Book List

<h2 style="text-align: center;">Chapter 5432</h2> <h2 style="text-align: center;">*</h2> <h2 style="text-align: center;"> </h2> <p>ငရဲငယ်တစ်ခု သိမ်းပိုက်ခံရခြင်းသည် အရေးကြီးသော အရင်းအမြစ်တစ်ခုကို ကျူးကျော်သိမ်းပိုက်ခံရခြင်းနှင့် ညီမျှသည်။ အာရုံငါးပါးဘုရင်သည် နံဘေးမှ ရပ်ကြည့်နေပြီး မည်သည့်အရာမှ မလုပ်ဘဲနေမည် မဟုတ်ချေ။</p> <p> </p> <p>"ဒီကိစ္စကို ငါကိုယ်တိုင် ကိုင်တွယ်မယ်... လွီသိုင်း က သူတို့ကိုကယ်ဖို့ လူရှာတာကို စောင့်နေရင် အရမ်းနောက်ကျသွားလိမ့်မယ်..."</p> <p> </p> <p>လုယွီသည် သူ၏လက်ညှိုးကိုမြှောက်ပြီး သူ၏ မျက်ခုံးနှစ်ခုကြားသို့ ဖိလိုက်ရာ မှိန်ဖျော့ဖျော့ ရွှေရောင်အလင်းတန်းတစ်ခု ထွက်ပေါ်လာပေ၏။</p> <p> </p> <p>ဤလူများသည် မြေအောက်လောကနတ်ဘုရား၏ ဘုရားကျောင်းတွင် ပုန်းအောင်းနေသဖြင့် သူတို့ မည်သည့်နေရာတွင် အတိအကျပုန်းအောင်းနေကြောင်းကို ရှာဖွေရန် သူ့ထံ၌ နည်းလမ်းတစ်ခု ရှိသည်။</p> <p> </p> <p>...</p> <p> </p> <p>သံမဏိချပ်ဝတ်ငရဲသည် စတုတ္ထနယ်မြေအတွင်းရှိ ငရဲများစွာအနက်မှတစ်ခုပင်။</p> <p> </p> <p>ထိုငရဲ၏ဝင်ပေါက်တွင် စောင့်ကြပ်နေသော ငရဲနယ်မြေမှ တပ်ဖွဲ့များ ရှိနေသည်။ ငရဲနယ်မြေအတွင်း လည်ပတ်နေသော စိတ်ဝိညာဉ်ကျောက်တုံးအများစုကို ငရဲငယ်များမှ ထုတ်လုပ်ခြင်းဖြစ်သည်။</p> <p> </p> <p>ယခုအချိန်၌ သံမဏိချပ်ဝတ်ငရဲဝင်ပေါက်၏ ပတ်ဝန်းကျင်သည်  ဖရိုဖရဲ ဖြစ်နေပြီး ပြင်းထန်ပြီး ရက်စက်ကြမ်းကြုတ်သော စစ်ပွဲတစ်ခုကို ကြုံတွေ့ခဲ့ရပုံရပေ၏။</p> <p> </p> <p>စတုတ္ထနယ်မြေ၏စစ်တပ်အလံများ မီးလောင်ကျွမ်းသွားပြီး ယန်မိသားစု၏အလံကြီးသည် ငရဲငယ်၏အထက်တွင် လူးလွန့်နေသည်။</p> <p> </p> <p>ရှေးဟောင်းနတ်ဘုရား ဘုရားကျောင်းတစ်ခုသည် ဝင်ပေါက်၏အတွင်းဘက် မလှမ်းမကမ်းတွင် တည်ရှိသည်။ နတ်ဘုရားဘုရားကျောင်း ၏ အပြင်ဘက်နံရံများသည် တုန်ခါသံတစ်သံနှင့်အတူ ပြိုကျသွားပြီး အပျက်အစီးများနှင့် အကြွင်းအကျန်များကို နေရာအနှံ့အပြားတွင် မြင်တွေ့နိုင်သည်။ ပင်မနတ်ဘုရားဘုရားကျောင်း၏မျက်နှာပြင်ကသာ မှိန်ဖျော့ပြီး တောက်ပနေသော ငရဲနယ်မြေ အလင်းတန်းတစ်တန်းကို ထုတ်လွှတ်ထားကာ ပတ်ဝန်းကျင်ရှိ တိုက်ခိုက်မှုများအားလုံးကို ပိတ်ဆို့ဟန့်တားထားသည်။</p> <p> </p> <p>ဤသည်မှာ ယခင်က မြေအောက်လောက နတ်ဘုရား၏ဘုရားကျောင်းပင်။ ထိုမြင့်မားပြီး ကြီးကျယ်ခမ်းနားသော ပျက်စီးနေသည့် နံရံများသည် တောက်ပခဲ့သော အတိတ်ကို ပြောပြနေပေ၏။</p> <p> </p> <p>ယခင်က ငရဲနယ်မြေ၏ ပထမဆုံးနတ်ဘုရား ဘုရားကျောင်းအဖြစ် တာဝန်ထမ်းဆောင်ခဲ့စဉ် မြေအောက်လောကနတ်ဘုရား ဘုရားကျောင်း သည် နေရာအနှံ့အပြားတွင် ထွန်းကားခဲ့ပြီး အမွှေးနံ့သာပူဇော်မှုများ အဆက်မပြတ် ရှိခဲ့ကာ အထွတ်အထိပ်ကာလတွင် ရှိနေခဲ့သည်။</p> <p> </p> <p>သို့သော် မြေအောက်လောက တာအိုသခင်၏ကြွေလွင့်မှုနှင့်အတူ မြေအောက်လောကနတ်ဘုရား ဘုရားကျောင်းသို့ အမွှေးနံ့သာပူဇော်မှုများမှာလည်း တစ်နှစ်ထက်တစ်နှစ် လျော့ကျလာပေ၏။ စတုတ္ထနယ်မြေတွင်သာ အာရုံငါးပါးဘုရင်၏ ဂရုစိုက်မှုဖြင့် မြေအောက်လောကနတ်ဘုရား ဘုရားကျောင်းသည် ဆက်လက်၍ ရပ်တည်နိုင်ခဲ့ခြင်းပင်။ ငရဲနယ်မြေ၏ တခြားနယ်မြေအနည်းငယ်တွင် မြေအောက်လောက နတ်ဘုရား ဘုရားကျောင်း များစွာသည် ကြာမြင့်စွာကတည်းက ချိတ်ပိတ်ခံထားရပြီး စောင့်ကြပ်မှု မရှိသော အခြေအနေတွင် ရှိနေခဲ့ပေ၏။</p> <p> </p> <p>ပင်မဘုရားကျောင်းအတွင်း၌ ယခုအချိန်၌ လူငါးရာခန့် စုရုံးနေကြသည်။ လူအများစုသည် အနက်ရောင်သံချပ်ကာများကို ဝတ်ဆင်ထားကြပြီး စတုတ္ထနယ်မြေမှ တပ်ဖွဲ့များပင်။</p> <p> </p> <p>နယ်မြေကြီးနှစ်ခုသည် စစ်ဖြစ်နေကြ၏။ အာရုံငါးပါးဘုရင်ဘက်မှ တစ်ဖက်လူသည် သူတို့၏ ဦးတည်ချက်ကို ကျော်ဖြတ်ကာ အရေးကြီးသော နေရာကို တိုက်ရိုက်တိုက်ခိုက်မည်ဟု လုံးဝမမျှော်လင့်ထားခဲ့ချေ။ သံမဏိချပ်ဝတ်ငရဲ တွင် တပ်စွဲထားသော တပ်ဖွဲ့များသည် တိုက်ပွဲစတင်ပြီး မကြာမီမှာပင် ချေမှုန်းခံခဲ့ရသည်။</p> <p> </p> <p>အသက်ရှင်ကျန်ရစ်သူများမှာ လူရာဂဏန်း အနည်းငယ်သာ ဖြစ်ပေ၏။ သူတို့အနက် လူအများစု၏ခန္ဓာကိုယ်များပေါ်တွင် ဒဏ်ရာများ ရှိနေဆဲပင်။</p> <p> </p> <p>သို့သော် ပတ်ဝန်းကျင်တွင် ယန်မိသားစု ကျင့်ကြံသူများ ရှိနေသည်။ ဤနေရာ၌ တပ်စွဲထားသော သရဲတစ္ဆေစစ်သူကြီးသည် ကူကယ်ရာမဲ့စွာဖြင့် ဒဏ်ရာရသူများကို ခေါ်ဆောင်ကာ မြေအောက်လောက ဘုရားကျောင်းသို့ အရင်ဆုံး ဆုတ်ခွာခဲ့ရသည်။</p> <p> </p> <p>"အရှင်စစ်သူကြီး... အရှင့်ရဲ့သက်တော်စောင့်က သွေးထွက်လွန်နေပြီ... ငါတို့က ဘာမှလုပ်မပေးနိုင်ဘူး..."</p> <p> </p> <p>အသက်တစ်ရာကျော်ရှိပြီး တောင်ဝှေးကို အားပြုထားသော ဘုန်းတော်ကြီးအိုသည် သရဲတစ္ဆေစစ်သူကြီးကို ကြည့်ကာ ခေါင်းခါယမ်းလိုက်၏။</p> <p> </p> <p>စစ်ပွဲစတင်ချိန်၌ ဘုရားကျောင်းတစ်ခုလုံးရှိ လူတစ်ဝက်ကျော် ထွက်ပြေးသွားခဲ့ကြသည်။ ဘုန်းတော်ကြီးအိုနှင့်တပည့် နှစ်ဦးသာ အနောက်တွင် ကျန်ရစ်ခဲ့ပေ၏။</p> <p> </p> <p>ဘုန်းတော်ကြီးအိုက ဘုရားကျောင်း ၏ ကာကွယ်ရေးဝင်္ကပါကို အသက်သွင်းလိုက်သည်။ ထိုအချိန်မှသာ ယန်မိသားစု ကျင့်ကြံသူ များ၏ တိုက်ခိုက်မှုကို ပိတ်ဆို့နိုင်ခဲ့ပြီး သူတို့  အသက်ရှူဝရန် အခွင့်အရေးတစ်ခုကို ရရှိစေခဲ့သည်။</p> <p> </p> <p>"ဟူး... ဒါက သူ့ရဲ့ ကံကြမ္မာပဲ..."</p> <p> </p> <p>သရဲတစ္ဆေစစ်သူကြီးသည် ခေါင်းခါယမ်းပြီး နက်ရှိုင်းစွာ သက်ပြင်းချလိုက်၏။</p> <p> </p> <p>ငရဲနယ်မြေတွင် သေဆုံးခြင်းသည် ပြန်လည်ဝင်စားခြင်းအတွက် ငရဲငယ်သို့ ဝင်ရောက်ခြင်းကိုလည်း ဆိုလိုသည်။ ဤသည်မှာ ကောင်းကင်နှင့်မြေပြင်အကြားရှိ ပြန်လည်ဝင်စားခြင်း မဟာတာအို ကို လုပ်ဆောင်နေခြင်းဖြစ်ပြီး ငရဲနယ်မြေမှ လူများသည်လည်း ပြောင်းလဲ၍ မရနိုင်ချေ။</p> <p> </p> <p>"အရှင်... တျန်ဟဲမြို့နဲ့ အဆက်အသွယ် လုံးဝ ပြတ်တောက်သွားပါပြီ..."</p> <p> </p> <p>"အသံပေးပို့တာနဲ့ သတင်းစကားပို့တာတွေအားလုံး ကြားဖြတ်ခံလိုက်ရတယ်... အပြင်ဘက်မှာ ငါတို့ကို ဝန်းရံထားတဲ့ ယန်မိသားစု ကျင့်ကြံသူတွေက လူတစ်သောင်းလောက် ရှိတယ်... သူတို့က ငါတို့ကို ဝန်းရံပြီး သတ်ချင်နေတယ်..."</p> <p> </p> <p>သတင်းဆိုးများသည် တစ်ခုပြီးတစ်ခု အဆက်မပြတ် ရောက်ရှိလာပေ၏။</p> <p> </p> <p>သရဲတစ္ဆေစစ်သူကြီး၏မျက်နှာ အနည်းငယ် ဖြူရော်နေသည်။ သူက ရုတ်တရက် မိန်းကလေးတစ်ဦးကို လှည့်ကြည့်လိုက်သည်။</p> <p> </p> <p>ထိုမိန်းကလေးသည် သွယ်လျပြီး အရပ်မြင့်သည်။ သူမ၏ကျောဘက်တွင် ဓားရှည်တစ်လက်ကို ချိတ်ဆွဲထားပြီး သူမ၏ဆံပင်များကို မြင်းမြှီးပုံစံ ရှည်လျားစွာ စည်းနှောင်ထားကာ အလွန်သူရဲကောင်းဆန်ပြီး တက်ကြွပုံရသည်။</p> <p> </p> <p>သူမသည်လည်း ဒဏ်ရာရထားပြီး ရိုးရှင်းသော ပတ်တီးစည်းခြင်းကိုသာ ပြုလုပ်ထားကာ သူမ၏မျက်နှာသည် အနည်းငယ် ဖြူရော်နေဆဲပင်။</p> <p> </p> <p>သို့သော် ထိုသို့ဖြစ်စေကာမူ သရဲတစ္ဆေစစ်သူကြီးသည် တစ်ဖက်လူ၏အစွမ်းထက်သော စွမ်းအားကို ဝိုးတဝါးအာရုံခံနိုင်ပေ၏။</p> <p> </p> <p>"စီနီယာ... မင်းက ငါတို့ရဲ့ ဘုရင်ကို တကယ်ပဲ ဆက်သွယ်နိုင်မှာလားလို့ မေးလို့ရမလား..."</p> <p> </p> <p>သရဲတစ္ဆေစစ်သူကြီးက စမ်းသပ်မေးမြန်းလိုက်သည်။</p> <p> </p> <p>အစောပိုင်းက ဤမိန်းကလေး ရုတ်တရက်  ထွက်ပေါ်လာပြီး ယန်မိသားစုကျွမ်းကျင်သူများကို မတားဆီးခဲ့ပါက သူတို့အားလုံး အောင်မြင်စွာ ထွက်ပြေးနိုင်ခြင်း မရှိမည်ကို စိုးရိမ်ရသည်။</p> <p> </p> <p> </p> <p style="text-align: center;">***</p>


Save