Book List

<h2 style="text-align:center">အခန်း (၇၇၄)</h2> <h2 style="text-align:center">တည်နေရာ ရွှေ့ပြောင်းခြင်း စစ်တပ်</h2> <h2 style="text-align:center">*</h2> <p> </p> <p> </p> <p> </p> <p>~ချီခယ်ချင်းက သူမ၏ စစ်တပ်ကြီးကို တစ်ချက် စစ်ဆေးလိုက်သည်။</p> <p>ဤသည်မှာ သူတို့ နက်ရှိုင်းသော သစ္စာတရား နယ်မြေ စစ်တပ်ကြီးနှင့် လမ်းခွဲခဲ့ပြီးနောက် ဒုတိယမြောက် သိမ်းပိုက်နိုင်ခဲ့သော ဆုံမှတ် ပင် ဖြစ်ချေသည်။</p> <p>ဆုံမှတ် နှစ်ခုကို ဆက်တိုက် သိမ်းပိုက်နိုင်ခဲ့ပြီးနောက်၊ တောင်နှင့် ပင်လယ် ကမ္ဘာ့ဆန္ဒတော် က ဆင်းသက်လာကာ စည်းမျဉ်း အပိုင်းအစ အများအပြားကို ဆုလာဘ်အဖြစ် ချီးမြှင့်ပေးအပ်ခဲ့၏။</p> <p>ချီခယ်ချင်း က လူအုပ်ကြီးကို အကြည့်ပို့‌လွှတ်ကာ ဆိုလိုက်၏။</p> <p>"ငါ ..အားလုံးနဲ့ တိုင်ပင်စရာ တစ်ခု ရှိတယ်"</p> <p>"စီနီယာအစ်မကြီး ချီ... ပြောပါ ရှင်" ဟု လူတိုင်းက ချက်ချင်း ပြန်ဖြေလိုက်ကြသည်။</p> <p>အဓိက အချက်အချာကျသော ဆုံမှတ် နှစ်ခုကို ဆက်တိုက် သိမ်းပိုက်နိုင်ခဲ့သဖြင့် သူတို့ တစ်ယောက်စီတိုင်း၏ မျက်နှာပေါ်တွင် ပျော်ရွှင်မှုများဖြင့် ဝင်းပနေကြ၏။</p> <p>နင်ချီ ပေးအပ်ခဲ့သော သံလိုက်အိမ်မြှောင် ကြောင့် သူတို့သည် စစ်မြေပြင်နယ်မြေ အတွင်း၌ ဆုံမှတ် များကို ရှာဖွေရန် ခေါင်းပြတ်နေသော ယင်ကောင်များအလား လမ်းပျောက်နေရန် မလိုတော့ချေ။</p> <p>ဒါက အချိန်များစွာကို သက်သာစေရုံသာမက ကြီးမားသော ဆုလာဘ်များကိုပါ လျင်မြန်စွာ ရရှိစေနိုင်သည် မဟုတ်ပါလော။</p> <p>ဤအချက်ကို ထည့်သွင်း စဉ်းစားကာ ချီခယ်ချင်း က ဆိုလိုက်သည်။</p> <p>"အရှင်သခင် နင် က.. ငါတို့ကို ကယ်တင်ခဲ့ဖူးတဲ့အပြင်... ဆုံမှတ် တွေကို ရှာဖွေနိုင်တဲ့ သံလိုက်အိမ်မြှောင် ကိုပါ ပေးခဲ့တာလေ။ သူက ငါတို့ကို သိမ်းပိုက်နိုင်တဲ့ ဆုံမှတ် တွေရဲ့ ဆုလာဘ် အားလုံးကို ယူထားလို့ ရတယ် ပြောခဲ့ပေမဲ့... ငါ အဆိုပြုချင်တာကတော့ ငါတို့ ဘယ်လောက်ပဲ ဆုံမှတ် တွေကို သိမ်းပိုက်နိုင်ပါစေ... ရရှိတဲ့ အကျိုးအမြတ်ရဲ့ (၂၀) ရာခိုင်နှုန်းကို အရှင်သခင် နင် ဆီ ပြန်လည် ပေးအပ်သင့်တယ်လို့ ထင်တယ်။ အားလုံး ဘယ်လို သဘောရကြလဲ"</p> <p>ထိုစကားကို ကြားလိုက်ရသောအခါ လူတိုင်းမှာ ခေတ္တမျှ တိတ်ဆိတ်သွားကြတော့၏။</p> <p>သူတို့ထဲမှ အချို့က သဘောတူကြသော်လည်း အချို့ကမူ သဘောမတူကြချေ</p> <p>ရိုးရိုးသားသား ပြောရမည် ဆိုလျှင်၊ သူတို့ ရရှိလာသော အကျိုးအမြတ်၏ (၂၀) ရာခိုင်နှုန်းကို နင်ချီ ထံသို့ ပေးအပ်ရမည် ဆိုသည်ကို လူတိုင်းက အနည်းငယ် နှမြောနေကြသည်မှာ အမှန်ပင်။</p> <p>အဓိက ပြဿနာမှာ သူတို့တွင် လူအရေအတွက် အလွန် များပြားနေခြင်းပါ။</p> <p> အကယ်၍ ရရှိလာသော အကျိုးအမြတ်၏ (၂၀) ရာခိုင်နှုန်းကို လူတိုင်းက ခွဲဝေယူကြမည် ဆိုပါက တစ်ယောက်အတွက် များများစားစား မရပါချေ။ သို့သော် ထို (၂၀) ရာခိုင်နှုန်းကို ဖယ်ထုတ်လိုက်မည် ဆိုပါက၊ တစ်ယောက်စီ ရရှိမည့် ပမာဏမှာ ပို၍ပင် နည်းပါးသွားတော့မည် မဟုတ်ပါလော။</p> <p>ထို့ကြောင့် လူတိုင်းက ပြန်လည် ဖြေကြားရန် တွန့်ဆုတ်နေကြခြင်းမှာ နားလည်ပေးနိုင်စရာ ရှိလှ၏။</p> <p>စစ်တပ်ကြီး အတွင်း၌ တာအိုဆရာ လုံရှန်း နှင့် ယဲ့ချင်းဟယ် တို့က တိတ်တဆိတ် အသံလွှင့် ဆက်သွယ်နေကြသည်။</p> <p>"ဆရာ... စီနီယာအစ်မကြီး ချီ ကို ဆရာ ဘယ်လိုမြင်လဲ" ဟု ယဲ့ချင်းဟယ် က မေးလိုက်၏။</p> <p>တာအိုဆရာ လုံရှန်း က အနည်းငယ် ခေါင်းညိတ်ပြလိုက်ပြီး ပြန်ဖြေလိုက်သည်။</p> <p>"ဒီမိန်းကလေးက ကိုးလေး ဆီကနေ အကျိုးအမြတ်တွေ ရထားပေမဲ့... ကိုးလေး ကို ပြန်လည် ကျေးဇူးဆပ်ဖို့ တွေးနေသေးတာပဲ။ သူ့ရဲ့ စိတ်နေသဘောထားက တော်တော်လေး ကောင်းမွန်တာပဲ"</p> <p>ယဲ့ချင်းဟယ် က ချိုမြစွာ ရယ်လိုက်ပြီး အကြံပြုလိုက်၏။</p> <p>"ဆရာက စီနီယာအစ်မကြီး ချီ ကို တပည့်အဖြစ် လက်ခံလိုက်ရင် မကောင်းဘူးလား။ သူက အရမ်းလည်း တော်တယ်ဆိုတော့... ဂျူနီယာ မောင်လေး နင် အတွက် သေချာပေါက် အများကြီး အကူအညီ ပေးနိုင်လိမ့်မယ် နော့"</p> <p>တာအိုဆရာ လုံရှန်း ၏ မျက်နှာမှာ နီမြန်းသွားပြီး ဒေါသတကြီး ကြိမ်းမောင်းလိုက်တော့သည်။</p> <p>"မင်း. . အရိုက်ခံချင်နေတာလား။ ဆရာ့ကိုများ ဒီလို နောက်ရဲတယ်ပေါ့လေ"</p> <p>ယဲ့ချင်းဟယ် က ရယ်လိုက်ပြီး သူမ၏ လှပသော မျက်လုံးများက လူအုပ်ကြီးကို တစ်ချက် မျက်လုံးကစားလိုက်ကာ သူတို့၏ တုံ့ပြန်မှုများကို တိတ်တဆိတ် မှတ်သားထားလိုက်၏။</p> <p>"ဆရာ... သူတို့ကို ကြည့်ရတာ ဂျူနီယာ မောင်လေး နင် ကို သူတို့ရတဲ့ အကျိုးအမြတ်ရဲ့ (၂၀) ရာခိုင်နှုန်းကိုတောင် မပေးချင်ကြဘူး ထင်တယ်"</p> <p>တာအိုဆရာ လုံရှန်း ၏ မျက်နှာသွင်ပြင်မှာ လုံးဝ ပြောင်းလဲမသွားချေ။</p> <p>"ကိုးလေး က ဒါတွေကို လုံးဝ မလိုချင်ပါဘူး။ သူက အစကတည်းက ဒါတွေကို ယူဖို့ ရည်ရွယ်ချက် မရှိခဲ့ဘူးလေ။ ဒါပေမဲ့ အကယ်လို့ သူတို့ကသာ တကယ်ပဲ ပေးမယ် ဆိုရင်... နောက်ဆုံးမှာ သူတို့က ပိုပြီးတော့တောင် အကျိုးအမြတ် ရသွားလိမ့်မယ်။ ကိုးလေးကသာ အရှုံးပေါ်သွားမယ့် သူပါ"</p> <p>ယဲ့ချင်းဟယ် က ထောက်ခံလိုက်သည်။</p> <p>"အဲဒါတော့ သေချာတာပေါ့။ ဂျူနီယာ မောင်လေး နင် က တခြားသူတွေကို အမြဲတမ်း အကောင်းဆုံး ဆက်ဆံလေ့ရှိတဲ့ သူပဲ။ သူ့ဆီကနေ ကျွန်မတို့ ရထားတဲ့ အရာတွေက ကျွန်မတို့ ပြန်ပေးခဲ့တဲ့ အရာတွေထက် အဆပေါင်းများစွာ ပိုမို သာလွန်ပါတယ်"</p> <p>သူတို့ နှစ်ဦးသည် ပေါ့ပေါ့ပါးပါး စကားပြောနေကြပြီး အခြားသူများ၏ ရွေးချယ်မှုများကို သိပ်ပြီး ဂရုမစိုက်ကြချေ။</p> <p>အမှန်တကယ်တော့ သူတို့သည် ချီခယ်ချင်း ကို ပို၍ပင် သဘောကျလာကြ၏။ ချီခယ်ချင်း ၏ စိတ်နေသဘောထားမှာ အမှန်တကယ်ပင် အပြစ်ပြောစရာ မရှိချေ။</p> <p>သူမသည် ဤကိစ္စကို ယခု အချိန်တွင် စတင် ပြောဆိုခြင်းမှာ လူတိုင်းကို သေချာ စဉ်းစားဆုံးဖြတ်ရန် အချိန် အလုံအလောက် ပေးလိုသောကြောင့် ဖြစ်၏။ သူမသည် နင်ချီ နှင့် နောက်တစ်ကြိမ် ပြန်လည် တွေ့ဆုံချိန်မှ ထုတ်ပြောခြင်း မပြုခဲ့ချေ။ ဤသည်မှာ များစွာ ပိုမို ကောင်းမွန်သော ချဉ်းကပ်မှု တစ်ခု ဖြစ်၏။</p> <p>ချီခယ်ချင်း သည် နင်ချီ ကို အမှန်တကယ် ကျေးဇူးတင်လိုကြောင်း ထင်ရှားလှ၏။</p> <p>ရှေ့ဘက်တွင် ချီခယ်ချင်း က လူအုပ်ကြီးကို အတင်းအကျပ် ဖိအားမပေးခဲ့ချေ။ သူမက ဆိုလိုက်၏။</p> <p>"မင်းတို့ကို အတင်းအကျပ် မတောင်းဆိုပါဘူး။ ဒါကို အကြံပြုချက် တစ်ခု အနေနဲ့ပဲ သဘောထားလိုက်ပါ။ ဖြည်းဖြည်းချင်း စဉ်းစားကြပေါ့။ ဒါပေမဲ့ အရှင်သခင် နင် နဲ့ နောက်တစ်ခါ ပြန်တွေ့တဲ့ အခါကျရင်တော့... ငါ့ကို သေချာပေါက် အဖြေတစ်ခု ပေးရမယ်နော်"</p> <p>သူမက နင်ချီ ပေးအပ်ခဲ့သော ဝိညာဉ်ပျံသန်း ရှာဖွေရေး သံလိုက်အိမ်မြှောင် ကို ထုတ်ယူလိုက်ပြီး သူမ၏ ဝိညာဉ်စွမ်းအားများကို သွင်းနှံလိုက်ရာ၊ ချက်ချင်းပင် သံလိုက်အိမ်မြှောင်ပေါ်ရှိ အပ်တံလေးက တဝီဝီ မြည်လျက် လှည့်ပတ်သွားတော့သည်။</p> <p>နောက်ဆုံးတွင် သံလိုက်အိမ်မြှောင် အပ်တံလေးက အနောက်တောင် အရပ်ဆီသို့ ညွှန်ပြသွားသည်ကို ချီခယ်ချင်း တွေ့လိုက်ရ၏။</p> <p>ချီခယ်ချင်း က ရုတ်တရက် လက်ကို ဝှေ့ယမ်းလိုက်ပြီး ဆိုလိုက်သည်။</p> <p>"တပ်ဖွဲ့အားလုံး အမိန့်ကို နားထောင်... အနောက်တောင် အရပ်ကို ချီတက်ကြ"</p> <p>ဖူယောင် နယ်မြေ စစ်တပ်ကြီးက ချက်ချင်းပင် ပြိုင်တူ ပြန်လည် ဖြေကြားလိုက်ကြသည်။</p> <p>"ဟုတ်ကဲ့"</p> <p>ယခုအခါတွင် သူတို့သည် နင်ချီ က နက်ရှိုင်းသော သစ္စာတရား နယ်မြေ စစ်တပ်ကြီးကို မည်သို့မည်ပုံ ဦးဆောင် တိုက်ခိုက်ခဲ့သနည်း ဆိုသည်ကို မျက်မြင်ကိုယ်တွေ့ ကြုံတွေ့ခဲ့ရပြီးနောက်၊ သူ၏ နည်းလမ်းများကို စတင် အတုခိုးလာကြတော့၏။</p> <p>ပထမဆုံး အနေဖြင့် သံလိုက်အိမ်မြှောင် ကို အသုံးပြု၍ ဆုံမှတ် ၏ တည်နေရာကို အတိအကျ ရှာဖွေရမည်။ ထို့နောက် စစ်တပ်ကြီး၏ သတင်းအချက်အလက်များကို အပြည့်အဝ ဖုံးကွယ်ထားပြီးမှ ဆုံမှတ် ဆီသို့ ဦးတည် ချီတက်ရမည် ဖြစ်သည်။</p> <p>လေပြင်းများက ချီခယ်ချင်း ၏ နားရွက်များကို ဖြတ်သန်း တိုက်ခတ်သွားပြီး သူမ၏ ဆံပင်ရှည်ကြီးများကို လွင့်ဝဲသွားစေ၏။</p> <p>သူမသည် လေပြင်းများကို ကာကွယ်ရန် မှော်အကာကွယ်လွှာများ အသုံးပြုရသည်ကို မနှစ်သက်ချေ။</p> <p>ထိုအစား လေတိုက်ခံရသည်ကိုသာ ပို၍ သဘောကျ၏။</p> <p>အကြောင်းမူကား ၎င်းက သူမကို မုန်တိုင်းများကို ရင်ကော့ကာ ထိပ်တိုက် ရင်ဆိုင်နေရသကဲ့သို့ ခံစားရစေသောကြောင့်ပင်။</p> <p> </p> <p> </p> <p> </p> <p> </p> <p> </p> <p style="text-align:center">***</p>


Save