Book List

<h2 style="text-align: center;">Chapter 7</h2> <h2 style="text-align: center;">မဟာရှ ကမ္ဘာကြီး သို့ ပြန်လည် ရောက်ရှိခြင်း</h2> <h2 style="text-align: center;">*</h2> <p> </p> <p> </p> <p>ဂျူဟွာရဲ့ နှလုံးသားအင်အားဟာ စတုတ္ထ အဆင့်ကို ရောက်ရှိနေပါပြီ။ အဲဒါက အဆုံးအစမရှိဘူး လို့ မဆိုနိုင်ပေမဲ့၊ သေချာပေါက်ကို အလွန် ကျယ်ပြန့် ကြီးမားလှပါတယ်။ ဂျူဟွာ ဟာ သူ့ရဲ့ နှလုံးသားအင်အား အပြည့်အဝ ကို အသုံးပြုပြီး အဓိက ကမ္ဘာကြီး တစ်ခုလုံးကို လွှမ်းခြုံထားနိုင်ပါတယ်။ ဒါက စတုတ္ထ အဆင့်မှာ ရှိတဲ့ နှလုံးသားအင်အား ဟာ ဘယ်လောက်တောင် အစွမ်းထက်လဲ ဆိုတာကို ပြသနေတာပါပဲ။</p> <p> </p> <p>ဒါပေမဲ့၊ ဒီ ကြေးမုံ ဟာ အောက်ခြေမရှိတဲ့ တွင်းနက်ကြီး တစ်ခုလိုပါပဲ။ ဂျူဟွာ က နှလုံးသားအင်အား တွေ ဘယ်လောက်ပဲ အများကြီး ထည့်သွင်း ထည့်သွင်း၊ အဲဒါက လုံးဝကို စုပ်ယူသွားပြီး၊ အဲဒီအစား သူ့ရဲ့ အစွန်းနားလေးက မှော်သင်္ကေတ သေးသေးလေး တစ်ခုကိုပဲ တောက်ပ လာစေပါတယ်။</p> <p> </p> <p>အချိန် အတော်ကြာတဲ့ အခါမှာတော့၊ ဂျူဟွာ ဟာ သူ့ရဲ့ နှလုံးသားအင်အား ကုန်ဆုံးမှု က ရှစ်ဆယ် ရာခိုင်နှုန်းထက် ကျော်လွန်သွားပြီ ဆိုတာကို ခံစားလိုက်ရပါတယ်။ ဘာတုံ့ဆိုင်းမှုမှ မရှိဘဲ၊ ချက်ချင်း ရပ်တန့်လိုက်ပါတော့တယ်။</p> <p> </p> <p>"ငါ့ရဲ့ နှလုံးသားအင်အား က စတုတ္ထ အဆင့်မှာ ရှိတာတောင်၊ ငါ့ နှလုံးသားအင်အား ရဲ့ ရှစ်ဆယ် ရာခိုင်နှုန်း ကို သုံးလိုက်ရတယ်။ ဒီ ကြေးမုံထောင့်က မှော်သင်္ကေတလေး တစ်ခုကိုပဲ တောက်ပလာစေနိုင်တယ်"</p> <p> </p> <p>ဒီအချိန်မှာတော့၊ ဂျူဟွာ ဟာ စိတ်ပျက်မှု ကို မခံစားရဘဲ၊ စိတ်လှုပ်ရှားမှုကို ခံစားလိုက်ရပါတယ်။ ဒီ ကြေးမုံ ဟာ နတ်ဘုရား စွမ်းအားကို သိုလှောင်ထားနိုင်တဲ့ ထူးခြားတဲ့ ရတနာ တစ်ခု သက်သက် မဟုတ်ပါဘူး။ သူ့အထဲမှာ ကြီးမားတဲ့ လျှို့ဝှက်ချက် တစ်ခု ရှိနေပါပြီ</p> <p> </p> <p>ဒီ လျှို့ဝှက်ချက် က ဘာလဲ ဆိုတာကိုတော့၊ အဲဒီ မှော်သင်္ကေတတွေ အားလုံး တောက်ပလာတဲ့ အချိန်ကျမှပဲ သူ သိနိုင်လောက်ပါမယ်။</p> <p> </p> <p>"ဒါက ရေရှည် စီမံကိန်း တစ်ခုပဲ။ ငါ လောလို့ မရဘူး၊ ဖြည်းဖြည်းချင်းပဲ လုပ်ရမယ်။"</p> <p> </p> <p>ဂျူဟွာ က ဆုံးဖြတ်ချက် ချလိုက်ပြီးနောက်၊ မတ်တပ်ရပ်ကာ အိမ်ထဲကို ဝင်သွားပါတော့တယ်။</p> <p> </p> <p>ဒီအချိန်မှာ၊ ကျုံးမု က အိမ်ထဲမှာ စာဖတ် နေပါတယ်။ ဂျူဟွာ ဝင်လာတာကို မြင်တော့၊ သူမက ချက်ချင်းပဲ မေးလိုက်ပါတယ်။</p> <p> "ယောကျ်ား... သွားတော့မလို့လား"</p> <p> </p> <p>"ဘာလဲ၊ ဇနီးလေးက ဒီနေရာကနေ မထွက်သွားချင်လို့လား"</p> <p> </p> <p>ဂျူဟွာ က ပြုံးပြီး မေးလိုက်ပါတယ်။</p> <p> </p> <p>"ဘယ်လိုလုပ် ဖြစ်နိုင်မှာလဲ"</p> <p> </p> <p>ကျုံးမု က ခေါင်းခါလိုက်ပါပြီ။ အဲဒီနောက် သူမကဆက်ပြောလိုက်ပါတယ်။</p> <p>"ကျွန်မ ဒီမှာ နေလာတာ ရှစ်နှစ် ကျော်ပြီ၊ အပြင်တောင် သိပ်မထွက်ရသေးဘူးလေ။"</p> <p> </p> <p>"ဟားဟား... ပြီးခဲ့တဲ့ ရှစ်နှစ် အတွင်း ဇနီးလေး ရဲ့ ကြိုးစားကျင့်ကြံ အားထုတ်နေမှု တွေကို၊ ကိုယ် အကုန်လုံး မြင်တွေ့ခဲ့ပါတယ်။"</p> <p> </p> <p>ဂျူဟွာ က ပြုံးလိုက်ပါတယ်။ အဲဒီနောက် သူက သိုလှောင်ခန်း မှော်ရတနာ တစ်ခုကို ထုတ်ယူပြီး ကျုံးမု ကို ကမ်းပေးလိုက်ပါပြီ။</p> <p> </p> <p>"ဒါက။"</p> <p> </p> <p>ကျုံးမု က ဂျူဟွာ ကို အနည်းငယ် ဝေဝေဝါးဝါး ဖြစ်စွာနဲ့ ကြည့်လိုက်ပါတယ်။</p> <p> </p> <p>"ဇနီးလေး မေ့သွားပြီလား။ ဒါက ကောင်းကင်မီးလျှံ ကောင်းကင်အင်မော်တယ် ပေးထားတဲ့ လျော်ကြေးလေ။"</p> <p> </p> <p>ဂျူဟွာ က ပြုံးပြီး ပြောလိုက်ပါတယ်။</p> <p> </p> <p>"ယောကျ်ား က မင်းအတွက် ရှစ်နှစ်တိုင်တိုင် သိမ်းထားပေးခဲ့တာ၊ အခုတော့ မင်းကို ပေးရမယ့် အချိန် ရောက်ပြီ။"</p> <p> </p> <p>"ဘာလို့ အခုမှလဲ"</p> <p> </p> <p>ကျုံးမု အနည်းငယ် ဇဝေဇဝါ ဖြစ်သွားပါတယ်။ အဲဒီနောက် သူမက သိုလှောင်ခန်း မှော်ရတနာ ကို သူမရဲ့ နတ်ဘုရား အာရုံနဲ့ စစ်ဆေးကြည့်လိုက်တဲ့ အခါ၊ အံ့အားသင့် သွားပါတော့တယ်။</p> <p> </p> <p>သိုလှောင်ခန်း မှော်ရတနာ ထဲမှာ အရည်ဖွဲ့ ဓာတ်စွမ်းအင် အမြုတေတွေနဲ့ ဖွဲ့စည်းထားတဲ့ ရေကန်ငယ်လေး တစ်ခု ရှိနေပါတယ်။ အဲဒါ တစ်ခုတည်း ဆိုရင်တော့ ကိစ္စ မရှိပေမဲ့၊ ရေကန်ငယ်လေး ရဲ့ အထက်မှာ သေမျိုးအဆင့် အထွတ်အထိပ်ကနေ အင်မော်တယ် အဆင့် အထွတ်အထိပ်အထိ အဖိုးတန် ရတနာ အမျိုးမျိုး ရှိနေပြီး၊ စိတ်ကူးလို့ ရနိုင်တဲ့ အရာ အားလုံး နီးပါး ရှိနေတာပါ။</p> <p>(စာကြွင်း - မှော်ရတနာ အဆင့်သတ်မှတ်ချက်လေး ရှင်းပြပါမယ်။ ဟိုတျန် အဆင့်မှာ သာမန် လက်နက်တွေပါပဲ။ ဇင်တျန် အဆင့်မှာ အဆင့်သတ်မှတ်ချက်မဝင်သေးတဲ့ မှော်ရတနာ‌တွေ အသုံးပြုပါတယ်။ ဇီဖူအဆင့်မှာတော့ သေမျိုးအဆင့် မှော်ရတနာတွေ အသုံးပြုနိုင်ပါပြီ။ ဝမ်ရှင်း သူတော်စင် အဆင့်မှာ မြေကမ္ဘာ အဆင့် လက်နက်တွေ အသုံးပြုပြီး ဇီဖူအဆင့်မှာတော့ မိုးကောင်းကင် အဆင့် မှော်ရတနာတွေ အသုံးပြုပါတယ်။ မြေကမ္ဘာ အင်မော်တယ် အဆင့်မှာတော့ အင်မော်တယ် အဆင့် မှော်ရတနာတွေ အသုံးပြုပါတယ်။ ပြီးရင်တော့ သန့်စင်သောယန် အဆင့် မှော်ရတနာတွေနဲ့ ဒီထက် ပိုမြင့်သွားရင်တော့ ကြယ်တာရာ မှော်ရတနာတွေ ဖြစ်လာမှာပါ။)</p> <p> </p> <p>"အဲဒီ ကောင်းကင်မီးလျှံ ကောင်းကင်အင်မော်တယ် က တော်တော်လေး တွေးတတ်သူပဲ။ ကောင်းကင်အင်မော်တယ် မဖြစ်လာခင် အထိ ဇနီးလေး အတွက် လိုအပ်မယ့် ကျင့်ကြံခြင်း အရင်းအမြစ်တွေ အားလုံး ဒီအထဲမှာ ရှိတယ်။"</p> <p> </p> <p>ဂျူဟွာ က ပြောလိုက်ပါတယ်။</p> <p> </p> <p>"ဒါတွေ အားလုံးက ယောကျ်ားရဲ့ မျက်နှာကြောင့်ပါ။"</p> <p> </p> <p>ကျုံးမု က အနည်းငယ် ပြုံးလိုက်ပါတယ်။</p> <p> </p> <p>"ကိုယ်တို့ မဟာရှ ကမ္ဘာကြီးကို မကြာခင် ပြန်ကြတော့မယ်လေ။ အဲဒီကျရင် ညီမလေးနဲ့ တွေ့တဲ့ အခါ၊ ဇနီးလေး မှာလည်း ကြွားစရာ ရတနာ တချို့ ရှိနေသင့်တာပေါ့။"</p> <p> </p> <p>ဂျူဟွာ က ဆက်ပြောပါတယ်။</p> <p> </p> <p>"ဒါ့အပြင်၊ ကိုယ့်ရဲ့ ညီမလေး ကျွမ်ရွှေချိုးက လွန်ခဲ့တဲ့ နှစ်သုံးရာ ကတည်းက မူလတာအိုသူတော်စင်တစ်ယောက် ဖြစ်နေပြီ။ မင်းက သူမရဲ့ မရီး ဖြစ်ပြီးတော့ အများကြီး နောက်ကောက်ကျ နေလို့ မဖြစ်ဘူးလေ။ ဇနီးလေး က အရင်ဆုံး မူလတာအိုသူတော်စင် အဆင့်ကို တက်သင့်တယ်။"</p> <p> </p> <p>"အော်... ယောကျ်ား က ဒါကို စဉ်းစားနေတာကိုး။"</p> <p> </p> <p>ကျုံးမု အနည်းငယ် စိတ်လှုပ်ရှား သွားပါတယ်။ ဂျူဟွာ က သူမအတွက် ဒါကို စဉ်းစားပေးလိမ့်မယ် လို့ သူမ မမျှော်လင့်ထားခဲ့ပါဘူး။</p> <p> </p> <p>"အဲဒီ အချိန်ကျရင်၊ ဇနီးလေး က ညီမလေး နဲ့ အဆင်ပြေအောင် နေရမယ်နော်။"</p> <p> </p> <p>ဂျူဟွာ က ပြောလိုက်ပါတယ်။</p> <p> </p> <p>"ဒါကတော့ စိတ်မပူပါနဲ့ရှင်"</p> <p> </p> <p>ကျုံးမု က ဘာတုံ့ဆိုင်းမှုမှ မရှိဘဲ ခေါင်းညိတ်လိုက်ပါတယ်။</p> <p> </p> <p>ကျုံးမု ရဲ့ တာအို အဆင့်ဟာ မူလတာအိုသူတော်စင် အဆင့်ကို တက်လှမ်းဖို့ လုံလောက်နေတာ ကြာပါပြီ။ အခု အထောက်အပံ့ အဖြစ် အရည်ဖွဲ့ ဓာတ်စွမ်းအင် အမြုတေ တွေ အလုံအလောက် ရှိနေပြီ ဆိုတော့၊ ဒီတစ်ကြိမ် သူမရဲ့ အဆင့် တက်မှုဟာ ဘာအခက်အခဲ မှ ကြုံတွေ့ရမှာ မဟုတ်ပါဘူး။</p> <p> </p> <p>ဂျူဟွာ ဟာ ရက်အနည်းငယ် စောင့်ဆိုင်းခဲ့ပါတယ်။၊ ကျုံးမု ဟာ အရည်ဖွဲ့ ဓာတ်စွမ်းအင် အမြုတေ အမြောက်အမြား ကို အသုံးပြုပြီး သူမရဲ့ မူလဝိညာဉ်ကို တစ်ကြိမ်တည်း နဲ့ ပြီးပြည့်စုံတဲ့အဆင့်ထိ ရောက်အောင် တက်လှမ်းနိုင်ခဲ့ပါတယ်။</p> <p> </p> <p>"ဘယ်လို ခံစားရလဲ"</p> <p> </p> <p>လန်းဆန်းတက်ကြွနေတဲ့ ကျုံးမု ကို ကြည့်ရင်း ဂျူဟွာ က မေးလိုက်ပါပြီ။</p> <p> </p> <p>"အရမ်း ကောင်းတယ်။ ကျွန်မရဲ့ နတ်ဘုရား ဝိညာဉ်က အရမ်းကို မြန်မြန်ဆန်ဆန် အားကောင်းလာနေတယ်။ တာအို ကို နားလည် သဘောပေါက်တဲ့ အမြန်နှုန်း က အရင်ကထက် အများကြီး... အများကြီး ပိုမြန်လာလိမ့်မယ် လို့ ကျွန်မ ခံစားရတယ်။"</p> <p> </p> <p>ကျုံးမု က ခံစားချက် အပြည့်နဲ့ ပြောလိုက်ပါတယ်။</p> <p> </p> <p>"ဟုတ်တယ်။ မူလတာအိုသူတော်စင် တွေက ကမ္ဘာဦးလိပ်နဂါးကို အခြေခံပြီး လေ့ကျင့် ကြတယ်။ ဒီ ကမ္ဘာဦးလိပ်နဂါး တွေက နတ်ဘုရား ဝိညာဉ် ကြီးထွားလာဖို့ အတွက် အများကြီး အထောက်အကူ ပြုတယ်။ ဝမ်ရှင်းသူတော်စင်အဆင့်မှာ နတ်ဘုရား အာရုံ ကို အခြေခံပြီး လေ့ကျင့် နိုင်တဲ့ သူက အလွန် ရှားပါးပေမဲ့၊ မူလတာအိုသူတော်စင် င်းမှာ နတ်ဘုရား အာရုံ ရှိကြတယ်။ ဒါက အဓိက အကြောင်းရင်း ကြောင့်ပဲ။"</p> <p> </p> <p>ဂျူဟွာ က ဆက်ပြောပါတယ်။</p> <p> </p> <p>"ဒါပေမဲ့ ဒီတစ်ခါတော့၊ ဇနီးလေး အနေနဲ့ မူလတာအိုသူတော်စင် အဆင့်မှာ အချိန် ပိုကြာကြာ နေရလိမ့်မယ်။ တာအို တစ်ခုကို အပြည့်အဝ နားလည် သဘောပေါက် ပြီးမှပဲ၊ မြေကမ္ဘာ အင်မော်တယ်အဆင့်ကို တက်လှမ်းဖို့ ကိုယ် ခွင့်ပြုမယ်။"</p> <p> </p> <p>"ဟုတ်ကဲ့ပါ၊ ဆရာ့ရဲ့ သွန်သင် ဆုံးမမှု တွေကို ရိုသေစွာ နာခံပါ့မယ်ရှင်။"</p> <p> </p> <p>ကျုံးမု က လေးလေးနက်နက် အရိုအသေ ပေးလိုက်ပေမဲ့၊ ကံမကောင်းစွာနဲ့ပဲ သူမ နှုတ်ခမ်း ပေါ်က အပြုံးရိပ် လေးက ဂျူဟွာကို ဖုံးကွယ်ထားလို့ မရပါဘူး။</p> <p> </p> <p>ဒါပေမဲ့ ဂျူဟွာ က ဘာမှ မပြောပါဘူး။ သူက ခေါင်းခါပြီး ခါးသက်သက် အပြုံးလေး တစ်ခုပဲ ပြုံးလိုက်ပါတယ်။</p> <p> </p> <p>လွန်ခဲ့တဲ့ နှစ်အနည်းငယ် က ဆရာ ဆိုပြီး ကျုံးမု ကို သူ တစ်ကြိမ် သင်ကြားပေးခဲ့ပြီး ကတည်းက၊ ကျုံးမု ဟာ တစ်ခါတစ်ရံ မှာ သူ့ရဲ့ တပည့် အဖြစ် ဟန်ဆောင်ပြုမူတတ်ပါတယ်။ ဘာပဲဖြစ်ဖြစ်၊ ဒါက အတော်လေး စိတ်ဝင်စားဖို့ ကောင်းပါတယ်။</p> <p> </p> <p>...</p> <p> </p> <p>ကျုံးမု ဟာ မူလတာအိုသူတော်စင် တစ်ယောက် ဖြစ်လာပြီး သိပ်မကြာခင်မှာပဲ၊ ဂျူဟွာ ဟာ ဆက်သွယ်ရေး မှော်ရတနာ တစ်ခုကနေ တစ်ဆင့် အစစ်အမှန် အင်မော်တယ် တုန်းယွိ ကို လျင်မြန်စွာ အသိပေးလိုက်ပါတယ်။ အဲဒီနောက်၊ သူက ဘာတုံ့ဆိုင်းမှုမှ မရှိဘဲ ကျုံးမု ကို ခေါ်ပြီး ဒီ အဓိက ကမ္ဘာကြီး ကနေ ထွက်ခွာသွားပါတော့တယ်။</p> <p> </p> <p>"အဲဒီ အင်ပါရီယာ နတ်ဘုရား ထွက်သွားပြီလား"</p> <p> </p> <p>အင်ပါရီယာ နတ်ဘုရား ထျန်းနျူ ဟာ အဝေးကို ငေးကြည့်နေတဲ့ အစစ်အမှန် အင်မော်တယ် တုန်းယွိ ကို ကြည့်ရင်း မေးလိုက်ပါတယ်။</p> <p> </p> <p>"အင်း။"</p> <p> </p> <p>အစစ်အမှန် အင်မော်တယ် တုန်းယွိ က ခေါင်းညိတ်လိုက်ပါတယ်။</p> <p> </p> <p>"ဒါဆိုရင်၊ ဒီ အဓိက ကမ္ဘာကြီး ထဲမှာ ငါတို့ နှစ်ယောက်ပဲ ကျန်တော့တာပေါ့။"</p> <p> </p> <p>အင်ပါရီယာ နတ်ဘုရား ထျန်းနျူ က ခံစားချက် ပါပါနဲ့ ပြောလိုက်ပါတယ်။</p> <p> </p> <p>"ထျန်းနျူ... အခု၊ ကိစ္စ တချို့ကို ပြောဖို့ လိုနေပြီ။"</p> <p> </p> <p>အစစ်အမှန် အင်မော်တယ် တုန်းယွိ က ရုတ်တရက် ပြောလိုက်ပါတယ်။</p> <p> </p> <p>"မင်း ဘာပြောချင်တာလဲ"</p> <p> </p> <p>အင်ပါရီယာ နတ်ဘုရား ထျန်းနျူ ဟာ အစစ်အမှန် အင်မော်တယ် တုန်းယွိ ကို အနည်းငယ် သတိထားပြီး လှမ်းကြည့်လိုက်ပါတယ်။</p> <p> </p> <p>"အခုချိန် အထိတောင်၊ မင်းက တိုက်ခိုက်ချင်နေသေးတာလား"</p> <p> </p> <p>အစစ်အမှန် အင်မော်တယ် တုန်းယွိ က လှောင်ပြောင်လိုက်ပါတယ်။</p> <p> </p> <p>"မင်း တကယ်ပဲ ငါ့ကို အနိုင်ရတယ် ဆိုရင်တောင်၊ ဒီ အဓိက ကမ္ဘာကြီး ကို အုပ်ချုပ်ဖို့ မင်းမှာ စွမ်းရည် ရှိတယ် လို့ ထင်နေတာလား။ ဒါက ပြီးပြည့်စုံတဲ့ အဓိက ကမ္ဘာကြီး တစ်ခုနော်။"</p> <p> </p> <p>...</p> <p> </p> <p>အင်ပါရီယာ နတ်ဘုရား ထျန်းနျူ ဟာ ခဏလောက် တိတ်ဆိတ် သွားပါတယ်။ သူ ဘာမှ မပြောပါဘူး။</p> <p> </p> <p>"မဟာမိတ် ဖွဲ့ကြစို့။"</p> <p> </p> <p>အစစ်အမှန် အင်မော်တယ် တုန်းယွိ က ရုတ်တရက် ပြောလိုက်ပါတယ်။</p> <p> </p> <p>"ငါတို့ နှစ်ယောက်စလုံး မှာ အဓိက ကမ္ဘာကြီး တစ်ခုကို သိမ်းပိုက်ထားနိုင်တဲ့ စွမ်းရည် မရှိဘူး။ မဟာမိတ်ဖွဲ့မှသာ ဒါကို ကာကွယ်နိုင်မယ့် မျှော်လင့်ချက် ရှိတာ။"</p> <p> </p> <p>...</p> <p> </p> <p>အင်ပါရီယာ နတ်ဘုရား ထျန်းနျူ တိတ်ဆိတ် နေတာကို မြင်တော့၊ အစစ်အမှန် အင်မော်တယ် တုန်းယွိ က ဆက်ပြောပါတယ်။</p> <p> </p> <p>"မမေ့နဲ့... သွေးနီရောင်မီးလျှံ အင်ပါရီယာ နတ်ဘုရား က မသေသေးဘူးနော်။ သူက အချိန်မရွေး ကလဲ့စားချေဖို့ ပြန်လာနိုင်တယ်။ ပြီးတော့ သူ့ကို ကယ်တင်သွားတဲ့ လျှို့ဝှက်ဆန်းကြယ်တဲ့ အစွမ်းထက် ပုဂ္ဂိုလ် ကလည်း တာအိုရောင်းရင်း ချိုးဟွာ ထက် မနိမ့်ကျဖို့ အလားအလာ အရမ်း များတယ်။ တကယ်လို့ သွေးနီရောင်မီးလျှံ က သာ သူ့ကို ပြန်ခေါ်လာခဲ့ရင်၊ မင်း တစ်ယောက်တည်း သူ့ကို တားဆီးနိုင်ပါ့မလား"</p> <p> </p> <p>"ငါတို့ နှစ်ယောက် ပေါင်းရင်တောင် သူ့ကို မတားဆီးနိုင်ပါဘူး။"</p> <p> </p> <p>အင်ပါရီယာ နတ်ဘုရား ထျန်းနျူ က ခေါင်းခါလိုက်ပါတယ်။ အဲဒီနောက် သူက ဆက်ပြောပါတယ်။</p> <p>"ဒါ့အပြင်၊ အဲဒီ ကောင် က သူ့မျက်နှာ ကို မပြရဲလို့ သူ့ကိုယ်သူ ဖုံးကွယ်ထားတာ ဖြစ်မယ်။ ဒီနေရာက ဝူကွမ် နယ်မြေ လေ၊ သူက ဒီနေရာမှာ အရမ်းကြီး ရမ်းကားလို့ မရပါဘူး။"</p> <p> </p> <p>"ဟမ့်"</p> <p> </p> <p>အစစ်အမှန် အင်မော်တယ် တုန်းယွိ က လှောင်ပြောင်လိုက်ပါတယ်။ တာအိုဖခင်ကြီး ဝူကွမ်ဟာ ဝူကွမ် နယ်မြေ ထဲက အဓိက ကမ္ဘာကြီး အနည်းငယ် အပေါ် အမြဲတမ်း လျစ်လျူရှု ထားလေ့ ရှိပြီး၊ သူ့လက်အောက်မှာ အစွမ်းထက်တဲ့ တပည့် တွေလည်း မရှိပါဘူး။ မဟုတ်ရင်၊ ဒီ အဓိက ကမ္ဘာကြီး က ဘယ်လိုလုပ် အုပ်ချုပ်သူ မရှိဘဲ ဒီလောက် အကြာကြီး ရှိနေမှာလဲ။</p> <p> </p> <p>သူတို့က တာအိုဖခင်ကြီး ကိုယ်တိုင် ဝင်ပါလာဖို့ မျှော်လင့်နေကြတာလား။</p> <p> </p> <p>"အဲဒီ တာအိုရောင်းရင်း ချိုးဟွာ ကို မင်း ဆက်သွယ်လို့ ရသေးလား"</p> <p> </p> <p>အင်ပါရီယာ နတ်ဘုရား ထျန်းနျူ က ရုတ်တရက် မေးလိုက်ပါတယ်။</p> <p> </p> <p>"ရရမှာပေါ့။"</p> <p> </p> <p>အစစ်အမှန် အင်မော်တယ် တုန်းယွိ ရဲ့ မျက်နှာပေါ်မှာ သဘောကျတဲ့ အမူအရာ တစ်ခု ထင်ဟပ်လာပါတယ်။</p> <p> </p> <p>"ဒါဆိုရင် မဟာမိတ် ဖွဲ့ကြတာပေါ့။"</p> <p> </p> <p>အင်ပါရီယာ နတ်ဘုရား ထျန်းနျူ က ခေါင်းညိတ်လိုက်ပါတယ်။</p> <p> </p> <p>"တာအိုရောင်းရင်း ထျန်းနျူ... ဒီနေ့ ဆုံးဖြတ်ချက် အတွက် နောင်တရမှာ မဟုတ်ပါဘူးနော်။"</p> <p>အစစ်အမှန် အင်မော်တယ် တုန်းယွိ ရဲ့ မျက်နှာပေါ်မှာ အပြုံးတစ်ခု ပေါ်လာပါတယ်။</p> <p> </p> <p>"ဟားဟား"</p> <p>အင်ပါရီယာ နတ်ဘုရား ထျန်းနျူ က ပြုံးလိုက်ပေမဲ့၊ ဘာမှ ဆက်မပြောတော့ပါဘူး။</p> <p> </p> <p>ဂျူဟွာ ကတော့ အစစ်အမှန် အင်မော်တယ် တုန်းယွိ နဲ့ အင်ပါရီယာ နတ်ဘုရား ထျန်းနျူ တို့ ကြားက မဟာမိတ် ဖွဲ့မှု အကြောင်း မသိပါဘူး။ ဒီအချိန်မှာ၊ မဟာ တည်နေရာ ရွှေ့ပြောင်းပို့ဆောင်ခြင်းကို ဆက်တိုက် အသုံးပြုပြီးတဲ့ နောက်မှာတော့၊ သူက ချီမင် နယ်မြေကို ပြန်ရောက်နေပါပြီ။</p> <p> </p> <p>ပိုပြီး တိတိကျကျ ပြောရရင်၊ အဲဒါက ချီမင် နယ်မြေ၊ မဟာရှ ကမ္ဘာကြီး ပါပဲ။</p> <p>(စာကြွင်း - ချီမင် နယ်မြေဆိုတာ သွေးနီ နယ်မြေ ဝါ သွေးနီလောကကြီးပါပဲ။)</p> <p> </p> <p>"နှစ်သုံးရာ ကျော် ဆိုတဲ့ မျက်တောင်တစ်ခတ် လေး အတွင်းမှာ၊ အရာအားလုံး က မှတ်မိနိုင်စရာ မရှိလောက်အောင် ပြောင်းလဲသွားခဲ့ပြီပဲ။"</p> <p> </p> <p>ဂျူဟွာ က ခံစားချက် အပြည့်နဲ့ ရေရွတ်လိုက်ပါတော့တယ်။</p> <p> </p> <p>...</p> <p> </p> <p> </p> <p style="text-align: center;">***</p>


Save