ်၏။</p> <p>သို့သော် အခန်းထဲရှိ လေထုက ပုံမှန်မဟုတ်ဘဲ ထူးဆန်းနေပြီး၊ အလွန်တရာ တိတ်ဆိတ် ငြိမ်သက်နေ၏။ မည်သည့် စကားပြောသံမှ မကြားရဘဲ၊ အားလုံး ဝါးစားနေသည့် အသံများကိုသာ ကြားနေရသည်။</p> <p>လီယီတောင်း မြင်နေရသည့် လီကော့ရှန်းပင်လျှင် တစ်လုတ်ချင်း ဖြည်းဖြည်းချင်း စားနေ၏။</p> <p>ဒါနဲ့ စကားမစပ်...</p> <p>သူ တကယ် စားလို့ ရရဲ့လား...။</p> <p>"အစ်ကိုယီတောင်း... နိုးပြီလား... ဒါ ရှင့် ဝေစုလေ... ပူနေတုန်းပဲ... ပူတုန်းလေး စားလိုက်ဦး..."</p> <p>ပြောလိုက်သူမှာ လီရှင်းထင် ဖြစ်၏။</p> <p>ကျိုးရှုရီကတော့...</p> <p>အင်း... သူမက တချိန်လုံး ခေါင်းမဖော်ဘဲ ငေးငိုင်နေပုံရသည်။</p> <p>လီယီတောင်းက ခေါင်းကို အသာညိတ်ပြလိုက်ပြီး မနက်စာ ယူကာ စတင် စားသောက်လိုက်သည်။</p> <p>လီယီတောင်း ပါဝင်လာသဖြင့် အခန်းထဲရှိ လေထုက ထိုမျှလောက် မထူးဆန်းတော့ပေ။</p> <p>သို့သော် အနည်းငယ် လျော့ကျသွားရုံမျှသာ...။</p> <p>အကြပ်အတည်း ဖြစ်နေသည့် လေထုကတော့ ကျန်ရှိနေဆဲပင်။</p> <p>လီရှင်းထင် စားနေစဉ်တွင် သူမ၏ မျက်လုံးများက လီကော့ရှန်းနှင့် ကျိုးရှုရီ ကြားတွင် မသိမသာ ကူးချည်သန်းချည် ဖြစ်နေ၏။</p> <p>ရိုးရိုးသားသား ပြောရလျှင် သူမ တကယ် စပ်စုချင်နေမိသည်။</p> <p>ဘာကြောင့်များ ကျိုးရှုရီက မနက်စောစောစီးစီး လီကော့ရှန်းကို အတူတူ မနက်စာ စားဖို့ ခေါ်လိုက်ရတာလဲ။</p> <p>သူတို့က ရန်သူတွေ ဖြစ်သင့်တာ မဟုတ်ဘူးလား။</p> <p>လီကော့ရှန်းဆီမှာ ထူးခြားချက် တစ်ခုခု ရှိနေရမည် ဆိုသည်ကိုတော့ သူမ သိသည်။ ဒါက လီယီတောင်း တစ်ခုခု လုပ်ထားတာ သေချာသည်။</p> <p>သို့သော် ယခု လီကော့ရှန်းမှာ ဝမ်ရှင်းယွဲ့ ဖြစ်နေသည်ဟု သူမ စိတ်ကူးနှင့်ပင် မတွေးကြည့်နိုင်ပေ။</p> <p>ကျိုးရှုရီကတော့ ဤအကြောင်းကို သေချာပေါက် ထုတ်ပြောမည် မဟုတ်ပေ။ အစ်ကိုယီတောင်း အတွက်ကတော့...</p> <p>သူလည်း သေချာပေါက် ပေါ့ပေါ့ဆဆ ပြောပြမည် မဟုတ်ချေ။</p> <p>ထိုသို့ဖြင့် အနေရခက်သော မနက်စာ အချိန်လေး ပြီးဆုံးသွားလေသည်။</p> <p>သူတို့ အနည်းငယ် နာရေးဝန်ဆောင်မှုဆိုင်၏ ဧည့်ခန်းထဲတွင် ထိုင်နေကြပြီး၊ လေထုက တစ်ဖန် ပြန်လည် တိတ်ဆိတ် သွားပြန်၏။</p> <p>လီယီတောင်းက ဝမ်ရှင်းယွဲ့ကို ဘေးခန်းသို့ အရင် ပြန်သွားစေချင်သည်။</p> <p>သို့မဟုတ် ကျိုးရှုရီနှင့် လီရှင်းထင်တို့ကို အပြင်ထွက် လမ်းလျှောက်ရန် သူ တောင်းဆိုသင့်သည်။ သို့သော် ကျိုးရှုရီက မျက်လုံးထောင့်မှနေ၍ လီကော့ရှန်းကို ခိုးကြည့်နေသည်ကို မြင်လိုက်ရသောအခါ...</p> <p>သူ လက်လျှော့လိုက်သည်။</p> <p>ဝမ်ရှင်းယွဲ့၏ ဝိညာဉ်က အချိန် မည်မျှကြာအောင် တောင့်ခံနိုင်မည်ကို သူ မသိပေ။</p> <p>ရေရှည် ဝိညာဉ် ဝင်ပူးခြင်းက စွမ်းအင် အများအပြားကို သေချာပေါက် ကုန်ဆုံးစေမည် ဖြစ်သည်။</p> <p>သူမ ဘယ်လောက်ကြာကြာ တောင့်ခံနိုင်မလဲ ဆိုသည်ကတော့ ဝမ်ရှင်းယွဲ့၏ လက်ရှိ အခြေအနေပေါ်တွင်သာ မူတည်ပေလိမ့်မည်။</p> <p>သို့သော် ဒါက ရာသက်ပန်တော့ မဟုတ်ဘူး ဆိုတာကို လီယီတောင်း သိနေ၏...။</p> <p>အကြပ်အတည်း ဖြစ်နေသည့် လေထုထဲတွင် အချိန်တွေက နှေးကွေးစွာ ကုန်ဆုံးသွားသည်။</p> <p>မကြာမီ နေ့လယ်ဘက်သို့ ရောက်ရှိလာ၏။</p> <p>ထိုအချိန်တွင်...</p> <p>နာရေးဝန်ဆောင်မှုဆိုင် အပြင်ဘက်၌...</p> <p>အနက်ရောင် ကားတစ်စီး ထိုးရပ်လာသည်။</p> <p>လူလတ်ပိုင်းအရွယ် အမျိုးသားတစ်ဦး ကားပေါ်မှ ဆင်းလာ၏။</p> <p>ယခင်က လီယီတောင်းနှင့်အတူ လိုက်ပါလာခဲ့သည့် ခေါင်းဆောင်မှာမူ ယခုအခါ ထိုလူလတ်ပိုင်း အမျိုးသား၏ နောက်မှ လိုက်ပါလာသည်။</p> <p>လီယီတောင်း နားလည်ထားသလောက် မူလ ခေါင်းဆောင်၏ အဆင့်အတန်းက အတော်လေး မြင့်မားနေပြီ ဖြစ်သည်။</p> <p>ယခုမူ ထိုလူလတ်ပိုင်း အမျိုးသား၏ နောက်တွင် ရိုရိုသေသေ လိုက်ပါလာသည်ကို တွေ့ရ၏။</p> <p>ဒါ ဘာကို ဆိုလိုတာလဲ။</p> <p>ဒီလူလတ်ပိုင်း အမျိုးသားရဲ့ အဆင့်အတန်း ဘယ်လောက်မြင့်လဲ ဆိုတာကို ပြသနေတာပဲ...။</p> <p>ဒါက သာမန်တော့ သေချာပေါက် မဟုတ်ဘူး...။</p> <p> </p> <p> </p> <p style="text-align: center;">***</p>


Save