Book List

<h2 style="text-align: center;">အခန်း (၄၂၇)</h2> <h2 style="text-align: center;">ရွှေအမြုတေအဆင့် အထွတ်အထိပ် စွမ်းအား၊ ဝိညာဉ်ခွဲထွက် ကျင့်စဉ် (အပိုင်း ၅)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>~ထိုစကားကို ကြားလိုက်ရသောအခါ တာအိုဆရာ နဂါးနက် က အလျင်အမြန်ပင်...</p> <p> </p> <p>“ဟုတ်ပါတယ်... ဟုတ်ပါတယ် ခင်ဗျာ။ အကြီးအကဲ ရဲ့ အကဲခတ်နိုင်စွမ်းက တကယ့်ကို ထက်မြက်လွန်းလှပါတယ်။ ဒီ တတိယအဆင့် ဝိညာဉ်ကျောက်စိမ်း သတ္တုတွင်း မှာ ဝိညာဉ်ကျောက်စိမ်း ရွှေရည်အနှစ် တွေ ပေါ်လာတယ် ဆိုတဲ့ သတင်းကို... ကုန်းယွဲ့ အင်မော်တယ် မြို့တော် က ယွီ မိသားစု နဲ့ မန် မိသားစု က ကျွန်တော့်ဆီ လာပြောပြခဲ့တာပါ။ ကျွန်တော်လည်း တံခါးပိတ် ကျင့်ကြံရာကနေ ထွက်ထွက်ချင်းပဲ လူတွေကို ခေါ်ပြီး ဒီကို ရောက်လာခဲ့တာပါ ခင်ဗျာ”</p> <p> </p> <p>“ကြည့်ရတာ ကျွန်တော်က သူများရဲ့ အသုံးချခံ နယ်ရုပ်လေး ဖြစ်သွားခဲ့ရပြီ ထင်ပါတယ်”</p> <p> </p> <p>'ထင်တဲ့အတိုင်းပဲ'</p> <p> </p> <p>တာအိုရုပ်သေးသည် ခပ်ဟဟ ရယ်မောလိုက်ပြီး တာအိုဆရာ နဂါးနက် ကို ကြည့်ကာ အလိုမကျစွာ တုံ့ပြန်လိုက်သည်။</p> <p> </p> <p>“အဲ့ဒီ မိသားစု နှစ်ခုက တာအိုဆရာ နဂါးနက် ရဲ့ အသက်ကို အန္တရာယ်ထဲ တွန်းပို့ပြီး အသုံးချသွားတာတောင်... မင်းက သူတို့ကို ဒီအတိုင်း လွှတ်ထားပေးလိုက်တော့မလို့လား”</p> <p> </p> <p>တာအိုဆရာ နဂါးနက် ၏ မျက်လုံးများထဲတွင် နားလည်သဘောပေါက်သွားသည့် အရိပ်အယောင်များ လက်သွားပြီး ချက်ချင်းပင် ခွန်းတုံ့ပြန်လိုက်၏။</p> <p> </p> <p>“ဘယ်လိုလုပ် ဖြစ်နိုင်မှာလဲ ခင်ဗျာ။ ဒီ နဂါးနက် မြစ်ကြီး တစ်ဝိုက်မှာ ကျွန်တော်တို့ နဂါးနက် ကုန်သွယ်ရေး အသင်း ကို လှောင်ပြောင် သရော်ရဲတဲ့သူ တစ်ခါမှ မရှိခဲ့ဖူးပါဘူး”</p> <p> </p> <p>“ဘာပဲဖြစ်ဖြစ် ကျွန်တော်... နဂါးနက် က အကြီးအကဲ အတွက် ကျေနပ်လောက်တဲ့ ရှင်းလင်းချက် တစ်ခု သေချာပေါက် ပေးပါ့မယ် ခင်ဗျာ”</p> <p> </p> <p>ထိုစကားကို ကြားလိုက်ရသောအခါ တာအိုရုပ်သေး၏ အေးစက်စက် အကြည့်များသည် ပုံမှန် အခြေအနေသို့ ပြန်လည် ရောက်ရှိသွားလေ၏။ သူသည် လူကြီးလူကောင်း ပုံစံ အမျိုးသား ကို တစ်ချက် လှမ်းကြည့်လိုက်ရာ၊ ထိုလူသည် ထိတ်လန့်မှုကြောင့် မျက်နှာ ဖြူရော်သွားပြီး အနောက်သို့ ခြေတစ်လှမ်း ဆုတ်လိုက်မိကာ မြေကြီးပေါ်သို့ လဲကျမတတ် ပင် ဖြစ်သွားရတော့သည်။</p> <p> </p> <p> </p> <p>“ကောင်းပြီလေ... မင်းတို့ကို ငါ လိုက်မပို့တော့ဘူး”</p> <p> </p> <p>တာအိုရုပ်သေးက အေးအေးလူလူပင်...  နှုတ်ဆက်လိုက်သည်။</p> <p> </p> <p> </p> <p> </p> <p>“အကြီးအကဲ... ကျွန်တော်တို့ သွားခွင့်ပြုပါဦး ခင်ဗျာ”</p> <p> </p> <p>တာအိုဆရာ နဂါးနက် သည် သေဒဏ်မှ လွတ်ငြိမ်းချမ်းသာခွင့် ရလိုက်သကဲ့သို့ ခံစားလိုက်ရပြီး၊ နောက်ထပ် စကားတစ်ခွန်းမျှ ထပ်မပြောတော့ဘဲ သူ၏ လူများကို ဦးဆောင်ကာ ချက်ချင်း ထွက်ခွာသွားလေတော့သည်။</p> <p> </p> <p>သူတို့ အဝေးသို့ ရောက်ရှိသွားသောအခါမှသာ တာအိုဆရာ နဂါးနက် သည် အံ့အားသင့်မှုနှင့် ကြောက်ရွံ့မှုများ ရောယှက်နေသော သက်ပြင်းရှည်ကြီး တစ်ချက်ကို မှုတ်ထုတ်လိုက်နိုင်တော့၏။</p> <p> </p> <p>'သောက်ကျိုးနည်း..'</p> <p> </p> <p>ဒီတစ်ခေါက်တော့ သူတို့ တကယ်ကို အရှင်သခင်ကြီး တစ်ပါးကို သွားစော်ကားမိမလို ဖြစ်သွားခဲ့ ချေပြီ။ အတော်လေးကို ကြောက်လန့်သွားခဲ့ရ၏..။</p> <p> </p> <p>ပိုးစာပင် နယ်မြေ တွင် နေထိုင်လာခဲ့ရာ တစ်လျှောက်လုံး တာအိုဆရာ နဂါးနက် ၏ စိတ်ထဲတွင်... မည်သည့်အခါမျှ သွားရောက် မရန်စသင့်သော အင်အားစုများ၏ စာရင်း တစ်ခု ရှိနေခဲ့ပြီး၊ ကောင်းကင် သိုင်းကျမ်း မျှော်စင် က ထိုစာရင်း၏ ထိပ်ဆုံး နေရာတွင် ရှိနေခဲ့သည်။</p> <p> </p> <p>မူလဝိညာဉ် အဆင့် အရှင်သခင်ကြီး များ ကြီးကြပ်ကွပ်ကဲသော ကုန်သွယ်ရေး အသင်းအဖွဲ့များ သို့မဟုတ် မိသားစု အင်အားစု များပင်လျှင် ကောင်းကင် သိုင်းကျမ်း မျှော်စင် ၏ အောက်တွင်သာ ရှိနေကြသေးသည် မဟုတ်ပါလော။</p> <p> </p> <p>ယခု တွေ့ဆုံမှု အတွက် တာအိုဆရာ နဂါးနက် မည်မျှ စိုးရိမ်ပူပန်သွားခဲ့ရသည်ကို ထွေထွေထူးထူး ပြောနေရန်ပင် မလိုအပ်တော့ချေ။</p> <p> </p> <p>တာအိုဆရာ နဂါးနက် တစ်ယောက်တည်းသာ မဟုတ်ပေ။</p> <p> </p> <p>သူ့နောက်မှ လိုက်ပါလာသော လူကြီးလူကောင်း ပုံစံ အမျိုးသား သည်လည်း အလွန်တရာ ထိတ်လန့်နေပြီး သစ်ရွက်လေး တစ်ရွက်ပမာ တုန်ယင်နေသည်။</p> <p> </p> <p>နဂါးနက် ကုန်သွယ်ရေး အသင်း သည် ဤ နဂါးနက် မြစ်ကြီး တစ်လျှောက်တွင် လွှမ်းမိုးထားသော အင်အားစု တစ်ခု ဖြစ်သည်မှာ မှန်ကန်ပြီး၊ အတားအဆီး မရှိ လှုပ်ရှားသွားလာနိုင်ကြ၏။</p> <p> </p> <p>သို့သော်ငြားလည်း အချို့သော အင်အားစုကြီးများ၏ ရှေ့မှောက်တွင်မူ နဂါးနက် ကုန်သွယ်ရေး အသင်း သည် အရေးမပါသော ပုရွက်ဆိတ် တစ်ကောင်မျှသာ ဖြစ်သည်..။</p> <p> </p> <p>အကယ်၍ ထိုအင်အားစုကြီးများ၏ သတိထားမိခြင်း မခံရပါက အဆင်ပြေသော်လည်း၊ သူတို့၏ အာရုံစိုက်မှုကို ဆွဲဆောင်မိသွားပါက... နဂါးနက် ကုန်သွယ်ရေး အသင်း ၏ ပျောက်ကွယ်သွားမှုသည် အချိန်တိုလေး အတွင်းမှာပင် ဖြစ်ပေါ်လာနိုင်ပေသည်..။</p> <p> </p> <p>သံသယ ဝင်စရာ မလိုအောင်ပင်...</p> <p> </p> <p>ဤကဲ့သို့ စွမ်းဆောင်နိုင်သော အင်အားစုကြီးများထဲတွင် ကောင်းကင် သိုင်းကျမ်း မျှော်စင် သည်လည်း တစ်ခု အပါအဝင် ဖြစ်၏။</p> <p> </p> <p>ယခုလေးတင် သူသည် ရွှေအမြုတေ အဆင့် ၏ အထွတ်အထိပ် တွင် ရှိနေသော ကောင်းကင် သိုင်းကျမ်း မျှော်စင် မှ အကြီးအကဲ တစ်ဦးကို သွားရောက် ရန်စမိခဲ့တော့၏…။</p> <p> </p> <p>အကယ်၍ ဤကဲ့သို့သော အရှင်သခင်ကြီး တစ်ပါးကသာ နဂါးနက် ကုန်သွယ်ရေး အသင်း အပေါ် အငြိုးအာဃာတ ထားကာ မူလဝိညာဉ် အဆင့် အရှင်သခင်ကြီး တစ်ပါးကိုသာ အကူအညီ တောင်းလိုက်မည် ဆိုလျှင်၊ သူတို့ အားလုံး အဆုံးသတ်သွားပြီသာ မှတ်ပါလေတော့..။</p> <p> </p> <p>“ဥက္ကဋ္ဌကြီး... အခု ကျွန်တော်တို့ ဘာဆက်လုပ်ကြမလဲ” လူကြီးလူကောင်း ပုံစံ အမျိုးသား သည် ထိတ်လန့်တုန်လှုပ်နေပြီး တုန်ယင်နေသော အသံဖြင့် မေးလိုက်သည်။</p> <p> </p> <p>တာအိုဆရာ နဂါးနက် က သူ့ကို ဒေါသတကြီး စူးစိုက်ကြည့်လိုက်၏။ သူ၏ မျက်ဝန်းများထဲတွင် သတ်ဖြတ်လိုသော အလင်းရောင်များ ပြည့်နှက်နေပြီး အသံနက်ကြီးဖြင့် ဟိန်းဟောက်လိုက်သည်။</p> <p> </p> <p>“ဘာလုပ်ရမလဲ ဟုတ်လား။ ငါတို့က သူများရဲ့ လှည့်စား အသုံးချတာ ခံလိုက်ရပြီလေ... ဘာလုပ်ရမယ် ထင်လဲ”</p> <p> </p> <p>“မင်း အရင်ဆုံး ဒဏ်ရာ သက်သာအောင် အနားယူလိုက်ဦး။ ဒဏ်ရာတွေ ပျောက်သွားတာနဲ့ ကုန်းယွဲ့ အင်မော်တယ် မြို့တော် ထဲ ဝင်ပြီး... ယွီ မိသားစု နဲ့ မန် မိသားစု က အဲ့ဒီ ကောင်နှစ်ကောင် ရဲ့ ခေါင်းကို ဖြတ်ယူခဲ့”</p> <p> </p> <p>“အဲ့ဒီ ခေါင်းတွေကို သတ္တုတွင်း ဆီ ယူသွားပြီး တောင်းပန်လွှာ အဖြစ် ဆက်သရမယ်”</p> <p> </p> <p>“မှတ်ထား... နောက်တစ်ခါ ဘယ်တော့မှ မဆင်မခြင် မလုပ်မိစေနဲ့။ ရိုရိုသေသေ ဆက်ဆံ”</p> <p> </p> <p>နဂါးနက် ကုန်သွယ်ရေး အသင်း မှ လူများသည် ရောက်လာစဉ်ကလည်း အလွန် လျင်မြန်ခဲ့သကဲ့သို့၊ ထွက်ခွာသွားချိန် တွင်လည်း အလွန် လျင်မြန်လှပေသည်။</p> <p> </p> <p>သတ္တုတွင်း ၏ အပြင်ဘက်တွင်၊</p> <p> </p> <p>လင်းရှူ သည် ဤအရာအားလုံးကို မှင်သက်စွာ ကြည့်နေမိတော့၏။</p> <p> </p> <p>နဂါးနက် ကုန်သွယ်ရေး အသင်း မှ လူများ အားလုံး ထွက်ခွာသွားပြီးမှသာ၊ သူမသည် တာအိုရုပ်သေးကို လှည့်ကြည့်လိုက်သည်။ တာအိုရုပ်သေးကို စိုက်ကြည့်နေစဉ် သူမ၏ မျက်လုံးများသည် အံ့အားသင့်မှုကြောင့် တဖြည်းဖြည်း ပြူးကျယ်လာပြီး ဝိုင်းစက်လာတော့၏။</p> <p> </p> <p>ခဏအကြာတွင် လင်းရှူ က အထစ်ထစ် အငေါ့ငေါ့ဖြင့် မေးလိုက်သည်။</p> <p> </p> <p>“စီ... စီနီယာ ခုနက သုံးလိုက်တဲ့ တံဆိပ်ပြား က ကောင်းကင် သိုင်းကျမ်း မျှော်စင် ရဲ့ တံဆိပ်ပြား လားဟင်”</p> <p> </p> <p>တာအိုရုပ်သေးသည် သူ၏ အကြည့်ကို ရုပ်သိမ်းကာ လင်းရှူ ကို တစ်ချက် ကြည့်လိုက်ပြီး ခံစားချက် ကင်းမဲ့စွာဖြင့် ခေါင်းညိတ်ပြလိုက်၏။</p> <p> </p> <p>“အင်း...”</p> <p> </p> <p>ထိုစကားကို ကြားလိုက်ရသောအခါ လင်းရှူ သည် ရုတ်တရက် အလွန် စိတ်လှုပ်ရှားသွားတော့သည်။</p> <p> </p> <p>“အာ... စီနီယာက ကောင်းကင် သိုင်းကျမ်း မျှော်စင် က အကြီးအကဲ တစ်ယောက် ဖြစ်နေတာကိုး။ အဲ့ဒါကြောင့် စီနီယာရဲ့ စွမ်းအားတွေက ဒီလောက် ကြောက်စရာ ကောင်းနေပြီး၊ နဂါးနက် ကုန်သွယ်ရေး အသင်း က လူတွေကိုတောင် ရင်ဆိုင်ရဲတာပဲ”</p> <p> </p> <p>“ကံကောင်းလို့... တကယ့်ကို ကံကောင်းလို့... ကျွန်မ သေစရာ မလိုတော့ဘူး”</p> <p> </p> <p>တာအိုရုပ်သေး : ...</p> <p> </p> <p>ဒီလောက်တောင် သေရမှာကို ကြောက်နေတာလား။</p> <p> </p> <p>သူသည် သတ္တုတွင်း အတွင်းသို့ လှည့်ဝင်သွားရင်း ပြောလိုက်သည်။</p> <p> </p> <p>“ကဲ... ပြဿနာလည်း ရှင်းသွားပြီ ဆိုတော့၊ ငါတို့ အထဲ ပြန်ဝင်ကြစို့”</p> <p> </p> <p>ဤတစ်ကြိမ်တွင် သူသည် ပြဿနာကို ဖြေရှင်းရန်အတွက် ကောင်းကင် သိုင်းကျမ်း မျှော်စင် တံဆိပ်ပြား ကို အသုံးပြုရန် ရွေးချယ်ခဲ့ခြင်း ဖြစ်၏။</p> <p> </p> <p>နဂါးနက် ကုန်သွယ်ရေး အသင်း နှင့် တိုက်ပွဲဝင်မည့် အစား ဤနည်းလမ်းကို သူ ရွေးချယ်ခဲ့သည်။</p> <p> </p> <p>ဤသည်မှာ သူ၏ စွမ်းအားက နဂါးနက် ကုန်သွယ်ရေး အသင်း ထက် နိမ့်ကျနေ၍ မဟုတ်ဘဲ၊ သူ၏ အစွမ်းအစ အစစ်အမှန်ကို အပြည့်အဝ ထုတ်ဖော် မပြသလိုသောကြောင့် ဖြစ်၏။ နဂါးနက် ကုန်သွယ်ရေး အသင်း မှ လူများကို သတ်ဖြတ်ခြင်းဖြင့် ရရှိလာမည့် အကျိုးကျေးဇူးလည်း သိပ်မရှိလှချေ။</p> <p> </p> <p>ထိုသို့ ပြုလုပ်ခြင်းက အခြား အင်အားစုများ၏ အာရုံစိုက်မှုကို ဆွဲဆောင်မိနိုင်သည့် အန္တရာယ် ပိုများသည်။</p> <p> </p> <p>ပိုးစာပင် နယ်မြေ အတွင်းရှိ အင်အားစု အသီးသီး၏ ရှေ့မှောက်တွင် သူ့ကိုယ်သူ လုံးဝ ထုတ်ဖော် ပြသလိုက်သလို ဖြစ်သွားမည် မဟုတ်ပါလော။</p> <p> </p> <p>နဂါးနက် ကုန်သွယ်ရေး အသင်း နှင့် ပြဿနာကို ဖြေရှင်းရန် ကောင်းကင် သိုင်းကျမ်း မျှော်စင် တံဆိပ်ပြား ကို အသုံးပြုလိုက်ခြင်းအားဖြင့်၊ ဤကိစ္စကို မည်သူ့ အာရုံစိုက်မှုကိုမျှ မရရှိစေဘဲ တိတ်ဆိတ် ငြိမ်သက်စွာ အဆုံးသတ်သွားစေနိုင်မည် ဖြစ်သည်။</p> <p> </p> <p>ထို့နောက် သူသည် သတ္တုတွင်း အတွင်း၌ အေးအေးချမ်းချမ်း ဆက်လက် နေထိုင်နိုင်မည် ဖြစ်ပြီး၊ ကောင်းကင်မိုးကြိုး ကြွက် မိစ္ဆာအုပ်စု ကိုလည်း ဝိညာဉ်ကျောက်စိမ်း သတ္တုရိုင်း များ ဆက်လက် တူးဖော်ခွင့် ပြုနိုင်မည် ဖြစ်၏။</p> <p> </p> <p>မည်သို့ပင် ကြည့်ရှုစေကာမူ ဤ ရလဒ်သည် အကောင်းဆုံး ဖြစ်ပေသည်။</p> <p> </p> <p>ကောင်းကင် သိုင်းကျမ်း မျှော်စင် တံဆိပ်ပြား က နဂါးနက် ကုန်သွယ်ရေး အသင်း ကို တားဆီး ဖိနှိပ်နိုင်မည်လား ဆိုသည့် အချက်ကိုမူ တာအိုရုပ်သေး က သဘာဝကျကျပင် ကြိုတင် တွေးတောထားပြီး ဖြစ်သည်။</p> <p> </p> <p>အကယ်၍ အမှန်တကယ် မတားဆီးနိုင်ခဲ့ဘူး ဆိုလျှင်လည်း... တိုက်ပွဲဝင်ရုံပဲ ရှိတော့တာပေါ့။</p> <p> </p> <p>ကောင်းကင် သိုင်းကျမ်း မျှော်စင် တံဆိပ်ပြား ကို ကိုယ်ပေါ်တွင် ဆောင်ထားသမျှ၊ ပြဿနာ တစ်ခုခု ဖြစ်လာခဲ့လျှင် ပိုးစာပင် အင်မော်တယ် မြို့တော် ရှိ ကောင်းကင် သိုင်းကျမ်း မျှော်စင် တွင် ဝင်ရောက် ပုန်းအောင်းနေနိုင်ပေသည်။ ပြဿနာ ကြီးကြီးမားမား ရှိမည် မဟုတ်ချေ။</p> <p> </p> <p>မူလဝိညာဉ် အဆင့် အရှင်သခင်ကြီး တစ်ပါး ပင်လျှင် ကောင်းကင် သိုင်းကျမ်း မျှော်စင် ကို အာခံရဲမည် မဟုတ်ပါလော။</p> <p> </p> <p>တစ်ချိန်တည်းမှာပင်၊</p> <p>ကုန်းယွဲ့ အင်မော်တယ် မြို့တော် တွင် ကောင်း မိသားစု ဘိုးဘေးကြီး ကောင်းထန် နှင့် မိသားစု ခေါင်းဆောင် ကောင်းယွမ်ယွမ် တို့ နှစ်ဦးစလုံးသည် နဂါးနက် ကုန်သွယ်ရေး အသင်း က သတ္တုတွင်း ဆီသို့ ရောက်ရှိသွားကြောင်း သိလိုက်ရသောအခါ၊ သူတို့၏ မျက်နှာသွင်ပြင်များသည် အကြီးအကျယ် ပြောင်းလဲသွားကြတော့၏။</p> <p> </p> <p>ကောင်းယွမ်ယွမ် သည် တုန်ယင်စွာဖြင့် ပြောလိုက်သည်။</p> <p> </p> <p>“ဘိုးဘေးကြီး... နဂါးနက် ကုန်သွယ်ရေး အသင်း က သတ္တုတွင်း ကို မျက်စိကျသွားပြီ”</p> <p> </p> <p>ကောင်းထန် ၏ မျက်နှာအမူအရာသည် ခေတ္တမျှ ပြောင်းလဲသွားပြီးနောက်၊ အသံနက်ကြီးဖြင့် နှစ်သိမ့်လိုက်၏။</p> <p> </p> <p>“မလန့်ပါနဲ့... လန့်နေလို့လည်း ဘာမှ ထူးလာမှာ မဟုတ်ဘူး။ ငါတို့ ဝင်ပါလို့လည်း မရဘူးလေ... ရလဒ် က ဘာဖြစ်လာမလဲ ဆိုတာကိုပဲ စောင့်ကြည့်ကြတာပေါ့”</p> <p> </p> <p>အခြားတစ်ဖက်တွင်မူ ယွီ မိသားစု နှင့် မန် မိသားစု တို့သည် ဤသတင်းကို ကြားသိရသောအခါ အလွန်တရာ ဝမ်းသာသွားကြသည်။</p> <p> </p> <p>“ဟားဟားဟား... နဂါးနက် ကုန်သွယ်ရေး အသင်း က နောက်ဆုံးတော့ ရောက်လာပြီဟေ့”</p> <p> </p> <p>“ဒီလို အရှိန်အဝါ မျိုးက... တာအိုဆရာ နဂါးနက် ကိုယ်တိုင် ရောက်လာတာ သေချာတယ်။ အိုက်ယား... တာအိုဆရာ နဂါးနက် က ရွှေအမြုတေ အဆင့် ရဲ့ အထွတ်အထိပ် ကို ရောက်နေတဲ့ အစွမ်းထက် ကျင့်ကြံသူ တစ်ယောက်လေ။ ပြီးတော့ သူ့ဆီမှာ ထိပ်တန်း တတိယအဆင့် မိစ္ဆာကောင် တစ်ကောင်လည်း စီးတော်သားရဲ အဖြစ် ရှိသေးတယ်။ ဒီလို စွမ်းအားမျိုးနဲ့ ဆိုတော့... အဲ့ဒီလူက ဘယ်လိုလုပ် ယှဉ်နိုင်တော့မှာလဲ”</p> <p> </p> <p> </p> <p> </p>


Save