Book List

<h2 style="text-align: center;">အခန်း (၄၂၅)</h2> <h2 style="text-align: center;">ရွှေအမြုတေအဆင့် အထွတ်အထိပ် စွမ်းအား၊ ဝိညာဉ်ခွဲထွက် ကျင့်စဉ် (အပိုင်း ၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~အရင်တုန်းက သူ၏ ရွှေအမြုတေ အဆင့် (၅) ကျင့်ကြံခြင်း အခြေခံနှင့် ယှဉ်လိုက်ပါက ၊ ယခုအခါ အဆင့် သုံးဆင့်တိုင်တိုင် ထိုးဖောက် ဝင်ရောက်နိုင်ခဲ့ခြင်း ဖြစ်သည်..။</p> <p> </p> <p>ဤကိစ္စကို လွန်ခဲ့သော ခြောက်လက အချိန်နှင့် ပေါင်းစပ် တွက်ချက်ကြည့်မည် ဆိုပါက... တစ်နှစ်ဆိုသော အချိန်တိုလေးသာ ကုန်လွန်ခဲ့သေးသည် မဟုတ်ပါလော။</p> <p> </p> <p>တာအိုရုပ်သေးသည် စန္ဒကူးသစ်သား လက်စွပ်လေး ၏ ဟင်းလင်းပြင်ထဲတွင် ကျန်ရှိနေသေးသော ဝိညာဉ်ကျောက်စိမ်း ရွှေရည်အနှစ် ခုနစ်စက်ကို ကြည့်ကာ စိတ်ထဲမှ တိတ်တဆိတ် တွေးတောနေမိ၏။</p> <p> </p> <p>'အကယ်၍ ငါသာ ဒီ ဝိညာဉ်ကျောက်စိမ်း ရွှေရည်အနှစ် တွေကို အကုန်လုံး သန့်စင်လိုက်နိုင်မယ် ဆိုရင်... ရုပ်သေး ဝိညာဉ် ရဲ့ အဆင့်ဟာ ရွှေအမြုတေ အဆင့် (၉) ၊ ဒါမှမဟုတ် တတိယအဆင့် အထွတ်အထိပ် ကိုတောင် ရောက်ရှိသွားနိုင်လောက်တယ်'</p> <p> </p> <p>'အကယ်၍ ရုပ်သေး ဝိညာဉ် ကသာ အဆင့် သုံးဆင့်လောက်ကို ကျော်ဖြတ်ပြီး စတုတ္ထအဆင့် ရုပ်သေး ဝိညာဉ် တစ်ခု ဖြစ်လာခဲ့မယ် ဆိုရင်...'</p> <p> </p> <p>'အဲ့ဒီအချိန်ကျရင်တော့ ဒီ ရုပ်သေး ဝိညာဉ် ဟာ မှော်လက်နက် တစ်ခုနဲ့တောင် နှိုင်းယှဉ်လို့ ရတဲ့ ရတနာ တစ်ပါး ဖြစ်လာမှာ သေချာတယ်..'</p> <p> </p> <p>'အရင်တုန်းကလို နုနယ်တဲ့ အခြေအနေမျိုးမှာ ရှိနေတော့မှာ မဟုတ်ဘူး'</p> <p> </p> <p>စတုတ္ထအဆင့် ရုပ်သေး ဝိညာဉ် တစ်ခု... ဟားဟား... အဲ့ဒီ စွမ်းအားက မူလဝိညာဉ် အဆင့် အရှင်သခင်ကြီး တစ်ပါးနဲ့ တန်းတူ ဖြစ်သွားပြီလေ..</p> <p> </p> <p>သူသည် ဝိညာဉ်ကျောက်စိမ်း ရွှေရည်အနှစ် များကို သန့်စင်ခြင်း အလုပ်ကို အဆုံးသတ်လိုက်သည်။</p> <p> </p> <p>တာအိုရုပ်သေးသည် မတ်တတ်ရပ်လိုက်ပြီး၊ ကောင်းကင်မိုးကြိုး ကြွက်များ နေ့စဉ် တူးဖော်လာသော ဝိညာဉ်ကျောက်စိမ်း သတ္တုရိုင်း များကို ခွဲခြား စစ်ဆေးကာ၊ ထုဆစ် ပုံဖော်ရန်အတွက် တတိယအဆင့် ဝိညာဉ်ကျောက်စိမ်း သတ္တုရိုင်း များကို ရွေးချယ်ရန် ပြင်ဆင်လိုက်၏။</p> <p> </p> <p>ထိုအခိုက်အတန့်၌ တာအိုရုပ်သေး၏ မျက်နှာအမူအရာ အနည်းငယ် ပြောင်းလဲသွားပြီး နဂါးနက် မြစ်ကြီး ရှိရာ အရပ်ဆီသို့ လှမ်းကြည့်လိုက်သည်။</p> <p> </p> <p>သူသည် သစ်သားအိမ်လေး ထဲမှ ထွက်လာခဲ့၏။</p> <p> </p> <p>မကြာမီမှာပင် လင်းရှူ သည်လည်း အနည်းငယ် ပြောင်းလဲနေသော မျက်နှာထားဖြင့် အပြင်သို့ ထွက်လာသည်။</p> <p> </p> <p>နဂါးနက် မြစ်ကြီး ရှိရာ အရပ်ဆီသို့ လှမ်းကြည့်လိုက်သောအခါ သူမ၏ မျက်နှာသည် ဖြူဖျော့သွားတော့၏။</p> <p> </p> <p>လင်းရှူ ၏ အသံသည် တုန်ယင်နေသည်။</p> <p> </p> <p>“စီနီယာ... အဲ့ဒါ နဂါးနက် မြစ်ကြီး အနီးတစ်ဝိုက်က အင်အားကြီး ဂိုဏ်းတစ်ခု ဖြစ်တဲ့ နဂါးနက် ကုန်သွယ်ရေး အသင်း က လူတွေ ဖြစ်ဖို့ များတယ်ရှင်”</p> <p> </p> <p>တာအိုရုပ်သေး၏ မျက်နှာထားမှာမူ အေးဆေး တည်ငြိမ်နေဆဲပင်။ သူသည် နဂါးနက် ကုန်သွယ်ရေး အသင်း အကြောင်းကို ကောင်းယွမ်ယွမ် ထံမှ ကြားသိခဲ့ဖူးပြီး ဖြစ်၏။ မည်သို့ပင် ဆိုစေကာမူ ကောင်းယွမ်ယွမ် သည် သူ့အနားတွင် နေ့စဉ်ရက်ဆက် ရှိနေခဲ့သည် မဟုတ်ပါလော။</p> <p> </p> <p>ဤ ကုန်းယွဲ့ အင်မော်တယ် မြို့တော် အနီးတစ်ဝိုက်ရှိ အင်အားကြီး အဖွဲ့အစည်း အားလုံးနှင့် ပိုးစာပင် နယ်မြေ တစ်ခုလုံး အကြောင်းကိုပင် ကောင်းယွမ်ယွမ် က သူ့ကို အသေးစိတ် ရှင်းပြခဲ့ပြီး ဖြစ်သည်။</p> <p> </p> <p>ဤအမျိုးသမီးက ယွီ မိသားစု နှင့် မန် မိသားစု တို့သည် မကြာသေးမီက အလွန် တိတ်ဆိတ်နေကြသဖြင့်၊ ကောင်းကင်နှင့် မြေကြီး၏ ရတနာ ဖြစ်သော ဝိညာဉ်ကျောက်စိမ်း ရွှေရည်အနှစ် သတ္တုတွင်း အကြောင်းကို သတင်းပေါက်ကြားအောင် လုပ်ကောင်း လုပ်နိုင်သည်ဟုပင် သတိပေးခဲ့သေး၏။</p> <p> </p> <p>ကောင်းယွမ်ယွမ် ၏ အကြံအစည်များအောက်တွင် လွန်ခဲ့သော ခြောက်လတာ ကာလအတွင်း သူမသည် ကောင်း မိသားစု အတွင်း၌ သူမပိုင်ဆိုင်သော၊ သူမ အမိန့်ကိုသာ နာခံသော အင်အားစု တစ်ခုကို တည်ဆောက်နိုင်ခဲ့တော့၏။</p> <p> </p> <p>ဒုတိယ၊ တတိယ နှင့် စတုတ္ထ မိသားစု ခွဲများကို လုံးဝ အညံ့ခံလာအောင် မလုပ်ဆောင်နိုင်သေးသော်ငြားလည်း၊ သူမ၏ ကိုယ်ပိုင် အင်အားဖြင့် သူတို့ကို ဖိနှိပ်ထားနိုင်ပြီး ကောင်း မိသားစု ကို သူမ ထိန်းချုပ်ထားမှုအပေါ် နှောင့်ယှက်ခြင်း မပြုနိုင်အောင် တားဆီးထားနိုင်ခဲ့ပြီ ဖြစ်၏။</p> <p> </p> <p>ဤအမျိုးသမီးသည် ဉာဏ်ပညာရော၊ လုပ်ရည်ကိုင်ရည်ပါ ထက်မြက်သူ တစ်ဦး ဖြစ်ပေသည်။</p> <p> </p> <p>နဂါးနက် ကုန်သွယ်ရေး အသင်း သည် ကောင်းယွမ်ယွမ် ပထမဆုံး မိတ်ဆက်ပေးခဲ့ပြီး၊ သတိထားရန် အသိပေးခဲ့သော အင်အားစု တစ်ခု ဖြစ်သည်။</p> <p> </p> <p>ယခုကြည့်ရသည်မှာ ကောင်းယွမ်ယွမ် ၏ သတိပေးချက်က အမှန်တကယ် ဖြစ်လာပုံရ၏။</p> <p> </p> <p>တာအိုရုပ်သေးသည် လက်ဝှေ့ယမ်းကာ အေးအေးလူလူပင် ပြောလိုက်သည်။</p> <p> </p> <p>“မလန့်ပါနဲ့... မူလဝိညာဉ် အဆင့် အရှင်သခင်ကြီး ရောက်လာတာမှ မဟုတ်တာ။ ဘာကြောက်စရာ ရှိလို့လဲ”</p> <p> </p> <p>ထိုစကားကို ကြားလိုက်ရသောအခါ လင်းရှူ ၏ မျက်ဝန်းအိမ်များ ကျဉ်းမြောင်းသွားပြီး တာအိုရုပ်သေးကို အံ့အားသင့်စွာ စိုက်ကြည့်နေမိတော့၏။</p> <p> </p> <p>'ဒီစီနီယာ က ဒီလောက်တောင် ကိုယ့်ကိုယ်ကိုယ် ယုံကြည်မှု ရှိနေတာလား'</p> <p> </p> <p>"ဝုန်း.."</p> <p> </p> <p> </p> <p>မကြာမီ အချိန်အတွင်းမှာပင်.၊</p> <p> </p> <p>ဝိညာဉ်ကျောက်စိမ်း သတ္တုတွင်း ၏ အပြင်ဘက်သို့ ကြောက်မက်ဖွယ်ကောင်းလှသော အရှိန်အဝါ နှစ်ခု ရောက်ရှိလာပြီး၊ သူတို့ နှစ်ခု ပေါင်းစပ် ဖန်တီးလိုက်သော ဖိအားသည် သာမန် ရွှေအမြုတေ အဆင့် (၉) ကျင့်ကြံသူ တစ်ဦးထက်ပင် ပိုမို ပြင်းထန်နေသေး၏။ အရင်တုန်းက ထိုက်ရွှီ အင်မော်တယ် မဟာမိတ်အဖွဲ့ ၏ ခေါင်းဆောင်ကြီးနှင့် ယှဉ်လိုက်လျှင်ပင်... ဤ ဖိနှိပ်မှု အရှိန်အဝါက အဆပေါင်းများစွာ သာလွန်နေသေးသည်။</p> <p> </p> <p>အဆုံးအစမရှိသော အနက်ရောင် မိစ္ဆာအရှိန်အဝါ လှိုင်းကြီးသည် ကောင်းကင် တစ်ခွင်လုံးကို ဖုံးလွှမ်းသွားလေ၏။ မျက်စိတစ်မှိတ် အတွင်းမှာပင် ဝိညာဉ်ကျောက်စိမ်း သတ္တုတွင်း တစ်ခုလုံးသည် ထူထပ်သော တိမ်မည်းကြီး တစ်ခု အောက်တွင် ဖုံးကွယ်သွားသကဲ့သို့ ဖြစ်သွားပြီး၊ ကမ္ဘာမြေကြီးသည် ရုတ်တရက် အလွန် မှောင်မိုက်သွားတော့သည်။</p> <p> </p> <p>တိမ်မည်းကြီးက ကောင်းကင်ကို ဖုံးလွှမ်းထားပြီး မိစ္ဆာအရှိန်အဝါများက လူတိုင်းကို တုန်လှုပ်သွားစေ၏။</p> <p> </p> <p>“ရွှီး...”</p> <p> </p> <p>စူးရှသော အော်မြည်သံ တစ်ခုသည် တောင်ပေါ်ရှိ ထူထပ်သော တောအုပ်ကြီးများ အတွင်းသို့ ပဲ့တင်ထပ်သွားသည်။</p> <p> </p> <p>သတ္တုတွင်း အပြင်ဘက်တွင် အလျား ပေခြောက်ဆယ်ခန့် ရှိသော ဧရာမ အနက်ရောင် မိစ္ဆာမြွေကြီး တစ်ကောင် ထွက်ပေါ်လာ၏။ ဤ မိစ္ဆာမြွေကြီး ၏ ဝမ်းဗိုက်တွင် ခြေတိုလေး နှစ်ချောင်း ပါရှိပြီး၊ ပြားကပ်နေသော ခေါင်းပေါ်တွင် အဖုသေးသေးလေး တစ်ခု ရှိနေသည်ကို တွေ့မြင်နိုင်သည်။</p> <p> </p> <p>မိစ္ဆာမြွေကြီး ၏ ခေါင်းပေါ်တွင် အနက်ရောင် ဝတ်ရုံကို ဝတ်ဆင်ထားသော ပုံရိပ်တစ်ခု ရပ်နေ၏။ အသက် သုံးဆယ် အရွယ်ခန့်သာ ရှိသေးပုံရသော အမျိုးသား တစ်ဦး ဖြစ်သည်။ သူသည် ချောမောခန့်ညားပြီး၊ လေထဲတွင် လွင့်ခါနေသော ဆံပင်များနှင့်အတူ တင်းမာသော မျက်နှာထား ရှိကာ သူ၏ အရှိန်အဝါသည် ကြီးကျယ်ခမ်းနားပြီး ကြောက်ရွံ့ ရိုသေဖွယ် ကောင်းလှပေသည်။</p> <p> </p> <p>သူ့အောက်ရှိ မိစ္ဆာမြွေကြီး ၏ အရှိန်အဝါနှင့် ပေါင်းစပ်ကာ၊ သူတို့ နှစ်ဦးသည် ရှေ့မှောက်ရှိ တတိယအဆင့် ဝိညာဉ်ကျောက်စိမ်း သွေးကြော ဆီသို့ မည်သည့် ချန်လှပ်ထားမှုမျှ မရှိဘဲ ဖိအားများ အစွမ်းကုန် သက်ရောက်လာကြတော့၏။</p> <p> </p> <p>"ဝုန်း.."</p> <p> </p> <p> </p> <p>တစ်ခဏတာ အတွင်းမှာပင်၊ ဝိညာဉ်ကျောက်စိမ်း သတ္တုတွင်း သည် စတင် တုန်ခါလာတော့သည်။ ထိုပြင်းထန်သော အရှိန်အဝါကြောင့် သတ္တုတွင်း အခင်းအကျင်း အတွင်းရှိ လင်းရှူ ၏ မျက်နှာသည် သွေးဆုတ်ကာ ဖြူဖျော့သွား၏။ သူမ၏ ခန္ဓာကိုယ်သည် အလိုအလျောက် တုန်ယင်လာသည်ကို သူမကိုယ်တိုင်ပင် မထိန်းချုပ်နိုင်တော့ချေ။</p> <p> </p> <p>ထို အမျိုးသားနှင့် မိစ္ဆာမြွေကြီး ပေါ်လာပြီး မကြာမီမှာပင်၊ အနက်ရောင် ချပ်ဝတ် ဝတ်ဆင်ထားသော ပုံရိပ်များသည် ကောင်းကင်ယံမှ ဥက္ကာပျံများ ကဲ့သို့ ကျဆင်းလာကြတော့၏။</p> <p> </p> <p>အချိန်တို အတွင်းမှာပင် ထိုလူများသည် သတ္တုတွင်း ၏ ပတ်လည်တွင် ကြိုတင် သတ်မှတ်ထားသော နေရာ အသီးသီး၌ နေရာယူလိုက်ကြပြီး၊ သတ္တုတွင်း ကို တစ်ဝက်တစ်ပျက် ဝိုင်းရံထားလိုက်ကြသည်။</p> <p> </p> <p>အဖြူရောင် ငှက်မွှေး ယပ်တောင် တစ်ချောင်းကို ကိုင်ဆောင်ထားသော လူကြီးလူကောင်း ပုံစံ ရှိသည့် လူလတ်ပိုင်း အရွယ် အမျိုးသား တစ်ဦးသည် ရှေ့သို့ ထွက်လာခဲ့၏။ သူ၏ အေးစက်သော အကြည့်များဖြင့် ရှေ့မှောက်ရှိ သတ္တုတွင်း အခင်းအကျင်း ကို စိုက်ကြည့်ရင်း ခပ်ပြတ်ပြတ် အမိန့်ပေးလိုက်သည်။</p> <p> </p> <p>“နဂါးနက် ကုန်သွယ်ရေး အသင်း က ရောက်လာပြီ။ မင်းတို့…အခင်းအကျင်း ကို ဖွင့်ပေးဖို့ အသက်ရှူချိန်.. သုံးကြိမ် အချိန်ရမယ်။ ဒါမှမဟုတ်ရင်... အခင်းအကျင်း ကျိုးပျက်သွားတဲ့ အချိန် မင်းတို့ အားလုံး သေရလိမ့်မယ်”</p> <p> </p> <p>"ဝှစ်..."</p> <p> </p> <p> </p> <p>တာအိုရုပ်သေးသည် အခင်းအကျင်း ကို ဖွင့်လိုက်ပြီး လင်းရှူ နှင့်အတူ သတ္တုတွင်း အတွင်းမှ ထွက်လာခဲ့ကာ၊ နဂါးနက် ကုန်သွယ်ရေး အသင်း မှ လူများ အားလုံး၏ ရှေ့မှောက်တွင် ရပ်တန့်လိုက်၏။</p> <p> </p> <p>တာအိုရုပ်သေး၏ မျက်နှာအမူအရာမှာ ခံစားချက် ကင်းမဲ့နေသည်။ သူသည် မိစ္ဆာမြွေကြီး နှင့် ၎င်း၏ ခေါင်းပေါ်ရှိ ပုံရိပ်ကို ချက်ချင်း မကြည့်သေးဘဲ၊ စောစောက စကားပြောခဲ့သော အဖြူရောင် ငှက်မွှေး ယပ်တောင် ကိုင်ထားသည့် လူကိုသာ ကြည့်လိုက်၏။ သူ၏ အကြည့်များက ခပ်ဖျော့ဖျော့သာ ဖြစ်သော်ငြားလည်း ထိုလူကို စူးစူးရှရှ အကဲခတ်နေသည်။</p> <p> </p> <p>တာအိုရုပ်သေးက ခပ်လှောင်လှောင် ပြောလိုက်၏။</p> <p> </p> <p>“မင်းက... အတော်လေး မောက်မာလှချည်လား”</p> <p> </p> <p>အဖြူရောင် ငှက်မွှေး ယပ်တောင် ကိုင်ထားသည့် လူကြီးလူကောင်း ပုံစံ အမျိုးသား သည် သူ၏ အေးစက်သော မျက်ဝန်းများကို ကျဉ်းမြောင်းလိုက်ပြီး၊ သူ၏ ရွှေအမြုတေ အဆင့် (၈) ကျင့်ကြံခြင်း အရှိန်အဝါသည် ပျံ့နှံ့လာတော့၏။ မျက်စိတစ်မှိတ် အတွင်းမှာပင် ကမ္ဘာမြေကြီးသည် တုန်ခါသွားပြီး၊ ဝိညာဉ်ဖိအား လှိုင်းတံပိုးကြီး တစ်ခုသည် ကောင်းကင်နှင့် မြေကြီး၏ ဝိညာဉ်စွမ်းအင်များကို လှုပ်ခတ်သွားစေသည်။ သူ၏ ထိန်းချုပ်မှုအောက်တွင် ထို ဝိညာဉ်ဖိအားကြီးသည် တာအိုရုပ်သေးအပေါ်သို့ ပြင်းထန်စွာ ဖိနှိပ်လာတော့သည်။</p> <p> </p> <p>ထိုအမျိုးသားက အေးစက်စက် လေသံဖြင့် ပြန်လည် ချေပလိုက်၏။</p> <p> </p> <p>“ဟမ်... မင်း ဘာပြောလိုက်တယ်”</p> <p> </p> <p>"ဝှစ်..."</p> <p> </p> <p>သို့သော် နောက်တစ်ခဏ၌ တာအိုရုပ်သေး၏ ပုံရိပ်သည် အရိပ်အယောင်မျှပင် မကျန်ရစ်ဘဲ ရုတ်တရက် ပျောက်ကွယ်သွားလေတော့သည်။</p> <p> </p> <p>သူ ပြန်လည် ထွက်ပေါ်လာချိန်တွင်မူ ထိုလူကြီးလူကောင်း ပုံစံ အမျိုးသား ၏ နောက်ကျောသို့ ရောက်ရှိနေခဲ့ပြီ ဖြစ်၏။</p> <p> </p> <p>ထိုအမျိုးသား၏ မျက်နှာသွင်ပြင် ပြောင်းလဲသွားပြီး တစ်စုံတစ်ခု မှားယွင်းနေကြောင်း အာရုံခံလိုက်မိသည့် အချိန်မှာပင်၊ မှန်းဆ၍မရနိုင်လောက်အောင် ကြောက်မက်ဖွယ်ကောင်းသော ဝိညာဉ်စွမ်းအား တစ်ခု ပေါက်ကွဲ ထွက်ပေါ်လာပြီး၊ သူ၏ ဝိညာဉ် ပင်လယ်ကို မျက်စိတစ်မှိတ် အတွင်းမှာပင် လှုပ်ခါသွားစေတော့သည်။</p> <p> </p> <p>"ဝုန်း.."</p> <p> </p> <p> </p> <p>ထိုအမျိုးသား၏ ဝိညာဉ် ပင်လယ် အတွင်း၌ နားကွဲမတတ် ဆူညံသံတစ်ခု ထွက်ပေါ်လာပြီး၊ သူ၏ အတွေးများသည် တစ်ခဏမျှ ရပ်တန့်သွားလေ၏။</p> <p> </p> <p>"ဒိုင်း..."</p> <p>တာအိုရုပ်သေးသည် ခြေတစ်ချက် ကန်ထွက်လိုက်ရာ ထိုအမျိုးသားကို မြေပြင်ပေါ်သို့ ချက်ချင်းပင် လဲကျသွားစေတော့သည်။ ပြိုင်ဘက်ကင်း စွမ်းအားကြီး တစ်ခု ပေါက်ကွဲ ထွက်ပေါ်လာပြီး၊ သူ၏ ခြေထောက်သည် ထိုအမျိုးသား၏ ရင်ဘတ်ပေါ်သို့ ဖိနင်းထားလိုက်၏။</p> <p> </p> <p> </p>


Save