Book List

<h2 style="text-align: center;">အခန်း ၄</h2> <h2 style="text-align: center;">ငါ့ရဲ့ ကောင်းချီးပေးမှုကို ခံယူလိုက်ပါ </h2> <h2 style="text-align: center;">*</h2> <p> </p> <p>ဟန်ကျန်းရွှယ် နှင့် ကျန်းရှောင်ဖီ တို့သည် ကျန်းပင်မြို့တွင် နေထိုင်ကြသည်။ </p> <p> </p> <p>ကျန်းရှောင်သည် ကျန်းရှောင်ဖီ၏ မှတ်ဉာဏ်များမှတစ်ဆင့် ဤနေရာရှိ ဟွားရှနယ်မြေမှာ သူလာခဲ့သည့် ကမ္ဘာဦးလောကနှင့် အတော်လေး ဆင်တူကြောင်း သိရှိခဲ့ရ​၏။</p> <p> </p> <p>ကျန်းပင်မြို့သည် ဒုတိယတန်းစား မြို့အဆင့်မျှသာ ရှိသော်လည်း စီးပွားရေး မဖွံ့ဖြိုးသော်ငြား အနည်းဆုံးတော့ ပြည်နယ်မြို့တော်တစ်ခုအဖြစ် သတ်မှတ်နိုင်သည်။ </p> <p> </p> <p>ကျန်းပင်မြို့သည် ဟွားရှ၏ မြောက်ဘက်အစွန်ဆုံးရှိ ဘီလူးဖြူများ ပေါများရာ ပေကျန်း ပြည်နယ်၏ မြို့တော်ဖြစ်သည်။</p> <p> </p> <p>မြင့်မြတ်သောနယ်မြေသည် တောင်မှမြောက်၊ အရှေ့မှအနောက် အလွန်ကျယ်ဝန်းပြီး ပထဝီဝင်အနေအထားအရလည်း အလွန်ကွာခြားကြောင်း လူတိုင်းသိကြသည်။ </p> <p> </p> <p>ဟွားရှ၏ မြောက်ဘက်အကျဆုံး ပြည်နယ်တွင် ပွင့်လာသော သီးခြားကမ္ဘာများမှာ စိတ်ဝင်စားစရာကောင်းပြီး ဒေသအလိုက် ထူးခြားချက်များ ရှိကြ​၏။</p> <p> </p> <p>၎င်းမှာ ဖန်ဆင်းရှင်၏ ပြောင်လှောင်မှုတစ်ခုနှယ်ပင်။ </p> <p> </p> <p>ပေကျန်းပြည်နယ်ရှိ သီးခြားကမ္ဘာများသည် များသောအားဖြင့် ကြမ်းတမ်းသော ရာသီဥတုရှိသည့် နှင်းဖုံးလွင်ပြင်များဆီသို့ ဦးတည်နေတတ်သည်။</p> <p> </p> <p>နှင်းဖုံးလွင်ပြင်များတွင် ဘီလူးဖြူများမှာ အတွေ့ရအများဆုံးနှင့် အရေအတွက် အများဆုံး သတ္တဝါများဖြစ်ကြ​၏။</p> <p> </p> <p>၎င်းတို့မှာ အဖြူရောင်အမွှေးအမျှင်များ ဖုံးလွှမ်းထားပြီး မတ်တပ်လမ်းလျှောက်နိုင်သည့် လူသားပုံသဏ္ဌာန် သတ္တဝါများဖြစ်သည်။ </p> <p> </p> <p>လူဝံများနှင့် ဆင်တူပြီး အရပ်မှာ ၁.၅ မီတာမှ ၂ မီတာအထိ ရှိတတ်ကြသည်။</p> <p> </p> <p>၎င်းတို့သည် ကိုယ်ခန္ဓာ သန်မာပြီး ကြောက်မက်ဖွယ် ကောင်းလှ​၏။</p> <p> </p> <p>ထူထဲသန့်ရှင်းသော အဖြူရောင်အမွှေးများ ရှိသော်လည်း ၎င်းတို့၏ မျက်နှာများမှာမူ မိစ္ဆာများကဲ့သို့ ထိတ်လန့်ဖွယ် ကောင်းလှသည်။ </p> <p> </p> <p>ကျန်းရှောင်ဖီ စုပ်ယူခဲ့သော ကြယ်တာရာပုတီးစေ့ သုံးလုံးစလုံးမှာ အနိမ့်ဆုံးအဆင့်ရှိ ဘီလူးဖြူ​၏ ကြယ်တာရာ ပုတီးစေ့များသာ ဖြစ်သည်။</p> <p> </p> <p>ဟန်ကျန်းရွှယ်က သူ့ကို ဘီလူးဖြူ စုန်းမ​၏ ကြယ်တာရာ ပုတီးစေ့ပေးခြင်းမှာ တောင်းပန်ခြင်း သဘောလားဟု ကျန်းရှောင် တွေးနေမိသည်။ </p> <p> </p> <p>သာမန် ဘီလူးဖြူများနှင့် နှိုင်းယှဉ်လျှင် ဘီလူးဖြူစုန်းမများမှာ ရှားပါးပြီး ဘီလူးဖြူ အုပ်စုတစ်စုတွင် အများဆုံး တစ်ကောင်သာ ပါရှိတတ်သည်။ </p> <p> </p> <p>သာမန်ဘီလူးဖြူများသည် ၎င်းတို့၏ အစွယ်နှင့် လက်သည်းများကိုသာ အားကိုးသော်လည်း ဘီလူးဖြူစုန်းမများမှာမူ ပိုမို အဆင့်မြင့်​၏။</p> <p> </p> <p>၎င်းတို့တွင် ကမ္ဘာမြေမှ လူသားများက ကြယ်တာရာအတတ်ပညာ ဟု ခေါ်ဆိုသော ဆန်းကြယ်သည့် မှော်ပညာများ ရှိကြ​၏။</p> <p> </p> <p>ယခုအချိန်တွင် ကြယ်တာရာအတတ်ပညာတစ်ခုမျှ မရှိသေးသော ကျန်းရှောင်သည် သူ၏ ဘဝတွင် ပထမဆုံး အတတ်ပညာကို ရရှိသွား။</p> <p> </p> <p>မဟုတ်သေး၊ ၎င်းမှာ ပထမဆုံးနှင့် ဒုတိယမြောက် ကြယ်တာရာ အတတ်ပညာများ ဖြစ်ကြသော ကောင်းချီးပေးခြင်း နှင့် လှည့်စားခြင်း တို့ပင် ဖြစ်သည်။</p> <p> </p> <p>ကျန်းရှောင် သူ၏ ကြယ်တာရာမြေပုံကို ဖွင့်လိုက်သောအခါ သူ၏ ပုံရိပ်ယောင်တစ်ခု ရုတ်တရက် ပေါ်လာပြီး နောက်ခံကားချပ်အဖြစ် ကြီးမားလာသည်။ </p> <p> </p> <p>ထိုပုံရိပ်၏ ရင်ဘတ်တွင် နက္ခတ်ခုနစ်လုံးပုံစံ ကြယ်တာရာမြေပုံတစ်ခု ပေါ်လာပြီး အစပိုင်းတွင် မှိန်ဖျော့နေသော ပထမဆုံး ကြယ်ပွင့်မှာ ယခုအခါ လင်းထိန်သွားခဲ့ပြီ ဖြစ်သည်။</p> <p> </p> <p>မရေမတွက်နိုင်သော အစက်အပြောက်ကလေးများသည် မှောင်မိုက်ထဲမှ ပိုးစုန်းကြူးများကဲ့သို့ ကြယ်ပွင့်ကို ဝန်းရံကာ လွတ်လပ်စွာ ပျံသန်းနေကြပြီး လှပသော မြင်ကွင်းတစ်ခုကို ဖန်တီးထား​၏။</p> <p> </p> <p>ကြယ်တာရာစွမ်းအား : ကြယ်မှုန်အဆင့် ၂</p> <p> </p> <p>"ကြယ်တာရာစွမ်းအားက အဆင့် ၂ ပဲ ရှိသေးတာလား၊ ကြယ်တာရာ ပုတီးစေ့ကို စုပ်ယူတာက စွမ်းအားတိုးဖို့ အထိရောက်ဆုံး နည်းလမ်းပဲလေ"</p> <p> </p> <p>"ငါ ကြယ်တာရာ ပုတီးစေ့ကို စုပ်ယူပြီးပြီပဲ၊ ဘာလို့ ငါ့ကြယ်တာရာ စွမ်းအားက လုံးဝ မတိုးတာလဲ"</p> <p> </p> <p>ရှင်းပြရန် အချက်အချို့ ရှိပါသည်။ </p> <p> </p> <p>ကြယ်တာရာ ပုတီးစေ့များသည် လူ့ခန္ဓာကိုယ်အတွင်းရှိ ကြယ်တာရာ အတတ်ပညာများကို ခိုင်မာစေရုံသာမက စုစုပေါင်း ကြယ်တာရာ စွမ်းအား​၏ အမြင့်ဆုံး ကန့်သတ်ချက်ကိုပါ တိုးမြင့်ပေးနိုင်သည်။ </p> <p> </p> <p>သို့သော် ကြယ်တာရာ စွမ်းအားသည် လူတစ်ဦး၏ ကိုယ်ကာယ ကြံ့ခိုင်မှုနှင့်လည်း ဆက်စပ်နေ​၏။</p> <p> </p> <p>ကြယ်တာရာ စွမ်းအားတိုးလာခြင်းသည် လူသားများ၏ ကိုယ်ကာယ ဖွံ့ဖြိုးမှုကို အားပေးပြီး ပိုမိုသန်မာ၊ မြန်ဆန်ကာ ဖျတ်လတ်စေသည်။</p> <p> </p> <p>လူ့ခန္ဓာကိုယ်သည် ရေပုံးတစ်ပုံးနှင့် တူ​၏။</p> <p> </p> <p>ကိုယ်ကာယ ကြံ့ခိုင်မှုကို အဆက်မပြတ် မြှင့်တင်ခြင်းဖြင့်သာ ကြယ်တာရာ စွမ်းအားကို ပိုမိုစုပ်ယူနိုင်သည်။</p> <p> </p> <p>၎င်းတို့ နှစ်ခုသည် အပြန်အလှန် အမှီသဟဲပြုနေကြခြင်း။</p> <p> </p> <p>ယခုအချိန်တွင် ကျန်းရှောင်သည် သူ၏ ကိုယ်ကာယ ကြံ့ခိုင်မှုနှင့် ပတ်သက်၍ ပြဿနာတက်နေခြင်း ဖြစ်သည်။ </p> <p> </p> <p>သူ၏ ခန္ဓာကိုယ်ကို ရေပုံးအသေးလေးတစ်ခုနှင့် နှိုင်းယှဉ်ပါက ကျန်းရှောင်၏ ပုံးမှာ ကြယ်တာရာ စွမ်းအားများဖြင့် ပြည့်လျှံနေပြီး ထပ်မံ စုပ်ယူ၍ မရတော့ပေ။ </p> <p> </p> <p>ထို့ကြောင့်လည်း ကြယ်တာရာ မြေပုံပေါ်ရှိ ကြယ်တာရာ စွမ်းအားမှာ တိုးတက်မလာခြင်း ဖြစ်သည်။ </p> <p> </p> <p>ကျန်းရှောင်အနေဖြင့် လေ့ကျင့်ခန်းလုပ်ကာ စုပ်ယူထားသော ကြယ်တာရာ စွမ်းအားကို အစာခြေဖျက်ပြီး သူ၏ ကိုယ်ကာယကို ပိုကြီးသော ရေပုံးဖြစ်အောင် မြှင့်တင်ရမည်။</p> <p> </p> <p>အိမ်မှာပဲ အပျင်းကြီးပြီး ကြယ်တာရာ စွမ်းအားပြည့်နှက်နေသော ခန္ဓာကိုယ်ကို အလိုအလျောက် ပြောင်းလဲလာအောင် စောင့်နေမည်ဆိုပါက လေ့ကျင့်ခန်း မလုပ်ဘဲ၊ အစာမခြေဘဲနှင့် ၁၀ နှစ်ကြာလျှင်ပင် အဆင့်တက်လာမည် မဟုတ်ပေ။</p> <p> </p> <p>ကျန်းရှောင်က ထိုအချက်ကို ခေတ္တဘေးဖယ်ထားလိုက်ပြီး ဒုတိယမြောက် တစ်ခုကို ကြည့်လိုက်သည်။</p> <p> </p> <p>ကြယ်တာရာ အတတ်ပညာ -</p> <p> </p> <p>၁။ ကောင်းချီးပေးခြင်း : ပစ်မှတ်၏ သက်စောင့်အားကို နှေးကွေးစွာ ပြန်လည်ဖြည့်တင်းပေးခြင်း (ကြေးဝါအဆင့် ၁၊ အဆင့်မြှင့်နိုင်သည်)</p> <p> </p> <p>၂။ လှည့်စားခြင်း : ရန်သူကို ထင်ယောင်ထင်မှားဖြစ်အောင် ဖန်တီးခြင်း (ကြေးဝါအဆင့် ၁၊ အဆင့်မြှင့်နိုင်သည်)</p> <p> </p> <p>အမှန်တကယ်ပင်။</p> <p> </p> <p>သူသည် ကြယ်တစ်ပွင့်တည်းကိုသာ လင်းစေခဲ့သော်လည်း ကြယ်တာရာ အတတ်ပညာနှစ်ခု ရရှိခဲ့သည်။</p> <p> </p> <p>"ဟား... ငါ့ရဲ့ နက္ခတ်ခုနစ်လုံးမှာ ကြယ်တာရာ အတတ်ပညာ ၉ ခုပဲ ရှိနိုင်တယ်လို့ ဘယ်သူပြောလဲ၊ ငါ ၉ ခုထက်မက ပိုရှိနိုင်တာပဲ"</p> <p> </p> <p>အရေးကြီးဆုံးအချက်မှာ အခြားသူများသည် ကြယ်တာရာ အတတ်ပညာတစ်ခုကို ခက်ခက်ခဲခဲ ရရှိပြီးနောက် ၎င်းတို့၏ ကြယ်တာရာ စွမ်းအားမှာ ကြေးဝါအဆင့်မှာတင် ရပ်တန့်နေတတ်သော်လည်း ကျန်းရှောင်မှာမူ ကြယ်တာရာ အတတ်ပညာ အရည်အသွေးကို ဆက်လက် မြှင့်တင်နိုင်ခြင်းဖြစ်သည်။ </p> <p> </p> <p>ဤကမ္ဘာတွင် ဘုံစည်းမျဉ်းတစ်ခု ရှိသည်။</p> <p> </p> <p>ကြယ်တာရာနေရာတစ်ခု လင်းသွားပြီးနောက် ရရှိလာသော အတတ်ပညာကို အစားထိုးခြင်း၊ အဆင့်မြှင့်ခြင်း သို့မဟုတ် ပယ်ဖျက်ခြင်း မပြုလုပ်နိုင်ပေ။ </p> <p> </p> <p>တစ်နည်းအားဖြင့် ကြယ်တာရာနေရာ ၁၀,၀၀၀ ရှိသော နတ်ဘုရားတစ်မျှ တော်သူပင် ဖြစ်ပါစေ၊ သူ ပထမဆုံး ရရှိသော အတတ်ပညာက ကြေးဝါအဆင့် ဖြစ်နေပါက သူသည် ထာဝရ ကြေးဝါအဆင့်မှာပင် ရှိနေရမည်။</p> <p> </p> <p>ကျန်းရှောင်က အတတ်ပညာ​၏ နောက်က အဆင့်မြှင့်နိုင်သည် ဆိုသော နေရာကို နှိပ်ကြည့်လိုက်ရာ...</p> <p> </p> <p>'အဆင့်မြှင့်ရန် လိုအပ်ချက် - ဘီလူးဖြူ ကြယ်တာရာ ပုတီးစေ့ (၁၀) လုံး သို့မဟုတ် အရည်အသွေးပွိုင့် (၁၀)' ဟု ဖော်ပြနေသည်။</p> <p> </p> <p>"ဝိုး... အခုတော့ ငါ တက်ကြွလာပြီ"</p> <p> </p> <p>ကျန်းရှောင် သူ၏ ဒုတိယမြောက် အတတ်ပညာဖြစ်သည့် လှည့်စားခြင်းကိုလည်း ကြည့်လိုက်ရာ အမျိုးအစားတူ ဘီလူးဖြူ သို့မဟုတ် အရည်အသွေးပွိုင့်များ လိုအပ်သည်ကို တွေ့ရ​၏။</p> <p> </p> <p>မေးခွန်းမှာ အရည်အသွေးပွိုင့်များကို သူ မည်သို့ ရယူရမည်နည်း။</p> <p> </p> <p>ကျန်းရှောင် အနည်းငယ် ဇဝေဇဝါ ဖြစ်သွားသည်။</p> <p> </p> <p>"စနစ်"  ကျန်းရှောင် မေးလိုက်သည်။</p> <p> </p> <p>"ဟင်"</p> <p> </p> <p>ဟန်ကျန်းရွှယ်က ကျန်းရှောင်ကို တိတ်တဆိတ် ကြည့်ကာ စိတ်ထဲမှ တွေးနေမိ​၏။</p> <p> </p> <p>'အမြဲတမ်း လျှောက်ဆော့နေတတ်တဲ့ ငါ့ရဲ့ ဒီတုံးအအ မောင်လေးက ဒီနေ့တော့ နည်းနည်း ထူးဆန်းနေသလိုပဲ'</p> <p> </p> <p>'ငါ ပါးရိုက်လိုက်လို့ အသိဝင်သွားတာလား၊ ဒါပေမဲ့ သူ ဘာလို့ အဓိပ္ပာယ်မရှိတာတွေ ပြန်ပြောနေတာလဲ'</p> <p> </p> <p>ကျန်းရှောင် သူ၏ အတွေးများကို အမြန်</p> <p>သိမ်းဆည်းလိုက်ပြီး တတိယမြောက် တစ်ခုကို ဆက်ကြည့်သည်။</p> <p> </p> <p>အခြေခံအတတ်ပညာ : အခြေခံတိုက်ခိုက်ရေး (ကြေးဝါအဆင့် ၁၊ အဆင့်မြှင့်နိုင်သည်)</p> <p> </p> <p>ကြယ်တာရာ စွမ်းအားပေါကြွယ်ဝမှု (ကြေးဝါအဆင့် ၁၊ အဆင့်မြှင့်နိုင်သည်)</p> <p> </p> <p>ကျန်းရှောင် နောက်ဆုံးတွင် ကွာခြားချက်ကို တွေ့သွားသည်။ </p> <p> </p> <p>အခြေခံအတတ်ပညာများအတွက် အဆင့်မြှင့်ရန် လိုအပ်ချက်မှာ ကိုယ်တိုင် လေ့ကျင့်မှု သို့မဟုတ် အရည်အသွေးပွိုင့် ၁၀ ဖြစ်သည်။ </p> <p> </p> <p>ကြယ်တာရာ အတတ်ပညာများကို အမျိုးအစားတူ ကြယ်တာရာ ပုတီးစေ့များဖြင့် အဆင့်မြှင့်နိုင်သော်လည်း အခြေခံအတတ်ပညာများကိုမူ ကိုယ်တိုင်လေ့ကျင့်ခြင်း သို့မဟုတ် အရည်အသွေးပွိုင့်များဖြင့်သာ မြှင့်တင်နိုင်သည်။</p> <p> </p> <p>ကျန်းရှောင် ကြယ်တာရာမြေပုံကို ပိတ်တော့မည့်အချိန်တွင် ညာဘက်အောက်ခြေရှိ စာသားအသေးလေးတစ်ခုကို တွေ့လိုက်ရသည်။ </p> <p> </p> <p>အရည်အသွေးပွိုင့် : ၁</p> <p> </p> <p>"အံ့ဩစရာပဲ၊ ဒါက လူလည်ကျတာ မဟုတ်လား"</p> <p> </p> <p>"စာလုံးသေးသေးလေးတွေနဲ့ ရေးထားတာလား"</p> <p> </p> <p>တတိယမြောက် တစ်ခုအထိ ကြည့်ပြီးနောက် ကျန်းရှောင် နားလည်သွားသည်။ </p> <p> </p> <p>အရည်အသွေးပွိုင့်၏ အရေးပါမှုကို လူမိုက်ပင် သိနိုင်သော်လည်း ၎င်းကို မည်သို့ ရယူရမည်ကိုမူ ကျန်းရှောင် မသိသေးပေ။ </p> <p> </p> <p>ခေတ္တ စဉ်းစားပြီးနောက် သူသည် အရည်အသွေးပွိုင့်ကို မသုံးသေးရန် ဆုံးဖြတ်လိုက်သည်။</p> <p> </p> <p>"ငါ နင့်ကို မေးခွန်းမေးနေတယ်လေ" ဟန်ကျန်းရွှယ်က တင်းမာသော အသံဖြင့် မေးလိုက်သည်။ </p> <p> </p> <p>ကျန်းရှောင် အသိပြန်ဝင်လာပြီး ရှေ့က မိန်းကလေးကို စိုက်ကြည့်လိုက်​၏။</p> <p> </p> <p>'ဟူး... ဒီမိန်းကလေးက တကယ်ကို အာဏာစက် ပြင်းတာပဲ'</p> <p> </p> <p>'အသက် ၁၈ ပဲ ရှိသေးပေမဲ့ တိုက်ပွဲတွေနဲ့ ထိတွေ့နေရလို့လားမသိဘူး၊ တကယ်ကို တည်ငြိမ်ပြီး အေးစက်နေတာပဲ'</p> <p> </p> <p>သို့သော် ကျန်းရှောင်မှာမူ သူမကို လုံးဝ မကြောက်ပေ။</p> <p> </p> <p>"နင့်ရဲ့ ကြယ်တာရာမြေပုံကို ငါ့ကို ပြစမ်း" ဟန်ကျန်းရွှယ်က မျက်မှောင်ကြုတ်ကာ ပြောလိုက်သည်။</p> <p> </p> <p>ကျန်းရှောင်က ပခုံးတွန့်ပြကာ စွမ်းအင်များကို စုစည်းလိုက်ရာ သူ၏ ရင်ဘတ်တွင် နက္ခတ်ခုနစ်လုံး ကြယ်တာရာပုံစံ ပေါ်လာသည်။ </p> <p> </p> <p>ဟန်ကျန်းရွှယ်က ခေါင်းညိတ်လိုက်သည်။ </p> <p> </p> <p>သူမ မျက်နှာက တည်ငြိမ်နေသော်လည်း စိတ်ထဲတွင်မူ အလွန် စိတ်လှုပ်ရှားနေ​၏။</p> <p> </p> <p>"ပထမဆုံး ကြယ်ပွင့်က တကယ်ပဲ လင်းနေပြီး ကြေးဝါရောင် တောက်နေတာပဲ"</p> <p> </p> <p>"နင် ဘယ်ကြယ်တာရာ အတတ်ပညာကို ရခဲ့တာလဲ"</p> <p> </p> <p>ဟန်ကျန်းရွှယ်က အေးဆေးစွာ မေးသည်။</p> <p> </p> <p>ကျန်းရှောင် သူ၏ ခန္ဓာကိုယ်အတွင်းရှိ စွမ်းအင်များကို လှုံ့ဆော်လိုက်ရာ ကြယ်မှုန်များ စီးဆင်းလာ​၏။</p> <p> </p> <p>ကျန်းရှောင်က သူ၏ ညာဘက်လက်ကို ဝှေ့ယမ်းလိုက်သောအခါ အဖြူရောင် အလင်းတန်းတစ်ခုမှာ ဟန်ကျန်းရွှယ်အပေါ် ကျရောက်သွားသည်။</p> <p> </p> <p>ကြယ်တာရာ အတတ်ပညာ : ကောင်းချီးပေးခြင်း</p> <p> </p> <p>နောက်တစ်စက္ကန့်တွင် အေးစက်တည်ငြိမ်နေသော ဟန်ကျန်းရွှယ်မှာ ရုတ်တရက် ညည်းတွားသံလေး ထွက်လာသည်။</p> <p> </p> <p>"အာ့"</p> <p> </p> <p>ကျန်းရှောင် ကြောင်အမ်းသွားသည်။ </p> <p> </p> <p>ငါးစက္ကန့်ခန့် ကြာပြီးနောက် ဟန်ကျန်းရွှယ်​၏ ဝေဝါးနေသော မျက်လုံးများမှာ ပြန်လည် ကြည်လင်လာပြီး ပါးပြင်လေးများမှာလည်း မက်မွန်သီးကဲ့သို့ နီမြန်းလာသည်။</p> <p> </p> <p>ကျန်းရှောင် ဇဝေဇဝါ ဖြစ်သွားသည်။</p> <p> </p> <p>"ဒါက ဘာအကျိုးကျေးဇူးလဲ၊ ဒီအတတ်ပညာက... တကယ်ပဲ အဲ့လောက်တောင် နေလို့ကောင်းတာလား"</p> <p> </p> <p>"ကောင်းပြီလေ... ဆက်ပြီး ကောင်းချီးပေးရတာပေါ့"</p> <p> </p> <p>ကျန်းရှောင် သူ၏ ကြယ်တာရာ စွမ်းအားကို ထပ်မံ အသုံးပြုလိုက်ရာ လက်ထဲမှ အဖြူရောင်အလင်းတန်းမှာ ဟန်ကျန်းရွှယ်​၏ ကိုယ်ပေါ်သို့ ထပ်မံ ကျရောက်သွားပြန်သည်။</p> <p> </p> <p>ဟန်ကျန်းရွှယ်က ထပ်မံ ညည်းတွားလိုက်သည်။ </p> <p> </p> <p>"အာ့"</p> <p> </p> <p>ကျန်းရှောင် ဘာပြောရမှန်း မသိတော့ပေ။</p> <p> </p> <p> </p> <p>***</p> <p> </p>


Save