Book List

<h2 style="text-align: center;">အခန်း (၇၇၉)</h2> <h2 style="text-align: center;">အကြီးမားဆုံး အကျိုးအမြတ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~“ညီအစ်ကို ချန်းရင်... ဘာပဲဖြစ်ဖြစ် နင်ချီ ကို အရှင်လတ်လတ် ဖမ်းမိအောင် ငါတို့ အစွမ်းကုန် ကြိုးစားကြည့်ကြတာပေါ့။ သူ တီထွင်ထားတဲ့ ဆုံမှတ် ထောက်လှမ်းရေး သံလိုက်အိမ်မြှောင် က ငါတို့ ကျယ်ပြန့်သော ကမ္ဘာ အတွက် အရမ်းကို အသုံးဝင်လွန်းတယ်။ အကယ်လို့ ငါတို့သာ ဒီ နည်းပညာကို ရရှိသွားပြီး ကျယ်ပြန့်သော ကမ္ဘာ့ဆန္ဒတော် ကို အသိပေးကာ တစ်ကမ္ဘာလုံး အတိုင်းအတာနဲ့ ဖြန့်ချိနိုင်မယ် ဆိုရင်... ငါတို့ ကျယ်ပြန့်သော ကမ္ဘာ က တောင်နဲ့ ပင်လယ် ကမ္ဘာ ကို သေချာပေါက် ပြန်လည် တိုက်ခိုက်နိုင်မှာပဲ”</p> <p>ခေတ္တမျှ စဉ်းစားပြီးနောက် ချန်းရင် က မြှောက်ပင့်လိုက်၏။</p> <p>“ညီအစ်ကို ခွမ်း ရဲ့ စဉ်းစားတွေးခေါ်မှုတွေက တကယ့်ကို နက်ရှိုင်းလှပါတယ်။ ငါတောင် ဒါကို မေ့နေမလို့ပဲ”</p> <p>အနည်းငယ် တုံ့ဆိုင်းသွားပြီးနောက် ချန်းရင် က ဆက်ပြောလိုက်သည်။</p> <p>“နင်ချီ က ဒီလောက်တောင် အရေးကြီးနေမှတော့... ညီအစ်ကို ခွမ်း လည်း ဘာလို့ ကိုယ်ယောင်ဖျောက်ပြီး ပုန်းမနေတာလဲ”</p> <p>ခွမ်းရှန်းချင်း က တစ်ခဏမျှ စဉ်းစားခန်း ဝင်လိုက်ပြီးနောက် ပြန်ဖြေလိုက်၏။</p> <p>“မလုပ်ဘူး... ဒီ သံလိုက်အိမ်မြှောင် မှာ အသံလွှင့် ဆက်သွယ်နိုင်တဲ့ လုပ်ဆောင်ချက် ပါဝင်နေတာကို ငါ ခုလေးတင် တွေ့လိုက်ရတယ်။ ချီခယ်ချင်း က နင်ချီ ဆီကို သတင်းစကား ပို့ပြီးသွားလောက်ပြီ”</p> <p>“အကယ်လို့ ငါပါ ပုန်းနေမယ် ဆိုရင်... နင်ချီ ဒီကို ရောက်လာတဲ့ အခါကျရင် အရမ်းကို သတိထားနေလိမ့်မယ်။ ငါ အလင်းထဲမှာ ရှိနေတာက ပိုကောင်းပါတယ်။ သူက ဖူယောင် နယ်မြေ စစ်တပ်ကြီးကို ကယ်တင်ဖို့အတွက် ငါနဲ့ သေချာပေါက် တိုက်ခိုက်လာမှာပဲ။ အဲဒီအခါကျမှ... ညီအစ်ကို ချန်းရင် မင်းက... မင်း အလိုရှိတဲ့အတိုင်း ဝင်လုပ်လိုက်ပေါ့”</p> <p>သူက 'နောက်ကွယ်မှ ခိုးကြောင်ခိုးဝှက် တိုက်ခိုက်ခြင်း' ဟူသော စကားလုံးကို သုံးချင်သော်လည်း ချန်းရင် ကို စော်ကားရာ ရောက်သွားမည်ကို စိုးရိမ်သဖြင့် ထိုသို့ ပြောလိုက်ခြင်း ဖြစ်ပေသည်။</p> <p>ချန်းရင် က ခေါင်းညိတ်လိုက်ပြီး...</p> <p>“ညီအစ်ကို ခွမ်း ပြောတဲ့အတိုင်းပဲ လုပ်ကြတာပေါ့”</p> <p>သူတို့ နှစ်ဦးသည် လျှို့ဝှက်ချက်များကို အပြန်အလှန် ဖလှယ်နေကြသော်ငြားလည်း၊ ဤ ဆုံမှတ် မှနေ၍ မိုင်နှစ်ဆယ်ခန့် အကွာအဝေးရှိ တစ်နေရာတွင် နင်ချီ က သူ၏ စစ်တပ်ကြီးများကို ဦးဆောင်ကာ တည်နေရာ ရွှေ့ပြောင်း ရောက်ရှိလာပြီ ဖြစ်ကြောင်းကိုမူ လုံးဝ မသိရှိခဲ့ကြချေ။</p> <p>နင်ချီ သည် ချီခယ်ချင်း ထံသို့ ပေးပို့ထားသော သံလိုက်အိမ်မြှောင် ၏ ဟင်းလင်းပြင် တည်နေရာ သြဒိနိတ် များကို သူ၏ ပင်မ သံလိုက်အိမ်မြှောင် ပေါ်တွင် ချက်ချင်း ရှာဖွေနိုင်ခဲ့လေသည်။</p> <p>ဟင်းလင်းပြင် တည်နေရာ သြဒိနိတ် များ ရရှိထားပြီး တူညီသော စစ်မြေပြင်နယ်မြေ အတွင်း၌ ရှိနေသဖြင့်၊ နင်ချီ အနေဖြင့် နယ်မြေ နှစ်ခုမှ စစ်တပ်ကြီးများကို ဦးဆောင်ကာ ဤနေရာသို့ တည်နေရာ ရွှေ့ပြောင်းလာရန် ဆိုသည်မှာ မုန့်စားရသကဲ့သို့ လွယ်ကူလှပေသည်။</p> <p>သို့သော် နင်ချီ သည် သံလိုက်အိမ်မြှောင် ရှိရာသို့ တိုက်ရိုက် တည်နေရာ ရွှေ့ပြောင်းခြင်း မပြုခဲ့ဘဲ မိုင်နှစ်ဆယ် အကွာအဝေးသို့သာ ရောက်ရှိရန် ရွေးချယ်ခဲ့လေသည်။</p> <p>ပထမ အကြောင်းရင်းမှာ ရန်သူ၏ ချုံခို တိုက်ခိုက်မှု အန္တရာယ်မှ ရှောင်ရှားရန် ဖြစ်ပြီး၊ ဒုတိယ အကြောင်းရင်းမှာ... နက်ရှိုင်းသော သစ္စာတရား နယ်မြေ နှင့် လန်ယာ နယ်မြေ စစ်တပ်ကြီး နှစ်ခုလုံးတွင် လူအရေအတွက် များပြားသော်ငြားလည်း သူတို့၏ ရန်သူများမှာ နယ်မြေအရှင်သခင် နှစ်ပါး ဖြစ်နေသောကြောင့်ပင်။ အကယ်၍ စစ်တပ်ကြီးများ ရန်သူ၏ သတိပြုမိခြင်းကို ခံလိုက်ရပါက အသေအပျောက် များသွားနိုင်လေသည်။</p> <p>နင်ချီ က နယ်မြေ နှစ်ခုမှ စစ်တပ်ကြီးများကို ဘာကြောင့် သူနှင့်အတူ တည်နေရာ ရွှေ့ပြောင်းလာခိုင်းသနည်း ဆိုသည်မှာ... သူက ကျယ်ပြန့်သော ကမ္ဘာ ၏ လက်ရှိ အခြေအနေကို ထည့်သွင်း စဉ်းစားထားသောကြောင့်ပင် ဖြစ်သည်။ ထို ကျင့်ကြံသူ များတွင် စစ်တပ်ကြီး တစ်ခုသာ ကျန်ရှိတော့ပြီး၊ ၎င်းမှာ ဤနေရာတွင်ပင် ရှိနေနိုင်ခြေ များလေသည်။</p> <p>နောက်ထပ် အချက်တစ်ချက်မှာ... နယ်မြေအရှင်သခင် နှစ်ပါးကို ဖြေရှင်းပြီးစီးသွားပါက၊ ဤ စစ်မြေပြင်နယ်မြေ အတွင်းသို့ ဝင်ရောက်လာသော တောင်နှင့် ပင်လယ် ကမ္ဘာ မှ ဝိညာဉ်နယ်မြေ သုံးခု၏ စစ်တပ်ကြီးများ အားလုံး အပြည့်အဝ ပေါင်းစည်းသွားတော့မည် ဖြစ်ပေသည်။</p> <p>ထိုအချိန်သို့ ရောက်လာပါက နင်ချီ တွင် သူတို့ကို ညွှန်ကြားရမည့် အခြားသော တာဝန်များ ရှိနေပြီး၊ လူတိုင်း တစ်နေရာတည်းတွင် ရှိနေခြင်းက နင်ချီ အနေဖြင့် အားလုံးကို အမိန့်ပေး ကွပ်ကဲရန် ပိုမို လွယ်ကူစေမည် ဖြစ်ချေသည်။</p> <p>ဓားဘိုးဘေးကြီး နှင့် နက်ရှိုင်းသော သစ္စာတရား နယ်မြေ စစ်တပ်ကြီးမှာ နင်ချီ ၏ ဘယ်ဘက်တွင် ရှိနေကြပြီး၊ ကျူးယန့်ချွမ်း နှင့် အခြား နှစ်ဦး၊ ထို့အပြင် လန်ယာ နယ်မြေ စစ်တပ်ကြီးမှာမူ နင်ချီ ၏ ညာဘက်တွင် ရှိနေကြလေသည်။</p> <p>ယခင်က တည်နေရာ ရွှေ့ပြောင်းခြင်း တံခါး ကို ဖွင့်လှစ်ခဲ့စဉ်ကတည်းက၊ နင်ချီ သည် စစ်တပ်ကြီး နှစ်ခုလုံးကို ကိုယ်ယောင်ဖျောက် အခင်းအကျင်း ဖြင့် အပြည့်အဝ ဖုံးကွယ်ထားခဲ့ပြီး ဖြစ်ရာ၊ ယခု ဤနေရာသို့ တည်နေရာ ရွှေ့ပြောင်း ရောက်ရှိလာချိန်တွင်လည်း မည်သူကမျှ သူတို့ကို ထောက်လှမ်း သိရှိနိုင်စွမ်း မရှိကြချေ။</p> <p>ယခင်ကသာ နင်ချီ သည် ပေါင်းစည်းခြင်း နယ်ပယ် အထွတ်အထိပ် အဆင့်သို့ မရောက်ရှိသေးဘဲ၊ တောင်နှင့် ပင်လယ် ကမ္ဘာ့ဆန္ဒတော် က ချီးမြှင့်ထားသော နယ်မြေအရှင်သခင် တစ်ပါး၏ စွမ်းအားများကို မရရှိထားခဲ့ဘူး ဆိုပါက... ရန်သူ့ နယ်မြေအရှင်သခင် နှစ်ပါး၏ မျက်စိအောက်တွင် ကိုယ်ယောင်ဖျောက် အခင်းအကျင်း ကို အသုံးပြုကာ သတိမပြုမိအောင် ဖုံးကွယ်ထားနိုင်လိမ့်မည်ဟု နင်ချီ ကိုယ်တိုင်ပင် ယုံကြည်မှု အပြည့်အဝ မရှိခဲ့ချေ။</p> <p>သို့သော် ယခုအခါတွင်မူ အခြေအနေများ ပြောင်းလဲသွားခဲ့တော့၏။ နင်ချီ သည် နယ်မြေအရှင်သခင် တစ်ပါး ဖြစ်ရုံသာမက၊ လူဝင်စား ခန္ဓာကိုယ် ၏ အတွေ့အကြုံ ကြွယ်ဝမှုများလည်း ရှိနေသေးသည် မဟုတ်ပါလော။ နယ်မြေအရှင်သခင် များကို မဆိုထားနှင့်... တာအိုနှင့် ပေါင်းစည်းခြင်း နယ်ပယ် ဘိုးဘေးကြီး များ၏ မျက်စိကိုပင် လှည့်စားနိုင်လိမ့်မည်ဟု နင်ချီ အခိုင်အမာ ယုံကြည်ထားလေသည်။</p> <p>လောလောဆယ်တွင် သူ လှည့်စား၍ မရနိုင်သေးသော တစ်ခုတည်းသော အရာမှာ ဝိညာဉ်ကမ္ဘာ နှစ်ခုလုံး၏ ဆန္ဒတော်တွေ သာ ဖြစ်ချေသည်။</p> <p>စစ်တပ်ကြီး နှစ်ခုလုံးက နင်ချီ ၏ နောက်မှ လိုက်ပါလာကြပြီး ရှေ့သို့ မှင်သက်စွာ ငေးကြည့်နေကြ၏။</p> <p>နက်ရှိုင်းသော သစ္စာတရား နယ်မြေ စစ်တပ်ကြီးမှာမူ နင်ချီ ၏ နောက်သို့ အချိန်အတော်ကြာ လိုက်ပါခဲ့ဖူးသဖြင့် အနည်းငယ် အသားကျနေပြီ ဖြစ်သော်လည်း၊ လန်ယာ နယ်မြေ စစ်တပ်ကြီးမှာမူ နင်ချီ နှင့်အတူ ပထမဆုံးအကြိမ် တိုက်ပွဲဝင်ခြင်း ဖြစ်ရာ လူတိုင်း၏ မျက်လုံးများထဲတွင် အံ့အားသင့်မှုများ အပြည့်အဝ ထင်ဟပ်နေကြသည်။</p> <p>သူတို့မှာ အလွန်တရာ ရင်သပ်ရှုမော ဖြစ်နေကြ၏။</p> <p>‘ စစ်တပ် တစ်ခု အနေနဲ့ တကယ်ကြီး ဒီလို တိုက်ခိုက်လို့ ရတာလား။</p> <p>လခွမ်း... ကြီးမားလှတဲ့ စစ်တပ်ကြီး နှစ်ခုက အကွာအဝေး ဘယ်လောက် ဝေးမှန်းတောင် မသိရတဲ့ နေရာတစ်ခုကို အသက်ရှူချိန် အနည်းငယ် အတွင်းမှာပဲ ဖြတ်သန်းလာပြီး ရန်သူ့ အနီးအနားမှာ ရုတ်တရက် ပေါ်လာနိုင်တယ် ဆိုတာက... တကယ့်ကို ကြောက်စရာကြီးဟ ’</p> <p>ယခုအခါ ကျူးယန့်ချွမ်း နှင့် အခြား နှစ်ဦး၏ နှလုံးသားထဲတွင် နင်ချီ ၏ ကြောက်မက်ဖွယ်ကောင်းသော ခွန်အားများနှင့် ပတ်သက်၍ နားလည် သဘောပေါက်မှုများ နောက်တစ်ကြိမ် တဟုန်ထိုး မြင့်တက်သွားပြန်သည်။</p> <p>‘ဘုရားရေ... ဒီ အံ့မခန်း ပုဂ္ဂိုလ်ကြီးက ဘယ်သူများလဲ။</p> <p>ဒီလို စွမ်းရည်မျိုးတွေနဲ့ ဆိုရင် စစ်မြေပြင်နယ်မြေ ထဲမှာ သူ လုပ်ချင်တာ အကုန် လုပ်လို့ ရနေပြီ မဟုတ်ဘူးလား’</p> <p>နင်ချီ သည် တောင်နှင့် ပင်လယ် ကမ္ဘာ မှ ကျင့်ကြံသူ တစ်ယောက် ဖြစ်နေသည့်အတွက် သူတို့ အလွန်တရာ သက်သာရာ ရသွားကြပြီး၊ နင်ချီ နှင့် တစ်ဖက်တည်းသားများ ဖြစ်ခွင့် ရခဲ့သည့်အတွက် ပို၍ပင် ကံကောင်းလှသည်ဟု တွေးတောနေမိကြလေ၏။</p> <p> </p> <p> </p> <p> </p> <p style="text-align: center;">***</p>


Save