Book List

<h2 style="text-align: center;">အခန်း ၂၂၆</h2> <h2 style="text-align: center;"> တိုက်ပွဲ (၁)</h2> <h2 style="text-align: center;">*</h2> <h2 style="text-align: center;"> </h2> <p> </p> <p>လီယီတောင်း တစ်ယောက် ကြောက်မက်ဖွယ်ကောင်းသော ပေါင်းစပ် မိစ္ဆာကောင်ကြီးနှင့် တိုက်ပွဲဝင်ရန် ပြင်နေသည်ကို မြင်သောအခါ ချီယွီချန် အလျင်အမြန် အော်ဟစ် တားမြစ်လိုက်လေသည်။ </p> <p>" မလုပ်နဲ့... "</p> <p>ကြက်သီးထဖွယ် ပေါင်းစပ် မိစ္ဆာကောင်ကြီးမှာ အနည်းငယ် အားနည်းနေသော်လည်း သူတို့ ခုခံနိုင်စွမ်းထက် ကျော်လွန်နေဆဲ ဖြစ်ကြောင်း သူ ခံစားသိရှိနိုင်၏။</p> <p>မဟုတ်လျှင် စောစောက သူ လီယီတောင်းကို အတင်း ဝင်တားပြီး ထွက်ပြေးခိုင်းမည် မဟုတ်ပေ။</p> <p>ဘာပဲဖြစ်ဖြစ်... လီယီတောင်း၏ စွမ်းရည်များက အတော်လေး လျှို့ဝှက်ဆန်းကြယ်ပြီး သူ၏ စွမ်းရည်များထက် များစွာ သာလွန်နေကြောင်း သူ သိထားလေသည်။</p> <p>လီယီတောင်း၏ တိုက်ခိုက်နိုင်စွမ်းနှင့် ချုပ်နှောင်နိုင်စွမ်းတို့ကိုသာ ထိရောက်စွာ ပေါင်းစပ် အသုံးပြုနိုင်မည် ဆိုပါက တကယ်ကို ခြိမ်းခြောက်မှု တစ်ခု ဖြစ်လာနိုင်ပေသည်။</p> <p>တကယ်လို့ တစ်ဖက်လူရဲ့ တိုက်ခိုက်မှု စွမ်းအားကသာ ဒီလောက် မပြင်းထန်ဘူး ဆိုရင်... သူတို့ အခုလို အသေအလဲ အခြေအနေမျိုးနဲ့ ရင်ဆိုင်နေရမှာ မဟုတ်ဘူးလေ...။</p> <p>သူတို့က အကျပ်အတည်း တစ်ခုထဲမှာ ပိတ်မိနေတယ်လို့ ပြောလို့ရတယ်...။</p> <p>ထွက်ပြေးမလား...။</p> <p>မဖြစ်နိုင်ဘူး...။</p> <p>တိုက်ခိုက်မလား...။</p> <p>မနိုင်နိုင်ဘူး...။</p> <p>ဟုတ်တယ်... မနိုင်နိုင်ဘူး...။</p> <p>လီယီတောင်း နိုင်လိမ့်မယ်လို့ နည်းနည်းလေးတောင် မယုံကြည်ဘူးလေ...။</p> <p>တကယ်လို့ နိုင်နိုင်တယ် ဆိုရင် ချီယွီချန် အနေနဲ့ သူ့ကို ကူညီ ထောက်ပံ့ပေးဖို့တောင် လိုမှာ မဟုတ်ဘူး မလား...။</p> <p>သို့သော် ဤအချိန်တွင် လီယီတောင်းက သူ၏ အော်ဟစ်သံများကို လုံးဝ လျစ်လျူရှုထားပြီး ချီယွီချန်၏ သတိပေးချက်များကို ဂရုမစိုက်ဘဲ ရှေ့သို့ တည်ငြိမ်စွာ တက်သွားလေသည်။</p> <p>သူ၏ ဘယ်ဘက်လက်တွင် ကြေးမုံပြင်ကို ကိုင်ထားပြီး ညာဘက်လက်တွင်မူ လူကို ဖြစ်စေ၊ ဝိညာဉ်များကို ဖြစ်စေ တိုက်ခိုက်နိုင်သော အဆောင်လက်ဖွဲ့များကို ဆုပ်ကိုင်ထား၏။</p> <p>သူ့လက်ထဲမှာ အဆောင်လက်ဖွဲ့ ငါးခုစလုံး ရှိနေတာ...။</p> <p>မဟုတ်ဘူး... ဒီအဆောင်လက်ဖွဲ့ နှစ်မျိုးစလုံးက ဒီကြက်သီးထဖွယ် ပေါင်းစပ် မိစ္ဆာကောင်ကြီး အပေါ်မှာ အလုပ်လုပ်တယ် ဆိုတာကို သူ စောစောကတည်းက သတိထားမိခဲ့တာ...။</p> <p>စနစ်က ပြိုင်ဘက်ကို ပစ္စည်း တစ်ခုလို့ သတ်မှတ်ထားလို့ပဲ ဖြစ်ဖြစ်၊ တခြား အကြောင်းရင်း တစ်ခုခုကြောင့်ပဲ ဖြစ်ဖြစ်... ဒါက သတင်းကောင်းပဲလေ...။</p> <p>ဒီလို ဆိုတော့... သူ့မှာ သုံးစရာ အဆောင်လက်ဖွဲ့ တချို့ ကျန်နေသေးတာပေါ့...။</p> <p>အဆောင်လက်ဖွဲ့ များ၏ တိကျသော စွမ်းအားကို လီယီတောင်း အပြည့်အဝ မသေချာသော်လည်း အချက်တစ်ချက်ကိုတော့ သူ သိထားလေသည်။ ၎င်းတို့က ဤကြက်သီးထဖွယ် ပေါင်းစပ် မိစ္ဆာကောင်ကြီး အပေါ် အကျိုးသက်ရောက်မှု ရှိသည် ဆိုခြင်းပင်။</p> <p>ဝုန်း... ဝုန်း... ဝုန်း...</p> <p>ဆက်တိုက် ပေါက်ကွဲသံများက လူတိုင်း၏ နားထဲတွင် ပဲ့တင်ထပ်သွားလေသည်။</p> <p>လီယီတောင်း မှင်သက်သွားရ၏။</p> <p>အဆောင်လက်ဖွဲ့ တွေက ဘယ်လိုလုပ် ဒီလို အကျိုးသက်ရောက်မှုမျိုး ရှိနေရတာလဲ...။</p> <p>ဒီမတိုင်ခင်က လီယီတောင်း အဆောင်လက်ဖွဲ့ တွေကို သုံးခဲ့တုန်းက ဘာသိသာတဲ့ ရလဒ်မှ မတွေ့ခဲ့ရဘူးလေ...။ ဒါပေမဲ့ အခု တစ်ခေါက်က ဘာတွေ ဖြစ်နေတာလဲ...။</p> <p>ဘာလို့ ဒီလောက် သိသာတဲ့ အကျိုးသက်ရောက်မှုမျိုး ပြနေရတာလဲ...။</p> <p>သို့သော် လီယီတောင်း အများကြီး စဉ်းစားနေဖို့ အချိန်မရှိပေ။</p> <p>သူ တိုက်ခိုက်မှု စတင်ခဲ့ပြီလေ...။</p> <p>ဒါကြောင့်... သဘာဝကျကျပဲ သူ တွန့်ဆုတ်နေလို့ မရဘူး...။</p> <p>ကြေးမုံပြင်ကို ကြက်သီးထဖွယ် ပေါင်းစပ် မိစ္ဆာကောင်ကြီးထံသို့ တိုက်ရိုက် ချိန်ရွယ်လိုက်ပြီး အလင်းရောင်များ စတင် ဖြာထွက်လာလေသည်။</p> <p>သို့သော်...</p> <p>ပြိုင်ဘက်က တစ်စက္ကန့်လောက်ပဲ တုံ့သွားတာ...။</p> <p>အလုပ်မလုပ်ဘူး...။</p> <p>ထင်တဲ့အတိုင်းပဲ... ပြိုင်ဘက်က ဒီလောက် လွယ်လွယ်နဲ့ အရှုံးပေးမှာ မဟုတ်ဘူး...။</p> <p>လီယီတောင်းက တိုက်ခိုက်မှု စတင်ကတည်းက ဤဖြစ်နိုင်ခြေကို ထည့်သွင်း စဉ်းစားပြီးသား ဖြစ်၏။</p> <p>ချိတ်ပိတ်မှုကို ဖွင့်လိုက်...။</p> <p>ဒါက ချိတ်ပိတ်မှုကို ဒုတိယ အကြိမ် ဖွင့်လိုက်တာပဲ...။</p> <p>အဘိုးအို၏ စကားအရ ဆိုလျှင် ချိတ်ပိတ်မှုကို သုံးကြိမ်တိုင်တိုင် ဖွင့်လိုက်ပြီး သူ၏ စွမ်းအားက သတ်မှတ်ထားသော အဆင့်တစ်ခုသို့ မရောက်ရှိသေးပါက ကြေးမုံပြင်မှာ အခြေခံအားဖြင့် အသုံးမဝင်တော့ပေ။</p> <p>၎င်းကို အသုံးပြုခြင်းက အကျိုးသက်ရောက်မှု မရှိနိုင်ရုံသာမက တန်ပြန် သက်ရောက်မှုကိုပါ ဖြစ်ပေါ်စေနိုင်လေသည်။</p> <p>ဘာပဲဖြစ်ဖြစ်... မှန်ကလည်း အသိစိတ် ရှိတာကိုး...။</p> <p>ဒါကြောင့်... လက်ရှိ အခြေအနေ အရ လီယီတောင်းက ကြေးမုံပြင် ရဲ့ ချိတ်ပိတ်မှုကို အကြိမ်ကြိမ် ဖွင့်ပြီး အသိစိတ်ကို နိုးထခွင့် ပေးလိုက်မယ် ဆိုရင်... အရင်က ရန်သူ ဖြစ်ခဲ့တဲ့ သူတွေက သူ့ကို ဘယ်လိုလုပ် ကူညီပေးနိုင်တော့မှာလဲ...။</p> <p>သူတို့က လီယီတောင်း ကို ရန်သူနဲ့ တိုက်ခိုက်ရာမှာ ဘယ်လိုလုပ် ကူညီပေးနိုင်မှာလဲ...။</p> <p>ထိုမျှမကသေးပေ။ ကြေးမုံပြင်တွင် ပိုင်ရှင် ရှိကြောင်းကိုလည်း အဘိုးအိုက ပြောခဲ့သေး၏။</p> <p>တကယ်လို့ အသိစိတ် နိုးထလာမယ် ဆိုရင်... အဲဒီ နောက်ကွယ်က အရာက သေချာပေါက် လာရှာတော့မှာပဲ...။</p> <p>အဘိုးအို၏ အဆိုအရ ထိုအရာက လီယီတောင်း ယှဉ်ပြိုင်နိုင်သော အရာမျိုး မဟုတ်ပေ။</p> <p>လီယီတောင်း သူ၏ အတွေးများကို ခဏတာ ရပ်တန့်လိုက်ပြီး လာမည့် တိုက်ပွဲအတွက် စွမ်းအင် အားလုံးကို စုစည်းလိုက်လေသည်။</p> <p>ကြေးမုံပြင်၏ ချိတ်ပိတ်မှု ပွင့်သွားသည်နှင့်အမျှ ကြက်သီးထဖွယ် ပေါင်းစပ် မိစ္ဆာကောင်ကြီးကို စွမ်းအင်များ ပိုမို လွှမ်းခြုံသွား၏။</p> <p>ပြိုင်ဘက်၏ ပုံရိပ်မှာ ထိုဧရိယာ အတွင်း၌ ရုန်းကန်နေရလေသည်။</p> <p>ကြေးမုံပြင်က ကြီးမားတဲ့ ဖိအားတွေ အောက်မှာ ရောက်နေတယ် ဆိုတာကို သူ ခံစားနေရတယ်...။</p> <p>တကယ်လို့ သူသာ ဂရုမစိုက်ရင် ပြိုင်ဘက်က ရုန်းထွက်သွားနိုင်တယ်...။</p> <p>ပြီးတော့ တကယ်လို့ ပြိုင်ဘက်သာ ရုန်းထွက်သွားပြီး လီယီတောင်း အနားကို ကပ်လာခဲ့ရင်... လက်ရှိ လီယီတောင်း အနေနဲ့ ခုခံဖို့ ဆိုတာ လုံးဝ မဖြစ်နိုင်တော့ဘူး...။</p> <p>လီယီတောင်း အသက်ပြင်းပြင်း တစ်ချက် ရှူထုတ်လိုက်ပြီး ကြေးမုံပြင်၏ ကျန်ရှိနေသော စွမ်းအားများကို အသုံးပြုကာ ပြိုင်ဘက် ထိန်းချုပ်ခံနေရဆဲ အချိန်ကို အခွင့်ကောင်း ယူလိုက်လေသည်။</p> <p>မည်သို့မျှ တွန့်ဆုတ်မနေဘဲ ဝိညာဉ် ဖမ်းယူခြင်းကို တိုက်ရိုက် အသုံးပြုလိုက်၏။</p> <p>ဒါက လက်ရှိမှာ သူ့ရဲ့ နောက်ဆုံး ဝှက်ဖဲပဲ...။ တကယ်လို့ ဝိညာဉ် ဖမ်းယူခြင်း ရဲ့ အစွမ်း အောက်မှာတောင် ရန်သူကို မနိုင်သေးဘူး ဆိုရင်... လီယီတောင်း အနေနဲ့ ထွက်ပြေးဖို့ နည်းလမ်း ရှာရတော့မှာပဲ...။</p> <p>ဝိညာဉ် ဖမ်းယူခြင်း...။ လီယီတောင်း သူ၏ စိတ်စွမ်းအင်များ အကြီးအကျယ် ကုန်ခမ်းသွားသည်ကို ခံစားလိုက်ရလေသည်။ ထိုအခိုက်အတန့်တွင် သတိလစ်သွားတော့မည့်အလားပင် ခံစားလိုက်ရ၏။</p> <p>သူ အမောတကော အသက်ရှူနေရလေသည်။</p> <p>သူ့တစ်ကိုယ်လုံးက အအေးဓာတ်နဲ့ ပြိုလဲလုနီးပါး အခြေအနေရဲ့ အစွန်းစွန်းမှာ ရောက်နေပြီ... ဒါပေမဲ့ သူ့ရဲ့ ခိုင်မာတဲ့ အသိစိတ်ကို အားကိုးပြီး သူ ဆက်ပြီး တောင့်ခံထားတယ်...။</p> <p>ဝိညာဉ် ဖမ်းယူခြင်း...။ </p> <p>ပြိုင်ဘက် ဝိညာဉ်၏ စွမ်းအားက သူ၏ စိတ်စွမ်းအင် ကန့်သတ်ချက်ထက် ကျော်လွန်နေလေသည်။</p> <p>သူ မောဟိုက်စွာ အသက်ရှူနေရ၏။</p> <p>ထိုမျှမကသေးပေ။ မိမိသက်တမ်းများ ထိတ်လန့်ဖွယ် ကောင်းလောက်အောင် လျင်မြန်စွာ လျော့ကျသွားသည်ကို လီယီတောင်း မျက်ဝါးထင်ထင် မြင်နေရလေသည်။</p> <p>ပျမ်းမျှအားဖြင့် တစ်စက္ကန့်လျှင် တစ်နှစ်နှုန်း ကုန်ဆုံးနေခြင်း ဖြစ်၏။</p> <p>စက္ကန့်တိုင်း နီးပါးလောက်မှာ... ကျန်ရှိနေတဲ့ သက်တမ်း ကိန်းဂဏန်းတွေက ပြောင်းလဲနေတယ်...။</p> <p>လက်ရှိ အခြေအနေ အရဆိုလျှင် လီယီတောင်း တကယ်ကို အကြာကြီး ဆက်ပြီး မတောင့်ခံနိုင်တော့ပေ။</p> <p>တစ်မိနစ် ဆိုတာ စက္ကန့် ခြောက်ဆယ်လေ...။</p> <p>ဆယ်မိနစ် ဆိုရင် ခြောက်ရာ...။</p> <p>နာရီဝက်လောက် သူ တောင့်ခံနိုင်ပါ့မလား...။</p> <p>ပြိုင်ဘက်ရဲ့ ရူးသွပ်မှု အောက်မှာ... သူ နာရီဝက်လောက် တောင့်ခံနိုင်ပါ့မလား...။</p> <p> </p> <p> </p> <p> </p> <p style="text-align: center;">***</p>


Save