Book List

<h2 style="text-align: center;">အခန်း (၂)</h2> <h2 style="text-align: center;">ကုသမှုပေးနိုင်စွမ်းနှင့် ကြောက်မက်ဖွယ်ရာ</h2> <h2 style="text-align: center;">*</h2> <h2 style="text-align: center;"> </h2> <p>"စိတ်ဝင်စားဖို့ကောင်းသားပဲ"</p> <p> </p> <p>ကျန်းရှောင်သည် သူရောက်ရှိလာစဥ်ကပင် ဤမှော်ဆန်သောကမ္ဘာကြီး၏ ဆွဲဆောင်မှုကို ပြင်းထန်စွာခံခဲ့ရသော်လည်း၊ သူရရှိထားသော မှတ်ဉာဏ်များကို သေချာစွာ ပြန်လည်စဥ်းစားနေမိ​၏။</p> <p> </p> <p>ကျန်းရှောင်၏ မူလကမ္ဘာတွင် သူ့၌ မိသားစုမရှိသလို သံယောဇဥ်တွယ်စရာလည်း မရှိပေ။ </p> <p> </p> <p>ထို့ကြောင့် စိုးရိမ်ပူပန်စရာ တစ်ခုမှမရှိခဲ့ပေ။</p> <p> </p> <p>'ဤကမ္ဘာတွင် ထူးဆန်းသော စွမ်းရည်အမျိုးမျိုးရှိသည်တဲ့လား၊ အထင်ကြီးစရာပဲ'</p> <p> </p> <p>ကျန်းရှောင်သည် မတ်တပ်ရပ်လိုက်ပြီး သူ၏ ဝက်ခြံကဲ့သို့ ရှုပ်ပွနေသော အခန်းကို လှည့်ပတ်ကြည့်ရှုရာ တကယ်ပင် ကြည့်မကောင်းအောင် ဖြစ်နေသည်ကို သတိပြုမိသွားသည်။ </p> <p> </p> <p>ခဏမျှ စဥ်းစားပြီးနောက်၊ ကျန်းရှောင်သည် သူ၏မှတ်ဉာဏ်ထဲကအတိုင်း အဝတ်အစားများကို တစ်ထည်ချင်းစီ ကောက်ယူကာ ဗီရိုထဲတွင် ပြန်လည်ချိတ်ဆွဲထားလိုက်​၏။</p> <p> </p> <p>ကြမ်းပြင်ပေါ်ရှိ တစ်ရှူးလုံးများက ကျန်းရှောင်အား နှာပြန်ညှစ်ချင်စိတ် ပေါက်လာစေသည်။</p> <p> </p> <p>'တောက်... နိုးထသူတွေက ဘာလို့ နှာစေးနေရသေးတာလဲ'</p> <p> </p> <p>'ကျန်းရှောင်ဖီရေ... မင်းအတွက် ငါတကယ် ရှက်မိတယ်'</p> <p> </p> <p>ကျန်းရှောင်သည် တစ်ရှူးလုံးအားလုံးကို အမှိုက်အိတ်ထဲသို့ ပစ်ထည့်ရင်း ကျန်းရှောင်ဖီကို လှောင်ပြောင်နေမိသည်။ </p> <p> </p> <p>အမှိုက်အိတ်ကြီး နှစ်အိတ်စာခန့် ရှင်းလင်းပြီးနောက် ကျန်းရှောင်တစ်ယောက် နုံးချိသွားပြီ။</p> <p> </p> <p>ဤမျှ ချောမောသန့်ပြန့်ပြီး တက်ကြွလှပသော လူငယ်လေးတစ်ယောက်က ဘယ်လိုလုပ် ဒီလောက်အထိ အဝတ်အစားအစား အနေအထိုင် စုတ်ပြတ်နေရတာလဲ။</p> <p> </p> <p>'မင်းက မင်းအစ်မက ခိုင်းလို့ ဒီလိုဝတ်တာလား'</p> <p> </p> <p>ကျန်းရှောင်သည် အခန်းသိမ်းဆည်းရင်း မျက်မှောင်ကြုတ်နေမိသည်။</p> <p> </p> <p>လွန်ခဲ့သော သုံးနှစ်က မိဘများ ဆုံးပါးသွားပြီးနောက်ပိုင်း ကျန်းရှောင်ဖီသည် ထိန်းသူမရှိသဖြင့် ပို၍ဆိုးသွမ်းလာပြီး စည်းကမ်းမဲ့လာခဲ့ပုံရ​၏။</p> <p> </p> <p>သို့သော် လွန်ခဲ့သော ၂ လခန့်က ကျောင်းဆင်းပွဲအခမ်းအနားတွင် စွမ်းအားနိုးထလာပြီးနောက်ပိုင်း သူ၏အခြေအနေမှာ ပို၍ပင် ဆိုးရွားလာခဲ့သည်။ </p> <p> </p> <p>စွမ်းအားနိုးထလာပြီးနောက် စိတ်ပိုင်းဆိုင်ရာ မမျှတမှုအချို့ ခံစားခဲ့ရသည်ထင်၏။ </p> <p> </p> <p>ထိုမမျှတမှုမှာ လွန်ခဲ့သော သုံးရက်ခန့်က အထွတ်အထိပ်သို့ ရောက်ရှိခဲ့သည်။</p> <p> </p> <p>"ဟမ်"</p> <p> </p> <p>ကျန်းရှောင်သည် ခဏမျှ ကြောင်အသွားပြီး အမှိုက်အိတ်ကို တံခါးဝတွင် ဖြည်းညင်းစွာ ချထားလိုက်​၏။</p> <p> </p> <p>အဘယ်ကြောင့်ဆိုသော် သူ၏မှတ်ဉာဏ်ထဲတွင် ထူးခြားသော အရာတစ်ခုကို တွေ့ရှိလိုက်သောကြောင့် ဖြစ်သည်။</p> <p> </p> <p>'စနစ်'</p> <p> </p> <p>'အတွင်းပိုင်း ကြယ်တာရာမြေပုံ'</p> <p> </p> <p>'ကျန်းရှောင်ဖီမှာ စနစ်အပိုပစ္စည်း ဘယ်လိုလုပ် ရှိနေရတာလဲ'</p> <p> </p> <p>'ဒါဆို ကျန်းရှောင်ဖီက တကယ်ပဲ ရွေးချယ်ခံရသူဖြစ်ပြီး မာန်မာနတွေ တက်ကြွခဲ့တာလား'</p> <p> </p> <p>'နောက်ဆုံးမှာ သူကြွားဝါနေတုန်း အစ်မဖြစ်သူရဲ့ ဆူပူမှုကို ခံလိုက်ရလို့ အိပ်ပျော်သွားပြီး တခြားကမ္ဘာကို ကူးပြောင်းသွားတာလား'</p> <p> </p> <p>ကျန်းရှောင်သည် အတွင်းပိုင်းမြေပုံကို ဂရုတစိုက် ဖွင့်ကြည့်လိုက်ရာ၊ အလယ်တွင် သူ၏ ပုံရိပ်ယောင်တစ်ခု ပေါ်လာ​၏။</p> <p> </p> <p>ထိုပုံရိပ်ယောင်မှာ နောက်ခံမျှသာဖြစ်ပြီး အောက်ပါ သုံးခုကို အစဉ်လိုက် ဖော်ပြထားသည်။</p> <p> </p> <p>၁။ ကြယ်တာရာစွမ်းအား</p> <p>၂။ ကြယ်တာရာအတတ်ပညာ</p> <p>၃။ အခြေခံအတတ်ပညာ</p> <p> </p> <p>ကြယ်တာရာစွမ်းအား ပြားချပ်၏ အပေါ်ဘက်တွင် ကြယ်တာရာပုံချပ်တစ်ခု ပေါ်လာသည်။ </p> <p> </p> <p>ကြယ်တာရာကိုးလုံးမှာ ဇွန်းပုံသဏ္ဍာန်ရှိပြီး နက္ခတ်ခုနစ်လုံး) နှင့် ဆင်တူသော်လည်း လက်ကိုင်မှာ အနည်းငယ် ရှည်လျားနေသည်။ </p> <p> </p> <p>ထို့အပြင် မှိန်ဖျော့နေသော ကြယ်နှစ်လုံး အပိုပါရှိသဖြင့် စုစုပေါင်း ကိုးလုံးဖြစ်နေ​၏။</p> <p> </p> <p>ထိုကြယ်ကိုးလုံးကို ပုံရိပ်ယောင် အစက်အပြောက်များဖြင့် ဆက်သွယ်ထားသည်။</p> <p> </p> <p>ကြယ်တာရာချပ်၏ အပေါ်တွင် လက်ရေးကြည်ကြည်လင်လင်ဖြင့် စာသားတစ်ကြောင်း ရှိနေသည်။</p> <p> </p> <p>ကြယ်တာရာစွမ်းအား - ကြယ်မှုန်အဆင့် ၂ </p> <p> </p> <p>'ကြယ်မှုန်အဆင့်'</p> <p> </p> <p>ကျန်းရှောင်သည် ထူးဆန်းသော မျက်နှာပေးဖြင့် ကုတင်ပေါ်တွင် ထိုင်လိုက်ပြီး မှတ်ဉာဏ်များကို ပြန်လည်နှိုက်ထုတ်ကြည့်သည်။ </p> <p> </p> <p>ရုတ်တရက် သူသဘောပေါက်သွားသည်မှာ ကြယ်မှုန်အဆင့်ဆိုသည်မှာ ဤကမ္ဘာရှိ နိုးထသူများ ပိုင်ဆိုင်သော ကြယ်တာရာစွမ်းအား၏ အဆင့်အတန်း သတ်မှတ်ချက်ပင် ဖြစ်သည်။</p> <p> </p> <p>ကြယ်မှုန်အဆင့်အထက်တွင် နက်ဗျူလာအဆင့်၊  ဂလက်ဆီအဆင့်၊ ကြယ်ကြွေအဆင့် နှင့် ကြယ်စင်အဆင့်ဟူ၍ ရှိကြသည်။ </p> <p> </p> <p>လူသားများအတွက် အမြင့်ဆုံးအဆင့်မှာ ကြယ်စင်အဆင့် ဖြစ်ပုံရပြီး ထိုအထက်အဆင့်များမှာ ဒဏ္ဍာရီလာသာ ဖြစ်နေသေး​၏။</p> <p> </p> <p>ကျန်းရှောင်သည် သူ၏ ကြယ်တာရာမြေပုံကို ကြည့်ရင်း ရင်ခုန်စိတ်လှုပ်ရှားလာကာ ဆံပင်များကို ပွတ်သပ်နေမိသည်။</p> <p> </p> <p>ဒုတိယတစ်ခုမှာ 'ကြယ်တာရာအတတ်ပညာ' ဟု ရေးသားထားသည်။ </p> <p> </p> <p>ကျန်းရှောင် စိတ်ပျက်သွားသည်မှာ ထိုနေရာတွင် ဘာမှမရှိခြင်းပင်။ </p> <p> </p> <p>'တစ်ခုတောင် မရှိဘူးလား၊ သူက ဒီလောက်တောင် ဆင်းရဲတာလား'</p> <p> </p> <p>ကျန်းရှောင် ခေါင်းခါရင်း တတိယတစ်ခုကို ဆက်ကြည့်လိုက်ရာ ထိုနေရာတွင်တော့ အသစ်အဆန်းတစ်ခု တွေ့လိုက်ရသည်။</p> <p> </p> <p>တတိယတစ်ခုမှာ 'အခြေခံအတတ်ပညာ' ဖြစ်သည်။</p> <p> </p> <p>အခြေခံတိုက်ခိုက်ရေး (ကြေးဝါအရည်အသွေး အဆင့် ၁၊ အဆင့်မြှင့်တင်နိုင်သည်)</p> <p> </p> <p>ကြယ်တာရာစွမ်းအား ပေါများမှု (ကြေးဝါအရည်အသွေး အဆင့် ၁၊ အဆင့်မြှင့်တင်နိုင်သည်)</p> <p> </p> <p>ဒါပါပဲလား။</p> <p> </p> <p>ကျန်းရှောင်သည် အခြေခံတိုက်ခိုက်ရေး၏ အဓိပ္ပာယ်ကို သိသော်လည်း ကြေးဝါအရည်အသွေးဆိုသည်မှာ အနိမ့်ဆုံးလားဟု တွေးမိ​၏။</p> <p> </p> <p>ကြယ်တာရာစွမ်းအား ပေါများမှု ကရော ဘာလဲ။</p> <p> </p> <p>ကျန်းရှောင်၏ စိတ်ထဲတွင် အတွေးတစ်ခု ပေါ်လာပြီး ကြယ်တာရာ စွမ်းအား ပေါများမှုကို သေချာကြည့်လိုက်ရာ....</p> <p> </p> <p>ကြယ်တာရာစွမ်းအား စုစည်းမှုနှင့် ပြန်လည်ပြည့်ဖြိုးမှု အရှိန် (ကြေးဝါအရည်အသွေး အဆင့် ၁၊ အဆင့်မြှင့်တင်နိုင်သည်) ဟူသော စာသားကို တွေ့လိုက်ရ​၏။</p> <p> </p> <p>အထင်ကြီးစရာပင်။</p> <p> </p> <p>'ပထမတစ်ခုက နက္ခတ်ခုနစ်လုံး ကြယ်တာရာကို ပေးတယ်၊ ဒုတိယတစ်ခုကတော့ အလွတ်ကြီး'</p> <p> </p> <p>'တတိယတစ်ခုမှာတော့ အသုံးဝင်ပြီး အဆင့်မြှင့်လို့ရတဲ့ အခြေခံအတတ်ပညာ နှစ်ခုရှိတယ်'</p> <p> </p> <p>'ဒါကြောင့်ပဲ ကျန်းရှောင်ဖီက မာနကြီးနေတာလား'</p> <p> </p> <p>"ကျန်း...ရှောင်...ဖီ"</p> <p> </p> <p>ထိုစဉ် တံခါးဝမှ ကြောက်မက်ဖွယ်ကောင်းပြီး ပြင်းထန်သောအသံ ထွက်ပေါ်လာသည်။ </p> <p> </p> <p>အသံရှင်မှာ အလွန်ဒေါသထွက်နေကြောင်း ကျန်းရှောင် ခံစားမိလိုက်​၏။</p> <p> </p> <p>ခဏအကြာတွင် တံခါးပွင့်သွားပြီး အသားဖြူဖြူ ချောမောလှပသော အမျိုးသမီး ပြန်လည်ပေါ်လာသည်။</p> <p> </p> <p>"နင် တကယ်ပဲ ထမင်းမစားဘူးလား..."</p> <p> </p> <p>"ဟင်"</p> <p> </p> <p>ကျန်းရှောင်ဖီ၏ အစ်မမှာ အမှိုက်များ၊ တစ်ရှူးလုံးများဖြင့် ရှုပ်ပွနေသော အခန်းမှာ ယခုအခါ ပြောင်လက်သန့်ရှင်းနေသည်ကို တွေ့ရသဖြင့် အံ့အားသင့်သွားသည်။ </p> <p> </p> <p>ဟန်ကျန်းရွှယ်သည် သူမ၏ စူးရှသော မျက်လုံးများဖြင့် အခန်းကို လှည့်ကြည့်လိုက်ပြီးနောက် ကုတင်ပေါ်တွင် ငိုင်နေသော ကျန်းရှောင်ကို တွေ့လိုက်ရ​၏။</p> <p> </p> <p>သူမ၏ ဒေါသများ လျော့ပါးသွားပြီး အေးစက်စွာ ပြောလိုက်သည်။</p> <p> </p> <p>"ထမင်းလာစားတော့"</p> <p> </p> <p>ထို့နောက် သူမ လှည့်ထွက်သွားသည်။</p> <p> </p> <p>ကျန်းရှောင် မျက်တောင်ခတ်ရင်း တွေးနေမိသည်။ </p> <p> </p> <p>'သူမက ခုနတင် ကျန်းရှောင်ဖီကို ထမင်းမကျွေးဘူးပြောပြီး ပါးတောင် ရိုက်လိုက်သေးတယ် မဟုတ်လား'</p> <p> </p> <p>'မိနစ် ၃၀ ပဲ ရှိသေးတယ်၊ သူမက ထမင်းလာစားဖို့ ခေါ်နေပြီလား'</p> <p> </p> <p>ကျန်းရှောင်ဖီမှာ အသက် ၁၆ နှစ်သာ ရှိသေးသော်လည်း၊ ယခု ၎င်း၏ကိုယ်ထဲသို့ ရောက်နေသော ကျန်းရှောင်မှာ အသက် ၂၅ နှစ်အရွယ် လူကြီးတစ်ယောက်ဖြစ်သည်။ </p> <p> </p> <p>သူမ၏ အပြုအမူကို ကြည့်ခြင်းဖြင့် သူမသည် အနည်းငယ် မာနကြီးသူဖြစ်ကြောင်း သူသိနိုင်​၏။</p> <p> </p> <p>သို့သော် သူမသည် တကယ်ပင် ဆွဲဆောင်မှုရှိလှသည်။</p> <p> </p> <p>သူမ၏ တစ်ခုတည်းသော အပြစ်မှာ...</p> <p> </p> <p>ကျန်းရှောင်သည် ကုတင်ကို အမြန်ရှင်းလင်းပြီး မှတ်ဉာဏ်ထဲက လမ်းကြောင်းအတိုင်း အောက်ထပ်သို့ ဆင်းလာခဲ့သည်။ </p> <p> </p> <p>သူ၏ အိမ်မှာ စတုရန်းမီတာ ၁၂၀ ခန့်ရှိပြီး အိပ်ခန်း ၃ ခန်း၊ ဧည့်ခန်း ၁ ခန်း ပါရှိသည်။ </p> <p> </p> <p>နေထိုင်မှုအခြေအနေမှာ မဆိုးလှပေ။ </p> <p> </p> <p>ကျန်းရှောင်ဖီ၏ ဝက်ခြံကဲ့သို့ အခန်းမှလွဲ၍ အိမ်၏ ကျန်အစိတ်အပိုင်းများမှာ သန့်ရှင်းသပ်ရပ်ပြီး ပရိဘောဂများမှာလည်း ကျော့ရှင်းလှ​၏။</p> <p> </p> <p>အမှိုက်အိတ်ကြီး နှစ်အိတ်ကို တံခါးဝတွင် ထားခဲ့ပြီးနောက် ကျန်းရှောင်သည် ရေချိုးခန်းထဲတွင် လက်ကို သေချာဆေးကြောကာ မီးဖိုချောင်သို့ ဝင်လာခဲ့သည်။ </p> <p> </p> <p>ဟန်ကျန်းရွှယ်သည် သူမ၏ ဆံပင်အရှည်များကို မြင်းမြီးပုံစံ စည်းထားပြီး ကျန်းရှောင်အပေါ် ဆက်လက် တင်းမာနေဆဲပင်။</p> <p> </p> <p>သူမ၏ မျက်နှာမှာ အေးစက်နေသော်လည်း ကျန်းရှောင်ဖီ ဘာဖြစ်သွားသလဲဆိုသည်ကို တိတ်တဆိတ် အံ့သြနေမိသည်။</p> <p> </p> <p>'ငါ့ရဲ့ ပါးရိုက်ချက်က သူ့ကို တကယ်ပဲ အသိဝင်သွားစေတာလား'</p> <p> </p> <p>အမှန်စင်စစ် ဟန်ကျန်းရွှယ်မှာ ထိုမျှအကြမ်းဖက်တတ်သူမဟုတ်သလို ယခင်က ကျန်းရှောင်ဖီကို တစ်ခါမျှ မရိုက်ဖူးပေ။ </p> <p> </p> <p>အေးစက်ခက်ထန်ပြီး ချိုသာသောစကား မပြောတတ်သော်လည်း သူမသည် ကျန်းရှောင်ဖီကို ဂရုစိုက်မှုဖြင့်သာ စောင့်ရှောက်ခဲ့​၏။</p> <p> </p> <p>လွန်ခဲ့သော ၂ လက ကျန်းရှောင်ဖီ စွမ်းအားနိုးထလာသည့်အတွက် သူမ တိတ်တဆိတ် ဝမ်းသာခဲ့သော်လည်း ထိုအချိန်မှစ၍ ကံဆိုးမှုများ စတင်ခဲ့သည်။ </p> <p> </p> <p>ကျန်းရှောင်ဖီ၏ စရိုက်မှာ လွန်ခဲ့သော ၃ နှစ်က မိဘများမရှိတော့ကတည်းက ဆိုးရွားလာခဲ့သော်လည်း စွမ်းအားရရှိပြီးနောက်ပိုင်း ပို၍ပင် ပြောင်းလဲသွားခဲ့သည်။ </p> <p> </p> <p>လွန်ခဲ့သော ၃ ရက်ကမူ သူသည် လုံးဝ တခြားလူတစ်ယောက်ကဲ့သို့ ဖြစ်သွားပြီး အလွန်အမင်း မာန်တက်လာခဲ့​၏။</p> <p> </p> <p>ဟန်ကျန်းရွှယ်သည် ကျန်းရှောင်ဖီ၏ ကလေးကလား အပြုအမူများကို သည်းခံလာခဲ့သော်လည်း ယနေ့တွေ့ရသော ဗီဒီယိုမှာ သူမအတွက် သည်းခံနိုင်စွမ်း ကုန်ဆုံးသွားစေခဲ့သည်။ </p> <p> </p> <p>သူမကဲ့သို့ အေးစက်သောသူမှာ ဒေါသထွက်ခဲသော်လည်း ထွက်လာလျှင်မူ လပေါင်းများစွာ စုပုံနေသော ဒေါသများ ပေါက်ကွဲထွက်လာခြင်းဖြစ်သည်။ </p> <p> </p> <p>ကျန်းရှောင်ဖီ၏ ယနေ့အပြုအမူများက သူမကို အမှန်တကယ်ပင် စိတ်ဆိုးဒေါသထွက်စေခဲ့သည်။</p> <p> </p> <p>သို့သော် သူမ၏ ပါးရိုက်ချက်က ဤမျှ ထိရောက်လိမ့်မည်ဟု သူမ မမျှော်လင့်ထားခဲ့ပေ။</p> <p> </p> <p>ပါးရိုက်ခံရပြီးနောက် သူသည် အဝတ်အစားများ သိမ်းဆည်းသည်၊ အခန်းရှင်းသည်၊ ဆော့ကစားခြင်းကို ရပ်တန့်ပြီး ထမင်းကို ငြိမ်ငြိမ်သက်သက် လာစားသည်။</p> <p> </p> <p>'ကြည့်စမ်း၊ အခုတော့ ဘယ်လောက် လိမ်မာနေလဲ'</p> <p> </p> <p>ဟန်ကျန်းရွှယ်သည် ခေါင်းငုံ့ပြီး ထမင်းစားနေသော ကျန်းရှောင်ကို ကြည့်လိုက်သည်။ </p> <p> </p> <p>သူမသည် သူမ၏ ဖြူစင်နူးညံ့သော လက်ဖဝါးကို ပြန်လည်ကြည့်ရှုရင်း 'ငါ ကြယ်တာရာအတတ်ပညာအသစ် တစ်ခုခုများ နိုးထလာတာလား' ဟုပင် တွေးတောမိသည်။</p> <p> </p> <p>ကျန်းရှောင်သည် ဟန်ကျန်းရွှယ်က သူမ၏ လက်ဖဝါးကို ပြန်ကြည့်နေသည်ကို မြင်လိုက်ရသဖြင့် တုန်လှုပ်သွားသည်။ </p> <p> </p> <p>ထိုပါးရိုက်ချက်မှာ ကျန်းရှောင်ဖီထံ ကျရောက်ခဲ့ခြင်းဖြစ်သော်လည်း ကျန်းရှောင်၏ ဦးခေါင်းနောက်ဘက်မှာ ယခုအထိ နာကျင်နေဆဲဖြစ်ကာ ခုနက ဗီဒီယိုထဲက မြင်ကွင်းကို အလိုလို ပြန်မြင်ယောင်မိသွား​၏။</p> <p> </p> <p>ကောင်းကင်ဘုံက ကျဆင်းလာတဲ့ ရိုက်ချက်ကို မြင်ဖူးသလား။</p> <p> </p> <p>လူတစ်ယောက်ရဲ့ ခေါင်းနောက်ဘက်ကို တည့်တည့်ကျရောက်တဲ့ အမျိုးအစားလေ။</p> <p> </p> <p>အဲဒါက ကုသမှုပေးနိုင်သလို ကြောက်ဖို့လည်း ကောင်းတယ်။</p> <p> </p> <p>***</p> <p> </p>


Save