Book List

<h2 style="text-align: center;">အခန်း (၇၆၈)</h2> <h2 style="text-align: center;">သားရဲတစ်ရာ ခန္ဓာကိုယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~ဆုံမှတ်ပုလဲ လျှို့ဝှက်ဆန်းကြယ်စွာ ပျောက်ကွယ်သွားခြင်းက လန်ယာ နယ်မြေမှ ခေါင်းဆောင် သုံးဦးကို လက်ရှိ တိုက်ပွဲတွင် အလှည့်အပြောင်း တစ်ခု ဖြစ်ပေါ်လာပြီဟု ချက်ချင်း ခံစားသွားရစေသည်။</p> <p>သူတို့ ပြောသော ချီပိုင်ရှို့ ဆိုသည်မှာ သားရဲတစ်ရာ ဝိညာဉ်နယ်မြေ ၏ ခေါင်းဆောင်ပင်။</p> <p>သူ၏ ကျင့်ကြံခြင်း အဆင့်အတန်းမှာ တာအိုနှင့် ပေါင်းစည်းခြင်း နယ်ပယ် သို့ ရောက်လုနီးပါး ဖြစ်နေပြီး၊ သူ နောက်တန်းတွင် ရပ်နေခြင်းကပင် လန်ယာ နယ်မြေ စစ်တပ်ကြီးအတွက် ကြီးမားလှသော ဖိအားတစ်ခုကို ဖြစ်ပေါ်စေခဲ့၏။</p> <p>ကျူးယန့်ချွမ်း၊ မာရွှမ်ကျွယ် နှင့် ချိုးတိန်ပန်း တို့သည် တိုက်ခိုက်နေရင်း တစ်ချိန်တည်းမှာပင် ချီပိုင်ရှို့ ကို မျက်ခြေမပြတ် စောင့်ကြည့်နေခဲ့ကြ၏။</p> <p>သူ ပေါ်ထွက်လာချိန်မှစ၍ လုံးဝ ပြောင်းလဲခြင်း မရှိခဲ့သော ချီပိုင်ရှို့ ၏ အေးစက်စက် မျက်နှာပေးမှာ ရုတ်တရက် ပျက်ယွင်းသွားပြီး၊ သူ၏ မျက်နှာပေါ်တွင် ထိတ်လန့်မှု အရိပ်အယောင် အချို့ ပေါ်လွင်လာတော့သည်။</p> <p>သို့သော် သူသည် စစ်သူကြီး တစ်ဦး ဖြစ်ကြောင်း သိထားသဖြင့် သူ၏ ထိတ်လန့်မှုများကို လျင်မြန်စွာ ဖိနှိပ်လိုက်ပြီး၊ ဝိညာဉ်အာရုံကို ဖြန့်ကျက်ကာ ပတ်ဝန်းကျင် တစ်ဝိုက်ကို လိုက်လံ စူးစမ်းလိုက်သော်လည်း ဆုံမှတ်ပုလဲ ၏ အရိပ်အယောင်ကို လုံးဝ ရှာမတွေ့ခဲ့ချေ။</p> <p>သူတို့ ရှာမတွေ့လေလေ၊ ဖိနှိပ်ထားသော ထိတ်လန့်မှုများက သူတို့၏ ရင်တွင်း၌ ချက်ချင်း ပြန်လည် မြင့်တက်လာလေလေပင် ဖြစ်သည်။</p> <p>ချီပိုင်ရှို့ ၏ နဖူးပေါ်တွင် ချွေးစေးများ သီးလာတော့သည်။</p> <p> မည်သို့သော သတ္တဝါမျိုးက ဤနေရာတွင် အသံတိတ် ပေါ်လာပြီး၊ စစ်တပ်ကြီး နှစ်ခုကို ကျော်ဖြတ်ကာ၊ သူနှင့် ဆုံမှတ်ပုလဲ ကြားရှိ ဆက်သွယ်မှုကို အသံတိတ် ဖြတ်တောက်ပြီး ဆုံမှတ်ပုလဲ ကို လုယူသွားနိုင်သနည်း။ ချီပိုင်ရှို့ လုံးဝ စိတ်ကူးမရနိုင်အောင် ဖြစ်နေရ၏။</p> <p>သို့သော် တစ်ဖက်လူက သူနှင့် သားရဲတစ်ရာ ဝိညာဉ်နယ်မြေ စစ်တပ်ကြီးကို ဝင်ရောက် မတိုက်ခိုက်ခဲ့ခြင်းက ချီပိုင်ရှို့ ကို အလွန်တရာ တွေဝေသွားစေသည်။</p> <p>တစ်ဖက်လူက ကိုယ်ယောင်ဖျောက်ပြီး ခိုးယူတဲ့ နေရာမှာပဲ ကျွမ်းကျင်တာများလား။</p> <p>တစ်ခဏမျှ ချီပိုင်ရှို့ ၏ စိတ်အစဉ်မှာ လုံးဝ ဖရိုဖရဲ ဖြစ်သွားရ၏။</p> <p>သူ၏ အကြည့်က လန်ယာ နယ်မြေ စစ်တပ်ကြီးဆီသို့ မျက်လုံးကစားလိုက်ရာ၊ ရန်သူ့ စစ်တပ်မှာ သားရဲတစ်ရာ ဝိညာဉ်နယ်မြေ စစ်တပ်ကြီး၏ တိုက်ခိုက်မှုများကို အသည်းအသန် ခုခံနေရပြီး အခြေအနေကို ပြောင်းပြန်လှန်နိုင်မည့် အခွင့်အရေး လုံးဝ မရှိကြောင်း တွေ့လိုက်ရ၏။</p> <p>ချီပိုင်ရှို့ က ချက်ချင်း အော်ဟစ်လိုက်သည်။</p> <p>“အစွမ်းကုန် တိုက်ပြီး သူတို့ကို အမြန်ဆုံး အပြတ်ရှင်းလိုက်ကြ”</p> <p>သူ၏ စစ်တပ်မှာ ရန်သူ့ စစ်တပ်နှင့် ထိပ်တိုက် ရင်ဆိုင်နေရပြီး သူ့ကို ကျောခိုင်းထားသဖြင့် နောက်ကွယ်တွင် ဘာတွေ ဖြစ်နေသနည်း ဆိုသည်ကို လုံးဝ မသိရှိကြချေ။</p> <p>ချီပိုင်ရှို့ ၏ အမိန့်ကို ကြားလိုက်ရသောအခါ သူတို့၏ တပ်မှူးမှာ စိတ်မရှည်တော့ဟု ယူဆလိုက်ကြပြီး ချက်ချင်းပင် ပြိုင်တူ ညာသံပေးလိုက်ကြ၏။</p> <p>“ဟုတ်ကဲ့”</p> <p>စကားဆုံးသည်နှင့် တစ်ပြိုင်နက် သားရဲတစ်ရာ ဝိညာဉ်နယ်မြေ မှ ကျင့်ကြံသူ အားလုံးက သူတို့၏ ရုပ်ခန္ဓာ စွမ်းအားများကို အပြည့်အဝ ထုတ်လွှတ်လိုက်ကြရာ သူတို့၏ တိုက်ခိုက်မှု အဟုန်မှာ ချက်ချင်းပင် (၁၀) ရာခိုင်နှုန်းကျော် မြင့်တက်သွားတော့သည်။</p> <p>သူတို့ တစ်ယောက်စီတိုင်းထံမှ ကြောက်မက်ဖွယ်ကောင်းသော သားရဲ ပုံရိပ်ယောင်များ ပျံထွက်လာပြီး သူတို့၏ ခေါင်းပေါ်တွင် ရပ်တည်ကာ ကောင်းကင်ယံသို့ ဒေါသတကြီး ဟိန်းဟောက်လိုက်ကြ၏။</p> <p>မရေမတွက်နိုင်သော သားရဲ ပုံရိပ်ယောင်များ ပြိုင်တူ ဟိန်းဟောက်လိုက်ကြရာ၊ သူတို့ ထုတ်လွှတ်လိုက်သော အသံလှိုင်းများမှာ မျက်စိဖြင့် မမြင်နိုင်သော ဧရာမ ရေလှိုင်းကြီးများအလား လန်ယာ နယ်မြေ စစ်တပ်ကြီးကို ဝင်ရောက် ရိုက်ခတ်သွားတော့သည်။</p> <p>အသံလှိုင်း တိုက်ခိုက်မှုများကို အသံလှိုင်း တိုက်ခိုက်မှုများဖြင့်သာ တန်ပြန်နိုင်ပေမည်။</p> <p>လန်ယာ နယ်မြေ စစ်တပ်ကြီးကလည်း ချက်ချင်းပင် ပြိုင်တူ ဟစ်ကြွေးလိုက်ကြ၏။</p> <p>“သတ်ကြဟေး...”</p> <p>သတ်ဖြတ်လိုသော အော်ဟစ်သံများက ရှေ့သို့ ပဲ့တင်ဟိန်းညံသွားပြီး သားရဲ ဟိန်းဟောက်သံများနှင့် ထိတိုက်မိသွားရာ၊ မျက်စိတစ်မှိတ်အတွင်း ဟင်းလင်းပြင်ကြီးမှာ တွန့်လိမ် ကောက်ကွေးသွားတော့သည်။</p> <p>သို့သော် သူတို့သည် အစကတည်းက သားရဲတစ်ရာ ဝိညာဉ်နယ်မြေ မှ ကျင့်ကြံသူ များထက် အားနည်းနေခဲ့ပြီး ဖြစ်ရာ၊ သူတို့၏ သတ်ဖြတ်လိုသော အော်ဟစ်သံများမှာ ကြောက်မက်ဖွယ် သားရဲ ဟိန်းဟောက်သံများကို လုံးဝ မယှဉ်နိုင်ဘဲ မျက်တောင်တစ်ခတ်အတွင်း ပြန့်ကျဲ ပျောက်ကွယ်သွား၏။</p> <p>ထို့နောက် အဆုံးအစမဲ့သော သားရဲ ဟိန်းဟောက်သံများက လူအုပ်ကြီးကို ဝင်ရောက် တိုက်ခိုက်လာရာ၊ လူတိုင်း၏ နားထဲတွင် အူဝေသွားပြီး သူတို့၏ အာရုံငါးပါးထဲမှ တစ်ခုမှာ အပြည့်အဝ ဖိနှိပ်ခံလိုက်ရတော့သည်။</p> <p>သားရဲတစ်ရာ နယ်မြေ မှ ကျင့်ကြံသူ များ၏ ခေါင်းပေါ်ရှိ သားရဲ ပုံရိပ်ယောင်များမှာ ဟင်းလင်းပြင်ကို ဖြတ်သန်းကာ စနစ်တကျ တဟုန်ထိုး ပြေးဝင်လာကြ၏။ တောနက်ထဲမှ သားရဲကောင် တစ်သောင်း ထွက်ပေါ်လာသည့်အလား သူတို့ဆီသို့ ပြေးဝင်လာကြသည်။</p> <p>လန်ယာ နယ်မြေ စစ်တပ်ကြီးမှာ အခြား ရွေးချယ်စရာ မရှိတော့သဖြင့် လက်နက်များကို မြှောက်ကာ မှော်စွမ်းအားများကို သွင်းနှံလိုက်ပြီး ထက်ရှသော တိုက်ခိုက်မှု တစ်ခုကို ထုတ်လွှတ်လိုက်ကြတော့သည်။ တာအို အလင်းတန်းများက မတူညီသော မှော်နည်းစနစ် အသီးသီးကို ကိုယ်စားပြုနေ၏။</p> <p>ကြယ်တာရာ အင်မော်တယ်ဂိုဏ်း ၏ လမ်းညွှန်မှုအောက်တွင် သူတို့၏ တိုက်ခိုက်မှုများမှာ အလွန်တရာ စနစ်ကျလှပြီး၊ များသောအားဖြင့် မိမိစွမ်းအား တစ်ဆကို အသုံးပြုရုံဖြင့် ငါးဆခန့် အစွမ်းထက်သော တိုက်ခိုက်မှုများကို ဖန်တီးနိုင်စွမ်း ရှိကြသည်။</p> <p>သို့သော် သူတို့၏ ကျင့်ကြံသူ အရေအတွက်နှင့် ခွန်အားများမှာ တစ်ဖက်ရန်သူထက် နိမ့်ကျနေသဖြင့်၊ ယခုလေးတင် သူတို့ ထုတ်လွှတ်လိုက်သော နတ်ဘုရား စွမ်းရည် နည်းစနစ် များမှာ သားရဲတစ်ရာ နယ်မြေ စစ်တပ်ကြီး၏ သားရဲ ပုံရိပ်ယောင်များထဲမှ တစ်ဝက်ခန့်ကိုသာ မျိုးတုံး ပျက်စီးသွားစေနိုင်ခဲ့၏။</p> <p>ကျန်ရှိနေသော တစ်ဝက်ကို ရင်ဆိုင်နိုင်ရန်အတွက် သူတို့သည် နောက်ထပ် တိုက်ခိုက်မှု တစ်ခု ထပ်မံ ပြုလုပ်ရဦးမည် ဖြစ်သည်။</p> <p>အကယ်၍ သားရဲတစ်ရာ နယ်မြေ စစ်တပ်ကြီးက နောက်ထပ် သားရဲ ပုံရိပ်ယောင် တိုက်ခိုက်မှု တစ်လှိုင်း ထပ်မံ ထုတ်လွှတ်လာမည် ဆိုပါက... သူတို့ အနေဖြင့် တိုက်ခိုက်မှု လေးလှိုင်းအထိ ထုတ်လွှတ်ရတော့မည် ဖြစ်ချေ၏။</p> <p>တစ်ဖက်က အကျိုးအမြတ် ရနေပြီး တစ်ဖက်က အထိနာနေချိန်တွင်... လန်ယာ နယ်မြေ စစ်တပ်ကြီး ဘယ်လိုလုပ်ပြီး မရှုံးဘဲ နေနိုင်ပါမည်နည်း။</p> <p>“ဒုက္ခပဲ... အဲဒီ ချီပိုင်ရှို့ က စိတ်မရှည်တော့ဘူးဟ”</p> <p>မာရွှမ်ကျွယ် က အံ့အားသင့်စွာ ရေရွတ်လိုက်သည်။</p> <p>ကျူးယန့်ချွမ်း ၏ မျက်မှောင်များ အလွန်တရာ တွန့်ချိုးသွားပြီး ဆိုလိုက်၏။</p> <p>“ဂျူနီယာညီလေး ချိုး... မင်းက ခေါင်းအပြေးဆုံးပဲ။ ချီပိုင်ရှို့ ရဲ့ ဆုံမှတ်ပုလဲ က ပျောက်သွားပြီ။ ပြီးတော့ သူက စိတ်မရှည်စွာနဲ့ပဲ သူ့လူတွေကို အပြည့်အဝ တိုက်ခိုက်ဖို့ အမိန့်ပေးနေတယ်။ ငါတို့ ဘာဆက်လုပ်သင့်လဲ ဆိုတာ အမြန်ဆုံး စဉ်းစားစမ်းပါ”</p> <p>ထိုအခါ၊ ချိုးတိန်ပန်း က ချီပိုင်ရှို့ ၏ မျက်နှာပေးကို သေချာစွာ အကဲခတ်ကြည့်ပြီးနောက် ဆိုလိုက်သည်။</p> <p>“စီနီယာအစ်ကိုကြီးတို့... သိုင်းပညာရှင် တစ်ယောက်က ဒီနေရာကို ဖြတ်သွားပြီး ဆုံမှတ်ပုလဲ ကို ယူသွားတာ သေချာတယ်”</p> <p>သူက စကားကို ခဏရပ်လိုက်ပြီး ဆက်ပြောလာ၏။</p> <p>“ဒီ စစ်တပ် နှစ်ခုကြားက ကြီးမားတဲ့ တိုက်ပွဲမှာ... ကျွန်တော်တို့ လန်ယာ နယ်မြေ စစ်တပ်ကြီးက အစကတည်းက အားနည်းနေခဲ့ပြီး အနှေးနဲ့ အမြန် သေချာပေါက် အရှုံးကြီး ရှုံးတော့မှာပဲ။ ဒါပေမဲ့ အခုတော့ ကျွန်တော်တို့အတွက် အလှည့်အပြောင်း တစ်ခုကို မြင်နေရပြီ။ ဒီ အခွင့်အရေးကို သေချာပေါက် ဆုပ်ကိုင်ရမယ်”</p> <p>ထိုစကားကို ကြားလိုက်ရသောအခါ ကျန်နှစ်ဦးစလုံးက သူ့ကို အလေးအနက် ကြည့်လိုက်ကြ၏။</p> <p>ကျူးယန့်ချွမ်း က မေးလိုက်သည်။</p> <p>“မင်း ဘာကို ဆိုလိုချင်တာလဲ”</p> <p>ချိုးတိန်ပန်း က ရှင်းပြလာပါ၏။</p> <p>“အဲဒီ သိုင်းပညာရှင် က ဘယ်သူလဲ ဆိုတာကိုတော့ ကျွန်တော် မသိဘူး။ ဒါပေမဲ့ သူ့ရဲ့ လုပ်ရပ်တွေကို ကြည့်ရတာ ကျွန်တော်တို့ တောင်နဲ့ ပင်လယ် ကမ္ဘာ က ကျင့်ကြံသူ တစ်ယောက် ဖြစ်ဖို့ များတယ်။ ချီပိုင်ရှို့ ဆီကနေ ဆုံမှတ်ပုလဲ ကို.. အလွယ်တကူ ယူသွားနိုင်တယ် ဆိုကတည်းက... သူ့ရဲ့ ခွန်အားက ကျွန်တော်တို့ထက် သေချာပေါက် သာလွန်နေတာပဲ။ အကယ်လို့ ကျွန်တော်တို့သာ အဲဒီ သိုင်းပညာရှင် ဆီက အကူအညီကို ရနိုင်မယ်ဆိုရင်... တိုက်ပွဲ အခြေအနေကို သေချာပေါက် ပြောင်းပြန် လှန်ပစ်နိုင်လိမ့်မယ်။ ဒါပေမဲ့...”</p> <p>မာရွှမ်ကျွယ် က စိုးရိမ်တကြီး မေးလိုက်၏။</p> <p>“ဒါပေမဲ့ ဘာဖြစ်လဲ... ဂျူနီယာညီလေး ချိုး... မြန်မြန် ပြောစမ်းပါ”</p> <p>ချိုးတိန်ပန်း က လေးနက်စွာ စဉ်းစားနေပုံ ရပြီး ဒုက္ခရောက်နေသည့်အလား ဆိုလိုက်သည်။</p> <p>“ဒီ သိုင်းပညာရှင် ကို သဘောတူအောင် ဆွဲဆောင်ဖို့ ဆိုတာ မလွယ်လှဘူး။ စကားလုံးတွေကို သေချာ ရွေးချယ်ဖို့ လိုတယ်”</p> <p>သူက ထိုနှစ်ဦးကို အကြည့်ပို့‌လွှတ်လိုက်ပြီး...</p> <p>“ကျွန်တော်တို့ သုံးယောက်က အင်မော်တယ်ဂိုဏ်းကြီး သုံးခုရဲ့ ကိုယ်စားလှယ်တွေ ဖြစ်ပြီး လန်ယာ နယ်မြေ စစ်တပ် တစ်ခုလုံးရဲ့ ကိစ္စတွေကို ဆုံးဖြတ်ပိုင်ခွင့် ရှိတယ်လေ။ အဲဒီ သိုင်းပညာရှင် ကို ဆွဲဆောင်ဖို့အတွက် အမြန်ဆုံး အပေးအယူ တစ်ခု လုပ်မှ ရမယ်”</p> <p>ထို့ကြောင့် သူတို့ သုံးဦးသည် ချက်ချင်းပင် အသံလွှင့် ဆက်သွယ်လိုက်ကြပြီး မျက်စိတစ်မှိတ်အတွင်းမှာပင် မရေမတွက်နိုင်သော ဖြေရှင်းနည်းများကို စဉ်းစား တွက်ချက်လိုက်ကြ၏။</p> <p> </p> <p> </p> <p> </p> <p style="text-align: center;">***</p>


Save