Book List

<h2 style="text-align: center;">အခန်း (၇၆၉)</h2> <h2 style="text-align: center;">သားရဲတစ်ရာ ခန္ဓာကိုယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~လန်ယာ နယ်မြေ စစ်တပ်ကြီးက သူတို့၏ ပဉ္စမအကြိမ်မြောက် အစွမ်းကုန် တိုက်ခိုက်မှုကို စတင်လိုက်ချိန်တွင် သူတို့ သုံးဦး သဘောတူညီမှု တစ်ခုကို ရရှိသွားကြတော့သည်။</p> <p>ကျူးယန့်ချွမ်း နှင့် အခြားနှစ်ဦးမှာ ရုတ်တရက် လေထဲသို့ ခုန်တက်သွားကြပြီး ဟင်းလင်းပြင် ၏ အရပ်မျက်နှာ အသီးသီးသို့ လျင်မြန်စွာ လက်ယှက် ဂါရဝပြုလိုက်ကြ၏။</p> <p>“လန်ယာ နယ်မြေ က ကြက်သွေးရောင် ဓားအင်မော်တယ်ဂိုဏ်း ရဲ့ ကျူးယန့်ချွမ်း”</p> <p>“ကြယ်တာရာ အင်မော်တယ်ဂိုဏ်း ရဲ့ ချိုးတိန်ပန်း”</p> <p>“နတ်ဘုရား စုတ်တံ အင်မော်တယ်ဂိုဏ်း ရဲ့ မာရွှမ်ကျွယ်”</p> <p>သူတို့ သုံးဦးက သူတို့၏ နာမည်များကို ဦးစွာ မိတ်ဆက်လိုက်ပြီးနောက် ပြိုင်တူ ပြောကြားလိုက်ကြသည်။</p> <p>“ကျွန်တော်တို့ သုံးယောက်က လန်ယာ နယ်မြေ စစ်တပ်ကြီးကို ပူးတွဲ ဦးဆောင်နေတာ ဖြစ်ပါတယ်။ အခု ဘယ် သိုင်းပညာရှင် ကြီးများ ဒီနေရာကို ဖြတ်သန်းသွားလဲ ဆိုတာကိုတော့ ကျွန်တော်တို့ မသိပါဘူး ခင်ဗျာ။ အကယ်လို့ သိုင်းပညာရှင်ကြီး ကသာ ကျွန်တော်တို့ကို ကူညီပေးမယ်ဆိုရင်... ကျွန်တော်တို့ရဲ့ လန်ယာ နယ်မြေ စစ်တပ်ကြီးရဲ့ ကွပ်ကဲမှု အာဏာကို အရှင်ဆီ လွှဲပြောင်းပေးဖို့ အသင့်ရှိပါတယ် ခင်ဗျာ”</p> <p>ထိုလူ သုံးဦး၏ ရုတ်တရက် တုံ့ပြန်မှုက ကျင့်ကြံသူ နှစ်ဖွဲ့စလုံးကို အံ့အားသင့်သွားစေသည်။</p> <p>လန်ယာ နယ်မြေ မှ လူများမှာ သူတို့ကို အကောင်းဆုံး ကယ်တင်ပေးနိုင်မည့် သိုင်းပညာရှင် တစ်ဦး ရှိနေကြောင်း ကြားလိုက်ရသဖြင့် ချက်ချင်းပင် အားအင်များ ပြည့်ဝလာကြတော့၏။</p> <p>သားရဲတစ်ရာ နယ်မြေ မှ ကျင့်ကြံသူ များမှာမူ သတိဝီရိယ အပြည့်ဖြင့် ပတ်ဝန်းကျင်ကို လိုက်လံ ကြည့်ရှုနေကြပြီး၊ သူတို့၏ ဝိညာဉ်အာရုံများကို ဖြန့်ကျက်ကာ နောက်ကွယ်မှ တိုက်ခိုက်ခံရမည်ကို စိုးရိမ်နေကြသည်။</p> <p>ထို သုံးဦး၏ လုပ်ရပ်များကို မြင်လိုက်ရသောအခါ၊ ချီပိုင်ရှို့ သည် သူ၏ လက်ထဲမှ ဆုံမှတ်ပုလဲ ပျောက်ကွယ်သွားခြင်း၏ အကြောင်းရင်းကို ထို သုံးဦးက ရိပ်မိသွားပြီ ဖြစ်ကြောင်း သဘာဝကျကျပင် သဘောပေါက်လိုက်၏။</p> <p>သူ၏ မျက်နှာသွင်ပြင်မှာ အကြိမ်ကြိမ် ပြောင်းလဲသွားပြီးနောက် ထပ်မံ အမိန့်‌ေပးလိုက်ပြန်သည်။</p> <p>“အဲဒီ သုံးကောင်ကို သတ်စမ်း”</p> <p>သားရဲတစ်ရာ နယ်မြေ စစ်တပ်ကြီးက ချက်ချင်း တိုက်ခိုက်မှုကို စတင်လိုက်ပြီး ကောင်းကင်ယံသို့ မြင့်မားစွာ ပျံတက်သွားသော ကျူးယန့်ချွမ်း နှင့် သူ၏ သူငယ်ချင်း နှစ်ဦးဆီသို့ တဟုန်ထိုး ပြေးဝင်သွားကြတော့သည်။</p> <p>ထို သုံးဦး၏ အောက်ဘက်ရှိ လန်ယာ နယ်မြေ စစ်တပ်ကြီးကလည်း ချက်ချင်းပင် ဝင်ရောက် ဟန့်တားလိုက်ကြ၏။</p> <p>နင်ချီ သည် ဟင်းလင်းပြင် ၏ အထက်တွင် ပုန်းအောင်းနေဆဲ ဖြစ်၏။</p> <p>သူသည် ဆုံမှတ်ပုလဲ ကို ထုတ်လွှတ်ကာ ကောင်းကင်ကြယ် ကို ဤနေရာသို့ ဆင်းသက်စေပြီး လန်ယာ နယ်မြေ စစ်တပ်ကြီး၏ ခွန်အားကို မြှင့်တင်ပေးရန် ပြင်ဆင်နေခဲ့ခြင်း ဖြစ်သည်။</p> <p>သို့သော် ထို သုံးဦး၏ စကားများကို ကြားလိုက်ရသောအခါ သူက လောကြီးနေခြင်းကို ရပ်တန့်လိုက်၏။</p> <p>“မထင်မှတ်ထားတဲ့ ဆုလာဘ်တစ်ခုများ ရလာမလား”</p> <p>သူ၏ အကြည့်များက ကျူးယန့်ချွမ်း နှင့် သူ၏ သူငယ်ချင်း နှစ်ဦး၊ ထို့အပြင် လန်ယာ နယ်မြေ စစ်တပ်ကြီးဆီသို့ ကျရောက်သွားတော့သည်။</p> <p>လန်ယာ နယ်မြေ အဖွဲ့ထဲတွင်လည်း အစစ်အမှန်သိုင်းကမ္ဘာ မှ လူဝင်စား ကျင့်ကြံသူ အများအပြား ပါဝင်နေပြီး စုစုပေါင်း လူဦးရေ၏ တစ်ရာခိုင်နှုန်းခန့် ရှိ၏။</p> <p>ကမ္ဘာ့အရှင်သခင် တစ်ပါး အနေဖြင့်၊ နင်ချီ သည် သူတို့နှင့် တွေ့ဆုံပြီးမှတော့ ဤနေရာတွင် သေဆုံးသွားသည်ကို သဘာဝကျကျပင် အလိုမရှိချေ။</p> <p>ထို့ကြောင့် မည်သို့ပင်ဖြစ်စေ... နင်ချီ သည် လန်ယာ နယ်မြေ မှ လူတိုင်းကို ကယ်တင်ပေးရမည်သာ ဖြစ်၏။</p> <p>သို့သော် ယခုအခါ မထင်မှတ်ထားသော အကျိုးအမြတ်တစ်ခု ရလာပြီ ဖြစ်ရာ... သူ့ အနေဖြင့် သဘာဝကျကျပင် လက်ခံရတော့မည် ဖြစ်ချေသည်။</p> <p>သို့သော် ကျူးယန့်ချွမ်း နှင့် အခြား နှစ်ဦးက သက်သေ အထောက်အထား မရှိဘဲ ပြောနေခြင်းကို သူ လွယ်လွယ်နှင့် မယုံကြည်ပေ။</p> <p>ကျူးယန့်ချွမ်း နှင့် အခြား နှစ်ဦးမှာ ဟင်းလင်းပြင် ထဲမှ မည်သူမျှ ပြန်လည် တုံ့ပြန်ခြင်း မရှိသဖြင့် အနည်းငယ် စိတ်ပျက်သွားကြ၏။</p> <p>သူတို့ သုံးဦး တစ်ယောက်ကိုတစ်ယောက် အကြည့်ပို့‌လွှတ်လိုက်ကြပြီးနောက် ဆိုလိုက်၏။</p> <p>“အကယ်လို့ သိုင်းပညာရှင်ကြီးက ကျွန်တော်တို့ကို မယုံကြည်ဘူး ဆိုရင်... ကျွန်တော်တို့ သုံးယောက် မဟာ တာအို ကို တိုင်တည်ပြီး သစ္စာဆိုပါ့မယ် ခင်ဗျာ”</p> <p>ထိုသို့ ပြောပြီးနောက် သူတို့ သုံးဦးစလုံးက ညာဘက် လက်များကို မြှောက်ကာ ကောင်းကင်ယံသို့ လက်ညှိုး ညွှန်ပြလိုက်ကြ၏။</p> <p>“ကျွန်တော် ကျူးယန့်ချွမ်း (ချိုးတိန်ပန်း၊ မာရွှမ်ကျွယ်) က မူလဝိညာဉ် ရဲ့ မူလအစ စွမ်းအားတွေနဲ့ ကြီးလေးလှတဲ့ သစ္စာဆိုပါတယ်... အကယ်လို့ သိုင်းပညာရှင် ကြီးကသာ ကျွန်တော်တို့ကို ကယ်တင်ပေးမယ် ဆိုရင်... သိုင်းပညာရှင် ကြီးကို ကျွန်တော်တို့ရဲ့ ခေါင်းဆောင်အဖြစ် အပြည့်အဝ လက်ခံပါ့မယ်။ အကယ်လို့ ဖောက်ဖျက်ခဲ့မယ် ဆိုရင်တော့ ကျွန်တော်တို့ရဲ့ ခန္ဓာကိုယ်တွေရော ဝိညာဉ်တွေပါ ဒီ စစ်မြေပြင်နယ်မြေ ထဲမှာ မျိုးတုံး ပျက်စီးသွားပါစေ”</p> <p>ထို သုံးဦး၏ ခေါင်းပေါ်မှနေ၍ လူတိုင်း အာရုံခံနိုင်သော မူလဝိညာဉ် ၏ မူလအစ စွမ်းအား မျှင်လေးများ မှေးမှိန်စွာ ပျံထွက်လာတော့သည်။</p> <p>ကောင်းကင်ယံ အထက်တွင် စည်တော် တစ်သောင်း ပြိုင်တူ တီးခတ်လိုက်သကဲ့သို့ ဟိန်းထွက်လာပြီး၊ သူတို့၏ သစ္စာဆိုမှုများကို အသိအမှတ် ပြုသည့်အလား ထို မူလဝိညာဉ် စွမ်းအား မျှင် သုံးခုစလုံးကို ဝါးမြို သိမ်းပိုက်သွား၏။</p> <p>မျက်တောင် တစ်ခတ်စာ အချိန်အတွင်းမှာပင် ရှေးဟောင်း 'သစ္စာတရား' စာလုံးကြီး သုံးလုံး ကောင်းကင်ယံတွင် ပေါ်ထွက်လာပြီး၊ ၎င်းက မဟာ တာအို ၏ အသိအမှတ်ပြုခြင်းကို ခံလိုက်ရပြီ ဖြစ်ကြောင်း အထင်အရှား ပြသနေ၏။</p> <p>ဤ မဟာ တာအို သစ္စာဆိုခြင်း ဆိုသည်မှာ ကျင့်ကြံသူ တစ်ယောက် အနေဖြင့် မဖြစ်မနေ လိုက်နာရမည့် အရာ ဖြစ်ပြီး၊ အကယ်၍ ဖောက်ဖျက်ခဲ့မည် ဆိုပါက သစ္စာဆိုထားသည့်အတိုင်း သေချာပေါက် ဖြစ်လာမည်သာ ဖြစ်ချေသည်။</p> <p>ကျူးယန့်ချွမ်း နှင့် အခြား နှစ်ဦး ဤမျှ ကြီးလေးသော သစ္စာဆိုမှုကို ပြုလုပ်ခဲ့ရခြင်းမှာ သူတို့တွင် အခြား ရွေးချယ်စရာ လမ်းမရှိတော့သောကြောင့်ပင်။</p> <p>သူတို့ သုံးဦးသည် လန်ယာ နယ်မြေ စစ်တပ်ကြီးကို ဦးဆောင်ကာ သားရဲတစ်ရာ နယ်မြေ စစ်တပ်ကြီးကို အနိုင်ယူရန် အမှန်တကယ်ပင် မစွမ်းဆောင်နိုင်ကြတော့ချေ။ ထို့ကြောင့် ဤသို့ စွန့်စား လောင်းကြေးထပ်လိုက်ခြင်းက မျှော်လင့်ချက် ရောင်ခြည်လေး တစ်ခုကိုတော့ ရရှိနိုင်မည် မဟုတ်ပါလော။</p> <p>ထို့အပြင် ဤ သစ္စာဆိုမှုမှာ ထို သိုင်းပညာရှင် ကြီးက သူတို့ကို အမှန်တကယ် ကယ်တင်ပေးနိုင်မှသာ အသက်ဝင်မည် ဖြစ်ပြီး၊ အကယ်၍ ထို သိုင်းပညာရှင် ကြီး ပေါ်မလာခဲ့လျှင် သို့မဟုတ် မကယ်တင်နိုင်ခဲ့လျှင် ပျက်ပြယ်သွားမည်သာ ဖြစ်၏။</p> <p>ထို သုံးဦး သစ္စာဆိုပြီးနောက်တွင်လည်း ဟင်းလင်းပြင် ထဲ၌ မည်သည့် တုံ့ပြန်မှုမျှ မရှိသေးချေ။</p> <p>သားရဲတစ်ရာ နယ်မြေ မှ ချီပိုင်ရှို့ မှာမူ စိတ်အေးသွားပုံ ရသည်။</p> <p>ကျူးယန့်ချွမ်း နှင့် သူ၏ သူငယ်ချင်း နှစ်ဦး ဤမျှအထိ ကြိုးစားနေသော်ငြားလည်း ထိုသူကို ဆွဲထုတ်၍ မရနိုင်ခြင်းက... ထိုသူသည် ကိုယ်ယောင်ဖျောက်ခြင်းနှင့် ခိုးယူခြင်း တို့တွင်သာ ကျွမ်းကျင်သူ တစ်ဦး ဖြစ်ကြောင်း အထင်အရှား ပြသနေ၏။</p> <p>သူက ကျယ်လောင်စွာ ဟားတိုက်လိုက်တော့သည်။</p> <p>“ဟားဟား... လေလုံးတွေ လာမပစ်နေနဲ့တော့... ဘယ်သူကမှ မင်းတို့ကို ကူညီမှာ မဟုတ်ဘူး”</p> <p>သူက ဟင်းလင်းပြင် ကို နောက်တစ်ကြိမ် မော့ကြည့်လိုက်ပြီး...</p> <p>“ဟင်းလင်းပြင် ထဲက မိတ်ဆွေ... မင်းက ဆုံမှတ်ပုလဲ ကို ပြန်ပေးသင့်တယ်လို့ ငါ ထင်တယ်။ မင်း တစ်ယောက်တည်း ဆုံမှတ်ပုလဲ ကို ယူထားလည်း ဘာမှ အသုံးမဝင်ပါဘူးကွာ။ အကယ်လို့ မင်းက ကောင်းကင်ကြယ် ကို အသက်သွင်းလိုက်မယ် ဆိုရင်တောင်... ငါ့ရဲ့ သားရဲတစ်ရာ နယ်မြေ စစ်တပ်ကြီးက ဒီ ဆုံမှတ် ကို မျက်စိတစ်မှိတ်အတွင်း ပြန်သိမ်းပိုက်နိုင်တယ်လေ။ ဒီလို လုပ်ကြမလား... မင်းက ဆုံမှတ်ပုလဲ ကို ပြန်ပေးလိုက်... အဲဒီအစား ငါက မင်းကို အသေးစား စည်းမျဉ်း အပိုင်းအစ (၁၀) ခု ပေးမယ်လေ”</p> <p>ချီပိုင်ရှို့ က တစ်ဖက်လူကို ချော့မော့ပြောဆို ကာ ဆွဲဆောင်နေသည်ကို ကြားလိုက်ရသောအခါ ကျူးယန့်ချွမ်း နှင့် အခြား နှစ်ဦး မျက်နှာ ကွက်ခနဲ ပျက်သွားကြတော့သည်။</p> <p>ဝိညာဉ်ကမ္ဘာ နှစ်ခု အကြားရှိ အငြင်းပွားမှုများကြောင့် ဝိညာဉ်ကမ္ဘာ နှစ်ခုမှ ကျင့်ကြံသူ များမှာ မသေမချင်း ရန်သူတွေ ဖြစ်နေကြသည်မှာ အမှန်ပင် ဖြစ်သော်လည်း၊ မီးခိုးရောင် နယ်ပယ် များကတော့ အမြဲတမ်း ရှိနေတတ်သည် မဟုတ်ပါလော။</p> <p>ထို အစွမ်းထက် သိုင်းပညာရှင် ကြီးသည် အခြေအနေ မဟန်ချိန်တွင် တစ်ဖက်လူ၏ ကမ်းလှမ်းချက်ကို ယာယီ လက်ခံလိုက်ပြီး၊ နောက်မှ သေချာပေါက် ပြန်လည် တိုက်ခိုက်ခြင်းမျိုးလည်း ပြုလုပ်နိုင်၏။</p> <p>ထို့ကြောင့် လန်ယာ နယ်မြေ မှ လူတိုင်းမှာ ထိတ်လန့် စိုးရိမ်မှုများဖြင့် ပြည့်နှက်သွားကြပြီး၊ နင်ချီ က တစ်ဖက်လူ၏ အသေးစား စည်းမျဉ်း အပိုင်းအစ (၁၀) ခုကို လက်ခံလိုက်မည်ကို ကြောက်ရွံ့နေကြတော့သည်။</p> <p>နောက်ဆုံးတွင်တော့ ဟင်းလင်းပြင် ထဲ၌ အသံတစ်သံ ပဲ့တင်ထပ်သွား၏။</p> <p>နင်ချီ ပြန်လည် ပေါ်ထွက်လာပြီး ချီပိုင်ရှို့ ၏ အထက် ကောင်းကင်ယံတွင် မြင့်မားစွာ ဝဲပျံနေဆဲ ဖြစ်၏။ သူက ပြန်လည် တုံ့ပြန်လိုက်သည်။</p> <p>“အသေးစား အပိုင်းအစ ၁၀ ခုလေးနဲ့... မင်းက ငါ့ဆီက ဆုံမှတ်ပုလဲ ကို ဝယ်နိုင်မယ်လို့ ထင်နေတာလား”</p> <p>ထိုအသံမှာ ကြည်လင် ပြတ်သားလှပြီး ဒေသတစ်ခုလုံးကို ပဲ့တင်ထပ်သွားစေတော့သည်။</p> <p>သူ ပေါ်ထွက်လာသည်ကို မြင်လိုက်ရသောအခါ ကျင့်ကြံသူ အားလုံးက ချက်ချင်းပင် အကြည့်ပို့‌လွှတ်လိုက်ကြ၏။</p> <p>အဖြူရောင် ဝတ်ရုံကို ဆင်မြန်းထားသူသည် ဟင်းလင်းပြင် ထဲတွင် မားမားမတ်မတ် ရပ်နေပြီး၊ အညစ်အကြေး ကင်းစင်သော  သေမျိုး လောကနှင့် ကင်းကွာပြီး ခန့်ညား ထည်ဝါလှသော အရှိန်အဝါ တစ်ခုကို ထုတ်လွှတ်နေ၏။</p> <p>အစစ်အမှန်သိုင်းကမ္ဘာ မှ လူဝင်စား ကျင့်ကြံသူ များ၏ မျက်လုံးများမှာ အထင်ကြီး လေးစားမှုများဖြင့် ချက်ချင်း တောက်ပသွားကြသော်လည်း၊ အခြားသူများမှာမူ အနည်းငယ် ဇဝေဇဝါ ဖြစ်နေကြပုံ ရ၏။</p> <p>နင်ချီ သည် အလွန်တရာ ငယ်ရွယ်လွန်းနေပြီး သူ၏ အမြန်နှုန်းမှာ အမှန်တကယ်ပင် အံ့မခန်း ဖြစ်သော်ငြားလည်း၊ သူ တကယ်ပဲ တိုက်ပွဲ အခြေအနေကို ပြောင်းပြန် လှန်ပစ်နိုင်ပါမည်လော။</p> <p>အထူးသဖြင့် နင်ချီ သည် လန်ယာ နယ်မြေ စစ်တပ်ကြီး၏ ဘက်တွင် ပေါ်လာခြင်း မဟုတ်ဘဲ၊ ချီပိုင်ရှို့ ၏ ခေါင်းပေါ်တွင် တိုက်ရိုက် ပေါ်လာခြင်း ဖြစ်ရာ... ၎င်းမှာ အနည်းငယ် မာနထောင်လွှားလွန်းရာ မကျဘူးလော။</p> <p>ကျူးယန့်ချွမ်း က ချက်ချင်း သတိပေးလိုက်သည်။</p> <p>“စီနီယာ... ကျွန်တော်တို့ လန်ယာ နယ်မြေ ဘက်ကို အခုချက်ချင်း လာခဲ့ပါ ခင်ဗျာ”</p> <p>နင်ချီ က ခေါင်းကို အနည်းငယ် ခါယမ်းလိုက်ပြီး တည်ငြိမ်စွာ ဆိုလိုက်၏။</p> <p>“မင်းတို့ စောစောက သစ္စာဆိုထားတာကို သေချာ မှတ်ထားကြ”</p> <p>ကျူးယန့်ချွမ်း နှင့် သူ၏ သူငယ်ချင်း နှစ်ဦး၊ ထို့အပြင် လန်ယာ နယ်မြေ စစ်တပ်ကြီး တစ်ခုလုံးမှာ ဆွံ့အ မှင်သက်သွားကြတော့သည်။</p> <p> </p> <p> </p> <p> </p> <p style="text-align: center;">***</p>


Save