Book List

<h2 style="text-align: center;">အခန်း ၂၃၈</h2> <h2 style="text-align: center;"> မင်းတို့က Follow ခံချင်နေကြတာလား...</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ပထမဆုံး ဖုန်းခေါ်ဆိုမှုက လီယီတောင်းကို ဈေးဦးဖောက် ပေးလိုက်သကဲ့သို့ပင်။</p> <p>ထို့နောက်တွင်တော့ လူများ တစ်ယောက်ပြီး တစ်ယောက် လီယီတောင်းဆီ ဖုန်းခေါ်နေကြတော့သည်။</p> <p>သို့သော် ၅ ယောက်သာလျှင် တရားဝင် ဘိုကင် တင်ထားခြင်း ဖြစ်သည်။</p> <p>ကျန်သောသူများကမူ အစ်ကိုယီတောင်းဆီမှ အကူအညီ တောင်းချင်သူများ သို့မဟုတ် ကြိုတင်ဘိုကင် တင်ထားချင်သူများသာ ဖြစ်ကြ၏။</p> <p>ပိုဆိုးသည်က တချို့ဆိုလျှင် သူ့ကို နာရေးအခမ်းအနား လာလုပ်ပေးစေချင်သူများပင် ပါသေးသည်။</p> <p>ပြဿနာက ထိုလူများမှာ သူ follow ထားသူများ မဟုတ်ခြင်းပင်။</p> <p>ဤသည်မှာ တကယ့်ကို အဓိပ္ပါယ်မဲ့လွန်းလှသည်။</p> <p>သူ follow ထားသူများ မဟုတ်ဘဲ ဘာကိစ္စ နာရေး သွားလုပ်ပေးရမည်နည်း။</p> <p>အဓိကက ထိုလူများ၏ တွေးခေါ်ပုံကို သူ နားမလည်နိုင်ခြင်းပင် ဖြစ်သည်။</p> <p>သူ၏ live stream ထဲတွင် ကြိုတင်ဘိုကင် ကိစ္စကို ရှင်းရှင်းလင်းလင်း ကြေညာထားပြီးသား ဖြစ်သည်။</p> <p>Follow ခံထားရသူ မဟုတ်ဘဲ ဘာကိစ္စ ဤသို့ လာတောင်းဆိုနေကြသနည်း။</p> <p>ထို့ကြောင့် လောလောဆယ်တွင် ၎င်းတို့ကို လျစ်လျူရှုထားရန်သာ လီယီတောင်း ဆုံးဖြတ်လိုက်သည်။</p> <p>လက်ရှိ အခြေအနေအရ ဤသည်ကသာ အကောင်းဆုံး တုံ့ပြန်မှု ဖြစ်လေသည်။</p> <p>ဖုန်းဆက်လာသမျှ လူတိုင်း၏ နာရေးကို သွားလုပ်ပေး၍မှ မရနိုင်သည် မဟုတ်ပါလား။</p> <p>ည ၁၁ နာရီ ထိုးမှသာ လီယီတောင်း မတတ်သာဘဲ ဖုန်းကိုပိတ်ကာ အိပ်ရာဝင်တော့သည်။</p> <p>ဤအတိုင်း ထား၍မှ မဖြစ်တော့သည်ကိုး။</p> <p>သူ့ဖုန်းမှာ Hotline ကြီးတစ်ခုလို ဖြစ်နေပြီ ဖြစ်သည်။</p> <p>ဤအတိုင်း ဆက်သွားနေပါက သူ တကယ်ကြီး လူရောစိတ်ပါ ပင်ပန်းပြီး ဂိသွားနိုင်ပေသည်။</p> <p>အေးချမ်းသော ညတစ်ည ကုန်လွန်သွားခဲ့၏။</p> <p>ဤညတွင်တော့ သူ ဘယ်သူ့အကြောင်းမျှ အိပ်မက် မမက်ဘဲ နှစ်နှစ်ခြိုက်ခြိုက် အိပ်ပျော်သွားခဲ့သည်။</p> <p>နောက်နေ့ နံနက်စောစော နေရောင်ခြည်က အခန်းထဲ ဖြာကျလာချိန်တွင် လီယီတောင်း ဖြည်းဖြည်းချင်း မျက်လုံးဖွင့်လာလေသည်။</p> <p>ဖုန်းကို ထုတ်ပြီး စစ်ကြည့်လိုက်သည်။</p> <p>အင်း... Missed Call ၈၉ ခေါက်...။</p> <p>နောက်ဆုံး ခေါ်ထားသည်မှာ နာရီဝက်ခန့်က ဖြစ်သည်။</p> <p>' လခွမ်း... ဒါက နောက်နေတာလား... '</p> <p>သူ လုံးဝ စကားမပြောနိုင်တော့ပေ။ ဤလူများက သူ့ကို တကယ် ရူးသွားအောင် လုပ်နေကြခြင်းပင်။</p> <p>မနေ့က ဖုန်းကို Power မပိတ်ဘဲ Silent ပြောင်းရန် တွန့်ဆုတ်ခဲ့မိသည်ကို သူ နောင်တရနေမိသည်။</p> <p>တကယ်လို့ ဖုန်းပိတ်ထားလိုက်လျှင် ရှင်းရှင်းလင်းလင်း သိသွားကြပြီ မဟုတ်ပါလား။</p> <p>သို့သော် ဤအတိုင်း ဆက်သွား၍ မဖြစ်တော့ပေ။</p> <p>ဤဖုန်းများ အားလုံးကို သူ လက်ခံနိုင်ခြင်း မနိုင်ခြင်းကို အသာထား၊ အဓိက ပြဿနာမှာ သူ့ကို တကယ် အရေးတကြီး ဆက်သွယ်ချင်သူများအတွက် အနှောင့်အယှက် ဖြစ်နေခြင်းပင်။ သူ အသက်ပြင်းပြင်း ရှူလိုက်သည်။</p> <p>အိပ်ရာပေါ်က မထသေးဘဲ ပလက်ဖောင်းပေါ်ရှိ သူ့အကောင့်ကို ဖွင့်လိုက်သည်။</p> <p>"Live လွှင့်တုန်းက သေချာ မပြောလိုက်မိဘူး ထင်တယ်... အခမဲ့ နာရေးဝန်ဆောင်မှုက ကျွန်တော် follow ထားတဲ့သူတွေ အတွက်ပဲ သီးသန့်ပါ..."</p> <p>"ကျွန်တော် follow ထားတဲ့သူ မဟုတ်ရင် ကျေးဇူးပြုပြီး ဖုန်းမဆက်ပါနဲ့... တကယ်လို့ follow ခံချင်လို့ ဆိုရင်တော့ ရပါတယ်... ကျွန်တော် အရင် follow ပေးမယ်... ပြီးမှ ကိုယ့်အတွက်ကိုယ် ဘိုကင် တင်ပေါ့..."</p> <p>အိပ်ရာက နိုးနိုးချင်း ဦးနှောက်က သိပ်မကြည်သေး၍လား မသိ၊ သူ့စာက အနည်းငယ် ရှည်နေပြီး ဒေါသသံလေး နည်းနည်း ပါနေသကဲ့သို့ပင်။</p> <p>မည်သို့ပင်ဆိုစေ အချုပ်ပြောရလျှင်တော့ သူ့သဘောထားက ရှင်းလင်းလှပါသည်။</p> <p>သူ follow ထားသူများကိုသာ အခမဲ့ ဝန်ဆောင်မှု ပေးမည် ဆိုခြင်းပင်။</p> <p>ဤ Post တင်ပြီးသွားသော် လီယီတောင်း ဘယ်သူ့ကိုမျှ ဆက်၍ follow မလုပ်တော့ပေ။</p> <p>မျက်နှာသစ်ရန်သာ ထလိုက်တော့သည်။</p> <p>ယနေ့ သူ လုပ်စရာများ အများကြီး ရှိသေးသည် မဟုတ်ပါလား။</p> <p>နာရေး အခမ်းအနား အချို့ သွားစီစဉ်ပေးရန် ရှိနေသည်။</p> <p>ထို့အပြင် follow လည်း ဆက်လုပ်ရဦးမည် ဖြစ်သည်။</p> <p>အသက်တမ်း အများကြီး ရအောင် အတိုတောင်းဆုံး အချိန်အတွင်း စုဆောင်းရန် လိုအပ်နေပေသည်။</p> <p>အဘိုးအိုကို လိုက်ရှာနေသူများမှာ လက်ရှိ အခြေအနေအရ ပြင်ဆင်မှုများ လုပ်နေလောက်ပြီဟု သူ ခံစားမိနေသည်။</p> <p>တကယ်လို့သာ သူ အမြန်ဆုံး အင်အားမဖြည့်နိုင်ဘဲ တကယ့် အန္တရာယ်နှင့် ရင်ဆိုင်ရပါက အဘိုးအိုကို အသေခံ တိုက်ခိုင်းရက်ပါမည်လော။</p> <p>မဖြစ်နိုင်ပါဘူးလေ။</p> <p>အဘိုးအို၏ အခြေအနေက ယခု တော်တော်လေး ဆိုးနေသည် မဟုတ်ပါလား။</p> <p>တကယ်လို့ အဘိုးအိုကို ထပ်တိုက်ခိုင်းလိုက်ပါက နောက်နောင် ပြန်တွေ့ရဖို့ မသေချာတော့ပေ။</p> <p>ဤအရာကို သူ လုံးဝ အဖြစ်မခံနိုင်သလို ခွင့်လည်း ပြုမည် မဟုတ်ပေ။</p> <p>အဘိုးအို၏ အခြေအနေနှင့် လက်ရှိ အနေအထားအရ သူ့ထိန်းချုပ်မှု ပြင်ပသို့ ရောက်နေသော ကိစ္စများ အများကြီး ရှိနေပေသည်။</p> <p>လီယီတောင်း၏ Post လည်း တက်သွားရော အင်တာနက် တစ်ခုလုံး ထပ်ပြီး ပွက်လောရိုက်သွားတော့သည်။</p> <p>လူများ အကုန်လုံး ရူးသွပ်မတတ် ဝင်ရောက် ဝေဖန်ကြတော့သည်။</p> <p>အစ်ကိုယီတောင်း၏ Post က တကယ်ကို အံ့ဩစရာ ဖြစ်နေသည် မဟုတ်ပါလား။</p> <p>"လခွမ်း... လန့်သွားတာပဲ... ငါတောင် အစ်ကိုယီတောင်းဆီ ဖုန်းဆက်ပြီး နောက်နှစ် ၁၀၀ နေရင် နာရေးလုပ်ပေးဖို့ ဘိုကင် ကြိုတင်လို့ ရမလား မေးမလို့... အခုတော့ မမေးတော့ဘူး..."</p> <p>"အပေါ်က တစ်ယောက် တကယ် ရှယ်ပဲ... သေပြီးသွားရင် ဘာဖြစ်မလဲ ဆိုတာ အခုကတည်းက တွေးနေတာလား... မင်းသေရင် ဘာဖြစ်မလဲ ဆိုတာ မင်းသားသမီးတွေ ပူပန်ရမယ့် ကိစ္စ မဟုတ်ဘူးလား..."</p> <p>"ဟုတ်တယ်... အပေါ်က ဘဲက တော်တော် စိတ်ကူးယဉ်ဆန်တာပဲ... ငါလည်း စဉ်းစားနေတာ ကြာပြီ... အခုထိ ဖုန်းမဆက်ရသေးဘူး..."</p> <p>"အဓိကက အစ်ကိုယီတောင်း ဘယ်လောက်တောင် ဒုက္ခရောက်နေလဲ ဆိုတာပဲ... သူတို့တွေက အစ်ကိုယီတောင်းကို ဒီလိုဖြစ်အောင် ဝိုင်းဖိအားပေးနေကြတာ..."</p> <p>"ငါသာ အစ်ကိုယီတောင်း နေရာမှာ ဆိုရင် ကြိုတင် သတိပေးမနေဘူး... တန်းပြီး follow ပစ်လိုက်မှာ..."</p> <p>"ဟုတ်တယ်... Follow သာ ချလိုက်... ဘယ်သူက ဘာပြောရဲမှာလဲ..."</p> <p>"ဒီလူတွေက တကယ် ဖန်တီးဉာဏ် ကောင်းတာပဲ... ဒီလို အကွက်ဆန်းကြီးတွေ... ဟားဟား... ရယ်ရလွန်းလို့ ရပ်လို့တောင် မရဘူး... မင်းကို အစ်ကိုယီတောင်းက follow လည်း မလုပ်ထားဘဲနဲ့... အလကား နာရေးလုပ်ပေးဖို့ တောင်းဆိုချင်တာလား..."</p> <p>"ဟားဟား... အစ်ကိုယီတောင်း ပြောသွားပြီလေ... သူက နာရေး လုပ်မပေးဘူး လို့ မငြင်းပါဘူး... ဒါပေမဲ့ သူ့ရဲ့ follow ကို အရင်ခံနိုင်ရမယ် တဲ့..."</p> <p>"အစ်ကိုယီတောင်းရဲ့ follow ဆိုတာ လူတိုင်း ခံနိုင်တာ မဟုတ်ဘူးနော်... သတိထားကြ..."</p> <p>"မလိုအပ်တဲ့ နာကျင်မှုတွေကို တကယ် မခံစားချင်ပါဘူး... အစ်ကိုယီတောင်းရဲ့ follow က... တကယ်ကို လက်ခံလို့ မရဘူး..."</p> <p>"အားလုံး သတိထားကြနော်... အစ်ကိုယီတောင်းက အခုတလော performance လိုနေတာ သေချာတယ်..."</p> <p>"တကယ် ဖြစ်နိုင်တယ်... Performance လိုနေတာ... ကြောက်လွန်းလို့ သေတော့မယ်..."</p> <p>"ဒါနဲ့... ဒီနေ့ အစ်ကိုယီတောင်း လှုပ်ရှားမယ် ထင်လား..."</p> <p>"မဖြစ်နိုင်ပါဘူး... မနေ့က လူတွေ အများကြီးပဲ... ဒီနေ့ အစ်ကိုယီတောင်း နာရေးလုပ်ပေးဖို့တောင် အချိန်ရမှာ မဟုတ်ဘူး..."</p> <p>"ဟဲဟဲ... အစ်ကိုယီတောင်းက တကယ်ပဲ နာရေး သွားလုပ်ပေးမယ် ထင်နေတာလား... ငဒူမကျစမ်းပါနဲ့... အစ်ကိုယီတောင်းက အလကား နာရေးစီစဉ်ပေးနိုင်တယ် ဆိုရင်တောင်... ဘယ်သူကများ လက်ခံရဲမယ် ထင်နေလဲ..."</p> <p>"ဘာလို့ လက်မခံရဲရမှာလဲ... အစ်ကိုယီတောင်းက သောက်ရမ်းကြောက်စရာကောင်းတဲ့ သတ္တဝါကြီးမှ မဟုတ်တာ... သတိမထားမိဘူးလား... အစ်ကိုယီတောင်း လှုပ်ရှားတိုင်း ချင့်ချိန်ပြီးမှ လုပ်တတ်တယ် ဆိုတာ..."</p> <p>"ဟုတ်တယ်... ငါတို့ အစ်ကိုယီတောင်းကို အထင်မသေးနဲ့... သူက ကတိတည်တဲ့ လူစားမျိုး..."</p> <p>"ကဲပါ... အားလုံးပဲ သေဆုံးစာရင်း သွားစစ်ကြည့်ကြပါဦး... တစ်ဝက်လောက်က လစ်သွားပြီ... နှစ်ယောက်ကတော့ ဆေးရုံမှာတင် တန်းဂိသွားတာ... အစ်ကိုယီတောင်း ဒီတစ်ခါ နောက်နေတာ မဟုတ်ဘူးနော်..."</p> <p>"အစ်ကိုယီတောင်း နောက်မနေဘူး... သေမင်းတမန် ဆိုတာ ဘယ်တော့မှ နောက်လေ့ မရှိဘူး..."</p> <p>လီယီတောင်း ကတော့ ဤအချိန်တွင် ဘယ်သူ့ကိုမျှ လည်း follow မလုပ်သလို၊ မည်သည့် ပရိတ်သတ်များ၏ ပြောဆိုမှုများကိုမှလည်း ဂရုမစိုက်ပေ။</p> <p>တကယ်တော့ သူ ဘာမှ မမြင်ရခြင်း ဖြစ်သည်။</p> <p>သူက ဘယ် ပရိတ်သတ်အုပ်စုတွင်မှ ပါမနေပေ။</p> <p>ယခု သူ ကျန်းမြို့ ပထမ ပြည်သူ့ဆေးရုံ ရင်ခွဲရုံ သို့ ရောက်နေပြီ ဖြစ်သည်။</p> <p>ဤသည်မှာ ယနေ့ သူ ပထမဆုံး စီစဉ်ပေးရမည့် နာရေးပင်။</p> <p>နောက်တစ်ယောက်အတွက်မူ နာရေးကူညီမှုအသင်းသို့ လူခေါ်သွားပြီ ဖြစ်သည်။</p> <p>ကျန်သော နှစ်ယောက်ကတော့ လီယီတောင်း ကိုယ်တိုင် သူတို့ အိမ်များသို့ သွားရမည် ဖြစ်သည်။</p> <p>ယနေ့က နောက်နှစ်ယောက်အတွက် သင်္ဂြိုဟ်ရမည့် နေ့ မဟုတ်ပေ။ သူတို့ မိသားစုများကို ကြိုတင် "နှစ်သိမ့်" ပေးရန် လီယီတောင်းကို အလိုရှိနေကြခြင်း ဖြစ်သည်။</p> <p>မည်သို့ပင်ဖြစ်စေ ဤသေဆုံးမှုများက အနည်းငယ်တော့ မတော်တဆ ဆန်နေသည် မဟုတ်ပါလား။</p> <p>လုံးဝ မမျှော်လင့်ထားသော သေဆုံးမှုမျိုး မဟုတ်သော်ငြား မထင်မှတ်ဘဲ ဖြစ်သွားရခြင်းမျိုး ဖြစ်သည်။</p> <p>ထိုသို့ဆိုလျှင် မိသားစုများက စိတ်ပိုင်းဆိုင်ရာ နှစ်သိမ့်မှု ရှာကြသည်မှာ ပုံမှန်ပင် ဖြစ်သည်။</p> <p>ထို့ကြောင့် လီယီတောင်းလည်း မငြင်းဆန်ခဲ့ပေ။</p> <p>သို့သော် လူတိုင်း၏ အချိန်က တန်ဖိုးရှိသည်မို့ အများကြီး စီစဉ်နေရန်တော့ မဖြစ်နိုင်ပေ။</p> <p>အကုန်လုံးက လီယီတောင်း၏ စိတ်အခြေအနေပေါ်တွင်သာ မူတည်သည်။</p> <p>သူ ပိုပြီး နှစ်သိမ့်ပေးချင်လျှင် ပေးမည်။</p> <p>မပေးချင်လျှင်လည်း အခြေအနေအရ သွားလိုက်မည် ဖြစ်သည်။</p> <p>ဤအရာများ အားလုံးမှာ စိတ်ခံစားမှုပိုင်းဆိုင်ရာ နှစ်သိမ့်မှု ပေးခြင်း သက်သက်သာ ဖြစ်သည်။</p> <p>အကယ်၍များ နာကြည်းနေသော ဝိညာဉ်များ တကယ်ရှိနေပါက ရိုးရှင်းသော "နှစ်သိမ့်မှု" လေးဖြင့် ပြဿနာ ဖြေရှင်းနိုင်မည် မဟုတ်ကြောင်း လီယီတောင်း သိသည်။</p> <p>နာကြည်းနေသော ဝိညာဉ်များကို နှိမ်နင်းနိုင်စွမ်း မရှိလျှင် ဘာမှ အဓိပ္ပါယ် ရှိမည် မဟုတ်ပေ။</p> <p>"နှစ်သိမ့်" လိုက်ရုံဖြင့် သူတို့က ထွက်သွားမည် မဟုတ်ပေ။ အဘယ်ကြောင့်ဆိုသော် "နှစ်သိမ့်မှု" ဆိုသည်မှာ ထုံးစံတစ်ခု သက်သက်သာ ဖြစ်၍ပင်။</p> <p>လီယီတောင်း ပထမဆုံး၊ အော်... မဟုတ်သေး၊ ပထမ နှစ်ယောက်၏ ကိစ္စများကို ပြီးစီးအောင် လုပ်ပြီးနောက် နောက်တစ်နေရာသို့ တန်းမသွားတော့ဘဲ သူ့ဆိုင်သို့ ပြန်လာခဲ့သည်။</p> <p>ဘာ ရည်ရွယ်ချက်မှ ဖုံးကွယ်ထားခြင်း မဟုတ်ပေ။</p> <p>တာဝန်များ ပြီးသွားပြီ ဖြစ်၍ ဆုလာဘ်များ ယူရမည် မဟုတ်ပါလား။ သူ သိချင်နေပြီ ဖြစ်သည်။</p> <p>အရည်အသွေးမြင့် ဖောက်သည်များ၏ တာဝန်များကို ပြီးစီးအောင် လုပ်ပြီးပါက စနစ်တွင် မည်သည့် ပြောင်းလဲမှုများ ဖြစ်လာမည်နည်း ဆိုသည်ကိုပင်။</p> <p> </p> <p> </p> <p> </p> <p style="text-align: center;">***</p>


Save