Book List

<h2 style="text-align: center;">အခန်း ၂၁၃</h2> <h2 style="text-align: center;">တိုက်ပွဲ၏ နောက်ဆက်တွဲ</h2> <h2 style="text-align: center;">*</h2> <p> </p> <p> </p> <p> </p> <p>အချိန် မည်မျှ ကြာသွားသည် မသိ၊ လီယီတောင်း သတိပြန်လည်လာပြီး ရှုပ်ပွနေသော အခန်းကို ဝေ့ဝဲကြည့်လိုက်သည်။ သူ့ မျက်လုံးများက မှိန်ဖျော့ဖျော့။ အသက်ပြင်းပြင်း တစ်ချက်ရှူကာ ကြမ်းပြင်ပေါ်မှ ဖြည်းညှင်းစွာ ထလာခဲ့၏။</p> <p>ခေါင်းထဲမှ စူးခနဲ နာကျင်နေပြီး၊ တစ်ကိုယ်လုံးမှာလည်း ပြင်းထန်သော နာကျင်ကိုက်ခဲမှုများ အပြည့်။ ပတ်ဝန်းကျင်ကို ထပ်မံ အကဲခတ်ကြည့်လိုက်သောအခါ၊ တပ်ဖွဲ့ ၃၆ မှ ခေါင်းဆောင်မှာ ကြမ်းပြင်ပေါ်တွင် သတိလစ်နေဆဲ။ သေသလား၊ ရှင်သလား မသေမချာ။ </p> <p>လူလတ်ပိုင်း အမျိုးသားမှာ ကြမ်းပြင်ပေါ်တွင် ထိုင်နေသော်လည်း၊ အသိစိတ် အနည်းငယ် ပြန်လည်လာပုံရ၏။ အခြား လူငယ် ရဲအရာရှိမှာမူ သတိလစ်သွားကတည်းက ပြန်လည် နိုးထလာခြင်း မရှိသေးပေ။</p> <p>လီကော့ရှန်းမှာ ကြမ်းပြင်ပေါ်တွင် လဲကျနေပြီ ဖြစ်ပြီး အသက်ရှူသံက အလွန်တရာ အားနည်းနေသဖြင့် အသက်ရှင်ရန် မျှော်လင့်ချက် လုံးဝ မရှိသလောက်ပင်။</p> <p>ဝမ်ချန်မှာလည်း အသက်ရှူရန် ရုန်းကန်နေရရှာသည်။ တစ်စုံတစ်ယောက်က သူတို့ကို ကယ်တင်ရန် မကြိုးစားပါက၊ မကြာမီ သူတို့ ဤလောကကြီးကို နှုတ်ဆက်ရတော့မည်မှာ သေချာလှ၏။</p> <p>အခုအချိန်မှာ သူတို့ကို ကယ်တင်နေခြင်းက သိပ်တော့ အဓိပ္ပါယ် မရှိလှ။</p> <p>ဆေးရုံပို့လိုက်လျှင်ပင် အသက်ရှင်ရန် လမ်း သိပ်မမြင်ပေ။</p> <p>သူတို့ကို စောင့်ကြိုနေသည်က သေခြင်းတရားသာ။</p> <p>ဒုန်း….</p> <p>အသံကျယ်ကြီးနှင့်အတူ တံခါးမှာ ခပ်ကြမ်းကြမ်း ပွင့်သွား၏။ ရှေ့ဆုံးမှ ပြေးဝင်လာသူ လီဟွေ့မျက်နှာက ခပ်တင်းတင်း။</p> <p>စောစောကတည်းက တစ်ခုခု လွဲချော်နေပြီ ဆိုသည်ကို သူ အာရုံခံမိခဲ့၍ မည်မျှပင် ကြိုးစားတွန်းဖွင့်စေကာမူ စစ်ဆေးမေးမြန်းခန်း တံခါးကို ဖွင့်၍မရ ဖြစ်နေခဲ့သည်။</p> <p>ထို့ပြင် ကျောချမ်းသွားစေလောက်အောင် အေးစက်စက် အရှိန်အဝါ တစ်ခုကိုလည်း သူ ခံစားလိုက်ရသေး၏။</p> <p>စစ်ဆေးမေးမြန်းခန်း အထဲတွင် ထူးခြားဆန်းကြယ်သည့် ကိစ္စတစ်ခုခု ဖြစ်ပျက်နေပြီ ဆိုသည်ကို သူ ကောင်းကောင်းကြီး သိနေသည်။</p> <p>ဤကိစ္စအတွက် သူ ကြိုတင် တွေးထားသော်လည်း ဖရိုဖရဲဖြစ်နေသော အခန်း အခြေအနေကို မြင်လိုက်ရသောအခါ ကျောက်ရုပ်တစ်ရုပ်ပမာ ကြက်သေ သေသွားရလေသည်။</p> <p>အခြေအနေများ ဤမျှလောက်အထိ ဆိုးရွားသွားလိမ့်မည်ဟု သူ မထင်ထားခဲ့မိပေ။</p> <p>စစ်ဆေးမေးမြန်းခန်းထဲရှိ လူတိုင်းနီးပါးမှာ ဒဏ်ရာရကာ ကြမ်းပြင်ပေါ် ပုံလျက်သား လဲကျနေကြ၏။</p> <p>ထိုမျှမက ဤအဖြစ်အပျက်၏ အဓိက ဇာတ်ကောင် နှစ်ဦးမှာလည်း အသက်ရှင်သလား၊ သေဆုံးသွားပြီလား ဆိုသည်ကိုပင် မသေမချာ။ ကြမ်းပြင်ပေါ်တွင် လဲကျနေလေပြီ။</p> <p>' နေဦး... သူတို့နှစ်ယောက်တည်း မဟုတ်ဘူး... လူတိုင်းက အသက်အန္တရာယ် ရှိနေတဲ့ပုံပဲ... '</p> <p>လီဟွေ့ အသက်ပြင်းပြင်း တစ်ချက်ရှူလိုက်ပြီး လီယီတောင်းကို တစ်ချက် ကြည့်ကာ ရဲအရာရှိများကို "လူနာတင်ကား ခေါ်လိုက်..." ဟု လေးနက်တည်ကြည်စွာ အမိန့်ပေးလိုက်သည်။</p> <p>ထို့နောက် နောက်မှ လိုက်လာမည့် ရဲအရာရှိ နှစ်ဦးကို တားဆီးလိုက်ပြီး သူကိုယ်တိုင် အခန်းထဲသို့ ဝင်ကာ စစ်ဆေးမေးမြန်းခန်း တံခါးကို ပြန်ပိတ်လိုက်လေသည်။</p> <p>တပ်ဖွဲ့ ၃၆ က ပေးထားသော အကာအကွယ်များ ရှိနေသည့်တိုင်အောင်၊ ဤအဖြစ်အပျက်၏ ဂယက်ရိုက်ခတ်မှုက ကြီးမားလွန်းလှပေသည်။</p> <p>အကယ်၍ ဤသတင်းသာ ပြန့်နှံ့သွားပါက၊ အခြေအနေများ သေချာပေါက် ပိုမို ရှုပ်ထွေးသွားပေလိမ့်မည်။</p> <p>အရာအားလုံးကို စီစဉ်ပြီးနောက်၊ လီဟွေ့က လီယီတောင်းကို အာရုံစိုက်လိုက်၏။</p> <p>"အဆင်ပြေရဲ့လား..." </p> <p>လီယီတောင်း ခေါင်းညိတ်ပြလိုက်သည်ကို မြင်မှသာ သူ သက်ပြင်းချနိုင်သွားတော့သည်။ အထက်လူကြီးများထံမှ အထူး အလေးထားမှု ခံထားရသောကြောင့်၊ လီယီတောင်း၏ လက်ရှိ အခြေအနေနှင့် သူ၏ နောက်ခံက အလွန် အရေးကြီးနေလေပြီ။</p> <p>အစပိုင်းကလို လီယီတောင်းကို အိမ်ကနေ ရဲစခန်းဆီ တိုက်ရိုက် ခေါ်လာလို့ရတဲ့ အခြေအနေမျိုး မဟုတ်တော့ပေ။</p> <p>ယခုအချိန်၌ လီယီတောင်း တစ်ခုခု ဖြစ်သွားခဲ့မည် ဆိုပါက၊ နောက်ဆက်တွဲ ပြဿနာများ အတော်လေး တက်သွားနိုင်သည်ဟု ဆိုရပေမည်။</p> <p>ထို့ပြင် လီယီတောင်းမှာ မိမိ အသက်ကို ကယ်တင်ဖူးသူ ဖြစ်၍ အထက်မှ ညွှန်ကြားချက်များ ရရှိထားသည်ဖြစ်စေ၊ မရရှိထားသည်ဖြစ်စေ လီယီတောင်း၏ လုံခြုံရေးကို ပထမ ဦးစားပေးအဖြစ် သူ အာမခံပေးရမည် ဖြစ်သည်။</p> <p>"မင်းကို အိမ်အရင် ပြန်ပို့ပေးဖို့ ငါ လူစီစဉ်ပေးရမလား..." </p> <p>လီဟွေ့က အခန်းထဲရှိ အခြေအနေကို ဝေ့ဝဲကြည့်ရင်း စဉ်းစားကာ ပြောလိုက်သည်။</p> <p>သို့သော် လီယီတောင်းက ခေါင်းကို အသာခါပြလိုက်၏။ သူအနည်းငယ် ပြန်လှုပ်ရှားနေနိုင်လေပြီ။</p> <p>စောစောက သူတို့ သတိလစ်သွားရခြင်း၏ အဓိက အကြောင်းရင်းမှာ ဝမ်ချန်နှင့် ဝမ်ရှင်းယွဲ့တို့၏ ဝိညာဉ်များ ပေါက်ကွဲသွားခြင်းကြောင့်ပင်။</p> <p>သူတို့၏ ဝိညာဉ်များ ရိုက်ခတ် ပွတ်တိုက်မှုကြောင့် လီယီတောင်း ချက်ချင်း သတိလစ်သွားခဲ့ရပြီး၊ အခြား လူများအားလုံးလည်း စွမ်းအင် လှိုင်းဂယက်များကြောင့် အလားတူပင် သတိလစ် မေ့မြောသွားခဲ့ကြရသည်။</p> <p>ယခုတော့ သူတို့ အားလုံး အသိစိတ် ပြန်လည်လာကြလေပြီ။</p> <p>လီယီတောင်း တစ်ယောက်တည်း သာမက၊ တပ်ဖွဲ့ ၃၆ မှ လူလတ်ပိုင်း အမျိုးသားလည်း သတိပြန်လည်လာပြီ ဖြစ်သည်။ </p> <p>တပ်ဖွဲ့ ၃၆ မှ လူငယ်ဆီသို့ သူ ဖြည်းညှင်းစွာ လျှောက်သွားလိုက်ပြီး လက်ကို ဆန့်တန်းကာ ပခုံးပေါ်သို့ တင်လိုက်၏။</p> <p>နတ်ဘုရားလက်…</p> <p>ဟင်...</p> <p>သူ့ကို ကယ်တင်ဖို့ သက်တမ်း ၁၃၆ နှစ်တောင် အကုန်ခံရမှာလား...</p> <p>လီယီတောင်းက ထိုလူငယ်ကို စူးစိုက်ကြည့်လိုက်မိသည်။</p> <p>ဒီလူငယ်က တော်တော်လေး စွမ်းရည် ရှိတဲ့သူ တစ်ယောက်ပဲဟ…။</p> <p>သာမန်လူ တစ်ယောက်ထက် နှစ်ဆနီးပါး များပြားတဲ့ သက်တမ်းမျိုး ရှိနေရန်မှာ ခန္ဓာကိုယ် ကျန်းမာရေးကို ထိန်းသိမ်းရုံ သက်သက်နှင့် ရနိုင်သည့် အရာမျိုး မဟုတ်ပေ။</p> <p>တပ်ဖွဲ့ ၃၆ နှင့် ဆက်ဆံရမည်ကို သူ တွန့်ဆုတ်နေမိလျှင်တောင်မှ၊ သူ့ကြောင့် ဒဏ်ရာရသွားသော လူတစ်ယောက်ကိုတော့ လစ်လျူရှုထား၍ မရနိုင်ပေ။</p> <p>ထို့ကြောင့် သက်တမ်း ၁၃၆ နှစ် ကုန်ဆုံးသွားရတာက တန်ပါတယ်လို့ လီယီတောင်း တွေးလိုက်မိသည်။</p> <p>သို့သော် ကုသခြင်း စွမ်းရည်ကို အသုံးပြုလိုက်ခြင်းကြောင့် သူ၏ စိတ်စွမ်းအင် အနည်းငယ် ပင်ပန်းနွမ်းနယ်သွားရ၏။ ကံကောင်းသည်က လူတစ်ယောက်တည်း ဖြစ်နေသဖြင့် ပြဿနာ သိပ်မကြီးလှပေ။</p> <p>လူတစ်ယောက်ကို ကုသပေးပြီးနောက်၊ လီယီတောင်းက စောစောက မှတ်တမ်းယူနေခဲ့သော ရဲအရာရှိ၏ ဘေးတွင် ဆောင့်ကြောင့်ထိုင်လိုက်သည်။</p> <p>ဤတစ်ကြိမ်တွင်တော့ သက်တမ်း ၄၈ နှစ်သာ ကုန်ဆုံးသွားရသဖြင့် အနည်းငယ် သက်သာသည်ဟု ဆိုရမည်။</p> <p>နောက်ထပ်က လီကော့ရှန်းနှင့် ဝမ်ချန်...</p> <p>သူတို့နှစ်ဦး၏ လက်ရှိ အခြေအနေကို ကြည့်ရလျှင်၊ လီယီတောင်းသာ ဝင်မကူညီပါက သူတို့ ဆေးရုံသို့ အသက်ရှင်လျက် ရောက်နိုင်ခြေ အလွန်နည်းပါးလှပေသည်။</p> <p>ခေတ္တမျှ တွေဝေသွားပြီးနောက်၊ လီယီတောင်းက နတ်ဘုရားလက် စွမ်းရည်ကို ထပ်မံ အသုံးပြုရန် ဆုံးဖြတ်လိုက်သည်။</p> <p>သက်တမ်း တစ်နှစ်…</p> <p>လောလောဆယ် သူတို့ရဲ့ အသက်ကို ဆွဲဆန့်ထားလိုက်မယ်...။</p> <p>သူတို့ကို ဒီအတိုင်း ချက်ချင်းကြီး သေခိုင်းလိုက်လို့မှ မရတာ... မဟုတ်ဘူးလား။</p> <p>သေဆုံးသွားတယ် ဆိုတာက ပုံမှန်ကိစ္စ ဖြစ်ပေမယ့်၊ အနည်းဆုံးတော့ အခုအချိန်မှာ မဖြစ်သင့်သေးဘူးလေ...။</p> <p>အရာအားလုံး ပြီးစီးသွားသောအခါ၊ လီယီတောင်း စစ်ဆေးမေးမြန်းခန်းထဲမှ ထွက်လာခဲ့သည်။</p> <p>နောက်ထပ် လုပ်ရမည့် အဆင့်များကို သူ ဂရုစိုက်စရာ မလိုတော့ပေ။</p> <p>စစ်ဆေးမေးမြန်းခန်းထဲမှ ထွက်လာပြီးနောက် လီယီတောင်း အိမ်သို့ တိုက်ရိုက် မပြန်သေးပေ။</p> <p>တစ်ယောက်ယောက်က သူ့ကို လာကြိုလိမ့်မည် ဆိုတာကို သူ သိနေ၏။</p> <p>ထင်သည့်အတိုင်းပင်… နာရီဝက် မပြည့်မီ ချီယွီချန် ပေါ်လာခဲ့သည်။ သို့သော် ချီယွီချန် မျက်နှာအမူအရာက အနည်းငယ် မှိုင်းညှို့နေ၏။ </p> <p>ချီယွီချန်၏ စီစဉ်မှုဖြင့် အခြားအဖွဲ့ တစ်ဖွဲ့က လီယီတောင်းကို ရဲစခန်းမှ ခေါ်ထုတ်လာပြီး နာရေးဝန်ဆောင်မှုဆိုင်သို့ ဦးတည်မောင်းနှင်သွားကြသည်။</p> <p>ကားထဲတွင်…. </p> <p>အရှေ့၌ ထိုင်နေသော ချီယွီချန်ကို လီယီတောင်း အကဲခတ်ကြည့်လိုက်ရာ အတော်လေး စိတ်ဓာတ်ကျနေပုံရသည်ကို တွေ့လိုက်ရ၏။</p> <p>"တစ်ခုခု ဖြစ်လို့လား..." </p> <p>လီယီတောင်း စကားကြောင့် ချီယွီချန် ခေတ္တမျှ တွေဝေသွားသည်။</p> <p>လီယီတောင်းက သူ့ကို အရင် စတင် မေးမြန်းလာလိမ့်မည်ဟု သူ မမျှော်လင့်ထားခဲ့၍ ဖြစ်ကောင်း ဖြစ်နိုင်ပေမည်။</p> <p>အစပိုင်းက ဖြစ်ရပ်များကြောင့် တပ်ဖွဲ့ ၃၆ နှင့် လီယီတောင်း အကြား ဆက်ဆံရေးမှာ အနည်းငယ် အဖုအထစ်ဖြစ်သွားခဲ့ကြောင်းကို ချီယွီချန် ကောင်းကောင်း သိထား၏။</p> <p>တကယ်တော့ ဒါက သူတို့ အပြစ်ချည်းတော့ မဟုတ်ပါဘူး။</p> <p>အကယ်၍ လီယီတောင်းက အစကတည်းက သူ့ရဲ့ သရုပ်မှန်နဲ့ နောက်ခံကို ထုတ်ဖော်ခဲ့မယ် ဆိုရင်... သူ့မှာ အဆက်အသွယ်တွေ ရှိတယ် ဆိုတာကို ရှင်းရှင်းလင်းလင်း သိထားခဲ့မယ် ဆိုရင်... တပ်ဖွဲ့ ၃၆ က အဲဒီလို သဘောထားမျိုးနဲ့ ဆက်ဆံခဲ့မှာ မဟုတ်ပါဘူး။</p> <p>ဘာပဲဖြစ်ဖြစ်၊ ခြိမ်းခြောက်မှု အန္တရာယ်တွေကို တားဆီးဖို့အတွက် သာမန်လူတွေကို ကိုင်တွယ်ဖြေရှင်းတဲ့ နေရာမှာ ဒါက စံသတ်မှတ်ချက် တစ်ခုလို ဖြစ်နေတာလေ။</p> <p>သို့သော် လီယီတောင်းက သူ၏ သရုပ်မှန်၊ သို့မဟုတ် စွမ်းရည်များနှင့် ပတ်သက်၍ မည်သည့်အရာကိုမှ ထုတ်ဖော် ပြောဆိုခဲ့ခြင်း မရှိပေ။ ထို့ကြောင့်ပင် တပ်ဖွဲ့ ၃၆ အနေဖြင့် ခြိမ်းခြောက်မှုတစ်ခုဟု ယူဆကာ ချက်ချင်း အရေးယူ နှိမ်နင်းရန် ကြိုးပမ်းခဲ့ခြင်း ဖြစ်၏။</p> <p>ထိုသို့ဖြင့် အခြေအနေများက ယခုအခြေအနေအထိ ရောက်ရှိလာခဲ့ခြင်း ဖြစ်သည်။</p> <p>သို့သော် များပြားလှသော တိုက်ပွဲများနှင့်... ဤကာလအတွင်း တပ်ဖွဲ့ ၃၆ ၏ ကြိုးပမ်းအားထုတ်မှုများကြောင့် ဖြစ်ကောင်း ဖြစ်နိုင်သည်၊ အနည်းဆုံးတော့ သူတို့၏ ဆက်ဆံရေး တင်းမာမှုများ အနည်းငယ် လျော့ကျသွားခဲ့ပြီဟု ဆိုရမည်။</p> <p>လီယီတောင်း အနေဖြင့် တပ်ဖွဲ့ ၃၆ အပေါ် ရန်လိုသည့် သဘောထားမျိုး မရှိတော့ဟု ချီယွီချန် ခန့်မှန်းလိုက်သည်။</p> <p>သက်ပြင်းတစ်ချက် ချလိုက်ပြီး ချီယွီချန်က တုံ့ဆိုင်းတုံ့ဆိုင်းဖြင့် စကားစလိုက်သည်။ </p> <p>"မင်း... နောက်တစ်ကြိမ်လောက် ထပ်ပြီး လှုပ်ရှားပေးလို့ ရမလား..."</p> <p>"ဒီအတိုင်း ဆက်သွားနေမယ် ဆိုရင်... သေဆုံး ဒဏ်ရာရမှုတွေက ပိုများလာပြီး အားလုံးက သွေးဆာလာကြလိမ့်မယ်... ငါသိတဲ့ လုပ်ဖော်ကိုင်ဖက် တချို့တောင် ဒီတိုက်ပွဲမှာ ကျဆုံးသွားခဲ့ပြီ... အထူးသဖြင့် မနေ့က ရွာထဲက တိုက်ပွဲနဲ့ ဒီနေ့ ရဲစခန်းဆီ လာတဲ့ လမ်းမှာ... အခြေအနေတွေက ထင်သလောက် မရိုးရှင်းခဲ့ဘူး..."</p> <p>"တပ်ဖွဲ့ ၃၆ က အဖွဲ့ဝင် ရှစ်ယောက်တောင် ဆုံးရှုံးလိုက်ရတယ်... ပြီးတော့... သူတို့ထဲက နှစ်ယောက်က..."</p> <p>"ဒါက ပြီးခဲ့တဲ့ တစ်နှစ်၊ ဒါမှမဟုတ် နှစ်အတော်ကြာတဲ့ အထိတောင် ငါတို့ မကြုံတွေ့ခဲ့ဖူးတဲ့ သေဆုံးမှု နှုန်းပဲ..." </p> <p>ချီယွီချန်၏ စကားများက ချဲ့ကားပြောနေခြင်း မဟုတ်ပေ။</p> <p>ဒါပေမဲ့...</p> <p>ဒီကိစ္စကို ရပ်တန့်ဖို့ နည်းလမ်း တစ်ခုတော့ ရှိပါတယ်...</p> <p>ငါတို့ ဒီစစ်ပွဲကို အဆုံးသတ်နိုင်တယ်...</p> <p>နည်းလမ်းကတော့ အရမ်း ရိုးရှင်းတယ်...</p> <p>အဲဒါက ရန်သူတွေကို တိုက်ရိုက် အပြတ်အသတ် အနိုင်ယူပစ်ဖို့ပဲ...</p> <p>ဝင်ရောက်လာတဲ့ ရန်သူ အားလုံးကို အနိုင်ယူနိုင်သရွေ့... ...</p> <p>အပြတ်အသတ် အောင်ပွဲတစ်ခု ရယူနိုင်သရွေ့... ...</p> <p>ဒီတိုက်ပွဲက အနိုင်နဲ့ အဆုံးသတ်သွားလိမ့်မယ်...။</p> <p>သို့သော်...</p> <p>တပ်ဖွဲ့ ၃၆ တွင် ယခုအချိန်၌ ဤစွမ်းရည်မျိုး မရှိပေ။</p> <p>ရင်ဆိုင်နေရသည့် အဖွဲ့အစည်းနှင့် တပ်ဖွဲ့ ၃၆ မှာ အင်အားချင်း မျှနေလေသည်။</p> <p>သို့သော် လီယီတောင်းကတော့ မတူ ကွဲပြားသည် မဟုတ်ပါလား။</p> <p>သူက အဝေးကနေတောင် သတ်ဖြတ်နိုင်တယ်၊ မမြင်ရဘဲ တိုက်ခိုက်နိုင်တယ်လေ...။</p> <p>ဓာတ်ပုံတစ်ပုံကို ကြည့်လိုက်ရုံနဲ့တင် သူက အဲဒီလူကို ရှင်းလင်းပစ်နိုင်တယ် မဟုတ်လား…။</p> <p>ဒါပေမဲ့ ရန်သူအားလုံးကို လက်စတုံး ခြေမှုန်းပစ်ဖို့ ဆိုတာကတော့ လက်တွေ့မဆန်ဘူး… လွယ်လည်း မလွယ်ဘူး ။</p> <p>သို့သော် လီယီတောင်း အနေဖြင့် စစ်ဆင်ရေး နောက်ကွယ်မှ အဓိက ပုဂ္ဂိုလ်များကို သုတ်သင်နိုင်မည် ဆိုပါက… အထူးသဖြင့် ဤမစ်ရှင်၏ ဒါရိုက်တာကို ပစ်မှတ်ထားနိုင်မည် ဆိုပါက နောက်ဆုံးရလဒ်မှာ မိမိတို့အတွက် အလေးသာနေပေလိမ့်မည်။</p> <p> </p> <p> </p> <p> </p> <p style="text-align: center;">***</p>


Save