Book List

<h2 style="text-align: center;">ငါ့ကို ဂိုဏ်းထဲက နှင်ထုတ်ကြပါ</h2> <h2 style="text-align: center;">Book 59</h2> <h2 style="text-align: center;">Chapter 1</h2> <h2 style="text-align: center;">မိုးကောင်းကင်ကိုဆန့်ကျင်ပြီး ကံကြမ္မာကို ပြောင်းလဲခြင်း</h2> <h2 style="text-align: center;">*</h2> <p> </p> <p> </p> <p>ဝေရှင်းတစ်ယောက် ရုတ်တရက်ကြီး အဆင့်တက်သွားတာကို မြင်လိုက်ရတဲ့ အချိန်မှာတော့ အားလုံး ခေတ္တခဏ ငြိမ်သက်သွားခဲ့ပါပြီ။</p> <p>ဒါကလည်း မတတ်နိုင်ဘူးလေ။ ထမင်းစားရင်းနဲ့ အဆင့်တက်သွားတဲ့သူမျိုးကို ဘယ်သူက မြင်ဖူးမှာလဲ။</p> <p>ဝေရှင်းရဲ့ အဆင့်က သိပ်မမြင့်လှဘဲ ဒီနေ့အထိ စတုတ္ထအဆင့် (ဝမ်ရှင်းသူတော်စင်) မှာပဲ ရှိနေသေးတာ ဆိုပေမဲ့ ထမင်းတစ်နပ် စားလိုက်ရုံနဲ့ ပဉ္စမအဆင့် (မူလတာအို သူတော်စင်) ကို ရောက်သွားတယ်ဆိုတာကတော့ နည်းနည်းတော့ လွန်လွန်းနေပြီ မဟုတ်လား။</p> <p>ဒါပေမဲ့ တခြားလူတွေ ကြောင်သွားတာထက် ဝေရှင်းကိုယ်တိုင်က အခုအချိန်မှာ ပိုပြီးတော့ ကြောင်နေခဲ့တာပါ။</p> <p>ဝေရှင်းတစ်ယောက် ဟေးယွဲ့နန်းတော်ထဲမှာ ရှိနေခဲ့တာ မှန်ပေမဲ့ မိစ္ဆာသားရဲသားကို စားဖူးတာ ဒါပထမဆုံးအကြိမ်ပါပဲ။</p> <p>ဒါကလည်း မတတ်နိုင်ဘူးလေ။ အဲဒါက အိုးရန်မိသားစု မဟုတ်လား။ အိုးရန်မိသားစုဆီကနေ စားစရာတစ်ခုခု ရဖို့ဆိုတာ သာမန်လူတစ်ယောက်အတွက်တော့ တကယ်ကို မလွယ်ကူတဲ့ ကိစ္စပဲလေ။</p> <p>မိစ္ဆာသားရဲတွေကို ပိုင်ဆိုင်ထားတဲ့ လူရိုင်းမျိုးနွယ်စုဝင်တွေတောင်မှ သူတို့ကိုယ်တိုင် ချက်ပြုတ်စားသောက်တဲ့ အခါတိုင်းမှာ အသားကို အများကြီး မရကြပါဘူး။</p> <p>ဟေးယွဲ့နန်းတော် အပြင်ဘက်က လူတွေဆိုရင်တော့ ပြောနေစရာတောင် မလိုတော့ပါဘူး။ သူတို့က ကြားပဲကြားဖူးကြတာဖြစ်ပြီး မိစ္ဆာသားရဲသားက ဘယ်လိုအရသာရှိလဲဆိုတာ တစ်ခါမှ မြည်းစမ်းဖူးကြတာ မဟုတ်ဘူးလေ။</p> <p>ဒါပေမဲ့ ဒီနေ့မှာတော့ ဝေရှင်းကို ဂိုဏ်းတူအစ်ကိုကြီး ချူရှင်းဟီက ဖိတ်ကြားထားတာဖြစ်လို့ အိုးရန်မိသားစုကလည်း ဘာမှဝင်မပြောခဲ့ပါဘူး။</p> <p>ဝေရှင်းက အစပိုင်းမှာတော့ သိပ်ပြီး အများကြီး မတွေးမိပေမဲ့ စားရင်းစားရင်းနဲ့မှ တစ်ခုခု ထူးခြားနေတာကို သတိထားမိလာပါတယ်။</p> <p>မိစ္ဆာသားရဲသားကို စားပြီးတဲ့အခါမှာ အဲဒီအသားက သာမန်အသားတွေလို ဗိုက်ထဲကို ရောက်သွားတာ မဟုတ်ဘဲ နွေးထွေးတဲ့ စွမ်းအင်စီးကြောင်းတွေအဖြစ် ပြောင်းလဲသွားပြီး သူ့ခန္ဓာကိုယ်ရဲ့ အစိတ်အပိုင်းတိုင်းဆီကို စီးဆင်းသွားခဲ့ပါတယ်။</p> <p>ဝေရှင်းက အစပိုင်းမှာတော့ ဘာမှ မခံစားရသေးပါဘူး။ ဘာပဲဖြစ်ဖြစ် ဒါက မိစ္ဆာသားရဲသားပဲလေ။ နည်းနည်းတော့ ထူးခြားတာက ပုံမှန်ပဲ မဟုတ်လား။</p> <p>ဒါပေမဲ့ မကြာခင်မှာပဲ ဝေရှင်းအတွက် ပုံမှန်မဟုတ်တဲ့ ကိစ္စတစ်ခု ဖြစ်လာပါတော့တယ်။</p> <p>မိစ္ဆာသားရဲသားကနေ ရလာတဲ့ နွေးထွေးတဲ့ စွမ်းအင်စီးကြောင်းတွေက ချက်ချင်း ပျောက်ကွယ်သွားတာ မဟုတ်ဘဲ သူ့ခန္ဓာကိုယ်ထဲမှာ အဆက်မပြတ် စီးဆင်းနေခဲ့ပါတယ်။ ခဏအကြာမှာတော့ ဒီထူးဆန်းတဲ့ နွေးထွေးမှုတွေက ဝေရှင်းရဲ့ ကျင့်ကြံမှုကို အဟန့်အတား ဖြစ်နေတဲ့ ခန္ဓာကိုယ်ထဲက ပိတ်ဆို့မှုအချို့ကို ဖယ်ရှားပေးလိုက်တာကို ဝေရှင်း တွေ့ရှိသွားခဲ့ပါပြီ။</p> <p>အဟန့်အတားတွေ ပွင့်သွားတာနဲ့ ဝေရှင်းရဲ့ အဆင့်က ချက်ချင်းပဲ ခုန်တက်သွားခဲ့ပြီး သူ့ကို စတုတ္ထအဆင့်ကနေ ပဉ္စမအဆင့်ကို ရောက်ရှိသွားစေခဲ့တာပါ။</p> <p>အောင်အောင်မြင်မြင် ပြီးဆုံးသွားတဲ့ အခိုက်အတန့်မှာပဲ အဆင့်တက်သွားတာကို ဝေရှင်း သိလိုက်ပါပြီ။</p> <p>လူရိုင်းမျိုးနွယ်စုတွေ မွေးမြူထားတဲ့ မိစ္ဆာသားရဲသားတွေဟာ သာမန် မိစ္ဆာသားရဲသားတွေ လုံး၀ မဟုတ်ဘူးဆိုတာပါပဲ။</p> <p>ဒီအသားတွေက တကယ်တမ်းမှာ ခန္ဓာကိုယ်ရဲ့ အခြေခံ တည်ဆောက်မှုကို မြှင့်တင်ပေးနိုင်တဲ့ အာနိသင် ရှိနေတာလား။</p> <p>ဝေရှင်းတစ်ယောက် ချက်ချင်းပဲ ဆွံ့အသွားခဲ့ရပါပြီ။</p> <p>ခန္ဓာကိုယ် အခြေခံတည်ဆောက်မှု ဆိုတာက ပါရမီကို ကိုယ်စားပြုတာပါ။ လူတစ်ယောက်ရဲ့ အခြေခံတည်ဆောက်မှုက ဘယ်လိုရှိလဲ ဆိုတာက သူ့ရဲ့ ပါရမီ ဘယ်လောက်ရှိလဲဆိုတာကို ဖော်ပြနေတာဖြစ်ပြီး ဒါက ပြောင်းလဲလို့ မရနိုင်သလောက် ခက်ခဲတဲ့အရာပါ။</p> <p>ဥပမာအားဖြင့် ဝေရှင်းတစ်ယောက် ဘာလို့ အဲဒီတုန်းက သူလျှိုလုပ်ဖို့ ရွေးချယ်ခဲ့တာလဲ။</p> <p>ပွင့်ပွင့်လင်းလင်း ပြောရရင်တော့ သူ့ရဲ့ ပါရမီက မကောင်းသလို ခန္ဓာကိုယ် အခြေခံတည်ဆောက်မှုကလည်း သန်မာမှု မရှိလို့ပါပဲ။</p> <p>ဒါကြောင့် သူဟာ သာမန် ယွင်ရှောင်ဂိုဏ်းသားတစ်ယောက် ဖြစ်လာဖို့ အရည်အချင်း မပြည့်မီခဲ့ပါဘူး။ ဝေရှင်း သိထားတာက သူသာ တခြားဂိုဏ်းအသေးလေးတွေမှာ တပည့် သွားလုပ်ခဲ့ရင်တောင် ဘာမှ ဖြစ်ဖြစ်မြောက်မြောက် အောင်မြင်မှာ မဟုတ်ဘူးဆိုတာပါပဲ။</p> <p>တခြား သွားစရာလမ်း မရှိတော့တဲ့ အချိန်မှာပဲ လင်းစုပေးတဲ့ ကတိနဲ့ သူ ကြုံခဲ့ရတာပါ။</p> <p>ဒါက ဝေရှင်းကို သူလျှိုလမ်းကြောင်းပေါ် ရောက်သွားစေခဲ့တာပါ။ ဒါပေမဲ့ ဒီလောကမှာ ဘယ်သူကများ အစွမ်းထက်တဲ့သူ တစ်ယောက် မဖြစ်ချင်ဘဲ နေမှာလဲ။</p> <p>ဘယ်သူကများ အထွတ်အထိပ်မှာ မရပ်ချင်ဘဲ နေမှာလဲ။</p> <p>ဝေရှင်း ကြိုးစားခဲ့ပါတယ်။ သူ ယွင်ရှောင်ဂိုဏ်းမှာ ရှိစဉ်တုန်းက ဖြစ်ဖြစ်၊ နောက်ပိုင်း မဟာမိုးကောင်းကင်ဂိုဏ်းကို ရောက်လာတဲ့ အခါမှာပဲ ဖြစ်ဖြစ်၊ ဝေရှင်းဟာ သာမန်လူတွေထက် အများကြီး ပိုပြီး ကြိုးစားခဲ့ပါတယ်။</p> <p>ဒါပေမဲ့ သူ့ရဲ့ မွေးရာပါ ညံ့ဖျင်းတဲ့ ခန္ဓာကိုယ် အခြေခံတည်ဆောက်မှုကြောင့် ဝေရှင်း ဘယ်လောက်ပဲ ကြိုးစားကြိုးစား အားစိုက်သလောက် အရာမထင်ခဲ့ပါဘူး။ သူ ဘယ်လောက်ပဲ အားထုတ်ပါစေ မြင့်မားတဲ့ အဆင့်တစ်ခုကိုတော့ ဘယ်လိုမှ မကျင့်ကြံနိုင်ခဲ့ပါဘူး။</p> <p>ဒါပေမဲ့ ဝေရှင်း သိတာက ဒီလောကမှာ သူ့လို လူမျိုးတွေ အများကြီး ရှိနေတယ်ဆိုတာပါပဲ...။</p> <p>သူတို့ ဘယ်လောက်ပဲ ကြိုးစားပါစေ၊ မွေးရာပါ ခန္ဓာကိုယ် အခြေခံတည်ဆောက်မှုကြောင့် လက်ရှိ အခြေအနေကိုပဲ လက်လျှော့ပြီး လက်ခံလိုက်ကြရတာပါ။</p> <p>ဒါပေမဲ့ ဒီနေ့မှာတော့၊ ဂိုဏ်းတူအစ်ကိုကြီး ချူရှင်းဟီရဲ့ ဖိတ်ကြားမှုကြောင့် မိစ္ဆာသားရဲသားကို မြည်းစမ်းခွင့်ရခဲ့ပြီး လူရိုင်းမျိုးနွယ်စုတွေ မွေးမြူထားတဲ့ မိစ္ဆာသားရဲသားရဲ့ အရသာကို ပထမဆုံးအကြိမ် သိလိုက်ရတဲ့ ဝေရှင်းတစ်ယောက် လုံး၀ကို မှင်သက်သွားခဲ့ရပါပြီ။</p> <p>လူရိုင်းမျိုးနွယ်စုတွေ မွေးမြူထားတဲ့ မိစ္ဆာသားရဲသားက တကယ်ပဲ မွေးရာပါ ခန္ဓာကိုယ် အခြေခံတည်ဆောက်မှုကို မြှင့်တင်ပေးနိုင်တာလား။</p> <p>ဒါက ရိုးရိုးတန်းတန်း လွန်တာထက်ကို ပိုနေပါပြီ... ဒါက တကယ်ကို ကြောက်စရာကောင်းတဲ့ ကိစ္စပဲ။</p> <p>လက်ရှိ မဟာနေမင်း ကုန်းမြေတိုက်ကြီးပေါ်မှာ မွေးရာပါ ခန္ဓာကိုယ် အခြေခံတည်ဆောက်မှုကို ပြောင်းလဲနိုင်တဲ့ အရာတွေ ဒါမှမဟုတ် နည်းလမ်းတွေ မရှိတာတော့ မဟုတ်ပါဘူး။ ဒါပေမဲ့ အဲဒီအရာတွေက ခြွင်းချက်မရှိ ကောင်းကင်နှင့်မြေကြီးရဲ့ ထိပ်တန်း ရတနာတွေ ဒါမှမဟုတ် အလွန်အဆင့်မြင့်မားတဲ့ မှော်ဆေးဝါးတွေပါပဲ။</p> <p>နည်းလမ်းတွေ ဆိုရင်တော့ ပြောနေစရာတောင် မလိုတော့ပါဘူး။ ပြိုင်စံရှား တန်ခိုးရှင်ကြီးတစ်ယောက်က ကိုယ်တိုင် မကူရင်တော့ ဒါက လုံး၀ မဖြစ်နိုင်တဲ့ ကိစ္စပါ။ အဲဒီလို တန်ခိုးရှင်ကြီးက ကူညီရင်တောင် အန္တရာယ်က အလွန်ကြီးမားပြီး အမှားတစ်ခုတည်းနဲ့တင် ချက်ချင်း အသက်ဆုံးရှုံးသွားနိုင်ပါတယ်။</p> <p>ဒါကြောင့် ခန္ဓာကိုယ် အခြေခံတည်ဆောက်မှုကို မြှင့်တင်ဖို့ဆိုတာ မဖြစ်နိုင်သလောက် နီးပါးကို ခက်ခဲတဲ့ အလုပ်တစ်ခု ဖြစ်နေခဲ့တာပါ။</p> <p>ဒါပေမဲ့ လူရိုင်းမျိုးနွယ်စုတွေ မွေးမြူထားတဲ့ မိစ္ဆာသားရဲတွေမှာ အဲဒီလို စွမ်းရည်မျိုး ရှိနေမယ်လို့ ဝေရှင်းတစ်ယောက် အိပ်မက်တောင် မမက်ဖူးပါဘူး။</p> <p>အခုအချိန်မှာတော့ ဝေရှင်းတစ်ယောက် ရူးမတတ် စိတ်လှုပ်ရှားနေခဲ့ပါပြီ။ ဝေရှင်းက ဘာမှ ဖုံးကွယ်မထားရဲတော့ဘဲ ဒီမိစ္ဆာသားရဲသားက သူ့ရဲ့ ခန္ဓာကိုယ် အခြေခံတည်ဆောက်မှုကို ဘယ်လိုမျိုး မြှင့်တင်ပေးသွားတယ် ဆိုတာကို ချက်ချင်းပဲ ရှင်းပြလိုက်ပါတယ်။</p> <p>ဝေရှင်း စကားလည်း အဆုံးမှာတော့ အားလုံး ချက်ချင်းပဲ ငြိမ်သက်သွားခဲ့ပါတော့တယ်။</p> <p>ချူရှင်းဟီကတော့ ဝေရှင်းရဲ့ စကားတွေကို ပါးစပ်အဟောင်းသားနဲ့ နားထောင်နေခဲ့ပါတယ်။ အခုအချိန်မှာ ချူရှင်းဟီ ပြောချင်နေတာက "ဝေရှင်း၊ မင်း ငါ့ကို ဘာတွေ လာပြီး ပေါက်ကရတွေ ပြောနေတာလဲ" ဆိုတာပါပဲ။</p> <p>မိစ္ဆာသားရဲသားက မွေးရာပါ ခန္ဓာကိုယ် အခြေခံတည်ဆောက်မှုကို မြှင့်တင်ပေးနိုင်တယ် ဟုတ်လား။</p> <p>မင်း ဘာတွေပြောနေလဲဆိုတာ မင်းသိရဲ့လား။ ဒါက နည်းနည်းတော့ လွန်မနေဘူးလား။</p> <p>ငါ ချူရှင်းဟီလည်း အခုတင်ပဲ အဲဒါကို စားခဲ့တာပဲလေ။ ငါ့ရဲ့ ခန္ဓာကိုယ် အခြေခံတည်ဆောက်မှု အဆင့်တက်လာတာမျိုး ဘာလို့ မခံစားရတာလဲ။ ဒါက လုံး၀ ပေါက်ကရတွေ ပြောနေတာပဲ။</p> <p>ဒါပေမဲ့ ချူရှင်းဟီက ဝေရှင်းတစ်ယောက် ရူးသွားပြီလို့ ထင်လိုက်တဲ့ အချိန်မှာပဲ အိုးရန်မင်က ဝင်ပြောလိုက်ပါတယ်။ .</p> <p>"မင်းပြောတာကို ငါတို့ သိပြီးသားပါ။ အဲဒါက ဘာပြဿနာရှိလို့လဲ"</p> <p>အိုးရန်မိသားစုက လူတစ်စုကလည်း ခေါင်းငြိမ့်ပြကြပါတယ်။ သူတို့က အဲဒါကို အမြဲတမ်း စားနေကြတာဆိုတော့ ဒါက အထူးအဆန်း မဟုတ်ဘူးဆိုတဲ့ သဘောမျိုးပေါ့။</p> <p>အိုးရန်မိသားစုရဲ့ တည်ငြိမ်မှုကြောင့် ချူရှင်းဟီတစ်ယောက် ရတက်မအေးနိုင် ဖြစ်သွားရပါတယ်။</p> <p>ဘာတွေလဲဟ။ ဝေရှင်း ပြောတာက တကယ်ပဲလား။ ဒါပေမဲ့ ငါကကျတော့ ဘာလို့ ဘာမှ မခံစားရတာလဲ။</p> <p>မကြာခင်မှာပဲ ချူရှင်းဟီက သူ ဘာလို့ ဘာမှ မခံစားရလဲဆိုတာကို သိသွားခဲ့ပါပြီ။</p> <p>ဘာလို့လဲဆိုတော့ ငါ့ရဲ့ ခန္ဓာကိုယ်က ပြီးပြည့်စုံတဲ့ အပြောင်းအလဲကို လုပ်ပြီးသား ဖြစ်နေလို့ပဲလေ။</p> <p>သူ့ရဲ့ ခန္ဓာကိုယ် အခြေခံတည်ဆောက်မှုက အထွတ်အထိပ်ရဲ့ အထွတ်အထိပ်ကို ရောက်နေပြီးသားဆိုတော့ ထပ်ပြီး မြှင့်တင်စရာမှ မရှိတော့တာ။</p> <p>ဒါကြောင့် မိစ္ဆာသားရဲသားကို စားတာ မပြောနဲ့၊ မိစ္ဆာသားရဲတွေရဲ့ အစွမ်းအထက်ဆုံး အစိတ်အပိုင်းတွေကို စားရင်တောင်မှ သူ့အတွက်ကတော့ အပိုပဲလေ။</p> <p>ဒါပေမဲ့ တခြားလူတွေကတော့ မတူပါဘူး။ အိုးရန်မိသားစုက လူတိုင်းကတော့ လူရိုင်းမျိုးနွယ်စုတွေ မွေးမြူထားတဲ့ မိစ္ဆာသားရဲသားဟာ တကယ်ပဲ ခန္ဓာကိုယ် အခြေခံတည်ဆောက်မှုကို မြှင့်တင်ပေးနိုင်တဲ့ အာနိသင် ရှိတယ်လို့ အတည်ပြုပေးကြပါတယ်။ ဒါပေမဲ့ အိုးရန်မိသားစုကတော့ အဲဒါက သိပ်ပြီး အသုံးမဝင်ဘူးလို့ ထင်နေကြတာပါ။</p> <p>ဘာပဲဖြစ်ဖြစ် သူတို့ အိုးရန်မိသားစုက မှော်ရတနာ သွန်းလောင်းခြင်း တာအိုကို လိုက်စားတာဖြစ်လို့ ခန္ဓာကိုယ် အခြေခံတည်ဆောက်မှု မြှင့်တင်တာက မှော်ရတနာ သွန်းလောင်းတဲ့ နေရာမှာ သိပ်ပြီး အကူအညီ မဖြစ်ဘူးလို့ ယူဆထားကြတာပါ။</p> <p>လူရိုင်းမျိုးနွယ်စုတွေ ဆိုရင်တော့ ပြောနေစရာတောင် မလိုတော့ပါဘူး။ သူတို့က သားရဲထိန်းကျောင်းတဲ့ လမ်းစဉ်ကို လိုက်စားတာဖြစ်ပြီး သာမန် ကျင့်စဉ်တွေကို မကျင့်ကြံနိုင်ကြတဲ့အတွက် သူတို့ရဲ့ ခန္ဓာကိုယ် အခြေခံတည်ဆောက်မှု တက်လာသလား၊ မတက်ဘူးလား ဆိုတာကို ဘာမှ မခံစားရတာပါ။</p> <p>နောက်ဆုံးအနေနဲ့ မိစ္ဆာသားရဲသားကို စားဖူးတဲ့သူတွေက ဟေးယွဲ့ မျိုးနွယ်စုတွေပဲ ရှိပါတယ်။ ဟေးယွဲ့မျိုးနွယ်စုတွေကရော သူတို့ရဲ့ ခန္ဓာကိုယ် အခြေခံတည်ဆောက်မှု တက်လာတာကို သိကြပါ့မလား။</p> <p>သူတို့ကိုယ်သူတို့ ဘယ်လို ထူးထူးဆန်းဆန်း လူတွေလဲဆိုတာ သူတို့ သိကြလို့လား။</p> <p>ဒါကြောင့် ဒီထူးဆန်းတဲ့ လူစုကြီးက မိစ္ဆာသားရဲသားကို အလေးမထားခဲ့ကြတာပါ။ ဒါပေမဲ့ ဒီနေ့မှာတော့ ခန္ဓာကိုယ် အခြေခံတည်ဆောက်မှု အလွန်ညံ့ဖျင်းတဲ့ ဝေရှင်းက မိစ္ဆာသားရဲသားကို ပထမဆုံးအကြိမ် မြည်းစမ်းလိုက်တဲ့ အခါမှာတော့ ဝေရှင်းဟာ အဲဒီအာနိသင်ကို ချက်ချင်းကြီး ခံစားလိုက်ရတာ ဖြစ်ပါတယ်။</p> <p>အခုအချိန်မှာတော့ ဝေရှင်းဟာ ဝမ်းသာလွန်းလို့ ငိုတောင် ငိုချင်နေပါပြီ။</p> <p>လူရိုင်းမျိုးနွယ်စုတွေ မွေးမြူထားတဲ့ မိစ္ဆာသားရဲသားက သူ့ရဲ့ ခန္ဓာကိုယ် အခြေခံတည်ဆောက်မှုကို မြှင့်တင်ပေးနိုင်တယ် ဟုတ်လား။</p> <p>ဒါဆိုရင် ငါက အဲဒါကိုပဲ ဆက်စားနေမယ်ဆိုရင် တစ်နေ့ကျရင် ငါ့ရဲ့ အခြေခံတည်ဆောက်မှုကို အမြင့်ဆုံး အဆင့်အထိ မြှင့်တင်နိုင်မှာ မဟုတ်လား။ ငါက နောက်ဆုံးတော့ ဘာမှမမယ်တဲ့ အသုံးမကျသူ တစ်ယောက် မဟုတ်တော့ဘဲ တကယ်တမ်း ကျင့်ကြံနိုင်တော့မှာလား။</p> <p>ဒါ့အပြင် ဝေရှင်းက ဘယ်သူလဲ။ သူက စီးပွားရေး အမြင်မှာ ထိပ်တန်း ပါရမီရှင် တစ်ယောက် မဟုတ်လား။ လူရိုင်းမျိုးနွယ်စုတွေ မွေးမြူထားတဲ့ မိစ္ဆာသားရဲသားက ဘယ်လောက်တောင် ကြောက်စရာကောင်းလောက်အောင် တန်ဖိုးရှိလဲဆိုတာ ဝေရှင်းကတော့ လူတိုင်းထက် ပိုသိပါတယ်။</p> <p>ဘယ်မိသားစုမှာပဲ ဖြစ်ဖြစ် အသုံးမကျတဲ့ ကလေး တစ်ယောက်၊ နှစ်ယောက်တော့ ရှိကြတာပဲ မဟုတ်လား။</p> <p>ပြိုင်စံရှား တန်ခိုးရှင်ကြီးတွေရဲ့ မျိုးဆက်တွေတောင်မှ လူတိုင်းက ပါရမီထူးချွန်တယ်လို့ မပြောနိုင်ဘူးလေ။</p> <p>အရင်တုန်းကတော့ မင်းရဲ့ မျိုးဆက်က ပါရမီညံ့ရင် လက်ရှိ အခြေအနေကိုပဲ လက်ခံလိုက်ကြရတာပါ။ ဒါပေမဲ့ အခု လူရိုင်းမျိုးနွယ်စုဆီက မိစ္ဆာသားရဲသားနဲ့ ဆိုရင်တော့ ဒါက လုံး၀ ပြောင်းလဲသွားပါပြီ။</p> <p>ဒါက မိစ္ဆာသားရဲသား သက်သက် မဟုတ်တော့ပါဘူး။ ဒါက ကံကြမ္မာကို ပြောင်းလဲပေးနိုင်တဲ့ မိုးကောင်းကင်ကို ဆန့်ကျင်တဲ့ မဟာနတ်ဘုရားအဆင့် လက်ဆောင်တစ်ခုပါပဲ။</p> <p>ဝေရှင်းက အော်ဟစ်ပြောလိုက်တဲ့ အခါမှာတော့ အိုးရန်မိသားစုက လူတွေဖြစ်ဖြစ်၊ လူရိုင်းမျိုးနွယ်စုက လူတွေဖြစ်ဖြစ် အဲဒီနေရာမှာ ရှိနေတဲ့သူ အားလုံးဟာ ပြဿနာက ဘယ်လောက်အထိ ကြီးမားသွားပြီလဲ ဆိုတာကို သဘောပေါက်သွားကြပါပြီ။</p> <p>မဟာသူတော်စင်ကြီးက ချက်ချင်းပဲ ဒီသတင်းကို ဂိုဏ်းချုပ်ကြီးဆီ ပို့လိုက်ပါတယ်။ ခဏအကြာမှာတော့ ဒီသတင်းကို ကြားပြီး အပြေးအလွှား ရောက်လာကြတဲ့ ဂိုဏ်းချုပ် ဂူမင်ချောင်၊ ဆရာဘိုးဘိုးနဲ့ နန်းတော်ရှင် အားလုံးဟာ ဟေးယွဲ့နန်းတော်ဆီ ရောက်ရှိလာကြပါတယ်။</p> <p>သူတို့က ငိုမဲ့မဲ့ ဖြစ်နေတဲ့ အိုးရန်မိသားစုဆီကနေ ကျန်နေတဲ့ မိစ္ဆာသားရဲသား အားလုံးကို လုယူသွားကြပါပြီ။ ဆရာဘိုးဘိုးကလည်း ချက်ချင်းပဲ ဂိုဏ်းထဲက ပါရမီ နည်းနည်းညံ့တဲ့ အပြင်စည်းတပည့် တချို့ကို ခေါ်ပြီး မိစ္ဆာသားရဲသားရဲ့ အာနိသင်ကို စမ်းသပ်ဖို့ စီစဉ်လိုက်ပါပြီ။</p> <p>သူတို့က စမ်းသပ်မကြည့်မချင်းတော့ မသိခဲ့ကြပါဘူး။ ဒါပေမဲ့ စမ်းသပ်လိုက်တဲ့ အခါမှာတော့ အားလုံးက ပွက်လောရိုက်သွားပါတော့တယ်။</p> <p>မိစ္ဆာသားရဲသားကို စားလိုက်တဲ့ တပည့်အချို့ဟာ ဝမ်းသာလွန်းလို့ ချက်ချင်းပဲ ငိုချလိုက်ကြပါပြီ။ ဘာလို့လဲဆိုတော့ မိစ္ဆာသားရဲသားက တကယ်ပဲ ဝေရှင်းပြောခဲ့သလိုပဲ သူတို့ စားပြီးတာနဲ့ သူတို့ရဲ့ ခန္ဓာကိုယ် အခြေခံတည်ဆောက်မှုကို ဖြည်းဖြည်းချင်း မြှင့်တင်ပေးလာလို့ပါပဲ။</p> <p>ဘာပဲဖြစ်ဖြစ် မဟာမိုးကောင်းကင်ဂိုဏ်းထဲကို ဝင်နိုင်တဲ့သူတွေ ဆိုတာက အပြင်စည်းတပည့်တွေ ဖြစ်နေရင်တောင်မှ သူတို့ရဲ့ အခြေခံတည်ဆောက်မှုက ဘယ်လောက်ပဲ ညံ့တယ်ပြောပြော သိပ်တော့ မဆိုးလှပါဘူး။</p> <p>ဒါကြောင့် မြှင့်တင်ပေးတဲ့ အာနိသင်က ဝေရှင်းမှာ ဖြစ်ခဲ့သလိုမျိုးတော့ ကြောက်စရာကောင်းလောက်အောင် မသိသာပါဘူး။</p> <p>ဒါပေမဲ့ စားခဲ့တဲ့ အပြင်စည်းတပည့် အားလုံးအတွက်ကတော့ အာနိသင်က သိပ်မပြင်းထန်ပေမဲ့ တကယ်ကို ထိရောက်မှု ရှိတယ်လို့ တညီတညွတ်တည်း ပြောကြပါတယ်။</p> <p>သူတို့သာ ဒါကို ဆက်စားနေမယ်ဆိုရင် သူတို့ရဲ့ ခန္ဓာကိုယ် အခြေခံတည်ဆောက်မှုက ဆက်ပြီး တိုးတက်လာမှာ သေချာပါတယ်။</p> <p>တပည့်တွေက အတည်ပြုပေးလိုက်တဲ့ အခါမှာတော့ မဟာမိုးကောင်းကင်ဂိုဏ်းက လူကြီးပိုင်းတွေ အားလုံးတောင် ဆွံ့အသွားခဲ့ကြပါတယ်။</p> <p>အခုအချိန်မှာတော့ လူကြီးပိုင်းတွေဟာ လူရိုင်းမျိုးနွယ်စုတွေ မွေးမြူထားတဲ့ မိစ္ဆာသားရဲတွေကို ကြည့်ပြီး မျက်လုံးတွေတောင် နီမြန်းလာခဲ့ပါပြီ။</p> <p>လူရိုင်းမျိုးနွယ်စုတွေ မဟာမိုးကောင်းကင်ဂိုဏ်းကို ရောက်လာကတည်းက သူတို့ဟာ ဂိုဏ်းရဲ့ အရင်းအမြစ်တွေကို နေ့တိုင်း အဆက်မပြတ် သုံးစွဲနေခဲ့တာပါ။</p> <p>ပွင့်ပွင့်လင်းလင်း ပြောရရင် လူရိုင်းမျိုးနွယ်စုက ဂိုဏ်းရဲ့ မဟာမိတ်ဟောင်း တစ်ခု ဖြစ်နေခဲ့ရင်တောင်မှ အရင်းအမြစ်တွေကို ဒီလောက်အထိ သုံးစွဲနေတာက မဟာမိုးကောင်းကင်ဂိုဏ်းအတွက် နည်းနည်းတော့ နေရခက်စေတာ အမှန်ပါပဲ။</p> <p>ဒါပေမဲ့ ဒါက ချူရှင်းဟီ စီစဉ်ထားတာလို့ တွေးလိုက်ရင်တော့ လူတိုင်းက ဘာမှ ဝင်မပြောကြတော့ပါဘူး။</p> <p>ဆရာဘိုးဘိုးကတောင် ဖန်းဖေးကို သီးသန့်ခေါ်ပြီး ချူရှင်းဟီကို ပြောခိုင်းခဲ့ပါသေးတယ်။ လူရိုင်းမျိုးနွယ်စုတွေကို မိစ္ဆာသားရဲတွေ မွေးမြူတဲ့ နေရာမှာ ဒီလောက်အထိ မလုပ်ခိုင်းဘဲ နည်းနည်းလောက် ထိန်းထိန်းသိမ်းသိမ်း လုပ်ခိုင်းဖို့ပေါ့။</p> <p>ဒါပေမဲ့ ဖန်းဖေးရဲ့ သတိပေးမှုကို ချူရှင်းဟီက ချက်ချင်းပဲ တုံ့ပြန်ခဲ့ပါတယ်။ သူက လုံး၀ ထိန်းသိမ်းလို့ မဖြစ်ဘူးလို့ ပြောခဲ့တာပါ။ လူရိုင်းမျိုးနွယ်စုတွေ သုတေသန လုပ်ထားတဲ့ မိစ္ဆာသားရဲတွေက တစ်နေ့ကျရင် တကယ်ကို အသုံးဝင်လာမှာလို့ သူက အခိုင်အမာ ပြောခဲ့တာပါ။</p> <p>ချူရှင်းဟီက ဒါက အလွန်အသုံးဝင်လိမ့်မယ်လို့ ပြောခဲ့တာကို ဆရာဘိုးဘိုးကတော့ စောင့်ကြည့်ရဦးမယ်လို့ပဲ တွေးခဲ့တာပါ။</p> <p>အခုအချိန်မှာတော့ ဆရာဘိုးဘိုးဟာ တစ်ဖက်မှာ တည်တည်ငြိမ်ငြိမ် ရှိနေတဲ့ ချူရှင်းဟီကို ကြည့်ပြီး လုံး၀ကို မှင်သက်သွားခဲ့ရပါပြီ။</p> <p>ချူရှင်းဟီက လူရိုင်းမျိုးနွယ်စုတွေ မွေးမြူတဲ့ မိစ္ဆာသားရဲတွေက အလွန်အသုံးဝင်လိမ့်မယ်လို့ ဘာလို့ ပြောခဲ့လဲဆိုတာ အခုတော့ နားလည်သွားပါပြီ။</p> <p>(ဒီ "အသုံးဝင်မှု" က ဒီလောက်အထိ ကြီးကျယ်မယ်လို့ ငါ တစ်ခါမှ မတွေးခဲ့မိဘူး။)</p> <p>လူရိုင်းမျိုးနွယ်စုတွေ မွေးမြူထားတဲ့ မိစ္ဆာသားရဲသားတွေက ဘယ်လောက်အထိ ထူးခြားတဲ့ အဓိပ္ပာယ်ရှိလဲ ဆိုတာကို ဆရာဘိုးဘိုးထက် ပိုသိတဲ့သူ မရှိပါဘူး။</p> <p>မွေးရာပါ ခန္ဓာကိုယ် အခြေခံတည်ဆောက်မှုကို မြှင့်တင်ပေးနိုင်တာ၊ အရင်က မကျင့်ကြံနိုင်ခဲ့တဲ့ လူတွေကို တစ်ဖန်ပြန်ပြီး ကျင့်ကြံနိုင်အောင် လုပ်ပေးနိုင်တာ၊ ဒါက မိစ္ဆာသားရဲသားတင် မဟုတ်တော့ပါဘူး၊ ဒါက မျှော်လင့်ချက်ပါပဲ။</p> <p>ဒါက ကျင့်ကြံဖို့ တောင့်တနေတဲ့ လူတိုင်းရဲ့ မျှော်လင့်ချက်ပါပဲ။</p> <p>အဆင့်မြင့် မှော်ဆေးဝါး တန်ခိုးရှင်ကြီး တစ်ယောက်အနေနဲ့ ဆရာဘိုးဘိုး ကိုင်တွယ်ခဲ့ဖူးတဲ့ မှော်ဆေးဝါးတွေ အားလုံးထဲမှာတောင် မိုးကောင်းကင်ဆန့်ကျင်ဆေးလုံးတစ်မျိုးတည်းမှာပဲ အဲဒီလို အာနိသင် ရှိတာပါ။</p> <p>ဒါပေမဲ့ မိုးကောင်းကင်ဆန့်ကျင်ဆေးလုံး ဆိုတာက ဘာလဲ။ အဲဒါက န၀မအဆင့် ရှိတဲ့ မှော်ဆေးဝါး တစ်ခုပါ။</p> <p>ဆရာဘိုးဘိုး ကိုယ်တိုင်တောင်မှ မိုးကောင်းကင်ဆန့်ကျင်ဆေးလုံးကို ဖော်စပ်မယ်ဆိုရင် အောင်မြင်နိုင်ခြေက ၃၀ ရာခိုင်နှုန်းထက် မပိုပါဘူး။</p> <p>ကောင်းကင်နှင့်မြေကြီး ရတနာတွေကို မရေမတွက်နိုင်အောင် သုံးစွဲပြီးမှ ၃၀ ရာခိုင်နှုန်းသော အောင်မြင်နိုင်ခြေ ရှိတာဖြစ်ပြီး အောင်မြင်ခဲ့ရင်တောင်မှ အဲဒီဆေးလုံးကို စားရဖို့က မလွယ်လှပါဘူး။</p> <p>ကောင်းကင်ကို ဆန့်ကျင်ပြီး ကံကြမ္မာကို ပြောင်းလဲဖို့ ဆိုတာက သာမန်လူတွေ လုပ်နိုင်တဲ့ ကိစ္စလား။</p> <p>ဒါကြောင့် မိုးကောင်းကင်ဆန့်ကျင်ဆေးလုံးကို ရှင်ခြင်းနှင့်သေခြင်း ဆေးလုံး လို့လည်း ခေါ်ကြပါတယ်။ မင်းသာ အဲဒါကို စားလိုက်ရင် မင်းရဲ့ အခြေခံတည်ဆောက်မှု တက်လာဖို့ ၅၀ ရာခိုင်နှုန်း အခွင့်အရေး ရှိသလို၊ ကျန်တဲ့ ၅၀ ရာခိုင်နှုန်းကတော့ ချက်ချင်း ပေါက်ကွဲပြီး သေသွားနိုင်တဲ့ အခွင့်အရေးပါပဲ။</p> <p>မင်းက အဲဒီ လောင်းကစားမှာ နိုင်ခဲ့ရင်တောင်မှ မိုးကောင်းကင်ဆန့်ကျင်ဆေးလုံးက မင်းရဲ့ အခြေခံတည်ဆောက်မှု တစ်စိတ်တစ်ပိုင်းကိုပဲ မြှင့်တင်ပေးနိုင်တာဖြစ်ပြီး လုံး၀ ပြီးပြည့်စုံအောင်တော့ မလုပ်ပေးနိုင်ပါဘူး။</p> <p>ဆရာဘိုးဘိုး တစ်ခါက တွက်ချက်ခဲ့ဖူးတာကတော့ အသုံးမကျတဲ့သူ တစ်ယောက်ကို ပါရမီရှင်တစ်ယောက် ဖြစ်လာစေဖို့ အနည်းဆုံး မိုးကောင်းကင်ဆန့်ကျင်ဆေးလုံး ငါးလုံး လိုအပ်လိမ့်မယ် ဆိုတာပါပဲ...။</p> <p>၅၀ ရာခိုင်နှုန်း အခွင့်အရေးရှိတဲ့ လောင်းကစားကို ငါးကြိမ် ဆက်တိုက် လုပ်ရမှာဖြစ်ပြီး တစ်ကြိမ်လေး ရှုံးတာနဲ့တင် ပေါက်ကွဲပြီး သေမှာပါ။ ဒီလောကမှာ အခုထိ ဘယ်သူမှ မအောင်မြင်ဖူးသေးပါဘူး။ မင်းမှာ တကယ့်ကို ထူးခြားတဲ့ ကံကောင်းမှုမျိုး ရှိခဲ့ရင်တောင်မှ မိုးကောင်းကင်ဆန့်ကျင်ဆေးလုံး ငါးလုံးကို ဖော်စပ်ဖို့အတွက် ထိပ်တန်း ကုန်ကြမ်းတွေ ဘယ်လောက်အထိ လိုအပ်မလဲဆိုတာ မင်းသိလား။</p> <p>ဒါပေမဲ့ ဒီနေ့မှာတော့ လူရိုင်းမျိုးနွယ်စုဆီက ရတဲ့ မိစ္ဆာသားရဲသားဟာ မိုးကောင်းကင်ဆန့်ကျင်ဆေးလုံးရဲ့ အာနိသင်မျိုး ရှိနေပါတယ်။ အာနိသင်ကတော့ မိုးကောင်းကင်ဆန့်ကျင်ဆေးလုံးလောက် မပြင်းထန်ပေမဲ့ အလွန်ကို ဘေးကင်းလှပါတယ်... ပြီးတော့ အများကြီးလည်း ထုတ်လုပ်နိုင်သေးတယ်လေ။</p> <p>အရင်တုန်းက လူရိုင်းမျိုးနွယ်စုတွေ မဟာမိုးကောင်းကင်ဂိုဏ်းကို ရောက်လာတဲ့ အခါမှာတော့ လူတိုင်းက မဟာမိုးကောင်းကင်ဂိုဏ်းဟာ ရူးနေပြီ၊ အရင်းအမြစ်တွေကို အလဟဿ သုံးစွဲနေတယ်လို့ ဝိုင်းပြောခဲ့ကြပါတယ်။</p> <p>ဒါပေမဲ့ ဒီနေ့မှာတော့ ဆရာဘိုးဘိုးက အဲဒီလူတွေကို ပြောချင်နေပါပြီ။ "မင်းတို့ ဘာမှ မသိကြပါဘူး။"</p> <p>ငါတို့ရဲ့ ကလေး ချူရှင်းဟီက ဘယ်တုန်းကများ ဂိုဏ်းကို အရှုံးခံစေခဲ့ဖူးလို့လဲ။</p> <p>ဒီတစ်ကြိမ် မိစ္ဆာသားရဲတွေကို မွေးမြူလိုက်တဲ့အတွက် ငါတို့ မဟာမိုးကောင်းကင်ဂိုဏ်းကတော့ တကယ်ပဲ ကံထူးသွားခဲ့ပြီ။</p> <p>တစ်ယောက်ယောက်က "မဟာမိုးကောင်းကင်ဂိုဏ်းကို မိုးနတ်မင်း စောင်မ စောင့်ရှောက်ပေးတော်မူပါ။" လို့ စပြီး အော်လိုက်တဲ့ အခါမှာတော့ ဟေးယွဲ့နန်းတော် တစ်ခုလုံးမှာ "မဟာမိုးကောင်းကင်ဂိုဏ်းကို မိုးနတ်မင်း စောင်မ စောင့်ရှောက်ပေးတော်မူပါ။" ဆိုတဲ့ အသံတွေနဲ့ ဖုံးလွှမ်းသွားခဲ့ပါတော့တယ်။ အဲဒီ အော်သံတွေကြားထဲမှာတော့ ချူရှင်းဟီရဲ့ ရှိုက်သံ သဲ့သဲ့လေးကိုပဲ ခပ်ဖျော့ဖျော့ ကြားနေရပါတော့တယ်။</p> <p> </p> <p> </p> <p style="text-align: center;">***</p>


Save