Book List

<h2 style="text-align: center;">အခန်း ၈၃+၈၄</h2> <h2 style="text-align: center;">နောက်တစ်ကြိမ် ဆင့်ကဲပြောင်းလဲခြင်း..</h2> <h2 style="text-align: center;">*</h2> <p> </p> <p>အဆင့်မြင့်ဆုံး SSS အဆင့် ပါရမီ - သေမင်းလက်ဝါး..</p> <p>~</p> <p> </p> <p>"အင်း..."</p> <p> </p> <p>   ဂူချန်က ကျောက်စိမ်းဆွဲပြားကို လက်ခံလိုက်သည်ကို</p> <p>မြင်သောအခါ လင်းယဲ့၏ မည်းနက်သော မျက်နှာထက်တွင် ဂန္ဓမာပန်းတစ်ပွင့် ပွင့်လန်းလာသကဲ့သို့</p> <p>ပြုံးရွှင်သွားတော့သည်။</p> <p> </p> <p> </p> <p>သူက ဝမ်းသာနေသော လေသံဖြင့်...</p> <p> "မင်း တောင်ဘက်ကောင်းကင်တံခါး တက္ကသိုလ်ကို</p> <p>ရောက်တဲ့အခါ တစ်ယောက်နဲ့ မိတ်ဆက်ပေးမယ်။ သူကလည်း မင်းလိုပဲ SSS အဆင့် သိုင်းပညာပါရမီကို</p> <p>ပိုင်ဆိုင်ထားတဲ့ ပြိုင်ဘက်ကင်း ပါရမီရှင်တစ်ယောက်ပဲ.."</p> <p> </p> <p>"ဒါပေမဲ့ သူက မင်းထက်စောပြီး</p> <p>အသက် ၁၂ နှစ်အရွယ်မှာတင် ပါရမီနိုးထခဲ့တာ။ အခုဆိုရင် သူက အသက် ၁၈ နှစ်ရှိပြီဖြစ်သလို</p> <p>ကျင့်စဉ်အဆင့်ကလည်း အဆင့် ၄ ရဲ့ နောက်ဆုံးအဆင့်ကို ရောက်နေပြီ.."</p> <p> </p> <p>   ဤနေရာတွင် လင်းယဲ့က စကားကို ခေတ္တရပ်လိုက်ပြီးနောက်</p> <p>အလေးအနက် ဟန်ဖြင့်...</p> <p>"မင်းတို့နှစ်ယောက်လုံးက ထိပ်တန်းပါရမီရှင်တွေပဲ။</p> <p>အချိန်တန်ရင် တစ်ယောက်နဲ့တစ်ယောက် အမြင်ချင်းဖလှယ်ပြီး အပြန်အလှန် သင်ယူကြပေါ့.."</p> <p> </p> <p>"သူက အထက်တန်းတောင် မပြီးခင်</p> <p>တောင်ဘက်ကောင်းကင်တံခါးကို စောစောစီးစီး ဝင်ရောက်ခဲ့တာဆိုတော့ အတွေ့အကြုံ ပိုများလိမ့်မယ်။</p> <p>ငါ အနားမှာ မရှိတဲ့အချိန် သိုင်းပညာလေ့လာရာမှာ အခက်အခဲ တစ်ခုခုရှိရင် သူ့ဆီကနေ အကြံဉာဏ်</p> <p>တောင်းခံနိုင်တယ်.."</p> <p> </p> <p>"ဒါပေမဲ့ အဲဒီလူကလည်း မင်းလိုပဲ</p> <p>နည်းနည်းတော့ မာနကြီးတတ်တယ်။ အကြံဉာဏ်တောင်းတဲ့အခါမှာတော့ နည်းနည်း နှိမ့်ချဖို့ လိုလိမ့်မယ်.."</p> <p> </p> <p> </p> <p>'အကြံဉာဏ် တောင်းရမှာလား.. နှိမ့်ချရအုံးမှာလား..'</p> <p>    ဂူချန်က သဘောတူသည်လည်းမဟုတ်၊ ငြင်းဆန်သည်လည်းမဟုတ်ဘဲ ခေါင်းကိုသာ အသာအယာ</p> <p>ငြိမ့်ပြလိုက်၏။</p> <p> </p> <p>'မာနကြီးတဲ့ ပါရမီရှင်တဲ့လား..'</p> <p> </p> <p>   ထိုသို့ဆိုလျှင် သူ အမှန်တကယ်ပင်</p> <p>အကြံဉာဏ် အချို့ တောင်းခံရပေဦးမည်။</p> <p> </p> <p>နှိမ့်ချဖို့ကိစ္စကမူ...</p> <p> </p> <p>   ဂူချန်က ပြုံးလိုက်မိသည်။ ၎င်းမှာ</p> <p>မည်သူ့လက်သီးက ပိုကြီးသလဲဆိုသည့်အပေါ်တွင်သာ မူတည်ပေလိမ့်မည်။</p> <p> </p> <p>   ယနေ့တွင် ထိုသူနှင့် မယှဉ်နိုင်သေးသော်လည်း မနက်ဖြန်တွင်မူ ပြောရခက်ပေတော့မည်။</p> <p> </p> <p>"အင်း..."</p> <p> </p> <p>   တစ်ဖက်လူ၏ သဘောတူညီဟန်ရှိသော အမူအရာကို မြင်သော် လင်းယဲ့မှာ အတော်ပင် ကျေနပ်သွားပုံရ၏။</p> <p> </p> <p>   မည်သို့ပင်ဆိုစေကာမူ နောင်တွင် မိသားစုကဲ့သို့ ဖြစ်လာကြမည်ဖြစ်ရာ သင့်တင့်လျောက်ပတ်စွာ ဆက်ဆံသင့်ပေသည်။</p> <p> </p> <p>   သို့မဟုတ်ပါက မိမိ၏ တပည့်များအချင်းချင်း ပြန်လည်တိုက်ခိုက်နေကြလျှင် ကပ်ဘေးတစ်ခု ဖြစ်လာနိုင်သည် မဟုတ်ပါလော။</p> <p> </p> <p>   ဤဂူချန်မှာ ယဉ်ကျေးမှု အနည်းငယ် လိုအပ်နေသော်လည်း အတော်ပင် တည်ငြိမ်ရင့်ကျက်ပြီး အားကိုးထိုက်ပုံရပေသည်။</p> <p> </p> <p>"ဒါနဲ့ မင်း နိုးထလာတဲ့ သိုင်းပညာပါရမီက  ဘယ်လိုအမျိုးအစားလဲ.."</p> <p> </p> <p>   လင်းယဲ့က စပ်စုလိုသောစိတ်ဖြင့် မေးမြန်းလိုက်သည်။</p> <p> </p> <p>   ဤသို့မေးမြန်းခြင်းမှာ အနည်းငယ်</p> <p>မသင့်တော်ဟု ခံစားမိ၍ သူ၏ အမူအရာမှာ အနည်းငယ် တွန့်ဆုတ်နေပြီး...</p> <p> "ငါ ဒီမှာ အစီအရင်တစ်ခု ချထားတယ်။ အသံတွေ</p> <p>အပြင်ကို ပေါက်ကြားမှာ မဟုတ်ဘူး.."</p> <p> </p> <p>"မင်းရဲ့ ပါရမီအကြောင်းကို</p> <p>သိချင်ရတဲ့ အဓိကရည်ရွယ်ချက်ကတော့ နောက်ပိုင်း ကျင့်ကြံခြင်းမှာ လိုအပ်မယ့် သိုင်းပညာရပ်တွေနဲ့</p> <p>အရင်းအမြစ်တွေကို ပြင်ဆင်ပေးနိုင်ဖို့ပဲ.."</p> <p> </p> <p>"မင်းက အရင်းအမြစ်တွေ ပေါများတဲ့</p> <p>သိုင်းမျိုးနွယ်စုက လာတာဆိုပေမဲ့ ကြီးကြပ်ရေးကောင်စီနဲ့ တောင်ဘက်ကောင်းကင်တံခါး တက္ကသိုလ်မှာလည်း တန်ဖိုးရှိတဲ့အရာတွေ အများကြီး ရှိပါသေးတယ်.."</p> <p> </p> <p> </p> <p>"မျက်လုံးပညာရပ်ပါ.."</p> <p>   ဂူချန်က တိုတိုတုတ်တုတ်ပင် ပြန်လည်ဖြေကြားလိုက်သည်။</p> <p> </p> <p>   ထိုသို့ပြောလိုက်စဉ် သူ၏ မျက်ဝန်းအိမ်များအတွင်း ခရမ်းရောင်အလင်းတန်းများ လျှပ်ခနဲ လက်သွားကာ မျက်လုံးတစ်ဖက်စီတွင် ဒုတိယမြောက် မျက်ဆန်တစ်ခုစီ</p> <p>ပေါ်ထွက်လာတော့သည်။</p> <p> </p> <p>"အသုံးချမှုပိုင်းဆိုင်ရာ ပါရမီပဲ..</p> <p>မဆိုးပါဘူး.."</p> <p> </p> <p>   ထူးဆန်းသော စွမ်းအားများ ထွက်ပေါ်လာသည်ကို ခံစားမိသဖြင့် လင်းယဲ့မှာ မချီးကျူးဘဲ မနေနိုင်တော့ဘဲ အလေးအနက် ဆန်းစစ်လေတော့သည်။</p> <p> </p> <p>"တိုက်ခိုက်ရေး သိုင်းပါရမီတွေလိုမျိုး</p> <p>ချက်ချင်းလက်ငင်း ထိရောက်မှု မရှိပေမဲ့ ရေရှည်ဖွံ့ဖြိုးတိုးတက်မှု အလားအလာကတော့ အင်မတန်</p> <p>အားကောင်းတယ်.."</p> <p> </p> <p>"မင်းရဲ့ SSS အဆင့် သိုင်းပါရမီက</p> <p>နိုးထပြီးမှ ဆင့်ကဲပြောင်းလဲသွားတာ မဟုတ်လား။ မှတ်တမ်းတွေအရဆိုရင် မင်းရဲ့ အရင်က သိုင်းပါရမီက</p> <p>B အဆင့်ပဲ ရှိတာလေ.."</p> <p> </p> <p>   ဂူချန်က ခေါင်းညိတ်ပြလိုက်၏ ။ သူ ဖုံးကွယ်ထားရန် ရည်ရွယ်ချက် မရှိပေ ။</p> <p> </p> <p>   ဤကမ္ဘာတွင် သိုင်းပညာရှင်တစ်ဦး၏ ပါရမီမှာ ဆင့်ကဲပြောင်းလဲနိုင်ခြေ အလွန်နည်းပါးလှသော်လည်း လုံးဝမရှိသည်တော့ မဟုတ်ပေ။</p> <p> </p> <p> </p> <p>   မည်သို့ပင်ဖြစ်စေ ဤအရာမှာ သူ၏ ပါရမီများထဲမှ တစ်ခုသာ ဖြစ်သည်။ သူ၏ စွမ်းဆောင်ရည်အားလုံးကို ထုတ်ဖော်ပြသလိုက်လျှင်ပင်   ကြီးကျယ်သော  ကိစ္စတစ်ခု မဟုတ်ချေ။</p> <p> </p> <p> </p> <p>   အခြားသူများက သူ၏ SSS အဆင့် မျက်ဆန်နှစ်ထပ် ပါရမီကို သိရှိသွားချိန်တွင် ထိုကဲ့သို့သော အဆင့်တူ ပါရမီများစွာ ရှိနေသေးသည်ကို ထပ်မံတွေ့ရှိသွားပါက...</p> <p> </p> <p>   သူတို့၏ မျက်နှာထားများကို တွေးကြည့်ရုံနှင့်ပင် အတော်လေး ကြည့်ကောင်းနေပေလိမ့်မည်။</p> <p> </p> <p>"ငါ ထင်တဲ့အတိုင်းပါပဲ။ မင်း</p> <p>ပါရမီနိုးထပြီးတာနဲ့ ဒီလောက်အထိ အစွမ်းထက်နေတာ မဆန်းတော့ဘူး.."</p> <p> </p> <p>   လင်းယဲ့က မျှော်လင့်ထားတဲ့အတိုင်းပဲ ဟူသော မျက်နှာထားဖြင့် သူ၏ ဝတ်ရုံအတွင်းမှ အနက်ရောင် သေတ္တာငယ်တစ်ခုကို ထုတ်ယူကာ ပြုံးလျက်</p> <p>ဆိုလိုက်သည်။</p> <p> </p> <p>"မင်းရဲ့ အခု ကျင့်စဉ်အဆင့်က</p> <p>အဆင့် ၃ ရဲ့ အထွတ်အထိပ်ကို ရောက်နေပြီဖြစ်သလို အခြေခံကလည်း အင်မတန် ခိုင်မာတာကို ငါ</p> <p>တွေ့ရတယ်။ မင်း အဆင့်တက်ဖို့ နီးစပ်နေပြီ ထင်တယ်.."</p> <p> </p> <p>"ဒီ မဟာခွန်အား ဗာဂျရာဆေးလုံး</p> <p>က အဆင့်တက်တဲ့အခါ ခန္ဓာကိုယ် တည်ဆောက်မှုကို မြန်ဆန်စေပြီး အားစိုက်ထုတ်မှု နည်းနည်းနဲ့</p> <p>ထိရောက်မှု အဆပေါင်းများစွာ ရစေလိမ့်မယ်။ ဒါကို လက်ဆောင်အဖြစ် လက်ခံလိုက်ပါ.."</p> <p> </p> <p>"အားနာမနေပါနဲ့.."</p> <p> </p> <p>   ဂူချန်က ထိုဆေးလုံးကို သာမန်ကာလျှံကာပင်</p> <p>လက်ခံလိုက်လေသည်။</p> <p> </p> <p>   မိမိကဲ့သို့ ထူးချွန်လှသော ပါရမီရှင်တစ်ဦးကို စည်းရုံးနိုင်ခဲ့ပြီးမှ ဤမျှလောက်သော လက်ဆောင်သာ ပေးသည်လော။ ၎င်းကို လက်ခံလိုက်ခြင်းမှာပင် လင်းယဲ့ကို မျက်နှာသာပေးလိုက်ခြင်း ဖြစ်ပေသည်။</p> <p> </p> <p>   လင်းယဲ့မှာမူ ဆွံ့အသွားရရှာ၏။</p> <p> </p> <p>   ထို့နောက်တွင် ဂူချန်သည် လင်းယဲ့ထံမှ အခြားသော ပစ္စည်းအချို့ကိုပါ ထပ်မံတောင်းယူပြီးမှ ကျေနပ်အားရစွာ ထွက်ခွာလာခဲ့တော့သည်။</p> <p> </p> <p>   သို့သော် မထွက်ခွာမီတွင် လင်းယဲ့က</p> <p>စိတ်မချသကဲ့သို့ ဖြစ်နေကာ ဂူချန်ကို အလေးအနက် မှာကြားလိုက်သေးသည်။</p> <p> </p> <p>"ဂူလေး... မင်းရဲ့ ပါရမီနဲ့ဆိုရင်</p> <p>ငါ့တပည့် မဖြစ်လာတာက တကယ့်ကို နှမြောစရာပဲ။ တကယ်လို့ တခြားသူတွေက မင်းကို လာစည်းရုံးရင်</p> <p>ငါ့ကို အသိပေးဦး.."</p> <p> </p> <p>"ဘယ်လို အရှက်မရှိတဲ့ အဖိုးကြီးတွေ</p> <p>ငါ့တပည့်ကို လာလုရဲသလဲဆိုတာ ငါ ကြည့်ချင်သေးတယ်.."</p> <p> </p> <p>"ပြီးတော့ မင်းအဖေကိုလည်း ငါက နှုတ်ဆက်တယ်လို့ ပြောလိုက်ပါဦး။</p> <p>ငါတို့က တစ်ချိန်က စစ်မြေပြင်မှာ အတူတူ တိုက်ပွဲဝင်ခဲ့တဲ့ ရဲဘော်ရဲဘက်တွေပဲ.."</p> <p> </p> <p>...</p> <p> </p> <p>   ထို့နောက်တွင် ဂူချန်သည် တည်းခိုရာနေရာသို့ ပြန်လာခဲ့လေသည်။</p> <p> </p> <p>   သိုင်းပညာ စစ်ဆေးမှုမှာ မပြီးဆုံးသေးသဖြင့် ချင်းဟယ် အမှတ် (၁) အထက်တန်းကျောင်းမှ ကျောင်းသားများ စစ်ဆေးမှု ပြီးဆုံးသည်အထိ စောင့်ဆိုင်းပြီးမှသာ  ချင်းဟယ်မြို့အခြေစိုက်သို့ ပြန်ရမည်ဖြစ်သည်။</p> <p> </p> <p>   သို့သော် သူသည် ဤအချိန်ကို အလဟဿ မဖြုန်းတီးလိုပေ။</p> <p> </p> <p>"စနစ်... စေတနာအမှတ်တွေကို</p> <p>စစ်ဆေးပေးပါ.."</p> <p> </p> <p>   ဂူချန်က စိတ်ထဲမှ ခပ်တိုးတိုး ခေါ်ဆိုလိုက်၏။</p> <p> </p> <p>[လက်ရှိ စေတနာအမှတ်များ - ၈၆,၃၅၅]</p> <p> </p> <p>" ဟီးဟီးဟီး..သုံးချင်တာ သုံးလို့ရပြီ.."</p> <p> </p> <p>   ယခုရှိနေသော စေတနာအမှတ်များမှာ သတ်ဖြတ်ခြင်းလက်ဝါးကို SSS အဆင့်သို့ မြှင့်တင်ရန်နှင့် ခန္ဓာကိုယ်ကြံ့ခိုင်မှု ကျင့်စဉ်ကို အမြင့်ဆုံးအဆင့်သို့ ရောက်ရှိစေရန် လုံလောက်မှု ရှိပေသည်။</p> <p> </p> <p>   ထိုအခါမှသာ အဆင့်တက်လှမ်းခြင်း အသစ်တစ်ခုကို စတင်နိုင်ပေလိမ့်မည်။</p> <p> </p> <p>"စနစ်... SS အဆင့် သိုင်းပါရမီ</p> <p>သတ်ဖြတ်ခြင်းလက်ဝါး ကို SSS အဆင့်ကို မြှင့်တင်ပေးပါ.."</p> <p> </p> <p>[ဒင်]</p> <p> </p> <p>[သင်၏ SS အဆင့် သိုင်းပါရမီ သတ်ဖြတ်ခြင်းလက်ဝါး</p> <p>မှာ ဆင့်ကဲပြောင်းလဲနေပြီဖြစ်သည်...]</p> <p> </p> <p>[သင်၏ လက်မောင်းများအတွင်းရှိ သတ်ဖြတ်ခြင်း</p> <p>ဆဲလ်များသည် ကင်ဆာကဲ့သို့ အသွင်ပြောင်းလဲလျက် ရှိသည်။ ၎င်းတို့သည် အဆက်မပြတ် ကွဲပွားခြင်း၊</p> <p>သေဆုံးခြင်း၊ တစ်ဖန် ပြန်လည်ရှင်သန်ခြင်းတို့ဖြင့် အဆုံးမရှိသော လမ်းကြောင်းတစ်ခုဆီသို့</p> <p>ဦးတည်နေ၏။]</p> <p> </p> <p>[သေမင်း၏ အော်ရာ လမ်းညွှန်မှုအောက်တွင် ထိုဆဲလ်များသည် ပုံမှန်အတိုင်း မဟုတ်တော့ဘဲ ထိန်းချုပ်၍မရသော သေမင်းအကျိတ်များအဖြစ် ပြောင်းလဲကာ အဆက်မပြတ် ပွားများလာတော့သည်။]</p> <p> </p> <p>[ကိုယ်ခံအားဆဲလ်များမှာ ပျက်စီးယိုယွင်းလာကာ ဆဲလ်များအကြား ချိတ်ဆက်မှုများ လျော့နည်းသွားတော့သည်။ တစ်ချိန်တည်းမှာပင် ဆဲလ်အတွင်းရှိ ပရိုတင်းဓာတ် စုစည်းမှုများမှာလည်း အဟန့်အတား ဖြစ်လာရ၏။]</p> <p> </p> <p>[သေမင်း၏ချီ များက ဖုံးလွှမ်းသွားကာ သင်၏ လက်ဝါးများသည် သေမင်း၏ တံစဉ်များကဲ့သို့</p> <p>သေခြင်းတရားကို အလွယ်တကူ ဆုပ်ကိုင်နိုင်စွမ်း ရှိလာပေပြီ။]</p> <p> </p> <p>[ဤအချိန်မှစ၍ သင်သည် သေခြင်းတရားကို အမိန့်ပေး စေခိုင်းနိုင်သူ ဖြစ်လာပေလိမ့်မည်။]</p> <p> </p> <p>[ဂုဏ်ယူပါသည်။ သင်၏ SS အဆင့် ပါရမီ 'သတ်ဖြတ်ခြင်းလက်ဝါး' သည် SSS အဆင့် 'သေမင်းလက်ဝါး' အဖြစ် အောင်မြင်စွာ ဆင့်ကဲပြောင်းလဲသွားပါပြီ။]</p> <p> </p> <p>[မူလစွမ်းရည်များကို ပိုမိုအားကောင်းစေသည့်အပြင်</p> <p>ထူးခြားသော နတ်ဘုရားစွမ်းရည်သစ် တစ်ခုကိုလည်း ရရှိခဲ့သည်။]</p> <p> </p> <p>[နတ်ဘုရားစွမ်းရည်သစ် - သေမင်း၏</p> <p>ပြောင်းလဲခြင်းမျက်ဝန်း]</p> <p> </p> <p>[သေမင်း၏ ပြောင်းလဲခြင်းမျက်ဝန်း</p> <p>- သင်၏ လက်ဝါးအလယ်တွင် သေမင်းမျက်လုံးတစ်လုံး ပွင့်လာမည်ဖြစ်ပြီး ဝိညာဉ်များကို ဝါးမြိုကာ</p> <p>မိမိ၏ ခွန်အားကို ပြန်လည်ဖြည့်တင်းနိုင်မည်ဖြစ်သည်။ ဝိညာဉ်များလေလေ ပြန်လည်နာလန်ထူမှု</p> <p>မြန်ဆန်လေလေ ဖြစ်၏။ ထို့အပြင် စိတ်ဓာတ်ပျော့ညံ့သူများကို လှည့်စားမှုများအတွင်း ပိတ်လှောင်ထားနိုင်သလို</p> <p>သက်မဲ့အရာဝတ္ထုများကိုလည်း မိမိစိတ်ကြိုက် ပြုပြင်ဖန်တီးနိုင်စွမ်း ရှိပေသည်။]</p> <p> </p> <p>[ကျန်ရှိသော စေတနာအမှတ်များ - ၅,၆၃၈]</p> <p> </p> <p>ဂျိန်း...</p> <p> </p> <p>   ကြည်လင်နေသော ကောင်းကင်ယံထက်တွင် ရုတ်တရက် မည်းမှောင်သော တိမ်တိုက်များ ဖုံးလွှမ်းလာတော့သည်။</p> <p> </p> <p>   ဂူချန်ကို ဗဟိုပြု၍ ဆယ်မိုင်ပတ်လည်အတွင်း အပြာရောင် အလင်းစက်များစွာ လင်းလက်လာကာ ရေတွက်၍မရနိုင်သော ဝိညာဉ်များ ရုတ်ချည်း ပေါ်ထွက်လာ၏။</p> <p> </p> <p>   ထို့နောက် ကောင်းကင်ယံမှ တိမ်တိုက်များ ပေါက်ကွဲထွက်သွားကာ ဆန်းကြယ်သော ဝဲဂယက်များ ပေါ်လာပြီး ထိုထဲမှ ကြီးမားသော လက်ကြီးများ  ထွက်ပေါ်လာလျက် လေထုထဲရှိ အပြာရောင် ဝိညာဉ်များကို လိုက်လံရိတ်သိမ်းလေတော့သည်။</p> <p> </p> <p>ဝူး… ဝူး…</p> <p> </p> <p>   ဝိညာဉ်များ၏ စူးရှသော အော်ဟစ်သံများနှင့်အတူ  နားမလည်နိုင်သော ငိုကြွေးသံများ ထွက်ပေါ်လာကာ အသံပေါင်းစုံ ရောထွေးသွားတော့သည်။</p> <p> </p> <p>   ခဏချင်းတွင်ပင် မိုင်ပေါင်းများစွာသော  ပတ်ဝန်းကျင်တစ်ခုလုံးမှာ မိစ္ဆာများ၏ ကြောက်မက်ဖွယ် အော်ဟစ်သံများဖြင့် ပြည့်နှက်သွားရ၏။</p> <p> </p> <p>   ဝူတန်မြို့အတွင်း စမ်းသပ်မှု ခံယူနေကြသော ကျောင်းသားများပင်လျှင် ထိုအသံများကြောင့် ခေါင်းများ ကွဲမတတ် နာကျင်မှုကို ခံစားလိုက်ရသည်။</p> <p> </p> <p>   ထိုအချိန်တွင် မလှမ်းမကမ်းသို့ ရောက်ရှိနေသော လင်းယဲ့မှာ သူ၏ ဝတ်ရုံအတွင်းမှ ထူးဆန်းသော တုန်ခါမှုကို ခံစားလိုက်ရ၏။</p> <p> </p> <p>   သူ၏ ဝတ်ရုံကို ဖယ်ကြည့်လိုက်သောအခါ ကြည်လင်သော ဖန်လုံးလေးမှာ ပြင်းထန်သော အလင်းတန်းများ ထွက်ပေါ်နေသည်ကို တွေ့လိုက်ရသည်။</p> <p> </p> <p>   ထိုအလင်းတန်းများမှာ တည်းခိုရာနေရာဆီသို့ တည့်တည့်မတ်မတ် ညွှန်ပြနေပေတော့သည်။</p> <p>***</p> <p> </p>


Save