Book List

<h2 style="text-align: center;">အခန်း (၇၇၁)</h2> <h2 style="text-align: center;">နယ်မြေအရှင်သခင် နှစ်ပါး</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>~စစ်ခုန်လန် နှင့် အခြားသူများသည် အသစ် ပေါ်ထွက်လာသော ဆုံမှတ်ပုလဲ ကို ငေးကြည့်နေကြရာ  မျက်လုံးများ အရောင်တောက်နေတော့၏။</p> <p>“နင်ချီ မှာ ဆုံမှတ် တွေရဲ့ တည်နေရာကို ရှာဖွေနိုင်တဲ့ သံလိုက်အိမ်မြှောင် တစ်ခု ရှိတယ်။ ဒီ ဆုံမှတ် ရှိနေတာကို သူ သေချာပေါက် အာရုံခံမိပြီး သူ့ရဲ့ စစ်တပ်ကို ဦးဆောင်လာမှာပဲ”</p> <p>စစ်ခုန်လန် နှင့် စီမာဖေး တို့သည် နင်ချီ ကို မည်သို့ ဖြေရှင်းရမည် ဆိုသည့် အသေးစိတ် အစီအစဉ်များကို ဆက်လက် ဆွေးနွေး တိုင်ပင်နေကြသည်။</p> <p>စီမာဖေး က ဆိုလိုက်သည်။</p> <p>“ဒီကို နယ်မြေများ ပင်လယ် က ကြမ်းကြုတ်သားရဲ တချို့ကို မျှားခေါ်လာမယ်။ ဖြစ်နိုင်ရင်တော့ ကျယ်ပြန့်သော ကမ္ဘာ က ကျင့်ကြံသူ တချို့ကိုပါ ခေါ်လာမယ်ဆိုရင်... ငါတို့ရဲ့ အစီအစဉ်က ပိုပြီးတော့တောင် သေချာသွားဦးမယ်ဗျ”</p> <p>ထိုစကားကို ကြားလိုက်ရသောအခါ လူတိုင်းက စစ်ခုန်လန် ကို အကြည့်ပို့‌လွှတ်လိုက်ကြပြီး သူ၏ အမိန့်ကို စောင့်ဆိုင်းနေကြ၏။</p> <p>စစ်ခုန်လန် က အမိန့်ပေးရန် ဟန်ပြင်လိုက်စဉ်မှာပင်... ပတ်ဝန်းကျင်မှ အလွန်တရာ ရုတ်တရက် ဆန်လှသော အသံတစ်ခု ထွက်ပေါ်လာတော့သည်။</p> <p>“ဒီနေရာမှာ အဓိက သော့ချက် တစ်ခု ပုန်းကွယ်နေလိမ့်မယ်လို့ ငါ လုံးဝ မထင်ထားခဲ့ဘူး”</p> <p>“ဘယ်သူလဲ”</p> <p>စစ်ခုန်လန် က ချက်ချင်း နောက်သို့ လှည့်ကြည့်လိုက်သော်လည်း မည်သူ့ကိုမျှ မတွေ့ရချေ။</p> <p>စီမာဖေး က ခြေလှမ်း အနည်းငယ် နောက်ဆုတ်လိုက်ပြီး ပတ်ဝန်းကျင်ကို သတိကြီးစွာဖြင့် အကဲခတ်လိုက်၏။ သူက လက်ဟန် တစ်ခုကို တိတ်တဆိတ် ရေးဆွဲလိုက်ပြီး သူ ယခုလေးတင် တည်ဆောက်ထားသော သတ်ဖြတ်ခြင်း အခင်းအကျင်း ကို အသက်သွင်းရန် ပြင်ဆင်လိုက်သည်။</p> <p>စိမ်းပြာ နက်ရှိုင်း အင်မော်တယ်ဂိုဏ်း စစ်တပ်ကြီးမှာလည်း ချက်ချင်းပင် တန်းစီ နေရာယူလိုက်ကြပြီး တိုက်ပွဲဝင်ရန် အသင့်ပြင်ထားလိုက်ကြတော့သည်။</p> <p>ထို တာအို အသံမှာ ဝေဝါးပြီး ဖမ်းဆုပ်ရ ခက်ခဲလှသဖြင့် သူတို့ အနေဖြင့် အသံလာရာ အရပ်ကို အတိအကျ မရှာဖွေနိုင်ကြချေ။</p> <p>စစ်ခုန်လန် ၏ ပထမဆုံး တုံ့ပြန်မှုမှာ “ဒုက္ခပဲ” ဟူ၍ ဖြစ်သည်။ နင်ချီ များ ရောက်လာတာလား။</p> <p>သို့သော် ယခင်က ကြားဖူးခဲ့သော အသံများနှင့် နှိုင်းယှဉ်ကြည့်လျှင် နင်ချီ ၏ အသံနှင့် လုံးဝ မတူညီချေ။</p> <p>စစ်ခုန်လန် က မေးလိုက်၏။</p> <p>“အရှင်က ဘယ်သူများလဲ ခင်ဗျာ။ စကားပြောလာမှတော့ ဘာလို့ ကိုယ်ထင် မပြတာလဲ”</p> <p>“ဟွန်း...”</p> <p>ထိုလူက ရုတ်တရက် အေးစက်စက် ရယ်လိုက်ပြီး လူအုပ်ကြီးကို လှောင်ပြောင်နေသည့်အလား ဆိုလိုက်၏။</p> <p>“ဘာလဲ... မင်းတို့က ငါနဲ့ တိုက်ချင်လို့လား”</p> <p>မည်သူမျှ ပြန်လည် မတုံ့ပြန်နိုင်သေးခင်မှာပင် ထိုလူက ဆက်ပြောလိုက်၏။</p> <p>“မင်းတို့ ခုလေးတင် တည်ဆောက်ထားတဲ့ သတ်ဖြတ်ခြင်း အခင်းအကျင်း နဲ့ ဒီ ပုရွက်ဆိတ် လို ကျင့်ကြံသူ တွေကို... ငါက လက်ဝါး တစ်ချက်တည်းနဲ့ မျိုးတုံးအောင် လုပ်ပစ်နိုင်တယ်။ မင်း ယုံလား”</p> <p>သူ၏ စကားများမှာ ပြင်းထန်လှသော ယုံကြည်မှုများဖြင့် ပြည့်နှက်နေပြီး အလွန်တရာ မာနထောင်လွှားကာ အထက်စီးဆန်လှ၏။</p> <p>ထိုစကားကို ကြားလိုက်ရသောအခါ စစ်ခုန်လန် နှင့် စီမာဖေး တို့မှာ ချွေးစေးများ ပြန်လာပြီး သူတို့၏ ရင်တွင်း၌လည်း တုန်လှုပ်သွားကြတော့သည်။</p> <p>တစ်ဖက်လူသည် သူတို့ ဤနေရာတွင် မည်မျှကြာအောင် ပုန်းအောင်းနေခဲ့သည် ဆိုတာကို အတိအကျ သိနေသည့်အပြင်၊ သတ်ဖြတ်ခြင်း အခင်းအကျင်း ကို မည်သို့ တည်ဆောက်ထားသနည်း ဆိုတာကိုပါ အသေးစိတ် သိရှိနေ၏။</p> <p>ဒါဆို တစ်ဖက်လူက သူတို့နဲ့အတူတူ ဒီကို ရောက်လာတာများလား။</p> <p>သူတို့၏ အသုံးအနှုန်းများကို ကြည့်ခြင်းအားဖြင့် တစ်ဖက်လူသည် ရန်သူ ဖြစ်သော ကျယ်ပြန့်သော ကမ္ဘာ မှ ကျင့်ကြံသူ တစ်ဦး ဖြစ်ရပေမည်။ သူက သူ့ကိုယ်သူ အထက်စီးမှ ပြောဆိုနေခြင်းကို ထောက်ရှုပါက သူ၏ အဆင့်အတန်းမှာလည်း အလွန်တရာ မြင့်မားလိမ့်မည် ဖြစ်၏။</p> <p>ပို၍ ကြောက်စရာ ကောင်းသည်မှာ တစ်ဖက်လူ စတင် စကားပြောချိန်မှစ၍ ယခုအချိန်အထိ သူတို့သည် ပတ်ဝန်းကျင် တစ်ဝိုက်ကို ဝိညာဉ်အာရုံများဖြင့် ဖြန့်ကျက် ရှာဖွေနေခဲ့သော်လည်း၊ တစ်ဖက်လူ၏ တည်နေရာကို လုံးဝ ရှာမတွေ့နိုင်သေးခြင်းပင် ဖြစ်သည်။</p> <p>တစ်ဖက်လူ၏ ကိုယ်ယောင်ဖျောက် စွမ်းရည်မှာ နင်ချီ ထက်ပင် ပို၍ အစွမ်းထက်နေလိမ့်မည် ထင်ရသည်။</p> <p>သေချာသည်မှာ... စစ်ခုန်လန် နှင့် အခြားသူများသည် နင်ချီ ကို ယခင်က တွေ့ဆုံခဲ့စဉ်က အခြေအနေကိုသာ သိရှိထားကြပြီး၊ နောက်ပိုင်းတွင် ဘာတွေ ဆက်ဖြစ်ခဲ့သည်ကို လုံးဝ မသိရှိကြချေ။</p> <p>“မင်းတို့ ပြန်မဖြေဘူး ဆိုတာ ငါပြောတဲ့ စကားကို မယုံဘူး ဆိုတဲ့ သဘောလား”</p> <p>ထိုစကားကို ကြားလိုက်ရသောအခါ စစ်ခုန်လန် မှာ လျင်မြန်စွာ တုံ့ပြန်လိုက်ပြီး ချက်ချင်းပင် ခပ်ပြုံးပြုံးဖြင့် လေပြေထိုးလိုက်၏။</p> <p>“အရှင် က ဘေးမှာ ပုန်းနေပြီး ကျွန်တော်တို့ ရှာလို့ မတွေ့နိုင်တဲ့အတွက်... အရှင့်ရဲ့ စကားကို ကျွန်တော်တို့ သေချာပေါက် ယုံကြည်ပါတယ် ခင်ဗျာ။ ဒါပေမဲ့ အရှင် က ကျွန်တော်တို့ကို တကယ်ပဲ မျိုးတုံး သတ်ပစ်ချင်တယ် ဆိုရင်တောင်... ကျွန်တော်တို့ ဘာကြောင့် သေရလဲ ဆိုတာကို သိနိုင်ဖို့အတွက် ကျေးဇူးပြုပြီး ကိုယ်ထင်ပြပါဦး ခင်ဗျာ”</p> <p>ထိုလူက ခေတ္တမျှ တုံ့ဆိုင်းသွားပြီးနောက် ရုတ်တရက် ရယ်လိုက်၏။</p> <p>“ကောင်းပြီလေ... မင်းတို့ကို မျက်စိမှိတ်ပြီး သေခွင့် ပေးလိုက်မယ်”</p> <p>စကားဆုံးသည်နှင့် တစ်ပြိုင်နက် လူတိုင်းက ဟင်းလင်းပြင် ထဲတွင် အလွန်တရာ အစွမ်းထက်လှသော အရှိန်အဝါ တစ်ခု ပေါ်ထွက်လာသည်ကို အာရုံခံမိလိုက်ကြ၏။</p> <p>လူတိုင်းက သူတို့ အာရုံခံမိသော နေရာကို တိုက်ခိုက်ရန် ပြင်ဆင်လိုက်ချိန်မှာပင်... မထင်မှတ်ထားလောက်အောင်ပင် ထို တာအို ချီ စွမ်းအင် ၏ အမြန်နှုန်းမှာ လျှပ်စီးအလား မြန်ဆန်လှ၏။ စစ်ခုန်လန် ၏ ကျောဘက်သို့ တည်နေရာ ရွှေ့ပြောင်းလာကာ သူ၏ နောက်စေ့ကို လက်ဝါးဖြင့် လှမ်းကိုင်လိုက်တော့၏။</p> <p>စစ်ခုန်လန် မှာ သူ၏ ကျောရိုး တစ်လျှောက်မှ နောက်စေ့အထိ စိမ့်တက်သွားသော အအေးဓာတ်ကြီး တစ်ခုကို ခံစားလိုက်ရ၏။ သူ လုံးဝ မလှုပ်ရဲတော့ဘဲ ချက်ချင်း အော်ဟစ်လိုက်တော့သည်။</p> <p>“ဘာမှ မလုပ်ကြနဲ့”</p> <p>စစ်ခုန်လန်နှင့် မလှမ်းမကမ်းတွင် ရှိနေသော စီမာဖေး မှာ သတ်ဖြတ်ခြင်း အခင်းအကျင်း ကို အသက်သွင်းရန် ပြင်ဆင်နေသော်လည်း၊ ထိုလူက သူ့ကို တစ်ချက် အကြည့်ပို့‌လွှတ်လိုက်ရုံဖြင့် ကျောက်ရုပ် တစ်ရုပ်အလား အေးခဲသွားတော့သည်။</p> <p>စီမာဖေး မှာ ရုတ်တရက် ကြောက်ရွံ့မှုများ တဟုန်ထိုး မြင့်တက်လာသည်ကို ခံစားလိုက်ရ၏။ သူက ထိုလူကို စူးစိုက်ကြည့်နေပြီး အသက်ရှူရန်ပင် မဝံ့ရဲတော့ချေ။</p> <p>စိမ်းပြာ နက်ရှိုင်း အင်မော်တယ်ဂိုဏ်း စစ်တပ်ကြီးမှာလည်း သူတို့၏ ခေါင်းဆောင် စစ်ခုန်လန် ဖမ်းဆီးခံလိုက်ရသည်ကို မြင်တွေ့လိုက်ရပြီး မတိုက်ခိုက်ရန် အော်ဟစ်လိုက်သံကို ကြားလိုက်ရသဖြင့် သဘာဝကျကျပင် လုံးဝ မလှုပ်ရှားရဲကြတော့ချေ။</p> <p>ထိုလူကို သူတို့ ဖမ်းနိုင်မဖမ်းနိုင် ဆိုသည်ကို မပြောနှင့်ဦး... စစ်ခုန်လန် မှာ တစ်ဖက်လူ၏ လက်ထဲတွင် ရှိနေသဖြင့် သူတို့ မည်သို့ပင် တိုက်ခိုက်စေကာမူ သူ့ကို မထိခိုက်စေရန် သတိထားနေရမည် မဟုတ်ပါလော။</p> <p>သို့သော် ယခုအခါတွင်တော့ တစ်ဖက်လူ၏ အစစ်အမှန် ရုပ်သွင်ကို သူတို့ နောက်ဆုံးတွင် မြင်တွေ့ခွင့် ရလိုက်ကြပြီ ဖြစ်သည်။</p> <p>တစ်ဖက်လူသည် အလွန်တရာ လှပ သေသပ်သော မှင်ပန်းချီကားများဖြင့် အလှဆင်ထားသည့် ခမ်းနား ထည်ဝါလှသော ဝတ်ရုံကြီးကို ဆင်မြန်းထား၏။</p> <p>သူသည် အရပ်ရှည်ပြီး သွယ်လျကာ၊ ချောမောသော မျက်နှာသွင်ပြင်နှင့် အနည်းငယ် မှေးကျဉ်းသော်လည်း အလွန် အသက်ဝင်သော မျက်လုံးများ ရှိနေ၏။</p> <p>စစ်ခုန်လန် မှာ သူ့ထံတွင် အဖမ်းခံထားရပြီး အလွန်တရာ ထိတ်လန့်ကာ ချွေးစေးများ ပြန်နေသော်ငြားလည်း မိမိကိုယ်ကို တည်ငြိမ်အောင် အတင်းအကျပ် ထိန်းချုပ်ထားလိုက်၏။</p> <p>သူက အတင်းအကျပ် ပြုံးကာ ဆက်လက်‌မေးလိုက်သည်။</p> <p>“အရှင် က ကျယ်ပြန့်သော ကမ္ဘာ မှာ ဘယ်လို အဆင့်အတန်းမျိုး ရှိလဲဆိုတာ သိခွင့်ပြုပါ ခင်ဗျာ။ အကယ်လို့ အရှင် က ကျွန်တော့်ကို သတ်ချင်တယ် ဆိုရင်တောင်... မသေခင်မှာ ကျွန်တော့်ကို ဘယ်သူ သတ်သွားလဲ ဆိုတာကိုတော့ သိခွင့်ပေးသင့်တယ် မဟုတ်လား”</p> <p>ထိုလူက စစ်ခုန်လန် ကို တစ်ချက် အကြည့်ပို့‌လွှတ်လိုက်ပြီး အနည်းငယ် သဘောကျသွားပုံ ရ၏။</p> <p>“ငါ့နာမည်က ခွမ်းရှန်းချင်း... ကျယ်ပြန့်သော ကမ္ဘာ က နတ်ဘုရား လေပြေ နယ်မြေ ရဲ့ နယ်မြေအရှင်သခင် ပဲ”</p> <p>ထိုအခါမှသာ လူတိုင်းက ထိုလူ၏ နောက်ခံနှင့် နာမည်ကို သိရှိသွားကြတော့သည်။ သူက သူ့ကိုယ်သူ နယ်မြေအရှင်သခင် ဟု ခေါ်ဆိုလိုက်သည်ကို ကြားလိုက်ရသောအခါ လူအများအပြားက နင်ချီ ကို ပြေးမြင်မိသွားကြ၏။</p> <p>သူတို့သည် ယခင်က ချီခယ်ချင်း ၏ စစ်တပ်နှင့် ပူးပေါင်းကာ နင်ချီ နှင့် တွေ့ဆုံခဲ့ဖူးပြီး နင်ချီ မှာ နက်ရှိုင်းသော သစ္စာတရား နယ်မြေ ၏ နယ်မြေအရှင်သခင် ဖြစ်ကြောင်း သိရှိထားကြသည် မဟုတ်ပါလော။</p> <p>သို့သော် နင်ချီ မှာ ဤတစ်ဖက်လူထက် များစွာ အားနည်းနေပုံ ရသည်။</p> <p>“ဪ... အရှင် က နတ်ဘုရား လေပြေ နယ်မြေ ရဲ့ နယ်မြေအရှင်သခင် ကိုး။ ကျယ်ပြန့်သော ကမ္ဘာ မှာ ဒီလို အစွမ်းထက်တဲ့ ပုဂ္ဂိုလ်မျိုး ရှိနေလိမ့်မယ်လို့ ကျွန်တော် လုံးဝ မထင်ထားခဲ့ဘူး။ ကျွန်တော်တို့ တောင်နဲ့ ပင်လယ် ကမ္ဘာ ကတော့ အများကြီး နိမ့်ကျနေပါသေးတယ် ခင်ဗျာ”</p> <p> </p> <p> </p> <p> </p> <p style="text-align: center;">***</p>


Save