Book List

<h2 style="text-align: center;">အခန်း ၄၂၈</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p>ပြင်ပလောကတွင် ရှန်းယွီသည် နက်ရှိုင်းလှသော တရားမှတ်ခြင်းနယ်ပယ်အတွင်းဝယ် ငြိမ်သက်စွာ ထိုင်နေ၏။ သူသည် စနစ်ပြန်လည်စတင်ခြင်းဖြစ်စဉ်မှ ရရှိလာသော 'အကြွင်းမဲ့အရင်းအမြစ်' သဘောတရားနှင့် သူ၏ဝိညာဉ် နစ်မြုပ်နေသော 'အကြွင်းမဲ့ပျက်သုဉ်းခြင်း' သဘောတရားတို့ကို တစ်သားတည်းဖြစ်အောင် ပေါင်းစပ်လျက် သူ၏ အရင်းအမြစ်နိယာမကို အဆင့်သစ်တစ်ခုသို့ တက်လှမ်းနိုင်ရန် အစွမ်းကုန် ကြိုးစားနေခြင်းပင်။</p> <p>ဝိညာဉ်ပင်လယ်အတွင်း၌ ရှန်းယွီ၏ ဝိညာဉ်သည် အကြွင်းမဲ့ပျက်သုဉ်းခြင်းတရား၏ အမှောင်မိုက်ဆုံး၊ အနက်ရှိုင်းဆုံးသောဗဟိုချက်သို့ ချဉ်းကပ်သွားခဲ့သည်။ သူ၏ ဝိညာဉ်မှာ အပိုင်းပိုင်းအပြတ်ပြတ် ကြွေလွင့်ပျက်စီးတော့မည့်အလား ပြင်းထန်သော ဖိအားကို ခံစားနေရသော်လည်း သူ ဇွဲမလျှော့ခဲ့ပေ။ အဆင့်တက်တိုင်းတွင် ပျက်သုဉ်းခြင်းတရား၏ ပိုမိုနက်ရှိုင်းသောနေရာသို့ ထိုးဖောက်ဝင်ရောက်နိုင်မှသာ အဆင့်တက်ခြင်း၏ အကျိုးကျေးဇူးကို အပြည့်အဝရရှိနိုင်မည်ဟု သူ တွေးလိုက်မိသည်။</p> <p>ထိုအချိန်တွင် စနစ်၏ ပြန်လည်စတင်ခြင်းဖြစ်စဉ်က စတင်လှုပ်ရှားလာပြီဖြစ်သည်။ မဟာစွမ်းအင်ထုကြီးသည် သူ၏ ဝိညာဉ်အတွင်းသို့ တစ်ဟုန်ထိုး စီးဝင်လာပြီး အကြွင်းမဲ့ပျက်သုဉ်းခြင်းတရား၏ အဆက်မပြတ် ချေမှုန်းဖျက်ဆီးမှုကို ခံနေရသည့်ကြားမှ ဝိညာဉ်ကို အတင်းအကျပ် အဆင့်တက်စေခဲ့သည်။ ယခင် သွေးမျိုးဆက်တိုက်ပွဲတုန်းကကဲ့သို့ပင် သူ၏ ဝိညာဉ်မှာ အဆက်မပြတ် ပျက်စီးလိုက် ပြန်လည်ဖြစ်တည်လိုက်နှင့် သံသရာလည်နေပြီး ဤပြင်းထန်လှသော ဖြစ်စဉ်ကပင် ဝိညာဉ်၏ စွမ်းအားကို ပိုမိုတောင့်တင်းကြီးမားလာစေသည်။</p> <p>ဤဖြစ်စဉ်သည် ပျက်စီးခြင်းတရားကို သူ၏ဝိညာဉ်က ကျင့်သားရလာသည်အထိ ဆက်လက်ဖြစ်ပွားနေပြီး စီးဝင်လာသော စွမ်းအင်များမှာလည်း တဖြည်းဖြည်း တည်ငြိမ်စပြုလာသည်။ ဤပြန်လည်စတင်ခြင်း၏ အထွတ်အထိပ်သို့ ရောက်ရှိသွားပြီဖြစ်ကြောင်း သိလိုက်ရသည့်ခဏ ရှန်းယွီ ပြုံးလိုက်မိသည်။</p> <p>ငါ အောင်မြင်သွားပြီ။</p> <p>ရုတ်တရက်ဆိုသလို သူ၏ ဝိညာဉ်မှ မဟာစွမ်းအင်များ ပေါက်ကွဲထွက်လာ၏။ ထိုစွမ်းအင်လှိုင်းသည် အကြွင်းမဲ့ပျက်သုဉ်းခြင်းနယ်မြေပေါ်တွင် ဗလာနယ်တစ်ခုကို ချက်ချင်း တည်ဆောက်လိုက်သည်။ စွမ်းအင်လှိုင်းများမှာ ပျံ့နှံ့သွားပြီး မိုင်ပေါင်း တစ်သန်းခန့် အချင်းဝက်ရှိသော နေရာအနှံ့အပြားတွင် 'အစစ်အမှန်ဟင်းလင်းပြင်' ကို ခိုင်မာစွာ အခြေချလိုက်သည်။</p> <p>ရှန်းယွီသည် သူ၏ရှေ့မှ စနစ်မျက်နှာပြင်ကို ကြည့်လိုက်ရာ</p> <p>[ဝိညာဉ် - ရှေးဟောင်းအဆင့် (၅၀၀,၀၀၀ / ၅,၀၀၀,၀၀၀)]</p> <p>ယခင်ကအတိုင်းပင် သူသည် အဆင့်တစ်ခုကို ကျော်ဖြတ်နိုင်ခဲ့သည်။ အချိန်အတော်ကြာ နောက်ကျကျန်နေခဲ့သော သူ၏ ဝိညာဉ်ကျင့်စဉ်မှာ နောက်ဆုံးတွင် ချီကျင့်စဉ်အဆင့်ကို မှီသွားခဲ့ပြီဖြစ်သည်။</p> <p>သူသည် အရွယ်ရောက်အဆင့်၏ အထက်တွင်ရှိသော ဝိညာဉ်အဆင့်များကို ပြန်လည်</p> <p>တွေးတောနေမိသည်။</p> <p>အကြီးအကဲ၊ ရှေးဟောင်း၊ ကျော်လွန်ခြင်းနှင့် ပြီးပြည့်စုံခြင်း ဤအဆင့်များသည် ဟင်းလင်းပြင်ဖြတ်သန်းခြင်း နယ်ပယ်မှသည် မဟာယာနနယ်ပယ်အထိ အဆင့်များနှင့် အနီးစပ်ဆုံး ကိုက်ညီနေသည်။ သို့သော် ဝိညာဉ်ကျင့်စဉ်မှာ ခန္ဓာကိုယ်ကျင့်စဉ်ကဲ့သို့ပင် သီးခြားဘာသာရပ်တစ်ခု ဖြစ်သောကြောင့် ထိုသို့တိုက်ရိုက်နှိုင်းယှဉ်လျှင်မူ လုံးဝဥဿုံတော့ မှန်ကန်မည်မဟုတ်ပေ။</p> <p>ဝိညာဉ်ကို စိတ်ချစွာ လက်ခံထိန်းသိမ်းထားနိုင်ရန်အတွက် 'စိတ်' အဆင့် မြင့်မားနေဖို့သာ လိုအပ်သည်။ ထိုအဆင့်၏ အထက်တွင်မူ မသေမျိုး၊ နတ်ဘုရားနှင့် နောက်ဆုံးတွင် ထာဝရနယ်ပယ်တို့ ရှိကြသည်။ ဝိညာဉ်နယ်ပယ်များကို ကျော်ဖြတ်သည့် သူ၏ နည်းလမ်းဟောင်းကို ဆက်လက်အသုံးပြုလိုပါက သူ၏ စိတ်အဆင့်ကို အမြန်မြှင့်တင်ရန် လိုအပ်ကြောင်း ရှန်းယွီ သတိပြုလိုက်မိသည်။ မဟုတ်ပါက သူ၏ ဝိညာဉ်ပင်လယ်မှာ ပြင်းထန်လှသော စွမ်းအားကို တောင့်ခံနိုင်မည် မဟုတ်ပေ။</p> <p>ထို့နောက် သူသည် စနစ်ကို ပိတ်ကာ ပတ်ဝန်းကျင်ကို ကြည့်လိုက်သည်။ လက်ကို ဝှေ့ယမ်းလိုက်ပြီး အသစ်တည်ဆောက်ထားသော ဗလာနယ်အတွင်း၌ ဟင်းလင်းပြင်၊ အချိန်နှင့် ဗရမ်းဗတာခန္ဓာတို့ကို အထပ်ထပ် ဖော်ဆောင်လိုက်သည်။ ယခုအခါ အစစ်အမှန်ဟင်းလင်းပြင်တစ်ခုလုံးမှာ မိုင်ပေါင်း နှစ်သန်းခန့်အထိ ကျယ်ဝန်းသွားပြီဖြစ်သည်။</p> <p>ယခင်က သူသည် အစစ်အမှန်ဟင်းလင်းပြင်ကို တစ်နာရီလျှင် မိုင်တစ်ထောင်ခန့်သာ တိုးချဲ့နိုင်သော်လည်း ယခုအခါ တစ်နာရီလျှင် မိုင်ပေါင်း တစ်သိန်းခန့်အထိ တိုးချဲ့နိုင်သည်။ ဤအရှိန်နှင့်ဆိုပါက သူ၏ စိတ်အဆင့်ကို အဆုံးစွန်ထိ အလွယ်တကူ တွန်းပို့နိုင်ပြီး မသေမျိုးအဆင့်သို့ အဟုန်ဖြင့် တက်လှမ်းနိုင်မည်ဖြစ်သည်။</p> <p>၎င်းက ဝိညာဉ်ကို အဆင့်မြှင့်တင်ရန်နှင့် ပိုမိုတိုးချဲ့ရန် အချိန်ရရှိစေမည်ဖြစ်ပြီး၊ ထိုမှတစ်ဆင့် စိတ်ကိုလည်း ထပ်မံအဆင့်တက်စေမည်ဖြစ်သည်။</p> <p>“ဝိညာဉ်က အဆင့်မမှီမှာကို စိုးရိမ်နေရတဲ့အပိုင်းကတော့ အချိန်အတော်ကြာအောင် အေးဆေးသွားပြီပဲ”</p> <p>သူ တွေးတောရင်း ကျေနပ်စွာ ရေရွတ်လိုက်တော့သည်။</p> <p>ပြင်ပကမ္ဘာတွင်မူ ရှန်းယွီ၏ မျက်နှာထက်၌ တောင့်တင်းခက်ခဲသော အမူအရာများ ဖုံးလွှမ်းနေ၏။ အတန်ကြာပြီးနောက် သူ ဖြည်းဖြည်းချင်း မျက်လုံးဖွင့်လိုက်ရာ ဇဝေဇဝါဖြစ်နေသော အရိပ်အယောင်များ ပေါ်လာပြီးနောက် သက်ပြင်းရှည်ကြီးတစ်ခုကို ချလိုက်မိသည်။ သူ၏ အစီအစဉ် ကျရှုံးသွားခဲ့ပြီ ဖြစ်သည်။</p> <p>သူ၏ ကိုယ်ပိုင် 'အကြွင်းမဲ့အရင်းအမြစ်' သဘောတရားကို စနစ်အတွင်းရှိ စွမ်းအားနှင့် ထိပ်တိုက်ရင်ဆိုင်စေကာ အတွေ့အကြုံမှတ်များ ရယူရန် ကြံစည်ခဲ့သော်လည်း ကြီးမားသော အချက်တစ်ခုကို သူ လွဲချော်ခဲ့သည်။ စနစ်အတွင်းရှိ အရင်းအမြစ်နှင့် သူပိုင်ဆိုင်ထားသော အရာမှာ နယ်ပယ်ချင်း လုံးဝကွာခြားလွန်းလှသည်။ သူ၏စွမ်းအားမှာ 'နိယာမ' အဆင့်သာရှိပြီး စနစ်မှာမူ 'မူလအရင်းအမြစ်' အဆင့် ဖြစ်နေသည်။ ထို့ကြောင့် ယှဉ်ပြိုင်ရန်ပင် မစွမ်းသာဘဲ သူ၏နိယာမမှာ ဝါးမြိုခံရလုနီးပါး ဖြစ်သွားခဲ့ရသည်။</p> <p>“စနစ်ကို ဒီလိုနည်းနဲ့ အမြတ်ထုတ်လို့ မရဘူးပဲ...”</p> <p>သူ တွေးလိုက်မိသည်။</p> <p>သို့သော်လည်း လုံးဝကြီး ရှုံးနိမ့်သွားခြင်းတော့ မဟုတ်ပေ။ စနစ်မျက်နှာပြင်ပေါ်ရှိ သူ၏ အကြွင်းမဲ့အရင်းအမြစ်နိယာမကို ကြည့်လိုက်သောအခါ ရှန်းယွီ၏ မျက်နှာမှာ ပြန်လည်တောက်ပလာခဲ့သည်။</p> <p>[အကြွင်းမဲ့ အရင်းအမြစ် နိယာမ - နိုးထခြင်းအဆင့် (၁,၅၀၀,၀၀၀ / ၁၀,၀၀၀,၀၀၀)]</p> <p>စနစ်ကို အမြတ်ထုတ်ရန် အချိန်ကုန်ခံမည့်အစား သာမန်လူတစ်ယောက်ကဲ့သို့ ကြိုးစားအားထုတ်ပြီး နားလည်အောင် လုပ်ဆောင်ခဲ့မည်ဆိုပါက ယခုရလဒ်ထက် နှစ်ဆမျှ ပိုမိုရရှိနိုင်ပေလိမ့်မည်။ သုတေသနလုပ်ရမည့် အဖိုးတန်အချိန်များကို လမ်းဖြတ်ရှာခြင်းဖြင့်သာ ကုန်ဆုံးခဲ့မိသည်မှာ နှမြောစရာပင်။</p> <p>မည်သို့ပင်ဆိုစေ သူ သင်ခန်းစာအသစ်တစ်ခု ရရှိသွားပြီဖြစ်သည်။ စနစ်သည် အရင်းအမြစအဆင့်ရှိသော မူလသဘောတရားအောက်တွင် လည်ပတ်နေခြင်းဖြစ်ရာ သူသာ ၎င်းကို ဂရုတစိုက် လေ့လာနိုင်ပါက အရိပ်အယောင်အနည်းငယ်မျှ မြင်ရရုံနှင့်ပင် သူ၏နိယာမကို ထူးကဲသော အဆင့်များအထိ မြှင့်တင်နိုင်မည်ဖြစ်သည်။ ပြဿနာမှာ သူ၏ ဉာဏ်အလင်းပွင့်မှု' အဆင့်မှာ ထိုနက်ရှိုင်းလှသော တရားများကို နားလည်နိုင်ရန်အတွက် အလွန်အမင်း နိမ့်ပါးနေခြင်းပင်။</p> <p>ထိုမူလအရင်းအမြစ်အဆင့် သဘောတရားကို ငေးကြည့်လိုက်သောအခါ ရှန်းယွီသည် သူကိုယ်သူ ဘာမျှနားမလည်သော မျောက်ဝံတစ်ကောင်ကဲ့သို့ ခံစားရသည်။ ခြားနားချက်မှာ နှိုင်းယှဉ်၍ပင် မရနိုင်လောက်အောင်ပင်။ 'အမှန်တရားရှာဖွေသူ' အလုပ်အကိုင်မှ ရရှိသော ဉာဏ်အလင်းပွင့်ခွင့်ကို အသုံးပြုသည့်တိုင်အောင် သူသည် လမ်းပျောက်နေဆဲပင်။</p> <p>သူ သက်ပြင်းရှည်ကြီး ချလိုက်မိသည်။</p> <p>“တစ်နေ့တော့ ငါရောက်အောင် သွားမှာပါ”</p> <p>သူကိုယ်သူ အားပေးလိုက်သည်။</p> <p>ယခုအခါ အကြွင်းမဲ့အရင်းအမြစ်ကို ကျွမ်းကျင်မှု တိုးလာပြီဖြစ်ရာ သူ၏ အကန့်အသတ်ကို သိရှိနိုင်ရန် နိယာမသစ်များ ထပ်မံဖန်တီးကြည့်ဖို့ သူ ဆုံးဖြတ်လိုက်သည်။ လောလောဆယ်တွင် သူသည် အကြွင်းမဲ့အရင်းအမြစ်နိယာမ၌ ၃ ရာခိုင်နှုန်းခန့် ကျွမ်းကျင်မှုရှိပြီး 'ဖန်တီးမှုနိယာမ' တွင် ၀.၅ ရာခိုင်နှုန်းခန့် ကျွမ်းကျင်မှု ရှိနေသည်။ ရှန်းယွီသည် ဖန်တီးမှုနိယာမကို မြှင့်တင်မည့်အစား အခြားနိယာမအသစ်တစ်ခုကို ဖန်တီးရန် ခြေလှမ်းပြင်လိုက်သည်။</p> <p>ဤတစ်ကြိမ်တွင် သူ ရွေးချယ်လိုက်သည်မှာ 'ဗလာနယ်' ပင်။ ၎င်းမှာ ဆွဲငင်အားနှင့်အတူ သူပိုင်ဆိုင်သမျှထဲတွင် အဖျက်စွမ်းအား အကောင်းဆုံးအရာပင်။ သူ၏ အတွင်းသန္တာန်၌ ဗလာနယ်သဘောတရားများ ပြန်လည်ဖြစ်တည်လာသည်ကို သူ ခံစားလိုက်ရသည်။ ထိုဖြစ်စဉ်ကို အစမှအဆုံး စောင့်ကြည့်နေစဉ် တစ်ခုမျှ မလွတ်စေဘဲ အရာအားလုံးကို ဝါးမြိုစုပ်ယူနိုင်ရန် သူ အာရုံစိုက်ထားသည်။ စက္ကန့်အနည်းငယ်အတွင်းမှာပင် ၎င်းမှာ နေရာတကျ ဖြစ်သွားခဲ့သည်။</p> <p>[ဗလာနယ် နိယာမ - နိုးထခြင်းအဆင့် (၁,၅၅၀,၀၀၀ / ၁၀,၀၀၀,၀၀၀)]</p> <p>သူ ထင်ထားသည့်အတိုင်းပင်။ သူသည် နိယာမသစ်များကို သူ၏ အကြွင်းမဲ့အရင်းအမြစ်နိယာမ အဆင့်အတိုင်းအထိ မြှင့်တင်နိုင်ခဲ့သည်။ အမှတ်အနည်းငယ် ထပ်တိုးလာခြင်းမှာ နိယာမတစ်ခုကို အစမှ ဖန်တီးလိုက်ခြင်းက လက်ရှိကျွမ်းကျင်မှုကိုပါ အနည်းငယ် တိုးတက်လာစေသည်ဟု ဆိုလိုခြင်းပင်။</p> <p>ရှန်းယွီသည် သူ၏ ခန္ဓာကိုယ်ကို စမ်းစစ်ကြည့်ရာ မောပန်းခြင်းပင် မရှိသေးသဖြင့် နောက်ထပ် နိယာမတစ်ခုကို ထပ်မံစမ်းသပ်ရန် ဆုံးဖြတ်ကာ 'ဆွဲငင်အား' ကို ချက်ချင်း ရွေးချယ်လိုက်သည်။ ယခင်အတိုင်းပင် သူသည် အသေအချာ အာရုံစိုက်ကာ ဆွဲငင်အားနိယာမကို အစမှအဆုံး ပြန်လည်ဖန်တီးသည်ကို စောင့်ကြည့်နေခဲ့သည်။</p> <p>[ဆွဲငင်အား နိယာမ - နိုးထခြင်းအဆင့် (၁,၇၅၀,၀၀၀ / ၁၀,၀၀၀,၀၀၀)]</p> <p>ဤရလဒ်ကြောင့် ရှန်းယွီ အံ့အားသင့်သွားရသည်။ ၎င်းမှာ ယခင်ကထက် ပို၍ပင် တိုးတက်သွားခဲ့သည်။ ထိုအခါမှသာ ဘာတွေဖြစ်နေသလဲဆိုသည်ကို သူ သဘောပေါက်သွားတော့သည်။ ဗလာနယ်နိယာမကို ဖန်တီးစဉ်က ရရှိခဲ့သော အတွေ့အကြုံမှတ်များသည် နိယာမပြီးစီးသွားချိန်တွင်မှ အကြီးအကျယ် တိုးလာခဲ့ခြင်းပင်။ သို့သော် ယခု ဆွဲငင်အားနိယာမကို အသစ်ထပ်မံဖန်တီးလိုက်သောအခါတွင်မူ ဤနိယာမအသစ်သည် ယခင်တိုးတက်မှုမှ ရရှိထားသော အကျိုးကျေးဇူးအားလုံးကို အသင့်ရရှိသွားခြင်းပင်။</p> <p>“နေဦး... ဒါဆို အဲဒါက ထပ်ပြီး အဆင့်တက်သွားတာလား”</p> <p>သူသည် စနစ်ကို အမြန်ခေါ်ယူ၍ စစ်ဆေးလိုက်သည်။</p> <p>[အကြွင်းမဲ့ အရင်းအမြစ် နိယာမ - နိုးထခြင်းအဆင့် (၂,၀၀၀,၀၀၀ / ၁၀,၀၀၀,၀၀၀)]</p> <p> </p> <p> </p> <p> </p> <p style="text-align: center;">***</p>


Save