Book List

<h2 style="text-align: center;">အခန်း ၂၃၅</h2> <h2 style="text-align: center;">နှစ်ပတ်လည် ပရိုမိုးရှင်း</h2> <h2 style="text-align: center;">အခမဲ့ နာရေးဝန်ဆောင်မှု</h2> <h2 style="text-align: center;">*</h2> <p> </p> <p> </p> <p>လီယီတောင်း Live ဖွင့်လိုက်ချိန်မှာ အချိန်ကောင်းပင်။ </p> <p>လူတိုင်း ဖုန်းတွေနဲ့ အလုပ်ရှုပ်နေပြီး ဇာတ်ကားတွေ ကြည့်နေကြတဲ့ အချိန်လေ...။</p> <p>ထို့ကြောင့် Live ထဲသို့ ပရိသတ် တစ်သိန်းကျော် အလျင်အမြန် ဝင်ရောက်လာကြလေသည်။ ပြီးခဲ့သည့် ရက်အနည်းငယ်ကမှ အနည်းငယ် စိတ်အေးလက်အေး ရှိနေခဲ့သော ပလက်ဖောင်း တာဝန်ရှိသူများနှင့် ဆိုက်ဘာ ရဲအရာရှိများမှာ ယခုအခါ အရေးပေါ် အသင့်အနေအထားသို့ ပြန်ရောက်သွားကြပြန်၏။</p> <p>တခြား ရွေးချယ်စရာ မရှိဘူးလေ...။ လီယီတောင်းရဲ့ လွှမ်းမိုးနိုင်စွမ်းက အရမ်းကို ကြီးမားလွန်းနေတာကိုး...။</p> <p>သူ့အတွက်တော့ သေဆုံးမယ့်သူတွေကို Follow ဖို့ အလွယ်ကူဆုံးနဲ့ အထိရောက်ဆုံး နည်းလမ်းက ဗီဒီယိုတိုလေးတွေ လွှင့်တဲ့ နည်းလမ်းတွေကနေ တစ်ဆင့်ပဲလေ...။</p> <p>ဒါကြောင့်မို့လို့ Live လွှင့်တာက လီယီတောင်း အတွက် ဘယ်တော့မှ ရပ်တန့်သွားမယ့် ကိစ္စ မဟုတ်ပါဘူး...။</p> <p>မကြာသေးမီက သူ ကြုံတွေ့ခဲ့ရသော အဖြစ်အပျက်များကဲ့သို့ အလွန်အမင်း အလုပ်ရှုပ်နေချိန်မျိုးတွင်သာ သူ Live လွှင့်ရန် အချိန်မရှိ ဖြစ်သွားနိုင်ချေ ရှိပေသည်။</p> <p>ဒါပေမဲ့ အခုတော့... သူ့မှာ သက်တမ်း ပိုစုဆောင်းဖို့ လိုအပ်နေပြီလေ...။</p> <p>ဒီလို အခြေအနေမျိုးမှာ... သူ လှုပ်ရှားဖို့ကလွဲပြီး တခြား ရွေးချယ်စရာ မရှိတော့ဘူး...။</p> <p>Live လွှင့်ရခြင်း၏ အကြောင်းရင်းနှင့် ပတ်သက်၍ လီယီတောင်း တစ်ခုကို တွေ့ရှိခဲ့၏။ </p> <p>သူ့ဘာသာသူ ဗီဒီယိုတွေကို ကြည့်တဲ့အခါ follow လုပ်စရာလူ သိပ်မတွေ့ဘူး…။</p> <p>ဒါပေမဲ့ တကယ်လို့ သူက Live ဖွင့်ပြီး အွန်လိုင်းက သူငယ်ချင်း အများကြီးနဲ့ အတူတူ ဗီဒီယိုတွေကို ကြည့်မယ် ဆိုရင်တော့... ထိရောက်မှုက သိသိသာသာ မြင့်တက်လာတယ်လေ။</p> <p>ဘာလို့လဲ ဆိုတော့ အချိန်တော်တော်များများမှာ ဒီအွန်လိုင်း သူငယ်ချင်းတွေက သူ့ကို ID တွေ အများကြီး ပို့ပေးတတ်ကြလို့ပဲ... ပြီးတော့ ဒီ ID တွေက... ရာခိုင်နှုန်း အပြည့် မဟုတ်ဘူး ဆိုရင်တောင်... ၅၀ ရာခိုင်နှုန်း ကျော်လောက်က အဲဒီ သေချင်နေတဲ့ ကောင်တွေ၊ ဒါမှမဟုတ် သေရတော့မယ့် လူတွေချည်းပဲလေ...။</p> <p>လီယီတောင်း အစီအစဉ် ဆွဲထားလိုက်သည်။</p> <p>တကယ်လို့ သူက လူသုံးဆယ်လောက်ကို အာရုံစိုက်ပြီး Follow နိုင်မယ် ဆိုရင်... သူ့မှာ သက်တမ်း နှစ်တစ်ထောင်လောက် ရလာမှာပဲ...။</p> <p>ဒါက သူ့အတွက် ပိုပြီး လုံခြုံမှု ရှိစေမှာပါ...။</p> <p>ထို့ပြင် နောက်ဆက်တွဲ မစ်ရှင် နှစ်ခုလောက်သာ ရခဲ့မည် ဆိုပါက အကျိုးသက်ရောက်မှုက ပို၍ပင် ကောင်းမွန်သွားပေလိမ့်မည်။</p> <p>Live ထဲတွင် ကြည့်ရှုသူများ အဆက်မပြတ် တိုးလာနေပြီး စခရင်ပေါ်တွင် လက်ဆောင်များ ပျံဝဲနေသည်ကို လီယီတောင်း စောင့်ကြည့်နေလိုက်၏။</p> <p>လီယီတောင်း ပြုံးလိုက်ပြီး Live ထဲရှိ ပရိသတ်များကို ညင်သာစွာ ပြောလိုက်သည်။ </p> <p>" ငါ Live မလွှင့်တာ နည်းနည်း ကြာသွားပေမဲ့... မင်းတို့ အားလုံးက စောင့်နေကြတုန်းပဲနော်... အားလုံးကို ကျေးဇူးတင်ပါတယ်... "</p> <p>" ငါ့အကျင့်ကို မင်းတို့ အားလုံး သိကြပါတယ်... ငါ စကားအများကြီး မပြောပါဘူး... ငါတို့ အတူတူ ဗီဒီယို တချို့ သွားကြည့်ကြတာပေါ့... "</p> <p>" အင်း... လက်ဆောင်တွေ ပေးဖို့ မလိုပါဘူး သူငယ်ချင်းတို့... စခရင်ပေါ်က လက်ဆောင်တွေက ကြည့်တဲ့သူတွေကို အနှောင့်အယှက် ဖြစ်နေပါဦးမယ်... ပြီးတော့ အခု လောလောဆယ် မင်းတို့ရဲ့ လက်ဆောင်တွေကို ငါ မလိုသေးဘူး... ငါ ဆိုလိုတာကို မင်းတို့ သိပါတယ်... "</p> <p>လီယီတောင်း၏ စကားများကို ကြားသောအခါ Live ထဲရှိ ပရိသတ်များက comment များကို စတင် ရေးသားကြတော့၏။</p> <p>" ကြည့်... ကြည့်စမ်း... ဒါ ဘယ်လိုစကားမျိုးလဲ... လက်ဆောင်ပေးစရာ မလိုဘူး၊ ပြီးတော့ သူ ဆိုလိုတာကို ငါတို့ သိတယ် ဟုတ်လား... ငါတို့ တကယ် နားမလည်ပါဘူးကွာ... "</p> <p>" ဟီးဟီး... အစ်ကိုယီတောင်းက ပိုက်ဆံ လိုနေလို့လား... အစ်ကိုယီတောင်း မျက်နှာသာ ရဖို့ ကြိုးစားနေတဲ့ သူဌေးတွေ ဘယ်နှယောက် ရှိလဲ ဆိုတာတောင် မသိဘူး... အစ်ကိုယီတောင်းက မင်းတို့ ပိုက်ဆံကို လိုမယ် ထင်နေတာလား... "</p> <p>" တရားဝင် ပလက်ဖောင်းရဲ့ ကြေညာချက်ကို သွားဖတ်ကြည့်ဦး... အစ်ကိုယီတောင်းရဲ့လက်ဆောင်တွေကို လုံးဝ မဖြတ်တဲ့ အပြင် ဝန်ဆောင်ခတွေကိုတောင် ပလက်ဖောင်းက ကျခံပေးတာတဲ့... "</p> <p>" လခွမ်း... အစ်ကိုယီတောင်းက တကယ် အစ်ကိုယီတောင်းပါပဲ... အမိုက်စားပဲကွာ... "</p> <p>" တကယ်တမ်း စဉ်းစားကြည့်ရင်... ဒါက ပုံမှန်ပါပဲ... သေမင်းတမန် ဆီကနေ လက်ဆောင်တွေ ခွဲယူဖို့ ပလက်ဖောင်းမှာ အဲဒီလောက် အစွမ်းအစ ရှိလို့လား... "</p> <p>" အစွမ်းအစ ရှိရင်တောင် သူတို့မှာ သတ္တိ ရှိလို့လား... " </p> <p>" သတ္တိ ရှိရင်တောင် အစွမ်းအစ ရှိလို့လား... " </p> <p>" အစွမ်းအစ ရှိရင်တောင်... "</p> <p>" အိုး ဘုရားရေ... အပေါ်ကလူတွေ... အာချောင်တာတွေ ရပ်... "</p> <p>Live ထဲမှ comment များကို ဂရုမစိုက်တော့ဘဲ ဗီဒီယိုများကို စတင်ကြည့်ရှုလေတော့သည်။</p> <p>" အိုး အိုး အိုး... လာပြီဟေ့... ငါ အကြိုက်ဆုံး စီးရီးပဲ... "</p> <p>" ဝါး... တအား လှတာပဲ... ငါ အကြိုက်ဆုံးလေး... "</p> <p>" ဟုတ်တယ်... ယောဂဆရာမလေးကို ခေါ်လိုက်... ဗီဒီယို ဖွင့်လိုက်တိုင်း ဘာလို့ ယောဂဆရာမလေး ဖြစ်နေရတာလဲ ဆိုတာကို မြန်မြန် ပြောပြ... "</p> <p>" ဟီးဟီး... တကယ်တော့ ငါ အကွက်တစ်ခု ရှာတွေ့ထားတယ်... လိုချင်တဲ့သူ ရှိရင် မက်ဆေ့ချ် ပို့လိုက်... ၉၉၈ ယွမ် လည်း မဟုတ်ဘူး၊ ၈၉၉ ယွမ် လည်း မဟုတ်ဘူး... ၁၉.၉ ယွမ် တည်းနဲ့ အခမဲ့ သင်ခန်းစာတွေကို ရနိုင်မယ်... "</p> <p>" လိမ်စားတဲ့ကောင်... ထွက်သွားစမ်း... လခွမ်း... လိမ်စားတဲ့ ကောင်တွေကို တွေ့ရင် တွေ့တဲ့ နေရာမှာ ရိုက်ပစ်မယ်... "</p> <p>" ကဲပါ... ကဲပါ... အားလုံးပဲ... တင်ပါးကို ရောင်းနေတဲ့ ကောင်မလေးကိုပဲ သေချာ ကြည့်ကြ... အာ... ငါ ပြောတာ မှားသွားပြီ... ယောဂ အဝတ်အစားတွေ ရောင်းနေတဲ့ ကောင်မလေးကိုပဲ သေချာ ကြည့်ကြ... "</p> <p>" အာရုံစိုက်ထား... အစ်ကိုယီတောင်း ကြည့်နေတာ နာရီဝက်လောက် ရှိနေပြီ... မကျော်သွားသေးဘူး ဆိုတာ မင်းတို့ မြင်တယ် မလား... "</p> <p>" ဟုတ်တယ်... အစ်ကိုယီတောင်းက တအားကို အာရုံစိုက်နေတာ... ငါ... "</p> <p>" ဟင်... လခွီးပဲ... တစ်ခုခုတော့ မှားနေပြီ... "</p> <p>" တကယ်လား... အဲဒီလောက်တောင် ပေါက်ကွဲစရာ ကောင်းနေတာလား... "</p> <p>" အပေါ်ကလူက ဘာတွေ ပြောနေတာလဲ... ဘာက ပေါက်ကွဲစရာ ကောင်းတာလဲ... အစ်ကိုယီတောင်း ကများ... ဒီကောင်မလေးကို သဘောကျသွားတာလား... သူမရဲ့ ခန္ဓာကိုယ်က... သာမန်လောက်ပဲ ရှိတာကို... "</p> <p>" ဟီးဟီး... အပေါ်ကလူ ခန့်မှန်းတာ မှန်တယ်... အစ်ကိုယီတောင်းက ဒီကောင်မလေးကို သဘောကျသွားတာ... ဒါပေမဲ့... "</p> <p>" ဒါပေမဲ့ ဘာဖြစ်လဲ... မင်းတို့ ဘာတွေ ပြောနေကြတာလဲ... မင်းတို့ စကားတွေက ငါ့ကို စိုးရိမ်လာအောင် လုပ်နေတယ်နော်... "</p> <p>" ဒါပေမဲ့... ဒီသဘောကျတာက သာမန် သဘောကျတာမျိုး မဟုတ်ဘူးလေ... " </p> <p>" အဲဒါ ဘာအဓိပ္ပာယ်လဲ... ဒါ ဘယ်လို ဟာသမျိုးလဲ... " </p> <p>" ဟုတ်တယ်... မင်းတို့ ဘာတွေ ပြောနေတာလဲ... "</p> <p>" အမှိုက်ကောင်တွေ... အကုန်လုံးက စကားထာဝှက်တမ်း ကစားနေကြတယ်... တောက်... "</p> <p>Live ထဲရှိလူများ အူမြူးနေသလောက် လီယီတောင်း တစ်ယောက် ဤအချိန်တွင် အတွေးထဲ နစ်မျောနေလေသည်။</p> <p>စနစ်ကများ မှားသွားတာလား ဟု သူ မတွေးဘဲ မနေနိုင်တော့ပေ။</p> <p>ဘယ်လိုလုပ်ပြီး ဒီလောက် တိုက်ဆိုင်နိုင်ရတာလဲ...။</p> <p>[ ကတောင်... အရည်အသွေးမြင့် ဖောက်သည်ကို ရှာဖွေတွေ့ရှိပါသည်၊ ID : ကခုန်ရတာ ဝါသနာပါတဲ့ ညီအစ်မ သုံးဖော် ]</p> <p>[ သေဆုံးမှု အခြေအနေ စစ်ဆေးခြင်း - အတုအယောင် ယောဂ ဝတ်စုံများကို ရောင်းချကာ ဝယ်ယူသူများအား မတော်တဆမှုများ ဖြစ်ပေါ်စေခဲ့သောကြောင့် နောက်ဆုံးတွင် သူမ ကိုယ်တိုင် မတော်တဆ သေဆုံးမည်၊ သေဆုံးနိုင်ခြေ ၉၉% ]</p> <p>[ သင့် အနေဖြင့် ဤအရည်အသွေးမြင့် ဖောက်သည်အား ချက်ချင်း Follow လုပ်ရန် အကြံပြုအပ်ပါသည်။ ]</p> <p>အစကတည်းက သေဆုံးနိုင်ခြေ ၉၉ ရာခိုင်နှုန်း ဖြစ်နေသဖြင့် သူ အခုတလော တာဝန် ပေါ့လျော့နေ၍ စနစ်က သူ့ထံ စွမ်းဆောင်ရည် ပစ်မှတ် တစ်ခု ပေးပို့လိုက်ခြင်းများလား ဟု လီယီတောင်း သံသယ ဝင်မိလေသည်။</p> <p>ထိုမျှမကသေးပေ။ ဤလူမှာ ကျန်းမြို့မှ ဖြစ်ကြောင်းကိုပါ လီယီတောင်း တွေ့ရှိလိုက်ရ၏။</p> <p>' ဒါက... တကယ်လို့ သူသာ အကွက်တွေ သေချာ ချနိုင်မယ် ဆိုရင်... ဒါက သူ့အတွက် " ကံကောင်းတဲ့ အစပျိုးမှု " တစ်ခု ဖြစ်လာမှာ မဟုတ်ဘူးလား... '</p> <p>အစကတော့ လီယီတောင်း နည်းနည်း နှမြောသလို ခံစားခဲ့ရတာ...။</p> <p>ဒီလို လှပတဲ့ ခန္ဓာကိုယ်လေးက... ဒီလောက် ငယ်ငယ်ရွယ်ရွယ်နဲ့ ပျောက်ကွယ်သွားရတော့မယ်လေ...။</p> <p>ဒါပေမဲ့ သေရတဲ့ အကြောင်းရင်းကို မြင်လိုက်ရတဲ့ အချိန်မှာတော့ အဲဒီ နှမြောတဲ့ စိတ်လေး ပျောက်သွားတယ်...။</p> <p>ဒီလို လူမျိုးကို Follow ဖို့ ကတော့... ဘာမှ အားစိုက်နေစရာ မလိုပါဘူးလေ...။</p> <p>မည်သို့မျှ တွန့်ဆုတ်မနေဘဲ သူက တိုက်ရိုက် Follow လိုက်ပြီး Like ပေးလိုက်လေသည်။</p> <p>" မကောင်းမှု များတဲ့သူတွေက နောက်ဆုံးမှာ ပျက်စီးရမှာပဲ... အမြတ်အစွန်း အတွက် တခြားသူတွေကို ဒုက္ခပေးတဲ့ အခါ... အဲဒီ ဒုက္ခက မင်းဆီ အမြဲတမ်း ပြန်လာလိမ့်မယ်... "</p> <p>comment တွင် လီယီတောင်းက သူ၏ အသစ် ပြင်ဆင်ထားသော ကြော်ငြာစာသားကို ထိပ်ဆုံးတွင် တင်လိုက်လေသည်။</p> <p>" သေပြီးရင် စိတ်ပူစရာ မလိုပါဘူး... လီယီတောင်းက လိုက်ပို့ပေးပါမယ်... တစ်နေရာထဲမှာ အစုံရနိုင်တဲ့ ပြီးပြည့်စုံတဲ့ ဝန်ဆောင်မှုကြောင့် သင် ချစ်ရသူတွေ စိတ်အေးချမ်းစေဖို့ အာမခံပါတယ်... သေဆုံးခြင်း နှစ်ပတ်လည် အထူး လျှော့ဈေး... စူပါ အခမဲ့ ဝန်ဆောင်မှုတွေ ရဖို့ အခုပဲ ဘိုကင် လုပ်လိုက်ပါ... ဒီနှစ်ပတ်လည် ပွဲတော် အတွင်းမှာပဲ ရနိုင်မှာနော်... "</p> <p>လီယီတောင်း၏ comment နှင့် ပုံမှန် မဟုတ်သော ကြော်ငြာစာသားတို့ကြောင့် Live တစ်ခုလုံး ဇဝေဇဝါ အခြေအနေသို့ ကျရောက်သွားတော့၏။</p> <p>" ဒီမှာ ဘာတွေ ဖြစ်နေတာလဲ... "</p> <p>" အိုး ဘုရားရေ... နှစ်ပတ်လည် ပွဲတော် လုပ်ပြီး အခမဲ့ ဝန်ဆောင်မှုတွေ ပေးမယ် ဟုတ်လား... အစ်ကိုယီတောင်းက ဘာတွေ ကြံစည်နေတာလဲ... "</p> <p>" အစ်ကိုယီတောင်းက ပွဲတော် ကျင်းပမလို့လား... အိုး ဘုရားရေ... အဖြစ်ဆိုး တစ်ခုခု ဖြစ်တော့မလို့လား... "</p> <p>Live ထဲတွင် ခဏတာ မှင်သက် တိတ်ဆိတ်သွားပြီးနောက် ကြည့်ရှုသူများက comment များ စတင် ရေးသားကြတော့၏။</p> <p>" အိုး ဘုရားရေ... ငါတော့ တအား လန့်သွားတာပဲ... အစ်ကိုယီတောင်းက ပွဲတော် လုပ်တော့မယ်... ငါ့ဗီဒီယိုတွေ အကုန်လုံး အမြန် ဖြုတ်ချလိုက်ပြီ... "</p> <p>" လခွီးပဲ... "</p> <p>" အစ်ကိုယီတောင်း တစ်ခုခု ကြံစည်နေပြီ... အရင်က Follow ဖို့ လုံးဝ စိတ်မကူးခဲ့တဲ့ ယောဂ ကောင်မလေးကိုတောင် အခု Follow လိုက်ပြီ... "</p> <p>" အစ်ကိုယီတောင်းက အခုတလော ပျင်းနေပြီး စွမ်းဆောင်ရည် စံနှုန်းတွေ မပြည့်မီလို့များလား... အထက်ကနေ သူ့ကို တာဝန် ပေးလိုက်တာများ ဖြစ်နိုင်မလား... "</p> <p>" အဲဒါ ဖြစ်နိုင်ခြေ တအား များတယ်... အိုး ဘုရားရေ... တအား ကြောက်စရာ ကောင်းတာပဲ... တကယ်ကြီးနော်... "</p> <p>" ငါ ဒါကို ခံနိုင်ရည် မရှိတော့ဘူး... ကံကောင်းလို့ ရေချိုးခန်းထဲ ရောက်နေလို့... မဟုတ်ရင် ၈,၀၀၀ ပေးပြီး ဝယ်ထားတဲ့ ငါ့အတွင်းခံတော့ သေးစိုပြီး ပျက်စီးပါပြီကွာ... "</p> <p>" အပေါ်ကလူ... မင်းက ကြွားနေတာလား၊ ဒါမှမဟုတ် ဟန်လုပ်နေတာလား... "</p> <p>" တကယ်ပဲ... အစ်ကိုယီတောင်းက ရမ်းသမ်း သတ်တော့မလို့လား... "</p> <p>" ကြောက်လွန်းလို့ တုန်နေပြီ... "</p> <p>Live ကို စောင့်ကြည့်နေသော ပလက်ဖောင်း တာဝန်ရှိသူများ၊ ဆိုက်ဘာ ရဲအရာရှိများနှင့် အချို့သော သြဇာလွှမ်းမိုးမှု ရှိသူများပင် ဤအချိန်တွင် လုံးဝ ဇဝေဇဝါ ဖြစ်သွားကြလေသည်။</p> <p>သူတို့ အားလုံးက အရူးတွေလို ပြုမူနေကြပြီး ဤသတင်းအချက်အလက်ကို သူတို့၏ အထက်လူကြီးများထံ ဆက်တိုက် သတင်းပို့နေကြ၏။</p> <p>တစ်ခုခုတော့ အကြီးအကျယ် ဖြစ်တော့မယ်...။</p> <p> </p> <p> </p> <p style="text-align: center;">***</p>


Save