Book List

<h2 style="text-align: center;">Chapter 5435</h2> <h2 style="text-align: center;">*</h2> <p> </p> <p> </p> <p>မြေအောက်လောက နတ်ဘုရားကျောင်းတွင် ပုန်းအောင်းနေသူများအားလုံးသည် ဤမြင်ကွင်းကို မြင်တွေ့ချိန်၌ ခေါင်းမခါဘဲ သက်ပြင်းမချဘဲ မနေနိုင်ကြချေ။</p> <p> </p> <p>"ဘုန်းတော်ကြီးအို... အခု နတ်ဘုရားတွေကို ဆုတောင်းနေလည်း အလကားပဲ... မြေအောက်လောက နတ်ဘုရားက မရှိတော့တာ ကြာပြီ..."</p> <p> </p> <p>"ဟုတ်တယ်... မြေအောက်လောကနတ်ဘုရား အပေါ် ယုံကြည်မှုစွမ်းအားတွေက ပြိုလဲပျက်စီးသွားပြီ... အခု ငါတို့က ဘယ်လို ရင်ဆိုင်ရမလဲဆိုတာကို စဉ်းစားသင့်တယ်..."</p> <p> </p> <p>လူများအားလုံးသည် သူ့ကို တစ်ယောက်ပြီးတစ်ယောက် အကြံပေးကြပြီး လူအများ၏မျက်နှာပေါ်တွင် စိုးရိမ်ပူပန်သော အမူအယာများကို ပြသနေကြလေပြီ။</p> <p> </p> <p>သူတို့သည် ဘုရားကျောင်းသို့ ယခုလေးတင် ရောက်ရှိလာခြင်းဖြစ်ပြီး ဤနေရာရှိ အခြေအနေကို ရှင်းလင်းစွာ မသိကြချေ။ ယခုအချိန်၌ သူတို့ အားကိုးနိုင်သည်မှာ သူတို့၏ရှေ့ရှိ ဘုန်းတော်ကြီးအိုသာဖြစ်သည်။</p> <p> </p> <p>ဘုန်းတော်ကြီးအို၏ မျက်နှာပေါ်တွင် နောင်တရသော အရိပ်အယောင်တစ်ရပ် ဖြတ်ပြေးသွားပေ၏။</p> <p> </p> <p>"သူတို့အားလုံးက အရင်က ဘုရားကျောင်း ရဲ့ အဖွဲ့ဝင်တွေဖြစ်ပြီးတော့ ကာကွယ်ရေးဝင်္ကပါရဲ့ အားနည်းချက်တွေကို သိကြတယ်... ဒီကာကွယ်ရေးဝင်္ကပါ ကျိုးပျက်သွားဖို့ သိပ်မကြာတော့မှာကို ငါ စိုးရိမ်တယ်..."</p> <p> </p> <p>ဘာ...</p> <p> </p> <p>လူများအားလုံး ထိတ်လန့်သွားကြသည်။</p> <p> </p> <p>ဤနေရာတွင် နေထိုင်စဉ် သူတို့၏ တစ်ခုတည်းသော အားကိုးရာမှာ သူတို့၏ရှေ့ရှိ ခိုင်ခံ့သော ဘုရားကျောင်း ကာကွယ်ရေးမဟာဝင်္ကပါကြီးပင်။</p> <p> </p> <p>ဤကာကွယ်ရေးဝင်္ကပါ ကျိုးပျက်သွားသည်နှင့်တစ်ပြိုင်နက် လူအများသည် သွေးအဆိပ် ဘုရင်၏ ကြောက်စရာကောင်းသော နည်းလမ်းတချို့ကို တွေးတောမိချိန်၌ ရုတ်တရက် ကျောချမ်းသွားသည်ကို ခံစားလိုက်ရသည်။</p> <p> </p> <p>"ငါတို့... အညံ့ခံရင်ရော..."</p> <p> </p> <p>တစ်စုံတစ်ယောက်က အကြံပြုလိုက်၏။</p> <p> </p> <p>ဤစကားများ ထွက်ပေါ်လာသည်နှင့်တပြိုင်နက် ကျင့်ကြံသူအမြောက်အများ၏ မျက်လုံးများ အနည်းငယ် တောက်ပသွားသည်။</p> <p> </p> <p>ငရဲနယ်မြေသည် ကောင်းကင်ဘုံနယ်မြေမှ  ကျင့်ကြံခြင်းအင်ပါယာများနှင့် မတူညီချေ။ ဤနေရာတွင် သစ္စာရှိမှုဆိုသည်မှာ ရှားပါးလှပြီး သစ္စာဖောက်မှုသည် သာမန်ကိစ္စပင်။</p> <p> </p> <p>သူတို့သည် စတုတ္ထနယ်မြေတွင် တပ်စွဲထားသော ကျင့်ကြံသူများ ဖြစ်သော်လည်း ယန်မိသားစုသည် ယခုအချိန်၌ ရက်စက်ကြမ်းတမ်းစွာ ရောက်ရှိလာပြီး အထွတ်အထိပ် အခြေအနေတွင် ရှိနေပေ၏။ သူတို့သည် သူတို့၏အသက်ကို ကယ်တင်ရန်အတွက် ဘက်ကူးပြောင်းနိုင်သည်။</p> <p> </p> <p>ဝှစ်...</p> <p> </p> <p>ထိုကျင့်ကြံသူ စကားပြောဆိုပြီးသော အချိန်မှာပင် အေးစက်စက်အလင်းတန်းတစ်တန်း ဖြတ်ပြေးသွားပြီး သူ၏ခေါင်းကို ချက်ချင်းဖြတ်တောက်လိုက်သည်။</p> <p> </p> <p>သွေးများ နေရာအနှံ့အပြားသို့ ဖြာကျသွားပေ၏။ ပတ်ဝန်းကျင်ရှိ လူများသည် အလျှင်အမြန် ရှောင်တိမ်းသွားကြပြီး သူတို့၏မျက်လုံးများတွင် ထိတ်လန့်မှုများဖြင့် ပြည့်နှက်နေသည်။</p> <p> </p> <p>"အညံ့ခံဖို့အကြောင်း ထပ်ပြောတဲ့သူတိုင်း ကွပ်မျက်ခံရမယ်..."</p> <p> </p> <p>သရဲတစ္ဆေစစ်သူကြီးက အသံနက်ကြီးဖြင့် အော်ငေါက်လိုက်သည်။</p> <p> </p> <p>ဤသရဲတစ္ဆေစစ်သူကြီးသည် ဤနေရာ၏ အစောင့်အရှောက်ပင်။</p> <p> </p> <p>သူ၏ ကာလကြာရှည် တည်ရှိနေသော အခွင့်အာဏာက သရဲတစ္ဆေစစ်သူကြီးကို ဤနေရာ၏ကျောရိုး ဖြစ်လာစေခဲ့သည်။ သူ စကားပြောလိုက်သည်နှင့်အမျှ တခြားသူများသည် မည်သည့်စကားကိုမျှ ထပ်မပြောရဲကြတော့ချေ။</p> <p> </p> <p>သရဲတစ္ဆေစစ်သူကြီးက တည်ကြည်လေးနက်သောအသံဖြင့် ပြောဆိုလိုက်သည်။</p> <p> </p> <p>"တပ်ဖြန့်ကြစမ်း... ကာကွယ်ရေးဝင်္ကပါ ကျိုးပျက်သွားရင်တောင်မှ ငါတို့က ခဏလောက် ကာကွယ်နိုင်သေးတယ်... ဘုရင်ဆီက စစ်ကူတွေ ရောက်လာတဲ့အထိ ငါတို့ တောင့်ခံထားရမယ်..."</p> <p> </p> <p>မကြာမီတွင် သူတို့သည် တိုက်ပွဲဝင်ဝင်္ကပါတစ်ခုကို ဖွဲ့စည်းလိုက်ကြ၏။</p> <p> </p> <p>ရာနှင့်ချီသော လူများသည် သူတို့၏ သက်ဆိုင်ရာ မှော်လက်နက်များကို ဆင့်ခေါ်ကာ တံခါးဆီသို့ စိုးရိမ်ပူပန်တကြီး စူးစိုက်၍ ကြည့်နေကြသည်။</p> <p> </p> <p>ရုတ်တရက် ဘုန်းတော်ကြီးအို၏ ခန္ဓာကိုယ် တုန်ရီသွားပြီး သူက အော်ဟစ်လိုက်သည်။</p> <p> </p> <p>"မကောင်းတော့ဘူး... သူတို့က ပင်မတံခါးရဲ့ဘေးက ဝင်္ကပါကို ဖျက်ဆီးနေတာ မဟုတ်ဘူး..."</p> <p> </p> <p>လူတိုင်း မတုံ့ပြန်နိုင်မီ ဘုရားကျောင်း၏နံဘေးရှိ ပြတင်းပေါက်တစ်ခု ရုတ်တရက် အက်ကွဲသွားသည်။</p> <p> </p> <p>ကျိုးပဲ့သွားသော ပြတင်းပေါက်မှ မရေမတွက်နိုင်သော အစအနများသည် နေရာအနှံ့အပြားသို့ ဖြာကျသွားပြီး ထိုအရာ၏နောက်တွင် ရက်စက်ကြမ်းတမ်းသော ပုံရိပ်တစ်ခုက သွေးမြစ်တစ်ခုကိုနင်းကာ လိုက်ပါလာသည်။</p> <p> </p> <p>အချိန်တခဏအတွင်းတွင် ကျယ်ဝန်းသော ဘုရားကျောင်းသည် ပြင်းထန်သော သွေးညှီနံ့များဖြင့် ပြည့်နှက်သွားပြီး သရဲတစ္ဆေများ ငိုကြွေးပြီး ဝံပုလွေများ ဟိန်းဟောက်နေသည့်အလား စူးရှသောအသံများနှင့်အတူ လူအများ၏ စိတ်နှလုံးသားကို အေးခဲတောင့်တင်းသွားစေသည်။</p> <p> </p> <p>သွေးအဆိပ်ဘုရင်...</p> <p> </p> <p>သူသည် ပင်မတံခါးကို တိုက်ခိုက်ရန် ဝင်္ကပါ တစ်ခုကိုစီစဉ်ကာ အရှေ့သို့ လှည့်စားခြင်းကို အမှန်တကယ် အသုံးပြုခဲ့ပြီး အမှန်အားဖြင့် သူသည် ပြတင်းပေါက်၏နံဘေးရှိ ဝင်္ကပါကို ဖျက်ဆီးနေခြင်းပင်။</p> <p> </p> <p>ထူထပ်သိပ်သည်းသော သွေးမြူများထဲတွင် ဖုံးကွယ်နေသည့် ထိုကြမ်းတမ်းသော ပုံရိပ်သည် ကောင်းကင်ဘုံမှ ဆင်းသက်လာသော နတ်ဆိုးနတ်ဘုရား တစ်ပါးကဲ့သို့ ကြောက်မက်ဖွယ်ကောင်းလှသည်။</p> <p> </p> <p>"ငါ အညံ့ခံတယ်... ငါ အညံ့ခံတယ်..."</p> <p> </p> <p>လူအများသည် အလွန်အမင်း ထိတ်လန့်သွားကြ၏။</p> <p> </p> <p>သို့သော် သူတို့ကို တုံ့ပြန်လိုက်သည်မှာ သွေးအဆိပ်ဘုရင်၏ ရက်စက်ကြမ်းတမ်းသော လက်သီးချက်ပင်။</p> <p> </p> <p>ဘုန်း...</p> <p> </p> <p>ထိုလက်သီးတစ်ချက်တည်းဖြင့် ဆယ်နှင့်ချီသောလူများသည် ချက်ချင်းလွင့်ထွက်သွားပြီး သွေးများအန်ထုတ်လိုက်ရသည်။ သူတို့၏ အရိုးများအားလုံး ကြေမွှပျက်စီးသွားပြီး သူတို့၏ ခန္ဓာကိုယ်တလျှောက်လုံးရှိ အရွတ်များနှင့် ကြွက်သားများပင် အက်ကွဲသွားပေ၏။</p> <p> </p> <p>သွေးအဆိပ်ဘုရင်သည် ဤလူများကို အသက်ရှင်ခွင့်ပေးရန် ရည်ရွယ်ချက် မရှိချေ။ သူ ဝင်လာသည်နှင့်တစ်ပြိုင်နက် သူတို့ကို သတ်ရန် ရည်ရွယ်ထားခြင်းဖြစ်သည်။</p> <p> </p> <p>"ရပ်စမ်း..."</p> <p> </p> <p>သရဲတစ္ဆေစစ်သူကြီး၏ မျက်လုံးများသည် ဒေါသကြောင့် ကွဲထွက်လုမတတ် ဖြစ်သွားပြီး သူက ရုန့်ရင်းကြမ်းတမ်းစွာ တိုက်ခိုက်လိုက်သည်။</p> <p> </p> <p>သူ၏ခါးရှိ ဓားရှည်ကို ဓားအိမ်မှထုတ်ပြီး ခုတ်ပိုင်းလိုက်ရာ အေးစက်သော ဓားချီအလင်းတန်းတစ်ခုက နောက်မှကပ်ပါလာပေ၏။</p> <p> </p> <p>သို့သော် ထက်ရှသောဓားချီသည် သွေးအဆိပ် ဘုရင်၏ရှေ့တွင် အသက်ရှူကြိမ် အနည်းငယ်မျှသာ တောင့်ခံနိုင်ခဲ့သည်။ ထို့နောက် သွေးအဆိပ် ဘုရင်သည် လေတစ်ချက် မှုတ်ထုတ်ကာ ဓားချီများအားလုံးကို ခြေမွှဖျက်ဆီးလိုက်သည်။</p> <p> </p> <p>ထို့နောက် သွေးရောင်ပုံရိပ်တစ်ခု ကျဆင်းလာပြီး သွေးအဆိပ်ဘုရင်သည် သရဲတစ္ဆေစစ်သူကြီးကို ရုတ်တရက် တိုက်ခိုက်လိုက်၏။</p> <p> </p> <p> </p> <p style="text-align: center;">***</p>


Save