Book List

<h2 style="text-align: center;">အခန်း (၇၈၀)</h2> <h2 style="text-align: center;">အကြီးမားဆုံး အကျိုးအမြတ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>~ယခင်က သူတို့သည် နင်ချီ ၏ ဦးဆောင်မှုအောက်တွင် နေထိုင်ရန် သစ္စာဆိုခဲ့ရသော်လည်း၊ ယခုအခါတွင်မူ သေရမည် ဆိုလျှင်တောင်မှ နင်ချီ ကို စွန့်ခွာသွားမည် မဟုတ်တော့ချေ။</p> <p>ကျင့်ကြံသူ စစ်တပ် နှစ်ခုလုံးက နင်ချီ ၏ နောက်မှ လိုက်ပါလာကြပြီး မည်သူကမျှ စကားမပြောရဲကြသော်လည်း၊ လူတိုင်းက ရှေ့သို့ အကြည့်ပို့‌လွှတ်နေကြလေသည်။</p> <p>ကျင့်ကြံသူ တစ်ယောက် အနေဖြင့် မိုင်နှစ်ဆယ် အကွာအဝေး ဆိုသည်မှာ သူတို့ ရှင်းလင်းစွာ မြင်တွေ့နိုင်စွမ်း ရှိသော အကွာအဝေး တစ်ခု ဖြစ်ပေသည်။</p> <p>မိုင်နှစ်ဆယ် အကွာအဝေးတွင် ကြီးမားလှသော စစ်တပ်ကြီး နှစ်ခုမှာ မြေပြင်ပေါ်တွင် မျှော်လင့်ချက် ကင်းမဲ့စွာ ထိုင်နေကြသည်ကို တွေ့လိုက်ရ၏။ သူတို့မှာ ချီခယ်ချင်း နှင့် စစ်ခုန်လန် တို့၏ အဖွဲ့များပင် ဖြစ်ချေသည်။</p> <p>“စစ်ခုန်လန် လည်း ဒီမှာ ရှိနေတာလား”</p> <p>ဓားဘိုးဘေးကြီး ၏ ပိန်ပါးသော မျက်နှာပေါ်တွင် ဒေါသ အရိပ်အယောင်များ ပေါ်လွင်လာပြီး၊ နက်ရှိုင်းသော သစ္စာတရား နယ်မြေ စစ်တပ်ကြီး တစ်ခုလုံးကလည်း ထိုနည်းတူစွာပင် ဖြစ်လေသည်။</p> <p>ကျူးယန့်ချွမ်း နှင့် အခြား နှစ်ဦးမှာ သူတို့က စစ်ခုန်လန် နှင့် အခြားသူများကို ဘာကြောင့် ဤမျှ နာကြည်း မုန်းတီးနေကြသနည်း ဆိုသည်ကို နားမလည်နိုင်အောင် ဖြစ်နေကြသော်လည်း၊ ဘာမှ မပြောရဲသလို ဘာမှလည်း မမေးရဲကြချေ။</p> <p>နင်ချီ သည် ချီခယ်ချင်း နှင့် အစစ်အမှန်သိုင်းကမ္ဘာ မှ ကျင့်ကြံသူ များ ပေးပို့ထားသော သတင်းအချက်အလက်များမှတစ်ဆင့် ဤဒေသတွင် ရှိနေသော လူများအကြောင်းကို ကြိုတင် သိရှိထားပြီး ဖြစ်လေသည်။</p> <p>သူ၏ အကြည့်များက နတ်ဘုရား လေပြေ နယ်မြေ ၏ အရှင်သခင် ခွမ်းရှန်းချင်း ဆီသို့ ကျရောက်သွားတော့၏။</p> <p>ခွမ်းရှန်းချင်း သည် ဟင်းလင်းပြင် ထဲတွင် တင်ပျဉ်ခွေ ထိုင်နေပြီး၊ အစာလာဟပ်မည့် ငါးများကို စောင့်ဆိုင်းနေသော ငါးမျှားသမား ကျန်းထိုက်ကုန်း (တရုတ် သမိုင်းဝင် ပုဂ္ဂိုလ်) အလား တည်ငြိမ်နေလေသည်။ ကြည့်ရသည်မှာ သူက နင်ချီ ပေါ်လာမည့် အချိန်ကို စောင့်ဆိုင်းနေပုံ ရပေသည်။</p> <p>နင်ချီ က သူ၏ ခွန်အားများကို အာရုံခံကြည့်လိုက်ရာ ချီရွှင် ထက် အနည်းငယ်မျှသာ ပိုမို အစွမ်းထက်ကြောင်း တွေ့လိုက်ရ၏။</p> <p>သူ၏ အကြည့်များက ခွမ်းရှန်းချင်း ကို ကျော်လွန်ကာ ပတ်ဝန်းကျင် တစ်ဝိုက်ကို လိုက်လံ စူးစမ်းလိုက်သော်လည်း၊ သားရဲတစ်ရာ နယ်မြေ ၏ အရှင်သခင် ကိုမူ လုံးဝ မတွေ့ရချေ။</p> <p>နင်ချီ က သူ၏ ရည်ရွယ်ချက်ကို ချက်ချင်း သဘောပေါက်သွားပြီး ကြိတ်၍ ဟားလိုက်လေသည်။</p> <p> 'ငါ့ကို လှည့်စားဖို့ ကြိုးစားနေတာလား... ဟွန်း...'</p> <p>နင်ချီက ..,လက်ချောင်း နှစ်ချောင်းကို ဓားပုံစံ ပူးလိုက်ပြီး သူ၏ မျက်လုံးများကို အသာအယာ ပွတ်ဆွဲလိုက်ရာ၊ မျက်လုံးများထဲတွင် ရွှေရောင် အလင်းတန်းများ တလက်လက် တောက်ပသွားတော့သည်။ မိစ္ဆာခွင်း ရွှေရောင် မျက်လုံး.. အသက်ဝင်လာတော့၏။</p> <p>ရုတ်တရက် ခွမ်းရှန်းချင်း ၏ အနီးရှိ ဟင်းလင်းပြင် ထဲတွင် မည်သည့်အရာကမျှ ဖုံးကွယ်ထား၍ မရနိုင်တော့ချေ။</p> <p>မကြာမီမှာပင် နင်ချီ က ထူးဆန်းသော အရာတစ်ခုကို သတိပြုမိသွားပြီး သူ၏ အကြည့်များကို ထိုနေရာဆီသို့ ချက်ချင်း စူးစိုက်လိုက်လေသည်။</p> <p>ရွှေရောင် မျက်လုံးများက ပုံရိပ်ယောင်များ အားလုံးကို ဖယ်ရှားပစ်လိုက်ပြီး အမှန်တရားကို တိုက်ရိုက် ဖောက်ထွင်း မြင်နိုင်စွမ်း ရှိ၏။</p> <p>သစ်ကျားသစ် တစ်ကောင်အလား မြေကြီးပေါ်တွင် ဝပ်တွားနေသော လူတစ်ယောက်၏ ပုံရိပ်ကို တွေ့လိုက်ရပြီး၊ သူ၏ ပတ်လည်တွင် သားရဲ ပုံရိပ်ယောင်များ ပေါ်ထွက်နေလေသည်။</p> <p>ထို သားရဲ ပုံရိပ်ယောင်များက ကိုယ်ယောင်ဖျောက်နိုင်စွမ်း ရှိသည့်အတွက်ကြောင့်သာ ထိုလူ၏ ခြေရာလက်ရာ အားလုံး ပျောက်ကွယ်နေခဲ့ခြင်းသာ။</p> <p>အကယ်၍ ခွန်အားချင်း တူညီသော အခြား နယ်မြေအရှင်သခင် တစ်ပါးသာ ဆိုလျှင် ထိုလူ၏ တည်ရှိမှုကို လုံးဝ ထောက်လှမ်း သိရှိနိုင်မည် မဟုတ်သည်မှာ သေချာလှပေသည်။ သို့သော် နင်ချီ နှင့် ယှဉ်လာသောအခါတွင်မူ... တစ်ဖက်လူမှာ အနည်းငယ် အတွေ့အကြုံ နုနယ်သေးသည်ဟုသာ ဆိုရပေမည်။</p> <p>'နတ်ဘုရား လေပြေ နယ်မြေ ရဲ့ ကျင့်ကြံသူ စစ်တပ်ကြီးက ဒီမှာ မရှိဘူးလား'</p> <p> နင်ချီ က စိတ်ထဲမှ တွေးလိုက်သည်။</p> <p>ဤသို့ဆိုလျှင် နက်ရှိုင်းသော သစ္စာတရား နယ်မြေ စစ်တပ်ကြီးနှင့် လန်ယာ နယ်မြေ စစ်တပ်ကြီးတို့ အနေဖြင့် တိုက်ပွဲဝင်ရန် မလိုအပ်တော့ချေ။ တစ်ဖက်လူ၏ မတော်တဆ တိုက်ခိုက်မှုများကြောင့် အထိအခိုက် ရှိသွားနိုင်သည် မဟုတ်ပါလော။</p> <p>နင်ချီ က ချက်ချင်းပင် အမိန့်ပေးလိုက်၏။</p> <p>“ရန်သူ့ဘက်မှာ နယ်မြေအရှင်သခင် နှစ်ပါးပဲ ရှိပြီး တခြား ဘယ်သူမှ မရှိဘူး။ ခင်ဗျားတို့ရဲ့ ဘေးကင်းရေးအတွက်... အားလုံး ဒီနေရာမှာပဲ နေခဲ့ကြ”</p> <p>ဓားဘိုးဘေးကြီး နှင့် အခြားသူများ အလွန်တရာ အံ့အားသင့်သွားကြတော့သည်။</p> <p>နယ်မြေအရှင်သခင် နှစ်ပါး ဟုတ်လား။ ဘာလို့ သူတို့က တစ်ယောက်တည်းကိုပဲ မြင်နေရတာလဲ။</p> <p>နက်ရှိုင်းသော သစ္စာတရား နယ်မြေ မှ လူများမှာမူ နင်ချီ အပေါ် အပြည့်အဝ ယုံကြည်မှု ရှိကြလေသည်။ မဟာမိတ် ခေါင်းဆောင်ကြီး ပြောသမျှ စကားတိုင်းမှာ အမှန်တရားသာ ဖြစ်၏။</p> <p>နင်ချီ အနေဖြင့် နယ်မြေအရှင်သခင် နှစ်ပါးကို မဆိုထားနှင့်၊... ငါးပါးလောက်ကိုတောင် အပြတ်ရှင်းနိုင်စွမ်း ရှိသည်ဟု သူတို့ အခိုင်အမာ ယုံကြည်ထားကြသည်။</p> <p>ထိုစကားကို ကြားလိုက်ရသောအခါ ကျူးယန့်ချွမ်း နှင့် အခြား နှစ်ဦးမှာ အလွန်တရာ စိတ်လှုပ်ရှားသွားကြပြီး အနည်းငယ်လည်း စိုးရိမ် ပူပန်နေမိကြသည်။ သို့သော် နက်ရှိုင်းသော သစ္စာတရား နယ်မြေ မှ လူများ၏ မျက်နှာပေါ်ရှိ ယုံကြည်မှု အပြည့် ရှိနေသော အမူအရာများကို မြင်တွေ့လိုက်ရသောအခါ သူတို့၏ စိုးရိမ်ပူပန်မှုများမှာ ခေတ္တမျှ လွင့်စင် ပျောက်ကွယ်သွားတော့၏။</p> <p>လောလောဆယ်တွင် သူတို့ အနေဖြင့် နင်ချီ ကို ယုံကြည်ရုံမှလွဲ၍ အခြား ရွေးချယ်စရာ မရှိတော့ချေ။</p> <p>“သူတို့နဲ့ ငါ့ရဲ့ တိုက်ပွဲ ပြီးသွားတဲ့ အခါကျရင်... အကယ်လို့ စစ်ခုန်လန် နဲ့ သူ့လူတွေ အသက်ရှင်နေသေးတယ် ဆိုရင် သူတို့ကို ဝိုင်းထားလိုက်ကြ”</p> <p>“ဟုတ်ကဲ့ ”</p> <p>အမိန့်များ အားလုံး ပေးပြီးနောက်၊ နင်ချီ ၏ ပုံရိပ်မှာ လူတိုင်း၏ မျက်စိရှေ့မှ မျက်စိတစ်မှိတ် အတွင်း ပျောက်ကွယ်သွားပြီး ခွမ်းရှန်းချင်း ရှိရာဆီသို့ တိတ်ဆိတ်စွာ တည်နေရာ ရွှေ့ပြောင်းသွားတော့သည်။</p> <p>နင်ချီ သည် ရွေ့လျားနေစဉ်မှာပင် ဖြေရှင်းရမည့် နည်းလမ်းကို အကြံထုတ်နေခဲ့၏။</p> <p>ထိုနှစ်ဦးကို ရှင်းလင်းရန်မှာ လွယ်ကူလှသည်။ အဓိက အရေးကြီးဆုံး အချက်မှာ ချီခယ်ချင်း နှင့် အခြားသူများကို မတော်တဆ မထိခိုက်မိစေရန် ကာကွယ်ပေးရမည် ဖြစ်သည်။ အကောင်းဆုံးကတော့... စစ်ခုန်လန် နှင့် အခြားသူများကိုပါ လမ်းကြုံ တစ်ခါတည်း အပြတ်ရှင်းပစ်နိုင်မည် ဆိုလျှင် ပြီးပြည့်စုံသွားပေလိမ့်မည်။</p> <p>နင်ချီ သည် မျက်တောင်တစ်ခတ် အတွင်း ခွမ်းရှန်းချင်း နှင့် သုံးကီလိုမီတာခန့် အကွာအဝေးသို့ ရောက်ရှိသွားတော့သည်။</p> <p>ရုတ်တရက် တစ်ခုခု မှားယွင်းနေကြောင်းကို သူ ခံစားလိုက်ရ၏။</p> <p>“ဒီနေရာမှာ ဘာလို့ တောင်နဲ့ ပင်လယ် ကမ္ဘာ ရဲ့ စွမ်းအင် ဒါမှမဟုတ် ကျယ်ပြန့်သော ကမ္ဘာ ရဲ့ စွမ်းအင် တွေ လုံးဝ မရှိနေရတာလဲ”</p> <p>ယခင်က သူ သတိမထားမိခဲ့သော်လည်း ယခုမှသာ ..သဘောပေါက်သွားခြင်းပါ။</p> <p> ထို ထူးခြားချက်ကို အာရုံခံမိသွားသည်နှင့် တစ်ပြိုင်နက်၊ နင်ချီ ချက်ချင်း ရပ်တန့်သွားပြီး သူ၏ မျက်နှာပေါ်တွင် ထူးဆန်းသော အပြုံးပန်း တစ်ခု ပွင့်သီးလာတော့သည်။</p> <p>“ကောင်းတယ်... ကောင်းတယ်... ကောင်းတယ်။ ချီခယ်ချင်း က တကယ့်ကို ကြီးမားတဲ့ အလုပ်တစ်ခုကို လုပ်ပေးလိုက်တာပဲ။ အကယ်လို့ သူသာ အဖမ်းမခံခဲ့ရဘူး ဆိုရင်... စစ်မြေပြင်နယ်မြေ ထဲမှာ ဝိညာဉ်ကမ္ဘာ နှစ်ခုလုံးရဲ့ ဆန္ဒတော်တွေ လွှမ်းမိုးလို့ မရတဲ့ နေရာမျိုး ရှိနေတယ် ဆိုတာကို ငါ ဘယ်လိုလုပ်ပြီး သိနိုင်မှာလဲ”</p> <p>နင်ချီ ၏ မျက်လုံးများ တလက်လက် တောက်ပသွားပြီး သူ၏ မျက်နှာထားမှာ.. ယခင်ကထက်ပင် ပို၍ ဝမ်းသာ ပီတိ ဖြစ်နေလေသည်။</p> <p>ဤနေရာကို ရှာဖွေ တွေ့ရှိခြင်းက စစ်မြေပြင်နယ်မြေ ထဲသို့ ဝင်ရောက်လာပြီးနောက် သူ၏ အကြီးမားဆုံးသော အကျိုးအမြတ် ဖြစ်သည်ဟုပင် ဆိုနိုင်ပါ၏။</p> <p>နင်ချီ သည် ဝိညာဉ်ကမ္ဘာ နှစ်ခုလုံး၏ ဆန္ဒတော်တွေ အာရုံခံ၍ မရနိုင်သော နေရာတစ်ခုကို အမြဲတမ်း ရှာဖွေနေခဲ့ခြင်း ဖြစ်သည်။ ထိုသို့သော နေရာမျိုးကို ရှာတွေ့ပါက၊ သူ အနေဖြင့် ဟင်းလင်းပြင် ကို အလွယ်တကူ ဖြတ်တောက်ပြီး အစစ်အမှန်သိုင်းကမ္ဘာ အတွင်းသို့ ပေါင်းစပ် ထည့်သွင်းကာ ၎င်း၏ ကြီးထွားမှုကို အရှိန်မြှင့်တင်ပေးနိုင်မည် မဟုတ်ပါလော။</p> <p>ဒီနေရာက သူ ရှာနေတဲ့ နေရာပဲ မဟုတ်ဘူးလား။ နောက်ဆုံးတော့ သူ ရှာတွေ့သွားခဲ့ပြီပဲ။</p> <p>နင်ချီ က သူ၏ စိတ်လှုပ်ရှားမှုများကို ဖိနှိပ်ထားလိုက်ပြီး၊ ဤနေရာကို အသေအချာ စူးစမ်းလေ့လာရန်အတွက် နယ်မြေအရှင်သခင် နှစ်ပါးကို အရင် ရှင်းလင်းရမည်ဟု ဆုံးဖြတ်လိုက်၏။</p> <p>သူ၏ အကြည့်များက ဤနေရာ၏ အလယ်ဗဟိုသို့ ကျရောက်သွားပြီးနောက် ဖြေရှင်းရမည့် နည်းလမ်းကို ချက်ချင်း တွေးမိသွားတော့သည်။</p> <p>ယခင်က ချီပိုင်ရှို့ ကဲ့သို့ပင်၊ ဤကောင် နှစ်ကောင်သည်လည်း ဆုံမှတ် ကို မသိမ်းပိုက်နိုင်ခဲ့ဘဲ၊ ထို ဆုံမှတ် ကို အသုံးပြုကာ သံလိုက်အိမ်မြှောင် ရှိသော သူ့ကို မျှားခေါ်ရန် ကြိုးစားနေကြသည်သာ။</p> <p>‘ဒါဆိုရင်တော့…’</p> <p>နင်ချီ က သိမ်မွေ့စွာ ပြုံးလိုက်ပြီး နောက်တစ်ကြိမ် ထပ်မံ ရွေ့လျားလိုက်ရာ ယခုအခါ ခွမ်းရှန်းချင်း နှင့် မီတာ တစ်ရာ အကွာအဝေးသို့ ရောက်ရှိနေတော့၏။</p> <p>ခွမ်းရှန်းချင်း ဖြစ်စေ၊ အမှောင်ထဲတွင် ပုန်းအောင်းနေသော ကောက်ကျစ်သည့် မြေခွေးအိုကြီး ဖြစ်စေ... မည်သူကမျှ သူ၏ တည်ရှိမှုကို အာရုံမခံနိုင်ခဲ့ကြချေ။</p> <p>နင်ချီ သည် မိမိကိုယ်ကို ဖုံးကွယ်ထားပြီး သားရဲတစ်ရာ နယ်မြေ ၏ အရှင်သခင် ချန်းရင် ၏ နောက်ကွယ်တွင် တိတ်ဆိတ်စွာ ပေါ်ထွက်လာတော့သည်။</p> <p>မြေကြီးပေါ်တွင် ဝပ်တွားနေပြီး ရှေ့သို့ ဆက်လက် စူးစိုက်ကြည့်နေဆဲ ဖြစ်သော ကောက်ကျစ်သည့် မြေခွေးအိုကြီးကို ကြည့်ရင်း နင်ချီ က မှော်နည်းစနစ် တစ်ခုကို တိတ်တဆိတ် ရွတ်ဆိုလိုက်လေသည်။</p> <p>“အခြားကမ္ဘာ ဟင်းလင်းပြင်”</p> <p>ချက်ချင်းပင် သူ ရှိနေသော နေရာမှာ မူလ ဟင်းလင်းပြင် မှနေ၍ အပြည့်အဝ သီးခြား ကွဲထွက်သွားသော်ငြားလည်း၊ သူကတော့ အပြင်ဘက်ရှိ အခြေအနေများကို မြင်တွေ့နေရဆဲပင်။</p> <p>ဤသည်မှာ ဟင်းလင်းပြင် စည်းမျဉ်း ၏ စွမ်းအားများကို သူ ကျွမ်းကျင် ပိုင်နိုင်သွားပြီးနောက် နင်ချီ ကိုယ်တိုင် ဖန်တီးထားသော နတ်ဘုရား စွမ်းရည် တစ်ခု ဖြစ်ပေသည်။</p> <p>ရှေ့ဘက်ရှိ ချန်းရင် ၏ မျက်မှောင်များ အနည်းငယ် တွန့်ချိုးသွား၏။</p> <p>နင်ချီ သတ်ဖြတ်ခဲ့သော ချီပိုင်ရှို့ မှာ သူ၏ တပည့် ဖြစ်လေသည်။ ချီပိုင်ရှို့ က သားရဲ အားလုံးကို ထိန်းချုပ် ကွပ်ကဲနိုင်စွမ်း ရှိပြီး၊ ချန်းရင် ကမူ သားရဲ တစ်ထောင်၏ ပုံရိပ်ယောင်များကို စုစည်းထားနိုင်သူတည်း။</p> <p>ချန်းရင် သည် သားရဲ တစ်ထောင် ထံမှ စွမ်းရည် အမျိုးမျိုးကို သင်ယူထားသဖြင့် အလွန်တရာ အံ့မခန်း ဖြစ်သော အာရုံခံနိုင်စွမ်းများကို ပိုင်ဆိုင်ထားလေသည်။ သူ၏ ကိုယ်ယောင်ဖျောက် စွမ်းရည် ဖြစ်စေ၊ အာရုံခံနိုင်စွမ်း ဖြစ်စေ... ကျယ်ပြောလှသော ကျယ်ပြန့်သော ကမ္ဘာ ကြီးထဲတွင်ပင် သူ့ကို ယှဉ်နိုင်မည့်သူ အလွန် ရှားပါးလှပေသည်။</p> <p>နင်ချီ သည် သူ၏ ကိုယ်ယောင်ဖျောက် စွမ်းရည်များကို အမြင့်ဆုံး အဆင့်အထိ အသုံးပြုထားပြီး မည်သည့် ဟင်းလင်းပြင် လှိုင်းဂယက်မျှ မဖြစ်ပေါ်စေရန် ကြိုးစားထားသော်ငြားလည်း၊ ချန်းရင် က အန္တရာယ် အရိပ်အယောင် အချို့ကို အာရုံခံမိနေဆဲပင်။</p> <p>သူက အထက်သို့ တစ်ချက် အကြည့်ပို့‌လွှတ်လိုက်ရာ ခွမ်းရှန်းချင်း မှာ ဟင်းလင်းပြင် ထဲတွင် တင်ပျဉ်ခွေ ထိုင်နေဆဲ ၊ အောက်ဘက် မြေပြင်ပေါ်တွင်မူ ဖူယောင် နယ်မြေ မှ ကျင့်ကြံသူ အများအပြားမှာ မျှော်လင့်ချက် ကင်းမဲ့စွာ ထိုင်နေကြဆဲ ဖြစ်သည်ကို တွေ့လိုက်ရ၏။</p> <p>သတိဝီရိယ ကြီးမားလှသော ချန်းရင် က ရုတ်တရက် ညာဘက်သို့ ခုန်ထွက်လိုက်ပြီး အခြား နေရာတစ်ခုတွင် ဝင်ရောက် ဝပ်တွားနေလိုက်လေသည်။</p> <p>ဤကောင်က သူ့ကို တွေ့သွားပြီဟု နင်ချီ ထင်မှတ်သွားပြီး တိုက်ခိုက်ရန်ပင် ဟန်ပြင်လိုက်မိသေး၏။</p> <p>သို့သော် တစ်ဖက်လူက သူ၏ ဗီဇအရ လှုပ်ရှားလိုက်ခြင်းသာ ဖြစ်ကြောင်း နင်ချီ လျင်မြန်စွာ သဘောပေါက်သွားပြီးနောက်... သူက တိတ်တဆိတ် ပြုံးလိုက်ကာ ချန်းရင် ၏ နောက်ကွယ်သို့ ထပ်မံ ရွေ့လျားသွားလေသည်။</p> <p>ဤတစ်ကြိမ်တွင်မူ ချန်းရင် က ဘာကိုမှ အာရုံမခံနိုင်တော့ချေ။</p> <p>နင်ချီ က လက်ချောင်း နှစ်ချောင်းကို ဓားပုံစံ ပူးလိုက်ပြီး ချန်းရင် ၏ ကျောဘက်သို့ ချိန်ရွယ်ကာ ချက်ချင်း တိုက်ခိုက်လိုက်တော့သည်။</p> <p>“ဓားတစ်လက်တည်းဖြင့် စည်းမျဉ်းအားလုံးကို ဖြိုခွင်းခြင်း”</p> <p>အလွန်တရာ သန့်စင် ထက်မြက်လှသော ဓားချီ တစ်ခု မျက်စိတစ်မှိတ် အတွင်း ပစ်ထွက်သွားသော်ငြားလည်း အလွန်တရာ လျှို့ဝှက် သိုသိပ်လှပေသည်။ ချန်းရင် ၏ ကျောဘက်ကို ဝင်ရောက် ရိုက်ခတ်တော့မည့် အချိန်ရောက်မှသာ ဟင်းလင်းပြင် တွင် လှိုင်းဂယက် အနည်းငယ် ထသွားစေတော့သည်။</p> <p>ထို မျက်တောင်တစ်ခတ်စာ အချိန်လေး အတွင်းမှာပင် ချန်းရင် မှာ သူ၏ ကျောရိုး တစ်လျှောက်မှနေ၍ အအေးဓာတ်ကြီး တစ်ခု စိမ့်တက်သွားသည်ကို ခံစားလိုက်ရ၏။</p> <p>ချန်းရင်.. ခေါင်းကို လှည့်ကာ သူ၏ တစ်ကိုယ်လုံးကို လိမ်ချိုးလိုက်ရာ၊ သူ့ခန္ဓာကိုယ်မှ သားရဲ ပုံရိပ်ယောင် တစ်ထောင် ပေါက်ကွဲထွက်လာတော့သည်။ တစ်ချိန်တည်းမှာပင် သူ၏ လက်ဝါး နှစ်ဖက်က သားရဲ လက်သည်းကြီးများအလား အောက်ဘက်သို့ ရိုက်ချလိုက်ပြီး အော်ဟစ်လိုက်၏။</p> <p>“ဘယ်သူလဲ”</p> <p>သို့သော် သူ၏ နောက်ကွယ်တွင် မည်သူ့ကိုမျှ လုံးဝ မတွေ့ရသဖြင့် အလွန်တရာ အံ့အားသင့်သွားရပြီး၊ အလွန်တရာ မြန်ဆန်လှသော သူ၏ တိုက်ခိုက်မှုမှာ ပစ်မှတ် လွဲချော်သွားတော့သည်။</p> <p>သို့သော် နင်ချီ ၏ ဓားချီ မှာမူ လွဲချော်သွားမည် မဟုတ်ချေ။ ၎င်းက အထပ်ထပ် ဖုံးလွှမ်းနေသော သားရဲ ပုံရိပ်ယောင်များကို တိုက်ရိုက် ထိုးဖောက် ဝင်ရောက်သွား၏။</p> <p>အပေါ်ဆုံး အလွှာတွင် ရှိနေသော ရွှမ်လိပ် သားရဲ ပုံရိပ်ယောင် ၏ အခွံမှာ အစစ်အမှန် နီးပါး စုစည်းနေပြီး တကယ့် လိပ်ခွံအလား ထင်မှတ်ရပေသည်။</p> <p>၎င်း၏ အောက်တွင် အလွန်တရာ လှပသော သင်းခွေချပ် ပုံရိပ်ယောင် တစ်ခု ပေါ်ထွက်လာပြီး၊ ၎င်း၏ အကြေးခွံများမှာ အသံတိုးတိုးလေးများ မြည်လျက် ပွင့်လိုက် ပိတ်လိုက် ဖြစ်နေကြ၏။</p> <p>ထို့အပြင် ဘိလပ်မြေအလား ထူထဲလှသော အရေပြား ရှိသည့် ကြံ့ဖြူကြီး တစ်ကောင်လည်း ပါဝင်နေသေးသည်။</p> <p>တာအို သားရဲ ပုံရိပ်ယောင် တစ်ခုပြီး တစ်ခု ဆက်တိုက် ပေါ်ထွက်လာရာ ချန်းရင် ၏ ကာကွယ်ရေး စွမ်းရည်မှာ တကယ့်ကို ပြိုင်ဘက်ကင်းလှ၏။</p> <p>ကံမကောင်းစွာဖြင့် သူက နင်ချီ နှင့် လာတွေ့နေခြင်းပင် ဖြစ်ချေသည်။ နင်ချီ ၏ ဓားပညာမှာ ပြိုင်ဘက်ကင်းလှပြီး စည်းမျဉ်း စွမ်းအား မျိုးစုံကိုပါ ထိန်းချုပ် ကိုင်တွယ်နိုင်စွမ်း ရှိသူ ဖြစ်ရာ၊ ၎င်းတို့ အားလုံးကို သူ၏ ဓားပညာထဲတွင် ပေါင်းစပ် ထည့်သွင်းထားသဖြင့် တူညီသော အဆင့်အတန်း အတွင်း၌ သူသည် ပြိုင်ဘက်ကင်း တစ်ဦး ဖြစ်နေတော့၏။</p> <p>ချန်းရင် မှာ တာအို အရ မည်သူဖြစ်ကြောင်း မေးခွန်းထုတ်ပြီးခါစသာ ရှိသေးချိန်တွင် သွေးပျက်ဖွယ် အော်ဟစ်သံကြီး တစ်ခု ထွက်ပေါ်လာတော့သည်။</p> <p>“အား...”</p> <p>သူ၏ ခန္ဓာကိုယ်ပေါ်ရှိ သားရဲ ပုံရိပ်ယောင် တစ်ထောင်မှာ ဓားချီ ၏ ခုတ်ပိုင်းမှုကြောင့် နှစ်ပိုင်း ကွဲထွက်သွားရ၏။ သူ၏ အစစ်အမှန် ခန္ဓာကိုယ်မှာလည်း ထိုပုံရိပ်ယောင်များနှင့်အတူ နင်ချီ ၏ ဓားချက်ဖြင့် မျက်စိတစ်မှိတ် အတွင်း ပိုင်းဖြတ်ခံလိုက်ရတော့သည်။</p> <p> </p> <p> </p> <p> </p> <p> </p> <p style="text-align: center;">***</p>


Save