Book List

<h2 style="text-align: center;">အခန်း (၄၃၄)</h2> <h2 style="text-align: center;">မြေကမ္ဘာ အင်မော်တယ် နယ်မြေမှ လူများ ရောက်ရှိလာခြင်း၊ မူလဝိညာဉ် အဆင့် အရှင်သခင်ကြီး (အပိုင်း ၆)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~ဒီပါရမီက တကယ့်ကို သာမန် မဟုတ်ဘူးပဲ။</p> <p> </p> <p>တာ့ယွဲ့ နန်းတော် သခင်မလေး က စုယွီ နှင့် လော့ချန်ယွီ တို့ကို တစ်ချက် လှမ်းကြည့်ပြီးနောက်၊ သူမ၏ ဘေးရှိ ပုဂ္ဂိုလ်ကြီး ဘက်သို့ လှည့်ကာ မိတ်ဆက်ပေးလိုက်သည်။</p> <p> </p> <p>“စီနီယာ ကုလန်... သူတို့ကတော့ ကျွန်မတို့ တာ့ယွဲ့ နန်းတော် က ထောက်ခံပေးမယ့် နောက်ထပ် ပါရမီရှင် နှစ်ယောက်ပါ။ တစ်ယောက်က စုယွီ လို့ ခေါ်ပြီး၊ နောက်တစ်ယောက်က လော့ချန်ယွီ လို့ ခေါ်ပါတယ်”</p> <p> </p> <p>“သူတို့ နှစ်ယောက်စလုံးက အသက် တစ်ရာတောင် မပြည့်ကြသေးပါဘူး။ ဒါပေမဲ့ နှစ်ယောက်စလုံး ရွှေအမြုတေ အဆင့် (၄) နဲ့ အဆင့် (၅) ကို ရောက်နေကြပါပြီ”</p> <p> </p> <p>သူမ၏ ဘေးရှိ အမျိုးသမီးက ခေါင်းကို ဖြည်းညှင်းစွာ ညိတ်ပြလိုက်၏။ သူမ၏ အမူအရာတွင် မည်သည့် မောက်မာမှုမျှ မရှိဘဲ၊ တည်ငြိမ် အေးချမ်းသော အကြည့်များဖြင့် စုယွီ နှင့် လော့ချန်ယွီ တို့အပေါ်သို့ အကြည့်ရောက်သွားကာ အေးအေးဆေးဆေးပင် ပြောလိုက်သည်။</p> <p> </p> <p>“ငါ ဘယ်သူလဲ ဆိုတာ မင်းတို့ သိလောက်မှာပါ”</p> <p> </p> <p>“စကားတွေ အများကြီး မပြောတော့ပါဘူး။ အကယ်၍ မင်းတို့က ငါတို့ အင်မော်တယ် နယ်မြေ ရဲ့ တပည့် ရွေးချယ်ရေး စမ်းသပ်ပွဲမှာ ပါဝင်ချင်တယ် ဆိုရင်... ဝိညာဉ်အမြစ်၊ ဉာဏ်အလင်းပွင့်နိုင်စွမ်း၊ စိတ်စွမ်းအား နဲ့ တာအို အခြေခံ အုတ်မြစ် တွေမှာ အားနည်းချက် ရှိနေလို့ မရဘူး”</p> <p> </p> <p>“ဘာပဲဖြစ်ဖြစ်... မင်းတို့က ငယ်ငယ်လေး ကတည်းက အင်မော်တယ် နယ်မြေ ကို ဝင်ရောက်လာခဲ့တဲ့ သူတွေ မဟုတ်တဲ့အတွက်၊ မင်းတို့ အပေါ် ထားရှိမယ့် သတ်မှတ်ချက်တွေက ပိုပြီး မြင့်မားနေလိမ့်မယ်”</p> <p> </p> <p>စုယွီ နဲ့ လော့ချန်ယွီ တို့က ခေါင်းညိတ်ပြလိုက်ပြီး...</p> <p> </p> <p>“ဆက်ပြောပါ စီနီယာ” ဟု ရိုသေစွာ ပြောလိုက်ကြသည်။</p> <p> </p> <p>ကုလန် သည် လော့ချန်ယွီ ဘက်သို့ လှည့်ကာ မေးလိုက်၏။</p> <p> </p> <p>“မင်းရဲ့ ဝိညာဉ်အမြစ် က ဘာလဲ။ ပြီးတော့ မင်းရဲ့ အစစ်အမှန် အမြုတေ က ဘယ်အဆင့်မှာ ရှိလဲ”</p> <p> </p> <p>လော့ချန်ယွီ က ပြန်လည် ဖြေကြားလိုက်သည်။</p> <p> </p> <p>“ကျွန်မမှာ ကမ္ဘာမြေ အဆင့် သတ္တု ဝိညာဉ်အမြစ် ရှိပါတယ်။ ဒါပေမဲ့ ကျွန်မရဲ့ ကျင့်ကြံခြင်း လမ်းစဉ်က ရှေးဟောင်း ဓားတာအို လမ်းစဉ် ဖြစ်တဲ့အတွက်... ကျွန်မဆီမှာ အစစ်အမှန် အမြုတေ လည်း မရှိသလို၊ ရွှေအမြုတေ လည်း မရှိပါဘူး။ ကျွန်မရဲ့ အသက်သွေးကြော တာအိုဓား ပဲ ရှိပါတယ်”</p> <p> </p> <p>ထိုစကားကို ကြားလိုက်ရသောအခါ ကုလန် ၏ မျက်ခုံးများ အနည်းငယ် ပင့်တက်သွားပြီး၊ လော့ချန်ယွီ ကို အံ့အားသင့်သည့် အကြည့်များဖြင့် ကြည့်လိုက်သည်။</p> <p> </p> <p>ခေတ္တမျှ စဉ်းစားခန်း ဝင်နေပြီးနောက် သူမက အမိန့်ပေးလိုက်၏။</p> <p> </p> <p>“မင်းရဲ့ အစွမ်းကုန် အင်အားနဲ့ ငါ့ကို တိုက်ခိုက်ကြည့်စမ်း။ မင်းရဲ့ ဓားစွမ်းရည်ကို ငါ မြည်းစမ်းကြည့်ချင်တယ်”</p> <p> </p> <p>"ဝုန်း.."</p> <p> </p> <p> </p> <p>ကုလန် ၏ စကား အဆုံးမှာပင်၊ စူးရှ တောက်ပသော ရွှေရောင် အလင်းတန်းကြီး တစ်ခုသည် ခန်းမဆောင် တစ်ခုလုံးကို လွှမ်းခြုံသွားပြီး၊ ပြင်းထန်လှသော စွမ်းအင် လှိုင်းလုံးကြီး တစ်ခု ထွက်ပေါ်လာတော့၏။</p> <p> </p> <p> </p> <p> </p> <p>တာအိုဆရာမ ချင်းချွမ်၊ ရှုဟိုင်၊ ရှုယွီ နှင့် ကုလန် ၏ အနောက်တွင် ရပ်နေသော လူငယ် နှစ်ဦးစလုံး၏ မျက်နှာသွင်ပြင်များသည် မျက်စိတစ်မှိတ် အတွင်းမှာပင် ပြောင်းလဲသွားကြသည်။</p> <p> </p> <p>လော့ချန်ယွီ ၏ အသံက ခန်းမဆောင် အတွင်း ပဲ့တင်ထပ်သွား၏။</p> <p> </p> <p>“သတိထားပါ စီနီယာ”</p> <p> </p> <p>“ရွှစ်…”</p> <p> </p> <p>စူးရှ တောက်ပသော အလင်းရောင် အောက်တွင် အေးစက်သော အလင်းတန်း တစ်ခုသည် လေထုကို ထိုးဖောက်သွားပြီး... မျက်တောင်တစ်ခတ် အတွင်းမှာပင် တောက်ပနေသော ရွှေရောင် ဓားတစ်လက် သည် ကုလန် ၏ အရှေ့ တစ်ပေခန့် အကွာတွင် ထွက်ပေါ်လာတော့သည်။</p> <p> </p> <p>သို့သော် ထို တစ်ပေ အကွာအဝေး တွင် ဓား၏ ရှေ့၌ အတားအဆီး တစ်ခု ဖြစ်ပေါ်လာပြီး၊ ၎င်းကို ဆက်လက် မတိုးနိုင်အောင် တားဆီးထားလိုက်သည်။</p> <p> </p> <p>ဓားသွား ထိပ်ဖျား သည် အတားအဆီး နှင့် ထိတွေ့သွားသောအခါ အားလှိုင်းလေး တစ်ခု ထွက်ပေါ်လာ၏။</p> <p> </p> <p>ထို့နောက် ဓားမန္တန် သည် လုံးဝ ကျိုးပျက် ပျောက်ကွယ်သွားလေတော့သည်။</p> <p> </p> <p>ကုလန် ၏ မျက်ဝန်းများထဲတွင် အံ့အားသင့်သွားသည့် အရိပ်အယောင် တစ်ချက် ဖြတ်ပြေးသွားပြီး၊ လော့ချန်ယွီ ကို ပိုမို တောက်ပသော အကြည့်များဖြင့် ကြည့်လိုက်သည်။ သူမ၏ လေသံတွင် အနည်းငယ် စိတ်လှုပ်ရှားနေသည့် အရိပ်အယောင်များ ပါဝင်နေ၏။</p> <p> </p> <p>“အရမ်း ကောင်းတယ်။ မင်းရဲ့ ဓားတာအို စွမ်းရည်က ရွှေအမြုတေ တစ်ခုနဲ့တောင် နှိုင်းယှဉ်လို့ ရနေပြီပဲ”</p> <p> </p> <p>သိပ်ကောင်းတာပေါ့..။</p> <p>တပည့်သစ် တစ်ယောက်ကို လာရောက် ခေါ်ဆောင်သည့် သာမန် ခရီးစဉ် တစ်ခုဟု ထင်မှတ်ထားခဲ့သော်ငြားလည်း၊ ဤကဲ့သို့သော ပါရမီ ထူးကဲသည့် ဓားသမား တစ်ဦးကို တွေ့ရှိရလိမ့်မည်ဟု သူမ အနည်းငယ်မျှပင်.. မျှော်လင့် မထားခဲ့မိပေ။</p> <p> </p> <p>ရွှေအမြုတေ တစ်ခုနှင့် ယှဉ်ပြိုင်နိုင်စွမ်း ရှိသော ရှေးဟောင်း ဓားတာအို ပါရမီရှင် တစ်ဦးတဲ့လား..။</p> <p> </p> <p>အကယ်၍ အင်မော်တယ် နယ်မြေ သို့ ခေါ်ဆောင်သွားပြီး သေချာ ပြုစုပျိုးထောင် ပေးနိုင်မည် ဆိုလျှင်၊ လော့ချန်ယွီ သည် ရှေးဟောင်း ဓားတာအို လမ်းစဉ်တွင် ထူးချွန်ပြောင်မြောက်သော မူလဝိညာဉ် အဆင့် အရှင်သခင်ကြီး တစ်ပါးပင် ဖြစ်လာနိုင်ချေ ရှိသည်။</p> <p> </p> <p> စိတ်လှုပ်ရှားမှုကို မဖုံးကွယ်နိုင်တော့ဘဲ ကုလန် က ပြောလိုက်၏။</p> <p> </p> <p>“မင်းနာမည်က လော့ချန်ယွီ လို့ ခေါ်တယ် ဟုတ်လား။ နာမည်လေးက လှပါတယ်။ ကဲ... ဒါဆို သဘောတူတယ်ကွယ်။ အချိန်ကျလာရင် မင်း.. ငါနဲ့အတူ အင်မော်တယ် နယ်မြေ ကို လိုက်ခဲ့။ မင်းအတွက် ဆရာကောင်း တစ်ယောက် သေချာပေါက် ရှာပေးမယ်”</p> <p> </p> <p>ထိုစကားကို ကြားလိုက်ရသောအခါ လော့ချန်ယွီ ၏ မျက်ဝန်းများထဲတွင် ဝမ်းသာပီတိ ဖြစ်သွားသည့် အရိပ်အယောင်များ ထွက်ပေါ်လာပြီး၊ အလျင်အမြန်ပင် ကျေးဇူးတင်စကား ဆိုလိုက်သည်။</p> <p> </p> <p>“ကျေးဇူးတင်ပါတယ် စီနီယာ”</p> <p> </p> <p>ကုလန် သည် ကျေနပ်အားရစွာဖြင့် ခေါင်းညိတ်ပြလိုက်ပြီး စုယွီ ဘက်သို့ လှည့်ကြည့်လိုက်၏။ သူမ၏ စိတ်အခြေအနေသည် အလွန် ကြည်နူး တက်ကြွနေတော့၏။</p> <p> </p> <p>“ကဲ... မင်းကရော ကောင်လေး။ မင်းရဲ့ ဝိညာဉ်အမြစ် က ဘာလဲ။ ပြီးတော့ မင်းရဲ့ အစစ်အမှန် အမြုတေ ကရော ဘယ်အဆင့်မှာ ရှိလဲ”</p> <p> </p> <p>စုယွီသည် ခေတ္တမျှ စဉ်းစားလိုက်ပြီးနောက် ဖြေကြားလိုက်သည်။</p> <p> </p> <p>“ကျွန်တော့်မှာ ထိပ်တန်း အဆင့် ဓာတ်ကြီးငါးပါး ဝိညာဉ်အမြစ် ရှိပါတယ်။ ပြီးတော့ ကျွန်တော်က ဓာတ်ကြီးငါးပါး တာအို လမ်းစဉ်ကို ကျင့်ကြံပါတယ်”</p> <p> </p> <p>“လောလောဆယ် ကျွန်တော်က ရွှေအမြုတေ အဆင့် (၄) မှာ ရှိနေပြီး...တစ်ပတ်.. ရွှေအမြုတေပါ”</p> <p> </p> <p>'ထိပ်တန်း အဆင့် ဓာတ်ကြီးငါးပါး ဝိညာဉ်အမြစ်' ဟူသော စကားကို ကြားလိုက်ရသောအခါ ကုလန် ၏ မျက်ခုံးများ အနည်းငယ် တွန့်ကွေးသွားသော်ငြားလည်း၊ 'ဓာတ်ကြီးငါးပါး တာအို လမ်းစဉ်' ဟု ကြားလိုက်ရချိန်တွင်မူ သူမ အနည်းငယ် အံ့အားသင့်သွားတော့၏။</p> <p> </p> <p>သို့သော် 'အလှည့် တစ်ကြိမ် ရွှေအမြုတေ' ဟူသော စကားကို ကြားလိုက်ရသောအခါတွင်မူ၊ ကုလန် ၏ မျက်လုံးများသည် မယုံကြည်နိုင်လောက်အောင် ပြူးကျယ်သွားပြီး စုယွီကို စိုက်ကြည့်နေမိလေတော့သည်။</p> <p> </p> <p>"ဝုန်း..”</p> <p> </p> <p> </p> <p>တစ်ခဏတာ အတွင်းမှာပင်၊</p> <p>ခန်းမဆောင် တစ်ခုလုံး၏ လေထုကိုပင် အေးခဲသွားစေနိုင်လောက်သည့် ထက်ရှသော အရှိန်အဝါ တစ်ခုသည် ကုလန် ထံမှ ရုန်းကြွလာတော့၏။ သူမသည် စုယွီကို အံ့အားသင့်စွာ စိုက်ကြည့်ရင်း မေးလိုက်သည်။</p> <p> </p> <p>“ခုနက မင်းမှာ အလှည့် တစ်ကြိမ် ရွှေအမြုတေ ရှိတယ် လို့ ပြောလိုက်တာလား”</p> <p> </p> <p>ထိပ်တန်း အဆင့် ဝိညာဉ်အမြစ်..။</p> <p> </p> <p>အလှည့် တစ်ကြိမ် ရွှေအမြုတေ ကို ကျင့်ကြံထားတယ် ဟုတ်လား..</p> <p> </p> <p>ဘယ်လိုလုပ်ပြီး ဖြစ်နိုင်မှာလဲ..။</p> <p> </p> <p>တာ့ယွဲ့ နန်းတော် သခင်မလေး မှာမူ အနည်းငယ်မျှပင် အံ့အားသင့်မသွားဘဲ၊ 'ငါ ထင်သားပဲ' ဟူသော အမူအရာမျိုး ဖြင့်သာ ကြည့်နေသည်။ သူမသည် ကုလန် ၏ အနားသို့ တိုးကပ်သွားပြီး တီးတိုး ပြောလိုက်၏။</p> <p> </p> <p>“စီနီယာ ကုလန်... စုယွီ က အခြေခံတည်ဆောက်ခြင်း အဆင့် (၉) မှာ ရှိနေတုန်းကတောင်၊ သူ့လက်ချက်နဲ့ သေသွားရတဲ့ ရွှေအမြုတေ အဆင့် (၁)၊ ဒါမှမဟုတ် အဆင့် (၂) ကျင့်ကြံသူတွေ ရှိခဲ့ဖူးတယ်”</p> <p> </p> <p>“စကားမစပ်... သူ့ရဲ့ အံ့မခန်း ပါရမီတွေ အပြင်၊ သူက တတိယအဆင့် ဆေးပညာရှင်၊ အဆောင်လက်ဖွဲ့ ပညာရှင် နဲ့ ရုပ်သေး ပညာရှင် တစ်ယောက်လည်း ဖြစ်သေးတယ်”</p> <p> </p> <p>“အခုလောက်ဆိုရင်တော့... သူက တတိယအဆင့် အလယ်အလတ်တန်းစား ကိုတောင် ရောက်နေလောက်ပြီ ထင်တယ်”</p> <p> </p> <p>ကုလန် သည် သူမ၏ စိတ်ကို ပြန်လည် တည်ငြိမ်အောင် ထိန်းချုပ်လိုက်ပြီး၊ သူမ၏ ပြင်းထန်သော အရှိန်အဝါများကို ပြန်လည် ရုပ်သိမ်းလိုက်သည်။ တာ့ယွဲ့ နန်းတော် သခင်မလေး ၏ စကားများကို ကြားလိုက်ရသောအခါ သူမ၏ မျက်နှာပေါ်တွင် ပိုမို အံ့အားသင့်သွားသည့် အမူအရာများ ထွက်ပေါ်လာတော့၏။</p> <p> </p> <p>ဓာတ်ကြီးငါးပါး တာအို လမ်းစဉ် ကို ကျင့်ကြံတယ်..။</p> <p> </p> <p>အလှည့် တစ်ကြိမ် ရွှေအမြုတေ..။</p> <p> </p> <p>တတိယအဆင့် အလယ်အလတ်တန်းစား ဆေးပညာရှင်၊ အဆောင်လက်ဖွဲ့ ပညာရှင်၊ ရုပ်သေး ပညာရှင်..။</p> <p> </p> <p>ဒီပါရမီ တွေက တကယ့်ကို ကြောက်ခမန်းလိလိ ပါပဲလား..။</p> <p> </p> <p>စုယွီ၏ အရှိန်အဝါကို အာရုံခံကြည့်ပြီးနောက်၊ သူ၏ အရှိန်အဝါများကို သေချာစွာ ဖုံးကွယ်ထားသော်ငြားလည်း ကုလန် သည် အလွန် အစွမ်းထက်သော တည်ရှိမှု တစ်ခုကို ခံစားလိုက်ရဆဲပင်။ လော့ချန်ယွီ ထက်ပင် ပိုမို အားကောင်းနေသကဲ့သို့ ခံစားရသည်။</p> <p> </p> <p>'ဓာတ်ကြီးငါးပါး တာအို လမ်းစဉ် ကို ကျင့်ကြံပြီး အလှည့် တစ်ကြိမ် ရွှေအမြုတေ ဖွဲ့စည်းထားတယ်... နောက်ထပ် အံ့မခန်း ပါရမီရှင် တစ်ယောက်၊ မူလဝိညာဉ် အဆင့် အရှင်သခင်ကြီး ဖြစ်လာမယ့် မျိုးစေ့ တစ်စေ့ ပါလား'</p> <p> </p> <p>ကုလန် သည် ရင်ထဲတွင် အတိုင်းမသိ ဝမ်းသာပီတိ ဖြစ်နေတော့၏။</p> <p> </p> <p>ဓာတ်ကြီးငါးပါး တာအို လမ်းစဉ် ကို ကျင့်ကြံထားသော ရွှေအမြုတေ ပါရမီရှင် တစ်ဦး၏ ကျင့်ကြံခြင်း အဆင့်သည် လော့ချန်ယွီ ထက် နိမ့်ကျနေသော်ငြားလည်း၊ သူ၏ စွမ်းအားက လော့ချန်ယွီ ထက် ပိုမို သာလွန်နေခြင်းမှာ မမျှော်လင့်ထားသော ကိစ္စ တစ်ခုတော့ မဟုတ်ချေ။</p> <p> </p> <p>ဘာပဲဖြစ်ဖြစ် ဓာတ်ကြီးငါးပါး တာအို လမ်းစဉ် ကို ကျင့်ကြံတယ် ဆိုတာ...</p> <p> </p> <p>ကုလန် သည် အနည်းငယ် မှင်သက်သွားပြီးနောက် တွေးလိုက်မိသည်။ ဓာတ်ကြီးငါးပါး တာအို လမ်းစဉ် ကို ကျင့်ကြံခြင်း ဆိုသည်မှာ မိစ္ဆာ တစ်ကောင်ကို ပြုစုပျိုးထောင် နေခြင်းနှင့် အတူတူပင် ဖြစ်၏။</p> <p> </p> <p>ထိပ်တန်း အဆင့် ဓာတ်ကြီးငါးပါး ဝိညာဉ်အမြစ်... ၎င်းသည် သာမန် ကမ္ဘာမြေ အဆင့် ဝိညာဉ်အမြစ် များနှင့် ယှဉ်ပြိုင်နိုင်စွမ်း ရှိသော ဝိညာဉ်အမြစ် အမျိုးအစား တစ်ခု ဖြစ်သည်။</p> <p> </p> <p>အချိန်အနည်းငယ် စဉ်းစားခန်း ဝင်နေပြီးနောက် ကုလန် သည် စုယွီကို ကြည့်ကာ ခေါင်းညိတ်ပြလိုက်၏။</p> <p> </p> <p>“ကောင်းပြီ... အဲ့ဒီလိုဆိုမှတော့ မင်းလည်း ငါနဲ့အတူ အင်မော်တယ် နယ်မြေ ကို လိုက်ခဲ့သင့်တယ်။ ဝင်ခွင့် စမ်းသပ်ပွဲ အတွက်တော့ ဘာပြဿနာမှ ရှိမှာ မဟုတ်ဘူး။ မင်းအတွက် ဘယ်သူက ဆရာ ဖြစ်လာမလဲ ဆိုတာကိုတော့ နောက်မှ ငါ ဆုံးဖြတ်ပေးမယ်”</p> <p> </p> <p>ထိုစဉ်၊ စုယွီက ကုလန် ကို ကြည့်ကာ မေးလိုက်သည်။</p> <p> </p> <p>“စီနီယာ... တာ့ချန် ကျင့်ကြံခြင်း လောက ရဲ့ ဗဟိုချက်မ ဒေသမှာ ရှိတဲ့ မဟာ အင်မော်တယ် ဂိုဏ်းကြီးတွေမှာ သူတို့ ကိုယ်ပိုင် ရွှေအမြုတေ ကျင့်ကြံခြင်း နည်းလမ်းတွေ ရှိတယ်လို့ ကျွန်တော် ကြားဖူးပါတယ်။ အဲ့ဒါ တကယ်ပဲလား ခင်ဗျာ”</p> <p> </p> <p>ကုလန် သည် အလိုမကျ ဖြစ်သွားခြင်း မရှိဘဲ စိတ်ရှည်လက်ရှည်ဖြင့် ပြန်လည် ဖြေကြားပေးလိုက်၏။</p> <p> </p> <p>“အဲ့ဒါ တကယ်ပဲ။ မင်း တကယ်ပဲ ရွှေအမြုတေ ဖွဲ့စည်းထားနိုင်တယ် ဆိုရင်... အင်မော်တယ် နယ်မြေ ကို ဝင်ရောက်သွားတဲ့ အချိန်ကျရင် အဲ့ဒီ ရွှေအမြုတေ ကျင့်ကြံခြင်း နည်းလမ်းတွေကို လေ့လာခွင့် ရပါလိမ့်မယ်။ အဲ့ဒီအတွက် စိတ်ချပါ”</p> <p> </p> <p>“အကယ်၍ မင်းရဲ့ ပါရမီကသာ လုံလောက်မယ် ဆိုရင်... မင်း အနေနဲ့ အလှည့် သုံးကြိမ် ရွှေအမြုတေ၊ ဒါမှမဟုတ် အလှည့် လေးကြိမ် ရွှေအမြုတေ အထိတောင် တက်လှမ်းနိုင်ကောင်း တက်လှမ်းနိုင်ပါလိမ့်မယ်”</p> <p> </p> <p>“မင်းသာ အလှည့် လေးကြိမ် ရွှေအမြုတေ ကို တကယ် ဖွဲ့စည်းနိုင်ခဲ့မယ် ဆိုရင်... မြေကမ္ဘာ အင်မော်တယ် နယ်မြေ ကို ဆက်ခံမယ့်သူ စာရင်းမှာတောင် မင်း ပါဝင်လာနိုင်ချေ ရှိတယ်”</p> <p> </p> <p>ထိုစကားများကို ကြားလိုက်ရသောအခါ စုယွီသည် ခေတ္တမျှ တန့်သွားပြီး မေးလိုက်သည်။</p> <p> </p> <p>“အလှည့် လေးကြိမ် ရွှေအမြုတေ ဖွဲ့စည်းနိုင်တာနဲ့ ဘာလို့ မြေကမ္ဘာ အင်မော်တယ် နယ်မြေ ကို ဆက်ခံခွင့် ရနိုင်တာလဲ ခင်ဗျာ”</p> <p> </p> <p>ကုလန် က သူ့ကို ကြည့်ကာ ရှင်းပြလိုက်၏။</p> <p> </p> <p>“ဘာလို့လဲဆိုတော့... အလှည့် လေးကြိမ် ရွှေအမြုတေ ဖွဲ့စည်းထားနိုင်တဲ့ သူတွေကသာ သူတို့ရဲ့ အသက်ကို ထိန်းသိမ်းထားနိုင်မယ် ဆိုရင်... ဝိညာဉ်ခွဲထွက် အဆင့် ကို တက်လှမ်းနိုင်မယ့်သူ ဖြစ်ဖို့ သေချာသလောက် ရှိနေလို့ပဲ”</p> <p> </p> <p>“အဲ့ဒါက မင်းရဲ့ ရည်မှန်းချက်ပဲ။ တကယ်လို့ မင်းသာ အင်မော်တယ် နယ်မြေ ကို ဝင်ရောက်လာခဲ့မယ် ဆိုရင်... ကြိုးကြိုးစားစား ကျင့်ကြံပြီး တစ်နေ့နေ့မှာ အလှည့် လေးကြိမ် ရွှေအမြုတေ အဖြစ် ပြောင်းလဲနိုင်အောင် ကြိုးပမ်းသင့်တယ်”</p> <p> </p> <p>ကုလန် သည် စုယွီ အနေဖြင့် အလှည့် လေးကြိမ် ရွှေအမြုတေ ကို ဖွဲ့စည်းနိုင်ပြီး ဝိညာဉ်ခွဲထွက် အဆင့် ကျင့်ကြံသူ တစ်ဦး ဖြစ်လာမည့် အချိန်ကို စိတ်ကူးယဉ် ကြည့်လိုက်မိ၏။ ဓာတ်ကြီးငါးပါး တာအို လမ်းစဉ် ကို ကျင့်ကြံထားသော ဝိညာဉ်ခွဲထွက် အဆင့် ကျင့်ကြံသူ တစ်ဦး ဆိုသည်မှာ... တူညီသော အဆင့်ရှိ မည်သူ့အတွက်မဆို ကြောက်မက်ဖွယ်ကောင်းသော ပြိုင်ဘက် တစ်ဦး ဖြစ်လာပေလိမ့်မည်။ ထိုအနာဂတ် အလားအလာသည် မှန်းဆ၍မရနိုင်လောက်အောင် လှပလွန်းလှပေသည်။</p> <p> </p> <p>‘တကယ့်ကို ကျေနပ်စရာ ကောင်းလိုက်တာ။</p> <p> </p> <p>ခရီးစဉ် တစ်ခုတည်းမှာတင် အံ့မခန်း ပါရမီရှင် နှစ်ယောက်ကို မမျှော်လင့်ဘဲ ရှာတွေ့ခဲ့တာပဲ။ နယ်မြေ သခင်ကြီး လည်း အတော်လေး သဘောကျမှာ သေချာတယ်..’</p> <p> </p> <p>‘ဝိညာဉ်ခွဲထွက် အဆင့် ကို ရောက်လာမယ့် မျိုးစေ့ လား..’</p> <p> </p> <p>စုယွီသည် အလွန် စိတ်ဝင်စားသွားတော့၏။..</p> <p> </p> <p> </p> <p>သူသည် အင်မော်တယ် နယ်မြေ ၏ ရွှေအမြုတေ ကျင့်ကြံခြင်း နည်းလမ်းများ၏ အလားအလာ အကြောင်းကို ဆက်လက် မေးမြန်း စုံစမ်းနေသည်။ အကြောင်းမူကား... သူကိုယ်တိုင်သည် အလှည့် လေးကြိမ် ရွှေအမြုတေ ကို ပိုင်ဆိုင်ထားပြီး ဖြစ်သောကြောင့်ပင်။</p> <p> </p> <p>အကယ်၍ အင်မော်တယ် နယ်မြေ ၏ ရွှေအမြုတေ နည်းလမ်းသည် ကျင့်ကြံသူများကို အလှည့် လေးကြိမ် ရွှေအမြုတေ ကိုသာ ဖွဲ့စည်းနိုင်အောင် ကူညီပေးနိုင်မည် ဆိုပါက... ထိုနေရာသို့ ဝင်ရောက်ရန် သူ့အတွက် လိုအပ်တော့မည် မဟုတ်ချေ။</p> <p> </p> <p> </p> <p> </p>


Save