Book List

<h2 style="text-align: center;">Chapter 10</h2> <h2 style="text-align: center;">ဂျူဟွာ၏ အစီအစဉ်များ</h2> <h2 style="text-align: center;">*</h2> <p> </p> <p> </p> <p>အချိန် အတော်ကြာ တိတ်ဆိတ်နေပြီးတဲ့ နောက်မှာတော့၊ ကျွမ်းရွှေ ကောင်းကင်နတ်ဘုရား ဟာ ဖြည်းညင်းစွာ စကားစလာပါတယ်။</p> <p> </p> <p>"ရှောင်ယန် မျိုးနွယ်စုရဲ့ ဘိုးဘေးကြီးနာမည်က ရှောင်ယန်ချိုး လို့ ခေါ်တယ်။ သူက ကောင်းကင်အင်မော်တယ် တစ်ပါးပဲ ဖြစ်ပေမဲ့၊ သူ့ကို အထင်မသေးလိုက်နဲ့။ သူ့ရဲ့ နာမည်ကျော်ကြားမှု က တချို့သော အင်ပါရီယာ နတ်ဘုရား နဲ့ အစစ်အမှန် အင်မော်တယ်တွေထက် လျော့နည်းမှု မရှိဘူး။ ဒါ့အပြင်၊ ရှောင်ယန်ချိုး ဟာ အလွန် ယုတ်မာ ကောက်ကျစ်တယ်။ တကယ်လို့ အနာဂတ်မှာ မင်း သူနဲ့ ဆုံတွေ့ရရင်၊ သတိထားတာ အကောင်းဆုံးပဲ။"</p> <p>(စာကြွင်း - ဂျိနင်ထဲမှာတော့ စာရေးသူ အနေနဲ့ မီးလျှံငယ်ကလန်ရဲ့ဘိုးဘေးကြီး ကောင်းကင်အင်မော်တယ် အာကေနမ်လို့ ဘာသာပြန်ထားပါတယ်။ ရှောင်ယန်ကလန်ကတော့ မီးလျှံငယ် ကလန်ပါပဲ။ )</p> <p>...</p> <p> </p> <p>ကျွမ်းရွှေ ကောင်းကင်နတ်ဘုရား ဟာ ဘာမှ ဆက်မပြောတော့ဘဲ၊ ဂျူဟွာရဲ့ အရှေ့မှာတင် ပျောက်ကွယ်သွားပါတော့တယ်။</p> <p> </p> <p>"အလွန် ယုတ်မာ ကောက်ကျစ်တယ် ဟုတ်လား"</p> <p> </p> <p>ဂျူဟွာ ဟာ ခေါင်းကို ဖွဖွလေး ခါရမ်းလိုက်ပါတယ်။ ရှောင်ယန် မျိုးနွယ်စု အပေါ် ထားရှိတဲ့ ကျွမ်းရွှေ မျိုးနွယ်စုရဲ့ မုန်းတီးမှု တွေထဲက ကြီးမားတဲ့ အစိတ်အပိုင်း တစ်ခု ဟာ ဒီ ကျွမ်းရွှေ ကောင်းကင်နတ်ဘုရား ဆီကနေ လာတာ ဖြစ်ပုံရတယ်။</p> <p> </p> <p>ဒါကလည်း သဘာဝကျပါတယ်။ ထိပ်တန်း မျိုးနွယ်စု နှစ်ခု ကြားက မုန်းတီးမှု ဆိုတာ မရေမတွက်နိုင်တဲ့ နှစ်ပေါင်းများစွာ ကြာရှည်နိုင်ပြီး၊ ကျွမ်းရွှေ ကောင်းကင်နတ်ဘုရား နဲ့ ရှောင်ယန်ချိုး တို့လို မျိုးနွယ်စု တစ်ခုရဲ့ ဘိုးဘေးကြီး တွေမှာသာ ဒီလိုမျိုး မျိုးနွယ်စုအပေါ် လွှမ်းမိုးနိုင်စွမ်း ရှိတာလေ။</p> <p> </p> <p>ကောင်းကင်အင်မော်တယ် တစ်ပါးအနေနဲ့ အလွန်အင်အားကြီးမားတဲ့ မျိုးနွယ်စုကြီး နှစ်ခု ရဲ့ ဆုံးဖြတ်ချက် တွေကို အဆက်မပြတ် လွှမ်းမိုးနိုင်မှာ မဟုတ်ပါဘူး။</p> <p> </p> <p>ဒါပေမဲ့၊ ရှောင်ယန်ချိုး ကို သတိထားဖို့ ကျွမ်းရွှေ ကောင်းကင်နတ်ဘုရား က ဂျူဟွာ ကို သတိပေးခဲ့ပေမဲ့၊ ဂျူဟွာ ကတော့ သူ့ကို သိပ်ပြီး အရေးတယူ မလုပ်ခဲ့ပါဘူး။</p> <p> </p> <p>ရှောင်ယန်ချိုး ရဲ့ နောက်ခံ အကြောင်း ကို ဂျူဟွာ အလွန် ရှင်းရှင်းလင်းလင်း သိပါတယ်။ ရှောင်ယန်ချိုး နဲ့ ပတ်သက်ပြီး အခက်ခဲဆုံး အရာက၊ သူဟာ ထောင်းဝူ ဖင်းဂေါ့ ဆယ့်ရှစ်ပါးဆိုတဲ့ ကိုယ်ပွား သိုင်းပညာ ကို ကျင့်ကြံ ထားတာပါပဲ။ သူ့ကို သတ်ဖို့ ဆိုရင်၊ သူ့ရဲ့ ကိုယ်ပွား ဆယ့်ရှစ်ခု စလုံး ကို တစ်ပြိုင်နက်တည်း သတ်ပစ်ရပါမယ်။ မဟုတ်ရင်၊ သူ့ရဲ့ ခန္ဓာကိုယ် တစ်ခု၊ နှစ်ခု လောက်ပဲ အသတ်ခံရမယ် ဆိုရင်၊ အဲဒါတွေကို သူ အလွယ်တကူ ပြန်လည် တည်ဆောက် နိုင်ပါတယ်။</p> <p> </p> <p>ရှောင်ယန်ချိုး ရဲ့ အသက်ရှင်သန်နိုင်စွမ်း က အစွမ်းထက်တယ် ဆိုပေမဲ့၊ ခွန်အား ပိုင်းမှာ ဆိုရင်တော့၊ သူက အားအနည်းဆုံး အင်ပါရီယာ နတ်ဘုရား နဲ့ အစစ်အမှန် အင်မော်တယ် အဆင့်ပဲ ရှိမှာပါ။ ဂျူဟွာ ကို ရင်ဆိုင်ရရင်တော့။ အဲဒါက ကိုယ့်သေတွင်း ကိုယ်တူးတာပဲ ဖြစ်သွားပါလိမ့်မယ်။</p> <p> </p> <p>"လောစရာ မလိုသေးပါဘူး။ ငါ့ရဲ့ ဒုတိယ မူလဝိညာဉ်က မိုးကောင်းကင် စမ်းသပ်စစ်ဆေးမှု ကပ်ဘေးကို မကျော်ဖြတ်ရသေးဘူးလေ။ အခု အဲဒီ ရတနာ ကို ရရင်တောင်၊ အသုံးဝင်မှာ မဟုတ်ဘူး။ ရှောင်ယန်ချိုး ကို ခဏလောက် ထပ်ပြီး အေးအေးဆေးဆေး နေခွင့်ပေးထားလိုက်ဦးမယ်။"</p> <p> </p> <p>ဂျူဟွာ ဟာ ခဏလောက် တွေးတောလိုက်ပြီးနောက်၊ သူ လည်း စာကြည့်တိုက်ရဲ့ အထက် ကနေ ပျောက်ကွယ်သွားပါတော့တယ်...</p> <p> </p> <p>ကျွမ်းရွှေ မျိုးနွယ်စု တစ်ခုလုံး မှာ၊ ဂျူဟွာ ဟာ အင်ပါရီယာ နတ်ဘုရား တစ်ပါး ဖြစ်လာပြီ ဆိုတာကို ကျွမ်းရွှေ ကောင်းကင်နတ်ဘုရား တစ်ယောက်တည်းသာ သိပါတယ်။ ဒါပေမဲ့ ဒီကိစ္စ ကို လျှို့ဝှက်ထားမယ် ဆိုရင်တောင်မှ ကျွမ်းရွှေ မျိုးနွယ်စု ထဲက ဂျူဟွာရဲ့ အဆင့်အတန်းဟာ အလွန်ကြီးမားနေဆဲပါ။</p> <p> </p> <p>ဂျူဟွာ ဟာ မြေကမ္ဘာ ဖင်းဂေါ့ တစ်ပါး ဖြစ်လာခဲ့ပြီး၊ လူတွေ သိထားတဲ့ သူ့ရဲ့ တာအို အဆင့်ကလည်း မြင့်မားပါတယ်။ ဒီနှစ်ချက် ကို ပေါင်းစပ်လိုက်တဲ့ အခါ၊ ဂျူဟွာ ဟာ သာမန် နှစ်သန်းချီ သက်တမ်းရှိ လွတ်မြောက်အင်မော်တယ် တစ်ပါးထက် အများကြီး ပိုစွမ်းတယ် ဆိုတဲ့ အချက် ဟာ ကျွမ်းရွှေ မျိုးနွယ်စု အတွင်းမှာ အတော်လေး ပျံ့နှံ့နေပါပြီ။ ဒါကြောင့်၊ ဂျူဟွာ ကျွမ်းရွှေ မျိုးနွယ်စု ကို ပြန်ရောက်တဲ့ ဒုတိယနေ့ ကစပြီး၊ သူ့ဆီကို လာရောက် လည်ပတ်သူ အများအပြား ရှိခဲ့ပါတယ်။</p> <p> </p> <p>ဒါပေမဲ့၊ လူအများစု ကိုတော့ ဂျူဟွာ က လက်မခံဘဲ ပြန်လွှတ်လိုက်ပါတယ်။ သူက ကျွမ်းရွှေ မျိုးနွယ်စု ခေါင်းဆောင် ကျွမ်းရွှေချင်းလိုမျိုး လူအနည်းငယ် ကိုသာ လက်ခံ တွေ့ဆုံခဲ့ပါတယ်။</p> <p> </p> <p>ရက်အနည်းငယ် အကြာမှာတော့၊ ချင်းမူ မျိုးနွယ်စုက ချင်းမူလင်း ရောက်လာပါတယ်။ ဂျူဟွာ ဟာ ချင်းမူလင်း အပေါ်မှာ နက်နက်ရှိုင်းရှိုင်း မှတ်မိနေပါတယ်။ တိတိကျကျ ပြောရရင်၊ နတ်ဘုရား ဝိညာဉ် အမြုတေရဲ့ အနှစ်သာရ ကို သူ နားလည် သဘောပေါက်နိုင်ခဲ့တာ ချင်းမူလင်း ကြောင့်ပါ။ ဂျူဟွာ ဟာ ဒီ ကျေးဇူး ကို မဆပ်ရသေးတဲ့ အတွက်၊ သူမ လာရောက် လည်ပတ်တာကို မငြင်းပယ်ခဲ့ပါဘူး။</p> <p> </p> <p>ဒါပေမဲ့၊ ကျွမ်းရွှေချိုးဟာ ကျွမ်းကျင် လိမ္မာစွာ ထွက်လာပြီး၊ ချင်းမူလင်း ယူလာတဲ့ လက်ဆောင် ကို လက်ခံယူကာ၊ သူမ နဲ့ အချိန် အကြာကြီး စကားစမြည် ပြောဆိုနေတဲ့ အခါမှာတော့၊ ချင်းမူလင်း နဲ့ ပတ်သက်ပြီး သူ လုံလုံလောက်လောက် မသိသေးဘူး ဆိုတာကို ဂျူဟွာ နားလည်သွားပါတော့တယ်။</p> <p> </p> <p>ဒီ ချင်းမူလင်း ဟာ ကျွမ်းရွှေချိုး အပေါ် ထားရှိတဲ့ သူ့ရဲ့ သံယောဇဉ် ကို တကယ်ပဲ မြင်တွေ့သွားခဲ့တာပါ။ သူ ဝေးကွာနေခဲ့တဲ့ နှစ်သုံးရာ အတွင်း၊ သူမ ဟာ မရေမတွက်နိုင်အောင် အကြိမ်ပေါင်းများစွာ လာရောက် လည်ပတ်ခဲ့ပြီး၊ အခုတော့ သူ့ရဲ့ ညီမလေး ကျွမ်းရွှေချိုး နဲ့ အတော်လေး ရင်းနှီး နေခဲ့ပါပြီ။</p> <p> </p> <p>"အခု သူမ ဒုက္ခရောက်နေတဲ့ အချိန်မှာ၊ ငါက ဘာမှ မလုပ်ဘဲ ဒီတိုင်း လက်ပိုက် ကြည့်နေဖို့ ဆိုတာ ပိုတောင် ခက်ခဲသွားပြီ။"</p> <p> </p> <p>ဂျူဟွာ ဟာ ခေါင်းကို ဖွဖွလေး ခါရမ်းလိုက်ပါတယ်။ သူ အများကြီး မတွေးတော့ပါဘူး။</p> <p> </p> <p>ချင်းမူလင်း က လွတ်မြောက်အင်မော်တယ် တစ်ပါး သက်သက် ဖြစ်ပြီး၊ ချင်းမူ မျိုးနွယ်စု ကလည်း မျိုးနွယ်စု ကြီး တစ်ခု မဟုတ်ပါဘူး။ တကယ်လို့ ချင်းမူလင်း က အပြင်မှာ ပြဿနာ ရှာခဲ့တယ် ဆိုရင်တောင်၊ သူမ က ဘယ်လောက်များ ပြဿနာ ရှာနိုင်မှာမို့လဲ။</p> <p> </p> <p>ဒါ့အပြင်၊ ချင်းမူလင်း ရဲ့ ရင့်ကျက်တဲ့ အမူအရာ ကို ကြည့်ရတာ၊ သူမ က ပြဿနာ ရှာမယ့် သူမျိုး နဲ့ မတူပါဘူး။</p> <p> </p> <p>"တာအိုရောင်းရင်း ဂျူဟွာ... ဒီနေ့တော့ ကျွန်မ အနှောင့်အယှက် မပေးတော့ပါဘူး။ နောက်နေ့မှ ထပ်လာလည်ပါ့မယ်။"</p> <p> </p> <p>ချင်းမူလင်း က အနည်းငယ် ဦးညွှတ်လိုက်ပြီးနောက်၊ ပြုံးပြီး ထွက်သွားပါတော့တယ်။</p> <p> </p> <p>"အစ်ကိုကြီး၊ အစ်ကိုကြီး... အစ်မ လင်း ကလည်း လူကောင်း တစ်ယောက် ပါပဲ။"</p> <p> </p> <p>ကျွမ်းရွှေချိုး က ပြောလိုက်ပါတယ်။</p> <p> </p> <p>...</p> <p> </p> <p>ဂျူဟွာ ဟာ ကူကယ်ရာမဲ့စွာ ပြုံးလိုက်ပြီးနောက်၊ ကျွမ်းရွှေချိုး ရဲ့ ဘေးမှာ ထိုင်နေတဲ့ ဖုန်းယွီ ကို ကြည့်လိုက်ပါတယ်။</p> <p> </p> <p>"တာအိုရောင်းရင်း ဖုန်းယွီ... ဘယ်လို ထင်လဲ"</p> <p> </p> <p>ဂျူဟွာ က မေးလိုက်ပါတယ်။</p> <p> </p> <p>"သူမ မှာ မကောင်းတဲ့ ရည်ရွယ်ချက် မရှိပါဘူး။ မဟုတ်ရင် လွန်ခဲ့တဲ့ နှစ်သုံးရာ အတွင်း ဒီတံခါး ကို သူမ ဝင်နိုင်ခဲ့မှာ မဟုတ်ဘူးလေ။"</p> <p> </p> <p>ဖုန်းယွီ က ဘာတုံ့ဆိုင်းမှုမှ မရှိဘဲ ပြောလိုက်ပါတယ်။</p> <p> </p> <p>"အင်း။"</p> <p> </p> <p>ဂျူဟွာ က ခေါင်းညိတ်လိုက်ပါတယ်။</p> <p> </p> <p>"တာအိုရောင်းရင်း... အဲဒီ ချင်းမူလင်း နဲ့ ကျွန်မကို စိတ်သဘောထားချင်း တူတယ်လို့ မထင်ဘူးလား"</p> <p> </p> <p>ဖုန်းယွီ က ရုတ်တရက် မေးလိုက်ပါတယ်။</p> <p> </p> <p>"ဘယ်လိုလုပ် ဖြစ်နိုင်မှာလဲ"</p> <p> </p> <p>ဂျူဟွာ က ပြုံးပြီး ခေါင်းခါလိုက်ပါတယ်။ ဖုန်းယွီ ဟာ တစ်ခေတ် တစ်ခါ က မိစ္ဆာ ဘုရင်မတစ်ပါး ဖြစ်ခဲ့ဖူးပြီး၊ မီးငှက် သွေးမျိုးဆက်လည်း ဖြစ်တာကြောင့် သူမရဲ့ ဂုဏ်သိက္ခာက မြင့်မားလှပါတယ်။</p> <p> </p> <p>ဒါက နားလည်ဖို့ မခက်ခဲပါဘူး။ အရင်က ဖုန်းယွီ ကို ဂျူဟွာ သံသယ ဝင်ခဲ့ရတဲ့ အကြောင်းရင်း က၊ သူ့ရဲ့ ညီမလေး ကျွမ်းရွှေချိုး ကို စိုးရိမ်လို့ သက်သက်ပါပဲ။</p> <p> </p> <p>သူ့ ညီမလေး က သူငယ်ချင်း တစ်ယောက် ရလာတဲ့ အခါ၊ တစ်ဖက်လူ ရဲ့ ရည်ရွယ်ချက် တွေကို သူ သံသယ ဝင်တာက လွန်ကဲတာမှ မဟုတ်တာ။ ပိုအရေးကြီးတာက၊ ဖုန်းယွီ ကို သူ ပထမဆုံး ခေါ်လာတုန်း က၊ မကောင်းတဲ့ ရည်ရွယ်ချက် ရှိတဲ့ လူတွေ သူ့ ညီမလေး အနားကို မချဉ်းကပ်နိုင်အောင် တားဆီးဖို့လေ။ အခုတော့ ရလဒ် အနေနဲ့၊ ဖုန်းယွီ ကိုယ်တိုင် က ကိုယ်စောင့်ရှောက်နေတဲ့ သူဆီကနေ ပြန်ခိုး သလို ဖြစ်နေတော့၊ ဂျူဟွာ က ပိုပြီးတောင် သံသယ ဝင်သွားတာပေါ့။</p> <p> </p> <p>"ညီမလေး... ရက်အနည်းငယ် နေရင်၊ အစ်ကိုကြီး မင်းကို တခြား ကမ္ဘာ တွေကိုဆီ လျှောက်လည်ဖို့ ခေါ်သွားမယ်၊ ဘယ်လိုလဲ"</p> <p> </p> <p>ဂျူဟွာ က ရုတ်တရက် မေးလိုက်ပါတယ်။</p> <p> </p> <p>"တခြား ကမ္ဘာ တွေ။"</p> <p> </p> <p>ကျွမ်းရွှေချိုး က မျက်တောင်လေး ပုတ်ခတ် ပုတ်ခတ် လုပ်လိုက်ပါတယ်။</p> <p> </p> <p>"ဒီတစ်ခါ၊ အစ်ကိုကြီး က ပိုပြီး အချိန် အကြာကြီး ထွက်သွားရနိုင်တယ်။ ဒါပေမဲ့ ညီမလေး နဲ့ မခွဲနိုင်လို့၊ ညီမလေး ကိုပါ အတူတူ ခေါ်သွားရတော့မှာပေါ့။"</p> <p> </p> <p>ဂျူဟွာ က ပြုံးပြီး မေးလိုက်ပါတယ်။</p> <p> </p> <p>"ညီမလေး သွားချင်လား"</p> <p> </p> <p>"ဒါပေါ့ သွားချင်တာပေါ့။"</p> <p> </p> <p>ကျွမ်းရွှေချိုး က ဘာတုံ့ဆိုင်းမှုမှ မရှိဘဲ ခေါင်းညိတ်လိုက်ပါတယ်။ အဲဒီနောက် သူမ က သူမ ဘေးမှာ ရှိတဲ့ ဖုန်းယွီ ကို ကြည့်ပြီး၊ မေးလိုက်ပါတယ်။</p> <p>"အစ်မ ဖုန်းယွီ ရော လိုက်မှာလား"</p> <p> </p> <p>"သေချာပေါက် လိုက်ရမှာပေါ့။ တာအိုရောင်းရင်း ဂျူဟွာ က မင်းကို နှစ်သန်းချီ ကာကွယ်ပေးမယ် လို့ မိုးကောင်းကင် တာအိုကို သစ္စာ ဆိုခိုင်းထားတာလေ။"</p> <p> </p> <p>ဖုန်းယွီ က ခေါင်းညိတ်လိုက်ပါတယ်။</p> <p> </p> <p>"ဒါဆိုရင်၊ မိုးကောင်းကင် တာအို သစ္စာ သာ မရှိဘူး ဆိုရင်၊ အစ်မ ဖုန်းယွီ က လိုက်ဦးမှာလား"</p> <p> </p> <p>ကျွမ်းရွှေချိုး က ထပ်မေးလိုက်ပါတယ်။</p> <p> </p> <p>"အင်း... မင်း အစ်ကိုကြီး က အပြင်မှာ တစ်ခုခု ဖြစ်ပြီး မင်းကို မေ့သွားမှာကိုပဲ ငါစိတ်ပူတာပါ။ အဲဒီလိုဆို မင်း အရောင်းစား ခံရရင်တောင် သိမှာ မဟုတ်ဘူးလေ။"</p> <p> </p> <p>ဖုန်းယွီ က ပြုံးရွှင်စွာ ပြောလိုက်ပါတယ်။</p> <p> </p> <p>"အစ်ကိုကြီး က ကျွန်မကို မေ့မှာ မဟုတ်ပါဘူး။"</p> <p> </p> <p>ကျွမ်းရွှေချိုး ဟာ ဂျူဟွာ အပေါ်မှာ ယုံကြည်မှု အပြည့် ရှိနေပါတယ်။</p> <p> </p> <p>"ဟားဟားဟား။"</p> <p> </p> <p>ဂျူဟွာ က ရယ်မောလိုက်ပါတယ်။</p> <p> </p> <p>"ဒါနဲ့ ဘယ်သွားမလို့လဲ၊ တာအိုရောင်းရင်း ဂျူဟွာ"</p> <p> </p> <p>ဖုန်းယွီ က ရုတ်တရက် မေးလိုက်ပါတယ်။</p> <p> </p> <p>"ဖူဂျူရဲ့ နှစ်ဆယ့်ခုနစ်ခုသော ကမ္ဘာများကို။"</p> <p> </p> <p>ဂျူဟွာ က လေးလေးနက်နက် ပြောလိုက်ပါတယ်။</p> <p> </p> <p>"ဖူဂျူရဲ့ နှစ်ဆယ့်ခုနစ်ခုသော ကမ္ဘာများ။"</p> <p> </p> <p>ဖုန်းယွီ အနည်းငယ် ဇဝေဇဝါ ဖြစ်သွားပါတယ်။ သူမ က ဒီနေရာ အကြောင်းကို တစ်ခါမှ မကြားဖူးတာ အသေအချာပါပဲ။</p> <p> </p> <p>"ဖူဂျူရဲ့ နှစ်ဆယ့်ခုနစ်ခုသော ကမ္ဘာများ က သေးငယ်တဲ့ ကမ္ဘာတွေ ဆိုပေမဲ့၊ အဲဒီ နေရာက တစ်ချိန်တုန်းက တာအိုဖခင်ကြီး ဖူဂျူရဲ့ မွေးရပ်မြေ ဖြစ်ခဲ့ဖူးလို့ အရမ်းကို နာမည်ကြီးတာလေ။"</p> <p> </p> <p>ဂျူဟွာ က ဆက်ပြီး ရှင်းပြပါတယ်။</p> <p> </p> <p>"တာအိုဖခင်ကြီး ဖူဂျူ ဟာ တစ်ချိန်တုန်းက လောကသုံးပါး မှာ အားလုံးက အသိအမှတ် ပြုထားတဲ့ နံပါတ်တစ် ဓား အင်မော်တယ် ဖြစ်ခဲ့ဖူးတယ်။"</p> <p> </p> <p>"တာအိုဖခင်ကြီး... တစ်ချိန်တုန်းက။"</p> <p> </p> <p>ဖုန်းယွီ အနည်းငယ် လန့်သွားပါတယ်။</p> <p> </p> <p>"တာအိုဖခင်ကြီး ဖူဂျူ က ကျဆုံးသွားပြီ။ အကြောင်းရင်း ကိုတော့ ငါလည်း မသိဘူး။"</p> <p> </p> <p>ဂျူဟွာ က အများကြီး ရှင်းမပြပါဘူး။ တကယ်တမ်းကျတော့၊ တာအိုဖခင်ကြီး ဖူဂျူ ဟာ တကယ်တော့ ကမ္ဘာ နတ်ဘုရား ပေရှို့ ဆိုတာကို သူ ကောင်းကောင်း သိထားပါတယ်။</p> <p> </p> <p>လောကသုံးပါး ဖြစ်တည်လာပြီး သိပ်မကြာခင်မှာပဲ၊ ကမ္ဘာ နတ်ဘုရား ပေရှို့  ဟာ သူ့ရဲ့ နောက်ဆုံး လက်ကျန် မူလ ကီစွမ်းအင်တွေကို အကုန်အစင် အသုံးပြုလိုက်ပြီး၊ လုံးဝကို သေဆုံးသွားခဲ့တာပါ။</p> <p> </p> <p>"တာအိုဖခင်ကြီး ဖူဂျူ ချန်ထားခဲ့တဲ့ မရေမတွက်နိုင်တဲ့ ကျင့်စဉ် သဲလွန်စ တွေနဲ့ ပြီးပြည့်စုံတဲ့ ဓားသိုင်းပညာတွေ ရှိနေလို့၊ ဖူဂျူရဲ့ နှစ်ဆယ့်ခုနစ်ခုသော ကမ္ဘာများ ကို ငါ သွားမလို့လေ။ လောကသုံးပါး ရဲ့ အရင်တုန်းက နံပါတ်တစ် ဓား အင်မော်တယ် ချန်ထားခဲ့တဲ့ ကျင့်စဉ် သဲလွန်စတွေနဲ့ ဓားသိုင်းပညာဟာ ငါ့အတွက် ကြီးမားတဲ့ အထောက်အကူ ဖြစ်လာမှာ သေချာတယ်။"</p> <p> </p> <p>ဂျူဟွာ က ထပ်ဖြည့် ပြောလိုက်ပါတယ်။</p> <p> </p> <p>"ကျင့်စဉ် သဲလွန်စ တွေက ထားပါတော့၊ တာအိုရောင်းရင်း က ဓားသိုင်းပညာ ကို သင်ယူနိုင်လို့လား"</p> <p> </p> <p>ဖုန်းယွီ က အနည်းငယ် ဇဝေဇဝါ ဖြစ်စွာနဲ့ မေးလိုက်ပါတယ်။</p> <p> </p> <p>"အဲဒီ ဓားသိုင်းပညာက လူတိုင်း လေ့လာလို့ ရအောင် ဖွင့်ပေးထားတာလေ။ ဘယ်သူမဆို သင်ယူလို့ ရပါတယ်။"</p> <p> </p> <p>ဂျူဟွာ က ပြုံးပြီး ပြောလိုက်ပါတယ်။</p> <p> </p> <p>"တာအိုဖခင်ကြီး တစ်ပါး ချန်ထားခဲ့တဲ့ ကမ္မကံကောင်းမှု တစ်ခု၊ ပြီးတော့ အဲဒါက အားလုံး အတွက် လေ့လာလို့ရအောင်လည်း ဖွင့်ပေးထားတယ်..."</p> <p> </p> <p>ဖုန်းယွီ ရဲ့ မျက်လုံး တွေ လင်းလက်လာပါတယ်။</p> <p> </p> <p>"ဟားဟား။"</p> <p> </p> <p>ဂျူဟွာ ကတော့ ရယ်မောလိုက်ပါတယ်။ အဲဒီ အချိန်ကျရင်တော့ ဖုန်းယွီ အခုလောက် စိတ်လှုပ်ရှား နိုင်ပါဦးမလားလို့ ဂျူဟွာ တွေးနေမိပါတော့တယ်။</p> <p> </p> <p>(မူရင်း စာရေးသူ အမှာ။ မဟာရှ ကမ္ဘာကြီး ကို ပြန်လာပြီး ကြွားလုံးထုတ်ဖို့ နဲ့ ပါးရိုက်ဖို့ တွေ အကြောင်း လူအများကြီး ပြောနေကြတာကို ကျွန်တော် တွေ့ရပါတယ်။ ရိုးရိုးသားသား ပြောရရင်၊ ကျွန်တော် အခု အဲဒါကို ရေးလို့ ရပါတယ်။ ညီမလေး အနိုင်ကျင့် ခံရတာမျိုး၊ ဒါမှမဟုတ် ကောင်းကင်အင်မော်တယ် တစ်ပါး က ဂျူဟွာ ကို လာပြီး ရန်စတာမျိုး စတဲ့ ဇာတ်ညွှန်း အတော်များများ ကျွန်တော့် စိတ်ထဲမှာ ရှိပြီးသားပါ။ ဒါပေမဲ့ အဲဒါက အရမ်းကို ရည်ရွယ်ချက် ရှိရှိ ဖန်တီးထားလွန်း ရာ ကျသွားပါလိမ့်မယ်။ အတင်းအဓမ္မ ကြွားလုံးထုတ်ခိုင်းတာ နဲ့ ပါးရိုက်တာ က မသင့်တော်ဘူး လို့ ကျွန်တော် ကိုယ်တိုင် ထင်ပါတယ်။ မဟာရှ ကမ္ဘာကြီး ထဲမှာ ဘုန်းကျက်သရေ ရှိတဲ့ အခိုက်အတန့် တွေ သေချာပေါက် ရှိလာမှာပါ၊ ဒါပေမဲ့ အဲဒါက ကျွန်တော့်ရဲ့ ဇာတ်လမ်း တည်ဆောက်မှု လိုအပ်ပါတယ်။ အခုချိန်မှာ ဇာတ်လမ်း တည်ဆောက်မှု လုံးဝ မရှိသေးတော့၊ ဘယ်သူ့ ပါးကို ကျွန်တော် က ရိုက်ပေးရမှာလဲ။)</p> <p> </p> <p> </p> <p style="text-align: center;">***</p>


Save