Book List

<h2 style="text-align: center;">အခန်း ၂၃၆</h2> <h2 style="text-align: center;"> ဆက်တိုက် သတ်ဖြတ်ခြင်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p>Follow လုပ်ပြီးနောက် လီယီတောင်း မတုံ့ဆိုင်းဘဲ ချက်ချင်း ကျော်သွားလိုက်လေသည်။</p> <p>သူ့အတွက်တော့ ဒီနေ့က ပရိသတ်တွေကို Follow လုပ်ဖို့ သီးသန့် နေ့တစ်နေ့ပဲလေ...။</p> <p>သို့သော် ဒုတိယလူ၏ ပရိုဖိုင်ကို သူ ဖွင့်လိုက်ချိန်တွင် အခြေအနေ ပိုဆိုးသွားတော့၏။</p> <p>[ ကတောင်... အရည်အသွေးမြင့် ဖောက်သည်ကို ရှာဖွေတွေ့ရှိပါသည်၊ ID : မက်မွန်သီး]</p> <p>[ သေဆုံးမှု အခြေအနေ စစ်ဆေးခြင်း - ခန္ဓာကိုယ် အချိုးအစားကို ထိန်းသိမ်းရန် ကာလရှည် အစာရှောင်ခြင်းနှင့် ယောဂ ပျော့ပြောင်းမှု လေ့ကျင့်ခန်းများကို အလွန်အကျွံ ပြုလုပ်ခြင်းတို့ကြောင့် ကျန်းမာရေး ပြဿနာများ ဖြစ်ပေါ်လာခဲ့သည်။ မကြာမီ ရုတ်တရက် နှလုံးရပ်ပြီး သေဆုံးမည်၊ သေဆုံးနိုင်ခြေ ၉၉% ]</p> <p>[ သင့် အနေဖြင့် ဤအရည်အသွေးမြင့် ဖောက်သည်အား ချက်ချင်း Follow လုပ်ရန် အကြံပြုအပ်ပါသည်။ ]</p> <p>သေဆုံးနိုင်ခြေ ၉၉ ရာခိုင်နှုန်း ရှိတဲ့ နောက်ထပ် ပရိသတ် တစ်ယောက်... ပြီးတော့ သူကလည်း ယောဂ ဝါသနာရှင် တစ်ယောက် ဖြစ်နေပြန်တယ်။</p> <p>ဤအချိန်တွင် လီယီတောင်း လုံးဝ ကြောင်အမ်းသွားတော့၏။</p> <p>ဘာတွေ ဖြစ်နေတာလဲ...။</p> <p>ဒုတိယ Follow လိုက်ရသူက ယောဂ ကောင်မလေး ဖြစ်နေတာကိုတော့ လီယီတောင်း မအံ့သြပါဘူး...။</p> <p>ဒါပေမဲ့... သေဆုံးနိုင်ခြေ ၉၉ ရာခိုင်နှုန်း ဟုတ်လား...။</p> <p>ပြီးတော့ သူမက ဒုတိယမြောက် Follow ခံရသူလား...။</p> <p>ဒါ ယုံနိုင်စရာ မရှိဘူးလေ...။</p> <p>ဒါပေမဲ့... စနစ်က အသိပေးချက် ပေးလာပြီ ဆိုတော့ လီယီတောင်း အနေနဲ့ ငြင်းဖို့ ရွေးချယ်စရာ မရှိတော့ဘူး...။</p> <p>သူ Follow လိုက်ရုံပဲ တတ်နိုင်တော့ပြီး comment ရေးလိုက်၏။ </p> <p>" အတွင်းရော အပြင်ပါ လှပပါတယ်... ဒါပေမဲ့ ကျန်းမာရေးက အရေးအကြီးဆုံးပါ... "</p> <p>“ သေပြီးရင် စိတ်ပူစရာ မလိုပါဘူး... လီယီတောင်းက လိုက်ပို့ပေးပါမယ်... တစ်နေရာထဲမှာ အစုံရနိုင်တဲ့ ပြီးပြည့်စုံတဲ့ ဝန်ဆောင်မှုကြောင့် သင် ချစ်ရသူတွေ စိတ်အေးချမ်းစေဖို့ အာမခံပါတယ်... သေဆုံးခြင်း နှစ်ပတ်လည် အထူး လျှော့ဈေး... စူပါ အခမဲ့ ဝန်ဆောင်မှုတွေ ရဖို့ အခုပဲ ဘိုကင် လုပ်လိုက်ပါ... ဒီနှစ်ပတ်လည် ပွဲတော် အတွင်းမှာပဲ ရနိုင်မှာနော်... “</p> <p>လီယီတောင်း၏ Follow အသိပေးချက်ကို မြင်သောအခါ Live ထဲရှိ ပရိသတ်များ လုံးဝ ဇဝေဇဝါ ဖြစ်သွားကြတော့၏။</p> <p>ဒုတိယမြောက်။</p> <p>ဒါက ဒီနေ့ လီယီတောင်း တွေ့ခဲ့တဲ့ ဒုတိယမြောက် ဗီဒီယို ဖြစ်ရုံသာမက သူ Follow လိုက်တဲ့ ဒုတိယမြောက် Streamer လည်း ဖြစ်နေတယ်။</p> <p>ဒီလို အခြေအနေမျိုးမှာ လူတွေ ဘယ်လိုလုပ် မပြာယာခတ်ဘဲ နေနိုင်မှာလဲ...။</p> <p>သို့သော် လူများ သတိမဝင်လာမီမှာပင် လီယီတောင်းက တတိယမြောက် Streamer ထံသို့ ရောက်ရှိနေပြီ ဖြစ်၏။</p> <p>[ ကတောင်... အရည်အသွေးမြင့် ဖောက်သည်ကို ရှာဖွေတွေ့ရှိပါသည်၊ ID : ယောဂ ဆီးသီးစိမ်းလေး ]</p> <p>[ သေဆုံးမှု အခြေအနေ စစ်ဆေးခြင်း - ယောဂ လေ့ကျင့်ခန်း ပြုလုပ်နေစဉ် မတော်တဆ သေဆုံးမည်၊ သေဆုံးနိုင်ခြေ ၉၉% ]</p> <p>[ သင့် အနေဖြင့် ဤအရည်အသွေးမြင့် ဖောက်သည်အား ချက်ချင်း Follow လုပ်ရန် အကြံပြုအပ်ပါသည်။ ] </p> <p>ဖက်ခ်။</p> <p>နောက်တစ်ယောက်လား...။</p> <p>ပြီးတော့ သေဆုံးနိုင်ခြေက ၉၉ ရာခိုင်နှုန်းတောင်။</p> <p>ယနေ့ စနစ်က ပုံမှန် မဟုတ်ကြောင်း လီယီတောင်း ခံစားလိုက်ရ၏။</p> <p>တစ်ခုခု ထူးခြားနေတယ် ဆိုတာကို သူ ခံစားမိပေမဲ့ ဒီလောက်တောင် ထူးခြားလိမ့်မယ်လို့ မထင်ထားခဲ့ဘူး...။</p> <p>Live ထဲရှိ သူ၏ ပရိသတ်များထံမှ အဆုံးမရှိသော အာမေဍိတ် သင်္ကေတများကို မြင်သောအခါ လီယီတောင်း မလုပ်ချင်သော်လည်း နောက်တစ်ကြိမ် Follow လိုက်လေသည်။</p> <p>စနစ်က လင်ဗန်းနဲ့တောင် လာဆက်သနေပြီလေ... Follow မလုပ်ရင် ငမိုက်သား ဖြစ်သွားမှာပေါ့…။</p> <p>သူ စာရိုက်သည့် အကွက်ကို ဖွင့်လိုက်၏။</p> <p>" လေ့ကျင့်ခန်းက ကျန်းမာရေးရဲ့ အခြေခံပါ... ယောဂက ခန္ဓာကိုယ် အချိုးအစားရဲ့ အရင်းအမြစ်ပါ... ဒါပေမဲ့ ဘေးကင်းရေးကို သေချာအောင် လုပ်ဖို့က အရေးအကြီးဆုံးပါပဲ... "</p> <p>ထို့ပြင် ထုံးစံမပျက် comment လေးလည်း ရေးလိုက်သေး၏။</p> <p>“ သေပြီးရင် စိတ်ပူစရာ မလိုပါဘူး... လီယီတောင်းက လိုက်ပို့ပေးပါမယ်... တစ်နေရာထဲမှာ အစုံရနိုင်တဲ့ ပြီးပြည့်စုံတဲ့ ဝန်ဆောင်မှုကြောင့် သင် ချစ်ရသူတွေ စိတ်အေးချမ်းစေဖို့ အာမခံပါတယ်... သေဆုံးခြင်း နှစ်ပတ်လည် အထူး လျှော့ဈေး... စူပါ အခမဲ့ ဝန်ဆောင်မှုတွေ ရဖို့ အခုပဲ ဘိုကင် လုပ်လိုက်ပါ... ဒီနှစ်ပတ်လည် ပွဲတော် အတွင်းမှာပဲ ရနိုင်မှာနော်... “</p> <p>ဤ Streamer သုံးဦးကို Follow ပြီးနောက်... မဟုတ်ဘူး... Streamer သုံးဦးကို ဆက်တိုက် Follow ပြီးနောက် Live တစ်ခုလုံး ပေါက်ကွဲသွားတော့၏။</p> <p>" လခွမ်း... အစ်ကိုယီတောင်း... ဘာတွေ လုပ်နေတာလဲ... ဒါ ဘာအဓိပ္ပာယ်လဲ... "</p> <p>" အစ်ကိုယီတောင်း... ဒီလို လုပ်လို့ မရဘူးလေ... ဒီနေ့ ဘာဖြစ်နေတာလဲ... အဲဒီ ယောဂ ကောင်မလေး တွေထဲက တစ်ယောက်ယောက်ကများ အစ်ကို့ကို နာကျင်အောင် လုပ်ခဲ့လို့လား... "</p> <p>" ဟုတ်တယ်... အစ်ကို ဒီလိုမျိုး ဝါးလုံးရှည်နဲ့ သိမ်းကြုံးမရမ်းနဲ့နော်... ကိုယ်ရေးကိုယ်တာ မကျေနပ်ချက်တွေကြောင့် အပြစ်မရှိတဲ့ သူတွေကို ဒုက္ခပေးလို့ မရဘူး... "</p> <p>" ငါဆို ကြောက်လွန်းလို့ သေးထွက်တော့မယ်... "</p> <p>" လခွမ်း... အပေါ်ကလူ... မင်းရဲ့ အကြိုက်က တကယ်ကို ထူးခြားတာပဲ... "</p> <p>" ညီမလေးတို့... အစ်ကိုယီတောင်းက ယောဂကို စွဲလမ်းနေတဲ့ ပုံပဲ... အားလုံး ပြေးကြတော့... " </p> <p>" ဟုတ်တယ်... ပြေး... ငါလည်း ငါ့အကောင့်ကို အခုချက်ချင်း ဖျက်ပစ်တော့မယ်... တအား ကြောက်စရာ ကောင်းတယ်... အီးဟီးဟီး... "</p> <p>" ငါတော့ သွားပြီ... ငါ့အကောင့်က ငါ့ရည်းစားဟောင်း ရဲ့ ဖုန်းနံပါတ်နဲ့ ချိတ်ထားတာ... ဒါပေမဲ့ သူ့ကို ဆက်သွယ်လို့ မရဘူး... ဘယ်လို ဖျက်ရမလဲ... "</p> <p>" @Admin... ငါ့အကောင့်ကို ဖျက်ချင်လို့ပါ... မြန်မြန် လုပ်ပေးပါ... " </p> <p>" @Admin... ငါလည်း ဖျက်ချင်တယ်... မြန်မြန်... မြန်မြန်... "</p> <p>" အိုး... မကောင်းတော့ဘူး... နောက်ကျသွားပြီ... အစ်ကိုယီတောင်း ငါ့ကို တွေ့သွားပြီ... ငါတော့ သွားပြီ ညီမလေးတို့... "</p> <p>" နှုတ်ဆက်ပါတယ် ညီမလေး... ငါတို့ နင့်ကို လွမ်းနေမှာပါ... နင်က ငါတို့ အကောင့်ဖျက်ဖို့ အချိန်ရအောင် အချိန်ဆွဲပေးခဲ့တာပဲ... "</p> <p>" သူရဲကောင်းမလေး... ဆက်ပြီး ကြိုးစားပါ... နင်က အသတ္တိအရှိဆုံးပဲ... နင် လုပ်နိုင်ပါတယ်... "</p> <p>" ဟင်... အစ်ကိုယီတောင်းက တကယ်ကြီး follow သွားတာလား... ဟူး... လန့်သွားတာပဲ... "</p> <p>" ဟားဟား... အစ်ကိုယီတောင်း လှုပ်ရှားပြီ ဆိုရင် ဘယ်သူမှ မယှဉ်နိုင်ဘူး... အစ်ကိုယီတောင်းက ငါတို့ရဲ့ အစ်ကိုယီတောင်း ပါပဲ... "</p> <p>" အခုတော့ အဆင်ပြေသွားပါပြီ... အဆင်ပြေသွားပါပြီ... အစ်ကိုယီတောင်း ကို ငါ ခုနကပဲ ဖုန်းဆက်လိုက်တယ်... ဒီလို လုပ်လို့ မရဘူးလို့ သူ့ကို ပြောလိုက်တယ်... ဒီလို ကစားလို့ မရဘူးလို့လေ... အစ်ကိုယီတောင်းက သူသိပါတယ်တဲ့... ပြီးတော့ ဒါက တိုက်ဆိုင်မှု သက်သက်ပါလို့လည်း သူက ပြောတယ်... အားလုံးပဲ စိတ်အေးအေး ထားကြပါ... "</p> <p>" ဟီးဟီး... အပေါ်ကလူ ပြောတာကို ငါ မယုံဘူး... "</p> <p>" ယုံချင်ယုံ မယုံချင်နေ… ငါ ဂရုမစိုက်ဘူး... ငါ... အစ်ကိုယီတောင်း... ဘယ်လိုလုပ်ပြီး ကျွန်တော့် ဗီဒီယိုကို ကျော်သွားတာလဲ... ကျွန်တော်... အစ်ကိုယီတောင်း... ကျေးဇူးပြုပြီး သနားညှာတာပေးပါ... မလုပ်ပါနဲ့... ကျွန်တော်... ဘယ်လိုလုပ်... " </p> <p>" အပေါ်ကလူ... မင်းက သောက်ရူးလား... အစ်ကိုယီတောင်း ကို Follow ဖို့ မင်းက တောင်းပန်နေတာလား... "</p> <p>" ငါ ဆက်မကြွားတော့ပါဘူး... အစ်ကိုယီတောင်း... ကျေးဇူးပြုပြီး Unfollow လုပ်ပေးပါ... အစ်ကိုယီတောင်း... အစ်ကိုယီတောင်း... ကျွန်တော် တောင်းပန်ပါတယ်... ကျွန်တော် မှားသွားပါပြီ... ကျွန်တော့်ကို ခွင့်လွှတ်ပေးလို့ ရမလား... "</p> <p>" တွေ့လား... ဒါက ဇာတ်ညွှန်းမပါဘဲ ကြွားလုံးထုတ်တဲ့ အကျိုးဆက်ပဲ... အခုတော့ မင်း နောင်တရပြီ မဟုတ်လား... "</p> <p>" အရမ်း ကြွားလွန်းလို့... ကိုယ့်ဘာသာ ဒုက္ခထဲ ရောက်သွားတာ မဟုတ်လား... "</p> <p>ဤအချိန်တွင် လီယီတောင်းကလည်း comment အကွက်ထဲမှ " တောင်ပေါ်က ဘုရင်လေး " ဆိုသည့် ID နှင့် အသုံးပြုသူ၏ comment ကို သတိထားမိလိုက်၏။</p> <p>သူ၏ မျက်နှာထားက အနည်းငယ် ကူကယ်ရာမဲ့သည့် အရိပ်အယောင်လေး ပေါ်လွင်နေလေသည်။</p> <p>ဒါက တကယ်ကို တိုက်ဆိုင်မှုပါလို့ သူ ပြောရင်... ဘယ်သူကများ ယုံမှာလဲ...။</p> <p>လီယီတောင်း အနည်းငယ် စကားမပြောနိုင်အောင် ဖြစ်သွားရ၏။ စနစ်က ဒီလိုမျိုး နောက်ပြောင်တတ်တာလား...။</p> <p>ဒီကောင် စကားပြောပြီးတာနဲ့ ချက်ချင်းပဲ... လီယီတောင်းက သူ့ဗီဒီယိုကို တွေ့သွားတယ်...။</p> <p>ထိုမျှမကသေးပေ။ စနစ်က အချိန်ကိုက် အသိပေးချက် တစ်ခုပါ ပေးလာသေး၏။</p> <p>၎င်းက လီယီတောင်းကို အတော်လေး အကျပ်ရိုက်သွားစေခဲ့သည်။</p> <p>Follow လုပ်ရမလား၊ မလုပ်ရဘူးလား...။</p> <p>အဖြေကတော့ သေချာပေါက် Follow လုပ်ရမှာပေါ့...။</p> <p>ဒါပေမဲ့... Follow လုပ်လိုက်ရင် သူ အကျပ်ရိုက်သွားမှာလေ...။</p> <p>တိုက်ဆိုင်မှု ဟုတ်လား...။</p> <p>သူကတော့ ယုံကောင်း ယုံနိုင်ပေမဲ့ တခြားသူတွေ ယုံပါ့မလား...။</p> <p>သို့သော် တခြား ရွေးချယ်စရာ လမ်းမရှိပေ။</p> <p>Follow မလုပ်လျှင် အလားအလာရှိသော ဖောက်သည် တစ်ယောက်ကို ဆုံးရှုံးရမည် ဖြစ်၍ လီယီတောင်း ထိုသို့ အဖြစ်မခံနိုင်ပေ။</p> <p>နောက်ပိုင်း အချိန်များတွင် လီယီတောင်း၏ Follow လုပ်သည့် နှုန်းက တဖြည်းဖြည်း လျော့ကျသွားခဲ့လေသည်။</p> <p>သို့သော် အစပိုင်းကလို သုံးယောက် ဆက်တိုက် Follow လုပ်သည့် အခြေအနေမျိုး ထပ်မဖြစ်တော့ပေ။</p> <p>၂ နာရီ အကြာတွင် လီယီတောင်းက Streamer ၃၆ ယောက်တိတိကို Follow ခဲ့ပြီး ဖြစ်၏။<br /> ဒီ Streamer ၃၆ ယောက်ထဲမှာ... သာမန် ဖောက်သည် သုံးယောက် ကလွဲရင်... ကျန်တဲ့ သူတွေ အကုန်လုံးက အရည်အသွေးမြင့် ဖောက်သည်တွေချည်းပဲ။</p> <p>အရည်အသွေးမြင့် ဖောက်သည် ဆိုတာ ဘာကို ကိုယ်စားပြုတာလဲ...။</p> <p>အဲဒါက ပြင်ပက ဝင်ရောက် စွက်ဖက်မှု မရှိရင် သေဆုံးနိုင်ခြေ တအား များတယ် ဆိုတာကို ညွှန်ပြနေတာပဲ...။</p> <p>ဒါကြောင့် ဒီနေ့ အလုပ်ကနေ သူ့အတွက် သက်တမ်း နှစ်တစ်ထောင်လောက် ရလာနိုင်တယ်ပေါ့...။</p> <p>ပြီးတော့ ဒီလူ သုံးဆယ်ကျော် နဲ့ ပတ်သက်တဲ့ နောက်ဆက်တွဲ မစ်ရှင်တွေကိုတောင် ထည့်မတွက်ရသေးဘူး...။</p> <p>ဆယ့်သုံးယောက်က ကျန်းမြို့မှာ... ရှစ်ယောက်က အနီး ပတ်ဝန်းကျင် ဒေသတွေမှာ... ပြီးတော့ ခြောက်ယောက်က ကျန်းမြို့နဲ့ သိပ်မဝေးဘူး...။</p> <p>သူတို့ အကုန်လုံး သေရင်... သူတို့ ၂၆ ယောက်ရဲ့ နာရေးကိစ္စကို သူ တာဝန်ယူရနိုင်တယ်... ပြီးတော့ အဲဒါက စူပါ နတ်ဘုရား ရတနာသေတ္တာ ၂၆ လုံး၊ စူပါ သေမင်း သေတ္တာ ၂၆ လုံး နဲ့ မကြာခင်မှာ စွမ်းရည် ၂၆ ခု ရနိုင်ခြေ ရှိတယ်လေ...။</p> <p>လီယီတောင်း၏ မျက်လုံးများ အရောင်လက်သွားတော့၏။</p> <p> </p> <p> </p> <p> </p> <p style="text-align: center;">***</p>


Save