Book List

<h2 style="text-align: center;">အခန်း ၈၇+၈၈</h2> <h2 style="text-align: center;">ပြင်းထန်သောလက်သီးချက်...</h2> <p style="text-align: center;">*</p> <p> </p> <p>အဆင့် ၄ ဗာဂျရာအဆင့် အထွတ်အထိပ်သို့ တက်လှမ်းခြင်း..</p> <p>~</p> <p> </p> <p>ကျင့်ကြံခြင်းအခန်းအတွင်းဝယ်။</p> <p> </p> <p>   ဂူချန်သည် ကြမ်းပြင်ပေါ်တွင် တင်ပျဉ်ခွေထိုင်ကာ ရွှေကျီးကန်းကိုယ်ခန္ဓာကျင့်စဉ် ကို လက်ဝယ်ကိုင်စွဲလျက် စိတ်အာရုံထဲမှ စနစ်မျက်နှာပြင်ကို တိတ်တဆိတ် ခေါ်ယူလိုက်လေသည်။</p> <p> </p> <p>   အပြာရောင်အလင်းတန်းတစ်ခု လက်ခနဲဖြစ်သွားပြီးနောက်  စနစ်မျက်နှာပြင်မှာ မျက်စိရှေ့မှောက်သို့ ရုတ်ချည်းပေါ်ပေါက်လာတော့၏။</p> <p> </p> <p>[အဆင့်မြင့် S အဆင့် ကိုယ်ခန္ဓာကျင့်စဉ်  ရွှေကျီးကန်းကိုယ်ခန္ဓာကျင့်စဉ် ကို ရှာဖွေတွေ့ရှိပါသည်။ စေတနာအမှတ်များ ထည့်သွင်းမည်လား]</p> <p> </p> <p>"ထည့်မယ်.."</p> <p> </p> <p>   ဂူချန်သည် လေကို ဖြည်းညှင်းစွာ ရှူထုတ်လိုက်၏။</p> <p> </p> <p>[ဒင်]</p> <p> </p> <p>[ရွှေကျီးကန်းကိုယ်ခန္ဓာကျင့်စဉ်</p> <p>ကို ကျင့်ကြံနေပါသည်...]</p> <p> </p> <p>[ဤကိုယ်ခန္ဓာကျင့်စဉ်ကို ပထမဆုံးအကြိမ် မြင်တွေ့ရသော်လည်း သင်သည် အလွန်တရာ ရင်းနှီးကျွမ်းဝင်နေသကဲ့သို့ ခံစားရပေသည်။ နေမင်းစကြာယန်ကျင့်စဥ် ၏ အကျိုးသက်ရောက်မှုကြောင့် ဤကျင့်စဉ်၏ အခြေခံသဘောတရားများကို</p> <p>လျင်မြန်စွာ နားလည်သဘောပေါက်သွားခဲ့ပြီဖြစ်၏။]</p> <p> </p> <p>[ဤကျင့်စဉ်၏ စွမ်းအင်လှည့်ပတ်မှုလမ်းကြောင်းများသည်</p> <p>ကပ်ပလာ၏ တတိယနိယာမကို လိုက်နာခြင်းမရှိသော်လည်း ဒြပ်စင်ချင်း ပဲ့တင်ထပ်မှုမှတစ်ဆင့်</p> <p>သင်၏ကြွက်သားများနှင့် သွေးလေစွမ်းအင်များကို လျင်မြန်စွာ လိုက်လျောညီထွေဖြစ်အောင်</p> <p>ပြုပြင်နိုင်ခဲ့လေသည်။]</p> <p> </p> <p>[စေတနာအမှတ် ၅၀ အသုံးပြုပြီးပါပြီ။ သင်၏ ရွှေကျီးကန်းကိုယ်ခန္ဓာကျင့်စဉ် သည် ပထမအဆင့်သို့ အောင်မြင်စွာ ချိုးဖျက်ရောက်ရှိသွားပြီဖြစ်၏]</p> <p> </p> <p>[ခန္ဓာကိုယ်အတွင်းရှိ ဆဲလ်များမှာ</p> <p>အရည်ကဲ့သို့ စီးဆင်းနေပြီး ပုံသဏ္ဌာန်အမျိုးမျိုးသို့ အဆက်မပြတ် ပြောင်းလဲရွေ့လျားကာ</p> <p>ကိုယ်ခန္ဓာတစ်ခုလုံးရှိ ဟာကွက်များနှင့် အားနည်းချက်များကို ဖြည့်ဆည်းပေးနေသည်ဟု ခံစားလိုက်ရပေသည်။]</p> <p> </p> <p>[ကိုယ်အပူချိန်မှာလည်း တဖြည်းဖြည်း</p> <p>မြင့်တက်လာကာ ပြင်းထန်သော အပူရှိန်ကြောင့် ပတ်ဝန်းကျင်ရှိ လေထုမှာပင် ပုံပျက်ရှုံ့တွသွားရ၏။</p> <p>ခန္ဓာကိုယ်တွင်းရှိ သွေးများမှာ သားရဲတစ်ကောင်ကဲ့သို့ သွေးကြောများအတွင်း ရုန်းကန်လှုပ်ရှားနေတော့သည်။]</p> <p> </p> <p>[စေတနာအမှတ် ၁၂၀ အသုံးပြုပြီးပါပြီ။ သင်၏ ရွှေကျီးကန်းကိုယ်ခန္ဓာကျင့်စဉ် သည် ဒုတိယအဆင့်သို့ ချိုးဖျက်ရောက်ရှိသွားပြီဖြစ်၏။]</p> <p> </p> <p>[ကိုယ်ခန္ဓာ၏ ချို့ယွင်းချက်များမှာ</p> <p>အဆက်မပြတ် ပြုပြင်ခြင်းခံနေရကာ စစ်မှန်သောချီစွမ်းအင်များက သွေးလေကို ပိုမိုသန့်စင်ပေးနေပေသည်။</p> <p>တောက်လောင်နေသော စစ်မှန်သည့် ယန်ချီစွမ်းအင်အောက်တွင် သင်၏ အကြောအခြင်နှင့် အရိုးအဆစ်များမှာ</p> <p>ပိုမိုချောမွေ့သန့်စင်လာပြီး တောက်ပသော အနီရောင်အလင်းတန်းများ ဖြာထွက်နေတော့သည်။]</p> <p> </p> <p>[ကိုယ်ခန္ဓာ၏ သိပ်သည်းဆမှာ သိသိသာသာ မြင့်တက်လာပြီး တစ်ကိုယ်လုံးတွင် ပြင်းထန်လှသော အပူစွမ်းအင်များ စုစည်းနေသည်ကို ခံစားနေရ၏။]</p> <p> </p> <p>[ပြင်းပြလှသော အပူရှိန်က ခန္ဓာကိုယ်ကို အဆက်မပြတ် တိုက်စားနေသော်လည်း စစ်မှန်သော ယန်ချီကို အသုံးပြု၍ ထိုနာကျင်မှုကို သင်အံတုနိုင်ခဲ့ပေသည်။</p> <p>ဤသည်မှာ ကျင့်ကြံမှု အမြန်နှုန်းကို များစွာတိုးတက်စေခဲ့၏။]</p> <p> </p> <p>[ကျင့်ကြံမှု အမြန်နှုန်း ဆယ်ရာခိုင်နှုန်း</p> <p>တိုးတက်သွားပါပြီ။]</p> <p> </p> <p>[စေတနာအမှတ် ၂၅၀ အသုံးပြုပြီးပါပြီ။</p> <p>သင်၏ 'ရွှေကျီးကန်းကိုယ်ခန္ဓာကျင့်စဉ်' သည် တတိယအဆင့်သို့ ချိုးဖျက်ရောက်ရှိသွားပြီဖြစ်၏။]</p> <p> </p> <p>[သင်သည်...]</p> <p> </p> <p>[...]</p> <p> </p> <p>[သင်၏ခန္ဓာကိုယ်မှာ နီရဲတောက်ပနေပြီး သွေးချီများမှာလည်း ဆူပွက်နေပေသည်။ တစ်ကိုယ်လုံးမှာ အသစ်တစ်ဖန် ပြန်လည်သွန်းလောင်းခံလိုက်ရသကဲ့သို့</p> <p>ကြွက်သားတိုင်းနှင့် အရိုးတိုင်းမှာ အသစ်စက်စက် ဖြစ်သွားခဲ့လေပြီ။]</p> <p> </p> <p>[မြေကမ္ဘာနှင့် ကောင်းကင်ယံကြားရှိ</p> <p>ကြောက်မက်ဖွယ် နေစွမ်းအင်များကို သင်ကိုယ်တိုင် ဖမ်းယူရန် မလိုအပ်တော့ဘဲ ၎င်းတို့ကပင်</p> <p>မိခင်ကိုတွေ့သည့် ကလေးငယ်ကဲ့သို့ သင့်ထံသို့ ဝမ်းမြောက်ဝမ်းသာ တိုးဝှေ့ဝင်ရောက်လာကြတော့သည်။]</p> <p> </p> <p>[စေတနာအမှတ် ၇၀၀ အသုံးပြုပြီးပါပြီ... သင်၏ ရွှေကျီးကန်းကိုယ်ခန္ဓာကျင့်စဉ် သည် ဆဋ္ဌမအဆင့်သို့ ချိုးဖျက်ရောက်ရှိသွားပြီဖြစ်၏။]</p> <p> </p> <p>[...]</p> <p> </p> <p>[စေတနာအမှတ် ၁၅၀၀ အသုံးပြုပြီးပါပြီ။ သင်၏ ရွှေကျီးကန်းကိုယ်ခန္ဓာကျင့်စဉ် သည် အဋ္ဌမအဆင့်သို့ ရောက်ရှိကာ ပြီးပြည့်စုံခြင်းအဆင့်သို့</p> <p>ဆိုက်ရောက်သွားခဲ့လေပြီ။]</p> <p> </p> <p>[ယခုအခါ သင်သည် နေမင်းပင် ဖြစ်တော့သည်။]</p> <p> </p> <p>[အထူးသိုင်းကွက် ပွင့်သွားပါပြီ</p> <p>- ပြင်းထန်သောလက်သီး]</p> <p> </p> <p>[ ပြင်းထန်သောလက်သီးချက် - မိမိ၏ကိုယ်ခန္ဓာကို</p> <p>အမြင့်ဆုံးအဆင့်အထိ ထိန်းချုပ်နိုင်စွမ်းရှိခြင်းအားဖြင့် စိတ်အာရုံကို အပြည့်အဝစုစည်းကာ</p> <p>ကိုယ်ခန္ဓာတစ်ခုလုံး၏ အင်အားကို လက်သီးတစ်ချက်တည်းတွင် စုစည်းပြီး မိမိ၏ ရုပ်ပိုင်းဆိုင်ရာ</p> <p>အစွမ်းကုန်စွမ်းအားကို တစ်ချက်တည်းဖြင့် ထုတ်ဖော်နိုင်ခြင်း ဖြစ်ပေသည်။]</p> <p> </p> <p>[ကျန်ရှိသော စေတနာအမှတ် - ၅၈၈၀]</p> <p> </p> <p>   စနစ်၏ နောက်ဆုံးစာကြောင်း ပေါ်လာသည်နှင့်အမျှ ဂူချန်၏ ကိုယ်ပေါ်တွင် သိသာထင်ရှားသော အနီရောင်အလင်းများ ထွက်ပေါ်လာကာ တစ်ကိုယ်လုံးမှာလည်း</p> <p>ခဏချင်းအတွင်း နီရဲသွားတော့သည်။</p> <p> </p> <p>သူ၏ကိုယ်မှ အဖြူရောင် အငွေ့များ ထွက်ပေါ်လာပြီး ကိုယ်အပူချိန်မှာလည်း ရုတ်ချည်းမြင့်တက်ကာ  ဒီဂရီရာပေါင်းများစွာအထိ ရောက်ရှိသွားလေသည်။</p> <p> </p> <p>   သူ၏ ကိုယ်လုံးကိုယ်ပေါက်မှာလည်း သိသိသာသာ ပြောင်းလဲလာကာ မူလကပင် ကြံ့ခိုင်သန်စွမ်းသော ကိုယ်ခန္ဓာမှာ ယခုအခါ ပြည့်စုံခြင်းအဆင့်သို့  ချဉ်းကပ်သွားခဲ့ပြီဖြစ်၏။</p> <p> </p> <p>   ဂူချန်သည် မျက်လုံးများကို ရုတ်တရက် ဖွင့်လိုက်ရာ သူ၏မျက်ဝန်းထဲတွင် အလင်းတန်းတစ်ခု ဖြတ်သန်းသွားသကဲ့သို့ ထင်မှတ်ရပေသည်။</p> <p> </p> <p>   သူသည် လေကို ဝဝရှူသွင်းပြီးနောက် ပြန်လည်မှုတ်ထုတ်လိုက်ရာ ဖြူဖွေးသော လေစီးကြောင်းတစ်ခုမှာ ကျင့်ကြံခြင်းအခန်း၏ မာကျောသော</p> <p>နံရံကို အရှိန်အဟုန်ဖြင့် ရိုက်ခတ်မိကာ ကြီးမားသော ချိုင့်ခွက်ကြီးတစ်ခု ဖြစ်သွားစေတော့သည်။</p> <p> </p> <p>   ဂူချန်သည် သူ၏ ညာလက်ကို အသာအယာ ဆုပ်လိုက်ရာ</p> <p>အားကောင်းလှသော သွေးချီစွမ်းအင်များမှာ အတွင်း၌ တရကြမ်း စီးဆင်းနေပေသည်။ သူ၏ကိုယ်ထဲတွင်</p> <p>တောက်လောင်နေသော မီးဖိုကြီးတစ်ခု ရှိနေသကဲ့သို့ ခံစားရပြီး အင်အားများကို အဆက်မပြတ်</p> <p>ထုတ်လွှတ်ပေးနေသကဲ့သို့ပင်။</p> <p> </p> <p>"ငါ့ရဲ့ အခြေခံကိုယ်ခန္ဓာအင်အားက</p> <p>အနည်းဆုံး ကီလိုဂရမ် တစ်သိန်းကျော်လောက် ရှိနေပြီပဲ.."</p> <p> </p> <p>   မိမိလက်ထဲရှိ ကြီးမားလှသော အင်အားကို  ခံစားမိရင်း ဂူချန်မှာ စိတ်ထဲမှ အံ့အားသင့်နေမိ၏။</p> <p> </p> <p>   လုဖန်ပေးအပ်ခဲ့သော ဤကောင်းကင်အဆင့် တိုက်ခိုက်ရေးကျင့်စဉ်မှာ သူ မျှော်လင့်ထားသည်ထက် များစွာပို၍ ကောင်းမွန်နေသည် ။</p> <p> </p> <p>   သူ၏ အသက်ရှူကျင့်စဉ်နှင့် ကိုက်ညီမှုရှိသောကြောင့်လည်း ဖြစ်နိုင်ပေသည် ။</p> <p> </p> <p>   သာမန်အားဖြင့် တတိယအဆင့် အထွတ်အထိပ်သို့ ရောက်ရှိနေသူတစ်ဦး၏ အခြေခံကိုယ်ခန္ဓာအင်အားမှာ ကီလိုဂရမ် သုံးသောင်းခန့်သာ ရှိသော်လည်း ယခုအခါ သူသည် ထိုပမာဏထက် သုံးဆမက သာလွန်နေခဲ့ပြီဖြစ်၏။</p> <p> </p> <p>   ပြင်ပခွန်အားကျင့်စဉ်များကို အထူးပြုကျင့်ကြံသည့်</p> <p>သိုင်းပညာရှင်များပင်လျှင် သူ့ကို ယှဉ်နိုင်လိမ့်မည် မဟုတ်ချေ။</p> <p> </p> <p>    ဆယ်စုနှစ်ပေါင်းများစွာ နေ့မနား</p> <p>ညမနား ပင်ပင်ပန်းပန်း ကျင့်ကြံအားထုတ်မှုများမှာ သူ၏ ခဏတာ တိုးတက်မှုနှင့်ပင် နှိုင်းယှဉ်၍</p> <p>မရနိုင်ပေ။</p> <p> </p> <p>   ဤခံစားချက်မှာ အမှန်တကယ်ပင်...</p> <p> </p> <p>   သို့သော် ဤသည်မှာ ပုံမှန်ပင် ဖြစ်၏။ အခြားသူများမှာ တစ်ဆင့်ချင်း ကျင့်ကြံရသဖြင့် အမှားအယွင်းများ ရှိနိုင်သော်လည်း သူကမူ</p> <p>မလျော့သော ဇွဲလုံ့လနှင့် ကြိုးစားအားထုတ်မှုတို့ကြောင့် အရာရာကို ပြည့်စုံအောင် လုပ်ဆောင်နိုင်ခဲ့ခြင်း</p> <p>ဖြစ်ပေသည်။ ထို့ကြောင့် ၎င်းတို့နှင့် နှိုင်းယှဉ်၍ မရနိုင်ခြင်းမှာ သဘာဝပင် ဖြစ်တော့သည်။</p> <p> </p> <p>   ထို့အပြင် သူသည် လူအများအပြားကိုလည်း  ပိုမိုသန်မာလာအောင် ကူညီပေးခဲ့သေးသည်မဟုတ်ပါလော။</p> <p> </p> <p>ဤသည်မှာ သူရသင့်ရထိုက်သော အရာပင်  ဖြစ်၏။</p> <p> </p> <p>‘ဘာပဲဖြစ်ဖြစ် မင်းကို ကျေးဇူးတင်ရမယ် လုဖန်..’</p> <p> </p> <p>   ဂူချန်၏ နှုတ်ခမ်းအစုံမှာ အနည်းငယ် ကွေးညွတ်သွားတော့သည်။</p> <p> </p> <p>   ကိုယ်ခန္ဓာကျင့်စဉ်မှာ အမြင့်ဆုံးအဆင့်သို့ ရောက်ရှိသွားပြီဖြစ်ရာ ယခုအခါ သူ၏ သိုင်းအဆင့်ကို ချိုးဖျက်ရန် အချိန်တန်လေပြီ။</p> <p> </p> <p>   သူသည် ကောင်းကင်နှင့်မြေကမ္ဘာ ရတနာအချို့ကို ယူဆောင်ကာ လင်းယဲ့ပေးခဲ့သော ဗာဂျရာဆေးလုံးကို မျိုချလိုက်ပြီးနောက် စိတ်ထဲမှ ရေရွတ်လိုက်၏ ။</p> <p> </p> <p>"စနစ်... ငါ့အတွက် အမှတ်တွေ</p> <p>ခွဲပေးတော့.."</p> <p> </p> <p>...</p> <p> </p> <p>[ဒင်]</p> <p> </p> <p>[နေမင်းစကြာယန်ကျင့်စဥ် ကို ကျင့်ကြံနေသည်ကို ရှာဖွေတွေ့ရှိပါသည်။ ကျင့်ကြံမှုနှုန်း တိုးတက်သွားပါပြီ...]</p> <p> </p> <p>[စတုတ္ထအဆင့်ရတနာ မီးလျှံပန်း</p> <p>ကို သုံးစွဲထားသည်ကို ရှာဖွေတွေ့ရှိပါသည်။ ကျင့်ကြံမှု အမြန်နှုန်း ဆယ်ရာခိုင်နှုန်း တိုးတက်သွားပါပြီ။]</p> <p> </p> <p>[ရှာဖွေတွေ့ရှိပါသည်...]</p> <p> </p> <p>[သင့်အတွက် အဆင့်မြှင့်တင်ခြင်းကို</p> <p>စတင်နေပါပြီ။]</p> <p> </p> <p>[များပြားလှသော ရတနာများနှင့် ခိုင်မာသော အခြေခံအုတ်မြစ်တို့ကြောင့် အဆင့် ၃ နှင့် အဆင့် ၄ ကြားရှိ အတားအဆီးမှာ သင့်အတွက်  ပူဖောင်းတစ်ခုကို ဖောက်လိုက်သကဲ့သို့ပင် လွယ်ကူနေတော့သည်။]</p> <p> </p> <p>[သင်၏ကိုယ်ခန္ဓာမှ တောက်ပသော ရွှေရောင်အလင်းများ</p> <p>ဖြာထွက်လာပြီး ရွှေခန္ဓာတစ်ခုမှာ သင့်ထံတွင် ရုတ်ချည်း ပေါ်ပေါက်လာပေသည်။]</p> <p> </p> <p>[စေတနာအမှတ် ၅၀ အသုံးပြုပြီးပါပြီ။ သင်သည်  ဗာဂျရာအဆင့်သို့ အောင်မြင်စွာ ချိုးဖျက်ရောက်ရှိသွားပြီဖြစ်၏]</p> <p>( အဆင့်တွေကို ပြန်ပြီး သေချာရေးထားပါတယ်ဗျ)</p> <p> </p> <p> </p> <p>[သင်၏ကိုယ်ခန္ဓာအင်အားမှာ မယုံနိုင်လောက်အောင် မြင့်မားနေပေသည်။  ဗာဂျရာအဆင့်ကို ကျင့်ကြံရန်အတွက် ကိုယ်ခန္ဓာကြံ့ခိုင်မှု</p> <p>အလွန်လိုအပ်သော်လည်း သင့်အတွက်မူ ထမင်းစားရေသောက်သကဲ့သို့ပင် လွယ်ကူလှ၏။]</p> <p> </p> <p>[ရွှေခန္ဓာမှာ မီးဖိုတစ်ခုကဲ့သို့ တောက်လောင်နေပြီး သင့်ကို လိုက်လျောညီထွေဖြစ်အောင် ပြုပြင်ပေးနေပေသည်။]</p> <p> </p> <p>[သင်သည် သွေးချီပတ်ဝန်းကျင် လမ်းကြောင်းအသစ်များကို</p> <p>လျင်မြန်စွာ တည်ဆောက်နိုင်ခဲ့လေပြီ။]</p> <p> </p> <p>[စေတနာအမှတ် ၈၀၀ အသုံးပြုပြီးပါပြီ။ သင်၏နယ်ပယ်မှာ ဗာဂျရာအဆင့်သို့ ချိုးဖျက်ရောက်ရှိသွားပြီဖြစ်၏။]</p> <p> </p> <p>[သင်၏ လမ်းညွှန်မှုအတိုင်း သွေးချီများမှာ သတ်မှတ်ထားသော လမ်းကြောင်းများအတိုင်း အောင်မြင်စွာ စီးဆင်းသွားခဲ့ပြီး လက်မောင်းနှင့်</p> <p>ခြေထောက်ရှိ အဓိက သွေးကြောမကြီးများအတွင်းသို့ အစဉ်လိုက် စီးဝင်သွားတော့သည်။]</p> <p> </p> <p>[မိမိကိုယ်ခန္ဓာအပေါ် ထိန်းချုပ်နိုင်စွမ်းမှာလည်း</p> <p>များစွာတိုးတက်လာခဲ့ပြီဖြစ်၏။]</p> <p> </p> <p>[စေတနာအမှတ် ၁၇၅၀ အသုံးပြုပြီးပါပြီ။ သင်၏နယ်ပယ်မှာ ဗာဂျရာအဆင့် ၆ သို့ အောင်မြင်စွာ ချိုးဖျက်ရောက်ရှိသွားပြီဖြစ်၏။]</p> <p> </p> <p>[ခန္ဓာကိုယ်အတွင်းရှိ ရွှေခန္ဓာမှာ အဆက်မပြတ် ခိုင်မာလာပေသည်။ တောက်ပသော အလင်းတန်းများမှာ အရိုးများအတွင်းမှပင် ထွက်ပေါ်နေပြီး</p> <p>သင့်ကို နတ်ဘုရားတစ်ပါးကဲ့သို့ ခန့်ညားထည်ဝါစေ၏။]</p> <p> </p> <p>[သင်၏ မျက်စိအမြင်၊ ကိုယ်ခန္ဓာကြံ့ခိုင်မှု၊ စိတ်စွမ်းအား၊ အာရုံငါးပါးနှင့် စစ်မှန်သောချီစွမ်းအင် သိုလှောင်နိုင်စွမ်းတို့မှာ  သိသိသာသာ မြင့်တက်လာကာ သင်ကိုယ်တိုင်ပင် အဆင့်အတန်းတစ်ခုသို့ တက်လှမ်းသွားသကဲ့သို့ ခံစားရပေသည်။]</p> <p> </p> <p>[စေတနာအမှတ် ၄၈၀၀ အသုံးပြုပြီးပါပြီ။ သင်၏နယ်ပယ်မှာ  ဗာဂျရာအဆင့် အထွတ်အထိပ်သို့ အောင်မြင်စွာ ချိုးဖျက်ရောက်ရှိသွားပြီဖြစ်၏။]</p> <p> </p> <p>[သင်၏ ရွှေခန္ဓာမှာ ပြည့်စုံသွားခဲ့ပြီး အောင်မြင်မှုအဆင့်သို့ ဆိုက်ရောက်သွားခဲ့လေပြီ။ ကြီးမားလှသော အင်အားနှင့် ခိုင်မာသော အခြေခံတို့ကြောင့် သင်၏ ရွှေရောင်ကိုယ်ခန္ဓာမှာ သာမန်လူများထက် ပိုမိုကြံ့ခိုင်သန်စွမ်းနေပေသည်။ ဗာဂျရာအဆင့်များအတွင်း၌ သင်၏ ရွှေခန္ဓာကို ပြိုင်ဘက်ကင်းဟုပင်</p> <p>ခေါ်ဆိုနိုင်ပေသည်။]</p> <p> </p> <p>[ကျင့်ကြံမှု ပြီးဆုံးပါပြီ..]</p> <p> </p> <p>[ကျန်ရှိသော စေတနာအမှတ် - ၁၀၈၀]</p> <p> </p> <p>ဘုန်း...</p> <p> </p> <p>   တောက်ပသော ရွှေရောင်အလင်းတန်းများမှာ သူ၏ကိုယ်မှ ရုတ်တရက် ပေါက်ကွဲထွက်လာတော့သည်။</p> <p> </p> <p>   ဂူချန်သည် သူ၏လက်ကို အသာအယာ မြှောက်ကာ လေထဲတွင် ဝှေ့ယမ်းလိုက်ရာ ပြင်းထန်လှသော အင်အားကြောင့် လေထုမှာ အက်ကွဲသွားပြီး ကြီးမားသော</p> <p>လက်ဝါးလေလှိုင်းကြီးတစ်ခုမှာ ကျယ်လောင်သော အသံနှင့်အတူ ထွက်ပေါ်လာလေသည်။</p> <p> </p> <p>   နိဗ္ဗာနအဆင့်( အဆင့် ၅) ၏ တိုက်ခိုက်မှုများကိုပင် ခံနိုင်ရည်ရှိသော သတ္တုစပ်နံရံမှာ သူ၏ လက်ဝါးတစ်ချက်အောက်တွင်ပင် နက်ရှိုင်းစွာ ချိုင့်ဝင်သွားရ၏။</p> <p> </p> <p>   သူ၏ ခြေထောက်ဖြင့် အသာအယာ နင်းလိုက်ရုံမျှဖြင့်</p> <p>အဆောက်အအုံတစ်ခုလုံးမှာ ပြင်းထန်စွာ တုန်ခါသွားတော့သည်။</p> <p> </p> <p>   ဤမျှလောက်သော အင်အားဖြင့်ဆိုလျှင်  မုရုံချင်းရွှယ်၏ ဆရာမဖြစ်သူ အား  အလွယ်တကူ ချိုးဖျက်ပစ်နိုင်ပေသည်။</p> <p> </p> <p>   ဂူချန်၏ ကိုယ်ခန္ဓာမှာ အနည်းငယ်</p> <p>တုန်ခါသွားပြီးနောက် တစ်ကိုယ်လုံးရှိ ရွှေရောင်အလင်းများမှာလည်း ရုတ်ချည်း ပျောက်ကွယ်သွားတော့သည်။</p> <p> </p> <p>   ခံစားချက်အရဆိုလျှင် သူ၏ ကိုယ်ခန္ဓာအင်အားမှာ</p> <p>အမှတ်များ မခွဲဝေမီကထက် အဆင့်များစွာ မြင့်တက်သွားခဲ့ပြီဖြစ်၏။</p> <p> </p> <p>   သူ၏လက်ကို အသာအယာ ဝေ့ယမ်းလိုက်ရုံမျှဖြင့်</p> <p>ပတ်ဝန်းကျင်ရှိ လေထုမှာပင် ပုံပျက်သွားရပေသည်။</p> <p> </p> <p>   ယခင်က တစ်ခါမျှ မခံစားဖူးသော အင်အားမျိုးပင်။</p> <p> </p> <p>   ဂူချန်သည် စိတ်လှုပ်ရှားစွာဖြင့်</p> <p>စနစ်မျက်နှာပြင်ကို တစ်ချက်ကြည့်လိုက်၏။</p> <p> </p> <p>   စေတနာအမှတ်များမှာလည်း ကုန်လုနီးပါး  ဖြစ်နေခဲ့ပြီ။</p> <p> </p> <p>   သို့ရာတွင် အချိန်ကို တွက်ချက်ကြည့်လျှင်  လျိုလုံတက္ကသိုလ်မှ လူများမှာ ထိုဆရာမကို လာရောက်ခေါ်ဆောင်ရန် အချိန်တန်နေလေပြီ ။</p> <p> </p> <p>'အင်း... အဲဒီတက္ကသိုလ်ကို အမြစ်ပြတ်ချေမှုန်းပစ်ဖို့ အကြောင်းပြချက်တစ်ခုလောက် ရှာကြည့်ရဦးမယ်..'</p> <p> </p> <p>   သူ လေကို ဖြည်းညှင်းစွာ ရှူထုတ်လိုက်ပြီးနောက် ကျင့်ကြံခြင်းအခန်းအတွင်းမှ အပြင်သို့ လှမ်းထွက်ခဲ့လေတော့သည်။</p> <p>***</p> <p> </p>


Save