Book List

<h2 style="text-align: center;">Chapter 5428</h2> <h2 style="text-align: center;">*</h2> <p> </p> <p> </p> <p>"အပြောင်းအလဲကျမ်းစာရဲ့ စွမ်းအားက တခြားအရာအားလုံးထက် သာလွန်တယ်... တကယ်လို့ ငါက နင်းချူရဲ့ တည်နေရာကို မတွက်ချက်နိုင်ရင်တောင် အနည်းဆုံးတော့ အကူအညီ ပေးနိုင်တယ်..."</p> <p> </p> <p>လုယွီသည် ယခုအချိန်တွင် ရပ်တန့်ရန် ဆန္ဒမရှိသေးချေ။</p> <p> </p> <p>သူ့စိတ်ဝိညာဉ်၏ အာရုံခံနိုင်စွမ်းအောက်တွင် ဖန်းနင်းချူ၏စိတ်ဝိညာဉ် သည် ဖုန်မှုန့်ကဲ့သို့ သေးငယ်နေပြီး အနည်းငယ် ပေါ့ဆမှု​ရှိလျှင်ပင် သူမ ပျက်စီးသွားနိုင်ခြေရှိသည်။ သို့ရာတွင် လုယွီသည် ငရဲနယ်မြေသို့ ရောက်ရှိနေသည့်တိုင် သူ၏တပည့်မလေး ထောင်ချောက်ထဲသို့ ပို၍နက်ရှိုင်းစွာ ဝင်ရောက်သွားသည်ကို မည်သို့မျှ ထိုင်ကြည့်နေနိုင်မည် မဟုတ်ချေ။</p> <p> </p> <p>လုယွီ၏စိတ်ဝိညာဉ်တွင် မြူခိုးများဖြင့် ဖုံးလွှမ်းနေပြီး သူ မြင်ရသမျှ အရာအားလုံး အဆုံးအစမရှိသော အမှောင်ထုကြီးဖြစ်ကာ အဆုံးသတ်ကို မမြင်ရပေ။</p> <p> </p> <p>ဤသည်မှာ ဖန်းနင်းချူကို ဖုံးအုပ်ထားသော မြူခိုးများ ဖြစ်၏။ အပြောင်းအလဲကျမ်းစာ၏ စူးစမ်းရှာဖွေမှု စွမ်းအားသည်လည်း ဤနေရာတွင် ရပ်တန့်သွားခဲ့သည်။</p> <p> </p> <p>"သင်္ကေတပညာက ဖြတ်သန်းရတဲ့ အန္တရာယ်ကို အပြစ်မတင်သင့်ဘူးလို့ ဆိုထားတယ်..."</p> <p> </p> <p>လုယွီက နက်နဲသိမ်မွေ့သော အသံများကို ထုတ်လွှတ်လိုက်ရာ မိုးခြိမ်းသံကဲ့သို့ ကျယ်လောင်သောအသံများ ရုတ်တရက် ထွက်ပေါ်လာပြီးပတ်ဝန်းကျင်တဝိုက်လုံးတွင် ပျံ့နှံ့သွားပေ၏။</p> <p> </p> <p>ဤသည်မှာ ကောင်းကင်နှင့်မြေပြင်နှင့် ပတ်သက်၍ အပြောင်းအလဲကျမ်းစာ၏ နက်နဲသိမ်မွေ့သော အမှန်တရားပင်။ လောကီရေးရာများတွင် အန္တရာယ် ပါဝင်နေသော်လည်း အကယ်၍ လူတစ်ဦးက အချိန်မီ ကုစားနိုင်ပါက အန္တရာယ်ကို ဘေးကင်းမှုအဖြစ်သို့ ပြောင်းလဲနိုင်သည်။</p> <p> </p> <p>ပတ်ဝန်းကျင်တွင် ရွှေရောင်အလင်းတန်း သင်္ကေတ ထောင်ပေါင်းများစွာ မျောလွင့်နေပြီး လုယွီ၏မျက်ခုံးနှစ်ခုကြားတွင် စုစည်းသွားကြသည်။ လုယွီ၏မျက်လုံးများသည် နတ်ဘုရားတစ်ပါး ဆင်းသက်လာသကဲ့သို့ တောက်ပသော ရွှေရောင်အလင်းတန်းများကို ထုတ်လွှတ်နေပေ၏။</p> <p> </p> <p>သူ၏ ပတ်ဝန်းကျင်ရှိ အချိန်နှင့်လေဟာနယ် စီးဆင်းမှုနှုန်း နှေးကွေးသွားသည်။ လုယွီ၏ပတ်ဝန်းကျင်တွင် တစ်နာရီ ကုန်ဆုံးသွားသော်လည်း အပြင်ဘက်တွင်မူ လက်ဖက်ရည်တစ်ခွက် သောက်သည့်အချိန်သာ ကြာမြင့်ပေလိမ့်မည်။</p> <p> </p> <p>အချိန်ဥပဒေသ... လေဟာနယ်ဥပဒေသ... ကံကြမ္မာဥပဒေသ...</p> <p> </p> <p>ဤအရာများသည် ကောင်းကင်နှင့်မြေပြင်၏ မဟာတာအိုများအတွင်းရှိ အနက်ရှိုင်းဆုံးသော ဥပဒေသတချို့ဖြစ်ပြီး ယခုအချိန်၌ ထိုအရာအားလုံးကို လုယွီက ထုတ်ဖော်အသုံးပြုလိုက်ခြင်းပင်။</p> <p> </p> <p>ထူထပ်လေးလံသော အပြောင်းအလဲကျမ်းစာသည် လုယွီ၏နဖူးအထက်တွင် မျောလွင့်နေပေ၏။ ထို့နောက် အလင်းတန်းလေးများ ကျဆင်းလာပြီး သူ၏မျက်ခုံးများထဲသို့ စုဝေးသွားကာ လုယွီက စုပ်ယူလိုက်သည်။</p> <p> </p> <p>ဤအပြောင်းအလဲကျမ်းစာကို ရှေးဦးသက်ရှိ ဖူရှီက ဖန်တီးခဲ့ခြင်းဖြစ်ပြီး အလွန်နက်နဲသိမ်မွေ့သည်။ လုယွီသည် ထိုကျမ်းစာကို အသေအချာ ဖတ်ရှုခဲ့သော်လည်း သူ ဖတ်ရှုသည့် အချိန်တိုင်း နားလည်မှုအသစ်တစ်ခုအား ရရှိခဲ့သည်။</p> <p> </p> <p>ယခုအချိန်၌ လုယွီသည် သူ၏ရှေ့မှ မြူခိုးများကို ဖယ်ရှားရန်အတွက် အပြောင်းအလဲကျမ်းစာ ကို တစ်ချိန်တည်းတွင် ဖတ်ရှုကာ နားလည်မှု အသစ်များကို ရယူနေခြင်းပင်။</p> <p> </p> <p>အတိတ်က ဖုန်မှုန့်များ ပျောက်ကွယ်သွားပြီး ကံကြမ္မာလမ်းကြောင်း ရှင်းလင်းသွားသည်နှင့်အမျှ လုယွီသည် သူ၏မှော်စွမ်းအားများက ဤနားလည်မှုနှင့်အတူ အလျှင်အမြန် တိုးတက်လာကြောင်း ခံစားလိုက်ရသည်။</p> <p> </p> <p>"ဒီတော့ ရှေးဦးဂန္တဝင်ကျမ်းစာတွေကို လေ့လာတာကလည်း မှော်စွမ်းအားကို တိုးတက်စေနိုင်တာပဲ..."</p> <p> </p> <p>လုယွီသည် သူ၏စိတ်နှလုံးသားထဲတွင် အံ့အားသင့်သွား၏။ သူ အနည်းငယ် စဉ်းစားပြီးနောက် နားလည်သဘောပေါက်သွားသည်။</p> <p> </p> <p>သူသည် တိုက်တိုက်ဆိုင်စွာဖြင့် ကျင့်ကြံခြင်းနည်းလမ်းတစ်ခုကို ရှာတွေ့ခဲ့သည်။</p> <p> </p> <p>ထိုရှေးဦးသက်ရှိများ ဖန်တီးခဲ့သော ဂန္တဝင်ကျမ်းစာများသည် လက်ရှိလောကကြီးတွင် ရှိနေသော ကျင့်ကြံခြင်းနည်းစနစ်များထက် မှန်းဆ၍ မရနိုင်လောက်အောင် ပို၍အဆင့်မြင့်သည်။ သူတို့ ကျင့်ကြံခဲ့သော မှော်စွမ်းအားများသည် ရှေးဟောင်းအစစ်အမှန် အင်မော်တယ်များထက်ပင် ပို၍သန့်စင်ပေ၏။</p> <p> </p> <p>ထိုကဲ့သို့သော သန့်စင်သည့် မှော်စွမ်းအားများကြောင့် လုယွီ၏ကျင့်ကြံခြင်းသည် အလွန်လျှင်မြန်သော အရှိန်အဟုန်ဖြင့် မောင်းနှင်နေသော လှေပျံတစ်စင်းအလား အလျှင်အမြန် တိုးတက်လာခဲ့သည်။</p> <p> </p> <p>သို့ရာတွင် ထိုသို့ဖြစ်စေကာမူ သူ့အတွက် နောက်ထပ်ကျင့်ကြံဆင့်နယ်ပယ်သို့ ချိုးဖျက်ဝင်ရောက်ရန်မှာ အလွန်ခက်ခဲလှ၏။</p> <p> </p> <p>ရွှမ်အင်မော်တယ်နယ်ပယ် အလယ်အလတ်အဆင့်မှ နှောင်းပိုင်းအဆင့်သို့ ချိုးဖျက်ဝင်ရောက်ရန်အတွက် လုယွီသည် သံသရာပန်းတစ်ပွင့်ကို အားကိုးခဲ့ရပြီး နှစ်သောင်းနှင့်ချီစုဆောင်းခဲ့သော စွမ်းအားများကို ဝါးမြိုကာ  အောင်မြင်ခဲ့ခြင်း ဖြစ်သည်။ သို့ရာတွင် ရွှမ်အင်မော်တယ် နှောင်းပိုင်းအဆင့်၏ 'ကောင်းကင်အရှင်သခင်' နယ်ပယ်မှ မဟာမိုးကောင်းကင်ရွှေအင်မော်တယ်သို့ ခြေလှမ်းလှမ်းခြင်းမှာ ဖြတ်ကျော်၍ မရနိုင်သော ချောက်ကမ်းပါးတစ်ခုနှင့် ပို၍တူညီနေပေ၏။</p> <p> </p> <p>ရှေးဟောင်းခေတ်ကို ပြန်ကြည့်လျှင် မဟာမိုးကောင်းကင်ရွှေအင်မော်တယ်အဆင့်သို့ ရောက်ရှိနိုင်သူများမှာ ဖီးနစ်ငှက်မွေးများနှင့် ချီလင်ဦးချိုများကဲ့သို့ ရှားပါးလှသည်။</p> <p> </p> <p>"ငါ့ဆီမှာ သူတော်စင်တစ်ပါးရဲ့ မွေးရာပါ စွမ်းရည်ရှိနေပြီ... မရေမတွက်နိုင်တဲ့ အမွေအနှစ်တွေရဲ့ ကောင်းချီးတွေနဲ့ ပေါင်းစပ်ထားတာ... ငါ့ရဲ့ ကျင့်ကြံခြင်းက သာမန်ကျင့်ကြံသူတွေထက် အဆပေါင်းထောင်နဲ့ချီ ပိုမြန်ပြီးတော့ တစ်နေ့ကို မိုင်တစ်ထောင် တိုးတက်နေတယ်... ဒါပေမဲ့ ဒီတိုးတက်မှုအရ မဟာမိုးကောင်းကင်ရွှေအင်မော်တယ်နယ်ပယ်ကို အဆင့်တက်ဖို့ အနည်းဆုံး နှစ်တစ်သောင်း ကြာလိမ့်မယ်..."</p> <p> </p> <p>လုယွီသည် သူ့ကိုယ်သူ ဆန်းစစ်ကြည့်ပြီးနောက် အဆင့်တက်ရန် လိုအပ်ချက်များကို တွက်ချက်ပြီးဖြစ်ပေ၏။</p> <p> </p> <p>ဤလိုအပ်ချက်ကို သူ လက်မခံနိုင်ချေ။</p> <p> </p> <p>နှစ်တစ်သောင်းဆိုသည်မှာ အလွန်ကြာမြင့်သော အချိန်တစ်ခုပင်။ ပင်လယ်များသည် ပိုးစာခင်းများအဖြစ် ပြောင်းလဲသွားပြီး အရာအားလုံးသည် သံသရာလည်ပတ်နေကာ မည်သည့်အရာမဆို ဖြစ်သွားနိုင်သည်။ သူသည် ထိုနေ့ရက်ကို ရောက်သည့်အထိ အမှန်တကယ်ကို မစောင့်နိုင်ချေ။</p> <p> </p> <p>"ထားလိုက်တော့... အနာဂတ်မှာ ဘာဖြစ်လာမလဲဆိုတာ ဘယ်သူက သေချာပြောနိုင်မှာလဲ..."</p> <p> </p> <p>လုယွီက သူ၏စိတ်ကို စုစည်းလိုက်သည်။ သူ၏ မျက်ခုံးမှ ရွှေရောင်အလင်းတန်းများ ထွက်ပေါ်လာပြီး ပျံ့နှံ့သွားကာ သူ၏စိတ်ဝိညာဉ် အတွင်းရှိ မြူခိုးများကို ချက်ချင်းထိုးဖောက်သွားသည်။</p> <p> </p> <p>အပြောင်းအလဲကျမ်းစာကို အကြိမ်များစွာ သေချာစွာ နားလည်ထားသဖြင့် လုယွီ၏စိတ်ဝိညာဉ်သည် လွန်ပူတစ်ခုအလား ကံကြမ္မာကြိုးများ၏ အဆုံးမရှိသော မြူခိုးများကို ချက်ချင်းထိုးဖောက်သွားပေ၏။</p> <p> </p> <p> </p> <p style="text-align: center;">***</p>


Save