Book List

<h2 style="text-align: center;">အခန်း (၄၃၁)</h2> <h2 style="text-align: center;">မြေကမ္ဘာ အင်မော်တယ် နယ်မြေမှ လူများ ရောက်ရှိလာခြင်း၊ မူလဝိညာဉ် အဆင့် အရှင်သခင်ကြီး (အပိုင်း ၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>~သို့သော် ယခုအခါတွင်မူ သူတို့ လေးယောက်စလုံးသည် ရွှေအမြုတေ အဆင့် သို့ ရောက်ရှိနေကြပြီ ဖြစ်သည်။</p> <p> </p> <p>ထို့ကြောင့် သူတို့ အတူတကွ ထိုင်နေကြချိန်တွင်၊ စုယွီ၏ မျက်နှာသွင်ပြင်သည် လွန်ခဲ့သော နှစ်များစွာကဲ့သို့ပင် နုပျိုလန်းဆန်းနေဆဲ ဖြစ်၏။ သူ၏ အသားအရေသည် ဖြူဝင်းနေပြီး အစိမ်းရောင် ဝတ်ရုံကို ဝတ်ဆင်ထားကာ၊ သူ၏ ဟန်ပန်အမူအရာမှာ အင်မော်တယ် လောကမှ ဆရာကြီးပမမာ သေမျိုး အာရုံများနှင့် ကင်းကွာနေသကဲ့သို့ ခံစားရသည်။</p> <p> </p> <p>အခြားတစ်ဖက်တွင်မူ လော့ချန်ယွီ၊ ယွီခယ်အာ နှင့် စုဇီ တို့၏ ရုပ်ရည်သွင်ပြင် များသည်လည်း မပြောင်းလဲသလောက်ပင် ရှိနေသေး၏။ စင်စစ်အားဖြင့် သူမတို့၏ ကျင့်ကြံခြင်း အခြေခံများ ပိုမို နက်ရှိုင်းလာသည်နှင့်အမျှ၊ အမျိုးသမီး သုံးဦးစလုံး၏ ကိုယ်ရောင်ကိုယ်ဝါများသည် အင်မော်တယ် နတ်သမီးလေးများ ကဲ့သို့ ပို၍ပင် လောကီနှင့် ကင်းကွာကာ ရင်သပ်ရှုမောဖွယ် ကောင်းလာကြသည်။</p> <p> </p> <p>ထိုင်ပြီး မကြာမီမှာပင် လော့ချန်ယွီ သည် ရှေးဟောင်း ကျောက်စိမ်း သေတ္တာလေး တစ်လုံးကို စုယွီထံသို့ ကမ်းပေးလိုက်ပြီး ပြောလိုက်၏။</p> <p> </p> <p>“ရွှေရင်းမြစ် သစ်သီး တွေပါ... နင့်အတွက်”</p> <p> </p> <p>“တခြား ဘာပစ္စည်းတွေ လိုသေးလဲ ဆိုတာ ကြည့်လိုက်ဦး။ လိုအပ်လာတဲ့ အချိန်ကျရင် ငါ ကူညီပေးဖို့ နည်းလမ်း ရှာကြည့်ပါ့မယ်” ဟု လော့ချန်ယွီ က ဆက်ပြောလိုက်သည်။</p> <p> </p> <p>စုယွီက အံ့အားသင့်စွာဖြင့် မေးလိုက်၏။</p> <p> </p> <p>“အခု မှည့်နေပြီလားဟင်”</p> <p> </p> <p>ကျောက်စိမ်း သေတ္တာလေး ကို ဖွင့်လိုက်သောအခါ သူ၏ မျက်နှာပေါ်တွင် ဝမ်းသာပီတိ ဖြစ်သွားသည့် အရိပ်အယောင် တစ်ချက် ဖြတ်ပြေးသွားတော့သည်။ အထဲရှိ ရွှေရင်းမြစ် သစ်သီး များသည် ထူးကဲသော အရည်အသွေး ရှိကြပြီး စွမ်းအင်များ အပြည့်အဝ ပါဝင်နေကြ၏။ အကယ်၍ သူသာ ဤအသီးများနှင့် အရည်အသွေး တူညီသော အထောက်အကူပြု ဆေးပင် တစ်သုတ်ကို စုဆောင်းနိုင်ခဲ့မည် ဆိုလျှင်၊ ရွှေရင်းမြစ် ဆေးလုံး ငါးလုံးခန့်ကို ဖော်စပ်နိုင်ကောင်း ဖော်စပ်နိုင်ပေလိမ့်မည်။</p> <p> </p> <p>ထို့အပြင် သေတ္တာထဲတွင် ရွှေရင်းမြစ် သစ်သီး များသာမက ရွှေရင်းမြစ် ဆေးလုံး ဖော်စပ်ရန် လိုအပ်သော ပါဝင်ပစ္စည်း အများစုလည်း ပါဝင်နေသေး၏။ ကျန်ရှိနေသော ပါဝင်ပစ္စည်း အနည်းငယ် ကိုမူ သူ၏ ဆေးဥယျာဉ် မှ အလွယ်တကူ ခူးဆွတ် ရယူနိုင်သည်။</p> <p> </p> <p>သူက ခေါင်းယမ်းလိုက်ပြီး... ပြန်လည် တုံ့ပြန်လိုက်သည်။</p> <p> </p> <p> </p> <p>“မလိုတော့ပါဘူး အစ်မရယ်။ ကျန်တဲ့ ပစ္စည်းတွေ ကျွန်တော့်ဆီမှာ ရှိပါတယ်”</p> <p>ပစ္စည်းများကို သူ၏ ချင်းယွဲ့ လက်စွပ် အတွင်းသို့ သိမ်းဆည်းလိုက်ပြီးနောက် စုယွီသည် လော့ချန်ယွီ ဘက်သို့ လှည့်ကာ ပြောလိုက်၏။</p> <p> </p> <p>“ဆေးဖော်ဖို့ အတွက် ယွင်ကျန်းဂိုဏ်း က ဂူစံအိမ် ဆီ ကျွန်တော် လာခဲ့ပါ့မယ်။ အကယ်၍ အောင်မြင်ခဲ့မယ် ဆိုရင်... ကျွန်တော်တို့ ခွဲယူကြတာပေါ့”</p> <p> </p> <p>ခေတ္တမျှ တွန့်ဆုတ်နေပြီးနောက် လော့ချန်ယွီ သည် မငြင်းဆန်တော့ချေ။</p> <p> </p> <p>“ကောင်းပြီလေ”</p> <p> </p> <p> </p> <p> </p> <p>လက်ရှိအချိန်တွင် အခြေခံတည်ဆောက်ခြင်း အဆင့် (၉) ၌ နှစ်ပေါင်းများစွာ တစ်ဆို့နေခဲ့သော တပည့်ညီမလေး ထျဲမုန်ကျူး အပါအဝင် ယွင်ကျန်းဂိုဏ်း မှ လူအများအပြားသည် ရွှေရင်းမြစ် ဆေးလုံး များကို လိုအပ်နေကြပြီ ဖြစ်၏။</p> <p> </p> <p>ထို့ကြောင့် သူမ အနေဖြင့် ရွှေရင်းမြစ် ဆေးလုံး များကို အမှန်တကယ်ပင် မငြင်းဆန်နိုင်ခဲ့ချေ။</p> <p> </p> <p>အကယ်၍ ယွင်ကျန်းဂိုဏ်း အနေဖြင့် နောက်ထပ် ရွှေအမြုတေ အဆင့် အရှင်သခင် တစ်ပါး သို့မဟုတ် နှစ်ပါးခန့်ကို ထပ်မံ မွေးထုတ်နိုင်ခဲ့မည် ဆိုလျှင်...</p> <p> </p> <p>သူမ၏ ပခုံးပေါ်ရှိ ဖိအားများသည် များစွာ လျော့ကျသွားပေလိမ့်မည်။</p> <p> </p> <p>ရွှေအမြုတေ သုံးပါး၊ သို့မဟုတ် ရွှေအမြုတေ လေးပါး... ဤသည်မှာ ရာစုနှစ်များစွာ အတွင်း ယွင်ကျန်းဂိုဏ်း ၏ ရှားပါးလှသော တောက်ပသည့် အခိုက်အတန့် တစ်ခု ဖြစ်လာပေလိမ့်မည်။</p> <p> </p> <p>ညအချိန် သို့ ရောက်သောအခါ၊</p> <p> </p> <p>စုယွီ၊ စုဇီ၊ စုရွီအန်း နှင့် အသစ် ရွေးချယ် တင်မြှောက်ခံထားရသော စု မိသားစု ခေါင်းဆောင် ဖြစ်သူ စုတုံ အပါအဝင် အကြီးအကဲ များသည် မိသားစု၏ အနာဂတ် အစီအစဉ်များကို ဆွေးနွေး တိုင်ပင်ရန်အတွက် ကောင်စီ ခန်းမဆောင် တစ်ခု အတွင်း၌ စုဝေးရောက်ရှိနေကြ၏။</p> <p> </p> <p>စုယွီသည် သူ၏ ရှေ့မှောက်ရှိ စု မိသားစု ၏ အဆင့်မြင့် အဖွဲ့ဝင်များကို အကဲခတ် ကြည့်ရှုလိုက်၏။ အခြေခံတည်ဆောက်ခြင်း အဆင့် သို့ ရောက်ရှိနေသော ကျင့်ကြံသူ (၁၁) ဦး ရှိနေပြီ ဖြစ်သည်။</p> <p> </p> <p>သို့သော်ငြားလည်း ကျင့်ကြံခြင်း အဆင့် အမြင့်ဆုံး ဖြစ်သော စုရွီအန်း ပင်လျှင် အခြေခံတည်ဆောက်ခြင်း အဆင့် (၅) တွင်သာ ရှိနေသေး၏။</p> <p> </p> <p>ကျန်ရှိနေသော အခြေခံတည်ဆောက်ခြင်း အဆင့် အကြီးအကဲ အများစုမှာ အဆင့် (၁) တွင်သာ ရှိနေကြသည်။</p> <p> </p> <p>ထိုအခြေအနေကို တွေ့မြင်လိုက်ရသောအခါ စုယွီက စိတ်ထဲမှ သက်ပြင်းချလိုက်မိ၏။ မိသားစု တစ်ခုကို ပြုစုပျိုးထောင်ရန် ဆိုသည်မှာ လွယ်ကူလှသည် မဟုတ်ချေ။ အထူးသဖြင့် အောက်ခြေမှ စတင်၍ တည်ဆောက်ရသော အခါမျိုးတွင် ပို၍ပင် ခက်ခဲလှပေသည်။ မိသားစု၏ အင်အားကို လျင်မြန်စွာ မြှင့်တင်ပေးရန်အတွက် အရင်းအမြစ်များ ရှိနေရုံမျှဖြင့် မလုံလောက်ပေ။</p> <p> </p> <p>ယခုအခါ စု မိသားစု သည် အတားအဆီး တစ်ခုနှင့် ရင်ဆိုင်နေရပြီ ဖြစ်၏။ စု မိသားစု အနေဖြင့် အခြေခံတည်ဆောက်ခြင်း အဆင့် (၉)၊ အတုအယောင် အမြုတေ အဆင့် နှင့် ရွှေအမြုတေ အဆင့် သို့ တက်လှမ်းနိုင်မည့် ကျင့်ကြံသူများကို ပုံမှန် မွေးထုတ်ပေးနိုင်မည့် အချိန်သို့ ရောက်လာမှသာလျှင်...</p> <p> </p> <p>ထိုအချိန်ကျမှ စု မိသားစု ၏ အခြေခံ အုတ်မြစ်သည် အဆင့် တစ်ဆင့် မြင့်တက်သွားမည် ဖြစ်သည်။</p> <p> </p> <p>သို့သော် လက်ရှိ အနေအထား အရဆိုလျှင်တော့ ခရီးအလှမ်းဝေးနေဆဲပင်။</p> <p> </p> <p>စုယွီသည် မိသားစု၏ အတွင်းရေး ကိစ္စများတွင် ဝင်ရောက် စွက်ဖက်လေ့ မရှိသူ တစ်ဦး ဖြစ်၏။</p> <p> </p> <p>အစည်းအဝေး ပြီးဆုံးသွားသော အခါမှသာ စုယွီသည် စုရွီအန်း ထံသို့ ချန်ခွင်းအိတ် တစ်လုံးကို ကမ်းပေးလိုက်ပြီး မှာကြားလိုက်သည်။</p> <p> </p> <p>“ဒီအထဲမှာ အခြေခံတည်ဆောက်ခြင်း ဆေးလုံး အလုံး (၂၀)၊ မင်ရှန်း ဆေးလုံး အလုံး (၂၀) နဲ့ ဟောင်ထျန် ဆေးလုံး (၅) လုံး ပါတယ်”</p> <p> </p> <p>“ဒါ့အပြင် တတိယအဆင့် အလယ်အလတ်တန်းစား ကွေ့ မုဆိုး ရုပ်သေး တစ်ရုပ် နဲ့ အလယ်အလတ်အဆင့် ဝိညာဉ်ကျောက်တုံး တစ်သောင်း လည်း ထည့်ပေးထားတယ်”</p> <p> </p> <p>“အဘိုးငါး က မရှိတော့ဘူး... တခြား အကြီးအကဲ တွေလည်း မရှိကြတော့ဘူး။ အခုချိန်ကစပြီး မိသားစု ကို ထိန်းသိမ်း စောင့်ရှောက်ဖို့က မင်းရဲ့ တာဝန်ပဲ”</p> <p> </p> <p>စုရွီအန်း ၏ မျက်လုံးများ အနည်းငယ် နီရဲသွားသော်ငြားလည်း၊ သူသည် အသက်အရွယ် ရလာပြီ ဖြစ်သလို၊ နှစ်ပေါင်းများစွာ မိသားစု၏ တာဝန်များကို ယူခဲ့ရသဖြင့် ရင့်ကျက်သော စိတ်ဓာတ်ကို ပိုင်ဆိုင်ထားပြီ ဖြစ်သည်။ ထို့ကြောင့် စုရွီအန်း သည် ခေါင်းညိတ်လိုက်ပြီး အလေးအနက် ကတိပေးလိုက်၏။</p> <p> </p> <p>“ဦးလေး ယွီ... စိတ်ချပါ ခင်ဗျာ။ ကျွန်တော် မိသားစု ကို သေချာ စောင့်ရှောက်သွားပါ့မယ်”</p> <p> </p> <p>လဝက် ကြာပြီးနောက်၊</p> <p> </p> <p>စုယွီ၊ ယွီခယ်အာ၊ လော့ချန်ယွီ၊ စုဇီ၊ မာထျန်းလင် နှင့် လော့ချင်းယာ တို့သည် ဆေးတောင် မှ ထွက်ခွာလာခဲ့ကြ၏။</p> <p> </p> <p>ယွီချန်ချင်း နှင့် စုချီ တို့သာ မိသားစု အတွင်း၌ ဆက်လက် နေထိုင်ရန် ရွေးချယ်ခဲ့ကြသည်။</p> <p> </p> <p>စုရွီအန်း သည် ယခုအခါ စု မိသားစု ၏ အကြီးအကဲ တစ်ဦး ဖြစ်လာခဲ့ပြီ ဖြစ်ရာ၊ စုချီ သည် မိသားစု ကို စီမံအုပ်ချုပ်ရာတွင် စုရွီအန်း အား ကူညီပေးရန်အတွက် နောက်ချန် နေရစ်ခဲ့ခြင်း ဖြစ်၏။</p> <p> </p> <p>ယွီချန်ချင်း အတွက်မူကား...</p> <p> </p> <p>သူမ အနေဖြင့် စုယွီ၏ ဘေးမှ ထွက်ခွာရန် အချိန်ကျရောက်ပြီဟု ခံစားမိသောကြောင့်သာ ဖြစ်သည်။</p> <p> </p> <p>ယွင်ကျန်းဂိုဏ်း ဆီသို့ ဦးတည် ပျံသန်းနေသော သင်္ဘောပေါ်တွင်၊</p> <p> </p> <p>စုယွီသည် စုဇီ ကို ကြည့်ကာ မေးလိုက်သည်။</p> <p> </p> <p>“အစ်မဇီ... ပိုင်ယွဲ့ အင်မော်တယ် မြို့တော် ရဲ့ အခြေအနေက ဘယ်လိုရှိလဲဗျ”</p> <p> </p> <p>ခေတ္တမျှ စဉ်းစားခန်း ဝင်နေပြီးနောက် စုဇီ က ပြန်လည် ဖြေကြားလိုက်၏။</p> <p> </p> <p>“အရှင်သခင် ပိုင်ယွဲ့ က ဖီးနစ် တောင်ကြား တိုက်ပွဲမှာ ကျဆုံးသွားခဲ့တယ်။ နတ်မိမယ် ဖုန်းလင် ကလည်း အဲ့ဒီ ရှေးဟောင်း အပျက်အစီး ထဲကို ဝင်သွားပြီးတော့ သူ့ရဲ့ ကံကြမ္မာက ဘယ်လို ဖြစ်နေလဲ ဆိုတာ ဘယ်သူမှ မသိကြသေးဘူး။ လောလောဆယ် ပိုင်ယွဲ့ အင်မော်တယ် မြို့တော် မှာ ပုန်ကန်မှု တစ်ခု ဖြစ်နေတယ်”</p> <p> </p> <p>“ကျန်းပိုင်ယွီ က ပိုင်ယွဲ့ အင်မော်တယ် မြို့တော် ရဲ့ ပိုင်နက်ကို သိမ်းပိုက်ဖို့ ကြံစည်နေတာ။ အခုချိန်မှာတော့ အရှင်သခင် ပိုင်ယွဲ့ ရဲ့ တပည့်ကြီး ဖြစ်တဲ့ အကြီးအကဲ ထျန်းဖူ နဲ့ တပည့် တတိယ ဖြစ်တဲ့ ရွှီဝမ်ရှန်း တို့က အရှင်သခင် ပိုင်ယွဲ့ ချန်ထားခဲ့တဲ့ အမွေအနှစ် တွေကို အသုံးပြုပြီး ကျန်းပိုင်ယွီ ရဲ့ ပုန်ကန်မှုကို ခုခံနေကြတယ်”</p> <p> </p> <p>ထိုစကားကို ကြားလိုက်ရသောအခါ စုယွီသည် အံ့အားသင့်သွားတော့၏။ သူ မျက်မှောင်ကြုတ်လိုက်ပြီး မေးလိုက်သည်။</p> <p> </p> <p>“ကျန်းပိုင်ယွီ ဟုတ်လား”</p> <p> </p> <p>“သူက ဒီလောက်တောင် သတ္တိကောင်းနေတာလား။ နတ်မိမယ် ဖုန်းလင် က အန္တရာယ် တွေ့နေတာ သေချာချင်မှ သေချာမှာလေ။ အကယ်၍ နတ်မိမယ် ဖုန်းလင် ပြန်ရောက်လာတဲ့ အချိန်ကျရင် သူ ပိုင်ယွဲ့ အင်မော်တယ် မြို့တော် ကို သိမ်းပိုက်ထားနိုင်ခဲ့ရင်တောင် သူ့အသက်နဲ့ ပြန်ပေးဆပ်ရမယ် ဆိုတာကို သူ မကြောက်ဘူးလား”</p> <p> </p> <p>စုဇီ က ခေါင်းယမ်းလိုက်ပြီး ဝင်ရောက်ပြောဆိုလိုက်သည်။</p> <p> </p> <p>“သူ ဘာတွေ တွေးနေလဲ ဆိုတာတော့ ငါလည်း မသိဘူးလေ။ ဒါပေမဲ့ ပိုင်ယွဲ့ အင်မော်တယ် မြို့တော် ရဲ့ အတွင်းရေး ပဋိပက္ခက ငါတို့ အပေါ် သိပ်ပြီး သက်ရောက်မှု ရှိမှာတော့ မဟုတ်ပါဘူးဟယ်”</p> <p> </p> <p>စကားပြောနေစဉ် စုဇီ ၏ မျက်လုံးများထဲတွင် စက်ဆုပ်သော အရိပ်အယောင်များ လက်သွားပြီး ဆက်ပြောလိုက်လေ၏။</p> <p> </p> <p>“ကောလဟာလတွေ အရဆိုရင် ကျန်းပိုင်ယွီ ရဲ့ အကျင့်စရိုက်က တော်တော်လေးကို ယုတ်မာတယ်တဲ့။ အထူးသဖြင့် မကြာသေးခင် နှစ်တွေ အတွင်းမှာဆိုရင်... သူက ပိုင်ယွဲ့ အင်မော်တယ် မြို့တော် ပိုင်နက်ထဲက ငယ်ရွယ်တဲ့ အမျိုးသမီး ကျင့်ကြံသူ တွေကို ဖမ်းဆီးပြီး နှစ်ကိုယ်တူ ကျင့်ကြံဖို့ မကြာခဏ အမိန့်ပေးလေ့ ရှိတယ်တဲ့”</p> <p> </p> <p>“ပိုင်ယွဲ့ အင်မော်တယ် မြို့တော် မှာတော့ သူ့ရဲ့ နာမည်ပျက်က မိစ္ဆာ တစ်ကောင်နဲ့ သိပ်မကွာတော့ဘူး”</p> <p> </p> <p>စုဇီ ၏ စကားများကို ကြားလိုက်ရသောအခါ စုယွီ ရုတ်တရက် သဘောပေါက်သွားတော့၏။ တစ်ချိန်က ဟွမ်ရှန်းယီ ထံမှ သူ ရရှိခဲ့ဖူးသော နှစ်ကိုယ်တူ ကျင့်ကြံခြင်း နည်းလမ်း ကို သူ ပြန်လည် အမှတ်ရသွားသည်။</p> <p> </p> <p>အကယ်၍ သူ့ထံတွင်သာ နှစ်ကိုယ်တူ ကျင့်ကြံခြင်း ပြုလုပ်ရန် မရေမတွက်နိုင်သော အမျိုးသမီး ကျင့်ကြံသူ များ ရှိနေခဲ့မည် ဆိုပါက... ကျန်းပိုင်ယွီ ၏ ကျင့်ကြံခြင်း အဆင့်သည်လည်း လျင်မြန်စွာ တိုးတက်လာနိုင်ကောင်း တိုးတက်လာနိုင်ပေလိမ့်မည်။</p> <p> </p> <p>ထို နှစ်ကိုယ်တူ ကျင့်ကြံခြင်း နည်းလမ်း ၏ အမြင့်ဆုံး ကန့်သတ်ချက် ဖြစ်သော ရွှေအမြုတေ အဆင့် (၉) သို့ ရောက်ရှိသွားနိုင်ပေသည်။</p> <p> </p> <p>ထို့အပြင် နတ်မိမယ် ဖုန်းလင် ရှေးဟောင်း အပျက်အစီး အတွင်းသို့ ဝင်ရောက်သွားခြင်း နှင့် ပတ်သက်၍ ပြောရမည် ဆိုလျှင်... သူမ အသက်ရှင်လျက် ကျန်ရစ်မည် မကျန်ရစ်မည် ကို ဘေးဖယ်ထားလိုက်ပါဦး။ အကယ်၍ သူမ အသက်ရှင်နေခဲ့မည် ဆိုလျှင်တောင်မှ ပိုင်ယွဲ့ အင်မော်တယ် မြို့တော် သို့ ပြန်လည် ရောက်ရှိလာရန် မည်မျှ ကြာမည်ကို မည်သူမျှ မသိနိုင်ချေ။</p> <p> </p> <p>ထိုအချိန်သို့ ရောက်လာပါက ကျန်းပိုင်ယွီ ၏ ကျင့်ကြံခြင်း အဆင့်သည်လည်း တိုးတက်နေလောက်ပြီ ဖြစ်၏။</p> <p> </p> <p>'ဒီ အကြံအစည်က မဆိုးဘူးပဲ။ ဒါပေမဲ့ နတ်မိမယ် ဖုန်းလင် က သာမန် ရွှေအမြုတေ အဆင့် ကျင့်ကြံသူ တစ်ယောက် မဟုတ်ဘူး ဆိုတာကိုတော့ သူ မေ့နေပုံရတယ်'</p> <p> </p> <p>စုယွီသည် မျက်ခုံးပင့်လိုက်ပြီး ထိုအကြံအစည် အတွက် စိတ်ထဲမှ တိတ်တဆိတ် ချီးကျူးလိုက်တော့၏။</p> <p> </p> <p> </p>


Save