Book List

<h2 style="text-align: center;">အခန်း (၇၇၆)</h2> <h2 style="text-align: center;">တည်နေရာ ရွှေ့ပြောင်းခြင်း စစ်တပ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>~'ဘာတွေ ဖြစ်ကုန်တာလဲ။ တာအို အရ သူတို့က ငါတို့ကို တွေ့သွားပြီလား'</p> <p>အောက်ဘက်မှနေ၍ စစ်ခုန်လန် က ကျယ်လောင်စွာ ရယ်လိုက်၏။</p> <p>"ချီခယ်ချင်း... မင်းက ဒီကို အရင်ဆုံး ရောက်လာမယ့်သူ ဖြစ်နေလိမ့်မယ်လို့ ငါ လုံးဝ မထင်ထားခဲ့ဘူး။ ဖူယောင် နယ်မြေ က လူတွေ အားလုံး... ကိုယ်ထင်ပြလိုက်ဖို့ ငါ အကြံပေးချင်တယ်။ မဟုတ်ရင် ငါ သတိမပေးဘူးလို့ မပြောနဲ့နော်"</p> <p>သူက ယုံကြည်မှု အပြည့်ဖြင့် ရယ်နေသော်ငြားလည်း၊ ချီခယ်ချင်း နှင့် အခြားသူများက သူ၏ ရယ်သံထဲတွင် မလုံခြုံမှု အရိပ်အယောင် အချို့ကို အာရုံခံမိလိုက်ကြပြီး တစ်ခဏမျှ ဇဝေဇဝါ ဖြစ်သွားကြရ၏။</p> <p>"စီနီယာအစ်မကြီး ချီ... ကျွန်တော်တို့ ဘယ်လို လုပ်ကြမလဲ" ဟု လူတစ်ယောက်က မေးလိုက်သည်။</p> <p>ချီခယ်ချင်း က စကားကို ဝေ့ဝိုက် မနေတော့ချေ။ သူမက ပြတ်သားစွာ ကြေညာလိုက်၏။</p> <p>"ငါတို့ကို တွေ့သွားမှတော့ ကိုယ်ထင်ပြလိုက်ကြတာပေါ့... သူ တကယ် ဘာကြံစည်နေလဲ ဆိုတာ ကြည့်ကြသေးတာပေါ့"</p> <p>အောက်ဘက်ရှိ စစ်ခုန်လန် အပါအဝင် လူအရေအတွက်မှာ သူတို့ ခွဲထွက်သွားစဉ်က အရေအတွက်နှင့် အတူတူပင် ဖြစ်ကြောင်း သူမ ယခင်ကတည်းက ခန့်မှန်း တွက်ချက်ထားခဲ့ပြီး ဖြစ်သည်။</p> <p>သူမတို့က တစ်ဖက်လူကို ဝန်းရံ ပိတ်ဆို့ထားပြီးပြီ မဟုတ်ပါလော။ သူမတို့ကို တွေ့သွားလျှင်တောင် တစ်ဖက်လူက ထွက်ပြေးလွတ်မြောက်သွားမှာကို တကယ်ကြီး ကြောက်နေရဦးမည်လော။</p> <p>ထို့ကြောင့် ချီခယ်ချင်း နှင့် အခြားသူများမှာ ဟင်းလင်းပြင် ထဲတွင် ကိုယ်ထင် ပြလိုက်ကြတော့၏။</p> <p>စစ်တပ်ကြီးမှာ စက်ဝိုင်းပုံ ဖွဲ့စည်းထားပြီး လေထဲတွင် မြင့်မားစွာ လွင့်မျောနေကာ အောက်ဘက်ရှိ လူအုပ်ကြီးကို စီးမိုးကြည့်နေကြသည်။</p> <p>စစ်တပ်ကြီး နှစ်ခု၏ လူအရေအတွက် အချိုးအစားမှာ လေးဆ တစ်ဆ ဖြစ်နေရာ... သူတို့ အနေဖြင့် မည်သည့် ရှုထောင့်မှ ကြည့်ကြည့် အပြတ်အသတ် အသာစီး ရနေတော့၏။</p> <p>ချီခယ်ချင်း က စစ်ခုန်လန် ကို စူးစိုက်ကြည့်လိုက်၏။</p> <p> </p> <p>စစ်ခုန်လန်က.. ထွက်မပြေးသလို လှုပ်ရှား တိုက်ခိုက်ခြင်းလည်း မရှိသည်ကို တွေ့လိုက်ရသဖြင့် သူမ… မျက်မှောင် အနည်းငယ် ကြုတ်သွားပြီး... ဘာတွေ ဖြစ်နေသနည်း ဆိုသည်ကို စဉ်းစား၍ မရအောင် ဖြစ်နေတော့သည်။</p> <p>ချီခယ်ချင်း၏ ခေါင်းထဲတွင် အတွေးများစွာ ဖြတ်ပြေးသွားပြီးနောက်... 'ဒီနေရာမှာ ကြောက်စရာကောင်းတဲ့ သက်ရှိ တစ်ခုခုများ ရှိနေလို့လား' ဟု တိတ်တဆိတ် တွေးလိုက်မိ၏။</p> <p>သို့သော် အပြင်ပန်းတွင်မူ ချီခယ်ချင်း က စစ်ခုန်လန် ကို လှမ်း၍ မေးလိုက်သည်။</p> <p>"စစ်ခုန်လန်... ခုနက မင်း ပြောတဲ့ စကားက ဘာအဓိပ္ပာယ်လဲ"</p> <p>သို့သော် စစ်ခုန်လန် မှာမူ မှော်ဝင်နေသည့်အလား လုံးဝ တိတ်ဆိတ် ငြိမ်သက်နေ၏။</p> <p>ချီခယ်ချင်း.. ဝိညာဉ်အာရုံကို ဖြန့်ကျက်ကာ ပတ်ဝန်းကျင် တစ်ဝိုက်ကို အသေအချာ စူးစမ်းလိုက်သော်လည်း၊ စစ်ခုန်လန် နှင့် သူ၏ လူများမှလွဲ၍ အခြား မည်သည့်အရာကိုမျှ အာရုံမခံနိုင်ခဲ့ချေ။</p> <p>"ဒါက ဘာအဓိပ္ပာယ်လဲ ဆိုတာ မင်းကို ငါ ပြောပြမယ်"</p> <p>အေးစက်ပြီး ကြည်လင်ပြတ်သားလှသော အသံတစ်ခုက  ရုတ်တရက် စူးရှစွာ.. ပဲ့တင်ထပ်သွားသော်လည်း၊ ၎င်း၏ အရင်းအမြစ်ကိုမူ လုံးဝ ရှာဖွေ၍ မရနိုင်ခဲ့ချေ။</p> <p>ထိုအသံနှင့်အတူ ဟင်းလင်းပြင် လေပြင်းများ တိုက်ခတ်လာပြီး လေဖိအားများက သူတို့အပေါ်သို့ ဖိကျလာရာ၊ မျက်စိတစ်မှိတ် အတွင်းမှာပင် ချီခယ်ချင်း နှင့် အခြားသူများမှာ ခါးဆန့်၍ မရနိုင်လောက်အောင်၊ ခေါင်းမော့၍ မရနိုင်လောက်အောင် အပြင်းအထန် ဖိနှိပ်ခံလိုက်ရတော့သည်။</p> <p>သူတို့သည် ကောင်းကင်ယံမှနေ၍ ဖက်ထုပ်များအလား ပြုတ်ကျသွားကြပြီး မြေကြီးပေါ်သို့ တစ်ပြိုင်နက်တည်း ပြုတ်ကျသွားကြ၏။</p> <p>စကားတစ်ခွန်းတည်းဖြင့် ဤမျှ ကြောက်မက်ဖွယ်ကောင်းသော စွမ်းအားကို သယ်ဆောင်လာနိုင်သည်ပေါ့လေ။</p> <p>ချီခယ်ချင်း နှင့် အခြားသူများမှာ အကြောက်တရားများဖြင့် ပြည့်နှက်သွားကြပြီး၊ ဤခံစားချက်က သူတို့ ယခင်က ကြုံတွေ့ခဲ့ဖူးသော လင်းချင်း နယ်မြေအရှင်သခင် ချီရွှင် နှင့် သူ့ကို သတ်ဖြတ်ခဲ့သော နင်ချီ တို့ကို ချက်ချင်း ပြန်လည် သတိရသွားစေတော့သည်။</p> <p>'ဒီနေရာမှာ နယ်မြေအရှင်သခင် အဆင့်ရှိတဲ့ သိုင်းပညာရှင် တစ်ယောက် ရှိနေတာပဲ'</p> <p>ထိုအတွေးက လူတိုင်း၏ ခေါင်းထဲတွင် ပေါ်လာပြီးနောက်၊ စစ်ခုန်လန် ၏ ယခင်က အပြုအမူများ ဘာကြောင့် ဤမျှ ထူးဆန်းနေခဲ့ရသနည်း ဆိုသည်ကို နောက်ဆုံးတွင် သဘောပေါက်သွားကြတော့သည်။</p> <p>စစ်ခုန်လန် မှာ ကျယ်ပြန့်သော ကမ္ဘာ ၏ အရှင်သခင် ထံတွင် အဖမ်းခံထားရပြီးသား ဖြစ်နေတာကိုး။</p> <p>လခွမ်း... စစ်ခုန်လန် ဆိုတဲ့ ခွေးကောင်... ရန်သူ့ လက်ထဲ ရောက်သွားတာတောင် ပြန်မတိုက်ဘဲနဲ့... ငါတို့ကို ဒီကို ရောက်လာအောင် မျှားခေါ်ဖို့ နယ်မြေများ ပင်လယ် က ကြမ်းကြုတ်သားရဲတွေနဲ့ တိုက်နေသလို ဟန်ဆောင်နေခဲ့တာပေါ့လေ။</p> <p>ငါတို့တွေ အဲဒီ လူယုတ်မာရဲ့ လှည့်စားတာကို ထပ်ခံလိုက်ရပြန်ပြီပဲ။</p> <p>လူတိုင်းက ဒေါသတကြီးဖြင့် စစ်ခုန်လန် နှင့် အခြားသူများကို စူးစူးရဲရဲ စိုက်ကြည့်လိုက်ကြ၏။</p> <p>အခြားလူ အများအပြားမှာမူ သူတို့၏ အကြည့်များကို ရင်မဆိုင်ဝံ့ကြဘဲ ခေါင်းများကို ငုံ့ထားကြရာ... အလွန်တရာ ရှက်ရွံ့နေကြပုံ ရသည်။</p> <p>စစ်ခုန်လန် အပါအဝင် အချို့သော လူများကမူ ချီခယ်ချင်း ၏ အကြည့်ကို လုံးဝ ဂရုမစိုက်ကြချေ။ ထိုအစား သူတို့၏ မျက်နှာများပေါ်တွင် ကျေနပ် အားရမှုများနှင့် သူတစ်ပါး ဒုက္ခရောက်သည်ကို ဝမ်းသာနေသော အမူအရာများ ပေါ်လွင်နေ၏။</p> <p>‘ငါတို့ သေရမယ် ဆိုရင်တောင်မှ အဖော် တချို့ကို ခေါ်သွားနိုင်ဦးမှာပဲ... တူညီတဲ့ နယ်မြေက ကျင့်ကြံသူ တွေ ဖြစ်နေရင်တောင်မှ ဘာအရေးလဲ။’</p> <p>စစ်ခုန်လန် ၏ သဘာဝကျလှသော အမူအရာက ချီခယ်ချင်း နှင့် အခြားသူများကို ရူးသွပ်သွားလုမတတ် ဖြစ်သွားစေတော့သည်။</p> <p>အကယ်၍ အကြည့်များဖြင့်သာ လူသတ်နိုင်မည် ဆိုပါက... စစ်ခုန်လန် မှာ အပိုင်းပိုင်း အစစ အဆွဲဖြဲခံရပြီး သေဆုံးနေသည်မှာ ကြာလှပြီတည်း။</p> <p>ချီခယ်ချင်း က စစ်ခုန်လန် ကို ဆက်လက် မကြည့်တော့ဘဲ ကောင်းကင်ယံသို့သာ မော့ကြည့်လိုက်၏။</p> <p>ကောင်းကင်ယံ အထက်တွင် ရိုးရာ မှင်ပန်းချီကားများဖြင့် အလှဆင်ထားသော ဝတ်ရုံကို ဆင်မြန်းထားသည့် လူတစ်ယောက်မှာ ပြိုင်ဘက်ကင်း ကျက်သရေ ရှိစွာဖြင့် ရပ်တည်နေသည်။</p> <p>ထိုသူသည် အရပ်ရှည်ပြီး သွယ်လျကာ ချောမောသော မျက်နှာသွင်ပြင် ရှိပြီး၊ အောက်ဘက်ရှိ လူအုပ်ကြီးကို ငုံ့ကြည့်နေ၏။ သူ၏ အနည်းငယ် ကျဉ်းမြောင်းသော မျက်လုံးများထဲတွင် မာနထောင်လွှားသော အမူအရာများ အမှတ်တမဲ့ ပေါ်လွင်နေသည်။</p> <p>ချီခယ်ချင်း က ယခင်က ဤနေရာတွင် ပြိုင်ဘက်ကင်း ကြမ်းကြုတ်သားရဲ တစ်ကောင်ကောင် ရှိနေလိမ့်မည်ဟု ထင်မှတ်ထားခဲ့သော်လည်း... ကျယ်ပြန့်သော ကမ္ဘာ မှ နယ်မြေအရှင်သခင် တစ်ပါး ဖြစ်နေလိမ့်မည်ဟု လုံးဝ မထင်မှတ်ထားခဲ့ချေ။</p> <p>သူမက နင်ချီ ပေးအပ်ထားသော သံလိုက်အိမ်မြှောင် ကို ကိုင်ထားရင်း အပ်တံလေးကို တိတ်ဆိတ်စွာ လှည့်လိုက်ပြီး သတင်းစကား တစ်ခုကို ချက်ချင်း ပေးပို့လိုက်၏။</p> <p>"အရှင်သခင် နင်... ကျွန်မတို့ ကျယ်ပြန့်သော ကမ္ဘာ ရဲ့ နယ်မြေအရှင်သခင် နဲ့ ထိပ်တိုက် တိုးနေပါတယ်။ ကျေးဇူးပြုပြီး ကျွန်မတို့ကို ကယ်တင်ပေးပါ ရှင်"</p> <p>နင်ချီ က သံလိုက်အိမ်မြှောင် ကို ပေးအပ်ခဲ့စဉ်က... သူတို့ အန္တရာယ်နှင့် ကြုံတွေ့ပါက တစ်ကြိမ် ကူညီပေးမည်ဟု ပြောခဲ့သည် မဟုတ်ပါလော။</p> <p>ထို့အပြင် ဤ သံလိုက်အိမ်မြှောင် ကို နင်ချီ ကိုယ်တိုင် ဖန်တီးထားခြင်း ဖြစ်ရာ၊ စစ်မြေပြင်နယ်မြေ အတွင်း၌ မည်မျှပင် ဝေးကွာနေပါစေ သူ့ကို ဆက်သွယ်နိုင်စွမ်း ရှိ၏။</p> <p>ချီခယ်ချင်း မသိရှိခဲ့သော အချက်တစ်ခုမှာ... စစ်ခုန်လန် ၏ စစ်တပ်အတွင်း၌ အစစ်အမှန်သိုင်းကမ္ဘာ မှ အဖွဲ့ဝင် အများအပြား ပါဝင်နေပြီး၊ ထို ကျင့်ကြံသူ များက ကမ္ဘာ့အရှင်သခင် နင်ချီ ထံသို့ သတင်းစကား ပေးပို့ပြီး ဖြစ်ကြောင်းပင်။</p> <p>သို့သော် သူတို့သည် သတင်းစကား ပေးပို့ရန် ဆက်သွယ်ရေး ကျောက်စိမ်းပြား ကိုသာ အသုံးပြုခဲ့ကြခြင်း ဖြစ်ရာ၊ ၎င်းမှာ ဤ စစ်မြေပြင်နယ်မြေ အတွင်း၌ နင်ချီ ဖန်တီးထားသော သံလိုက်အိမ်မြှောင် လောက် လျင်မြန် ထိရောက်မှု မရှိသော အခြေခံ နည်းလမ်းတစ်ခုသာ ဖြစ်သည်။</p> <p>ချီခယ်ချင်း က သတင်းစကားကို ပေးပို့လိုက်ပြီးနောက်၊ တည်ငြိမ်ပြီး ကြောက်ရွံ့မှု ကင်းမဲ့သော အမူအရာဖြင့် မေးလိုက်၏။</p> <p>"အရှင် က ဘယ်သူများလဲ.. ကျွန်မတို့ကို ဒီမှာ လာပိတ်လှောင်ထားတာ ဘာရည်ရွယ်ချက် ရှိလို့လဲ"</p> <p>ခွမ်းရှန်းချင်း က ရုတ်တရက် လက်ကို လှမ်းဆွဲလိုက်ရာ၊ ချီခယ်ချင်း သိမ်းဆည်းရန် အချိန်မရလိုက်သော သံလိုက်အိမ်မြှောင် မှာ မျက်စိတစ်မှိတ် အတွင်း သူ၏ လက်ထဲသို့ ရောက်ရှိသွားတော့သည်။</p> <p>ချီခယ်ချင်း မှာ အလွန်တရာ အခြေအနေ ဆိုးရွားသွားတော့၏။</p> <p>တစ်ဖက်လူသည် သံလိုက်အိမ်မြှောင် ကို အပြည့်အဝ စိတ်ဝင်စားနေပြီး သူမ၏ မေးခွန်းကို ပြန်လည် ဖြေကြားရန် ရည်ရွယ်ချက် လုံးဝ မရှိချေ။</p> <p>"ဟွန်း... စစ်ခုန်လန်... ဒါက မင်းပြောတဲ့ ဆုံမှတ် တွေရဲ့ တည်နေရာကို ရှာဖွေနိုင်တယ် ဆိုတဲ့ သံလိုက်အိမ်မြှောင် လား"</p> <p> </p> <p>စစ်ခုန်လန် သည် ခွမ်းရှန်းချင်း ပေါ်လာသည်ကို မြင်လိုက်ရသောအခါ သူ၏ မျက်နှာသွင်ပြင် လျင်မြန်စွာ ပြောင်းလဲသွားပြီး၊ သူ၏ နှုတ်ခမ်းထောင့်များမှာ ခွေးပေါက်စလေး တစ်ကောင်အလား ကွေးတက်သွားတော့သည်။</p> <p>သူက ခပ်လှမ်းလှမ်းမှနေ၍ ချက်ချင်း အာရုံခံကြည့်လိုက်ပြီး သံလိုက်အိမ်မြှောင် ကို မှတ်မိသွားကာ လွှတ်ခနဲ အော်ဟစ် လိုက်၏။</p> <p>"စီနီယာ... အဲဒါ အတိအကျပါပဲ ခင်ဗျာ"</p> <p>စစ်ခုန်လန် ၏ ဤမျှ အောက်ကျနောက်ကျ နိုင်လွန်းပြီး ဖားယားနေသော အပြုအမူကို မြင်လိုက်ရသောအခါ ချီခယ်ချင်း နှင့် အခြားသူများမှာ ဒေါသထွက်လွန်းသဖြင့် ပေါက်ကွဲထွက်မတတ် ဖြစ်သွားကြရ၏။</p> <p>လူတစ်ယောက်က ချက်ချင်းပင် ကျိန်ဆဲလိုက်၏။</p> <p>"လူယုတ်မာ.. ရှက်ရကောင်းမှန်းကို မသိဘူးလားဟ"</p> <p>"ထွီ... မင်းလို တိရစ္ဆာန်က ဒီလောက်တောင် ကောက်ကျစ်တဲ့ အလုပ်မျိုးကို လုပ်ရက်တယ်ပေါ့လေ"</p> <p>လူအုပ်ကြီး၏ ကျိန်ဆဲမှုများကို စစ်ခုန်လန် က လုံးဝ ဂရုမစိုက်ချေ။</p> <p>သူ၏ စိတ်အစဉ်မှာ ခွမ်းရှန်းချင်း အပေါ်တွင်သာ အပြည့်အဝ အာရုံစိုက်ထားပြီး၊ အဖြေတစ်ခု မှားယွင်းသွားပါက သူ၏ အသက်အန္တရာယ် ကျရောက်သွားမည်ကိုသာ ကြောက်ရွံ့နေ၏။</p> <p> </p> <p> </p> <p> </p> <p style="text-align: center;">***</p>


Save