Book List

<h2 style="text-align: center;">အခန်း ၂၂၀</h2> <h2 style="text-align: center;">ခင်ဗျားတို့က ကျွန်တော် Follow လုပ်တာကို လိုချင်နေကြတာလား...</h2> <h2 style="text-align: center;">*</h2> <p> </p> <p> </p> <p> </p> <p>ဝိညာဉ် တစ်ခုမှ မရှိဘူး ဟုတ်လား...။ အဲဒါတင် မကသေးဘူး... စွမ်းအင် အငွေ့အသက် လုံးဝကို မရှိတာ...။</p> <p>လီယီတောင်း အသက်ပြင်းပြင်း တစ်ချက် ရှူသွင်းလိုက်ပြီး ကားသမားနှင့် အခြား ဝန်ထမ်းကို ကြည့်လိုက်သည်။</p> <p>" ကားပေါ်က ဆင်းကြရအောင်... ဒီထဲမှာ တစ်ခုခု မှားနေပြီ... " </p> <p>" ကောင်းပါပြီ... " </p> <p>ကားတံခါးများကို ဖွင့်ရန် ပြင်လိုက်ကြသည်။ သို့သော် ထူးဆန်းစွာပင် ကားတံခါးများက ပွင့်မလာခဲ့ပေ။ </p> <p>" ဟူး... " </p> <p>လီယီတောင်း သက်ပြင်းရှည်ကြီး တစ်ချက် ချလိုက်မိသည်။</p> <p>သူ့မျက်နှာ အမူအရာက တဖြည်းဖြည်း ပိုမို လေးနက်လာတော့၏။</p> <p>ကားတံခါးတွေက ဖွင့်မရဘူးလား...။</p> <p>ကား အပြင်ဘက်မှာ တစ်ခုခု မှားယွင်းနေတာ သေချာပြီ...။</p> <p>သူက အပြင်ဘက်ကို ကြည့်ရန် 'ဝိညာဉ် ရှာဖွေခြင်း' စွမ်းရည်ကို အသုံးပြုရန် ကြိုးစားလိုက်သည်။</p> <p>သေချာပေါက်ပင်။ အပြင်ဘက်တွင် အမည်းရောင် မြူခိုးများ ရစ်သိုင်းနေသည်ကို တွေ့လိုက်ရပြီး အဖြူရောင် မြူခိုး အချို့ကိုလည်း တွေ့လိုက်ရ၏။</p> <p>သို့သော် ထိုအဖြူရောင် မြူခိုးများက အမည်းရောင် မြူခိုးများကို တားဆီးနေပုံရသည်။ ဤမြင်ကွင်းကို ကြည့်ရင်း လီယီတောင်း အသက်ပြင်းပြင်း တစ်ချက် ရှူသွင်းလိုက်မိသည်။</p> <p>သူ့မျက်နှာ အမူအရာက နားမလည်နိုင်မှုများဖြင့် ပြည့်နှက်သွားလေသည်။</p> <p>ဒီ အဖြူရောင် မြူခိုးတွေက ဘာတွေလဲ...။ ဘာလို့ အမည်းရောင် မြူခိုးတွေကို တားဆီးနေတာလဲ...။</p> <p>အမည်းရောင် မြူခိုးများထံမှ လုံးဝ ကြောက်မက်ဖွယ်ကောင်းသည့် အငွေ့အသက်များကို သူ ခံစားနေရ၏။</p> <p>ဒါပေမဲ့ အဖြူရောင် မြူခိုးတွေကရော... သူတို့က ဘယ်လို အရာတွေလဲ...။</p> <p>လီယီတောင်း အသက်ပြင်းပြင်း တစ်ချက် ရှူသွင်းလိုက်သည်။ သူ နားမလည်နိုင်သည်မို့ ဆက်မတွေးနေတော့ရန် ဆုံးဖြတ်လိုက်၏။</p> <p>'ဝိညာဉ် စုစည်းခြင်း' စွမ်းရည်ကိုသာ တိုက်ရိုက် အသုံးပြုလိုက်လေသည်။</p> <p>တစ်ဖက်လူ၏ စွမ်းအင် အငွေ့အသက်ကို ကြည့်ရုံဖြင့် စဉ်းစားနေစရာပင် မလိုတော့ကြောင်း သူ သိလိုက်၏။</p> <p>ဒါတွေက သရဲတစ္ဆေတွေပဲ ဖြစ်ရမယ်...။</p> <p>'ဝိညာဉ် စုစည်းခြင်း' စွမ်းရည် အသက်ဝင်သွားသည်နှင့် တပြိုင်နက်... အံ့သြစရာကောင်းသည့် အရာတစ်ခု ဖြစ်ပေါ်လာလေသည်။</p> <p>သူ့ရှေ့ရှိ အမည်းရောင် မြူခိုးများက... တကယ်တော့ သရဲတစ္ဆေ တစ်ကောင်တည်း မဟုတ်ပေ။ အများအပြား ရှိနေ၏။ </p> <p>ပို၍ တိတိကျကျ ပြောရလျှင်တော့... ဖရိုဖရဲ ဖြစ်ပြီး မပြည့်စုံသည့် သရဲတစ္ဆေ အမြောက်အမြားပင်။</p> <p>'ဝိညာဉ် စုစည်းခြင်း' ၏ အာနိသင်ကြောင့် သူတို့၏ သတိက ခေတ္တ ပြန်လည် ဝင်ရောက်လာကြသည်။ သူတို့က ပတ်ဝန်းကျင်ကို အူကြောင်ကြောင်ဖြင့် ကြည့်နေကြ၏။ သူတို့ ဘာကြောင့် ဒီနေရာကို ရောက်နေလဲ၊ ဘာကြောင့် ပြန်ရောက်လာတာလဲ ဆိုသည်ကို နားမလည်နိုင်အောင် ဖြစ်နေကြသည်။</p> <p>အဖြူရောင် မြူခိုးလေးကတော့ တဖြည်းဖြည်း ပုံသဏ္ဍာန် ပေါ်လာလေသည်။</p> <p>အရိပ်က တဖြည်းဖြည်း ထင်ရှားလာ၏။ လီယီတောင်း သတိထားမိလိုက်သည်မှာ... ဤအဖြူရောင် အရိပ်က အခြားသူ မဟုတ်ဘဲ ဝမ်ချန်ပင် ဖြစ်နေလေသည်။</p> <p>လီယီတောင်း၏ အကြည့်ကို ခံစားမိ၍လား၊ သို့မဟုတ် လီယီတောင်း သူ့ကို ကြည့်နေသည်ကို သိ၍လား မသိ... ဝမ်ချန် ကလည်း လီယီတောင်း ကို ပြန်ကြည့်လာလေသည်။</p> <p>သူ့မျက်လုံးများထဲတွင် နားမလည်နိုင်သည့် အရိပ်အယောင်များ ပါဝင်နေ၏။</p> <p>ယခင်ကတော့ သူက သူ့အလောင်း နောက်ကို မသိစိတ်ဖြင့် လိုက်လာခဲ့ခြင်းသာ ဖြစ်သည်။</p> <p>ထို့နောက် အခြားသော သရဲတစ္ဆေများက သူ့အလောင်းဆီသို့ ချဉ်းကပ်လာကြချိန်တွင် သူက အလိုလို တုံ့ပြန်လိုက်ခြင်း ဖြစ်၏။</p> <p>သူက လီယီတောင်းကို ကာကွယ်ပေးနေခြင်း မဟုတ်ဘဲ သူ့အလောင်းကိုသာ ကာကွယ်နေခြင်း ဖြစ်လေသည်။</p> <p>'ဝိညာဉ် စုစည်းခြင်း' စွမ်းရည်ကို အသုံးပြုလိုက်သဖြင့် လက်ရှိ အခြေအနေကို လီယီတောင်း သဘောပေါက်သွားလေပြီ။</p> <p>ပတ်ဝန်းကျင်ရှိ ဝိညာဉ်များ ငြိမ်ကျသွားပြီး သူတို့ကို ဆက်မတိုက်ခိုက်တော့သည့် အခါတွင် ကားသမားနှင့် အခြား ဝန်ထမ်းကို သူ လှမ်းကြည့်လိုက်သည်။ </p> <p>" ကားပေါ်က ဆင်းပြီး ဘီးသွားလဲကြ... "</p> <p>သူတို့ ကားဘီး တစ်ဘီး ပေါက်သွားခဲ့ပြီ မဟုတ်လား။</p> <p>သေချာပေါက် လဲမှ ရမည်။</p> <p>သူ တကယ်ကို ချက်ချင်း ထွက်သွားချင်နေပြီ ဖြစ်၏။</p> <p>ပုံမှန်အားဖြင့် ဆေးရုံများရှိ သရဲတစ္ဆေများက သတ်မှတ်ထားသည့် နေရာတစ်ခု အတွင်းမှာသာ လှည့်လည်သွားလာလေ့ ရှိကြသည်။</p> <p>သူတို့က ဒီလိုမျိုး စုဝေးနေတတ်လေ့ မရှိပေ။</p> <p>ဒါပေမဲ့ အခုတော့... သူတို့က ဒီနေရာမှာ စုဝေးနေကြပြီး ဒါက လုံးဝကို ပုံမှန်မဟုတ်မှန်း သေချာနေလေပြီ။</p> <p>ဒီကိစ္စကို ဘယ်သူမှ ဝင်မပါထားဘူးလို့ ပြောရင် လီယီတောင်း လုံးဝ ယုံမည် မဟုတ်ပေ။</p> <p>တစ်ယောက်ယောက်က ကြိုတင် ပြင်ဆင်မှုတွေ လုပ်ထားခဲ့တာပဲ...။</p> <p>ဥပမာအားဖြင့် ဒီသရဲတစ္ဆေတွေကို စုစည်းဖို့ အထူး နည်းလမ်းတချို့ကို အသုံးပြုခဲ့တာမျိုးပေါ့...။</p> <p>မေးစရာ ရှိတာက... သူတို့ အဲဒီလို လုပ်ရတဲ့ အဓိပ္ပာယ်က ဘာလဲ...။</p> <p>ကြောက်သွားအောင် သက်သက် လုပ်တာလား...။</p> <p>လီယီတောင်း အတွက်ကတော့ ဒီဝိညာဉ် အသေးအမွှားလေးတွေက ဘာမှ အရေးမပါဘူးလေ...။</p> <p>'ဝိညာဉ် ဖမ်းဆီးခြင်း' စွမ်းရည်ကို မသုံးရင်တောင် တစ်ဖက်လူက သူ့ကို ခြိမ်းခြောက်နိုင်လောက်တဲ့ စွမ်းရည် ရှိချင်မှ ရှိမှာပဲ...။</p> <p>သို့သော်... လီယီတောင်းတို့ ကားဘီးလဲရန် ကားပေါ်မှ ဆင်းလိုက်ချိန်မှာပင်... ရုတ်တရက်... ဆေးရုံ ဂိတ်ပေါက် အပြင်ဘက်... လက်ရှိ သူတို့ ရှိနေသည့် နေရာသို့ လူအုပ်ကြီး တစ်အုပ် အလုံးအရင်းနှင့် ဝင်ရောက်လာလေသည်။</p> <p>သတင်းထောက် အများအပြား ရုတ်တရက် ရောက်လာကြခြင်းပင်။ လီယီတောင်း ခဏတာ မှင်သက်သွား၏။</p> <p>ဒီသတင်းထောက်တွေက ဘယ်လိုလုပ် အထဲရောက်လာတာလဲ...။</p> <p>ကြည့်ရတာ ငါ့ဆီကို တမင် လာတာများလား...။</p> <p>သူ စဉ်းစားနေစဉ်မှာပင် ရှေ့ဆုံးမှ ပြေးလာသည့် သတင်းထောက်က လီယီတောင်း၏ ပါးစပ်နားသို့ မိုက်ခရိုဖုန်းကို ထိုးပေးလိုက်လေပြီ။</p> <p>သတင်းထောက်၏ နှုတ်ခမ်းထောင့်မှ လှောင်ပြုံးတစ်ခုကို လီယီတောင်း မြင်ဖြစ်အောင် မြင်လိုက်သေး၏။</p> <p>သူ့အကြည့်ကလည်း အနည်းငယ် လှောင်ပြောင်နေသလိုပင်။</p> <p>စဉ်းစားနေစရာပင် မလိုတော့ပေ...။</p> <p>ဒီကောင်က တမင် စီစဉ်ထားတာ သေချာတယ်...။</p> <p>သူ့နောက်က သတင်းထောက် အများစုကလည်း တမင် စီစဉ်ခံထားတာ ဖြစ်နိုင်တယ် မဟုတ်လား...။</p> <p>တချို့က လှည့်စားခံရပြီး ရောက်လာတာ ဖြစ်နိုင်သလို၊ တချို့ကတော့ ပိုက်ဆံ ရလို့ လာကြတာ ဖြစ်နိုင်ပေသည်။</p> <p>ဘာပဲဖြစ်ဖြစ်... ဒီနေ့ အခြေအနေက တမင် ဖန်တီးထားတာ သေချာတယ်။</p> <p>လီယီတောင်း၏ မျက်နှာ အမူအရာက တဖြည်းဖြည်း မည်းမှောင်လာတော့သည်။</p> <p>ဘယ်သူက ဒီလောက် အောက်တန်းကျတဲ့ နည်းလမ်းကို သုံးရတာလဲ...။</p> <p>ဒီသတင်းထောက်တွေကို သူ့ဆီ အင်တာဗျူးဖို့ လွှတ်ရတဲ့ အဓိပ္ပာယ်က ဘာလဲ...။</p> <p>ဒါက အင်တာဗျူး သက်သက်ပဲလေ...။</p> <p>သူ့ဆီက အသားတစ်တုံး ပဲ့ပါသွားမှာလည်း မဟုတ်သလို၊ သူ့ကို ဒုက္ခရောက်စေမှာလည်း မဟုတ်ဘူး...။</p> <p>အင်တာနက်ပေါ်မှာ လူထု သဘောထား အမြင်တချို့ ဖန်တီးချင်လို့များလား...။</p> <p>ဒီဖြစ်နိုင်ခြေကို တွေးမိတော့ လီယီတောင်း စကားမပြောနိုင်အောင် ဖြစ်သွားမိသည်။</p> <p>ထိုအချိန်မှာပင် ပထမဆုံး သတင်းထောက်က စကားစပြောလာလေသည်။</p> <p>" မစ္စတာ လီယီတောင်း... မစ္စတာ ဝမ်ချန်ရဲ့ သေဆုံးမှု အပေါ် ဘယ်လို ထင်မြင်ချက် ရှိပါသလဲ... ခင်ဗျား သူ့ကို သတ်လိုက်တဲ့ အချိန်တုန်းက ခင်ဗျား ရင်ထဲမှာ နောင်တ တစ်ခုခုများ ရခဲ့သေးလား... ပြီးတော့ အင်တာနက်ပေါ်မှာ ခင်ဗျား ကျိန်စာတိုက်လို့ သေဆုံးသွားခဲ့ရတဲ့ လူတွေအတွက်ရော... အပြစ်ရှိသလို ခံစားရတာမျိုးရော မရှိဘူးလား... "</p> <p>လီယီတောင်း ဆွံ့အသွားလေသည်။</p> <p>သတင်းထောက် တစ်ယောက်က ပါးစပ်ထဲ ရှိရာ လျှောက်ပြောလို့ ရတာလား...။</p> <p>ရောက်လာတာနဲ့ ငါက ဝမ်ချန်ကို သတ်ခဲ့တယ် လို့ ပြောရဲတယ်ပေါ့...။</p> <p>လီယီတောင်း စကားမပြန်ဘဲ တစ်ဖက်လူကို အေးစက်စက်သာ စိုက်ကြည့်နေလိုက်သည်။</p> <p>ယခုအချိန်တွင် သူ စကားမှားပြောလိုက်လျှင် တစ်ဖက်လူက အသံဖမ်းသွားနိုင်သည်ကို သူ သိထားလေသည်။</p> <p>တစ်ဖက်လူ ဘာလုပ်ချင်လဲ ဆိုတာကိုတော့ သူ မသိသေးပေ။</p> <p>ဒါပေမဲ့… ပွဲဆူအောင် လုပ်ရုံသက်သက်တော့ မဟုတ်တာ သေချာတယ်… ဒီထက် ပိုတဲ့ ရည်ရွယ်ချက်တွေ ရှိနေမှာ…။</p> <p>ထိုသို့ဖြင့် ကင်မရာ တဖြတ်ဖြတ် ရိုက်သံများမှလွဲ၍ လီယီတောင်းနှင့် တစ်ဖက်လူတို့က အသံတိတ် ဆယ်စက္ကန့်ကျော်ကြာ အချင်းချင်း စိုက်ကြည့်နေခဲ့ကြသည်။ သတင်းထောက်က ထပ်မံ စကားစလာပြန်၏။</p> <p>" မစ္စတာ လီယီတောင်း... ခင်ဗျား ကျွန်တော့် မေးခွန်းကို မဖြေဘူး ဆိုတော့... ခင်ဗျား ဝန်ခံတယ်လို့ မှတ်ယူလိုက်လို့ ရမလား... "</p> <p>' ဝန်ခံတယ်... မင်း ဘွားအေကို ဝန်ခံလိုက်... ' </p> <p>လီယီတောင်း စိတ်ထဲမှ ကျိန်ဆဲလိုက်သည်။ </p> <p>သတင်းထောက်က ဤသို့ ပြောလိုက်ချိန်တွင်ပင် ပတ်ဝန်းကျင်ရှိ သတင်းထောက် တစ်ဝက်ခန့်က နားမလည်နိုင်သည့် အမူအရာများ ဖြစ်သွားကြလေသည်။</p> <p>ဒီ ဇာတ်ညွှန်းက အရင် တိုက်ထားသလို မဟုတ်ဘူးလေ...။</p> <p>" ကောင်းပါပြီ... မစ္စတာ လီယီတောင်း... ဒီနေ့ ဆေးရုံကို လာရတဲ့ ခင်ဗျားရဲ့ စိတ်နေစိတ်ထားက ဘယ်လိုများ ရှိပါသလဲ... ခင်ဗျား အနောက်မှာ ရှိနေတာ မစ္စတာ ဝမ်ချန်ရဲ့ အလောင်းပဲ မဟုတ်လား... သူ သေသွားပြီးတာတောင် ခင်ဗျားက သူ့ကို အလွတ်မပေးသေးဘူးလား... "</p> <p>ဤမေးခွန်းကို မေးလာသည့် သတင်းထောက်ကို ကြည့်ရင်း လီယီတောင်း နှုတ်ခမ်းများ အနည်းငယ် တွန့်ကွေးသွားလေသည်။</p> <p>' မင်းတို့က ကစားချင်နေတယ် ဆိုမှတော့... ဒီနေ့ မင်းတို့နဲ့ အတူတူ ငါ ကစားပေးလိုက်မယ်... ' </p> <p>ပတ်ဝန်းကျင်ရှိ သတင်းထောက် အားလုံးကို တစ်ချက် ဝေ့ကြည့်လိုက်ပြီး ယခုလေးတင် စကားပြောခဲ့သည့် သတင်းထောက်ကို ဖြည်းညင်းစွာ လှမ်းကြည့်လိုက်သည်။</p> <p>ထို့နောက် သူ၏ မျက်နှာ အမူအရာက တဖြည်းဖြည်း အေးစက်လာပြီး နှုတ်ခမ်းထောင့်စွန်းများ ကွေးတက်သွားအာ ကျောချမ်းဖွယ် အသံဖြင့် ပြောလိုက်လေသည်။</p> <p>" အင်း... ခင်ဗျားတို့... ကျွန်တော် Follow တာကို လိုချင်နေကြတာလား... "</p> <p> </p> <p> </p> <p> </p> <p style="text-align: center;">***</p>


Save