Book List

<h2 style="text-align: center;">အခန်း ၂၂၇</h2> <h2 style="text-align: center;">တိုက်ပွဲ (၂)</h2> <h2 style="text-align: center;">*</h2> <p> </p> <p> </p> <p>ဒါမှမဟုတ် နာရီဝက် အတွင်းမှာ ပြိုင်ဘက် သေသွားတဲ့ အထိ သူ ထိန်းချုပ်ထားနိုင်မလား...။</p> <p>လောလောဆယ် သူ မြင်နေရတာက သူ့ရဲ့ သက်တမ်း ကုန်ဆုံးသွားတာပဲ ရှိသေးတယ်... ဒီပေါင်းစပ် မိစ္ဆာကောင်ကြီး ရဲ့ အဓိက အသိစိတ် အပေါ်မှာ သိပ်ပြီး အကျိုးသက်ရောက်မှု မရှိသေးဘူး...။</p> <p>ဒီပေါင်းစပ် မိစ္ဆာကောင်ကြီး ရဲ့ အခြေအနေ အကြမ်းဖျင်းကို သူ ခန့်မှန်းမိနေပါပြီ...။</p> <p>သူ့ရဲ့ ပတ်ဝန်းကျင်မှာ ကျွတ်လွတ်မသွားသေးတဲ့ ဝိညာဉ်တွေ မရေမတွက်နိုင်အောင် ရှိနေရမယ်...။</p> <p>ပြီးတော့ ဒီဝိညာဉ်တွေ ကြားထဲမှာမှ အသိဉာဏ် ရှိလာအောင် ပြုစုပျိုးထောင်ထားတဲ့ ဝိညာဉ် တစ်ခု ရှိရမယ်...။</p> <p>ဒီဝိညာဉ်က အသက်ရှင်စဉ် တုန်းက တအားကို အစွမ်းထက်ခဲ့တဲ့ သူ ဖြစ်နိုင်ပြီး အဓိက ဝိညာဉ် အနေနဲ့ လုပ်ဆောင်နေတာ ဖြစ်နိုင်တယ်...။</p> <p>နောက်ထပ် ဖြစ်နိုင်ခြေ တစ်ခုကတော့ ဒီဝိညာဉ်က ကျွတ်လွတ်မသွားသေးတဲ့ ဝိညာဉ် အများအပြားနဲ့ အသိစိတ် မျိုးစုံကနေ ပေါင်းစပ် ဖွဲ့စည်းထားတဲ့ ဝိညာဉ် အသစ် တစ်ခု ဖြစ်နိုင်တယ်...။</p> <p>ဒါမှမဟုတ်... ပိုပြီး အစွန်းရောက်တဲ့ ဖြစ်နိုင်ခြေ တစ်ခုလည်း ရှိသေးတယ်...။</p> <p>ဒီဝိညာဉ်က... နောက်ကွယ်က လူရဲ့ အသိစိတ်ပဲ...။</p> <p>အစကတည်းက အခု အချိန်အထိ ပြိုင်ဘက်ရဲ့ တိုက်ခိုက်မှုတွေက ဝိညာဉ်ကို ထိခိုက်အောင် လုပ်တဲ့ နေရာမှာ တကယ်ကို ကျွမ်းကျင်ပါတယ်...။</p> <p>ဒီလူတွေက လုံးဝကို ရူးသွပ်နေကြတာ...။</p> <p>ပြိုင်ဘက်က ဒီနာကြည်းနေတဲ့ ဝိညာဉ်တွေကို သူ့ရဲ့ အသိစိတ် သုံးပြီး ဘာပြဿနာမှ မရှိဘဲ ထိန်းချုပ်နေတယ် ဆိုတာကိုတောင် အတည်ပြုလို့ ရနိုင်တယ်...။</p> <p>သူတို့ရဲ့ စရိုက်တွေ အရဆိုရင်... ဒီလို လုပ်ရပ်မျိုး လုပ်ဖို့ ဝန်လေးမှာ မဟုတ်ဘူး...။</p> <p>ဒါပေမဲ့...</p> <p>အခြေအနေ ဘယ်လိုပဲ ဖြစ်နေပါစေ လီယီတောင်း သိတယ်...။</p> <p>ဒီပေါင်းစပ် မိစ္ဆာကောင်ကြီး ရဲ့ အဓိက ဝိညာဉ်ကို သူ ဖြေရှင်းရမယ်...။</p> <p>အဲဒီလို လုပ်မှသာ လုံးဝ လုံခြုံရေးကို သေချာစေနိုင်မှာ...။</p> <p>အဲဒီလိုမှသာ ဒီအရာကြီးကို အဆုံးသတ်နိုင်မှာ...။</p> <p>မဟုတ်ရင် အရာအားလုံးက တကယ်ကို အဓိပ္ပာယ် မရှိ ဖြစ်သွားလိမ့်မယ်...။</p> <p>လီယီတောင်း အံကို တင်းတင်း ကြိတ်လိုက်သည်။</p> <p>ဦးနှောက်ထဲရှိ ပြင်းထန်သော နာကျင်မှုကို ဆက်လက် အံတုရင်း လီယီတောင်းက ဝိညာဉ် ဖမ်းယူခြင်း စွမ်းရည်ကို ဆက်တိုက် ထုတ်လွှတ်နေလေသည်။</p> <p>တစ်ချိန်တည်းမှာပင် ပြိုင်ဘက်ကလည်း ဆက်လက် ရုန်းကန် ဟိန်းဟောက်နေ၏။</p> <p>လီယီတောင်း၏ ဝိညာဉ် ဖမ်းယူခြင်းက အထဲတွင် ပေါင်းစပ်ထားသော ဝိညာဉ်များကို တစ်ခုပြီး တစ်ခု ရှင်းလင်းသွားမည် ဖြစ်ပြီး ဤဝိညာဉ်များ ပျက်စီးသွားခြင်းက ပြိုင်ဘက်၏ စွမ်းရည်များကို သေချာပေါက် ထိခိုက်စေမည် ဖြစ်သည်။</p> <p>ရလဒ် အနေဖြင့် သူ၏ ခွန်အားက တဖြည်းဖြည်း လျော့ကျလာလေသည်။</p> <p>ထို့ကြောင့် ပြိုင်ဘက် ယခု လုပ်ရမည့် အရာမှာ သူ၏ ခွန်အားများ လုံးဝ မပြိုလဲသွားမီ အဓိက တရားခံ ဖြစ်သော လီယီတောင်းကို ရှင်းလင်းရန်ပင် ဖြစ်၏။</p> <p>စောစောက သူ အသုံးပြုခဲ့သော အဆောင်လက်ဖွဲ့ အနည်းငယ်က ဝိညာဉ် အများအပြားကို ရှင်းလင်းပြီး ဖြစ်လေသည်။</p> <p>တင်စားပြီး ပြောရမည် ဆိုလျှင် ၎င်းက ခပ်ပြင်းပြင်း လက်သီးချက် တစ်ခုလိုပင်။</p> <p>ယခု လီယီတောင်း၏ ဝိညာဉ် ဖမ်းယူခြင်း စွမ်းရည်နှင့် ဆိုလျှင် ပြိုင်ဘက် အပေါ် ကျိန်စာ တိုက်လိုက်သကဲ့သို့ ဖြစ်နေပြီး ပြိုင်ဘက်၏ အသက်စွမ်းအင်များကို ဆက်တိုက် လျော့ကျစေလေသည်။</p> <p>" ဝေါင်း... "</p> <p>လီယီတောင်း၏ ဝိညာဉ် ဖမ်းယူခြင်း ကြောင့် ပေါင်းစပ် ဝိညာဉ်များ အပေါ် သက်ရောက်မှု ကြီးမားလာသည်ကို မြင်သောအခါ ပေါင်းစပ် မိစ္ဆာကောင်ကြီးက ဤပုံအတိုင်း ဆက်သွားနေ၍ မရတော့ကြောင်း သဘောပေါက်သွားလေသည်။</p> <p>ရုတ်တရက် သူ၏ တစ်ကိုယ်လုံးကို အမည်းရောင် မြူခိုးများက လွှမ်းခြုံသွား၏။</p> <p>ထို့နောက် အစက ပေါင်းစပ်ထားသော ခန္ဓာကိုယ်ကြီးက မျက်စိတစ်မှိတ် အတွင်း မရေမတွက်နိုင်သော ဝိညာဉ်များ အဖြစ် ပြိုကွဲသွားတော့သည်။</p> <p>သူက... ကိုယ့်ဘာသာကိုယ် ပြိုကွဲသွားတာလား...။</p> <p>ဒါပေမဲ့ ဒါက အဆုံးသတ် မဟုတ်သေးဘူး...။</p> <p>အစပဲ ရှိသေးတယ်လို့ ပြောလို့ ရတယ်...။</p> <p>ပြိုကွဲသွားသော ဝိညာဉ်များက စူးစူးဝါးဝါး အော်ဟစ်သံများနှင့် ရူးသွပ်သော ဟိန်းဟောက်သံများကို ထုတ်လွှတ်လိုက်ကြလေသည်။</p> <p>လီယီတောင်း၏ ဝိညာဉ် ဖမ်းယူခြင်း အောက်တွင် ဤဝိညာဉ်များက စက္ကန့်နှင့်အမျှ တိုက်ခိုက်ခံနေရပြီး တဖြည်းဖြည်း အားနည်းလာကာ ပိုမို မှုန်ဝါးလာကြ၏။</p> <p>မကြာမီ သူတို့က လုံးဝ လွင့်ပါး ပျောက်ကွယ်သွားကြတော့သည်။</p> <p>ဒါက လီယီတောင်း တိုက်ခိုက်မှုရဲ့ ရလဒ် ဆိုတာ ထင်ရှားတယ်...။ ဒါပေမဲ့ မပြီးသေးဘူး...။</p> <p>တချို့ ဝိညာဉ်တွေက ကြေးမုံပြင် ရဲ့ အလင်းရောင် ကျရောက်တဲ့ ထောင့်တိုင်းကို တိုက်ရိုက် ပြေးဝင်သွားကြတယ်...။</p> <p>ထို့နောက် ကြေးမုံပြင်၏ အတွင်းပိုင်းကို သူတို့၏ ပုံရိပ်များဖြင့် ပြည့်နှက်သွားစေလေသည်။ ကျန်ရှိနေသော ဝိညာဉ်များ ကတော့ လွတ်လပ်စွာ လှုပ်ရှားနိုင်စွမ်း ရရှိသွားကြပြီ ဖြစ်၏။</p> <p>ဤမြင်ကွင်းကို မြင်သောအခါ လီယီတောင်း ရင်ထဲ လေးလံသွားတော့သည်။</p> <p>ပြန့်ကျဲနေသော ဝိညာဉ်များ ကြားထဲတွင် ပုံမှန် ပုံသဏ္ဍာန် ရှိသော ပြီးပြည့်စုံသည့် ဝိညာဉ် တစ်ခုက ထင်ရှားစွာ ရှိနေလေသည်။</p> <p>ဘာမျှ စဉ်းစားစရာ မလိုဘဲ ၎င်းမှာ ပေါင်းစပ် မိစ္ဆာကောင်ကြီး တစ်ခုလုံး၏ အဓိက ဝိညာဉ်၊ ထိန်းချုပ်နေသော အသိစိတ် ဖြစ်ကြောင်း လီယီတောင်း သိလိုက်၏။</p> <p>သူ၏ ပုံသဏ္ဍာန်က အတော်လေး သာမန် ဖြစ်ပြီး လီယီတောင်းကို စိုက်ကြည့်နေသည့်အလားပင်။</p> <p>သူ့အကြည့်တွေထဲမှာ ကြမ်းတမ်းခက်ထန်တဲ့ ဒေါသတွေ ပြည့်နှက်နေတယ်...။</p> <p>ဤမြင်ကွင်းကို မြင်သောအခါ လီယီတောင်း ရင်ထဲ ပို၍ပင် လေးလံသွားတော့သည်။</p> <p>ဒီဝိညာဉ်က သေချာပေါက် ပေါင်းစပ်လို့ ရတဲ့ သာမန် ဝိညာဉ် မဟုတ်ဘူး...။</p> <p>အသစ် ဖြစ်ပေါ်လာတဲ့ အသိစိတ် တစ်ခု ပိုင်ဆိုင်နိုင်တဲ့ အခြေအနေ မျိုးလည်း မဟုတ်ဘူး...။</p> <p>ဒါက... ပြိုင်ဘက်ရဲ့ တကယ့် အသိစိတ် အစစ်အမှန်ပဲ...။</p> <p>ဒါက ပြိုင်ဘက် ခွဲထုတ်လိုက်တဲ့ အသိစိတ် အစိတ်အပိုင်းလေး တစ်ခုပဲ...။</p> <p>ဒီလို နည်းလမ်းနဲ့ ပြိုင်ဘက်က ဒီအသိစိတ် အစိတ်အပိုင်းလေးတွေ ကနေတစ်ဆင့် ဒီပေါင်းစပ် မိစ္ဆာကောင်ကြီး ကို ထိန်းချုပ်နေတာ...။</p> <p>ဒါပေမဲ့... ဒီအချိန်မှာ တခြား နည်းလမ်း မရှိတော့ဘူး...။</p> <p>တစ်စက္ကန့်လေး အတွင်းမှာပင် သက်တမ်း ဆယ်နှစ် ကုန်သွားလေသည်။</p> <p>ထိုမျှမကသေးပေ။ သူ မူးဝေလာပြီ ဖြစ်ကြောင်း ခံစားလိုက်ရသည်။</p> <p>သူ အံကို တင်းတင်းကြိတ်ပြီး တောင့်ခံထားရုံသာ ရှိတော့သည်။ </p> <p>တကယ်လို့ သူ ဆက်မတောင့်ခံနိုင်ဘူး ဆိုရင် သေခြင်းတရားက သူတို့ကို စောင့်ကြိုနေလိမ့်မယ်...။</p> <p>အခုကျမှ ထွက်ပြေးဖို့ဆိုတာလည်း မလွယ်တော့ဘူး….။</p> <p>ဒါကြောင့်... ဒီတစ်ခါတော့ သေမလား နေမလား…. လမ်းတစ်ခုကို ပြတ်ပြတ်သားသား ရွေးရတော့မယ်…။</p> <p>မကြာမီ...</p> <p>ဝိညာဉ် အချို့က ကြေးမုံပြင်၏ အကျိုးသက်ရောက်မှုကို ပိတ်ဆို့လိုက်သည်နှင့်အမျှ ကျန်ရှိနေသော ဝိညာဉ်များက ဗဟို အသိစိတ်၏ ထိန်းချုပ်မှု အောက်တွင် နောက်တစ်ကြိမ် ပြန်လည် စုစည်းလာကြလေသည်။</p> <p>သို့သော် ဤပေါင်းစပ်မှု အပြီးတွင် အရွယ်အစားမှာ ယခင်ကထက် တစ်ဝက်ခန့် သေးငယ်သွား၏။</p> <p>လီယီတောင်း အနေဖြင့် အရပ်မျက်နှာ အသီးသီးမှ ဝိညာဉ်များကို တစ်ပြိုင်နက်တည်း တိုက်ခိုက်နိုင်ရန် ဖြစ်နိုင်ခြေ မရှိတော့ပေ။</p> <p>သက်တမ်း ကုန်ဆုံးမှုက တစ်စက္ကန့်လျှင် တစ်နှစ်နှုန်းသို့ ပြန်လည် ရောက်ရှိသွားလေသည်။</p> <p>သို့သော် ၎င်းက အဖြေကောင်း တစ်ခု မဟုတ်ကြောင်း လီယီတောင်း သိထား၏။</p> <p>ပြိုင်ဘက်၏ ပုံရိပ်ကို ကြေးမုံပြင်တွင် ပြန်လည် ပေါ်လာစေရန် နှင့် ထိန်းချုပ်နိုင်ရန် သူ၏ လှုပ်ရှားမှုများကို သူ ချိန်ညှိရန် ကြိုးစားလိုက်လေသည်။</p> <p>သို့သော် ပြိုင်ဘက်က ပြင်ဆင်ထားပြီး ဖြစ်၏။</p> <p>ကျန်ရှိသည့် ဝိညာဉ်များက ကြေးမုံပြင် ရှေ့တွင် လုံးဝ ပိတ်ကာဆီးထား၏။</p> <p>၎င်းက လီယီတောင်း၏ ကြိုးပမ်းမှု အားလုံးကို အသုံးမဝင် ဖြစ်သွားစေခဲ့၏။</p> <p>ဤအချိန်တွင် ပေါင်းစပ် မိစ္ဆာကောင်ကြီးက လှုပ်ရှားမှုကို အရှိန်မြှင့်လိုက်ပြီး လီယီတောင်း အနီးသို့ အလျင်အမြန် ချဉ်းကပ်လာကာ တိုက်ခိုက်ရန် ပြင်ဆင်နေလေသည်။</p> <p>အစကတော့ ဝိညာဉ် ဖမ်းယူခြင်းက ဝိညာဉ် ခန္ဓာကိုယ်တွေကို ထိန်းချုပ်နိုင်ပြီး ပြိုင်ဘက်ရဲ့ လှုပ်ရှားမှုကို ကန့်သတ်နိုင်တယ်လေ...။</p> <p>သို့သော် ယခုအခါ... လီယီတောင်း၏ ထိန်းချုပ်မှုက ကြီးမားလှသော ပေါင်းစပ် မိစ္ဆာကောင်ကြီး အတွင်းရှိ သီးခြား ဝိညာဉ် တစ်ခုကိုသာ အကျိုးသက်ရောက်နိုင်နေလေသည်။</p> <p>လီယီတောင်း အသက်ပြင်းပြင်း တစ်ချက် ရှူထုတ်လိုက်ပြီး ပေါင်းစပ် မိစ္ဆာကောင်ကြီး တဖြည်းဖြည်း နီးကပ်လာသည်ကို စောင့်ကြည့်နေလိုက်၏။</p> <p>ကြည့်ရတာ အသေအလဲ တိုက်ခိုက်ရတော့မယ် ထင်တယ်...။</p> <p>သေမင်း အကာအကွယ် စွမ်းအားကို အားကိုးရတော့မယ်...။</p> <p>နောက်ကွယ်ကနေ တစ်ယောက်ယောက်က ကြိုးကိုင်နေတယ် ဆိုတာကို သေချာတယ်…။</p> <p>လီယီတောင်း အသက်အန္တရာယ်ရှိကိန်း ဆိုက်နေပြီဟု ယူဆနိုင်ပေသည်။</p> <p>တကယ်လို့ သေမင်း အကာအကွယ် ရဲ့ အကျိုးသက်ရောက်မှုသာ အသက်ဝင်လာပြီး ပြိုင်ဘက်က တန်ပြန် သက်ရောက်မှုကို ခံရပြီး သေသွားမယ် ဆိုရင်... နောက်ကွယ်ကနေ အရာအားလုံးကို ကြိုးကိုင်နေတဲ့ လူကိုပါ ထိခိုက်စေမလား၊ ဒါမှမဟုတ် သေသွားစေမလား...။</p> <p>တကယ်လို့ ပြိုင်ဘက်သာ သေမင်းရဲ့ အကာအကွယ် ကြောင့် အသေအလဲ ထိခိုက်သွားမယ် ဆိုရင်တော့ လီယီတောင်း ဘေးကင်းသွားမှာပေါ့...။</p> <p>ဒါပေမဲ့ ဒီအချက်က စနစ်က ပြိုင်ဘက်ရဲ့ တိုက်ခိုက်မှုကို သိရှိနိုင်ခြင်း ရှိ၊ မရှိ ဆိုတာ အပေါ်မှာ မူတည်နေတယ်လေ...။ တကယ်လို့ မသိရှိနိုင်ဘူး ဆိုရင်တော့… အင်း… သွားပြီပေါ့… ကံတရားအတိုင်းပေါ့…။</p> <p>လီယီတောင်း အဆိုးရွားဆုံး အခြေအနေ အတွက် ပြင်ဆင်နေချိန်မှာပင်... ရုတ်တရက် အေးစက်စက် လေပြင်း တစ်ချက် တိုက်ခတ်လာလေသည်။</p> <p>ထို့နောက် သူ့ဆီသို့ ပြေးဝင်လာသော ပေါင်းစပ် မိစ္ဆာကောင်ကြီး ရုတ်တရက် နေရာမှာတင် အေးခဲသွားသည်ကို တွေ့လိုက်ရ၏။</p> <p>လှည့်ကြည့်လိုက်ရာ နာကျင်မှုကို အံတုရင်း ပြတ်သားသော မျက်နှာထားဖြင့် ထလာသော ချီယွီချန်ကို တွေ့လိုက်ရလေသည်။</p> <p>သူ့နှုတ်ခမ်းထောင့်များမှ သွေးများ စီးကျနေဆဲ ဖြစ်ပြီး မျက်နှာထက်တွင် အလွန်အမင်း နာကျင်နေသည့် အရိပ်အငွေ့တို့က အထင်းသား။</p> <p>" သူ့ကို ငါ့အတွက် သတ်ပေးပါ... အား... " </p> <p>ချီယွီချန် က သူ၏ စွမ်းရည်များကို အားကုန် မြှင့်တင်ရင်း အော်ဟစ်လိုက်လေသည်။</p> <p>အစက ရုန်းကန်နေသော ပေါင်းစပ် မိစ္ဆာကောင်ကြီးမှာ နောက်တစ်ကြိမ် နေရာမှာတင် အေးခဲသွားပြန်၏။</p> <p>ထို့ကြောင့် တွန့်ဆုတ်မနေဘဲ လီယီတောင်း ဝိညာဉ် ဖမ်းယူခြင်းကို ဆက်လက် အသုံးပြုလိုက်လေသည်။</p> <p>သူ့မှာ တခြား ရွေးချယ်စရာ မရှိတော့ဘူး...။</p> <p>အခု သူတို့ လုပ်နိုင်တာ တစ်ခုတည်းက ပြိုင်ဘက်နဲ့ အချိန်ဆွဲ တိုက်ပွဲ ဝင်ဖို့ပဲ...။</p> <p>သူတို့က ပြိုင်ဘက်ကို အားနည်းသွားအောင် လုပ်နိုင်မလား၊ ဒါမှမဟုတ် ပြိုင်ဘက်က သူတို့ကို အားနည်းသွားအောင် လုပ်မလား ဆိုတာ စောင့်ကြည့်ရဦးမယ်...။</p> <p>ချီယွီချန်၏ ချိတ်ပိတ်မှုက အချိန်အကြာကြီး ခံမည် မဟုတ်ကြောင်း သူ သိထားလေသည်။</p> <p>လက်ရှိ ပေါင်းစပ် မိစ္ဆာကောင်ကြီး၏ ခွန်အားမှာ သိသိသာသာ လျော့ကျသွားပြီ ဖြစ်သော်လည်း ချီယွီချန်မှာလည်း အားနည်းနေလေပြီ။</p> <p>ဒါက သူ့ရဲ့ နောက်ဆုံး ထွက်သက်ပဲ...။</p> <p>ဒါပေမဲ့...</p> <p>မပြီးသေးဘူး...။</p> <p>ပေါင်းစပ် မိစ္ဆာကောင်ကြီး နောက်တစ်ကြိမ် ရုန်းထွက်မည့် အရိပ်အယောင်များ ပြသလာချိန်မှာပင် အဖြူရောင် အလင်းတန်း တစ်ခုက သူ့ပတ်လည်သို့ ကျဆင်းလာလေသည်။</p> <p>ထူးဆန်းသော ပေါင်းစပ် မိစ္ဆာကောင်ကြီး ပတ်လည်တွင် မမြင်ရသော အတားအဆီး တစ်ခု ဖြစ်ပေါ်လာတော့သည်။</p> <p> </p> <p> </p> <p> </p> <p style="text-align: center;">***</p>


Save